14.11.2011

MT

Il-Ġurnal Uffiċjali tal-Unjoni Ewropea

C 333/1

---

IL-KONTIJIET FINALI TAT-TMIEN, ID-DISA' U L-GĦAXAR FOND EWROPEW GĦALL-IŻVILUPP — SENA FINANZJARJA 2010

2011/C 333/01

WERREJ

In-nota li takkumpanja l-kontijiet

L-implimentazzjoni u l-kontabbiltà tar-riżorsi tal-FEŻ

PARTI I —

Il-kontijiet annwali tal-FEŻ: Il-fondi ġestiti mill-Kummissjoni Ewropea

1.	ID-DIKJARAZZJONIJIET FINANZJARJI TAT-8, ID-9 U L-10 FOND EWROPEW GĦALL-IŻVILUPP

1.1	It-8, id-9 u l-10 FEŻ: Il-karta tal-bilanċ aggregata, il-kont tar-riżultat ekonomiku, ir-rapport tal-flussi tal-flus u r-rapport tal-bidliet fl-assi netti

1.2	It-8 FEŻ: Il-karta tal-bilanċ, il-kont tar-riżultat ekonomiku u d-dikjarazzjoni tal-bidliet fl-assi netti

1.3	Id-9 FEŻ: Il-karta tal-bilanċ, il-kont tar-riżultat ekonomiku u r-rapport tal-bidliet fl-assi netti

1.4	L-10 FEŻ: Il-karta tal-bilanċ, il-kont tar-riżultat ekonomiku u r-rapport tal-bidliet fl-assi netti

1.5	Noti għad-dikjarazzjonijiet finanzjarji tat-8, id-9 u l-10 FEŻ

2.	RAPPORT DWAR L-IMPLIMENTAZZJONI FINANZJARJA

2.1	L-allokazzjonijiet

2.2	Il-Kontijiet ikkonsolidati

2.3	Informazzjoni oħra dwar il-ġestjoni

PARTI II —

Il-kontijiet annwali tal-FEŻ: Id-dikjarazzjonijiet finanzjarji tal-faċilità tal-investiment

3.	ID-DIKJARAZZJONIJIET FINANZJARJI TAL-FAĊILITÀ TAL-INVESTIMENT

3.1	Dikjarazzjoni tal-introjtu

3.2	Il-karta tal-bilanċ

3.3	Rapport tal-bidliet fir-riżorsi tal-kontributuri

3.4	Rapport tal-fluss tal-flus kontanti

3.5	Noti għad-dikjarazzjonijiet finanzjarji

L-ANNESS GĦALL-PARTI I —

KAPITOLU 2 (Rapport dwar l-implimentazzjoni finanzjarja): Is-sitwazzjoni skont il-pajjiż u skont l-istrument

IN-NOTA LI TAKKUMPANJA L-KONTIJIET

Jien b'dan niddikjara li l-kontijiet annwali tat-8, id-9 u l-10 Fond Ewropew għall-Iżvilupp għas-sena 2010 tħejjew skont it-Titolu VIII tar-Regolament Finanzjarju tal-10 Fond Ewropew għall-Iżvilupp u skont il-prinċipji, ir-regoli u l-metodi tal-kontabbiltà stipulati fl-anness tad-dikjarazzjonijiet finanzjarji.

Jien ksibt mingħand l-uffiċjal tal-awtorizzazzjoni u mill-BEI, li ċċertifikaw l-affidabbiltà tagħha, l-informazzjoni kollha meħtieġa għall-produzzjoni tal-kontijiet li juru l-assi u l-obbligazzjonijiet tal-Fond Ewropew għall-Iżvilupp u l-implimentazzjoni baġitarja.

Jien b'dan niċċertifika li fuq il-bażi ta’ din l-informazzjoni, u ta’ dawk il-kontrolli li jien qist meħtieġa biex niffirma l-kontijiet, għandi assigurazzjoni raġonevoli li l-kontijiet jippreżentaw stampa vera u ġusta tal-pożizzjoni finanzjarja tal-Fondi Ewropej għall-Iżvilupp fl-aspetti materjali kollha.

L-IMPLIMENTAZZJONI U L-KONTABBILTÀ TAR-RIŻORSI TAL-FEŻ

1.   SFOND

L-Unjoni Ewropea, fil-qasam tal-iżvilupp, għandha relazzjonijiet ta’ kooperazzjoni ma’ għadd kbir ta’ pajjiżi li qed jiżviluppaw. L-iskop ewlieni huwa li jiġi promoss l-iżvilupp ekonomiku u soċjali, b'konċentrazzjoni partikolari fuq it-tnaqqis u t-taffija tal-faqar fuq perjodu twil ta’ żmien, billi tipprovdi lill-pajjiżi benefiċjarji bl-għajnuna għall-iżvilupp u l-assistenza teknika. Biex tikseb dan, l-Unjoni tfassal, b'mod konġunt mal-pajjiżi sħab, strateġiji ta’ kooperazzjoni u timmobilizza r-riżorsi finanzjarji biex timplimentahom. Dawn ir-riżorsi tal-Unjoni allokati għall-iżvilupp jiġu minn tliet sorsi:

—	Il-baġit tal-Unjoni Ewropea

—	Il-Fond Ewropew għall-Iżvilupp

—	Il-Bank Ewropew tal-Investiment

Il-Fond Ewropew għall-Iżvilupp (FEŻ) huwa l-istrument ewlieni li jipprovdi l-għajnuna tal-Unjoni għall-kooperazzjoni fil-qasam tal-iżvilupp lill-Istati tal-Afrika, tal-Karibew u tal-Paċifiku (AKP) u l-Pajjiżi u t-Territorji Barranin (OCT). It-Trattat ta’ Ruma tal-1957 għamel proviżjoni għall-ħolqien tiegħu bil-ħsieb li jagħti assistenza teknika u finanzjarja, inizjalment limitata għall-pajjiżi tal-Afrika li dak iż-żmien kienu għadhom ikkolonizzati u li magħhom xi Stati Membri kellhom rabtiet storiċi.

Il-FEŻ mhux iffinanzjat mill-baġit tal-Unjoni Ewropea. Huwa ffinanzjat mill-Istati Membri, soġġett għar-regolament finanzjarju tiegħu stess u ġestit minn kumitat speċifiku. Il-Kummissjoni Ewropea hija responsabbli mill-implimentazzjoni finanzjarja tal-operazzjonijiet imwettqa bir-riżorsi tal-FEŻ filwaqt li l-Bank Ewropew tal-Investiment (BEI) jamministra l-Faċilità tal-Investiment.

Matul il-perjodu 2008-2013, l-għajnuna ġeografika mogħtija lill-Istati AKP u lill-OCT se tkompli tkun iffinanzjata primarjament mill-FEŻ. Kull FEŻ huwa normalment konkluż għal perjodu ta’ madwar ħames snin. Sa mill-konklużjoni tal-ewwel konvenzjoni tas-sħubija fl-1964, iċ-ċikli tal-ipprogrammar tal-FEŻ ġeneralment segwew iċ-ċikli tal-ftehim/konvenzjoni tas-sħubija. Kull FEŻ huwa rregolat mir-Regolament Finanzjarju tiegħu stess li jimponi t-tħejjija tad-dikjarazzjonijiet finanzjarji għal kull FEŻ individwali. Għaldaqstant, id-dikjarazzjonijiet finanzjarji huma mħejjija separatament għal kull FEŻ fir-rigward tal-parti li hija ġestita mill-Kummissjoni Ewropea. Dawn id-dikjarazzjonijiet finanzjarji jiġu ppreżentati wkoll b'mod aggregat sabiex jipprovdu ħarsa globali lejn is-sitwazzjoni finanzjarja tar-riżorsi li hija responsabbli minnhom il-Kummissjoni Ewropea.

Fil-qafas tal-ftehim ta’ Cotonou, ġiet stabbilita l-Faċilità tal-Investiment. Din il-Faċilità tal-Investiment hija ġestita mill-Bank Ewropew tal-Investiment u tintuża biex tappoġġja l-iżvilupp tas-settur privat fl-Istati AKP billi essenzjalment tiffinanzja – iżda mhux esklussivament – l-investimenti privati. Il-Faċilità hija mfassla bħala fond rinnovabbli, sabiex il-ħlas lura tas-self ikun jista' jiġi investit mill-ġdid f'operazzjonijiet oħra, bir-riżultat li l-Faċilità tkun tirrinova lilha nnifisha u tkun finanzjarjament indipendenti. Billi l-Faċilità tal-Investiment mhix ġestita mill-Kummissjoni Ewropea, hija ma tiġix ikkonsolidata fl-ewwel parti tal-kontijiet annwali – id-dikjarazzjonijiet finanzjarji tat-8, id-9 u l-10 FEŻ u r-rapport relatat dwar l-implimentazzjoni finanzjarja. Id-dikjarazzjonijiet finanzjarji tal-Faċilità tal-Investiment huma inklużi bħala parti separata tal-kontijiet annwali (parti 2) biex jipprovdu stampa sħiħa tal-għajnuna għall-iżvilupp mill-FEŻ. L-10 FEŻ ikopri l-perjodu ta’ bejn l-2008 u l-2013 u għandu baġit ġenerali ta’ EUR 22 682 miljun. Minn dan l-ammont, EUR 21 966 miljun huma allokati lill-pajjiżi AKP, EUR 286 miljun lill-OCTs u EUR 430 miljun lill-Kummissjoni bħala nefqa ta’ appoġġ għall-ipprogrammar u għall-implimentazzjoni tal-FEŻ (1).

2.   KIF JIĠI FFINANZJAT IL-FEŻ?

Il-Kunsill Ewropew tal-15-16 ta’ Diċembru 2005 adotta l-perspettivi finanzjarji għall-2007-2013. F'dan il-kuntest ġie deċiż li l-kooperazzjoni ġeografika mal-Istati tal-AKP ma tiġix integrata fil-baġit tal-Unjoni Ewropea (ibbaġitizzata), iżda li tkompli tkun iffinanzjata permezz tal-FEŻ intergovernattiv eżistenti għall-perjodu 2008-2013.

Il-baġit tal-Unjoni Ewropea huwa annwali u skont il-prinċipju baġitarju tal-annwalità, in-nefqa u d-dħul huma ppjanati u awtorizzati għal sena waħda. Għall-kuntrarju tal-Unjoni Ewropea, il-FEŻ huwa fond li jopera fuq il-bażi tal-multiannwalità. Kull FEŻ jiġi konkluż permezz ta’ ftehim ta’ sħubija bejn l-Istati Membri u huwa assoċjat ma’ fond ġenerali biex jimplimenta l-kooperazzjoni fil-qasam tal-iżvilupp ġeneralment matul perjodu ta’ ħames snin. Billi r-riżorsi jiġu allokati fuq bażi multiannwali, il-fondi allokati jistgħu jintużaw matul il-perjodu tal-FEŻ. In-nuqqas ta’ annwalità tal-baġit huwa enfasizzat fir-rapportar baġitarju, fejn l-implimentazzjoni baġitarja ta’ kull FEŻ titkejjel kontra l-fondi totali.

Ir-riżorsi tal-FEŻ huma kontribuzzjonijiet “ad hoc” mill-Istati Membri tal-UE. Bejn wieħed u ieħor, kull ħames snin, ir-rappreżentanti tal-Istati Membri jiltaqgħu fil-livell intergovernattiv biex jiddeċiedu dwar l-ammont ġenerali li se jiġi allokat lill-Fond u biex jissorveljaw l-implimentazzjoni tiegħu. Il-Kummissjoni mbagħad tamministra l-fond. Billi l-Istati Membri għandhom il-politiki tagħhom stess dwar l-iżvilupp u l-għajnuna, flimkien mal-politiki mifruxa fuq l-Unjoni kollha, l-Istati Membri għandhom jikkoordinaw il-politiki tagħhom mal-UE biex jiżguraw li dawn jikkumplimentaw lil xulxin. Fl-2010, il-15-il Stat Membru parteċipanti ssejħu biex jikkontribwixxu għad-9 FEŻ. Fl-2011, se jissejħu l-ewwel kontribuzzjonijiet għall-10 FEŻ, li fih se jipparteċipaw is-27 Stat Membru.

Filwaqt li xi fondi tal-10 FEŻ twarrbu għall-ħtiġijiet mhux previsti, il-biċċa l-kbira tagħhom qed jiġu programmati f'oqfsa multiannwali indikattivi, l-iktar dawk ġeografiċi iżda wkoll dawk tematiċi, li attwalment huma stipulati għas-snin 2008-2013. Għaldaqstant, il-Kummissjoni adottat dokumenti ta’ strateġija tal-pajjiż, dokumenti ta’ strateġija reġjonali u dokumenti ta’ strateġija intra-AKP. L-implimentazzjoni tagħhom tiġi mmonitorjata annwalment u l-istrateġiji jiġu riveduti f'nofs it-terminu (2010, għaddejjin) u fl-aħħar tat-terminu (2012). B'riżultat ta’ dawn ir-reviżjonijiet ta’ nofs it-terminu jew tal-aħħar tat-terminu, il-Kummissjoni tista', f'isem l-Unjoni Ewropea, tirrevedi l-istrateġiji u l-allokazzjoni tar-riżorsi fid-dawl tal-ħtiġijiet kurrenti u l-prestazzjoni tal-istati tal-AKP jew tar-reġjuni kkonċernati.

Barra l-kontribuzzjonijiet imsemmija hawn fuq, huwa possibbli wkoll li l-Istati Membri jidħlu f'arranġamenti ta’ kofinanzjament jew li jagħmlu kontribuzzjonijiet finanzjarji volontarji lejn il-FEŻ.

3.   KIF INHUMA ĠESTITI U MINFUQA R-RIŻORSI TAL-FEŻ?

3.1   Nefqa operattiva

In-nefqa operattiva tal-FEŻ tieħu forom differenti, u dan jiddependi fuq kif jintefqu l-flus u kif jiġu ġestiti. F'konformità mar-Regolament Finanzjarju, il-Kummissjoni timplimenta r-riżorsi tal-FEŻ billi tuża dawn il-metodi li ġejjin:

Ġestjoni diċentralizzata: dawn huma l-każijiet fejn il-Kummissjoni tiddelega, bejn wieħed u ieħor sostanzjalment skont is-sitwazzjoni lokali tal-benefiċjarju kkonċernat, ċerti kompiti għall-implimentazzjoni tal-baġit lil pajjiżi terzi.

Ġestjoni ċentralizzata: din tiġri meta l-baġit jiġi implimentat jew b'mod dirett mis-servizzi tal-Kummissjoni jew b'mod indirett f'każ li l-Kummissjoni tikkonferixxi l-kompiti ta’ implimentazzjoni tal-baġit lil korpi tal-liġi tal-Unjoni Ewropea jew tal-liġi nazzjonali, bħall-aġenziji tal-liġi pubblika tal-Unjoni Ewropea jew l-aġenziji li jkollhom missjonijiet ta’ servizz pubbliku.

Ġestjoni konġunta ma’ organizzazzjonijiet internazzjonali: skont dan il-metodu, il-Kummissjoni tafda ċertu kompiti ta’ implimentazzjoni lil xi organizzazzjoni internazzjonali.

3.2   L-atturi finanzjarji differenti

Ir-responsabbiltà tal-Uffiċjal Awtorizzanti b'delega tkopri l-proċess kollu tal-ġestjoni, minn meta jiġi ddeterminat x'għandu jitwettaq biex jinkisbu l-għanijiet tal-politika stipulati sal-ġestjoni tal-attivitajiet imnedija kemm mill-aspett operattiv kif ukoll minn dak baġitarju, inkluż l-iffirmar tal-impenji legali, il-monitoraġġ tal-prestazzjoni, l-eżekuzzjoni tal-ħlasijiet u anke l-irkupru tal-fondi, jekk ikun meħtieġ.

Il-Kap tad-Delegazzjoni tal-Unjoni Ewropea huwa l-kollegament lokali bejn il-Kummissjoni u l-awtoritajiet tal-AKP/OCT nazzjonali jew reġjonali fil-qasam. Huwa/hija jaħdem/taħdem f'kollaborazzjoni mill-qrib mal-Uffiċjali Awtorizzanti Nazzjonali jew Reġjonali biex jiddefinixxi/tiddefinixxi l-istrateġija tal-implimentazzjoni u l-politiki settorjali, iħejji/tħejji, janalizza/tanalizza u jirrevedi/tirrevedi l-programmi u l-proġetti tal-FEŻ.

L-Uffiċjal Awtorizzanti Nazzjonali fil-pajjiż riċeventi huwa uffiċjal għoli maħtur mill-gvern ta’ kull Stat tal-AKP/OCT. Huwa/hija jirrappreżenta/tirrappreżenta lill-awtoritajiet tal-pajjiż tiegħu/tagħha għall-attivitajiet kollha li jkunu ffinanzjati mill-Fond u ġestiti mill-Kummissjoni u mill-BEI. F'ħafna mill-każijiet, dawn il-funzjonijiet jitwettqu minn membru tal-gvern, ġeneralment il-Ministru tal-Istat għall-Ippjanar jew tal-Finanzi. L-Uffiċjal Awtorizzanti Nazzjonali jwettaq l-obbligi amministrattivi, tekniċi u finanzjarji tal-ġestjoni ta’ programmi u proġetti tal-FEŻ.

L-Uffiċjal tal-Kontabbiltà jeżegwixxi l-ħlas u l-ordnijiet tal-irkupru mfassla mill-Uffiċjali Awtorizzanti u huwa responsabbli mill-ġestjoni tat-teżor, l-istipular tar-regoli u tal-metodi tal-kontabbiltà, l-ivvalidar tas-sistemi tal-kontabbiltà, iż-żamma tal-kontijiet u t-tfassil tal-kontijiet annwali korrispondenti. Barra minn dan, l-Uffiċjal tal-Kontabbiltà huwa mitlub jiffirma l-kontijiet u li jiddikjara li dawn jipprovdu stampa vera u ġusta tal-pożizzjoni finanzjarja.

3.3   L-implimentazzjoni tar-riżorsi tal-FEŻ

Il-maġġoranza l-kbira tar-riżorsi finanzjarji mogħtija lill-Istati tal-AKP u l-OCT mill-FEŻ huma għotjiet. Fil-bidu ta’ kull FEŻ, l-Unjoni Ewropea tinforma lill-Istati tal-AKP u l-OCT dwar il-livell tal-għotjiet li għandhom ikunu għad-dispożizzjoni tagħhom matul il-perjodu tal-fond. Ir-riżorsi huma allokati fuq il-bażi tal-ħtiġijiet speċifiċi tal-pajjiż, billi jittieħed kont tal-politiki tal-pajjiż riċeventi nnifsu u l-isforzi għall-iżvilupp.

Il-pajjiż benefiċjarju jiżviluppa l-istrateġija tal-kooperazzjoni waqt jew wara li jikkonsulta mal-imsieħba tiegħu fl-iżvilupp (id-donaturi). L-istrateġiji tal-kooperazzjoni stabbiliti mal-Unjoni Ewropea normalment jinkludu l-istrateġiji tal-iżvilupp fuq żmien medju tal-pajjiż innifsu, l-analiżi tal-kuntest politiku u soċjoekonomiku, flimkien mal-evalwazzjoni tal-Unjoni Ewropea nnifisha. Il-persunal tal-Kummissjoni Ewropea jipprovdi l-appoġġ tekniku lill-awtoritajiet nazzjonali fit-tħejjija tad-dokument tal-istrateġija tal-kooperazzjoni.

Il-Programm Indikattiv Nazzjonali (PIN) imbagħad jitfassal biex tiġi implimentata l-istrateġija tal-kooperazzjoni. Il-PIN għandu fil-mira s-setturi u l-oqsma li se jirċievu l-għajnuna, jispjega kif l-għajnuna se tissodisfa l-għanijiet tagħha, jagħti skeda taż-żmien għall-implimentazzjoni, u jispeċifika kif l-atturi l-oħra bħall-Organizzazzjonijiet Internazzjonali jew l-NGOs se jkunu involuti fil-programm (jekk rilevanti). Dan il-programm indikattiv globali huwa soġġett għal reviżjoni annwali, ta’ nofs is-sena u tal-aħħar tat-terminu tal-FEŻ u jsir titjib u tibdil meta meħtieġ matul il-perjodu tal-operazzjoni tiegħu.

3.4   Impenn biex jintefqu r-riżorsi tal-FEŻ

L-ebda riżorsi tal-FEŻ ma jistgħu jintefqu sakemm il-Kummissjoni u r-riċevitur possibbli tal-flus tal-FEŻ ma jidħlux f'impenn legali bil-miktub.

Qabel ma jkun jista' jsir impenn legali (pereżempju kuntratt jew ftehim ta’ għotja) ma’ parti terza, għandu jkun hemm intestatura tal-baġit b'fondi biżżejjed li jawtorizzaw l-attività inkwistjoni. Jekk tiġi sodisfatta din il-kundizzjoni, il-fondi meħtieġa għandhom jiġu riżervati fil-baġit permezz ta’ impenn baġitarju li jsir fis-sistema tal-kontabbiltà. Dan, madankollu, m'għandux effett fuq il-kontijiet ġenerali (jew ir-reġistru ġenerali) minħabba li ma ġġarrbet l-ebda nefqa. Dan jiġri għaliex is-sistema tal-kontabbiltà tal-FEŻ fiha żewġ elementi separati iżda li huma wkoll konnessi:

(a)	il-kontijiet tal-baġit, li jipprovdu rekord dettaljat tal-implimentazzjoni tal-baġit; kif ukoll,

(b)	il-kontijiet ġenerali, użati fit-tħejjija tal-karta tal-bilanċ u tar-riżultat ekonomiku.

Il-kontijiet tal-baġit juru l-impenji u l-ħlasijiet li saru. Huma msejsa fuq il-prinċipju tal-kontabbiltà bbażata fuq il-ħlasijiet, fejn partita ta’ spiża jew ta’ introjtu tiġi rreġistrata fil-kontijiet biss meta l-flus jiġu impenjati, imħallsa jew riċevuti. Din it-tip ta’ kontabbiltà hija tipika għas-settur pubbliku fejn il-konċentrazzjoni dejjem kienet, storikament, ixxaqleb lejn il-baġit u l-implimentazzjoni tiegħu.

Il-kontijiet ġenerali (msejsa fuq il-prinċipju tal-kontabbiltà bbażata fuq id-dovuti) juru n-nefqa u d-dħul kollu ta’ matul is-sena finanzjarja (u għalhekk ir-riżultat ekonomiku) u jistabbilixxu l-pożizzjoni finanzjarja tal-FEŻ fil-forma tal-karta tal-bilanċ tal-assi u tal-obbligazzjonijiet fil-31 ta’ Diċembru ta’ sena partikolari.

3.5   Kif isir il-ħlas

L-ebda ħlas ma jista' jsir sakemm l-impenn baġitarju ma jkunx diġà ġie approvat mill-Uffiċjal Awtorizzanti.

Il-prefinanzjament huwa l-ħlas intenzjonat li jipprovdi lill-benefiċjarju bi flus bil-quddiem, jiġifieri bi float. Din tista' tinqasam f'numru ta’ ħlasijiet fuq perjodu definit fil-ftehim partikolari tal-prefinanzjament. Il-float jew l-avvanz jistgħu jew jintużaw għall-iskop li għalih ġew ipprovduti matul il-perjodu definit fil-ftehim jew jitħallsu lura – jekk il-benefiċjarju ma jġarrabx nefqa eliġibbli huwa għandu l-obbligu li jirritorna l-avvanz tal-prefinanzjament lill-FEŻ. Għaldaqstant il-prefinanzjament imħallas ma jikkostitwixxix spiża definittiva sakemm il-kundizzjonijiet kontrattwali rilevanti ma jiġux sodisfatti u għalhekk jiġi rreġistrat bħala assi fuq il-karta tal-bilanċ meta jsir il-ħlas inizjali. L-ammont tal-assi tal-prefinanzjament huwa mnaqqas (totalment jew parzjalment) billi jiġu aċċettati l-ispejjeż eliġibbli (li jittieħdu bħala spejjeż fil-kont tar-riżultat ekonomiku) u l-ammonti li jiġu rritornati.

Fl-aħħar tas-sena, għandha ssir valutazzjoni tal-ispejjeż eliġibbli mġarrba minn benefiċjarji tal-fondi tal-FEŻ iżda li jkunu għadhom ma ġewx irrappurtati. Wara dawn il-kalkoli ta’ cut-off, l-ammonti eliġibbli stmati huma rreġistrati bħala imposti dovuti, filwaqt li l-partijiet mhux eliġibbli stmati jibqgħu miftuħa fuq il-kontijiet fejn “l-eliġibbiltà tkun għadha trid tiġi ċċekkjata”. Dawn l-ammonti jintwerew taħt l-obbligazzjonijiet kurrenti sabiex ma tingħatax stima għolja żżejjed tal-assi u tal-obbligazzjonijiet.

3.6   L-irkupru tal-ħlasijiet mhux dovuti

L-eliġibbiltà tan-nefqa imposta fuq il-FEŻ tiġi vverifikata fuq il-bażi tad-dokumenti ta’ appoġġ stipulati fir-regoli applikabbli jew fil-kundizzjonijiet ta’ kull għotja. Bil-għan li tiġi ottimizzata r-relazzjoni bejn l-ispejjeż u l-benefiċċji tas-sistemi tal-kontroll, il-kontrolli fuq id-dokumenti ta’ appoġġ għat-talbiet finali għandhom tendenza li jkunu iktar dettaljati minn dawk fuq it-talbiet interim, u għalhekk jistgħu jinqabdu żbalji fil-ħlasijiet interim li jiġu kkoreġuti permezz ta’ aġġustament fil-ħlas finali. Barra minn dan, il-Kummissjoni għandha d-dritt li tivverifika l-integrità tad-dokumenti ta’ appoġġ billi tagħmel kontrolli fil-bini ta’ min iressaq il-pretensjoni, matul l-implimentazzjoni tal-azzjoni ffinanzjata u/jew wara (ex-post). L-iżbalji li jinstabu matul il-perjodu tal-implimentazzjoni jistgħu jiġu kkoreġuti permezz ta’ aġġustament fit-talbiet sussegwenti. L-iżbalji li jinstabu ex-post ikunu s-suġġett ta’ ordni tal-irkupru.

4.   IR-RAPPORTAR TAL-AĦĦAR TAS-SENA

4.1   Kontijiet annwali

Hija fir-responsabbiltà tal-Uffiċjal tal-Kontabbiltà li jħejji l-kontijiet annwali u li jiżgura li dawn jippreżentaw stampa vera u ġusta tal-pożizzjoni finanzjarja tal-FEŻ.

