EUR-Lex Access to European Union law
This document is an excerpt from the EUR-Lex website
Document 31999R0464
Commission Regulation (EC) No 464/1999 of 3 March 1999 laying down detailed rules for the application of Council Regulation (EC) No 2201/96 as regards aid arrangements for prunes
Ir-Regolament tal-Kummissjoni (KEE) Nru 464/1999 tat-3 ta’ Marzu 1999 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2201/96 fir-rigward ta’ arranġamenti ta’ l-għajnuna għall-pruna
Ir-Regolament tal-Kummissjoni (KEE) Nru 464/1999 tat-3 ta’ Marzu 1999 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2201/96 fir-rigward ta’ arranġamenti ta’ l-għajnuna għall-pruna
OJ L 56, 4.3.1999, p. 8–14
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 03 Volume 024 P. 408 - 414
Special edition in Estonian: Chapter 03 Volume 024 P. 408 - 414
Special edition in Latvian: Chapter 03 Volume 024 P. 408 - 414
Special edition in Lithuanian: Chapter 03 Volume 024 P. 408 - 414
Special edition in Hungarian Chapter 03 Volume 024 P. 408 - 414
Special edition in Maltese: Chapter 03 Volume 024 P. 408 - 414
Special edition in Polish: Chapter 03 Volume 024 P. 408 - 414
Special edition in Slovak: Chapter 03 Volume 024 P. 408 - 414
Special edition in Slovene: Chapter 03 Volume 024 P. 408 - 414
Special edition in Bulgarian: Chapter 03 Volume 026 P. 253 - 259
Special edition in Romanian: Chapter 03 Volume 026 P. 253 - 259
Special edition in Croatian: Chapter 03 Volume 026 P. 58 - 64
In force: This act has been changed. Current consolidated version: 20/12/2003
Official Journal L 056 , 04/03/1999 P. 0008 - 0014
Ir-Regolament tal-Kummissjoni (KEE) Nru 464/1999 tat-3 ta’ Marzu 1999 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2201/96 fir-rigward ta’ arranġamenti ta’ l-għajnuna għall-pruna IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 2201/96 tat-28 ta’ Ottubru 1996 dwar l-organizzazzjoni komuni tas-suq fil-prodotti pproċessati mill-frott u l-ħxejjex [1], kif l-aħħar emendat bir-Regolament (KEE) Nru 2199/97 [2], u b’mod partikolari l-Artikoli 3(3) u 4 (9) tiegħu Billi t-Titolu I tar-Regolament (KE) Nru 2201/96 jintroduċi sistema ta’ għajnuna ta’ produzzjoni għal ċerti prodotti pproċessati mill-frott u l-ħxejjex; billi r-Regolament tal-Kummissjoni (KEE) Nru 504/97 tad-19 ta’ Marzu 1997 li jipprovdi regoli dettaljati għall-applikazzjoni tar-Regolament tal-Kunsill (KE) Nru 2201/96 fir-rigward tas-sistema ta’ għajnuna ta’ produzzjoni għall-prodotti pproċessati mill-frott u l-ħxejjex [3], kif l-aħħar emendat bir-Regolament (KE) Nru 1590/98 [4], jipprovdi regoli ġenerali applikabbli għal dik is-sistema; billi ċerti regoli dettaljati għandhom ikunu stabbiliti speċifikament għall-pruni, mingħajr preġudizzju għad-disposizzjonijiet l-oħra tar-Regolament (KE) Nru 504/97; Billi l-frott jista’ jkun ta’ kwalità li tvarja; billi l-prezz minimu u l-għajnuna tal-produzzjoni għandhom ikunu ffissati għall-klassi speċifika ta’ tqegħid fis-suq, l-ammonti applikabbli għall-klassijiet l-oħra għandhom joħorġu minn dik il-klassi u dawk il-klassijiet għandhom ikunu definiti waqt li jingħata kont, għall-ammonti