EUR-Lex Access to European Union law
This document is an excerpt from the EUR-Lex website
Document 62017TN0268
Case T-268/17: Action brought on 8 May 2017 — Clean Sky 2 Joint Undertaking v Revoind Industriale
Kawża T-267/17: Rikors ippreżentat fit-8 ta’ Mejju 2017 – Clean Sky 2 Joint Undertaking vs Revoind Industriale
Kawża T-267/17: Rikors ippreżentat fit-8 ta’ Mejju 2017 – Clean Sky 2 Joint Undertaking vs Revoind Industriale
OJ C 231, 17.7.2017, p. 31–32
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
17.7.2017 |
MT |
Il-Ġurnal Uffiċjali tal-Unjoni Ewropea |
C 231/31 |
Rikors ippreżentat fit-8 ta’ Mejju 2017 – Clean Sky 2 Joint Undertaking vs Revoind Industriale
(Kawża T-267/17)
(2017/C 231/39)
Lingwa tal-kawża: l-Ingliż
Partijiet
Rikorrenti: Clean Sky 2 Joint Undertaking (CSJU) (rappreżentanti: B. Mastantuono, Agent u M. Velardo, avukat)
Konvenuta: Revoind Industriale Srl (Oricola, l-Italja)
Talbiet
— |
tikkundanna lill-konvenuta għall-ħlas, favuriha tas-somma ta’ EUR 101 370,94 fir-rigward tal-Ftehim ta’ għotja għas-Sħab Nru 632462 dwar il-proġett intitolat “EASIER-Experimental Acoustic Subsonic wind tunnel Investigation of the advanced geared turbofan Regional aircraft integrating HLD innovative low-noise design”, flimkien mal-ammont ta’ EUR 524,91 bħala interessi moratorji kkalkolati bir-rata ta’ 3,5 % għall-perijodu ta’ mill-7 ta’ Frar 2017 sal-1 ta’ April 2017; |
— |
tikkundanna lill-konvenuta sabiex tħallasha EUR 9,72 kull jum bħala interessi sa mit-2 ta’ April 2017 u sad-data tar-rimbors sħiħ tad-dejn; u |
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka motivi li ġejjin:
Ir-rikorrenti ssostni li l-konvenuta kisret l-obbligi kuntrattwali tagħha, billi ma wettqitx il-proġett EASIER billi ma pprovditilhiex ir-rapporti u l-provi rilevanti li kellhom jingħataw, kif jistipula l-Artikolu II.2 tal-Anness II tal-Ftehim ta’ għajnuna.
Barra minn hekk, il-konvenuta ma wettqitx ix-xogħol impost fuqha, kif inhu speċifikat fl-Anness I, u b’hekk kisret l-obbligi tagħha skont l-Artikol II.3(a),(e) u (h) tal-Anness II tal-Ftehim ta’ għajnuna.
Konsegwentement, ir-rikorrenti rrexxindiet il-Ftehim ta’ għajnuna abbażi tal-Artikolu II.38 tal-Anness II tal-istess ftehim u ħarġet nota ta’ debitu għall-finanzjament bil-quddiem ta’ EUR 101 370,94 li kienu diġà tħallsu lill-koordinatur konformement mad-dispożizzjonijiet tal-Ftehim ta’ għajnuna. Fil-fatt, il-finanzjament bil-quddiem jibqa’ l-proprjetà tar-rikorrenti sal-ħlas finali.
Il-fatti li taw lok għall-obbligi ta’ Revoind Industriale Srl, fil-kapaċità tagħha bħala benefiċjarja tal-Ftehim ta’ għajnuna, huma kunsiderevolment mhux ikkontestati f’dan il-każ u l-oġġezzjonijiet tal-konvenuta, sa fejn huma ġenerali, mhux sħaħ u mhux sostnuti b’ebda prova ġġustifikata, jidhru kompletament infondati.
Konsegwentement, ir-rikorrenti għandha dritt titlob l-irkupru u l-ħlas lura tas-somom imħallsa lill-konvenuta bħala finanzjament bil-quddiem, miżjuda bl-interessi moratorji.