Il-kontijiet annwali jiġu ppreżentati kif ġej:

Parti I:

Il-fondi ġestiti mill-Kummissjoni Ewropea — Id-dikjarazzjonijiet finanzjarji tat-8, id-9 u l-10 Fond Ewropew għall-Iżvilupp — Rapport dwar l-implimentazzjoni finanzjarja tat-8, id-9 u l-10 Fond Ewropew għall-Iżvilupp

Parti II:

Il-fondi ġestiti mill-Bank Ewropew tal-Investiment — Id-dikjarazzjonijiet finanzjarji tal-Faċilità tal-Investiment

Id-dikjarazzjonijiet finanzjarji tal-Faċilità tal-Investiment huma inklużi bħala parti separata mill-kontijiet annwali sabiex jipprovdu stampa sħiħa tal-għajnuna għall-iżvilupp tal-FEŻ.

Il-kontijiet annwali jiġu adottati mill-Kummissjoni sal-31 ta’ Lulju tas-sena sussegwenti u ppreżentati lill-Qorti tal-Awdituri għall-awditjar u finalment lill-Kunsill u lill-Parlament għar-rilaxx.

4.2   Ir-Rapport tal-Attività Annwali

L-Uffiċjal Awtorizzanti huwa mitlub iħejji r-Rapport tal-Attività Annwali (AAR) dwar l-attivitajiet li jaqgħu taħt ir-responsabbiltà tiegħu. F'dan ir-Rapport tal-Attività Annwali, l-Uffiċjal Awtorizzanti jirrapporta dwar ir-riżultati tal-politika u dwar l-assigurazzjoni raġonevoli li jista' jkollu li r-riżorsi assenjati għall-attivitajiet deskritti fir-rapport tiegħu ntużaw għall-iskop intenzjonat tagħhom u skont il-prinċipji ta’ ġestjoni finanzjarja tajba, u li l-proċeduri tal-kontroll stabbiliti jagħtu l-garanziji meħtieġa dwar il-legalità u r-regolarità tat-tranżazzjonijiet sottostanti.

5.   L-AWDITJAR U R-RILAXX

5.1   L-awditjar

Il-kontijiet annwali tal-FEŻ u l-ġestjoni tar-riżorsi jiġu ssorveljati mill-awditur estern tiegħu, mill-Qorti Ewropea tal-Awdituri, li tfassal rapport annwali għall-Kunsill u l-Parlament Ewropew. Il-kompitu ewlieni tal-Qorti huwa li twettaq l-awditjar estern u indipendenti tal-kontijiet annwali tal-FEŻ. Bħala parti mill-attivitajiet tagħha, il-Qorti tal-Awdituri tipproduċi:

(1)	rapport annwali, bid-dettalji tal-osservazzjonijiet tagħha dwar il-kontijiet annwali u t-tranżazzjonijiet sottostanti;

(2)	l-opinjoni, ibbażata fuq l-awditjar tagħha u mogħtija fir-rapport annwali fil-forma tad-dikjarazzjoni ta’ assigurazzjoni, dwar (i) l-affidabbiltà tal-kontijiet u (ii) il-legalità u r-regolarità tat-tranżazzjonijiet sottostanti;

(3)	ir-rapporti speċjali li jagħtu rendikont tar-riżultati tal-awditjar li jkopri oqsma speċifiċi tal-ġestjoni.

Il-Qorti tal-Awdituri hija intitolata taċċedi għad-dokumenti kollha meħtieġa matul l-awditjar tagħha. Il-Qorti tawditja l-oqsma kollha tal-attivitajiet tal-FEŻ, sal-eżaminazzjoni tal-legalità u r-regolarità tat-tranżazzjonijiet u l-ħlasijiet individwali. Hija tawditja wkoll il-kontijiet annwali nfushom, u tirrevedi l-partiti individwali tal-karta tal-bilanċ u tal-kont tar-riżultat ekonomiku fejn meħtieġ, flimkien mal-preżentazzjoni ġenerali tad-dikjarazzjonijiet finanzjarji. Għalhekk il-Qorti tista' toffri l-opinjoni tagħha mhux biss fuq iċ-ċifri ppreżentati, iżda wkoll fuq is-sistema u l-kontrolli fis-seħħ.

5.2   Ir-rilaxx

Il-kontroll finali huwa r-rilaxx tal-implimentazzjoni finanzjarja tar-riżorsi tal-FEŻ għal sena finanzjarja partikolari. Il-Parlament Ewropew huwa l-awtorità tar-rilaxx tal-FEŻ. Dan ifisser li wara l-awditjar u l-finalizzazzjoni tal-kontijiet annwali jkun imiss lill-Kunsill li jirrakkomanda, u mbagħad lill-Parlament biex jiddeċiedi jekk jagħtix ir-rilaxx lill-Kummissjoni għall-implimentazzjoni finanzjarja tar-riżorsi tal-FEŻ għas-sena finanzjarja preċedenti. Din id-deċiżjoni hija bbażata fuq ir-reviżjoni tal-kontijiet u r-rapport annwali tal-Qorti tal-Awdituri (li jinkludi stqarrija uffiċjali ta’ assigurazzjoni) u t-tweġibiet tal-Kummissjoni, u tittieħed b'segwitu għal mistoqsijiet u talbiet għal informazzjoni ulterjuri indirizzati lill-Kummissjoni.

Ir-rilaxx jirrappreżenta l-aspett politiku tal-kontroll estern tal-implimentazzjoni finanzjarja u jikkostitwixxi d-deċiżjoni li permezz tagħha l-Parlament Ewropew, li jaġixxi fuq ir-rakkomandazzjoni tal-Kunsill, “jirrilaxxa” lill-Kummissjoni mir-responsabbiltà tagħha għall-ġestjoni tal-implimentazzjoni finanzjarja ta’ sena finanzjarja partikolari. Din il-proċedura tar-rilaxx tista' twassal għal wieħed minn dawn iż-żewġ riżultati: l-għoti jew il-posponiment tar-rilaxx. Meta jagħti r-rilaxx, il-Parlament jista' jenfasizza osservazzjonijiet li huwa jqis bħala importanti, u ta’ sikwit jirrakkomanda azzjonijiet li l-Kummissjoni għandha tieħu fil-konfront ta’ dawn il-kwistjonijiet. Il-Kummissjoni tippreżenta l-miżuri li ttieħdu f'rapport ta’ segwitu u fi pjan ta’ azzjoni li hija tibgħat kemm lill-Parlament kif ukoll lill-Kunsill.

PARTI I

IL-KONTIJIET ANNWALI TAL-FEŻ: IL-FONDI ĠESTITI MILL-KUMMISSJONI EWROPEA  (2)

1.   ID-DIKJARAZZJONIJIET FINANZJARJI TAT-8, ID-9 U L-10 FOND EWROPEW GĦALL-IŻVILUPP

1.1   IT-8, ID-9 U L-10 FEŻ: IL-KARTA TAL-BILANĊ AGGREGATA, IL-KONT TAR-RIŻULTAT EKONOMIKU, IR-RAPPORT TAL-FLUSSI TAL-FLUS U R-RAPPORT TAL-BIDLIET FL-ASSI NETTI

IL-KARTA TAL-BILANĊ AGGREGATA

tat-8, id-9 u l-10 FEŻ

(Miljuni ta’ EUR)
	Nota	31.12.2010	31.12.2009
ASSI MHUX KURRENTI
Prefinanzjament għal perjodu twil ta’ żmien	2.1	353	196
ASSI KURRENTI
Prefinanzjament għal perjodu qasir ta’ żmien	2.2	1 096	800
Riċevibbli għal perjodu qasir ta’ żmien	2.3	247	66
Flus kontanti u l-ekwivalenti	2.5	808	523
Assi totali		2 503	1 585
OBBLIGAZZJONIJIET KURRENTI
Ammonti pagabbli għal perjodu qasir ta’ żmien	2.6	(1 045)	(860)
Obbligazzjonijiet totali		(1 045)	(860)
Assi netti		1 458	724
FONDI U RIŻERVI
Kapital tal-fond mitlub	2.7	23 879	20 381
Riżervi oħrajn	2.8	2 252	2 252
Riżultat ekonomiku riportat mis-snin ta’ qabel		(21 909)	(18 814)
Riżultat ekonomiku għas-sena		(2 765)	(3 094)
Assi netti		1 458	724

IL-KONT TAR-RIŻULTAT EKONOMIKU AGGREGAT

tat-8, id-9 u l-10 FEŻ

(Miljuni ta’ EUR)
	Nota	2010	2009
DĦUL OPERATTIV	3.1	140	49
SPEJJEŻ OPERATTIVI
Spejjeż operattivi	3.2	(2 914)	(3 103)
Spejjeż amministrattivi	3.3	(86)	(90)
Bilanċ pożittiv (defiċit) mill-attivitajiet operattivi		(2 860)	(3 144)
Dħul finanzjarju	3.4	95	49
Bilanċ pożittiv (defiċit) mill-attivitajiet finanzjarji		95	49
Ir-riżultat ekonomiku għas-sena		(2 765)	(3 094)

IR-RAPPORT TAL-FLUSS TAL-FLUS AGGREGAT

tat-8, id-9 u l-10 FEŻ

(Miljuni ta’ EUR)
	Nota	2010	2009
Riżultat ekonomiku għas-sena		(2 765)	(3 094)
ATTIVITAJIET OPERATTIVI	4.2
Kontribuzzjonijiet ordinarji mill-Istati Membri		3 420	3 294
Kontribuzzjonijiet tal-kofinanzjament mill-Istati Membri		65	2
(Treġġigħ lura ta') telf minħabba indeboliment fuq ir-riċevibbli		2	0
(Żieda)/tnaqqis fil-prefinanzjament għal perjodu twil ta’ żmien		(157)	72
(Żieda)/tnaqqis fil-prefinanzjament għal perjodu qasir ta’ żmien		(296)	(150)
(Żieda)/tnaqqis fir-riċevibbli għal perjodu qasir ta’ żmien		(62)	(45)
Żieda/(tnaqqis) fl-ammonti pagabbli għal perjodu qasir ta’ żmien		78	152
Il-fluss nett tal-flus kontanti		285	230
Żieda netta/(tnaqqis) fil-flus kontanti u l-ekwivalenti		285	230
Flus kontanti u l-ekwivalenti fil-bidu tas-sena	2.5 & 4.3	523	293
Flus kontanti u l-ekwivalenti fl-aħħar tas-sena	2.5	808	523

IR-RAPPORT AGGREGAT TAL-BIDLIET FL-ASSI NETTI

tat-8, id-9 u l-10 FEŻ

(Miljuni ta’ EUR)
	Kapital tal-Fond	Fondi mhux mitluba	Kapital tal-fond mitlub	Riżervi kumulattivi	Riżervi oħrajn	Assi Netti Totali
	(a)	(b)	(c)=(a) – (b)	(d)	(e)	(c) + (d) + (e)
Bilanċ sal-31 ta’ Diċembru 2008	45 694	28 615	17 079	(18 814)	2 252	517
Żieda kapitali – kontribuzzjonijiet ordinarji	—	(3 300)	3 300	—	—	3 300
Żieda kapitali – kontribuzzjonijiet tal-kofinanzjament	68	66	2	—	—	2
Riżultat ekonomiku għas-sena	—	—	—	(3 094)	—	(3 094)
Bilanċ sal-31 ta’ Diċembru 2009	45 761	25 381	20 381	(21 909)	2 252	724
Żieda kapitali – kontribuzzjonijiet ordinarji	—	(3 500)	3 500	—	—	3 500
Riklassifikazzjoni tal-kontribuzzjonijiet tal-kofinanzjament (3)	(70)	(69)	(2)	—	—	(2)
Riżultat ekonomiku għas-sena	—	—	—	(2 765)	—	(2 765)
Bilanċ sal-31 ta’ Diċembru 2010	45 691	21 812	23 879	(24 674)	2 252	1 458

1.2   IT-8 FEŻ: IL-KARTA TAL-BILANĊ, IL-KONT TAR-RIŻULTAT EKONOMIKU U D-DIKJARAZZJONI TAL-BIDLIET FL-ASSI NETTI

Il-KARTA TAL-BILANĊ

tat-8 FEŻ

(Miljuni ta’ EUR)
	Nota	31.12.2010	31.12.2009
ASSI KURRENTI
Prefinanzjament għal perjodu qasir ta’ żmien	2.2	100	54
Riċevibbli għal perjodu qasir ta’ żmien	2.3	9	6
Kontijiet tal-kollegament	2.4	497	708
Assi totali		605	768
OBBLIGAZZJONIJIET KURRENTI:
Ammonti pagabbli għal perjodu qasir ta’ żmien	2.6	(45)	(65)
Obbligazzjonijiet totali		(45)	(65)
Assi netti		560	703
FONDI U RIŻERVI
Kapital tal-fond mitlub	2.7	12 840	12 840
Riżervi oħrajn	2.8	(2 237)	(2 153)
Riżultat ekonomiku riportat mis-snin ta’ qabel		(9 985)	(9 825)
Riżultat ekonomiku għas-sena		(58)	(159)
Assi netti		560	703

IL-KONT TAR-RIŻULTAT EKONOMIKU

tat-8 FEŻ

(Miljuni ta’ EUR)
	Nota	2010	2009
DĦUL OPERATTIV	3.1	54	20
SPEJJEŻ OPERATTIVI	3.2	(116)	(180)
Bilanċ pożittiv (defiċit) mill-attivitajiet operattivi		(61)	(160)
Dħul finanzjarju	3.4	4	1
Bilanċ pożittiv (defiċit) mill-attivitajiet finanzjarji		4	1
Ir-riżultat ekonomiku għas-sena		(58)	(159)

IR-RAPPORT TAL-BIDLIET FL-ASSI NETTI

tat-8 FEŻ

(Miljuni ta’ EUR)
	Kapital tal-Fond	Fondi mhux mitluba	Kapital tal-fond mitlub	Riżervi kumulattivi	Riżervi oħrajn	Assi Netti Totali
	(a)	(b)	(c)=(a) – (b)	(d)	(e)	(c) + (d) + (e)
Bilanċ sal-31 ta’ Diċembru 2008	12 840	—	12 840	(9 825)	(2 153)	862
Żieda kapitali – kontribuzzjonijiet ordinarji	—	—	—	—	—	—
Riżultat ekonomiku għas-sena	—	—	—	(159)	—	(159)
Bilanċ sal-31 ta’ Diċembru 2009	12 840	—	12 840	(9 985)	(2 153)	703
Żieda kapitali – kontribuzzjonijiet ordinarji	—	—	—	—	—	—
Trasferimenti għall-10 FEŻ	—	—	—	—	(85)	(85)
Riżultat ekonomiku għas-sena	—	—	—	(58)	—	(58)
Bilanċ sal-31 ta’ Diċembru 2010	12 840	—	12 840	(10 042)	(2 237)	560

1.3   ID-9 FEŻ: IL-KARTA TAL-BILANĊ, IL-KONT TAR-RIŻULTAT EKONOMIKU U R-RAPPORT TAL-BIDLIET FL-ASSI NETTI

Il-KARTA TAL-BILANĊ

tad-9 FEŻ

(Miljuni ta’ EUR)
	Nota	31.12.2010	31.12.2009
ASSI MHUX KURRENTI:
Prefinanzjament għal perjodu twil ta’ żmien	2.1	158	129
ASSI KURRENTI
Prefinanzjament għal perjodu qasir ta’ żmien	2.2	742	507
Riċevibbli għal perjodu qasir ta’ żmien	2.3	233	59
Kontijiet tal-kollegament	2.4	2 516	653
Flus kontanti u l-ekwivalenti	2.5	7	11
Assi totali		3 655	1 359
OBBLIGAZZJONIJIET KURRENTI
Ammonti pagabbli għal perjodu qasir ta’ żmien	2.6	(392)	(366)
Obbligazzjonijiet totali		(392)	(366)
Assi netti		3 263	993
FONDI U RIŻERVI
Kapital tal-fond mitlub	2.7	11 039	7 539
Riżervi oħrajn	2.8	4 157	4 308
Riżultat ekonomiku riportat mis-snin ta’ qabel		(10 854)	(8 970)
Riżultat ekonomiku għas-sena		(1 078)	(1 884)
Assi netti		3 263	993

IL-KONT TAR-RIŻULTAT EKONOMIKU

tad-9 FEŻ

(Miljuni ta’ EUR)
	Nota	2010	2009
DĦUL OPERATTIV	3.1	82	26
SPEJJEŻ OPERATTIVI
Spejjeż operattivi	3.2	(1 230)	(1 880)
Spejjeż amministrattivi	3.3	(6)	(77)
Bilanċ pożittiv (defiċit) mill-attivitajiet operattivi		(1 155)	(1 931)
Dħul finanzjarju	3.4	77	47
Bilanċ pożittiv (defiċit) mill-attivitajiet finanzjarji		77	47
Ir-riżultat ekonomiku għas-sena		(1 078)	(1 884)

IR-RAPPORT TAL-BIDLIET FL-ASSI NETTI

tad-9 FEŻ

(Miljuni ta’ EUR)
	Kapital tal-Fond	Fondi mhux mitluba	Kapital tal-fond mitlub	Riżervi kumulattivi	Riżervi oħrajn	Assi Netti Totali
	(a)	(b)	(c)=(a) – (b)	(d)	(e)	(c) + (d) + (e)
Bilanċ sal-31 ta’ Diċembru 2008	11 699	7 460	4 239	(8 970)	4 308	(424)
Żieda kapitali – kontribuzzjonijiet ordinarji	—	(3 300)	3 300	—	—	3 300
Riżultat ekonomiku għas-sena	—	—	—	(1 884)	—	(1 884)
Bilanċ sal-31 ta’ Diċembru 2009	11 699	4 160	7 539	(10 854)	4 308	993
Żieda kapitali – kontribuzzjonijiet ordinarji	—	(3 500)	3 500	—	—	3 500
Trasferimenti għall-10 FEŻ	—	—	—	—	(151)	(151)
Riżultat ekonomiku għas-sena	—	—	—	(1 078)	—	(1 078)
Bilanċ sal-31 ta’ Diċembru 2010	11 699	660	11 039	(11 932)	4 157	3 263

1.4   L-10 FEŻ: IL-KARTA TAL-BILANĊ, IL-KONT TAR-RIŻULTAT EKONOMIKU U R-RAPPORT TAL-BIDLIET FL-ASSI NETTI

Il-KARTA TAL-BILANĊ

tal-10 FEŻ

(Miljuni ta’ EUR)
	Nota	31.12.2010	31.12.2009
ASSI MHUX KURRENTI:
Prefinanzjament għal perjodu twil ta’ żmien	2.1	195	67
ASSI KURRENTI
Prefinanzjament għal perjodu qasir ta’ żmien	2.2	255	239
Riċevibbli għal perjodu qasir ta’ żmien	2.3	5	1
Flus kontanti u l-ekwivalenti	2.5	801	512
Assi totali		1 255	819
OBBLIGAZZJONIJIET KURRENTI:
Ammonti pagabbli għal perjodu qasir ta’ żmien	2.6	(608)	(430)
Kontijiet tal-kollegament	2.4	(3 013)	(1 361)
Obbligazzjonijiet totali		(3 621)	(1 791)
Assi netti		(2 366)	(971)
FONDI U RIŻERVI
Kapital tal-fond mitlub	2.7	—	2
Riżervi oħrajn	2.8	333	97
Riżultat ekonomiku riportat mis-snin ta’ qabel		(1 070)	(19)
Riżultat ekonomiku għas-sena		(1 629)	(1 051)
Assi netti  (4)		(2 366)	(971)

IL-KONT TAR-RIŻULTAT EKONOMIKU

tal-10 FEŻ

(Miljuni ta’ EUR)
	Nota	2010	2009
DĦUL OPERATTIV	3.1	4	2
SPEJJEŻ OPERATTIVI
Spejjeż operattivi	3.2	(1 567)	(1 042)
Spejjeż amministrattivi	3.3	(80)	(13)
Bilanċ pożittiv (defiċit) mill-attivitajiet operattivi		(1 643)	(1 053)
Dħul finanzjarju	3.4	14	2
Bilanċ pożittiv (defiċit) mill-attivitajiet finanzjarji		14	2
Ir-riżultat ekonomiku għas-sena		(1 629)	(1 051)

IR-RAPPORT TAL-BIDLIET FL-ASSI NETTI

tal-10 FEŻ

(Miljuni ta’ EUR)
	Kapital tal-Fond	Fondi mhux mitluba	Kapital tal-fond mitlub	Riżervi kumulattivi	Riżervi oħrajn	Assi Netti Totali
	(a)	(b)	(c)=(a) – (b)	(d)	(e)	(c) + (d) + (e)
Bilanċ sal-31 ta’ Diċembru 2008	21 154	21 154	—	(19)	97	78
Żieda kapitali – kontribuzzjonijiet ordinarji	—	—	—	—	—	—
Żieda kapitali – kontribuzzjonijiet tal-kofinanzjament	68	66	2	—	—	2
Riżultat ekonomiku għas-sena	—	—	—	(1 051)	—	(1 051)
Bilanċ sal-31 ta’ Diċembru 2009	21 222	21 221	2	(1 070)	97	(971)
Żieda kapitali – kontribuzzjonijiet ordinarji	—	—	—	—	—	—
Riklassifikazzjoni tal-kontribuzzjonijiet tal-kofinanzjament (5)	(70)	(69)	(2)	—	—	(2)
Trasferimenti mit-8 u mid-9 FEŻ	—	—	—	—	236	236
Riżultat ekonomiku għas-sena	—	—	—	(1 629)	—	(1 629)
Bilanċ sal-31 ta’ Diċembru 2010	21 152	21 152	—	(2 699)	333	(2 366)

1.5   NOTI GĦAD-DIKJARAZZJONIJIET FINANZJARJI TAT-8, ID-9 U L-10 FEŻ

1.   POLITIKI TAL-KONTABBILTÀ SINIFIKANTI

1.1.   ID-DISPOŻIZZJONIJIET LEGALI U R-REGOLAMENT FINANZJARJU

Id-dikjarazzjonijiet finanzjarji tfasslu f'konformità mar-Regolament Finanzjarju applikabbli għall-10 FEŻ. F'konformità mad-dispożizzjonijiet tal-Artikolu 121 ta’ dan ir-regolament, id-dikjarazzjonijiet finanzjarji jitħejjew b'rispett lejn il-prinċipji tal-kontabbiltà bbażata fuq id-dovuti.

Dawn id-dikjarazzjonijiet finanzjarji ġew abbozzati f'konformità mar-regoli u l-metodi tal-kontabbiltà tal-FEŻ imfassla fuq il-bażi tal-Istandards Internazzjonali tal-Kontabbiltà għas-Settur Pubbliku (IPSAS) jew b'mod awtomatiku, l-Istandards Internazzjonali tar-Rapportar Finanzjarju (IFRS) kif maħruġa rispettivament mill-Bord tal-Istandards Internazzjonali tal-Kontabbiltà għas-Settur Pubbliku (IPSASB) u l-Bord tal-Istandards Internazzjonali tal-Kontabbiltà (IASB). Ir-regoli dwar il-metodi ta’ valutazzjoni u tal-kontabbiltà adottati mill-Uffiċjal tal-Kontabbiltà tal-FEŻ ġew applikati fir-rigward tal-parti tar-riżorsi tal-FEŻ li l-ġestjoni finanzjarja tagħha taqa' taħt ir-responsabbiltà tal-Kummissjoni Ewropea.

L-Uffiċjal tal-Kontabbiltà tal-FEŻ għandu jibgħat il-kontijiet proviżorji lill-Qorti tal-Awdituri għall-awditjar sal-31 ta’ Marzu tas-sena segwenti. Il-Qorti tal-Awdituri min-naħa tagħha għandha tagħmel l-osservazzjonijiet tagħha dwar il-kontijiet tal-Kummissjoni sa mhux aktar tard mill-15 ta’ Ġunju (l-Artikolu 125). Fuq il-bażi ta’ dawn l-osservazzjonijiet, il-Kummissjoni tapprova l-kontijiet finali sal-31 ta’ Lulju u tibgħathom lill-Parlament Ewropew, lill-Kunsill u lill-Qorti tal-Awdituri. Il-kontijiet imbagħad jiġu ppubblikati fil-Ġurnal Uffiċjali sal-15 ta’ Novembru, flimkien mal-istqarrija ta’ assigurazzjoni mogħtija mill-Qorti tal-Awdituri fir-rigward tal-parti tar-riżorsi tal-FEŻ li l-ġestjoni finanzjarja tagħha taqa' taħt ir-responsabbiltà tal-Kummissjoni.

1.2.   IL-PRINĊIPJI TAL-KONTABBILTÀ

L-objettiv tad-dikjarazzjonijiet finanzjarji huwa li jipprovdu informazzjoni dwar il-pożizzjoni finanzjarja, il-prestazzjoni u l-fluss tal-flus ta’ entità li hija utli għal firxa wiesgħa ta’ utenti. Għal entità fis-settur pubbliku bħall-FEŻ, l-għanijiet huma partikolarment li jipprovdu informazzjoni utli għat-teħid tad-deċiżjonijiet, u li juru r-responsabbiltà tal-entità għar-riżorsi afdati lilha.

Jekk għandhom jippreżentaw stampa vera u ġusta, id-dikjarazzjonijiet finanzjarji m'għandhomx jipprovdu biss l-informazzjoni rilevanti biex jiddeskrivu n-natura u l-firxa tal-attivitajiet tal-organizzazzjoni, jispjegaw kif inhi ffinanzjata u jipprovdu l-informazzjoni definittiva dwar l-operazzjonijiet tagħha, iżda għandhom jagħmlu dan b'mod ċar u li jinftiehem, li jippermetti li jsir tqabbil bejn is-snin finanzjarji. Huwa bil-ħsieb ta’ dawn il-miri li ġie mfassal id-dokument preżenti.

Is-sistema tal-kontabbiltà tal-FEŻ fiha kontijiet ġenerali u kontijiet tal-baġit. Il-kontijiet tal-baġit jagħtu stampa dettaljata tal-implimentazzjoni tal-baġit. Huma msejsa fuq il-prinċipju tal-kontabbiltà bbażata fuq il-ħlasijiet. Il-kontijiet ġenerali jippermettu li jitħejjew id-dikjarazzjonijiet finanzjarji minħabba li juru l-ispejjeż kollha u l-introjtu kollu għas-sena finanzjarja msejsa fuq ir-regoli tal-kontabbiltà bbażata fuq id-dovuti u huma mfassla biex jistabbilixxu l-pożizzjoni finanzjarja fil-forma tal-karta tal-bilanċ fil-31 ta’ Diċembru.

L-Artikolu 120 tar-Regolament Finanzjarju tal-10 FEŻ jistabbilixxi l-prinċipji tal-kontabbiltà li għandhom jiġu applikati fit-tfassil tad-dikjarazzjonijiet finanzjarji:

—	fuq il-bażi ta’ negozju attiv;

—	il-prudenza;

—	metodi konsistenti ta’ kontabbiltà;

—	il-komparabbiltà tal-informazzjoni;

—	il-materjalità;

—	l-ebda tpaċija;

—	ir-realtà fuq l-apparenza;

—	il-kontabbiltà bbażata fuq id-dovuti.

