EUR-Lex Access to European Union law
This document is an excerpt from the EUR-Lex website
Document 31972R0616
Regulation (EEC) No 616/72 of the Commission of 27 March 1972 on detailed rules for the application of export refunds and levies on olive oil
Ir-Regolament (KEE) Nru 616/72 tal-Kummissjoni tas-27 ta’ Marzu, 1972 li jistabbilixxi regoli dettaljati għall-applikazzjoni ta’ rimborż ta’ l-esportazzjoni u imposti fuq żejt taż-żebbuġa
Ir-Regolament (KEE) Nru 616/72 tal-Kummissjoni tas-27 ta’ Marzu, 1972 li jistabbilixxi regoli dettaljati għall-applikazzjoni ta’ rimborż ta’ l-esportazzjoni u imposti fuq żejt taż-żebbuġa
OJ L 78, 31.3.1972, p. 1–2
(DE, FR, IT, NL)
Danish special edition: Series I Volume 1972(I) P. 242 - 243
English special edition: Series I Volume 1972(I) P. 246 - 247
Greek special edition: Chapter 03 Volume 007 P. 165 - 166
Spanish special edition: Chapter 03 Volume 005 P. 172 - 173
Portuguese special edition: Chapter 03 Volume 005 P. 172 - 173
Special edition in Finnish: Chapter 03 Volume 004 P. 96 - 97
Special edition in Swedish: Chapter 03 Volume 004 P. 96 - 97
Special edition in Czech: Chapter 03 Volume 001 P. 298 - 299
Special edition in Estonian: Chapter 03 Volume 001 P. 298 - 299
Special edition in Latvian: Chapter 03 Volume 001 P. 298 - 299
Special edition in Lithuanian: Chapter 03 Volume 001 P. 298 - 299
Special edition in Hungarian Chapter 03 Volume 001 P. 298 - 299
Special edition in Maltese: Chapter 03 Volume 001 P. 298 - 299
Special edition in Polish: Chapter 03 Volume 001 P. 298 - 299
Special edition in Slovak: Chapter 03 Volume 001 P. 298 - 299
Special edition in Slovene: Chapter 03 Volume 001 P. 298 - 299
Special edition in Bulgarian: Chapter 03 Volume 001 P. 228 - 229
Special edition in Romanian: Chapter 03 Volume 001 P. 228 - 229
Special edition in Croatian: Chapter 03 Volume 008 P. 9 - 10
In force: This act has been changed. Current consolidated version: 31/12/1977
Official Journal L 078 , 31/03/1972 P. 0001 - 0002
Finnish special edition: Chapter 3 Volume 4 P. 0096
Danish special edition: Series I Chapter 1972(I) P. 0242
Swedish special edition: Chapter 3 Volume 4 P. 0096
English special edition: Series I Chapter 1972(I) P. 0246
Greek special edition: Chapter 03 Volume 7 P. 0165
Spanish special edition: Chapter 03 Volume 5 P. 0172
Portuguese special edition Chapter 03 Volume 5 P. 0172
Ir-Regolament (KEE) Nru 616/72 tal-Kummissjoni tas-27 ta’ Marzu, 1972 li jistabbilixxi regoli dettaljati għall-applikazzjoni ta’ rimborż ta’ l-esportazzjoni u imposti fuq żejt taż-żebbuġa IL-KUMMISSJONI TAL-KOMUNITAJIET EWROPEJ, Wara li kkunsidrat t-Trattat li jwaqqaf il-Komunità Ekonomika Ewropea; Wara li kkunsidrat ir-Regolament tal-Kunsill Nru 136/66/KEE [1] tat-22 ta’ Settembru, 1966 dwar it-twaqqif ta’ organizzazzjoni komuni tas-suq fi żjut u xaħmijiet, kif l-aħħar emendat bir-Regolament (KEE) Nru 2727/71 [2]; Wara li kkunsidrat ir-Regolament tal-Kunsill Nru 162/66/KEE [3] tas-27 ta’ Ottubru, 1966 dwar kummerċ fi żjut u xaħmijiet bejn il-Komunità u l-Greċja; Wara li kkunsidrat ir-Regolament tal-Kunsill Nru 171/67 KEE [4] tas-27 ta’ Ġunju, 1967 dwar rimborż ta’ l-esportazzjoni u imposti fuq żejt taż-żebbuġa, kif l-aħħar emendat bir-Regolament (KEE) Nru 444/72, [5] u partikolarment l-Artikolu 11 ta’ dan; Billi, biex ikun żgurat li s-sistema ta’ rimborż ta’ l-esportazzjoni hija applikata b’mod korrett, żjut b’kontenut ħieles minn aċidu xaħmi għoli li huma prodotti u mibjugħa fi skala żgħira ħafna għandhom ikunu esklużi mir-rimborż; billi għall-istess għan is-sottotitlu Nru 15.07 A II tat-Tariffa Komuni Doganali għandha tinqasam f’żejt verġni taż-żebbuġa u żejt ieħor li jaqa’ taħt l-istess sottotitlu; Billi, jekk l-l-imposta