Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32006L0121R(01)

Corrigendum għad-Direttiva 2006/121/KE tal-Parlament Ewropew u tal-Kunsill tat- 18 ta' Diċembru 2006 li temenda d-Direttiva tal-Kunsill 67/548/KEE dwar l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u l-ittikkettar ta' sustanzi perikolużi sabiex tadattaha għar-Regolament (KE) Nru 1907/2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH) u li jistabbilixxi Aġenzija Ewropea għas-Sustanzi Kimiċi ( ĠU L 396, 30.12.2006 )

OJ L 136, 29.5.2007, p. 281–282 (ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)

ELI: http://data.europa.eu/eli/dir/2006/121/corrigendum/2007-05-29/oj

29.5.2007   

MT

Il-Ġurnal Uffiċjali ta’ l-Unjoni Ewropea

L 136/281

Corrigendum għad-Direttiva 2006/121/KE tal-Parlament Ewropew u tal-Kunsill tat-18 ta' Diċembru 2006 li temenda d-Direttiva tal-Kunsill 67/548/KEE dwar l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u l-ittikkettar ta' sustanzi perikolużi sabiex tadattaha għar-Regolament (KE) Nru 1907/2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH) u li jistabbilixxi Aġenzija Ewropea għas-Sustanzi Kimiċi

( Il-Ġurnal Uffiċjali ta' l-Unjoni Ewropea, L 396 tat-30 ta' Diċembru 2006 )

Id-Direttiva 2006/121/KE għandha taqra hekk:

DIRETTIVA 2006/121/KE TAL-PARLAMENT EWROPEW U TAL-KUNSILL

tat-18 ta' Diċembru 2006

li temenda d-Direttiva tal-Kunsill 67/548/KEE dwar l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u l-ittikkettar ta' sustanzi perikolużi sabiex tadattaha għar-Regolament (KE) Nru 1907/2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH) u li jistabbilixxi Aġenzija Ewropea għas-Sustanzi Kimiċi

(Test b'relevanza għaż-ŻEE)

IL-PARLAMENT EWROPEW U L-KUNSILL TA' L-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 95 tiegħu,

Wara li kkunsidraw il-proposta mill-Kummissjoni,

Wara li kkunsidraw l-Opinjoni tal-Kumitat Ekonomiku u Soċjali Ewropew (1),

Wara li kkonsultaw il-Kumitat tar-Reġjuni,

Filwaqt li jaġixxu skond il-proċedura stabbilita fl-Artikolu 251 tat-Trattat (2),

Billi:

Fid-dawl ta' l-adozzjoni tar-Regolament (KE) Nru 1907/2006 (3), id-Direttiva 67/548/KEE (4) għandha tiġi adattata u r-regoli tagħha dwar in-notifika u l-istima tar-riskji ta' sustanzi kimiċi għandhom jitħassru,

ADOTTAW DIN ID-DIRETTIVA:

Artikolu 1

Id-Direttiva 67/548/KEE hija emendata kif ġej:

1)

fl-Artikolu 1, paragrafu 1, il-punti (a), (b), u (ċ) għandhom jiġu mħassrin;

2)

fl-Artikolu 2, paragrafu 1, il-punti (ċ), (d), (f) u (g) għandhom jiġu mħassrin;

3)

l-Artikolu 3 għandu jiġi sostitwit b'dan li ġej:

“Artikolu 3

L-ittestjar u l-valutazzjoni tal-proprjetajiet ta' sustanzi

It-testijiet fuq sustanzi mwettqa fil-qafas ta' din id-Direttiva għandhom jitmexxew skond ir-rekwiżiti ta' l-Artikolu 13 tar-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH) u li jistabbilixxi Aġenzija Ewropea għas-Sustanzi Kimiċi (*).

(*)  ĠU L 396, 30.12.2006, p. 1.”;"

4)

l-Artikolu 5 għandu jiġi emendat kif ġej:

(a)

fil-paragrafu 1, l-ewwel subparagrafu għandu jiġi sostitwit b'dan li ġej:

“L-Istati Membri għandhom jieħdu l-miżuri kollha meħtieġa sabiex jiżguraw li ma jkunux jistgħu jitqiegħdu fis-suq sustanzi, waħedhom jew fi preparazzjonijiet, sakemm l-imballaġġ u l-ittikkettar tagħhom ma jkunux skond l-Artikoli 22 sa 25 ta' din id-Direttiva u skond il-kriterji fl-Anness VI ta' din id-Direttiva, u, għal sustanzi reġistrati, skond l-informazzjoni miksuba permezz ta' l-applikazzjoni ta' l-Artikoli 12 u 13 tar-Regolament (KE) Nru 1907/2006, ħlief fil-każ ta' preparazzjonijiet fejn ikunu jeżistu dispożizzjonijiet f'Direttivi oħrajn.”;

(b)

il-paragrafu 2 għandu jiġi sostitwit b'dan li ġej:

“2.   Il-miżuri msemmija fl-ewwel subparagrafu tal-paragrafu 1 għandhom japplikaw sa meta s-sustanza tiġi elenkata fl-Anness I jew sa meta tittieħed deċiżjoni sabiex din ma tiġix elenkata skond il-proċedura stabbilita fl-Artikolu 29.”;

5)

l-Artikoli 7 sa 15 għandhom jiġu mħassrin;

6)

l-Artikolu 16 għandu jiġi mħassar;

7)

l-Artikoli 17 sa 20 għandhom jiġu mħassrin;

8)

l-Artikolu 27 għandu jiġi mħassar;

9)

l-Anness 32 għandu jiġi sostwit kif gej:

“Artikolu 32

Referenzi

Ir-referenzi għall-Annessi VIIA, VIIB, VIIC, VIID u VIII ta' din id-Direttiva għandhom jitqiesu bħala referenzi għall-Annessi korrispondenti, VI, VII, VIII, IX, X u XI tar-Regolament (KE) Nru 1907/2006.”;

10)

l-Anness V għandu jiġi mħassar;

11)

l-Anness VI għandu jiġi emendat kif gej:

(a)

fit-Taqsimiet 1.6.2, 1.7.2, 1.7.3, 2.1, 2.2.1, 2.2.2, 2.2.2.1, 2.2.3, 2.2.4, 2.2.5, 3.1.1, 3.1.5.1, 3.1.5.2, 3.2.1, 3.2.2, 3.2.3, 3.2.5, 3.2.6.1, 3.2.6.2, 3.2.7.2, 4.2.3.3, 5.1.3, 9.1.1.1, 9.1.1.2, 9.3 u 9.5 ta' dan l-Anness, il-kliem “Anness V” u “Anness V ta' din id-Direttiva” għandhom jiġu sostitwiti bil-kliem “ir-Regolament tal-Kummissjoni dwar il-metodi ta' l-ittestjar kif speċifikat fl-Artikolu 13(2) tar-Regolament (KE) Nru 1907/2006”;

(b)

fit-Taqsima 1.6.1, il-punt (a), għandu jiġi sostitwit b'dan li ġej:

“(a)

fir-rigward ta' sustanzi li għalihom tkun meħtieġa l-informazzjoni speċifikata fl-Annessi VI, VII u VIII tar-Regolament (KE) Nru 1907/2006, il-parti l-kbira tad-data meħtieġa għall-klassifikazzjoni u għall-ittikettar tidher fis-sett bażi. Din il-klassifikazzjoni u dan l-ittikettar għandhom jiġu riveduti, jekk ikun meħtieġ, meta tkun disponibbli aktar informazzjoni (Annessi IX u X tar-Regolament (KE) Nru 1907/2006);”;

(ċ)

fit-Taqsima 5.1, it-tieni paragrafu għandhu jiġu sostitwit b'dan li ġej:

“Il-kriterji stabbiliti hawn taħt isegwu direttament mill-metodi ta' l-ittestjar stabbiliti fir-Regolament tal-Kummissjoni dwar metodi ta' ittestjar kif speċifikat fl-Artikolu 13(2) tar-Regolament (KE) Nru 1907/2006 sa fejn dawn ikunu msemmija. Il-metodi ta' l-ittestjar meħtieġa għas-sett bażi msemmi fl-Annessi VII u VIII tar-Regolament (KE) Nru 1907/2006 huma limitati u l-informazzjoni miksuba minnhom tista' tkun insuffiċjenti għal klassifikazzjoni adegwata. Il-klassifikazzjoni tista' tkun teħtieġ data addizzjonali miksuba mill-Annessi IX jew X tar-Regolament (KE) Nru 1907/2006 jew minn studji ekwivalenti oħra. Barra minn hekk, is-sustanzi klassifikati jistgħu jkunu suġġetti għal reviżjoni fid-dawl ta' data oħra ġdida.”;

(d)

fit-Taqsima 5.2.1.2, it-tieni paragrafu, it-tieni sentenza għandha tiġi sostitwita b'dan li ġej:

“Tali prova xjentifika addizzjonali għandha normalment tkun ibbażata fuq l-istudji meħtieġa mill-Anness IX tar-Regolament (KE) Nru 1907/2006, jew minn studji oħra ta' valur ekwivalenti, u tista' tinkludi:”.

(12)

l-Annessi VIIA, VIIB, VIIC, VIID u VIII għandhom jiġu mħassrin.

Artikolu 2

1.   L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma' din id-Direttiva b'effett mill-1 ta' Ġunju 2008. Huma għandhom jinformaw lill-Kummissjoni b'dan minnufih.

Meta l-Istati Membri jadottaw dawn il-miżuri, dawn għandhom ikollhom referenza għal din id-Direttiva jew tali referenza għandha takkumpanjahom meta dawn jiġu pubblikati uffiċjalment. Il-metodi ta' kif issir tali referenza għandhom jiġu stabbiliti mill-Istati Membri.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-qasam kopert minn din id-Direttiva.

Artikolu 3

Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha fil-Ġurnal Uffiċjali ta' l-Unjoni Ewropea.

Hija għandha tapplika mill-1 ta' Ġunju 2008.

Minkejja t-tieni paragrafu ta' dan l-Artikolu, il-punt (6) ta' l-Artikolu 1 għandu japplika mill-1 ta' Awwissu 2008.

Artikolu 4

Din id-Direttiva hija indirizzata lill-Istati Membri.

Magħmul fil-Brussell, 18 ta' Diċembru 2006.

Għall-Parlament Ewropew

Il-President

J. BORRELL FONTELLES

Għall-Kunsill

Il-President

M. VANHANEN

(1)  ĠU C 294, 25.11.2005, p. 38.

(2)  Opinjoni tal-Parlament Ewropew tas-17 ta' Novembru 2005 (ĠU C 280 E, 18.11.2006, p. 440), Posizzjoni Komuni tal-Kunsill tat-27 ta' Ġunju 2006(ĠU C 276 E, 14.11.2006, p. 252), u Posizzjoni tal-Parlament Ewropew tat-13 ta' Diċembru 2006(għadha mhijiex pubblikata fil-Ġurnal Uffiċjali).

(3)  Ara paġna 3 ta' dan il-Ġurnal Uffiċjali.

(4)  ĠU 196, 16.8.1967, p. 1. Direttiva kif emendata l-aħħar bid-Direttiva tal-Kummissjoni 2004/73/KE (ĠU L 152, 30.4.2004, p. 1). Direttiva korretta fil-ĠU L 216, 16.6.2004, p. 3.

Top