1.3.   IL-BAŻI TAT-TĦEJJIJA

1.3.1.    Munita operattiva u tar-rapportar

Id-dikjarazzjonijiet finanzjarji huma ppreżentati f'miljuni ta’ euro, minħabba li l-euro hija l-munita operattiva u tar-rapportar tal-FEŻ.

1.3.2.    Munita u bażi għall-konverżjoni

It-tranżazzjonijiet f'muniti barranin huma kkonvertiti f'euro bir-rati tal-kambju prevalenti fid-dati tat-tranżazzjonijiet. Il-qligħ u t-telf fuq il-munita barranija li jirriżultaw mis-saldu tat-tranżazzjonijiet f'muniti barranin u mit-traduzzjoni bir-rati tal-kambju tal-aħħar tas-sena tal-assi u l-obbligazzjonijiet monetarji ddenominati f'muniti barranin huma rikonoxxuti fil-kont tar-riżultat ekonomiku.

Il-bilanċi tal-aħħar tas-sena tal-assi u l-obbligazzjonijiet monetarji ddenominati f'muniti barranin jiġu kkonvertiti f'euro fuq il-bażi ta’ dawn ir-rati tal-kambju ta’ hawn taħt applikabbli fil-31 ta’ Diċembru:

Il-munita	31.12.2010	31.12.2009
BGN	1,9558	1,9558
CZK	25,0610	26,4730
DKK	7,4535	7,4418
EEK	15,6466	15,6466
GBP	0,8607	0,8881
HUF	277,9500	270,4200
LVL	0,7094	0,7093
LTL	3,4528	3,4528
PLN	3,9750	4,1045
RON	4,2620	4,2363
SEK	8,9655	10,2520
CHF	1,2504	1,4836
JPY	108,6500	133,1600
USD	1,3362	1,4406

1.3.3.    L-użu tal-estimi

Skont l-IPSAS u l-prinċipji tal-kontabbiltà aċċettati b'mod ġenerali, id-dikjarazzjonijiet finanzjarji neċessarjament jinkludu l-ammonti msejsa fuq l-estimi u l-ipoteżijiet tal-maniġment ibbażati fuq l-iktar informazzjoni affidabbli disponibbli. L-estimi sinifikanti jinkludu, iżda mhumiex limitati għal, l-ammonti tal-provvedimenti, it-telf minħabba l-indeboliment fuq il-kontijiet riċevibbli u l-imposti dovuti. Ir-riżultati li fil-fatt jinkisbu jistgħu jvarjaw minn dawk l-estimi. Il-bidliet fl-estimi huma riflessi fil-perjodu li fih isiru magħrufa.

1.4.   IL-KARTA TAL-BILANĊ

1.4.1    Ammonti tal-prefinanzjament

Il-prefinanzjament huwa l-ħlas intenzjonat li jipprovdi lill-benefiċjarju bi flus bil-quddiem, jiġifieri bi float. Din tista' tinqasam f'numru ta’ ħlasijiet fuq perjodu definit fil-ftehim partikolari tal-prefinanzjament. Il-float jew l-avvanz jistgħu jitħallsu lura jew jintużaw għall-iskop li għalih ġew ipprovduti matul il-perjodu definit fil-ftehim. Jekk il-benefiċjarju ma jġarrabx nefqa eliġibbli huwa għandu l-obbligu li jirritorna l-avvanz tal-prefinanzjament lill-FEŻ. L-ammont tal-prefinanzjament huwa mnaqqas (totalment jew parzjalment) billi jiġu aċċettati l-ispejjeż eliġibbli u l-ammonti li jiġu rritornati.

Fl-aħħar tas-sena, l-ammonti tal-prefinanzjament pendenti jiġu vvalutati skont l-ammont(i) oriġinali mħallas/mħallsa wara li jitnaqqsu l-elementi li ġejjin: l-ammonti li jiġu rritornati, l-ammonti eliġibbli approvati, l-istima tal-ammonti eliġibbli li jkunu għadhom mhux approvati sal-aħħar tas-sena u t-tnaqqis fil-valur.

L-imgħax fuq il-prefinanzjament jiġi rikonoxxut meta jsir dovut f'konformità mad-dispożizzjonijiet tal-ftehim rilevanti. Stima tad-dħul dovut mill-imgħaxijiet, fuq il-bażi tal-aktar informazzjoni affidabbli, issir fl-aħħar tas-sena.

1.4.2    Riċevibbli

L-ammonti riċevibbli huma kontabilizzati bl-ammont oriġinali bit-tnaqqis fil-valur kontabbli minħabba indeboliment imnaqqas minnu. It-tnaqqis fil-valur kontabbli minħabba indeboliment ta’ riċevibbli jiġi stabbilit meta jkun hemm evidenza oġġettiva li l-ammont kollu pendenti ma jistax jinġabar skont it-termini oriġinali tar-riċevibbli. L-ammont tat-tnaqqis fil-valur kontabbli huwa d-differenza bejn l-ammont kontabbli tal-assi u l-ammont li jista' jiġi rkuprat, li huwa l-valur preżenti tal-flussi tal-flus futuri mistennija, skontat bir-rata ta’ imgħax tas-suq għal debituri simili. Huwa rikonoxxut ukoll tnaqqis ġenerali fil-valur kontabbli għal ordnijiet pendenti ta’ rkupru li ma jkunux diġà soġġetti għal tnaqqis kontabbli speċifiku. Dan it-tnaqqis ġenerali fil-valur kontabbli huwa bbażat fuq rati ta’ telf storiku. L-ammont tat-tnaqqis fil-valur kontabbli huwa rikonoxxut fil-kont tar-riżultat ekonomiku.

1.4.3    Flus kontanti u l-ekwivalenti

Il-flus kontanti u l-ekwivalenti huma strumenti finanzjarji u huma definiti bħala assi għal perjodu qasir. Dawn jinkludu flus kontanti disponibbli, depożiti miżmuma mal-banek li jistgħu jiġu miġbuda bla dewmien u investimenti likwidi oħrajn ta’ skadenza qasira b'maturitajiet oriġinali ta’ tliet xhur jew inqas.

1.4.4    Ammonti pagabbli

Parti sinifikattiva mill-ammonti pagabbli tal-FEŻ mhumiex marbuta max-xiri ta’ oġġetti jew servizzi – iżda minflok huma pretensjonijiet ta’ spejjeż minn benefiċjarji ta’ għotjiet jew ta’ finanzjamenti oħrajn li għadhom ma tħallsux. Dawn huma mniżżlin bħala ammonti pagabbli għall-ammont rikjest meta t-talba għall-ħlas tiġi riċevuta u wara verifikazzjoni, tiġi aċċettata bħala eliġibbli mill-aġenti finanzjarji rilevanti. F'dan l-istadju, dawn huma stmati skont l-ammont aċċettat u eliġibbli.

L-ammonti pagabbli li jinħolqu mix-xiri ta’ oġġetti u servizzi huma rikonoxxuti meta tiġi riċevuta l-fattura għall-ammont oriġinali u l-ispejjeż rilevanti jitniżżlu fil-kontijiet meta l-provvisti jew is-servizzi jiġu kkunsinjati u jkunu aċċettati.

1.4.5    Provvedimenti

Il-provvedimenti jiġu rikonoxxuti meta l-FEŻ ikollu obbligazzjoni preżenti legali jew kostruttiva lejn partijiet terzi b'riżultat ta’ avvenimenti li għaddew; huwa probabbli li ħruġ ta’ riżorsi jkun meħtieġ biex jiġi likwidat l-obbligu, u l-ammont ikun jista' jiġi stmat b'mod li wieħed jista' jorbot fuqu. L-ammont tal-provvediment huwa l-aħjar stima tan-nefqiet li jistgħu jkunu meħtieġa sabiex jiġi likwidat l-obbligu preżenti fid-data tar-rappurtar.

1.4.6    Introjtu u spejjeż dovuti u differiti

Element kritiku fil-kontabilità bbażata fuq id-dovuti huwa l-eżerċizzju li jiġi assigurat li t-tranżazzjonijiet jiġu rreġistrati fis-sena kontabbli li jkunu marbuta magħha. Dan l-eżerċizzju jissejjaħ l-eżerċizzju tal-cut-off. B'mod partikolari għandha ssir valutazzjoni li tikkonċerna l-ispejjeż eliġibbli mġarrba minn benefiċjarji tal-fondi tal-FEŻ imma li għadhom mhumiex irrappurtati lill-FEŻ (spejjeż dovuti). Bil-maqlub, xi ħlasijiet li jsiru fis-sena kurrenti huma relatati ma’ perjodi sussegwenti (spejjeż differiti) u dawn għandhom jiġu identifikati u inklużi fil-perjodu/perjodi sussegwenti.

Skont ir-regoli tal-kontabbiltà tal-FEŻ, it-tranżazzjonijiet u l-avvenimenti huma rikonoxxuti fid-dikjarazzjonijiet finanzjarji fil-perjodu li għandhom x'jaqsmu miegħu. Fi tmiem il-perjodu tal-kontabbiltà, l-ispejjeż dovuti huma rikonoxxuti abbażi tal-ammont stmat tal-obbligu tat-trasferiment tal-perjodu. Il-kalkolu tal-ispejjeż dovuti jsir skont il-linji gwida operattivi u prattiċi dettaljati maħruġa mill-Kummissjoni li għandhom il-mira li jaraw li d-dikjarazzjonijiet finanzjarji jagħtu stampa vera u ġusta.

Id-dħul ukoll għandu jkun kontabilizzat fil-perjodu li huwa relatat miegħu. Fl-aħħar tas-sena, jekk fattura ma tkunx għadha ntbagħtet iżda s-servizz ikun ingħata, il-provvisti jkunu ġew ipprovduti mill-FEŻ jew ikun jeżisti ftehim kuntrattwali (jiġifieri, b'referenza għal trattat), jiġi rikonoxxut introjtu dovut fid-dikjarazzjonijiet finanzjarji.

Minbarra dan, fi tmiem is-sena, jekk tinħareġ fattura iżda s-servizzi ma jkunux għadhom ingħataw jew l-oġġetti pprovduti jkunu għadhom ma ġewx ikkunsinjati, id-dħul jiġi differit u rikonoxxut fil-perjodu sussegwenti tal-kontabbiltà.

1.5.   IL-KONT TAR-RIŻULTAT EKONOMIKU

1.5.1    Dħul

Ma hemmx dħul tal-baġit tal-Fond Ewropew għall-Iżvilupp. Il-kontribuzzjonijiet ordinarji mill-Istati Membri jiġu trattati bħala l-kapital tal-fond. Id-dħul jinkludi l-irkupru tal-ispejjeż u l-introjtu mill-imgħax.

L-irkupru tal-ispejjeż

Għall-operazzjonijiet li jwasslu għal rimbors ta’ nefqiet li qabel ikunu tħallsu mill-FEŻ lil benefiċjarju finali jew pajjiż terz, l-ordnijiet ta’ rkupru u t-tnaqqis minn ħlasijiet sussegwenti jiġu stabbiliti u kontabilizzati kif ġej:

—	Irkupru tal-ispejjeż: l-ordni tal-irkupru maħruġa tirriżulta f'riċevibbli fejn l-entrata korrispondenti tikkostitwixxi l-introjtu fil-kont tar-riżultat ekonomiku għal dik is-sena; jew,

—	Irkupru ta’ ammonti tal-prefinanzjament: f'dan il-każ l-ammont jiġi inkluż taħt l-intestatura tal-prefinanzjament fuq il-karta tal-bilanċ.

L-introjtu mill-imgħax

L-introjtu mill-imgħax huwa rikonoxxut fil-kont tar-riżultat ekonomiku bl-użu tal-metodu tal-imgħax effettiv. L-introjtu mill-imgħax jinkludi l-imgħax riċevut jew riċevibbli fuq il-bilanċi tal-flus u d-depożiti li jistgħu jintalbu, miżmuma f'banek kummerċjali, u fuq il-ħlas tard tal-intitolamenti lill-FEŻ. L-introjtu mill-imgħax huwa rikonoxxut hekk kif isir dovut.

1.5.2    In-nefqa

L-ispejjeż tal-kambju li jirriżultaw mix-xiri tal-prodotti u s-servizzi jiġu rikonoxxuti meta l-provvisti jiġu kkunsinjati u jkunu aċċettati. Dawn jiġu vvalutati skont il-prezz oriġinali tal-fattura.

L-ispejjeż mhux tal-kambju jirrappreżentaw il-maġġoranza tan-nefqa tal-FEŻ. Dawn huma marbuta ma’ trasferimenti lill-benefiċjarji u jistgħu jkunu ta’ tliet tipi: intitolamenti, trasferimenti bi ftehim u għotjiet diskrezzjonali, jew kontribuzzjonijiet u donazzjonijiet.

It-trasferimenti huma rikonoxxuti bħala spejjeż matul il-perjodu li fih l-avvenimenti li jwasslu għat-trasferiment ikunu seħħew, bil-kondizzjoni li n-natura tat-trasferiment tkun permessa mir-regolament (ir-Regolament Finanzjarju jew regolamenti oħra) jew li jkun ġie ffirmat kuntratt li jawtorizza t-trasferiment; kull kriterju ta’ eliġibbiltà jkun ġie sodisfatt mill-benefiċjarju; u tkun tista' ssir stima raġonevoli tal-ammont.

Meta kwalunkwe rikjesta għal ħlas jew pretensjoni ta’ spiża tiġi riċevuta u tissodisfa l-kriterji ta’ rikonoxximent, hija tiġi rikonoxxuta bħala spiża għall-ammont eliġibbli. Fl-aħħar tas-sena, spejjeż eliġibbli mġarrba li jkunu diġà dovuti lill-benefiċjarji imma li jkunu għadhom mhux irrappurtati jiġu stmati u rreġistrati bħala spejjeż dovuti.

L-ispiża tal-imgħax

L-ispiża tal-imgħax tiġi rikonoxxuta fil-kont tar-riżultat ekonomiku bl-użu tal-metodu tal-imgħax effettiv. L-ispiża tal-imgħax tinkludi l-imgħax imħallas jew li jrid jitħallas u tiġi rikonoxxuta hekk kif issir dovuta.

1.6.   L-ASSI U L-OBBLIGAZZJONIJIET KONTINĠENTI

1.6.1    L-assi kontinġenti

Assi kontinġenti huwa assi possibbli li jirriżulta minn avvenimenti tal-imgħoddi u li l-eżistenza tiegħu tiġi kkonfermata biss bl-okkorrenza jew bin-nuqqas ta’ okkorrenza ta’ avveniment wieħed jew aktar fil-futur li huma inċerti u li mhumiex taħt il-kontroll tal-FEŻ. Assi kontinġenti jiġi ddikjarat meta jkun probabbli li jkun hemm dħul ta’ benefiċċji ekonomiċi jew potenzjal ta’ servizz.

L-assi kontinġenti huma eżaminati ma’ kull data tal-karta tal-bilanċ sabiex ikun żgurat li l-iżviluppi jkunu riflessi kif xieraq fid-dikjarazzjonijiet finanzjarji. Jekk ikun hemm prattikament ċertezza li se jkun hemm dħul ta’ benefiċċji ekonomiċi jew ta’ potenzjal ta’ servizz, u li l-valur tal-assi jkun jista' jitkejjel b'mod affidabbli, l-assi u d-dħul relatat miegħu jiġu rikonoxxuti fid-dikjarazzjonijiet finanzjarji tal-perjodu li fih tkun seħħet il-bidla.

Il-garanziji huma assi possibbli li jirriżultaw minn avvenimenti li għaddew u li l-eżistenza tagħhom tiġi kkonfermata permezz tal-okkorrenza jew in-nuqqas ta’ okkorrenza tas-suġġett tal-garanzija. Il-garanziji jistgħu għalhekk jikkwalifikaw bħala assi kontinġenti. Il-garanzija tkun likwidata meta l-oġġett tal-garanzija ma jibqax jeżisti. Hija tiġi kristallizzata meta l-kundizzjonijiet jiġu sodisfatti biex issir talba għall-ħlas mingħand il-garanti.

1.6.2    L-obbligazzjonijiet kontinġenti

L-obbligazzjoni kontinġenti hija obbligazzjoni possibbli li tirriżulta minn avvenimenti li għaddew u li l-eżistenza tagħhom tiġi kkonfermata biss permezz tal-okkorrenza jew in-nuqqas ta’ okkorrenza ta’ avveniment wieħed jew iktar inċert fil-futur li ma jkunx totalment fil-kontroll tal-FEŻ; jew obbligazzjoni attwali li tirriżulta minn avvenimenti li għaddew iżda ma tiġix rikonoxxuta għaliex: ma jkunx probabbli ħafna li jenħtieġ il-ħruġ ta’ riżorsi li jinkorporaw benefiċċji ekonomiċi jew potenzjal tas-servizz biex tiġi likwidata l-obbligazzjoni, jew f'ċirkostanzi rari fejn l-ammont tal-obbligazzjoni ma jistax jitkejjel b'affidabbiltà suffiċjenti. L-obbligazzjoni kontinġenti tiġi divulgata sakemm il-possibbiltà tal-ħruġ ta’ riżorsi li jinkorporaw benefiċċji ekonomiċi jew potenzjal tas-servizz mhix waħda remota.

L-obbligazzjonijiet kontinġenti jiġu evalwati f'kull data tal-karta tal-bilanċ biex jiġi ddeterminat jekk il-ħruġ ta’ riżorsi li jinkorporaw benefiċċji ekonomiċi jew potenzjal tas-servizz sarx probabbli. Jekk isir probabbli li jkun jenħtieġ ħruġ ta’ riżorsi li jinkorporaw benefiċċji ekonomiċi jew potenzjal ta’ servizz għal partita li tiġi ttrattata bħala obbligazzjoni kontinġenti, jiġi rikonoxxut provvediment fid-dikjarazzjonijiet finanzjarji tal-perjodu li fih isseħħ il-bidla fil-probabbiltà.

2.   NOTI GĦALL-KARTA TAL-BILANĊ

ASSI MHUX KURRENTI

2.1   PREFINANZJAMENT GĦAL PERJODU TWIL TA' ŻMIEN

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Prefinanzjament għal perjodu twil ta’ żmien	—	158	195	353	196
Total	—	158	195	353	196

Ħafna kuntratti jipprovdu għall-ħlasijiet bil-quddiem qabel ma jingħata bidu għax-xogħlijiet, il-kunsinna tal-provvisti jew il-forniment tas-servizzi. Xi kultant l-iskedi tal-ħlasijiet tal-kuntratti jipprevedu l-ħlasijiet fuq il-bażi tar-rapporti tal-progress. Il-prefinanzjament normalment jitħallas fil-munita tal-pajjiż jew tat-territorju fejn jitwettaq il-proġett.

Skont il-prinċipji tal-kontabbiltà bbażata fuq id-dovuti, il-pagamenti bil-quddiem li jsiru mill-FEŻ jiġu klassifikati bħala assi. Il-prefinanzjament jiġi ppreżentat nett mill-ordnijiet tal-irkupru miftuħa relatati mal-avvanzi u l-ammonti stmati li għadhom mhumiex likwidati sal-aħħar tas-sena.

Iż-żmien tal-irkupru jew tal-użu tal-prefinanzjament jiddetermina jekk jiġix divulgat bħala assi tal-prefinanzjament għal perjodu qasir ta’ żmien jew għal perjodu twil ta’ żmien. L-użu huwa definit fil-ftehim sottostanti tal-proġett. Kwalunkwe ħlas lura jew użu dovut fi żmien tnax-il xahar mid-data tar-rappurtar huwa ddikjarat bħala prefinanzjament għal perjodu qasir u għalhekk bħala assi kurrenti.

Billi ħafna mill-proġetti tal-FEŻ huma għal perjodu twil ta’ żmien, jeħtieġ li l-avvanzi relatati jkunu disponibbli għal iktar minn sena waħda. Għalhekk dawn l-ammonti tal-prefinanzjament jintwerew bħala assi għal perjodu twil ta’ żmien.

Iż-żieda ta’ EUR 157 miljun fil-prefinanzjament għal perjodu twil ta’ żmien, meta mqabbla mal-ammont tal-31.12.2009 hija prinċipalment spjegata permezz taż-żieda fil-prefinanzjament għal perjodu twil ta’ żmien relatat mal-Proġetti Intra-AKP (EUR 118-il miljun) u mal-Għajnuna Programmabbli (EUR 58 miljun), li hija kkumpensata bi tnaqqis tal-prefinanzjament għal perjodu twil ta’ żmien relatat mal-Politika Settorjali (EUR 13-il miljun).

ASSI KURRENTI

2.2   PREFINANZJAMENT GĦAL PERJODU QASIR TA' ŻMIEN

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Prefinanzjament għal perjodu qasir ta’ żmien (gross)	172	2 211	732	3 115	2 957
Tnaqqis tal-approvazzjoni stmata tal-prefinanzjament	(72)	(1 469)	(477)	(2 019)	(2 158)
Total	100	742	255	1 096	800

L-approvazzjoni stmata tal-prefinanzjament tirrappreżenta l-ammont tal-ispejjeż eliġibbli li, ġew stmati li ġġarrbu mill-benefiċjarji tal-ammonti tal-prefinanzjament pendenti fl-aħħar tas-sena, iżda li kienu għadhom ma ġewx irrappurtati. Dawn l-ammonti huma kkunsidrati wkoll bħala spejjeż fil-kont tar-riżultat ekonomiku tal-perjodu tar-rappurtar.

Iż-żieda ta’ EUR 296 miljun fil-prefinanzjament nett għal perjodu qasir ta’ żmien hija prinċipalment minħabba ż-żieda fil-prefinanzjament nett taħt id-9 FEŻ (EUR 235 miljun) li tinkludi żieda tal-prefinanzjament relatat mal-Proġetti Intra-AKP (EUR 191 miljun), mal-Politika Settorjali (EUR 76 miljun), ma’ programmi oħrajn ta’ għajnuna b'rabta ma’ xi FEŻ ta’ qabel (EUR 19-il miljun) u mal-assistenza ta’ emerġenza (EUR 14-il miljun). Din iż-żieda kienet parzjament ikkumpensata permezz ta’ tnaqqis fil-prefinanzjament nett relatat mal-Għajnuna Programmabbli (EUR 76 miljun).

Il-garanziji riċevuti fir-rigward tal-prefinanzjament

Il-garanziji jinżammu biex ikun żgurat il-prefinanzjament u jkunu rilaxxati meta titħallas il-pretensjoni finali għal xi proġett. Il-garanzija għandha żewġ valuri differenti msejħa l-valur “nominali” u l-valur “kurrenti”. Għall-valur “nominali”, l-avveniment ġenerattiv huwa marbut mal-eżistenza tal-garanzija. Għall-valur “kurrenti”, l-avveniment ġenerattiv tal-garanzija huwa l-ħlas tal-prefinanzjament u/jew l-approvazzjonijiet sussegwenti.

Fil-31 ta’ Diċembru 2010, il-valur “nominali” tal-garanziji riċevuti mill-FEŻ fir-rigward tal-prefinanzjament kien jammonta għal EUR 674 miljun. Il-valur “kurrenti” ta’ dawk il-garanziji kien jammonta għal EUR 363 miljun. Fil-31 ta’ Diċembru 2009, dawn il-valuri kienu ta’ EUR 684 miljun u ta’ EUR 414-il miljun rispettivament.

2.3   RIĊEVIBBLI FUQ PERJODU QASIR TA' ŻMIEN

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Riċevibbli mingħand il-klijenti	6	4	0	10	14
Riċevibbli mingħand l-Istati Membri	—	125	—	125	4
Introjtu dovut u spejjeż differiti	2	104	6	112	47
Total	9	233	5	247	66

Riċevibbli mingħand il-klijenti

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Riċevibbli mingħand il-klijenti	7	11	0	18	20
- Indeboliment tar-riċevibbli mingħand il-klijenti	(1)	(6)	(1)	(8)	(6)
Total	6	4	0	10	14

Dawn huma ordnijiet ta’ rkupru inklużi fil-kontijiet fil-31 ta’ Diċembru 2010 bħala intitolamenti stabbiliti li għandhom jiġu rkuprati u li kienu għadhom mhumiex inklużi taħt intestaturi oħra fuq in-naħa tal-assi tal-karta tal-bilanċ. Il-bilanċ tal-għeluq għall-ordnijiet ta rkupru jirrappreżenta l-valur tal-ordnijiet ta’ rkupru maħruġa iżda li jkunu għadhom ma tħallsux fl-aħħar tas-sena.

L-Uffiċjal tal-Kontabbiltà jagħmel stima ta’ provvediment għat-telf minn indeboliment tal-ammonti dovuti mill-benefiċjarji li aktarx ma jiġux irkuprati. Dan il-provvediment huwa bbażat fuq żewġ varjabbli:

—	L-evalwazzjoni tar-riskju tan-nuqqas ta’ rkupru, f'kollaborazzjoni mal-Uffiċjal Awtorizzanti

—	Kemm għadda żmien minn fuq id-dejn, b'applikazzjoni ta’ provvediment ibbażat fuq rati ta’ telf storiku, fuq riċevibbli li mhumiex soġġetti għal tniżżil fil-valur speċifiku.

Il-fatt li jsir aġġustament bħal dan ma jfissirx li l-irkupru ta’ dawn l-ammonti fil-futur huwa rrinunzjat.

Il-movimenti fl-ordnijiet ta’ rkupru miftuħa matul dan il-perjodu huma speċifikati hawn taħt.

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 2010	Total 2009
Ordnijiet ta’ rkupru miftuħa fil-bidu tas-sena	7	13	0	20	23
Ordnijiet ta’ rkupru maħruġa	24	58	83	164	60
Ordnijiet ta’ rkupru magħluqa	(24)	(60)	(83)	(166)	(63)
Imsarrfa	(15)	(50)	(78)	(143)	(45)
Irrinunzjati (art 73 FR)	0	(1)	—	(1)	(1)
Imħassra	(4)	(1)	0	(5)	(1)
Paċuti	(5)	(8)	(4)	(17)	(16)
Ordnijiet ta’ rkupru miftuħa fl-aħħar tas-sena	7	11	0	18	20

Riċevibbli mingħand l-Istati Membri

Ir-riċevibbli ta’ EUR 125 miljun mingħand l-Istati Membri fid-9 FEŻ jinkludi riċevibbli ta’ kontribuzzjoni dovuta mingħand l-Italja, li waslet f'Jannar 2011.

Introjtu dovut u spejjeż differiti

L-introjtu dovut u l-spejjeż differiti jinkludu prinċipalment l-imgħax dovut fuq l-ammonti tal-prefinanzjament u l-imgħax relatat ma’ ħlasijiet tard tal-ordnijiet ta’ rkupru. Barra minn hekk, l-introjtu mill-imgħax dovut fuq kontijiet bankarji huwa inkluż taħt din l-intestatura.