ta’ l-esportazzjoni għandha tkun effettiva għal kollox, l-ammont ta’ dik l-imposta’ l-għandu jkun ugwali għall-ammonti massimi ffissati bi qbil ma’ l-Artikolu 10(2) tar-Regolament Nru 171/67/KEE; billi, iżda, l-imposta hija ffissata biss fejn id-differenza bejn il-prezz c.i.f u l-prezz tal-mira tas-suq għal żejt taż-żebbuġa mhux raffinat tista’ toħloq esportazzjonijiet li jistgħu jwasslu għal ċaqliq fis-suq tal-Komunità; Billi la l-volum ta’ l-esportazzjonijiet tradizzjonali f’kontenituri żgħar mhuwiex affettwat b’mod li jidher miċ-ċaqliq ta’ prezzijiet dinjija, għandha ssir dispożizzjoni għal eżenzjoni mill-imposta rigward dawn l-esportazzjonijiet; billi, iżda, eżenzjoni li taqbeż l-ispejjeż l-aktar baxxi ta’ l-ippakkeġġjar tista’ twassal għal esportazzjonijiet spekulattivi f’kontenituri żgħar; billi l-eżenzjoni għandha għalhekk tkun limitata għal-livell ta’ dawn l-ispejjeż; Billi l-miżuri provduti f’dan ir-Regolament huma bi qbil ma’ l-Opinjoni tal-Kumitat ta’ Ġestjoni għal Żjut u Xaħmijiet; ADOTTA DAN IR-REGOLAMENT: Artikolu 1 Ir-rimborż ta’ l-esportazzjoni jista’ jingħata biss fuq żjut taż-żebbuġa b’kontenut ħieles minn aċidu xaħmi msejjaħ bħala aċidu olejku ta’ mhux aktar minn 30 g kull 100 g. Artikolu 2 Għall-finijiet ta’ għoti tar-rimborż ta’ l-esportazzjoni, prodotti li jaqgħu taħt is-sottotitlu Nru 15.07 A II tat-Tariffa Komuni Doganali jitqassmu kif ġej: - 15.07 A II (a): żejt verġni taż-żebbuġa; - 15.07 A II (b): oħrajn. Artikolu 3 L-ammonti ta’ imposti ta’ l-esportazzjoni fuq żejt taż-żebbuġa jkunu l-istess bħall-ammonti massimi li jirriżultaw mill-applikazzjoni ta’ l-Artikolu 10(2) tar-Regolament Nru 171/67/KEE. Iżda, esportazzjonijiet ta’ żejt taż-żebbuġa li jaqgħu taħt is-sottotitlu Nru 15.01 A I tat-Tariffa Komuni Doganali u s-sottotitlu Nru 15.07 A II (a) li jirreferi għalihom l-ewwel inċiż ta’ l-Artikolu 2, f’pakketti immedjati ta’ kapaċità netta li ma taqbiżx 5 kg, jingħataw eżenzjoni mill-imposta li tammonta għal 7 unitajiet ta’ kontijiet kull 100 kg netti ta’ żejt esportat. Artikolu 4 1. Il-Kummissjoni tiffissa imposti ta’ l-esportazzjoni fejn id-differenza li jirreferi għaliha l-ewwel sottoparagrafu ta’ l-Artikolu 10(2) tar-Regolament Nru 171/67/KEE hija ta’ 2.5 unità ta’ kont jew aktar għal kull 100 kg. Dawn l-imposti ikunu ffissati ta’ spiss kemm ikun meħtieġ għall-istabbilità tas-suq tal-Komunità u b’tali mod li jkun żgurat li huma applikati għal mill-inqas darba fil-ġimgħa. 2. Bla ħsara għad-dispożizzjonijiet tal-paragrafu 1, l-imposti ta’ l-esportazzjoni, li kienu ffissati minn qabel jibqgħu jgħoddu fejn varjazzjonijiet fil-fatturi wżati biex jikkalkolaw id-differenza li għaliha jirreferi l-paragrafu 1 ikunu jinvolvu żieda jew tnaqqis ta’ inqas minn 0.50 unità ta’ kont għal kull 100 kg f’dawn l-imposti. 3. Il-Kummissjoni tgħarraf lill-Istati Membri bl-ammont ta’ l-imposti ta’ l-esportazzjoni li jitħallsu għal kull 100 kg ta’ żejt esportat malli imposti bħal dawn ikunu ġew iffissati. Artikolu 5 Ir-Regolament tal-Kummissjoni (KEE) Nru 154/69 [6] tas-27 ta’ Jannar, 1969 dwar regoli dettaljati għall-applikazzjoni ta’ rimborż ta’ l-esportazzjoni u imposti fuq żejt taż-żebbuġa, kif emendat mir-Regolament (KEE) Nru 2219/70 [7], huwa hawnhekk revokat. Artikolu 6 Dan ir-Regolament jidħol fis-seħħ fl-1 ta’ April, 1972. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, 27 ta’ Marzu, 1972. Għall-Kummissjoni Il-President S. L. Mansholt [1] ĠU Ċ 172, 30.9.1966, p. 3025/66. [2] ĠU L 282, 23.12.1971, p. 1. [3] ĠU Ċ 197, 29.10.1966, p. 3393/66. [4] ĠU Ċ 130, 28.6.1967, p. 2600/67. [5] ĠU L 54, 3.3.1972, p. 6. [6] ĠU L 22, 29.1.1969, p. 4. [7] ĠU L 240, 31.12.1970, p. 72. --------------------------------------------------