hekk maħruġa, għall-karatteristiċi tal-klassijiet differenti; Billi l-għan tal-ħtiġiet minimi ta’ kwalità li hemm referenza dwarhom fl-Artikolu 4(4)(b) tar-Regolament (KE) Nru 2201/96 huwa li tiġi evitata l-produzzjoni ta’ prodotti li ma teżisti l-ebda domanda għalihom jew prodotti li joħolqu tgħawwiġ tas-suq; billi dawk il-ħtiġiet għandhom ikunu bbażati fuq proċeduri ta’ manifattura tradizzjonali u ġusti; billi, biex ikun assigurat it-tħaris ta’ dawn id-disposizzjonijiet, il-karatteristiċi minimi meħtieġa ta’ għanbaqar imqadda mixtrija għall-ipproċessar u pruni li jikkwalifikaw għall-għajnuna għandhom jiġu definiti; Billi dan ir-Regolament jinkorpora disposizzjonijiet speċifiċi għall-pruna fl-Artikolu 3 tar-Regolament tal-Kummissjoni (KEE) Nru 1709/84 tad-19 ta’ Ġunju 1984 dwar il-prezzijiet minimi mħallsa lill-produtturi u l-ammonti ta’ għajnuna tal-produzzjoni għal ċerti frott u ħxejjex ipproċessati eliġibbli għall-għajnuna tal-produzzjoni [5], kif l-aħħar emendat bir-Regolament (KE) Nru 1591/98 [6], u r-Regolament tal-Kummissjoni (KEE) Nru 2022/85 tat-22 ta’ Lulju 1985 dwar il-ħtiġiet minimi ta’ kwalità għall-għanbaqar imqadded u pruna eliġibbli għall-għajnuna tal-produzzjoni [7], l-aġġornar ta’ dawk id-disposizzjonijiet b’konformità ma’ l-iżviluppi legali, tekniċi u ekonomiċi u l-esperjenza miksuba; billi, għalhekk, ir-Regolament (KEE) Nru 2022/85 u l-Artikolu 3 ta’ u l-Anness IV tar-Regolament (KE) Nru 1709/84 għandhom jiġu mħassra; Billi meta prodotti jitkabbru fi Stat Membru wieħed u jiġu pproċessati f’ieħor l-awtoritajiet ta’ l-Istat Membru fejn il-prodotti jkunu mkabbra għandu jipprovdi xhieda tal-ħlas tal-prezz minimu lill-Istat Membru li jħallas l-għajnuna; Billi l-prezz minimu u l-għajnuna huma ffissati għall-prodotti mqadda fi stadju speċifiku fil-proċess tradizzjonali ta’ l-ipproċessar; billi għandha tingħata attenzjoni biex jiġi assigurat li l-pruna li tkun irċeviet l-għajnuna tkun attwalment ipproċessata fi prodotti mlestija biex jiġu offruti għall-konsum uman; billi, minħabba l-iżviluppi reċenti ta’ pruna semi-mqadda u l-potenzjal ekonomiku konsiderevoli tagħha, dawk il-prodotti li ma jgħaddux minn dak it-tnixxif bħala parti mill-ipproċessar tagħhom m’għandhomx għal dik ir-raġuni jiġu mċaħħda mid-dritt għall-għajnuna; Billi l-miżuri li hemm provvediment dwarhom f’dan ir-Regolament huma bi qbil ma’ l-opinjoni tal-Kumitat ta’ Ġestjoni tal-Frott u l-Ħxejjex, ADOTTAT DAN IR-REGOLAMENT: Artikolu 1 Għall-iskopijiet ta’ dan ir-Regolament: (a) "prunes d’Ente’ tfisser għanbaqar frisk tal-varjetà prunes d’Ente li mmatura fiżjoloġikament, u ta’ l-ispeċi Prunus domestica L." (b) "għanbaqar imqadded’ tfisser prodotti miksuba bit-tneħħija ta’ l-ilma mill-prunes d’Ente;" (ċ) "pruna niexfa’ tfisser pruna miksuba minn għanbaqar imqadded b’kontenut massimu ta’ ilma ta’ 23 %;" (d) "pruna semi-niexfa’ tfisser pruna miksuba bit-tneħħija ta’ l-ilma mill-prunes d’Ente sakemm il-kontenut ta’ l-ilma ta’ 30 sa 35 % jintlaħaq, mingħajr ebda proċess ta’ żieda ta’ ilma;" (e) "lott’ tfisser numru ta’ kontenituri preżentati flimkien minn produttur jew