Iż-żieda ta’ EUR 65 miljun fl-introjtu dovut u fl-spejjeż differiti hija spjegata permezz taż-żieda fl-imgħax dovut fuq il-prefinanzjament (EUR 62 miljun). Din iż-żieda hija konformi mal-bilanċi tal-prefinanzjament għal perjodu twil u għal perjodu qasir ta’ żmien (ara n-noti 2.1. u 2.2).

2.4   KONTIJIET TA' KOLLEGAMENT

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
għas-/mis-6 FEŻ	(2 065)	(214)	—	(2 279)	(2 279)
għas-/mis-7 FEŻ	—	2 279	—	2 279	2 279
għat-/mit-8 FEŻ	—	(3 076)	513	(2 563)	(2 773)
għad-/mid-9 FEŻ	3 076	—	(3 526)	(450)	1 412
għall-/mill-10 FEŻ	(513)	3 526	—	3 013	1 361
Total	497	2 516	(3 013)	0	0

Għal raġunijiet ta’ effiċjenza, it-teżor waħdieni li jkopri l-FEŻ kollha huwa allokat fuq l-10 FEŻ; dan iwassal għal operazzjonijiet bejn id-diversi FEŻ, li jiġu bbilanċjati fil-kontijiet ta’ kollegament bejn id-diversi karti tal-bilanċ tal-FEŻ.

Fl-2010, il-movimenti ewlenin fil-kontijiet ta’ kollegament jinkludu l-ħlasijiet li saru mill-10 FEŻ għall-implimentazzjoni tat-8 u tad-9 FEŻ u l-flus riċevuti mill-10 FEŻ relatati mal-kontribuzzjonijiet mitluba taħt id-9 FEŻ.

2.5   Il-FLUS KONTANTI U L-EKWIVALENTI  (6)

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Flus fil-banek	—	—	781	781	444
Kontijiet tas-sigurtà STABEX	—	—	17	17	65
Kontijiet bankarji tal-kofinanzjament	—	7	2	10	13
Il-fond speċjali tar-Repubblika Demokratika tal-Kongo (7)	—	—	0	0	1
Total	—	7	801	808	523

Flus fil-banek

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Kontijiet speċjali - l-istituzzjonijiet finanzjarji tal-Istati Membri	—	—	599	599	392
Il-kontijiet kurrenti – il-banek kummerċjali	—	—	180	180	48
Aġenti tal-Ħlas Lokali	—	—	1	1	3
Total	—	—	781	781	444

Iż-żieda ġenerali fil-flus fil-banek hija spjegata prinċipalment permezz tal-fatt li l-eżekuzzjoni tal-baġit fl-2010 kienet iktar dgħajfa minn kif kien previst.

Barra minn dan, minħabba l-btajjel bankarji addizzjonali fl-aħħar tas-sena 2010, it-Teżori tal-Istat ma kinux aċċessibbli fl-aħħar ġimgħa tas-sena. Għalhekk, it-teżor tal-FEŻ kellu jiżgura li jkun hemm biżżejjed fondi disponibbli biex ikopru l-pagamenti kollha li setgħu ġew ipproċessati fl-aħħar ġimgħa tas-sena. Dan wassal għal bilanċi ta’ flus ogħla kemm fl-istituzzjonijiet finanzjarji tal-Istati Membri kif ukoll fil-kontijiet kurrenti tal-banek kummerċjali fl-aħħar tas-sena.

Il-kontijiet tal-aġenti tal-ħlas lokali jirrappreżentaw l-ammonti miżmuma f'kontijiet bankarji fl-Istati tal-AKP u l-OCT, użati biex isiru l-pagamenti fil-munita lokali fl-istat benefiċjarju. Dawn il-kontijiet jinżammu f'euro jew f'munita ta’ Stat Membru tal-Unjoni. Sabiex tinkiseb ġestjoni iktar ċentralizzata tal-pagamenti, matul l-2010, ingħalqu 9 mis-17-il kont tal-aġenti tal-ħlas lokali li kien fadal.

Kontijiet tas-sigurtà STABEX

(Miljuni ta’ EUR)
	Bilanċ fil-31.12.2010	Bilanċ fil-31.12.2009
is-Sudan	0	36
Santa Luċija	7	15
Saint Vincent u l-Grenadini	4	4
iż-Żimbabwe	0	3
il-Côte d'Ivoire	2	2
il-Malawi	1	1
Pajjiżi oħra	2	3
Total	17	65

STABEX huwa l-akronimu għall-iskema ta’ finanzjament ta’ kumpens tal-Unjoni Ewropea għall-istabbilizzazzjoni tal-qligħ mill-esportazzjoni tal-pajjiżi tal-AKP. Hija ġiet introdotta għall-ewwel darba fil-Konvenzjoni ta’ Lomé (1975) bl-iskop li tirrimedja għall-effetti ħżiena tal-instabbiltà tad-dħul mill-esportazzjoni ta’ prodotti agrikoli. Il-bilanċ fuq il-kontijiet tas-sigurtà STABEX jirrappreżenta t-total tal-fondi tal-iSTABEX disponibbli li se jkunu trasferiti għall-istat benefiċjarju tal-AKP rilevanti f'data fil-futur. Dan il-bilanċ huwa allokat għall-10 FEŻ. Fl-2010, erba' kontijiet tas-sigurtà STABEX ingħalqu b'segwitu għal-likwidazzjoni tal-istrument tal-għajnuna STABEX.

Minbarra dawn il-fondi, hemm fondi oħrajn tal-iSTABEX miżmuma minn Stati benefiċjarji tal-AKP. Ladarba l-Kummissjoni u l-Istat benefiċjarju (tal-AKP) ikunu laħqu ftehim dwar kif il-fondi tal-iSTABEX għandhom jintużaw, tiġi ffirmata konvenzjoni tat-trasferiment miż-żewġ partijiet. F'konformità mad-dispożizzjonijiet tal-Artikolu 211 tal-Ftehim ta’ Lomé IV (8) (kif rivedut), il-fondi huma trasferiti f'kont b'firma doppja (tal-Kummissjoni Ewropea u tal-Istat benefiċjarju) li jrendi l-interessi, miftuħ f'isem l-Istat tal-AKP. Il-fondi jibqgħu f'dawn il-kontijiet b'firma doppja sakemm FMO (Qafas tal-Obbligazzjonijiet Reċiproċi) jiġġustifika t-trasferiment għal xi proġett.

L-Uffiċjal Awtorizzanti tal-Kummissjoni jżomm l-awtorità tal-firma fuq il-kont sabiex jiżgura li l-fondi jinħarġu kif ikun intenzjonat. Il-fondi fil-kontijiet b'firma doppja huma l-proprjetà tal-Istat tal-AKP u għaldaqstant mhumiex imniżżla bħala assi fil-kontijiet tal-FEŻ. It-trasferimenti lejn dawn il-kontijiet huma rreġistrati bħala pagamenti tal-iSTABEX.

Fl-2010, ġew irritornati EUR 32 miljun lill-FEŻ minn kontijiet b'firma doppja fil-pajjiżi tal-AKP, skont l-Artikolu 1.4 tal-Ftehim Intern tal-10 FEŻ (9). Dawn il-fondi ġew trasferiti mis-Senegal (EUR 26 miljun) u mill-Kamerun (EUR 2 miljuni). Barra minn dan, wara li sar l-awditjar, ġew irritornati EUR 3 miljuni minn kont b'firma doppja fil-Lesoto. Dan id-dħul ġie inkluż fl-introjtu operattiv (strument tal-għajnuna STABEX) fil-kont tar-riżultat ekonomiku tal-10 FEŻ.

Kontijiet bankarji tal-kofinanzjament

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Kontijiet bankarji tal-kofinanzjament	—	7	2	10	13
Total	—	7	2	10	13

Dawn il-kontijiet bankarji jinkludu l-ammonti relatati mal-ftehimiet tal-kofinanzjament tas-sena 2007 u ta’ qabel. Dawn il-fondi tal-kofinanzjament huma l-proprjetà tal-Istati Membri kkonċernati u għalhekk kwalunkwe ammont li jikkorrispondi magħhom huwa rreġistrat bħala ammont pagabbli. Għaldaqstant, l-effett fuq l-assi netti huwa żero.

Il-kofinanzjament Taljan taħt id-9 FEŻ għadu għaddej fis-Somalja. Proġett li twettaq fit-Tanzanija marbut mal-istess kofinanzjament, ġie ffinalizzat fl-2010.

Il-kontijiet bankarji tal-kofinanzjament tal-10 FEŻ huma relatati ma’ proġetti antiki tal-kofinanzjament li jinsabu fil-proċess li jingħalqu. Dawn il-fondi se jiġu rritornati lura lill-Istati Membri wara struzzjonijiet mill-Uffiċjal Awtorizzanti.

OBBLIGAZZJONIJIET KURRENTI

2.6   AMMONTI PAGABBLI F'PERJODU QASIR TA' ŻMIEN

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Ammonti pagabbli kurrenti	25	189	273	487	343
Imposti dovuti	20	203	63	286	286
Kontribuzzjoni tal-kapital differita	—	—	272	272	232
Total	45	392	608	1 045	860

Iż-żieda ġenerali ta’ EUR 185 miljun fl-ammonti pagabbli f'perjodu qasir ta’ żmien hija spjegata permezz taż-żieda ta’ EUR 144 miljun fl-ammonti pagabbli kurrenti u ż-żieda ta’ EUR 40 miljun fil-kontribuzzjoni tal-kapital differita mill-Irlanda.

Ammonti pagabbli kurrenti

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Fornituri u oħrajn	25	182	193	400	320
Ammonti pagabbli lill-Istati Membri – kofinanzjament	—	7	68	75	13
Ammonti pagabbli oħra	—	—	12	12	10
Total	25	189	273	487	343

L-ammonti pagabbli f'perjodu qasir ta’ żmien jinkludu r-rapporti tal-ispejjeż riċevuti mill-FEŻ taħt il-qafas tal-attivitajiet ta’ għotjiet u ta’ akkwisti. Huma jiġu rreġistrati għall-ammont li jkun qed jintalab mill-mument li t-talba tiġi riċevuta. L-istess proċedura tapplika għall-fatturi u n-noti tal-kreditu riċevuti skont l-attivitajiet ta’ akkwisti. Il-pretensjonijiet għall-ispejjeż ikkonċernati ttieħed kont tagħhom għall-proċeduri tal-cut-off tal-aħħar tas-sena. Wara l-entrati tal-cut-off, l-ammonti eliġibbli stmati ġew irreġistrati bħala imposti dovuti.

Fornituri u oħrajn

Din l-intestatura tinkludi l-ammonti dovuti lill-fornituri kif ukoll l-ammonti pagabbli lill-korpi pubbliċi u lill-pajjiżi terzi.

Iż-żieda ta’ EUR 80 miljun meta mqabbla mal-perjodu ta’ rappurtar preċedenti tikkonsisti prinċipalment f'żieda ta’ EUR 40 miljun fl-ammonti pagabbli lill-fornituri, żieda ta’ EUR 21 miljun fl-ammonti pagabbli lill-pajjiżi terzi u żieda ta’ EUR 14-il miljun fl-ammonti pagabbli lill-korpi pubbliċi.

Ammonti pagabbli lill-Istati Membri – kofinanzjament

Il-kontribuzzjonijiet tal-kofinanzjament riċevuti huma ppreżentati bħala ammonti pagabbli lill-Istati Membri minħabba li, taħt ċerti kundizzjonijiet, dawn jissodisfaw il-kriterji tad-dħul minn tranżazzjonijiet mhux tal-kambju. Il-FEŻ huwa mitlub li juża l-kontribuzzjonijiet sabiex jipprovdi servizzi lil partijiet terzi jew inkella huwa mitlub li jirritorna l-assi (il-kontribuzzjonijiet riċevuti) lill-Istati Membri. L-ammont pagabbli pendenti għall-ftehimiet tal-kofinanzjament jirrappreżenta l-kontribuzzjoni tal-kofinanzjament riċevuta wara li jitnaqqsu l-ispejjeż mġarrba b'rabta mal-proġett. L-effett fuq l-assi netti huwa żero.

L-EUR 10 miljuni tal-ammonti pagabbli tal-kofinanzjament lill-Istati Membri huma relatati ma’ ftehimiet tal-kofinanzjament tas-sena 2007 u ta’ qabel. Dawn il-fondi huma miżmuma f'kontijiet bankarji apposta, ara l-punt 2.5, kontijiet bankarji tal-kofinanzjament, aktar 'il fuq.

Fl-2010, waslu kontribuzzjonijiet tal-kofinanzjament ġodda li jammontaw għal EUR 65 miljun (Franza EUR 39 miljun, Spanja EUR 12-il miljun, il-Belġju EUR 11-il miljun, id-Danimarka EUR 2 miljuni u l-Pajjiżi l-Baxxi miljun (1) EUR). Il-fondi relatati mal-ftehimiet tal-kofinanzjament iffirmati fl-2008 jew wara, mhumiex miżmuma f'kontijiet bankarji speċifiċi.

EUR 2 miljuni mill-kontribuzzjonijiet tal-kofinanzjament ġew ikklassifikati mill-ġdid minn riżervi (ara 1.1 ir-rapport aggregat tal-bidliet fl-assi netti).

L-ammonti pagabbli tal-kofinanzjament ġew imnaqqsa b'miljun (1) EUR biex jikkumpensaw għall-ispejjeż imġarrba b'rabta mal-proġetti tal-kofinanzjament (ara 3.1 u 3.2).

Ammonti pagabbli oħra

L-ammonti pagabbli l-oħra jinkludu l-iktar ir-riċevuti tal-flus mhux allokati u l-ammonti rritornati lura.

Imposti dovuti

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Imposti dovuti	20	203	63	286	286
Total	20	203	63	286	286

Fl-aħħar tas-sena, issir valutazzjoni li tikkonċerna l-ispejjeż eliġibbli mġarrba minn benefiċjarji tal-fondi tal-FEŻ iżda li jkunu għadhom mhumiex irrappurtati. Wara dawn il-kalkoli tal-cut-off, l-ammonti eliġibbli stmati jiġu rreġistrati bħala imposti dovuti. Il-parti tal-imposti dovuti li hija koperta minn ammont tal-prefinanzjament tiġi ppreżentata bħala approvazzjoni stmata tal-prefinanzjament (ara 2.2).

Kontribuzzjoni tal-kapital tal-fond differita

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Ir-Renju Unit	—	—	269	269	228
L-Irlanda	—	—	3	3	3
Total	—	—	272	272	232

Din tinkludi l-kontribuzzjonijiet imħallsa bil-quddiem mill-Istati Membri.

ASSI NETTI

2.7   KAPITAL TAL-FOND MITLUB

(Miljuni ta’ EUR)
	it-8 FEŻ	id-9 FEŻ	l-10 FEŻ	Total
Kapital tal-Fond	12 840	11 699	21 152	45 691
Kofinanzjament tal-Kapital tal-Fond (10)	—	—	70	70
Kapital tal-fond mhux mitlub	—	(4 160)	(21 152)	(25 312)
Kofinanzjament tal-kapital tal-fond mhux mitlub (10)	—	—	(69)	(69)
Kapital tal-fond mitlub 31.12.2009	12 840	7 539	2	20 381
Kapital tal-Fond	12 840	11 699	21 152	45 691
Kapital tal-fond mhux mitlub	—	(660)	(21 152)	(21 812)
Kapital tal-fond mitlub 31.12.2010	12 840	11 039	0	23 879

Il-kapital tal-fond jirrappreżenta l-ammont totali ta’ kontribuzzjonijiet mill-Istati Membri għall-fond rilevanti tal-FEŻ kif stipulat f'kull wieħed mill-Ftehimiet Interni.

Il-fondi mhux mitluba jirrappreżentaw l-allokazzjoni inizjali li għadha mhux mitluba mill-Istati Membri.

Il-kapital tal-fond mitlub jirrappreżenta l-ammont tal-allokazzjonijiet inizjali li ntalab jiġi trasferit fil-kontijiet tat-teżor mill-Istati Membri skont il-proċedura stabbilita fl-Artikolu 16 tar-Regolament Finanzjarju tal-10 FEŻ.

Il-kapital tat-8 FEŻ ġie mitlub u huwa riċevut fl-intier tiegħu.

L-allokazzjoni inizjali għad-9 FEŻ, li oriġinarjament kienet tammonta għal EUR 10 555 miljun, imbagħad ġiet miżjuda b'EUR 105 miljuni fl-2004, li ġew rilaxxati mill-BEI skont id-dispożizzjonijiet tad-Deċiżjoni tal-Kunsill 2003/583/KE. Din iż-żieda fl-allokazzjoni tiffavorixxi l-azzjonijiet li għandhom jitwettqu fir-Repubblika Demokratika tal-Kongo.

L-Artikolu 2(2) tal-Ftehim Intern għad-9 FEŻ stabbilixxa riżerva ta’ EUR 1 000 miljun, li ġiet rilaxxata bejn l-2004 u l-2007 b'diversi deċiżjonijiet tal-Kunsill (11). Wara d-deċiżjoni tal-Kunsill konġunt tal-AKP/UE fl-2007 (12), il-Kummissjoni ddeċidiet li tniedi sejħa għal kontribuzzjonijiet volontarji addizzjonali sabiex tappoġġja l-Faċilità għall-Paċi Afrikana fil-qafas tal-kooperazzjoni intra-AKP, li żiedet id-9 FEŻ b'EUR 39 miljun.

L-10 FEŻ daħal fis-seħħ fl-2008 b'kapital tal-fond li kien jammonta għal EUR 21 152 miljun, skont il-Ftehim Intern applikabbli għall-10 FEŻ.

Kapital tal-fond

(Miljuni ta’ EUR)
Kontribuzzjonijiet	%	id-9 FEŻ mhux mitlub 31.12.2009	mitluba fl-2010	id-9 FEŻ mhux mitlub 31.12.2010
l-Awstrija	2,65	(111)	93	19
il-Belġju	3,92	(165)	137	27
id-Danimarka	2,14	(90)	75	15
il-Finlandja	1,48	(62)	52	10
Franza	24,30	(1 021)	851	170
il-Ġermanja	23,36	(981)	818	164
il-Greċja	1,25	(53)	44	9
l-Irlanda	0,62	(26)	22	4
l-Italja	12,54	(487)	439	88
il-Lussemburgu	0,29	(12)	10	2
il-Pajjiżi l-Baxxi	5,22	(219)	183	37
il-Portugall	0,97	(41)	34	7
Spanja	5,84	(245)	204	41
l-Isvezja	2,73	(115)	96	19
ir-Renju Unit	12,69	(533)	444	89
BEI	M.A.	—	—	(40)
Total	100,00	(4 160)	3 500	(660)

Il-kontribuzzjonijiet ordinarji mitluba u riċevuti taħt id-9 FEŻ mill-15-il Stat Membru parteċipanti matul l-2010 u l-2009 huma mniżżla fid-dettall hawn fuq.

Fl-2011, se ssir l-aħħar talba taħt id-9 FEŻ u se jintalbu l-ewwel kontribuzzjonijiet tal-10 FEŻ, li fih qed jipparteċipaw is-27 Stat Membru.

2.8   RIŻERVI OĦRA

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
għas-/mis-6 FEŻ	94	490	—	584	584
għas-/mis-7 EDF	533	1 135	—	1 668	1 668
għat-/mit-8 FEŻ	—	2 762	102	2 864	2 779
għad-/mid-9 FEŻ	(2 762)	—	231	(2 531)	(2 682)
għall-/mill-10 FEŻ	(102)	(231)	—	(333)	(97)
Total	(2 237)	4 157	333	2 252	2 252

Sa mid-dħul fis-seħħ tal-10 FEŻ fl-2008, il-fondi kollha diżimpenjati tal-FEŻ ta’ qabel qed jiġu trasferiti fir-riżerva tal-prestazzjoni tal-10 FEŻ. Din ir-riżerva tista' tkun impenjata biss taħt il-kundizzjonijiet stipulati fl-Artikolu 1.4 tal-Ftehim Intern tal-10 FEŻ.

Fl-2010, ġew trasferiti EUR 85 miljun u EUR 151 miljun ta’ fondi mhux impenjati għall-10 FEŻ, mit-8 u d-9 FEŻ rispettivament.

3.   NOTI MAL-KONT TAR-RIŻULTAT EKONOMIKU

3.1   DĦUL OPERATTIV

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 2010	Total 2009
L-irkupru tal-ispejjeż	8	20	0	29	24
L-irkupru tal-fondi tal-iSTABEX	32	—	—	32	—
Qligħ fuq il-kambju	14	61	3	78	25
Kofinanzjament tal-introjtu operattiv	—	—	1	1	—
Total	54	82	4	140	49

Din l-intestatura tirrappreżenta l-ordnijiet ta’ rkupru maħruġa mill-FEŻ u t-tnaqqis minn ħlasijiet sussegwenti rreġistrati fis-sistema tal-kontabbiltà tal-FEŻ, biex jiġu rkuprati n-nefqiet imħallsa qabel, fuq il-bażi ta’ kontrolli, eżerċizzji tal-awditjar jew analiżi tal-eliġibbiltà. Għandu jiġi rrimarkat li l-irkupru tal-ammonti tal-prefinanzjament mhux inkluż bħala dħul, iżda huwa kkreditat mal-intestatura tal-prefinanzjament fuq il-karta tal-bilanċ.

Irkupru ta’ pagamenti mhux dovuti

Fl-2010, inħarġu ordnijiet ta’ rkupru fir-rigward ta’ pagamenti mhux dovuti għall-ammont ta’ EUR 11-il miljun, f'paragun ma’ EUR 3 miljun fl-2009. EUR 7 miljun minnhom kienu relatati mal-irkupru tal-ispejjeż u għaldaqstant ġew irreġistrati bħala dħul operattiv. Il-kumplament, jiġifieri EUR 4 miljun, irrappreżenta l-irkupri ta’ ammonti tal-prefinanzjament li tħallsu u li ġew ikkreditati mal-assi tal-prefinanzjament fuq il-karta tal-bilanċ.

In-natura tal-irkupru ta’ pagamenti mhux dovuti tista' tiġi deskritta fil-qosor kif ġej:

(Miljuni ta’ EUR)
	Dħul	Prefinanzjament	Total 2010	Dħul	Prefinanzjament	Total 2009
Żbalji	1	1	2	0	0	1
Irregolarità	5	3	8	0	1	1
Notifika mill-OLAF	1	—	1	1	—	1
Total	7	4	11	2	1	3

L-irkupru tal-fondi tal-iSTABEX

Fl-2010, ġie rritornat EUR 32 miljun lill-FEŻ minn kontijiet b'firma doppja fil-pajjiżi tal-AKP, skont l-Artikolu 1.4 tal-Ftehim Intern tal-10 FEŻ (13). Dawn il-fondi ġew trasferiti mis-Senegal (EUR 26 miljun) u mill-Kamerun (EUR 2 miljun). Barra minn dan, wara li sar l-awditjar, ġew irritornati EUR 3 miljuni minn kont b'firma doppja fil-Lesoto. Dan id-dħul ġie inkluż fl-introjtu operattiv (strument tal-għajnuna STABEX) fil-kont tar-riżultat ekonomiku tal-10 FEŻ.

Qligħ fuq il-kambju

Il-qligħ fuq il-kambju jirriżulta mill-attivitajiet ta’ kuljum u mit-tranżazzjonijiet relatati li jsiru f'muniti li mhux l-euro, kif ukoll mir-rivalorizzar meħtieġ fl-aħħar tas-sena biex jitħejjew il-kontijiet annwali. Dan jinkorpora kemm qligħ realizzat kif ukoll qligħ mhux realizzat.

Kofinanzjament tal-introjtu operattiv

L-introjtu operattiv relatat mal-kofinanzjament jirrappreżenta l-kontribuzzjonijiet użati (ara 3.2). Minħabba li dawn il-kontribuzzjonijiet jissodisfaw il-kriterji tad-dħul minn tranżazzjonijiet mhux tal-kambju taħt ċerti kundizzjonijiet, il-kontribuzzjoni hija rikonoxxuta f'konformità mal-implimentazzjoni tal-proġett ta’ kofinanzjament.

3.2   SPEJJEŻ OPERATTIVI

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 2010	Total 2009
Spejjeż operattivi – strumenti tal-għajnuna	105	1 188	1 559	2 852	3 058
Kofinanzjament tal-ispejjeż operattivi			1	1	0
Telf fuq il-kambju	10	41	7	58	44
Indeboliment tar-riċevibbli	0	2	1	3	1
Total	116	1 230	1 567	2 914	3 103

Spejjeż operattivi – strumenti tal-għajnuna

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 2010	Total 2009
Għajnuna programmabbli	13	114	1 000	1 127	877
Appoġġ makroekonomiku	0	35	—	35	93
Politika settorjali	3	762	—	765	1 139
Proġetti intra-AKP	—	181	154	336	364
Assistenza ta’ emerġenza	—	78	364	442	464
Għajnuna għar-refuġjati	(1)	—	—	(1)	0
STABEX	46	—	—	46	23
Sysmin	10	—	—	10	3
Programmi ta’ għajnuna oħra relatati mal-FEŻ ta’ qabel (14)	—	(17)	—	(17)	40
Ħelsien mid-dejn - Pajjiżi Fqar b'Dejn Għoli u l-Bank Dinji	14	—	—	14	(5)
Appoġġ istituzzjonali	—	3	41	44	31
Kumpens fuq riċevuti tal-esportazzjoni	21	16	—	37	34
Il-Fond tar-Repubblika Demokratika tal-Kongo	—	15	—	15	(6)
Total	105	1 188	1 559	2 852	3 058

Kofinanzjament tal-ispejjeż operattivi

Dawn huma l-ispejjeż li saru fuq proġetti tal-kofinanzjament fl-2010. Minħabba li l-kontribuzzjonijiet tal-kofinanzjament riċevuti jissodisfaw l-kriterji tad-dħul minn tranżazzjonijiet mhux tal-kambju taħt ċerti kundizzjonijiet, ammont korrespondenti ta’ kontribuzzjonijiet ġie rikonoxxut bħala dħul operattiv (ara 3.1).

In-nefqa operattiva tal-FEŻ tkopri l-istrumenti tal-għajnuna varji u tieħu forom differenti, skont kif il-flus jitħallsu u jiġu ġestiti.

Telf fuq il-kambju

It-telf fuq il-kambju jirriżulta mill-attivitajiet ta’ kuljum u mit-tranżazzjonijiet relatati li jsiru f'valuti li mhux l-euro, kif ukoll mir-rivalwazzjoni meħtieġa fl-aħħar tas-sena biex jitħejjew il-kontijiet annwali – u dan huwa kemm realizzat kif ukoll mhux realizzat.

