EUR-Lex Access to European Union law
This document is an excerpt from the EUR-Lex website
Document 32001D0423
2001/423/EC: Commission Decision of 22 May 2001 on arrangements for publication or dissemination of the statistical data collected pursuant to Council Directive 95/64/EC on statistical returns in respect of carriage of goods and passengers by sea (Text with EEA relevance) (notified under document number C(2001) 1456)
Id-Deċiżjoni tal-Kummissjoni tat-22 ta' Mejju 2001 dwar l-arranġamenti għall-pubblikazzjoni jew tixrid ta' fatti statistiċi miġbura skond id-Direttiva tal-Kunsill 95/64/KE dwar prospetti statistiċi inkonnessjoni mat-trasport ta' merkanzija u passiġġieri bil-baħar (innotifikata taħt id-dokument numru C(2001) 1456)Test b'relevanza għaż-ŻEE.
Id-Deċiżjoni tal-Kummissjoni tat-22 ta' Mejju 2001 dwar l-arranġamenti għall-pubblikazzjoni jew tixrid ta' fatti statistiċi miġbura skond id-Direttiva tal-Kunsill 95/64/KE dwar prospetti statistiċi inkonnessjoni mat-trasport ta' merkanzija u passiġġieri bil-baħar (innotifikata taħt id-dokument numru C(2001) 1456)Test b'relevanza għaż-ŻEE.
OJ L 151, 7.6.2001, p. 41–41
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 07 Volume 005 P. 450 - 450
Special edition in Estonian: Chapter 07 Volume 005 P. 450 - 450
Special edition in Latvian: Chapter 07 Volume 005 P. 450 - 450
Special edition in Lithuanian: Chapter 07 Volume 005 P. 450 - 450
Special edition in Hungarian Chapter 07 Volume 005 P. 450 - 450
Special edition in Maltese: Chapter 07 Volume 005 P. 450 - 450
Special edition in Polish: Chapter 07 Volume 005 P. 450 - 450
Special edition in Slovak: Chapter 07 Volume 005 P. 450 - 450
Special edition in Slovene: Chapter 07 Volume 005 P. 450 - 450
Special edition in Bulgarian: Chapter 07 Volume 008 P. 87 - 87
Special edition in Romanian: Chapter 07 Volume 008 P. 87 - 87
Special edition in Croatian: Chapter 07 Volume 019 P. 35 - 35
In force
Official Journal L 151 , 07/06/2001 P. 0041 - 0041
Id-Deċiżjoni tal-Kummissjoni tat-22 ta' Mejju 2001 dwar l-arranġamenti għall-pubblikazzjoni jew tixrid ta' fatti statistiċi miġbura skond id-Direttiva tal-Kunsill 95/64/KE dwar prospetti statistiċi inkonnessjoni mat-trasport ta' merkanzija u passiġġieri bil-baħar (innotifikata taħt id-dokument numru C(2001) 1456) (Test b'relevanza għaż-ŻEE) (2001/423/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jwaqqaf il-Komunità Ewropea, Wara li kkunsidrat id-Direttiva tal-Kunsill 95/64/KE tat-8 ta' Diċembru 1995 dwar il-prospetti statistiċi inkonnessjoni mat-trasport ta' merkanzija u passiġġieri bil-baħar [1], kif emendata l-aħħar bid-Deċiżjoni tal-Kummissjoni 2000/363/KE [2], u b'mod partikulari l-Artikoli 9 u 12 tagħha, Billi: (1) Skond l-Artikolu 9 tad-Direttiva 95/64/KE, il-Kummissjoni għandha xxerred fatti statistiċi xierqa b'perjodiċità li tista' titqabbel ma' dik tar-riżultati mibgħuta. (2) It-tixrid ta' fatti magħrufa (data) għandu jieħu inkonsiderazzjoni d-dispożizzjonijiet dwar il-kunfidenzjalità statistika skond kif stabbiliti bir-Regolament tal-Kunsill (KEE, Euratom) Nru 1588/90 [3] u bir-Regolament (KE) Nru 322/97 [4]. (3) Il-miżuri imsemmija f'din id-Deċiżjoni jaqblu ma' l-opinjoni tal-Kumitat tal-Programm Statistiku mwaqqaf bid-Deċiżjoni tal-Kunsill Nru 89/382/KEE, Euratom [5], ADOTTAT DIN ID-DEĊIŻJONI: L-Artikolu 1 Mira L-għan tad-Deċiżjoni preżenti huwa li jistabbilixxi l-arranġamenti għall-pubblikazzjoni jew tixrid mill-Kummissjoni ta' fatti magħrufa miġbura skond id-Direttiva 95/64/KE fil-qafas tal-politika ġenerali tagħha għat-tixrid fil-qasam ta' l-istatistiki. L-Artikolu 2 Perjodiċità Il-perjodiċità tal-pubblikazzjoni jew tixrid għandu jkun jista' jitqabbel ma' dik tar-riżultati mibgħuta. Fatti magħrufa ta' kull tliet xhur għandhom jixxerrdu jew jiġu ppubblikati fi żmien ħames xhur minn meta l-fatti magħrufa jaslu mingħand l-Istati Membri. Fatti magħrufa ta' kull sena għandhom jixxerrdu jew jiġu ppubblikati fi żmien tmien xhur minn meta l-fatti magħrufa jaslu mingħand l-Istati Membri. L-Artikolu 3 Kunfidenzjalità It-tixrid jew il-pubblikazzjoni ta' fatti statistiċi miġbura skond id-Direttiva 95/64/KE għandhom jikkonformaw mad-dispożizzjonijiet stabbiliti fir-Regolament (KEE, Euratom) Nru 1588/90 u r-Regolament (KE) Nru 322/97. L-Artikolu 4 Livell tad-dettall tal-fatti magħrufa mxerrda Sakemm il-Kummissjoni tadotta xi deċiżjoni oħra skond il-proċedura imsemmija fl-Artikolu 13 tad-Direttiva 95/64/KE, l-ogħla livell ta' dettall li bih il-fatti magħrufa jistgħu jiġu ppubblikati jew imxerrda huwa l-livell tal-port għall- jew mill-wesgħa kostali marittima. Iżda l-Kummissjoni tista' tippubblika livell aktar magħqud jekk il-kwalità u/jew il-kompletezza ta' l-informazzjoni m'humiex xierqa f'dettall ta' din ix-xorta. L-Artikolu 5 Din id-Deċiżjoni hija indirizzata lill-Istati Membri. Magħmula fi Brussel, fit-22 ta' Mejju 2001. Għall-Kummissjoni Pedro Solbes Mira Membru tal-Kummissjoni [1] ĠU L 320, tat-30.12.1995, p. 25. [2] ĠU L 132, tal-5.6.2000, p. 1. [3] ĠU L 151, tal-15.6.1990, p. 1. [4] ĠU L 52, tat-22.2.1997, p. 1. [5] ĠU L 181, tat-8.6.1989, p. 47. --------------------------------------------------