grupp ta’ produtturi li għandhom dak l-għarfien għall-aċċettazzjoni minn proċessatur." Artikolu 2 Biex tikkwalifika għall-ħlas ta’ l-għajnuna li hemm referenza dwarha fl-Artikolu 2 tar-Regolament (KE) Nru 2201/96, il-pruna għandha tkun konformi mal-karatteristiċi stabbiliti fl-Anness I(B) u tkun inkisbet minn għanbaqar imqadded li jkun konformi mal-karatteristiċi stabbiliti fl-Anness I(A) li għaliha l-prezz minimu jkun tħallas kollu. Artikolu 3 1. Il-prezz minimu li għandu jitħallas lill-produtturi għall-għanbaqar imqadded u l-għajnuna tal-produzzjoni għall-pruna għandhom ikunu ffissati kull 100 kilogramma netta għall-prodotti b’kontenut massimu ta’ l-ilma ta’ 23 % fil-kategorija tad-daqs li tikkorrispondi ma’ 66 frotta kull 500 g. Għall-kategorijiet tad-daqs l-ieħor il-prezz minimu u l-għajnuna għandhom jiġu mmoltiplikati b’wieħed mill-koeffiċjenti elenkati fl-Anness II. 2. Għall-iskop ta’ l-applikazzjoni tal-prezz minimu u ta’ l-għajnuna tal-produzzjoni għall-pruna semi-niexfa, id-daqs u l-piż għandhom jittieħdu bħala d-daqs u l-piż ekwivalenti għall-għanbaqar imqadded u pruna niexfa, bid-daqs jiġi mmoltiplikat b’1,18461 u l-piż b’ 0,84416. Artikolu 4 Meta l-ipproċessar isir barra mill-Istat Membru li fih ikun tkabbar il-prodott, dak l-Istat Membru għandu jagħti xhieda lill-Istat Membru li jħallas l-għajnuna tal-produzzjoni li l-prezz minimu li għandu jitħallas lill-produttur ikun tħallas. Artikolu 5 1. Il-verifika tal-ħtiġiet tal-kwalità għall-pruna niexfa għandha titwettaq fuq il-bażi ta’ kampjuni meħuda mill-proċessatur minn lott, qabel l-għażla skond il-qisienu bi qbil mal-produttur. Il-kampjuni għandhom jiġu eżaminati kemm mill-proċessatur u wkoll mill-produttur u r-riżultati tal-verifika għandhom jiġu rekordjati. 2. Għall-pruna matul il-perjodu ta’ l-ipproċessar il-proċessatur għandu jivverifika billi jieħu kampjun ta’ kull lott li l-prodoti jilħqu l-ħtiġiet tal-kwalifika għall-għajnuna. Ir-riżultati tal-verifika għandhom jiġu rekordjati Il-piż minimu nett ta’ kull kampjun eżaminiat għandu jkun ta’ 1 kg. Artikolu 6 L-Istati Membru għandhom jieħdu l-passi neċessarji biex jissodisfaw lilhom infushom, b’mod partikolari billi jivverifikaw ir-rekords tal-ħażna, li l-pruna li tkun irċeviet l-għajnuna tkun sussegwentement ipproċessata fil-prodotti kif hemm referenza dwaru fl-Artikolu 1(2)(c) tar-Regolament (KE) Nru 504/97. Artikolu 7 L-Artikolu 3 ta’ u l-Anness IV tar-Regolament (KE) Nru 1709/84 u r-Regolament (KEE) Nru 2022/85 huma b’dan imħassra. Artikolu 8 Dan ir-Regolament għandu jkun japplika mis-sena tas-suq 1999/2000. Dan ir-Regolament għandu jkun jorbot fl-intier tiegħu u japplika direttament fl-Istati Membri kollha. Magħmul fi Brussel, fit-3 ta’ Marzu 1999. Għall-Kummissjoni Franz Fischler Membru tal-Kummissjoni [1] ĠU L 297, 21.11.1996, p. 29. [2] ĠU L 303, 6.11.1997, p. 1. [3] ĠU L 78, 20.3.1997, p. 14. [4] ĠU L 208, 24.7.1998, p. 11. [5] ĠU L 162, 20.6.1984, p. 8. [6] ĠU L 208, 24.7.1998, p. 14. [7] ĠU L 191, 23.7.1985, p. 31. -------------------------------------------------- ANNESS I Parti A. Ħtiġiet minimi ta’ kwalità għall-għanbaqar imqadded I. KARATTERISTIĊI MINIMI 1. L-għanbaqar imqadded għandu jkun ta’ kwalità tajba u ta’ kondizzjoni ġusta biex jitqiegħed għall-kummerċ u tajjeb għall-ipproċessar. 