Jekk inħarsu lejn il-pożizzjoni netta, kien hemm qligħ fuq il-kambju nett ta’ EUR 20 miljun għas-sena (qligħ fuq il-kambju ta’ EUR 78 miljun bit-tnaqqis tat-telf fuq il-kambju li jammonta għal EUR 58 miljun). Ħafna mill-qligħ nett minn fuq il-kambju huwa marbut mal-valuti li ġejjin: NGN (in-najra Niġerjana): EUR 4 miljun, NAD (id-dollaru Namibjan): EUR 3 miljun, FJD (id-dollaru Fiġjan): EUR 2 miljun, PGK (il-kina tal-Papwa Ginea Ġdida): EUR 2 miljun, HTG (il-gurd Ħaitjan): EUR 2 miljun u SZL (il-lilangeni Sważi): EUR 2 miljun.

Indeboliment tar-riċevibbli

Din l-intestatura tinkludi prinċipalment il-korrezzjonijiet tal-prefinanzjament u l-ammonti mnaqqsa/mitlufa fuq ir-realizzazzjoni li jikkonċernaw id-debituri.

3.3   SPEJJEŻ AMMINISTRATTIVI

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 2010	Total 2009
Spejjeż amministrattivi	0	6	80	86	90
Total	0	6	80	86	90

Din l-intestatura tinkludi n-nefqa ta’ appoġġ; jiġifieri l-ispejjeż amministrattivi relatati mal-ipprogrammar u l-implimentazzjoni tal-FEŻ. Din tinkludi l-ispejjeż għat-tħejjija, is-segwitu, il-monitoraġġ, u l-evalwazzjoni tal-proġetti kif ukoll l-ispejjeż għan-netwerks tal-kompjuter, l-Assistenza Teknika eċċ.

3.4   DĦUL FINANZJARJU

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 2010	Total 2009
L-introjtu mill-imgħax – Banek Ewropej	—	0	0	1	1
L-introjtu mill-imgħax – STABEX (15)	0	—	—	0	1
L-introjtu mill-imgħax fuq ħlasijiet tard ta’ ordnijiet ta’ rkupru	0	0	2	3	1
Imgħax fuq il-prefinanzjament	3	76	12	91	47
Total	4	77	14	95	49

L-introjtu mill-imgħax fl-2010 jibqa' baxx minħabba r-rati ta’ imgħax kontinwament baxxi (prinċipalment l-EONIA (Euro Over Night Index Average) u r-rata marġinali tal-BĊE (dik użata għall-operazzjonijiet ta’ rifinanzjament tal-BĊE).

L-introjtu mill-imgħax fuq ħlasijiet tard ta’ ordnijiet ta’ rkupru

Dan huwa l-imgħax akkwistat minn fuq ħlasijiet tard tal-ordnijiet ta’ rkupru mid-debituri, inklużi ħlasijiet tard ta’ kontribuzzjonijiet mill-Istati Membri. Dawn il-fondi jistgħu jintużaw għall-finanzjament tal-proġetti skont l-Artikoli 1 u 6 tal-Ftehim Intern applikabbli għall-10 FEŻ.

Imgħax fuq il-prefinanzjament

L-imgħax fuq il-prefinanzjament jiġi rikonoxxut hekk kif jiġi akkwistat f'konformità mad-dispożizzjonijiet tar-Regolament Finanzjarju tal-10 FEŻ. Iż-żieda fl-imgħax akkwistat fuq il-prefinanzjament, f'paragun mal-2009, tikkorrespondi maż-żieda fil-prefinanzjament għal perjodu twil u għal perjodu qasir ta’ żmien (ara n-noti 2.1 u 2.2).

4.   NOTI MAR-RAPPORT TAL-FLUSS TAL-FLUS KONTANTI

4.1   L-ISKOP U T-TĦEJJIJA TAR-RAPPORT TAL-FLUSS TAL-FLUS KONTANTI

L-informazzjoni dwar il-fluss tal-flus tintuża biex tipprovdi l-bażi għall-valutazzjoni tal-abbiltà tal-FEŻ li jiġġenera l-flus kontanti u l-ekwivalenti, u l-bżonnijiet tiegħu biex juża dawk il-flussi tal-flus.

Ir-rapport tal-fluss tal-flus jitħejja bl-użu tal-metodu indirett. Dan ifisser li l-bilanċ pożittiv jew id-defiċit netti għas-sena finanzjarja huwa aġġustat skont l-effetti tat-tranżazzjonijiet li ma jsirux fi flus kontanti u ta’ kwalunkwe differiment ta’ riċevuti jew ħlasijiet operattivi ta’ flus kontanti li saru fil-passat jew li se jsiru fil-futur.

Il-fluss tal-flus li jirriżulta mit-tranżazzjonijiet f'munita barranija huwa rreġistrat fil-munita tar-rapportar tal-FEŻ (l-euro), billi tiġi applikata r-rata tal-kambju bejn l-euro u l-munita barranija fid-data tal-fluss tal-flus fuq l-ammont fil-valuta barranija.

4.2   ATTIVITAJIET OPERATTIVI

Ir-rapport tal-fluss tal-flus tal-FEŻ juri biss il-flussi tal-flus ta’ attivitajiet operattivi billi l-FEŻ m'għandux attivitajiet ta’ investiment jew ta’ finanzjament. L-attivitajiet operattivi għandhom l-objettiv li jikkontribwixxu għall-kisba ta’ riżultati mmirati lejn l-għanijiet ta’ politika.

5.   ASSI U OBBLIGAZZJONIJIET KONTINĠENTI U DIVULGAZZJONIJIET OĦRA

5.1   ASSI KONTINĠENTI

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Garanziji ta’ prestazzjoni	33	270	57	360	287
Garanziji ta’ żamma	15	192	20	227	186
Assi kontinġenti relatati ma’ każijiet legali	—	1	—	1	—
Total	48	462	77	587	473

Garanziji ta’ prestazzjoni

Xi drabi jintalbu l-garanziji ta’ prestazzjoni biex jiżguraw li l-benefiċjarji tal-finanzjament tal-FEŻ jissodisfaw l-obbligazzjonijiet tal-kuntratti tagħhom mal-FEŻ.

Iż-żieda ta’ EUR 73 miljun fil-garanziji ta’ prestazzjoni tirriżulta minn garanziji ġodda riċevuti taħt id-9 FEŻ (EUR 29 miljun relatati prinċipalment mal-għajnuna għall-politika settorjali) u taħt l-10 FEŻ (EUR 43 miljun relatati prinċipalment mal-għajnuna programmabbli).

Garanziji ta’ żamma

Il-garanziji ta’ żamma jikkonċernaw biss il-kuntratti tax-xogħol. Normalment, 10 % tal-ħlasijiet interim lill-benefiċjarji jinżammu biex jiġi żgurat li l-kuntrattur jissodisfa l-obbligazzjonijiet tiegħu/tagħha. Dawn l-ammonti miżmuma huma indikati bħala ammonti pagabbli. Soġġett għall-approvazzjoni tal-awtorità kontraenti, il-kuntrattur jista' minflok jippreżenta garanzija ta’ żamma li tieħu post l-ammonti miżmuma fuq il-ħlasijiet interim. Dawn il-garanziji riċevuti jiġu divulgati bħala assi kontinġenti.

Iż-żieda ta’ EUR 41 miljun fil-garanziji ta’ żamma hija spjegata prinċipalment permezz ta’ garanziji ġodda riċevuti taħt id-9 FEŻ (EUR 23 miljun relatati l-aktar mal-għajnuna għall-politika settorjali) u taħt l-10 FEŻ (EUR 19-il miljun relatati prinċipalment mal-għajnuna programmabbli).

5.2   OBBLIGAZZJONIJIET KONTINĠENTI

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Ammonti relatati ma’ każijiet legali	0	6	—	6	1
Total	0	6	—	6	1

L-ammonti msemmija hawn fuq jirrigwardaw l-azzjonijiet għal ħsarat li attwalment qed jinġiebu kontra l-FEŻ, tilwim legali ieħor u l-kosti legali stmati. L-obbligazzjonijiet u l-impenji kontinġenti kollha jiġu ffinanzjati, jekk isiru dovuti, mill-FEŻ fis-snin li ġejjin. Il-FEŻ huma ffinanzjati mill-Istati Membri.

5.3   DIVULGAZZJONIJIET OĦRA

Impenji baġitarji

(Miljuni ta’ EUR)
	it-8 FEŻ	id-9 FEŻ	l-10 FEŻ	Total 31.12.2010	Total 31.12.2009
Impenji baġitarji pendenti li għadhom mhux imħallsa	267	2 562	3 161	5 991	5 920
Ammonti relatati inklużi fil-kont tar-riżultat ekonomiku	(46)	(404)	(264)	(714)	(605)
Total	221	2 158	2 897	5 277	5 314

L-impenji baġitarji pendenti jirrappreżentaw l-impenji miftuħa li għalihom għadhom ma sarux ħlasijiet u/jew diżimpenji. Din hija l-konsegwenza normali tal-eżistenza ta’ programmi multiannwali. Fil-31 ta’ Diċembru 2010, l-impenji baġitarji pendenti kienu jammontaw għal EUR 5 991 miljun. L-ammont divulgat bħala impenn għall-futur li jrid jiġi ffinanzjat huwa dan l-impenn baġitarju pendenti mingħajr l-ammonti relatati li ġew inklużi bħala spejjeż fil-kont tar-riżultat ekonomiku tal-2010, li jwassal għat-total ta’ EUR 5 277 miljun.

6.   ĠESTJONI TAR-RISKJU FINANZJARJU

Id-divulgazzjonijiet li ġejjin fir-rigward tal-ġestjoni tar-riskju finanzjarju tal-Fond Ewropew għall-Iżvilupp jirrelata mal-operazzjonijiet tat-teżor imwettqa mill-Kummissjoni Ewropea f'isem il-Fond Ewropew għall-Iżvilupp sabiex jimplimenta r-riżorsi tiegħu;

6.1   IL-POLITIKI TAL-ĠESTJONI TAR-RISKJU U L-ATTIVITAJIET TAL-HEDGING

Ir-regoli u l-prinċipji għall-ġestjoni tal-operazzjonijiet tat-teżor tal-FEŻ huma stipulati fir-Regolament tal-Kunsill 215/2008 dwar ir-Regolament Finanzjarju applikabbli għall-10 FEŻ, u fil-Ftehim Intern.

B'riżultat tar-regolament imsemmi hawn fuq, għandhom japplikaw il-prinċipji ewlenin li ġejjin:

—

Il-kontribuzzjonijiet tal-FEŻ jitħallsu mill-Istati Membri f'kontijiet speċjali miftuħa mal-bank tal-ħruġ ta’ kull Stat Membru jew mal-istituzzjoni finanzjarja nnominata minnu. L-ammonti tal-kontribuzzjonijiet għandhom jibqgħu f'dawk il-kontijiet speċjali sakemm ikun jeħtieġ li jsiru l-ħlasijiet tal-FEŻ.

—	Il-kontribuzzjonijiet tal-FEŻ jitħallsu mill-Istati Membri fl-EUR, filwaqt li l-ħlasijiet tal-FEŻ huma ddenominati fl-EUR u f'valuti oħra, inkluż oħrajn inqas magħrufa.

—	Ma jistgħux jinġibdu flus iktar milli jkun hemm depożitati mill-kontijiet bankarji miftuħa mill-Kummissjoni f'isem il-FEŻ.

Barra l-kontijiet speċjali, jinfetħu kontijiet bankarji oħra mill-Kummissjoni f'isem il-FEŻ, ma’ istituzzjonijiet finanzjarji (il-banek ċentrali u l-banek kummerċjali), bl-iskop li minnhom isiru l-ħlasijiet u li fihom jiġu riċevuti l-ħlasijiet li mhumiex il-kontribuzzjonijiet tal-Istati Membri għall-baġit, skont l-Artikolu 44 tar-Regolament tal-Kunsill 215/2008 (ara 6. 4 hawn taħt).

Il-banek kummerċjali kollha fejn infetħu l-kontijiet għall-FEŻ li mhumiex il-“kontijiet speċjali” msemmija hawn fuq, jintgħażlu mill-Kummissjoni b'sejħa għall-offerti.

L-operazzjonijiet tat-teżor u tal-ħlasijiet huma awtomatizzati ħafna u jiddependu fuq sistemi moderni tal-informatika. Huma applikati proċeduri speċifiċi biex jiggarantixxu s-sigurtà tas-sistema u jiżguraw is-segregazzjoni tad-dmirijiet f'konformità mar-Regolament Finanzjarju, l-istandards tal-kontroll intern tal-Kummissjoni, u l-prinċipji tal-awditjar.

Ġabra miktuba ta’ linji gwida u proċeduri, tirregola l-ġestjoni tal-operazzjonijiet tat-teżor u tal-ħlasijiet bil-għan li jiġi limitat ir-riskju operattiv u finanzjarju u jiġi żgurat livell adegwat ta’ kontroll. Dawn ikopru l-oqsma differenti tal-operat, u l-konformità mal-linji gwida u l-proċeduri jiġu kkontrollati regolarment.

6.2   IR-RISKJU TAS-SUQ

6.2.1    Ir-riskju tal-valuta

Il-kontribuzzjonijiet kollha jinżammu fl-EUR, u l-valuti l-oħra jinxtraw biss meta jkunu meħtieġa biex isiru l-ħlasijiet. B'riżultat ta’ dan l-operazzjonijiet tat-teżor tal-FEŻ mhumiex esposti għar-riskju tal-valuta.

6.2.2    Ir-riskju tar-rata tal-imgħax

Il-FEŻ ma jissellifx flus; b'konsegwenza ta’ dan mhuwiex espost għar-riskju tar-rata tal-imgħax.

Madankollu l-FEŻ jaqla' l-imgħax fuq il-bilanċi li jżomm fuq il-kontijiet bankarji differenti tiegħu. Il-Kummissjoni, f'isem il-FEŻ, għalhekk stabbilixxiet il-miżuri biex tiżgura li l-imgħax akkwistat regolarment jirrifletti r-rati tal-imgħax tas-suq kif ukoll il-varjazzjonijiet possibbli fihom.

Il-bilanċi mil-lum għall-għada miżmuma fil-kontijiet mal-banek kummerċjali jiġu remunerati kuljum. Ir-remunerazzjoni tal-bilanċi fuq dawn il-kontijiet hija bbażata fuq ir-rati varjabbli tas-suq li fuqhom jiġi applikat marġni kontrattwali (pożittiv jew negattiv). Għall-biċċa l-kbira tal-kontijiet il-kalkolu tal-imgħax huwa marbut mal-EONIA (Euro Over Night Index Average), u huwa aġġustat biex jirrifletti kull varjazzjoni f'din ir-rata. Għal xi kontijiet oħrajn, il-kalkolu tal-imgħax huwa marbut mar-rata marġinali tal-BĊE (dik użata għall-operazzjonijiet ta’ rifinanzjament tal-BĊE). B'riżultat ta’ dan il-FEŻ ma jieħu l-ebda riskju li l-bilanċi tiegħu jkunu remunerati b'rati iktar baxxi mir-rati tas-suq.

6.3   IR-RISKJU TAL-KREDITU (IR-RISKJU TAL-KONTROPARTI)

Il-biċċa l-kbira tar-riżorsi tat-teżor tal-FEŻ jinżammu, f'konformità mar-Regolament tal-Kunsill 215/2008, fil-“kontijiet speċjali” miftuħa mill-Istati Membri għall-ħlas tal-kontribuzzjonijiet tagħhom. Il-maġġoranza ta’ dawn il-kontijiet jinżammu mat-teżori tal-Istati Membri jew mal-banek ċentrali nazzjonali. Dawn l-istituzzjonijiet iġorru l-iktar riskju tal-kontroparti baxx għall-FEŻ (l-esponiment huwa mal-Istati Membri tiegħu).

F'dak li jirrigwarda l-parti tar-riżorsi tat-teżor tal-FEŻ li tinżamm fil-banek kummerċjali sabiex tkopri t-twettiq tal-ħlasijiet, ir-riforniment ta’ dawn il-kontijiet isir f'waqtu u huwa awtomatikament ġestit mis-sistema tal-ġestjoni tal-flus kontanti tat-teżor tal-Kummissjoni. Fuq kull kont jinżammu l-livelli minimi tal-flus kontanti, proporzjonati mal-ammont medju tal-ħlasijiet li jsiru minnu ta’ kuljum. B'konsegwenza ta’ dan, l-ammonti li jinżammu mil-lum għall-għada fuq dawn il-kontijiet jibqgħu kontinwament f'livelli baxxi, u b'hekk jiġi żgurat li l-esponiment għar-riskju tal-FEŻ ikun limitat.

Barra minn hekk, jiġu applikati linji gwida speċifiċi fl-għażla tal-banek kummerċjali sabiex ikompli jiġi mminimizzat ir-riskju tal-kontroparti li għalih huwa espost il-FEŻ.

Il-banek kummerċjali huma kollha magħżula b'sejħa għall-offerti. Il-klassifikazzjoni tal-kreditu minima għall-perjodu qasir ta’ żmien meħtieġa għall-ammissjoni fil-proċeduri tas-sejħiet għall-offerti hija l-P-1 ta’ Moody's jew l-ekwivalenti (A-1 ta’ S&P jew F1 ta’ Fitch). Jista' jkun meħtieġ livell iktar baxx f'ċirkostanzi speċifiċi u debitament ġustifikati.

6.4   IR-RISKJU TAL-LIKWIDITÀ

Il-prinċipji tal-baġit applikati għall-FEŻ jiżguraw li r-riżorsi ġenerali tal-flus kontanti għall-perjodu baġitarju huma dejjem suffiċjenti għat-twettiq tal-ħlasijiet kollha relatati. Fil-fatt il-kontribuzzjonijiet totali tal-Istati Membri huma daqs l-ammont ġenerali tal-approprjazzjonijiet għall-ħlasijiet għall-perjodu baġitarju rilevanti.

Il-kontribuzzjonijiet tal-Istati Membri għall-FEŻ, madankollu, jitħallsu fi tliet pagamenti fis-sena, filwaqt li l-ħlasijiet huma soġġetti għal ċertu staġjonalità.

Sabiex jiġi żgurat li r-riżorsi tat-teżor huma dejjem suffiċjenti biex ikopru l-ħlasijiet li għandhom jitwettqu fi kwalunkwe xahar partikolari, l-informazzjoni dwar is-sitwazzjoni tat-teżor tiġi regolarment skambjata bejn it-teżor tal-Kummissjoni u d-dipartimenti rilevanti tal-infiq sabiex jiġi żgurat li l-ħlasijiet imwettqa fi kwalunkwe perjodu partikolari ma jaqbżux ir-riżorsi tat-teżor disponibbli.

Barra dan ta’ hawn fuq, fil-kuntest tal-operazzjonijiet ta’ kuljum tat-teżor tal-FEŻ, l-għodda awtomatizzati tal-ġestjoni tal-flus kontanti jiżguraw li ta’ kuljum ikun hemm likwidità suffiċjenti disponibbli fuq kull kont bankarju tal-FEŻ.

7.   DIVULGAZZJONIJIET DWAR IL-PARTIJIET RELATATI

Ma ġew identifikati l-ebda tranżazzjonijiet marbuta ma’ partijiet relatati li jeħtieġu divulgazzjoni separata taħt din l-intestatura.

8.   AVVENIMENTI WARA D-DATA TAL-KARTA TAL-BILANĊ

Fid-data tal-approvazzjoni ta’ dawn il-kontijiet, l-ebda kwistjonijiet materjali li jkunu jeħtieġu divulgazzjoni separata taħt din it-taqsima, ma kienu ġew għall-attenzjoni tal-Uffiċjal tal-Kontabbiltà tal-FEŻ jew irrappurtati lilu. Il-kontijiet annwali u n-noti relatati tħejjew bl-użu tal-iktar informazzjoni riċenti disponibbli u dan jinsab indikat fl-informazzjoni ppreżentata hawn fuq.

9.   RIKONĊILJAZZJONI TAR-RIŻULTAT EKONOMIKU - IR-RIŻULTAT TAL-BAĠIT

Ir-riżultat ekonomiku għas-sena jiġi kkalkulat fuq il-bażi tal-prinċipji tal-kontabbiltà bbażata fuq id-dovuti. Ir-riżultat tal-baġit huwa madankollu msejjes fuq ir-regoli tal-kontabbiltà bbażata fuq il-ħlasijiet, f'konformità mar-Regolament Finanzjarju. Billi t-tnejn jikkostitwixxu r-riżultat tal-istess tranżazzjonijiet sottostanti, huwa utli li jiġi kkontrollat li huma rikonċiljabbli. It-tabella ta’ hawn taħt turi din ir-rikonċiljazzjoni, fejn tenfasizza l-ammonti ewlenin ta’ rikonċiljazzjoni, maqsuma bejn il-partiti tad-dħul u dawk tan-nefqa.

(Miljuni ta’ EUR)
	2010	2009
IR-RIŻULTAT EKONOMIKU GĦAS-SENA	(2 765)	(3 094)
DĦUL
L-intitolamenti li ma jaffettwawx ir-riżultat tal-baġit	(33)	—
L-intitolamenti stabbiliti fis-sena kurrenti iżda li għadhom ma nġabrux	(4)	(3)
L-intitolamenti stabbiliti fis-snin ta’ qabel u miġbura fis-sena kurrenti	10	13
L-effett nett tal-prefinanzjament	53	24
Id-dħul nett dovut	(173)	(75)
NEFQA
L-ispejjeż tas-sena kurrenti li għadhom ma tħallsux	178	228
L-ispejjeż tas-snin ta’ qabel u li tħallsu fis-sena kurrenti (16)	(155)	—
Il-kanċellamenti tal-ħlasijiet	39	12
L-effett nett tal-prefinanzjament	(353)	(506)
L-ispejjeż netti dovuti	(31)	331
IR-RIŻULTAT TAL-BAĠIT GĦAS-SENA	(3 233)	(3 069)

Il-partiti ta’ rikonċiljazzjoni – Dħul

Id-dħul baġitarju ta’ sena finanzjarja jikkorrispondi mad-dħul miġbur mill-intitolamenti stabbiliti matul is-sena u l-ammonti miġbura mill-intitolamenti stabbiliti fis-snin ta’ qabel.

L-intitolamenti li ma jaffettwawx ir-riżultat tal-baġit huma rreġistrati fir-riżultat ekonomiku, iżda minn lat baġitarju dawn ma jistgħux jiġu kkunsidrati bħala dħul minħabba li l-ammont imsarraf ikun trasferit għal riżervi u ma jistax jiġi impenjat mill-ġdid mingħajr deċiżjoni tal-Kunsill.

L-intitolamenti stabbiliti fis-sena kurrenti iżda li għadhom ma nġabrux għandhom jitnaqqsu mir-riżultat ekonomiku għall-finijiet tar-rikonċiljazzjoni minħabba li ma jagħmlux parti mid-dħul baġitarju. Min-naħa l-oħra, l-intitolamenti stabbiliti fis-snin ta’ qabel u miġbura fis-sena kurrenti għandhom jiżdiedu mar-riżultat ekonomiku għall-finijiet tar-rikonċiljazzjoni.

L-effett nett tal-prefinanzjament huwa l-approvazzjoni tal-ammonti tal-prefinanzjament irkuprati. Dan jikkostitwixxi dħul ta’ flus li m'għandu l-ebda impatt fuq ir-riżultat ekonomiku.

Id-dħul nett dovut jikkonsisti l-iktar f'dovuti li jkunu saru għall-finijiet tal-cut-off tal-aħħar tas-sena. Għandu jitqies biss l-effett nett, jiġifieri d-dħul dovut tas-sena kurrenti mingħajr it-treġġigħ lura tad-dħul dovut tas-sena ta’ qabel.

Il-partiti ta’ rikonċiljazzjoni – Nefqa

L-ispejjeż tas-sena kurrenti li għadhom ma tħallsux għandhom jiġu miżjuda għall-finijiet ta’ rikonċiljazzjoni billi huma inklużi fir-riżultat ekonomiku iżda ma jagħmlux parti min-nefqa baġitarja. Min-naħa l-oħra, in-nefqiet tas-snin ta’ qabel li tħallsu fis-sena kurrenti għandhom jitnaqqsu mir-riżultat ekonomiku għall-finijiet ta’ rikonċiljazzjoni billi huma jagħmlu parti min-nefqa baġitarja tas-sena kurrenti iżda m'għandhom l-ebda effett fuq ir-riżultat ekonomiku.

L-irċevuti tal-flus kontanti mill-kanċellamenti tal-ħlasijiet ma jaffettwawx ir-riżultat ekonomiku filwaqt li jħallu impatt fuq ir-riżultat baġitarju.

L-effett nett tal-prefinanzjament huwa l-kombinazzjoni tal-ammonti l-ġodda tal-prefinanzjament imħallsa fis-sena kurrenti (rikonoxxuti bħala nefqa baġitarja għas-sena) u l-approvazzjoni tal-prefinanzjament imħallas fis-sena kurrenti jew fis-snin ta’ qabel permezz tal-aċċettazzjoni tal-ispejjeż eliġibbli. Dan tal-aħħar jirrappreżenta spiża f'termini ta’ dovuti iżda mhux fil-kontijiet baġitarji billi l-pagament tal-prefinanzjament inizjali diġà ġie kkunsidrat bħala nefqa baġitarja fil-mument li tħallas.

L-ispejjeż netti dovuti jikkonsistu l-iktar f'dovuti li jkunu saru għall-finijiet ta’ cut-off tal-aħħar tas-sena, jiġifieri l-ispejjeż eliġibbli mġarrba minn benefiċjarji tal-fondi tal-FEŻ iżda li jkunu għadhom mhux irrappurtati lill-FEŻ. Għandu jitqies biss l-effett nett, jiġifieri l-ispejjeż dovuti tas-sena kurrenti mingħajr it-treġġigħ lura tal-ispejjeż dovuti tas-sena ta’ qabel.

2.   RAPPORT DWAR L-IMPLIMENTAZZJONI FINANZJARJA

NOTA TA' INTRODUZZJONI

Il-FEŻ ta’ qabel

—

Id-Deċiżjoni 1/2000 tal-Kunsill tal-AKP-KE tas-27 ta’ Lulju 2000 dwar il-miżuri ta’ tranżizzjoni tipprovdi sabiex xi wħud mir-riżorsi mhux allokati mill-FEŻ ta’ qabel ikunu użati għall-programmi konsistenti mad-dispożizzjonijiet rilevanti tal-Ftehim ta’ Cotonou u jiġu applikati kmieni taħt il-miżuri ta’ tranżizzjoni.

—

Id-Deċiżjoni tal-Kummissjoni 410/2001 tas-16 ta’ Marzu 2001, li tiffissa l-allokazzjonijiet għall-programmi indikattivi tal-pajjiżi tal-AKP taħt il-Ftehim ta’ Sħubija AKP-KE, tistipula li r-riżorsi mhux allokati mill-FEŻ ta’ qabel sa massimu ta’ EUR 1,2 biljun għandhom ikunu użati għall-implimentazzjoni f'konformità mar-regoli u l-proċeduri tal-FEŻ rilevanti, sakemm jidħol fis-seħħ il-Protokoll Finanzjarju tad-9 FEŻ.