2. Għanbaqar imqadded għandu jkollu kontenut massimu ta’ l-ilma ta’ 23 %, apparti milli għall-frott intiż għall-produzzjoni ta’ pruna semi-niexfa, li għandu jkun fih kontenut ta’ l-ilma bejn 30 u 35 %. 3. L-għanbaqar imqadded għandu jkun ta’ daqs li jikkorrispondi għall-anqas minn 105 għanbaqra kull 500 g, apparti milli għall-produzzjoni ta’ pruna semi-niexfa li d-daqs tagħha għandu jikkorrispondi għall-anqas minn 81 għanbaqra kull 500 g. 4. Il-frott għandu jkun: (a) imnixxef sewwa, tajjeb, jiġifieri, ħieles mill-moffa, tħassir, insetti, sew jekk ħajjin jew mejtin, u l-ħmieġ ta’ l-insetti; (b) imlaħħam, nadif u ħieles mill-ħmieġ; (ċ) ħieles minn irwejjaħ u minn togħmiet barranin; (d) prattikament ħieles minn difetti u ħala. II. TOLLERANZI It-tolleranzi li ġejjin huma permissibbli 1. Għanbaqar imqadded għall-użu industrijali: (a) 0,3 % skond il-piż ta’ ħala (b) 100 % tal-frott b’difetti żgħar u/jew serji (ċ) 10 % skond il-piż tal-frott b’difetti serji ħafna (d) 5 % tal-frott ta’ daqs li jikkorrispondi ma’ 105 għanbaqra jew aktar kull 500 g 2. Għanbaqar imqadded ieħor (a) 0,2 % skond il-piż ta’ ħala (b) 0,5 % skond il-piż tal-frott b’difetti serji ħafna (ċ) 7,5 % skond il-piż tal-frott b’difetti serji jew serji ħafna (d) 15 % skond il-piż tal-frott b’difetti III. DIFETTI Id-difetti jaqgħu fi tliet kategoriji: - difetti żgħar, li huma difetti żgħar tal-qoxra, - difetti serji, li huma prinċipalment difetti serji tal-qoxra, - difetti serji ħafna, li huma prinċipalment difetti fejn il-polpa tkun saritilha ħsara, Id-definizzjonijiet li ġejjin għandhom japplikaw: 1. Difetti żgħar (a) Qsim jew xquq terminali Xquq fil-qoxra aktar minn 10 mm iżda mhux aktar minn 15 mm fit-tul fit-tarf oppost għall-kavità taz-zokk. (b) Toqob żgħar fil-qoxra Qoxra mqatta’, bil-ħsara jew nieqsa, jew matul wiċċ egwali għal jew anqas minn 7 mm tul u aktar minn 3 mm wisa’ bil-polpa mhux ħierġa mit-tiċrita jew matul wiċċ aktar minn 7 mm twil iżda anqas minn 3 mm wisa’ bil-polpa tibqa’ tidher. (ċ) Tiċrit minħabba s-silġ, tal-wiċċ miġmugħ li flimkien jeċċedu d-dijametru ta’ 3 mm Tbajja’ kkawżati mis-silġ tal-wiċċ miġmugħ li flimkien ma jeċċedux dijametru ta’ 10 mm. (d) Irqajja griżi, mil-lewn is-sadid jew skorċa, tal-wiċċ miġmugħ li flimkien jeċċedu d-dijametru ta’ 6 mm Dan id-diffett jikkonsisti fi twebbis tal-qoxra, li jikkawża rqajja’ ta’ diversi forom tal-wiċċ li flimkien ma jeċċedux dijametru ta’ 20 mm. 2. Difetti serji (a) Difett ta’ konsistenza Dan l-effett huwa normalment dovut għall-maturità insuffiċjenti, li tirriżulta f’kulur difettuż bil-polpa ratba bil-qoxra kkaratterizzata b’diversi tikmix baxx. (b) Qsim minħabba tfaqqiegħ Qsim mhux terminali dovut minħabba t-tfaqqiegħ tal-frott, segwit bil-fejqan mil-polpa li tisbroffa li tibbies iżżejjed, f’tul li jeċċedi l-10 mm. (ċ) Qsim terminali Qsim fil-quċċata li jeċċedi t-tul ta’ 15 mm. (d) Toqob Tiċrit, ħsara jew qoxra nieqsa fil-wiċċ akbar minn dik indikata fil-klassifikazzjoni ndikata bħala difett żgħir. (e) Frott parzjalment mgħaffeġ Frott parzjalment mgħaffeġ, partijiet tal-frott jew frott serjament bla forma bil-polpa tidher. (f) Tiċrit dovut għas-silġ Tiċrit dovut għas-silġ, b’marki matul il-wiċċ li flimkien jeċċedu d-dijametru ta’ 10 mm. (g) Irqajja’ griżi, mil-lewn is-sadid u qxur Irqajja’ ħoxnin iebsin matul il-wiċċ li flimkien jeċċedu d-dijametru ta’ 20 mm. (h) Xquq Xquq ta’ aktar minn 15 mm fit-tul fin-naħa opposta taz-zokk jew xquq fondi li jikxfu l-għadma. (i) Diformazzjoni minħabba tixwit tax-xemx Diformazzjoni serji dovuti minħabba tixwit tax-xemx li prattikament jirriżultaw f’nuqqas ta’ polpa f’parti ta’ naħa waħda tal-frott, bil-qoxra mwaħħla bla tikmix ma’ l-għadma. 3. Difetti serji ħafna (a) Frott karamelizzat Frott karamelizzat bi sħana żejda, li juri kulur oskur tal-polpa jew ħofor bejn il-qoxra u l-polpa. (b) Frott attakkat mill-monilja Frott b’irqajja’ ċari kkawżati minn attakk tal-monilja, imwaqqaf bit-tnixxif, bil-ħsara fil-qoxra (ċ) Frott maħmuġ Frott imħammeġ bil-preżenza ta’ materja barranija (speċjalment ħamrija) li jista’ jitneħħa. (d) Frott mgħaffeġ għal kollox Frott mgħaffeġ għal kollox jew partijiet tal-frott 4. Skart L-espressjoni "skart" hija użata biex tfisser kull materjal li ma jistax, minħabba n-natura jew il-kondizzjoni tiegħu, jiġi offrut għall-konsum uman jew li, jekk jibqa’ mħallat mal-frott l-ieħor ikun x’ikun l-użu finali tiegħu, jista’: - inaqqas il-kwalitajiet tiegħu li jżomm fit-tul, - ikerraħ id-dehra tiegħu, - jittrasmetti togħma mhix aċċettabbli, jew riħa jew difetti oħra fih. Dawn li ġejjin huma meqjusa bħala "skart": (a) frott li jkollu moffa attiva Frott li jkollu moffa li tkun qiegħda tinxtered (b) Frott moniljatat u mmummifikat Frott individwali jew frott kompattat jew imwaħħal flimkien, bil-polpa tkun distrutta jew immummifikata bl-iżvilupp sħiħ tal-monilja. (ċ) Frott imħassar Frott li mhux tajjeb għall-ikel minħabba li huwa mħassar jew distrutt b’mikro-organiżmi (ħmira, moffa batterja). (d) Frott infestat bl-insetti jew dud Frott infettat b’perti ma’ dud ħajjin jew mejta (insetti u dud f’kull stadju taċ-ċiklu bijoloġiku tagħhom) jew bi ħmieġ ta’ l-insetti. (e) Frott miksi bil-ħamrija jew kostitwenti oħra tal-ħamrija (f) Frott maħruq Frott maħruq bis-sħana żejda, li jikxef ħofor bejn il-polpa u l-għadma, jew tinfieħ karatteristiku li jagħti l-forma ta’ għanbaqar frisk. (g) Materjal barrani Partijiet individwali tal-frotta li mhux tajbin għall-ikel, għadam jew bċejjeċ tal-qoxra jew bċejjeċ jew materjal barrani bħal ma huma weraq, zkuk u xi materjal ieħor tal-pjanti, kostitwenti tal-ħamrija bħal ma hija l-ħamrija jew il-ġebel. Parti B: Ħtiġiet minimi ta’ kwalità għall-pruna I. KARATTERISTIĊI MINIMI 1. Il-pruna għandha tkun miksuba minn għanbaqar imqadded bil-karatteristiċi stabbiliti fil-Parti A. 2. Il-pruna għandha jkollha kontenut massimu ta’ l-ilma ta’ 23 %, apparti milli għall-pruna semi-niexfa, li għandha jkollha kontenut ta’ l-ilma ta’ bejn 30 u 35 %. 3. Il-pruna għandha tkun magħżula u ggradata skond il-qies sakemm ma tkunx intiża għall-użu industrijali. 