—	Id-Deċiżjoni tal-Kummissjoni 1033/2001 tal-15 ta’ Ġunju 2001 iffissat l-allokazzjonijiet għall-programmi reġjonali u l-kooperazzjoni intra-AKP taħt il-Protokoll Finanzjarju mal-Ftehim ta’ Sħubija AKP-KE.

—

Id-Deċiżjoni tal-Kummissjoni 1252/2002 tal-11 ta’ Lulju 2002 żiedet il-pakkett maħsub għall-kooperazzjoni intra-AKP b'EUR 60 miljun, mir-riżervi ġenerali tas-6 u s-7 FEŻ, u pprovdiet ukoll għall-użu ta’ dawn il-fondi addizzjonali sakemm jidħol fis-seħħ il-Protokoll Finanzjarju tad-9 FEŻ, f'konformità mar-regoli u l-proċeduri applikabbli għall-FEŻ oriġinali.

—	Fl-aħħar nett, id-Deċiżjoni 3/2002 tal-Kunsill tal-Ministri tal-AKP-KE tat-23 ta’ Diċembru 2002 ħadet l-ammont ta’ EUR 25 miljun mir-riżorsi mhux allokati tat-8 FEŻ (riżerva ġenerali) u allokathom għall-kooperazzjoni reġjonali taħt il-Ftehim ta’ Sħubija AKP-KE.

—	Minħabba li s-6 FEŻ ingħalaq fl-2006 u s-7 FEŻ ingħalaq fl-2008, il-kontijiet annwali m'għadx fihom it-tabelli tal-implimentazzjoni għal dawn il-FEŻ. Madankollu, l-implimentazzjoni tal-bilanċi trasferiti tista' tinstab fid-9 FEŻ.

—

Kif sar fis-snin li għaddew, sabiex tkun żgurata t-trasparenza fil-preżentazzjoni tal-kontijiet tal-2009, it-tabelli ta’ hawn taħt jippreżentaw separatament għat-8 FEŻ il-parti użata għall-programmazzjoni skont il-Konvenzjoni ta’ Lomé u l-parti użata għall-programmazzjoni skont il-Ftehim ta’ Cotonou. F'dak li jirrigwarda din tal-aħħar, l-entrata fil-kontijiet u l-preżentazzjoni tal-kontijiet saru fuq il-bażi tal-Artikolu 3(2) tal-Anness IV għall-Ftehim ta’ Sħubija AKP-KE, f'dak li jirrigwarda l-pajjiżi. Dak l-Artikolu jagħti lill-pajjiżi tal-AKP pakkett A sabiex ikopri l-appoġġ makroekonomiku u l-appoġġ għall-programmi u l-proġetti u pakkett B sabiex ikopri bżonnijiet mhux previsti bħall-assistenza ta’ emerġenza, l-inizjattivi ta’ tnaqqis tad-dejn u l-appoġġ biex ikunu kkumpensati l-effetti negattivi tal-instabbiltà fil-qligħ mill-esportazzjoni (17). F'dak li jirrigwarda r-reġjuni, il-preżentazzjoni tal-kontijiet saret skont il-programmazzjoni reġjonali kif imsemmija fil-Kapitolu 2 tal-Ftehim ta’ Sħubija AKP-KE (jiġifieri programmi indikattivi reġjonali u kooperazzjoni intra-AKP).

—

Skont il-Punt 4 tal-Anness Ib (Qafas finanzjarju multiannwali għall-perjodu ta’ bejn l-2008 u l-2013) għall-Ftehim ta’ Sħubija AKP-KE, il-bilanċi li baqa' u l-ammonti diżimpenjati taħt il-Fondi bejn il-31.12.2007 u d-dħul fis-seħħ tal-10 FEŻ, ġew trasferiti għad-9 FEŻ sabiex jiġi żgurat li l-amministrazzjoni tal-UE tkun tista' tiffunzjona u sabiex jiġu koperti l-ispejjeż kurrenti bil-għan li jiġu sostnuti l-proġetti li jinsabu għaddejjin sa meta jidħol fis-seħħ l-10 FEŻ.

L-10 FEŻ

Il-Ftehim ta’ Sħubija AKP-KE ffirmat fit-23 ta’ Ġunju 2000 f'Cotonou mill-Istati Membri tal-Komunità Ewropea u l-Istati tal-Afrika, il-Karibew u l-Paċifiku (l-Istati tal-AKP) daħal fis-seħħ fl-1 ta’ April 2003. Il-Ftehim ta’ Cotonou ġie emendat permezz tal-ftehim iffirmat mill-istess Stati fil-Lussemburgu fil-25 ta’ Ġunju 2005.

Id-Deċiżjoni tal-Kunsill tal-UE tas-27 ta’ Novembru 2001 (2001/822/KE) dwar l-assoċjazzjoni tal-pajjiżi u t-territorji extra-Ewropej (OCT) mal-Komunità Ewropea daħlet fis-seħħ fit-2 ta’ Diċembru 2001. Din id-Deċiżjoni kienet emendata fid-19 ta’ Marzu 2007 (id-Deċiżjoni 2007/249/KE).

Il-Ftehim Intern dwar il-finanzjament tal-għajnuna tal-Komunità taħt il-qafas finanzjarju multiannwali għall-perjodu 2008-2013 f'konformità mal-Ftehim ta’ Cotonou rivedut, adottat mir-Rappreżentanti tal-Gvernijiet tal-Istati Membri tal-Komunità Ewropea fis-17 ta’ Lulju 2006, daħal fis-seħħ fl-1 ta’ Lulju 2008.

Skont il-Ftehim ta’ Cotonou, it-tieni perjodu (2008-2013) tal-għajnuna tal-Komunità għall-Istati tal-AKP u l-OCT huwa ffinanzjat mill-10 FEŻ b'fondi totali ta’ EUR 22 682 miljun, li minnhom:

—	EUR 21 966 miljun huma allokati għall-pajjiżi tal-AKP skont il-qafas finanzjarju multiannwali fl-Anness Ib għall-Ftehim ta’ Cotonou rivedut;

—	EUR 286 miljun huma allokati għall-OCT skont l-Anness IIAa għad-Deċiżjoni tal-Kunsill riveduta dwar l-assoċjazzjoni tal-OCT mal-Komunità Ewropea;

—	EUR 430 miljun huma għall-Kummissjoni sabiex tiffinanzja l-ispejjeż li jirriżultaw mill-ipprogrammar u l-implimentazzjoni tar-riżorsi tal-10 FEŻ, skont l-Artikolu 6 tal-Ftehim Intern.

Fid-data tad-dħul fis-seħħ tal-10 FEŻ, dawn l-ammonti ġew issupplimentati b'bilanċi mhux minfuqa u għadhom issupplimentati b'fondi diżimpenjati li jirriżultaw mis-sistema sabiex tiġi ggarantita l-istabbilizzazzjoni tal-qligħ mill-esportazzjoni ta’ prodotti agrikoli primarji (STABEX) taħt il-Fondi qabel id-9 FEŻ. Dawn il-bilanċi u fondi diżimpenjati għandhom jintużaw u jiġu ġestiti skont il-Ftehim ta’ Cotonou rivedut u l-Ftehim Intern.

L-allokazzjonijiet tal-10 FEŻ għall-Istati u r-reġjuni tal-AKP huma kif ġej (f'EUR):

—

EUR 15 300 miljun għall-programmi indikattivi nazzjonali, li minnhom: — EUR 13 500 miljun għall-pakketti A li minnhom infetħu allokazzjonijiet ta’ EUR 12 385 miljun u minn dan l-ammont, is-somma ta’ EUR 33 miljun ġiet trasferita għall-allokazzjonijiet reġjonali (reġjun MTR-PALOP). Barra minn dan, il-pakkett A għas-Senegal ġie miżjud b'EUR 26 miljun li jirrappreżentaw il-fondi diżimpenjati tal-iStabex; — EUR 1 800 miljun għall-pakketti B, li minnhom EUR 601 miljun bħala allokazzjonijiet inizjali, u EUR 1 199 miljun bħala riżerva għall-bżonnijiet mhux previsti (użati għall-finanzjament ta’ strumenti differenti bħal FLEX ta’ kull sena, u l-FLEX tal-Vulnerabbiltà ad hoc u bħala tweġiba għall-kriżi fil-prezzijiet tal-ikel);

—	EUR 1 783 miljun għall-programmi indikattivi reġjonali, bl-allokazzjonijiet kollha miftuħa;

—	EUR 2 700 miljun għall-allokazzjonijiet Intra-AKP, li minnhom EUR 2 330 miljun huma miftuħa;

—	EUR 683 miljun bħala riżerva għall-allokazzjoni sussegwenti għall-programmi indikattivi nazzjonali u reġjonali wara r-reviżjonijiet ta’ nofs it-terminu u dawk finali.

Ir-riżerva tal-prestazzjoni tal-10 FEŻ li ma tistax tkun użata

Minħabba li l-10 FEŻ daħal fis-seħħ fl-1 ta’ Lulju 2008, il-bilanċi li baqa' u l-ammonti diżimpenjati minn proġetti li jaqgħu taħt id-9 FEŻ u l-FEŻ ta’ qabel huma trasferiti għar-riżerva tal-prestazzjoni tal-10 FEŻ, minbarra l-fondi tal-iStabex u l-pakkett amministrattiv tad-9 FEŻ. Din ir-riżerva tista' tintuża biss taħt il-kundizzjonijiet stipulati fl-Artikolu 1.4 tal-Ftehim Intern tal-10 FEŻ.

Hawn taħt għandek issib id-dettalji ta’ din ir-riżerva sal-31.12.2010:

(miljuni ta' EUR)
Total tal-fondi trasferiti għar-riżerva tal-10 FEŻ li ma tistax tkun użata:	318
— flimkien ma’ fondi diżimpenjati iżda li sal-31.12.2010 għadhom ma ġewx trasferiti:	22
— wara li jitnaqqsu l-fondi li, skont ma ddeċieda diġà l-Kunsill, għandhom jingħataw lis-Sudan, id-Deċiżjoni tal-Kunsill 2010/406/UE tat-12.07.2010	– 150
Total disponibbli fir-riżerva (AKP+OCT)	190

Ir-riżerva tal-iStabex fl-10 FEŻ

Wara l-għeluq tal-kontijiet tal-iStabex, il-fondi li ma jkunux intużaw/diżimpenjati huma trasferiti għar-riżerva tal-Pakkett A tal-iStabex fl-10 FEŻ (il-Ftehim Intern tal-10 FEŻ, l-Artikolu 1.4) u mbagħad għall-programmi indikattivi nazzjonali tal-pajjiżi kkonċernati.

Is-sitwazzjoni ta’ dawn id-diżimpenji u t-trasferimenti sal-31.12.2010 hija kif ġej:

(miljuni ta' EUR)
Pajjiż ikkonċernat	Riżerva tal-Pakkett A tal-iSTABEX	Pakkett A
Il-Kamerun	2,28
Il-Ġamajka	0,06
Il-Lesoto	3,44
Is-Senegal		26,31
Total	5,78	26,31

Il-kofinanzjamenti tal-10 FEŻ

Taħt l-10 FEŻ, ġew iffirmati l-ftehimiet dwar it-trasferiment tal-kofinanzjamenti mill-Istati Membri u nfetħu l-approprjazzjonijiet għall-impenji li b'kollox kienu jammontaw għal EUR 74.83 miljun, filwaqt li l-approprjazzjonijiet għall-ħlasijiet infetħu biss għall-ammonti msarrfa ta’ EUR 54.38 miljun.

Is-sitwazzjoni tal-approprjazzjonijiet tal-kofinanzjament sal-31.12.2010 hija indikata fit-tabella ta’ hawn taħt:

(miljuni ta' EUR)
	Approprjazzjonijiet għall-impenji	Approprjazzjonijiet għall-ħlasijiet
Kofinanzjament - Pakkett A	61,12 (18)	52,85
Kofinanzjament - Intra-AKP	12,15	0,64
Kofinanzjament - Spejjeż amministrattivi	1,56	0,89
	74,83	54,38

It-tabelli li ġejjin, li jirrigwardaw l-ammonti deċiżi, ikkuntrattati u mħallsa, jindikaw ċifri netti.

It-tabelli li jippreżentaw is-sitwazzjoni skont il-pajjiż u skont l-istrument jinsabu fl-anness.

2.1   L-ALLOKAZZJONIJIET

Tabella 1.1

It-8 FEŻ

Evoluzzjoni tal-approprjazzjonijiet: il-31 ta’ Diċembru 2010

ANALIŻI TAL-KREDITI SKONT L-ISTRUMENT

(Miljuni ta' EUR)
Strument	Appropjrazzjoni inizjali	Żidiet/tnaqqis fir-riżorsi kumulattivi fil-31 ta' Diċembru 2009	Żieda jew tnaqqis fir-riżorsi fl-2010	Noti	Approprjazzjoni kurrenti
AKP
Lomé
Total tal-programmi indikattivi	7 562	(2 347)	(49)	(19)	5 166
Sussidji fuq ir-rati tal-imgħax	370	(278)			92
Għajnuna ta' emerġenza	140	(4)	(0)	(19)	136
Għajnuna għar-refuġjati	120	(10)	(2)	(19)	109
Kapital tar-riskju	1 000	67	(31)	(19)	1 037
Stabex	1 800	(1 077)	0	(20)	723
Sysmin	575	(463)	(0)	(19)	112
Aġġustament strutturali	1 400	97			1 497
Pajjiżi fqar b'dejn għoli		1 060			1 060
L-użu tad-dħul mill-imgħax		37	(0)	(19)	37
Cotonou
Pakkett A		430	(1)	(19)	429
Pakkett B		255			255
Total tal-AKP	12 967	(2 231)	(83)		10 653
OCT
Total tal-programmi indikattivi	115	(75)	(2)	(19)	38
Sussidji fuq ir-rati tal-imgħax	9	(7)			1
Għajnuna ta' emerġenza	3	(3)
Għajnuna għar-refuġjati	1	(1)
Kapital tar-riskju	30	(24)	(1)	(19)	6
Stabex	6	(4)			1
Sysmin	3	(0)			2
Total tal-OCT	165	(114)	(2)		49
Total tat-8 FEŻ	13 132	(2 345)	(85)		10 702

Tabella 1.2

Id-9 FEŻ

Evoluzzjoni tal-approprjazzjonijiet: il-31 ta’ Diċembru 2010

ANALIŻI TAL-KREDITI SKONT L-ISTRUMENT

(Miljuni ta' EUR)
Strument	Appropjrazzjoni inizjali	Żidiet/tnaqqis fir-riżorsi kumulattivi fil-31 ta' Diċembru 2009	Żieda jew tnaqqis fir-riżorsi fl-2010	Noti	Approprjazzjoni tal-livell kurrenti
AKP
Pakkett A	5 318	4 197	(102)	(21)	9 413
Pakkett B	2 108	(801)	(6)	(21)	1 301
Riżerva tal-allokazzjonijiet nazzjonali	1 224	(1 224)
ĊŻI, ĊTA u l-Assemblea Parlamentari	164	12	(5)	(21)	171
Riżerva għall-iżvilupp fuq perjodu twil ta' żmien	258	(258)			0
Allokazzjonijiet reġjonali	904	25	(19)	(21)	911
Intra-AKP	300	2 945	(10)	(21)	3 236
Spejjeż tal-implimentazzjoni	125		(0)	(21)	125
Imgħax u dħul ieħor		69			69
Spejjeż amministrattivi		46			46
Allokazzjoni speċjali R.D. Kongo		108			108
Trasferimenti mis-6 FEŻ - Lomé		24	(1)	(21)	24
Trasferimenti mis-7 FEŻ - Lomé		737	(5)	(21)	731
Faċilità għall-Paċi b'kontribuzzjoni volontarja		39			39
Total tal-AKP	10 401	5 919	(147)		16 173
OCT
Pakkett A	0	250	(1)	(21)	249
Pakkett B/Użu tar-riżerva C	0	7			7
Riżerva għall-iżvilupp fuq perjodu twil ta' żmien	144	(144)
Allokazzjonijiet reġjonali	8	42	(1)	(21)	49
Pakkett tal-assistenza teknika	2		(1)	(21)	1
Trasferimenti mis-6 FEŻ - Lomé		0			0
Trasferimenti mis-7 FEŻ - Lomé		4	(1)	(21)	3
Total tal-OCT	154	158	(4)		308
Total tad-9 FEŻ	10 555	6 078	(151)		16 482

Tabella 1.3

L-10 FEŻ

Evoluzzjoni tal-approprjazzjonijiet: il-31 ta’ Diċembru 2010

ANALIŻI TAL-KREDITI SKONT L-ISTRUMENT

(Miljuni ta' EUR)
Strument	Appropjrazzjoni inizjali	Żidiet/tnaqqis fir-riżorsi kumulattivi fil-31 ta' Diċembru 2009	Żieda jew tnaqqis fir-riżorsi fl-2010	Noti	Approprjazzjoni tal-livell kurrenti
AKP
Pakkett A		11 516	862	(22)	12 378
Riżerva tal-Pakkett A	13 500	(11 549)	(836)	(23)	1 115
Pakkett B		1 089	375	(23)	1 464
Riżerva tal-Pakkett B	1 800	(1 089)	(375)	(23)	336
Allokazzjonijiet reġjonali		1 816		(27)	1 816
Riżerva tal-allokazzjonijiet reġjonali	1 783	(1 783)
Riżerva tal-Allokazzjonijiet Nazzjonali, Pakkett A Stabex			6	(24)	6
Riżerva PIN/RIP	683				683
Intra-AKP		2 330			2 330
Riżerva Intra-AKP	2 700	(2 330)			370
Spejjeż tal-implimentazzjoni	430				430
Imgħaxijiet u dħul ieħor		30	2		32
Kofinanzjament		63	12	(25)	75
Riżerva tal-AKP li ma tistax tintuża		81	230	(26)	311
Total tal-AKP	20 896	174	276		21 345
OCT
Pakkett A
Riżerva tal-Pakkett A	195				195
Pakkett B			4	(23)	4
Riżerva tal-Pakkett B	15		(4)	(23)	11
Riżerva tal-allokazzjonijiet reġjonali	40				40
Studji/assistenza teknika tal-OCT	6				6
Riżerva tal-OCT li ma tistax tintuża		1	6	(26)	7
Total tal-OCT	256	1	6		263
Total tal-10 FEŻ	21 152	175	282		21 609

2.2   IL-KONTIJIET IKKONSOLIDATI

Tabella 2.1

Kontijiet aggregati tal-feż fil-31.12.2010

RAPPORT TAL-PROGRESS

(Miljuni ta' EUR)
	Allokazzjoni	It-8 FEŻ	Id-9 FEŻ	L-10 FEŻ	It-8, id-9 u l-10 FEŻ
Lomé	Għajnuna programmabbli	5 204			5 204
	Għajnuna mhux programmabbli	4 777			4 777
	Trasferimenti minn fondi oħrajn		758		758
	Dħul varju	37			37
Cotonou	Pakkett A	429	9 662	12 378	22 469
	Pakkett B	255	1 308	1 468	3 030
	Allokazzjoni reġjonali		960	1 816	2 776
	Allokazzjoni Intra-AKP		3 236	2 330	5 566
	ĊŻI, ĊTA u l-Assemblea Konġunta		171		171
	Allokazzjoni speċjali, Deċiżjoni tal-Kunsill 4/04		108		108
	Faċilità għall-Paċi b'kontribuzzjoni volontarja		39		39
	Kofinanzjament (krediti tal-impenn)			75	75
	Spejjeż u imgħax tal-implimentazzjoni		240	468	708
	Riżerva PIN/RIP			683	683
	Riżerva tal-allokazzjonijiet reġjonali			40	40
	Riżerva Intra-AKP			370	370
	Riżerva tal-pajjiż			1 657	1 657
	Stabex - Pakkett A tar-Riżerva PIN			6	6
	Riżerva tal-prestazzjoni li ma tistax tintuża			318	318
	Total	10 702	16 482	21 609	48 792

	FEŻ	Total aggregat		Ċifri annwali
		Fil-31.12.2010	% tal-allokazzjoni	2006	2007	2008	2009	2010
Deċiżjonijiet
	8	10 699	100 %	(265)	(211)	(53)	(42)	(45)
	9	16 463	100 %	3 187	3 455	775	(54)	(116)
	10	10 617	48 %			4 766	3 501	2 349
Total		37 778		2 921	3 244	5 488	3 405	2 187
Fondi assenjati
	8	10 508	98 %	202	35	55	(42)	8
	9	15 683	95 %	2 915	3 317	3 163	997	476
	10	6 134	28 %			130	3 184	2 820
Total		32 324		3 117	3 352	3 348	4 140	3 304
Ħlasijiet
	8	10 240	96 %	737	483	323	152	158
	9	13 121	80 %	1 861	2 294	3 253	1 806	1 304
	10	2 973	14 %			90	1 111	1 772
Total		26 334		2 598	2 777	3 666	3 069	3 233
Iċ-ċifri negattivi jirrappreżentaw id-diżimpenji

Tabella 2.2

Kontijiet aggregati tal-FEŻ fil-31.12.2010

KLASSI TAL-GĦAJNUNA

		It-8 FEŻ	%	Id-9 FEŻ	%	L-10 FEŻ	%	Total	%
			(28)		(28)		(28)		(28)
Lomé	Għajnuna programmabbli (PIN)
	Approprjazzjonijiet	5 204						5 204
	Deċiżjonijiet	5 201	100 %					5 201	100 %
	Fondi Assenjati	5 089	98 %					5 089	98 %
	Ħlasijiet	4 945	95 %					4 945	95 %
	Għajnuna mhux programmabbli
	Approprjazzjonijiet	4 777						4 777
	Deċiżjonijiet	4 776	100 %					4 776	100 %
	Fondi assenjati	4 759	100 %					4 759	100 %
	Ħlasijiet	4 670	98 %					4 670	98 %
	Trasferimenti minn fondi oħrajn
	Approprjazzjonijiet			758				758
	Deċiżjonijiet			757	100 %			757	100 %
	Fondi assenjati			723	95 %			723	95 %
	Ħlasijiet			655	86 %			655	86 %
	Dħul varju
	Approprjazzjonijiet	37						37
	Deċiżjonijiet	37	100 %					37	100 %
	Fondi assenjati	36	98 %					36	98 %
	Ħlasijiet	35	94 %					35	94 %
	Total
	Approprjazzjonijiet	10 018		758				10 776
	Deċiżjonijiet	10 015	100 %	757	100 %			10 772	100 %
	Fondi assenjati	9 885	99 %	723	95 %			10 607	98 %
	Ħlasijiet	9 650	96 %	655	86 %			10 305	96 %
Cotonou	Pakkett A
	Approprjazzjonijiet	429		9 662		12 378		22 469
	Deċiżjonijiet	429	100 %	9 647	100 %	7 416	60 %	17 492	78 %
	Fondi assenjati	423	99 %	9 194	95 %	4 288	35 %	13 905	62 %
	Ħlasijiet	416	97 %	7 906	82 %	1 648	13 %	9 970	44 %
	Pakkett B
	Approprjazzjonijiet	255		1 308		1 468		3 030
	Deċiżjonijiet	255	100 %	1 308	100 %	1 003	68 %	2 565	85 %
	Fondi assenjati	200	78 %	1 261	96 %	829	56 %	2 290	76 %
	Ħlasijiet	174	68 %	1 078	82 %	677	46 %	1 929	64 %
	ĊŻI, ĊTA u l-Assemblea Konġunta
	Approprjazzjonijiet			171				171
	Deċiżjonijiet			171	100 %			171	100 %
	Fondi assenjati			167	98 %			167	98 %
	Ħlasijiet			153	90 %			153	90 %
	Allokazzjoni reġjonali
	Approprjazzjonijiet			960		1 816		2 776
	Deċiżjonijiet			956	100 %	361	20 %	1 317	47 %
	Fondi assenjati			880	92 %	92	5 %	972	35 %
	Ħlasijiet			591	62 %	9	1 %	601	22 %
	Allokazzjoni Intra-AKP
	Approprjazzjonijiet			3 236		2 330		5 566
	Deċiżjonijiet			3 236	100 %	1 560	67 %	4 795	86 %
	Fondi assenjati			3 082	95 %	705	30 %	3 787	68 %
	Ħlasijiet			2 384	74 %	454	19 %	2 838	51 %
	Faċilità għall-Paċi b'kontribuzzjoni volontarja
	Approprjazzjonijiet			39				39
	Deċiżjonijiet			39	100 %			39	100 %
	Fondi assenjati			37	95 %			37	95 %
	Ħlasijiet			24	62 %			24	62 %
	Allokazzjoni speċjali Deċiżjoni tal-Kunsill 2003/583/KE
	Approprjazzjonijiet			108				108
	Deċiżjonijiet			108	100 %			108	100 %
	Fondi assenjati			105	97 %			105	97 %
	Ħlasijiet			105	97 %			105	97 %
	Spejjeż u imgħax tal-implimentazzjoni
	Approprjazzjonijiet			240		468		708
	Deċiżjonijiet			240	100 %	216	46 %	455	64 %
	Fondi assenjati			234	98 %	205	44 %	439	62 %
	Ħlasijiet			225	94 %	184	39 %	409	58 %
	Total
	Approprjazzjonijiet	684		15 723		18 460		34 867
	Deċiżjonijiet	684	100 %	15 705	100 %	10 555	57 %	26 944	77 %
	Fondi assenjati	623	91 %	14 960	95 %	6 120	33 %	21 703	62 %
	Ħlasijiet	590	86 %	12 466	79 %	2 972	16 %	16 028	46 %
	RIŻERVA PIN/RIP					683		683
	RIŻERVA TAL-ALLOKAZZJONIJIET REĠJONALI					40		40
	RIŻERVA INTRA-AKP					370		370
	Stabex - Pakkett A tar-Riżerva PIN					6
	RIŻERVA TAL-PAJJIŻI					1 657		1 657
	Kofinanzjament
	Approprjazzjonijiet					75		75
	Deċiżjonijiet					62	83 %	62	83 %
	Fondi assenjati					14	19 %	14	2 %
	Ħlasijiet					1	1 %	1	0 %
	Riżerva tal-prestazzjoni li ma tistax tintuża					318		318
	Total
	Approprjazzjonijiet	10 702		16 482		21 609		48 792
	Deċiżjonijiet	10 699	100 %	16 463	100 %	10 617	49 %	37 778	77 %
	Fondi assenjati	10 508	98 %	15 683	95 %	6 134	28 %	32 324	66 %
	Ħlasijiet	10 240	96 %	13 121	80 %	2 973	14 %	26 334	54 %