4. Il-pruna għandha tkun: - intatta, sħiħa, bil-polpa, nadifa, ħielsa mill-moffa, tħassir u skart, - prattikament ħielsa minn tbajja’ li jistgħu jħassru l-kwalità jew id-dehra tal-prodott, - ħielsa mill-insetti, sew ħajjin jew mejtin, u l-ħmieġ ta’ l-insetti, - ħielsa minn kull riħa jew togħma mhux normali, - ta’ daqs li jikkorrispondi għal anqas minn 105 pruna kull 500 g, bl-eċċezzjoni ta’ pruna semi-niexfa, li għaliha n-numru ta’ frott għandu jkun anqas minn 81 pruna kull 500 g. II. IT-TOLLERANZI 1. Pruna għall-użu industrijali (a) 100 % tal-frott b’difetti żgħar u/jew serji (b) 10 % skond il-piż tal-frott b’difetti serji ħafna (ċ) 5 % tal-frott ta’ daqs li jikkorrispondi ma’ 105 pruna jew aktar kull 500 g 2. Pruna semi-niexfa (a) 0,3 % skond il-piż tal-frott b’difetti serji ħafna (b) 5 % skond il-piż tal-frott b’difetti serji jew serji ħafna (ċ) 10 % skond il-piż tal-frott b’difetti 3. Pruna oħra (a) 0,5 % skond il-piż tal-frott b’difetti serji ħafna (b) 7,5 % skond il-piż tal-frott b’difetti serji jew serji ħafna (ċ) 15 % skond il-piż tal-frott b’difetti III. DIFETTI Il-Parti A hija applikabbli biex jiġi stabbilit kemm ikunu serji d-difetti. -------------------------------------------------- ANNESS II Koeffiċjenti li hemm referenza għalihom fl Artikolu 3 Daqs | Numru ta' għanbaqar jew pruni mqadda kull 500 g | Koeffiċjenti | 104 | Minn 103 sa anqas minn 105 | 0,65458 | 102 | Minn 101 sa anqas minn 103 | 0,67276 | 100 | Minn 99 sa anqas minn 101 | 0,69094 | 98 | Minn 97 sa anqas minn 99 | 0,70912 | 96 | Minn 95 sa anqas minn 97 | 0,72730 | 94 | Minn 93 sa anqas minn 95 | 0,74548 | 92 | Minn 91 sa anqas minn 93 | 0,76366 | 90 | Minn 89 sa anqas minn 91 | 0,78184 | 88 | Minn 87 sa anqas minn 89 | 0,80002 | 86 | Minn 85 sa anqas minn 87 | 0,81820 | 84 | Minn 83 sa anqas minn 85 | 0,83638 | 82 | Minn 81 sa anqas minn 83 | 0,85456 | 80 | Minn 79 sa anqas minn 81 | 0,87274 | 78 | Minn 77 sa anqas minn 79 | 0,89092 | 76 | Minn 75 sa anqas minn 77 | 0,90910 | 74 | Minn 73 sa anqas minn 75 | 0,92728 | 72 | Minn 71 sa anqas minn 73 | 0,94546 | 70 | Minn 69 sa anqas minn 71 | 0,96364 | 68 | Minn 67 sa anqas minn 69 | 0,98182 | 66 | Minn 65 sa anqas minn 67 | 1,00000 | 64 | Minn 63 sa anqas minn 65 | 1,05881 | 62 | Minn 61 sa anqas minn 63 | 1,07771 | 60 | Minn 59 sa anqas minn 61 | 1,09662 | 58 | Minn 57 sa anqas minn 59 | 1,11552 | 56 | Minn 55 sa anqas minn 57 | 1,13443 | 54 | Minn 53 sa anqas minn 55 | 1,15333 | 52 | Minn 51 sa anqas minn 53 | 1,17224 | 50 | Minn 49 sa anqas minn 51 | 1,19114 | 48 | Minn 47 sa anqas minn 49 | 1,21005 | 46 | Minn 45 sa anqas minn 47 | 1,22895 | 44 | Minn 43 sa anqas minn 45 | 1,24786 | 42 | Minn 41 sa anqas minn 43 | 1,26676 | 40 | Minn 39 sa anqas minn 41 | 1,28567 | 38 | Minn 37 sa anqas minn 39 | 1,30458 | 36 | Minn 35 sa anqas minn 37 | 1,32348 | 34 | Minn 33 sa anqas minn 35 | 1,34239 | 32 | Anqas minn 33 | 1,36129 | Għall-għanbaqar imqadded u pruna niexfa għall-użu industrijali irrispettivament mid-daqs tagħhom, il-koeffiċjent li għandu jkun applikat huwa 0,4000. --------------------------------------------------