Tabella 2.3

Kontijiet aggregati tal-FEŻ fil-31.12.2010

ANALIŻI SKONT L-ISTRUMENT

AKP + OCT – It-8 FEŻ

(Miljuni ta' EUR)
		Approprjazzjonijiet	Deċiżjonijiet			Fondi Assenjati			Ħlasijiet
			Total akkumulat	Annwali	%	Total akkumulat	Annwali	%	Total akkumulat	Annwali	%
		(1)	(2)	%	(2) : (1)	(3)	%	(3) : (2)	(4)	%	(4) : (3)
Lomé	AKP
	Total tal-programmi indikattivi	5 166	5 163	(36)	100 %	5 054	7	98 %	4 909	79	97 %
	Total tal-għajnuna mhux programmabbli	4 803	4 803	(8)	100 %	4 785	3	100 %	4 694	59	98 %
	Sussidji fuq ir-rati tal-imgħax	92	92		100 %	91	(1)	99 %	68		75 %
	Għajnuna ta' emerġenza	136	136	(0)	100 %	136	(0)	100 %	136		100 %
	Għajnuna għar-refuġjati	109	109	(0)	100 %	107	(1)	98 %	100	(2)	94 %
	Kapital tar-riskju	1 037	1 037	(8)	100 %	1 029	(8)	99 %	991		96 %
	Stabex	723	723	0	100 %	719	13	99 %	706	46	98 %
	Sysmin	112	112		100 %	110	(1)	98 %	101	0	92 %
	Aġġustament strutturali	1 497	1 497		100 %	1 497	(0)	100 %	1 497	(0)	100 %
	Pajjiżi fqar b'dejn għoli	1 060	1 060		100 %	1 060		100 %	1 060	14	100 %
	L-użu tad-dħul mill-imgħax	37	37		100 %	36	(0)	98 %	35	0	96 %
	Total	9 969	9 966	(44)	100 %	9 839	10	99 %	9 604	138	98 %
Cotonou	Pakkett A	429	429	(1)	100 %	423	(0)	99 %	416	2	98 %
	Pakkett B	255	255		100 %	200	(0)	78 %	174	18
	Total	684	684	(1)	200 %	623	(0)	177 %	590	20	98 %
	Total tal-AKP (a)	10 653	10 650	(45)	100 %	10 461	9	98 %	10 194	158	97 %
	OCT
	Total tal-programmi indikattivi	38	38	(1)	100 %	35	(1)	93 %	35	0	100 %
	Total tal-għajnuna mhux programmabbli	11	11	0	100 %	11	0	100 %	11	0	100 %
	Sussidji fuq ir-rati tal-imgħax	1	1		100 %	1		100 %	1		100 %
	Għajnuna ta' emerġenza
	Għajnuna għar-refuġjati
	Kapital tar-riskju	6	6		100 %	6		100 %	6		100 %
	Stabex	1	1		100 %	1		100 %	1		100 %
	Sysmin	2	2		100 %	2	0	99 %	2	0	98 %
	Total tal-OCT (b)	49	49	(1)	100 %	46	(1)	95 %	46	0	100 %
	Total (a) + (b)	10 702	10 699	(45)	100 %	10 508	8	98 %	10 240	158	97 %

Tabella 2.4

Kontijiet aggregati tal-FEŻ fil-31.12.2010

ANALIŻI SKONT L-ISTRUMENT

AKP + OCT – Id-9 FEŻ

(Miljuni ta' EUR)
	Approprjazzjonijiet	Deċiżjonijiet			Fondi assenjati			Ħlasijiet
		Total akkumulat	Annwali	%	Total akkumulat	Annwali	%	Total akkumulat	Annwali	%
	(1)	(2)	%	(2) : (1)	(3)	%	(3) : (2)	(4)	%	(4) : (3)
AKP
Pakkett A	9 413	9 399	(86)	100 %	8 979	231	96 %	7 728	741	86 %
Appoġġ makroekonomiku		2 280	(25)		2 258	(15)		2 138	26
Politiki Settorjali		7 118	(61)		6 721	246		5 591	716
Pakkett B	1 301	1 301	(5)	100 %	1 254	48	96 %	1 072	104	85 %
Kumpens fuq dħul mill-esportazzjoni		170	(0)		161	18		129	15
Għajnuna ta' emerġenza		1 119	(5)		1 082	30		932	89
Pajjiżi fqar b'dejn għoli		11			11			11
Allokazzjoni reġjonali	911	907	(5)	100 %	833	64	92 %	564	81	68 %
Allokazzjoni Intra-AKP	3 236	3 236	(8)	100 %	3 082	119	95 %	2 384	300	77 %
Oħrajn	171	171	(5)	100 %	167	(2)	98 %	153	3	92 %
Spejjeż tal-implimentazzjoni/Nefqa amministrattiva	170	170	(0)	100 %	169	(0)	99 %	163	2	96 %
Imgħaxijiet u dħul ieħor	69	69	0	100 %	65	(1)	94 %	61	3	95 %
Allokazzjoni speċjali Kongo	108	108		100 %	105	(0)	97 %	105	1	100 %
Faċilità għall-Paċi b'kontribuzzjoni volontarja	39	39		100 %	37	0	95 %	24	0	65 %
Trasferimenti mis-6 FEŻ - Lomé	24	23	(1)	97 %	21	(0)	90 %	19	2	92 %
Trasferimenti mis-7 FEŻ - Lomé	731	731	(3)	100 %	699	(3)	96 %	633	14	91 %
Total tal-AKP (a)	16 173	16 154	(114)	100 %	15 410	456	95 %	12 906	1 252	84 %
OCT
Pakkett A	249	249	(1)	100 %	215	18	87 %	177	43	82 %
Appoġġ makroekonomiku		15	0		14	3		9	0
Politiki Settorjali		234	(1)		201	15		169	43
Pakkett B	7	7	0	100 %	7	0	98 %	6	0	90 %
Allokazzjoni reġjonali	49	49	(1)	100 %	47	1	96 %	27	9	58 %
Studji/Assistenza teknika	1	1		100 %	1		100 %	1		100 %
Trasferimenti mis-6 FEŻ - Lomé	0	0		100 %	0		100 %	0		100 %
Trasferimenti mis-7 FEŻ - Lomé	3	3	(1)	100 %	3	(0)	100 %	3		99 %
Total tal-OCT (b)	308	308	(2)	100 %	273	20	89 %	214	52	79 %
Total (a) + (b)	16 482	16 463	(116)	100 %	15 683	476	95 %	13 121	1 304	84 %

Tabella 2.5

Kontijiet aggregati tal-FEŻ fil-31.12.2010

ANALIŻI SKONT L-ISTRUMENT

AKP + OCT – L-10 FEŻ

(Miljuni ta' EUR)
	Approprjazzjonijiet	Deċiżjonijiet			Fondi assenjati			Ħlasijiet
		Total akkumulat	Annwali	%	Total akkumulat	Annwali	%	Total akkumulat	Annwali	%
	(1)	(2)		(2) : (1)	(3)		(3) : (2)	(4)		(4) : (3)
AKP
Pakkett A	12 378	7 416	977	60 %	4 288	1 834	58 %	1 648	1 074	38 %
Pakkett B	1 464	998	496	68 %	829	435	83 %	677	400	82 %
Kumpens fuq dħul mill-esportazzjoni		64	63		40	40		30	30
Għajnuna ta' emerġenza		324	137		268	161		180	115
Pajjiżi fqar b'dejn għoli		49	2		49	14		34	15
Taqlib ieħor b'impatt baġitarju		561	293		473	220		433	240
Allokazzjoni Reġjonali	1 816	361	206	20 %	92	92	26 %	9	9	10 %
Allokazzjoni Intra-AKP	2 330	1 560	647	67 %	705	354	45 %	454	210	64 %
Spejjeż istituzzjonali u ta' appoġġ	300	160	46	53 %	128	35	80 %	77	23	60 %
Faċilità għall-Paċi	1 730	1 100	601	64 %	428	245	39 %	264	107	62 %
Intra-AKP varji, setturi oħrajn programmati	300	300	0	100 %	149	73	50 %	113	80	76 %
Spejjeż tal-implimentazzjoni	430	189	0	44 %	182	77	96 %	171	71	94 %
Imgħax u dħul ieħor	32	24	7	76 %	21	12	87 %	12	7	56 %
Total	18 449	10 548	2 333	57 %	6 118	2 805	58 %	2 971	1 771	49 %
RIŻERVA TAL-PAJJIŻI - COTONOU	1 452
RIŻERVA PIN/RIP	683
Stabex - Pakkett A tar-Riżerva PIN	6
RIŻERVA TAL-ALLOKAZZJONIJIET REĠJONALI
RIŻERVA INTRA-AKP	370
Kofinanzjament tal-Pakkett A	61	60	12	98 %	13	13		0	0
Kofinanzjament Intra-AKP	12	1		5 %	1	0	100 %	1	0	98 %
Kofinanzjament tan-nefqa amministrattiva	2	1	0	69 %
Kofinanzjament Totali	75	62	12	83 %	14	14	23 %	1	0	5 %
Total tal-AKP	21 035	10 610	2 345	50 %	6 132	2 819	58 %	2 972	1 771	48 %
Riżerva tal-prestazzjoni tal-AKP li ma tistax tintuża	311
Total tal-AKP + ir-riżerva tal-prestazzjoni (a)	21 346	10 610	2 345	50 %	6 132	2 819	58 %	2 972	1 771	48 %
OCT
Pakkett A
Pakkett B	4	4	4	100 %
Kumpens fuq dħul mill-esportazzjoni
Għajnuna ta' emerġenza		4	4
Pajjiżi fqar b'dejn għoli
Taqlib ieħor b'impatt baġitarju
Allokazzjoni Reġjonali
Studji / Assistenza teknika tal-OCT	6	2		33 %	2	1	85 %	1	1	40 %
Total	10	6	4	61 %	2	1	27 %	1	1	40 %
RIŻERVA TAL-PAJJIŻI	206
RIŻERVA TAL-ALLOKAZZJONIJIET REĠJONALI	40
RIŻERVA PIN/RIP
Total tal-OCT	256	6	4	2 %	2	1	27 %	1	1	40 %
Riżerva tal-prestazzjoni tal-OCT li ma tistax tinġibed	7
Total tal-OCT + ir-riżerva tal-prestazzjoni (b)	263	6	4	2 %	2	1	27 %	1	1	40 %
Total (a) + (b)	21 609	10 617	2 349	49 %	6 134	2 820	58 %	2 973	1 772	48 %

2.3   INFORMAZZJONI OĦRA DWAR IL-ĠESTJONI

Il-kofinanzjament Taljan (1985)

Fl-1985, il-Kummissjoni Ewropea ffirmat ftehim mal-Gvern Taljan li kien jipprovdi għall-kofinanzjament ta’ proġetti tal-iżvilupp ġestiti mill-Kummissjoni.

Il-ftehim ġie estiż b'mod regolari permezz ta’ skambji ta’ ittri bejn il-Gvern Taljan u l-Kummissarju għall-Iżvilupp sal-31 ta’ Diċembru 2004.

Imbagħad, permezz tal-proċedura miktuba E/1588/2004, il-Kummissjoni ħadet deċiżjoni dwar l-implimentazzjoni tal-ftehim qafas dwar il-kofinanzjament. L-iskop tad-deċiżjoni kien li jiġi stabbilit il-qafas baġitarju u regolatorju għall-impenji li twettqu skont dan il-ftehim. Id-deċiżjoni tal-Kummissjoni għaldaqstant stipulat li dan il-kofinanzjament għandu jiġi implimentat f'konformità mad-dispożizzjonijiet tar-regolament finanzjarju tal-FEŻ. Id-deċiżjoni tagħti l-awtorità lill-uffiċjali tal-awtorizzazzjoni b'delega jew sottodelega tal-FEŻ sabiex jamministraw il-kontribuzzjoni tal-Italja għal dan il-kofinanzjament. Huma kienu awtorizzati wkoll li jiddeterminaw id-data finali għall-implimentazzjoni tagħha f'konformità mar-regoli rilevanti.

F'konformità mal-Artikolu 4, punt 4 tal-ftehim ta’ Lulju 1985 bejn il-Kummissjoni Ewropea u l-Gvern Taljan, id-dispożizzjoni kkonfermat, fl-Artikolu 3, punt 3 tad-deċiżjoni E/1588/2004, li l-Gvern Taljan, permezz tal-ittra tal-15 ta’ Diċembru 2006, talab lill-Kummissjoni tħallas lura l-bilanċi tal-kontijiet fuq il-proġetti magħluqa. Dawn il-bilanċi kienu jammontaw għal EUR 4 708 867,66. Dan l-ammont tħallas lura lill-Gvern Taljan f'Marzu tal-2008.

Is-sitwazzjoni tal-fondi Taljani ġestiti mill-Kummissjoni għal proġetti fil-pajjiżi tal-AKP sal-31.12.2010 hija ppreżentata hawn taħt.

B'kollox, 52 proġett implimentati fil-pajjiżi tal-AKP ġew kofinanzjati mill-Italja sa mill-iffirmar tal-ftehim imsemmi hawn fuq, li minnhom wieħed biss, “ir-raba' (4) programm ta’ riabilitazzjoni – is-Somalja”, għadu għaddej u huwa ġestit mid-delegazzjoni tal-UE fil-Kenja:

(EUR)
Proġett Nru	Pajjiż	Proġett	Bilanċ 31.12.2009	Kontribuzzjoni 2010	Pagamenti 2010	Bilanċ 31.12.2010
ITA KOF 37	IS-SOMALJA	L-imgħax mill-kofinanzjament	317 230,20	1 922,22	20 695,45	298 456,97
ITA KOF 40		Nefqa amministrattiva	408 990,37	95,97	—	409 086,34
ITA KOF 50		Riabilitazzjoni	8 411 323,52	—	1 689 159,97	6 722 163,55
Total			9 137 544,09	2 018,19	1 709 855,42	7 429 706,86

L-aħħar pagament għall-proġett Bogamoyo Road tat-Tanżanija sar fl-2010 u l-kont ingħalaq.

(EUR)
Nru tal-proġett	Pajjiż	Proġett	Bilanċ 31.12.2009	Kontribuzzjoni mill-ITA COF 37	Pagament	Bilanċ 31.12.2010
ITA KOF 51	IT-TANŻANIJA	Bogamoyo road	1 386 304,54	20 695,45	1 407 000	—

PARTI II

IL-KONTIJIET ANNWALI TAL-FEŻ: ID-DIKJARAZZJONIJIET FINANZJARJI TAL-FAĊILITÀ TAL-INVESTIMENT

3.   ID-DIKJARAZZJONIJIET FINANZJARJI TAL-FAĊILITÀ TAL-INVESTIMENT

3.1   DIKJARAZZJONI TAL-INTROJTU

(F'EUR'000)
	Noti	Mill-1.1.2010 sal-31.12.2010	Mill-1.1.2009 sal-31.12.2009
Imgħax u introjtu simili	5	54 601	49 923
Imgħax u spejjeż simili	5	–2 591	–1 878
Imgħax nett u introjtu simili		52 010	48 045
Introjtu minn imposti u kummissjonijiet	6	11 775	1 985
Spejjeż ta’ imposti u kummissjonijiet	6	– 372	–
Introjtu nett minn imposti u kummissjonijiet		11 403	1 985
Riżultat nett tal-operazzjonijiet finanzjarji	7	–15 823	9 124
Bidla fl-indeboliment tal-ammonti mislufa u tar-riċevibbli, netta mit-treġġigħ lura	11	25 428	–44 350
Indeboliment tal-assi finanzjarji disponibbli għall-bejgħ	12	–3 714	–2
Spejjeż amministrattivi ġenerali	8	–34 086	–36 410
Profitt/Telf għas-sena		35 218	–21 608

3.2   IL-KARTA TAL-BILANĊ

(F'EUR'000)
	Noti	31.12.2010	31.12.2009
ASSI
Flus kontanti u l-ekwivalenti	9	411 587	330 057
Strumenti finanzjarji derivattivi	10	1 376	12 870
Ammonti mislufa u riċevibbli	11	844 428	693 441
Assi finanzjarji li huma disponibbli għall-bejgħ	12	194 828	164 606
Ammonti riċevibbli mingħand il-kontributuri	13/18	100 000	87 310
Assi oħrajn	14	3 172	925
Assi totali		1 555 391	1 289 209
OBBLIGAZZJONIJIET U RIŻORSI TAL-KONTRIBUTURI
OBBLIGAZZJONIJIET
Strumenti finanzjarji derivattivi	10	6 110	5 522
Introjtu differit	15	29 579	24 317
Ammonti dovuti lill-partijiet terzi	16	298 415	213 850
Obbligazzjonijiet oħra	17	940	1 560
Obbligazzjonijiet Totali		335 044	245 249
RIŻORSI TAL-KONTRIBUTURI
Kontribuzzjoni tal-Istati Membri mitluba	18	1 131 309	995 000
Qligħ miżmum		64 468	29 250
Riżerva tal-valur ġust		24 570	19 710
Total tar-riżorsi tal-kontributuri		1 220 347	1 043 960
Obbligazzjonijiet u Riżorsi tal-kontributuri totali		1 555 391	1 289 209

3.3   RAPPORT TAL-BIDLIET FIR-RIŻORSI TAL-KONTRIBUTURI

(F'EUR'000)
	Kontribuzzjoni mitluba	Qligħ miżmum	Riżerva tal-Valur Ġust	Total
Fl-1 ta’ Jannar 2010	995 000	29 250	19 710	1 043 960
Qligħ u telf nett mhux realizzat fuq l-assi finanzjarji disponibbli għall-bejgħ	—	—	4 860	4 860
Kontribuzzjoni tal-Istati Membri mitluba matul is-sena	130 000	—	—	130 000
Sussidji fuq l-imgħaxijiet mhux użati	6 309	—	—	6 309
Profitt għas-sena 2010	—	35 218	—	35 218
Bidliet fir-riżorsi tal-kontributuri	136 309	35 218	4 860	176 387
Fil-31 ta’ Diċembru 2010	1 131 309	64 468	24 570	1 220 347
Fl-1 ta’ Jannar 2009	845 000	50 858	15 122	910 980
Qligħ u telf nett mhux realizzat fuq l-assi finanzjarji disponibbli għall-bejgħ	—	—	4 588	4 588
Kontribuzzjoni tal-Istati Membri mitluba matul is-sena	150 000	—	—	150 000
Telf għas-sena 2009	—	–21 608	—	–21 608
Bidliet fir-riżorsi tal-kontributuri	150 000	–21 608	4 588	132 980
Fil- 31 ta’ Diċembru 2009	995 000	29 250	19 710	1 043 960

3.4   RAPPORT TAL-FLUSS TAL-FLUS KONTANTI

(F'EUR'000)
	Mill-1.1.2010 sal-31.12.2010	Mill-1.1.2009 sal-31.12.2009
ATTIVITAJIET OPERATTIVI
Profitt / Telf għas-sena finanzjarja	35 218	–21 608
Aġġustamenti
Indeboliment tal-assi finanzjarji disponibbli għall-bejgħ	3 714	2
Bidla netta fl-indeboliment tal-ammonti mislufa u tar-riċevibbli	–25 428	44 350
Imgħax ikkapitalizzat fuq l-ammonti mislufa u fuq ir-riċevibbli	–13 239	–4 889
Bidla fl-imgħax dovut u fl-ispiża amortizzata fuq l-ammonti mislufa u r-riċevibbli	– 466	890
Żieda fl-introjtu differit	5 262	4 131
Effett taċ-ċaqliq fir-rati tal-kambju fuq l-ammonti mislufa	–24 626	10 963
Effett taċ-ċaqliq fir-rati tal-kambju fuq l-assi finanzjarji disponibbli għall-bejgħ	– 538	1 935
Profitt minn attivitajiet operattivi qabel il-bidliet fl-assi u l-obbligazzjonijiet operattivi	–20 103	35 774
Żborż ta’ ammonti mislufa	– 212 180	– 158 400
Ħlas lura ta’ ammonti mislufa	119 724	61 094
Bidliet fil-valur ġust tad-derivattivi	12 082	–14 599
Żieda fl-assi finanzjarji disponibbli għall-bejgħ	–50 952	–40 306
Bejgħ tal-assi finanzjarji disponibbli għall-bejgħ	22 414	7 497
Żieda f'assi oħrajn	–2 247	– 400
Tnaqqis f'obbligazzjonijiet oħrajn	– 620	–2 717
Tnaqqis / Żieda f'ammonti oħrajn pagabbli lill-Bank Ewropew għall-Investiment	–2 324	669
Flussi netti tal-flus kontanti mill-attivitajiet operattivi	– 128 978	– 111 388
ATTIVITAJIET TA' FINANZJAMENT
Kontribuzzjoni riċevuta mill-Istati Membri	187 310	128 581
Ammonti riċevuti mill-Istati Membri fir-rigward ta’ sussidji fuq l-imgħaxijiet	40 000	40 000
Ammonti mħallsa f'isem l-Istati Membri fir-rigward ta’ sussidji fuq l-imgħaxijiet	–16 802	–20 552
Flussi netti tal-flus kontanti mill-attivitajiet ta’ finanzjament	210 508	148 029
Żieda netta fil-flus kontanti u l-ekwivalenti	81 530	36 641
Flus kontanti u l-ekwivalenti fil-bidu tas-sena finanzjarja	330 057	293 416
Flus kontanti u l-ekwivalenti fit-tmiem tas-sena finanzjarja	411 587	330 057

3.5   NOTI GĦAD-DIKJARAZZJONIJIET FINANZJARJI

1.   INFORMAZZJONI ĠENERALI

Il-Faċilità tal-Investiment (“il-Faċilità”) ġiet stabbilita fil-qafas tal-Ftehim ta’ Cotonou (il-“Ftehim”) dwar il-kooperazzjoni u l-għajnuna għall-iżvilupp innegozjat bejn il-Grupp ta’ Stati Afrikani, tal-Karibew u tal-Paċifiku (l-“Istati tal-AKP”) u l-Unjoni Ewropea u l-Istati Membri tagħha fit-23 ta’ Ġunju 2000, u rivedut fil-25 ta’ Ġunju 2005 u fit-23 ta’ Ġunju 2010.

Il-finanzjament skont il-Ftehim huwa pprovdut mill-baġits tal-Istati Membri tal-UE u jinħareġ skont il-protokolli finanzjarji definiti għal perjodi suċċessivi ta’ bejn ħamsa u sitt snin. Fil-qafas tal-Ftehim u wara d-dħul fis-seħħ tat-tieni protokoll finanzjarju fl-1 ta’ Lulju 2008 (li jkopri l-perjodu 2008-2013), imsejjaħ l-10 Fond Ewropew għall-Iżvilupp (“FEŻ”), il-Bank Ewropew għall-Investiment (“BEI”) huwa fdat bil-ġestjoni ta’:

—	il-Faċilità tikkostitwixxi fond ta’ EUR 3 137 miljun li jista’ jerġa’ jintuża u li jġorr riskju, imfassal sabiex jinkoraġġixxi l-investiment tas-settur privat fil-pajjiżi tal-AKP;

—	l-għotjiet għall-finanzjament tas-sussidji fuq ir-rati tal-imgħax li jiswew EUR 400 miljun, li minnhom ammont li ma jaqbiżx l-EUR 40 miljun jista’ jintuża għall-finanzjament ta’ assistenza teknika relatata mal-proġetti.

Il-Bord tad-Diretturi tal-BĊE adotta d-dikjarazzjonijiet finanzjarji fl-10 ta’ Marzu 2011, u awtorizza li jiġu ppreżentati lill-Bord tal-Gvernaturi biex jiġu approvati, fil-laqgħa tagħhom li seħħet fil-15 ta’ Ġunju 2011.

2.   POLITIKI SINIFIKANTI TAL-KONTABBILTÀ

2.1.    Il-bażi tat-tħejjija

F’konformità mal-Ftehim tal-Amministrazzjoni tal-Faċilità tal-Investiment, it-tħejjija tad-dikjarazzjonijiet finanzjarji tal-Faċilità hija ggwidata mill-Istandards Internazzjonali tar-Rapportar Finanzjarju, kif adottati mill-Unjoni Ewropea. Id-dikjarazzjonijiet finanzjarji tal-Faċilità tħejjew fuq il-bażi tal-prinċipji sinifikanti tal-kontabbiltà li ġejjin:

2.2.    Ġudizzji u estimi sinifikanti tal-kontabbiltà

It-tħejjija tad-dikjarazzjonijiet finanzjarji titlob l-użu ta’ ċerti estimi tal-kontabbiltà kritiċi. Titlob ukoll li l-Amministrazzjoni tal-Bank Ewropew għall-Investiment teżerċità l-ġudizzju tagħha fil-proċess tal-applikazzjoni tal-politiki tal-kontabbiltà tal-Faċilità tal-Investiment. Minn hawn ’il quddiem jiġu divulgati l-oqsma li jinvolvu livell ogħla ta’ ġudizzju jew ta’ kumplessità, jew l-oqsma fejn l-ipoteżijiet u l-estimi huma sinifikanti fir-rigward tad-dikjarazzjonijiet finanzjarji. L-iktar użu sinifikanti ta’ ġudizzji u stimi huwa kif ġej:

Valur ġust tal-istrumenti finanzjarji

Fejn il-valuri ġusti tal-assi finanzjarji u l-obbligazzjonijiet finanzjarji rreġistrati fil-karta tal-bilanċ ma jistgħux jirriżultaw minn swieq attivi, dawn jiġu ddeterminati bl-użu ta’ tekniki ta’ valutazzjoni varji li jinkludu l-użu ta’ mudelli matematiċi. L-input għal dawn il-mudelli jittieħed minn swieq osservabbli fejn possibbli, imma fejn dan ma jkunx fattibbli, ikun jenħtieġ livell ta’ ġudizzju biex jiġu stabbiliti l-valuri ġusti. Il-ġudizzji jinkludu l-kunsiderazzjonijiet ta’ likwidità u l-inputs tal-mudell bħall-korrelazzjoni u l-volatilità għad-derivattivi b’data itwal.

Telf minħabba indeboliment ta’ self u riċevibbli

Il-Faċilità tanalizza s-self u r-riċevibbli problematiċi tagħha f’kull data tar-rapportar biex tevalwa jekk fid-dikjarazzjoni tal-introjtu għandhiex tiġi rreġistrata xi allokazzjoni għall-indeboliment. B’mod partikolari, il-ġudizzju tal-Amministrazzjoni tal-Bank Ewropew għall-Investiment huwa meħtieġ fl-istima tal-ammont u taż-żmien tal-flussi futuri tal-flus meta jiġi ddeterminat il-livell tal-allokazzjoni meħtieġa. Tali estimi huma bbażati fuq ipoteżijiet dwar għadd ta’ fatturi u r-riżultati effettivi jistgħu jvarjaw, u dan jirriżulta f’tibdil futur fl-allokazzjoni. Minbarra l-allokazzjoni speċifika kontra ammonti mislufa u riċevibbli li huma sinifikanti individwalment, il-Faċilità tista’ tirriżerva wkoll allokazzjoni kollettiva għall-indeboliment kontra esponimenti li, għalkemm mhux identifikati speċifikament bħala li jirrikjedu allokazzjoni speċifika, għandhom riskju ikbar ta’ inadempjenza milli meta ngħataw oriġinarjament.

Fil-prinċipju, ammont misluf huwa meqjus bħala mhux produttiv meta l-ħlas tal-imgħax u l-ħlas prinċipali jkun ilhom 90 jum jew iktar li skadew u, fl-istess ħin, l-Amministrazzjoni tal-Bank Ewropew għall-Investiment tikkunsidra li hemm indikazzjoni oġġettiva ta’ indeboliment.

Valutazzjoni ta’ investimenti ta’ ekwità mhux ikkwotati li huma disponibbli għall-bejgħ

Il-valutazzjoni ta’ investimenti ta’ ekwità mhux ikkwotati li jkunu disponibbli għall-bejgħ hija normalment ibbażata fuq wieħed mill-punti li ġejjin:

—	tranżazzjonijiet distakkati (“arm’s length”) reċenti fis-suq;

—	valur ġust kurrenti ta’ strument ieħor li huwa sostanzjalment l-istess;

—	il-flussi tal-flus mistennija skontati bir-rati kurrenti applikabbli għal partiti b’termini u karatteristiċi ta’ riskju simili; jew

—	mudelli oħra ta’ valutazzjoni.

Id-determinazzjoni tal-flussi tal-flus u tal-fatturi ta’ skont għall-investimenti ta’ ekwità mhux ikkwotati li huma disponibbli għall-bejgħ tirrikjedi użu sinifikanti ta’ estimi. Il-Faċilità tikkalibra t-tekniki ta’ valutazzjoni perjodikament u tittestja l-validità tagħhom billi jew tuża l-prezzijiet minn tranżazzjonijiet tas-suq kurrenti li jistgħu jiġu osservati fl-istess strument jew minn dejta tas-suq osservabbli disponibbli oħra.

Indeboliment ta’ assi finanzjarji disponibbli għall-bejgħ

Il-Faċilità tqis l-investimenti ta’ ekwità disponibbli għall-bejgħ bħala indeboliti meta jkun hemm tnaqqis sinifikanti jew fit-tul fil-valur ġust inqas mill-kost oriġinali jew fejn ikun hemm evidenza oġġettiva oħra ta’ indeboliment. Sabiex jiġi ddeterminat x’inhu “sinifikanti” jew “fit-tul” jeħtieġ li jsir ġudizzju. Il-Faċilità ġeneralment tqis dak li hu 30 % jew iktar bħala “sinifikanti” u dak li jieħu iktar minn 12-il xahar bħala“fit-tul”. Barra minn dan, il-Faċilità tevalwa fatturi oħra, inkluż il-volatilità normali fil-prezz tal-ishma għall-ishma kkwotati u l-flussi tal-flus fil-futur u l-fatturi ta’ skont għall-ekwitajiet mhux ikkwotati.

2.3.    Bidliet fil-politiki tal-kontabbiltà

Il-politiki tal-kontabbiltà adottati huma konsistenti ma’ dawk użati fis-snin finanzjarji preċedenti.

2.4.    Sommarju ta’ politiki sinifikanti ta’ kontabbiltà

2.4.1.   Il-qlib ta’ muniti barranin f’EUR

Il-Faċilità tuża l-Euro (EUR) biex tippreżenta d-dikjarazzjonijiet finanzjarji tagħha, u din hija wkoll il-munita operattiva.

It-tranżazzjonijiet f’muniti barranin jiġu maqluba bir-rata tal-kambju valida fid-data tat-tranżazzjoni.

L-assi u l-obbligazzjonijiet monetarji ddenominati f’valuti oħra barra l-Euro jinqalbu f’Euro bir-rata tal-kambju valida fid-data tal-karta tal-bilanċ. Il-qligħ jew it-telf li jirriżulta minn dan il-qlib jiġi rreġistrat fid-dikjarazzjoni tal-introjtu.

Il-partiti mhux monetarji li jitkejlu f’termini tal-kost storiku f’muniti barranin jinqalbu bir-rati tal-kambju validi fid-dati tat-tranżazzjonijiet inizjali. Il-partiti mhux monetarji mkejla bil-valur ġust f’muniti barranin jinqalbu bir-rati tal-kambju validi fid-data meta l-valur ġust ġie ddeterminat.

Id-differenzi fil-kambju li jirriżultaw mis-saldu tat-tranżazzjonijiet b’rati differenti minn dawk fid-data tat-tranżazzjoni, u d-differenzi fir-rati tal-kambju mhux realizzati fuq assi u obbligazzjonijiet monetarji f’munita barranija mhux likwidati, huma rikonoxxuti fid-dikjarazzjoni tal-introjtu.

L-elementi tad-dikjarazzjoni tal-introjtu jinqalbu f’Euro fuq il-bażi tar-rati tal-kambju li jkunu validi fl-aħħar ta’ kull xahar.

2.4.2   Flus kontanti u l-ekwivalenti

Il-Faċilità tiddefinixxi l-flus kontanti u l-ekwivalenti bħala kontijiet kurrenti, depożiti għal żmien qasir, jew commercial paper b’maturitajiet oriġinali ta’ tliet xhur jew inqas.

2.4.3   Assi finanzjarji minbarra d-derivattivi

L-assi finanzjarji jiġu kontabilizzati fuq il-bażi tad-data tas-saldu.

Ammonti mislufa

L-ammonti mislufa li oriġinaw mill-Faċilità huma rikonoxxuti fl-assi tal-Faċilità meta l-flus jingħataw lid-debituri. Dawn l-ammonti mislufa huma inizjalment irreġistrati skont il-kost oriġinali (l-ammonti netti li jkunu nħarġu), li huwa l-valur ġust tal-flus mogħtija biex jinbeda s-self, inklużi kwalunkwe spejjeż tat-tranżazzjoni, u huma sussegwentement imkejla b’kost amortizzat, bl-użu tal-metodu ta’ rendità effettiva, bit-tnaqqis ta’ kwalunkwe provvedimenti għall-indeboliment jew l-impossibbiltà ta’ ġbir.

Assi finanzjarji li huma disponibbli għall-bejgħ

L-assi finanzjarji disponibbli għall-bejgħ huma dawk li huma indikati bħala tali jew dawk li ma jikkwalifikawx biex jiġu kklassifikati f’waħda mill-kategoriji li ġejjin: li jkunu indikati skont il-valur ġust permezz ta’ profitti jew telf, li jinżammu sal-maturità jew li jkunu ammonti mislufa u riċevibbli. Dawn jinkludu strumenti ta’ ekwità, investimenti f’fondi ta’ kapital tar-riskju u strumenti oħra ta’ debitu.

Wara l-kejl inizjali, l-assi finanzjarji disponibbli għall-bejgħ jiġu sussegwentement kontabilizzati bil-valur ġust tagħhom. Innota d-dettalji li ġejjin għall-kejl tal-valur ġust tal-investimenti ta’ ekwità, li ma jistgħux ikunu derivati minn swieq attivi:

a.   Fondi ta’ kapital tar-riskju

Il-valur ġust ta’ kull fond ta’ kapital tar-riskju huwa bbażat fuq il-Valur Nett tal-Assi (NAV) l-iktar riċenti, irrappurtat mill-fond, jekk ikkalkulat fuq il-bażi tal-linji gwida internazzjonali tal-valutazzjoni rikonoxxuti li huma konformi mal-Istandards Internazzjonali tar-Rappurtar Finanzjarju - IFRS (pereżempju: il-linji gwida Internazzjonali dwar il-Valutazzjoni tal-Ekwità Privata l-Kapital tar-Riskju, il-Linji Gwida IPEV, kif ippubblikati mill-Assoċjazzjoni Ewropea tal-Kapital tar-Riskju). Madankollu, il-Faċilità tista’ tiddeċiedi li taġġusta n-NAV irrappurtat mill-fond jekk ikun hemm kwistjonijiet li jistgħu jaffettwaw il-valutazzjoni.

b.   Investimenti diretti f’ekwità

Il-valur ġust tal-investiment għandu jkun ibbażat fuq l-aħħar sett ta’ rapporti finanzjarji disponibbli, bl-użu mill-ġdid, fejn applikabbli, tal-istess mudell li ntuża fl-akkwist tal-parteċipazzjoni.

Qligħ u telf mhux realizzat fuq il-fondi ta’ kapital tar-riskju u l-investimenti ta’ ekwità diretti jiġu rrappurtati fir-riżorsi tal-kontributuri sakemm dawn l-investimenti jinbiegħu, jinġabru jew wieħed jiddisponi minnhom, jew sakemm jiġi ddeterminat li dawn l-investimenti huma indeboliti. Jekk jiġi ddeterminat li investiment disponibbli għall-bejgħ huwa indebolit, il-qligħ jew it-telf kumulattiv mhux realizzat li qabel ikun ġie rikonoxxut fl-ekwità, jiġi inkluż fid-dikjarazzjoni tal-introjtu.

Għall-investimenti mhux ikkwotati, il-valur ġust jiġi ddeterminat bl-applikazzjoni ta’ teknika tal-valutazzjoni rikonoxxuta (pereżempju l-flussi tal-flus skontati jew multiplu). Dawn l-investimenti huma kontabilizzati bil-prezz oriġinali meta l-valur ġust ma jkunx jista’ jitkejjel b’mod affidabbli.

Garanziji

Fir-rikonoxximent inizjali, il-garanziji finanzjarji jiġu rikonoxxuti bil-valur ġust li jikkorrespondi mal-Valur Nett Preżenti (NPV) tal-influssi mistennija tal-primjums. Dan il-kalkolu jsir fid-data tal-bidu ta’ kull tranżazzjoni u huwa rikonoxxut fil-karta tal-bilanċ bħala “Garanziji finanzjarji” taħt “assi oħra” u “obbligazzjonijiet oħra”.

Wara r-rikonoxximent inizjali, l-obbligazzjonijiet tal-Faċilità taħt dawn il-garanziji jitkejlu bl-ogħla ammont minn dawn li ġejjin:

—	L-aħjar stima tan-nefqa meħtieġa biex jitħallas kwalunkwe obbligu finanzjarju li jirriżulta mill-garanzija, li tiġi stmata fuq il-bażi tal-fatturi rilevanti kollha u l-informazzjoni eżistenti fid-data tal-karta tal-bilanċ.

—	L-ammont rikonoxxut inizjalment mingħajr l-amortizzazzjoni kumulattiva. L-amortizzazzjoni tal-ammont rikonoxxut inizjalment issir bl-użu tal-metodu ta’ stima attwarja.

Kwalunkwe żieda jew tnaqqis fl-obbligazzjoni fir-rigward tal-garanziji finanzjarji tittieħed fid-dikjarazzjoni tal-introjtu taħt “dħul minn imposti u kummissjonijiet”.

L-assi tal-Faċilità taħt din il-garanzija huma sussegwentement amortizzati permezz tal-metodu ta’ stima attwarja u analizzati fir-rigward tal-indeboliment.

Barra minn hekk, meta jiġi ffirmat ftehim ta’ garanzija, dan jiġi ppreżentat bħala obbligazzjoni kontinġenti għall-Faċilità u meta l-garanzija tintuża, jiġi ppreżentat bħala impenn għall-Faċilità.

2.4.4   Indeboliment tal-assi finanzjarji

Ma’ kull data tal-karta tal-bilanċ, il-Faċilità tagħmel valutazzjoni li biha tivverifika jekk hemmx xi indikazzjoni oġġettiva li xi assi finanzjarju jkun indebolit. L-assi finanzjarju jew il-grupp tal-assi finanzjarji jitqies bħala indebolit jekk, u biss jekk, hemm indikazzjoni oġġettiva ta’ indeboliment li jirriżulta minn avveniment wieħed jew iktar li jkunu ġraw wara r-rikonoxximent inizjali tal-assi (“avveniment ta’ telf” imġarrab) u jekk dak l-avveniment ta’ telf ikollu impatt fuq l-estimu tal-flussi futuri tal-flus tal-assi finanzjarju jew tal-grupp tal-assi finanzjarji, li jista’ jkun stmat b’mod affidabbli. L-evidenza ta’ indeboliment tista’ tinkludi indikazzjonijiet li d-debitur jew il-grupp ta’ debituri, ikun għaddej minn diffikultà finanzjarja sinifikanti, minn inadempjenza jew delinkwenza fil-ħlas tal-imgħax jew fil-ħlas tal-ammont prinċipali, li hemm il-probabbiltà li jfalli jew li jidħol f’riorganizzazzjoni finanzjarja oħra u fejn dejta li tista’ tkun osservata tindika tnaqqis li jista’ jitkejjel fl-estimu tal-flussi futuri tal-flus kontanti, bħal tibdil fl-arretrati jew fil-kundizzjonijiet ekonomiċi li jikkorrelataw mal-inadempjenzi.

Għall-ammonti mislufa pendenti fl-aħħar tas-sena finanzjarja u kontabilizzati bil-prezz oriġinali amortizzat, l-indebolimenti jseħħu meta tkun ippreżentata evidenza oġġettiva tar-riskji tan-nuqqas ta’ rkupru tal-ammonti kollha tagħhom jew ta’ parti minnhom skont it-termini kuntrattwali oriġinali jew il-valur ekwivalenti. Jekk ikun hemm evidenza oġġettiva li jkun iġġarrab telf minn indeboliment, l-ammont tat-telf jitkejjel bħala d-differenza bejn l-ammont kontabbli tal-assi u l-valur preżenti tal-flussi futuri tal-flus stmati. L-ammont kontabbli tal-assi jitnaqqas permezz tal-użu ta’ kont ta’ allokazzjoni u l-ammont tat-telf jiġi rikonoxxut fid-dikjarazzjoni tal-introjtu. L-introjtu mill-imgħax ikompli jiġi akkumulat fuq l-ammont kontabbli mnaqqas ibbażat fuq ir-rata tal-imgħax effettiva tal-assi. L-ammonti mislufa flimkien mal-allokazzjoni assoċjata jinżlu fil-valur għal żero meta ma jkunx hemm prospett realistiku ta’ rkupru fil-futur. Jekk, f’sena sussegwenti, l-ammont stmat tat-telf minħabba indeboliment jiżdied jew jonqos f’każ li jseħħ xi avveniment wara li jkun ġie rikonoxxut l-indeboliment, it-telf minħabba indeboliment li jkun ġie rikonoxxut preċedentement jiġi miżjud jew imnaqqas billi jiġi aġġustat il-kont tal-allokazzjoni.

Il-Faċilità twettaq valutazzjonijiet tar-riskju tal-kreditu li fuq il-bażi tagħhom ma hemmx ħtieġa għal provvediment kollettiv għall-indeboliment.

Għall-assi finanzjarji disponibbli għall-bejgħ, il-Faċilità tevalwa f’kull data tal-karta tal-bilanċ jekk hemmx indikazzjoni oġġettiva li turi li investiment ikun indebolit. L-indikazzjoni oġġettiva tinkludi tnaqqis sinifikanti jew fit-tul fil-valur ġust tal-investiment taħt il-kosti oriġinali tiegħu. Fejn ikun hemm evidenza ta’ indeboliment, it-telf kumulattiv (imkejjel bħala d-differenza bejn il-kost tal-akkwist u l-valur ġust kurrenti, li minnha jitnaqqas kwalunkwe telf minn indeboliment fuq dak l-investiment rikonoxxut preċedentement fid-dikjarazzjoni tal-introjtu) jitnaqqas mir-riżorsi tal-kontributuri u jiġi rikonoxxut fid-dikjarazzjoni tal-introjtu. It-telf minn indeboliment fuq l-assi finanzjarji disponibbli għall-bejgħ mhuwiex soġġett għal treġġigħ lura fid-dikjarazzjoni tal-introjtu; iż-żidiet fil-valur ġust tagħhom wara l-indeboliment jiġu rikonoxxuti direttament fir-riżorsi tal-kontributuri.

Il-Ġestjoni tar-Riskju tal-Bank Ewropew tal-Investiment tanalizza l-assi finanzjarji għall-indeboliment mill-inqas darba kull sena. L-aġġustamenti li jirriżultaw jinkludu t-tnaqqis tal-iskont fid-dikjarazzjoni tal-introjtu matul il-ħajja tal-assi, u kwalunkwe aġġustamenti meħtieġa fir-rigward tar-rivalutazzjoni tal-indeboliment inizjali.

2.4.5   Strumenti finanzjarji derivattivi

Id-derivattivi jinkludu swaps ta’ bejn il-valuti (“cross currency swaps”), swaps tar-rati tal-imgħax ta’ bejn il-valuti (“cross currency interest rate swaps”), forwards fuq il-kambju tal-valuti u warrants.

Fil-proċess normali tal-attività tagħha, il-Faċilità tista’ tidħol f’kuntratti ta’ swaps bil-ħsieb li jiġu koperti r-riskji f’operazzjonijiet speċifiċi ta’ self jew f’kuntratti forward tal-valuti sabiex tkopri r-riskji fil-pożizzjonijiet li jkollha f’valuti, iddenominati f’valuti oħra għajr l-Euro li jkunu nnegozjati attivament, bil-għan li jkun ikkumpensat kwalunkwe qligħ jew telf ikkawżat minn ċaqliq fir-rati tal-kambju.

Il-Faċilità ma daħlet fl-ebda tranżazzjoni ta’ kontabbiltà ta’ hedging sal-31 ta’ Diċembru tal-2009 u tal-2010. Id-derivattivi kollha jitkejlu skont il-valur ġust fid-dikjarazzjoni tal-introjtu. Il-valuri ġusti huma derivati primarjament minn mudelli ta’ flussi ta’ flus skontati, minn mudelli ta’ prezzar ta’ opzjonijiet u minn kwotazzjonijiet ta’ partijiet terzi.

Id-derivattivi huma rreġistrati bil-valur ġust tagħhom u kkontabilizzati bħala assi meta l-valur ġust tagħhom ikun pożittiv u bħala obbligazzjonijiet meta l-valur ġust tagħhom ikun negattiv. Il-bidliet fil-valur ġust tal-istrumenti finanzjarji derivattivi huma inklużi fir-“Riżultat nett fuq operazzjonijiet finanzjarji”.

2.4.6   Kontribuzzjonijiet

Il-kontribuzzjonijiet mill-Istati Membri huma rikonoxxuti bħala ammonti riċevibbli fil-karta tal-bilanċ fid-data tad-Deċiżjoni tal-Kunsill li tistabbilixxi l-kontribuzzjoni finanzjarja li għandhom iħallsu l-Istati Membri lill-Faċilità.

Il-kontribuzzjonijiet tal-Istati Membri jissodisfaw il-kundizzjonijiet li ġejjin u għaldaqstant huma kklassifikati bħala ekwità:

—	Hekk kif ġie definit fil-ftehim dwar il-kontribuzzjonijiet, dawn jintitolaw lill-Istati Membri jiddeċiedu dwar l-użu tal-assi netti tal-Faċilità f’każ li jkun hemm likwidazzjoni tal-Faċilità;

—	Huma jaqgħu taħt il-klassi tal-istrumenti li hija subordinata għall-klassijiet l-oħrajn kollha ta’ strumenti;

—	L-istrumenti finanzjarji kollha li jaqgħu taħt il-klassi tal-istrumenti li hija subordinata għall-klassijiet l-oħrajn kollha tal-istrumenti għandhom karatteristiċi identiċi;

—	L-istrument ma jinkludi l-ebda fatturi li jkunu jirrikjedu li jiġu kklassifikati bħala obbligazzjoni; kif ukoll

—

Il-flussi totali tal-flus mistennija attribwiti għall-istrument tul il-ħajja tal-istrument huma bbażati b’mod sostanzjali fuq il-profitt jew it-telf, it-tibdil fl-assi netti rikonoxxuti jew it-tibdil fil-valur ġust tal-assi netti rikonoxxuti u mhux rikonoxxuti tal-Faċilità tul il-ħajja tal-istrument.

2.4.7   Introjtu mill-imgħax fuq ammonti mislufa

L-imgħax fuq ammonti mislufa li ġej mill-Faċilità huwa rreġistrat fid-dikjarazzjoni tal-introjtu (“Imgħaxijiet u dħul simili”) u fuq il-karta tal-bilanċ (“Ammonti mislufa u ammonti riċevibbli”) fuq il-bażi tad-dovuti bl-użu tar-rata tal-imgħax effettiva, li hija r-rata li tiskonta eżattament il-ħlas jew id-dħul futur stmat ta’ flus matul il-ħajja mistennija tas-self għall-ammont nett kontabbli tas-self. Ladarba l-valur irreġistrat ta’ self jitnaqqas minħabba indeboliment, l-introjtu mill-imgħax ikompli jkun rikonoxxut bl-użu tar-rata tal-imgħax effettiva oriġinali applikata għall-valur kontabbli l-ġdid.

2.4.8   Sussidji fuq l-imgħax u l-assistenza teknika

Bħala parti mill-attività tagħha, il-Faċilità tamministra s-sussidji fuq l-imgħax u l-assistenza teknika f’isem l-Istati Membri.

Il-parti tal-kontribuzzjonijiet tal-Istati Membri allokata għall-ħlas ta’ sussidji fuq l-imgħax mhijiex ikkontabilizzata fir-riżorsi tal-kontributuri tal-Faċilità iżda hija kklassifikata bħala ammonti dovuti lill-partijiet terzi. Il-Faċilità topera l-iżborż lill-benefiċjarji finali mbagħad tnaqqas l-ammonti dovuti lill-partijiet terzi.

Meta l-ammonti kkontribwiti fir-rigward tal-ħlas tas-sussidji fuq l-imgħax u l-assistenza teknika ma jingħatawx kompletament, huma jiġu kklassifikati mill-ġdid bħala kontribuzzjonijiet lill-Faċilità.

2.4.9   Introjtu mill-imgħax fuq it-teżor

L-introjtu mill-imgħax fuq it-teżor huwa rikonoxxut fid-dikjarazzjoni tal-introjtu tal-Faċilità fuq il-bażi tad-dovuti.

2.4.10   Imposti, kummissjonijiet u dividendi

L-imposti riċevuti fir-rigward ta’ servizzi pprovduti fuq perjodu ta’ żmien huma rikonoxxuti bħala introjtu hekk kif ikunu pprovduti s-servizzi. L-imposti tal-impenn huma differiti u rikonoxxuti bħala introjtu billi jintuża l-metodu tal-imgħaxijiet effettivi fuq il-perjodu li jkopri mill-iżborż sal-ħlas lura tas-self relatat.

Id-dividendi relatati ma’ assi finanzjarji li huma disponibbli għall-bejgħ huma rikonoxxuti meta jiġu riċevuti.

2.4.11   Tassazzjoni

Il-Protokoll dwar il-Privileġġi u l-Immunitajiet tal-Komunitajiet Ewropej, anness mat-Trattat tat-8 ta’ April 1965 li jistabbilixxi Kunsill Uniku u Kummissjoni Unika għall-Komunitajiet Ewropej, jistipula li l-assi, id-dħul u l-proprjetà l-oħra tal-Istituzzjonijiet tal-Unjoni huma eżenti mit-taxxi diretti kollha.

3.   IL-ĠESTJONI TAR-RISKJU

3.1.    Ir-riskju tal-kreditu

Din it-taqsima tippreżenta informazzjoni finanzjarja dwar l-investimenti magħmula mill-Faċilità.

3.1.1.   L-esponiment għal ammonti mislufa u riċevibbli u għall-assi finanzjarji li huma disponibbli għall-bejgħ jinħarġu skont it-tip ta’ debitur/emittent (f’EUR’000)

It-tabella ta’ hawn taħt tanalizza l-esponiment tal-Faċilità li jinħareġ skont it-tip ta’ debitur.

	31.12.2010	31.12.2009
Banek / Istituzzjonijiet Finanzjarji	272 217	267 986
Finanzjament ta’ Proġetti / Operazzjoni Strutturata	421 318	330 654
Gvern / Awtoritajiet Pubbliċi	154 371	100 042
Fond ta’ Kapital tar-Riskju	155 764	136 179
Kumpaniji	35 586	23 186
Total	1 039 256	858 047

3.1.2.   L-esponiment għal ammonti mislufa u riċevibbli u għall-assi finanzjarji li huma disponibbli għall-bejgħ jinħarġu skont it-tip ta’ strument (f’EUR’000)

It-tabella ta’ hawn taħt tanalizza l-esponiment tal-Faċilità li jinħareġ skont it-tip ta’ strument tal-investiment użat.

	31.12.2010	31.12.2009
Self Prijoritarju	761 882	604 354
li minnu Self Globali u Ftehimiet ta’ Aġenzija	233 437	224 859
Self Subordinat	82 546	89 087
Ekwità	194 828	164 606
Total	1 039 256	858 047

3.1.3.   Konċentrazzjonijiet tar-riskju tal-esponiment fuq l-ammonti mislufa u r-riċevibbli u l-assi finanzjarji li jkunu disponibbli għall-bejgħ u li jkunu nħarġu (f’EUR’000)

It-tabella ta’ hawn taħt tanalizza l-esponiment tal-Faċilità mqassam skont is-settur. L-operazzjonijiet li qabel jitqassmu lill-benefiċjarju finali, l-ewwel jitqassmu lil xi intermedjarju finanzjarju huma mniżżla taħt is-self globali.

	31.12.2010	31.12.2009
Self globali u ftehimiet ta’ aġenzija	233 437	224 858
Linji tal-ajru u manifattura tal-inġenji tal-ajru	729	695
Ajruporti u sistemi ta’ ġestjoni tat-traffiku tal-ajru	30 062	—
Materjal bażiku u tħaffir	154 258	145 566
Ilma tajjeb għax-xorb, ipproċessar tal-ilma	17 074	2 998
Elettriku, faħam u oħrajn	320 491	236 198
Katina alimentari	1 491	734
Prodotti ta’ investiment/prodotti dewwiema tal-konsumatur	3 751	—
Trasport marittimu u trasport ieħor	6 779	7 243
Ipproċessar tal-materjali, kostruzzjoni	64	—
Katina tal-karti	2 603	2 422
Toroq u awtostradi	23 125	—
Telekomunikazzjoni	26 621	26 911
Terzjarji u oħrajn	218 771	210 422
Total	1 039 256	858 047

3.2.    Ir-riskju tal-likwidità u l-ġestjoni tal-finanzjament

It-tabella ta’ hawn taħt tippreżenta l-assi u l-obbligazzjonijiet tal-Faċilità skont ragruppamenti relevanti ta’ maturità abbażi tal-perjodu li jkun baqa’ sad-data tal-maturità kuntrattwali (f’EUR’000).

Sal-31 ta’ Diċembru 2010	Sa 3 xhur	Bejn 3 u 12-il xahar	Bejn sena (1) u 5 snin	Iktar minn 5 snin	Mhux definit	Total
ASSI
Flus kontanti u l-ekwivalenti	411 587	—	—	—	—	411 587
Strumenti finanzjarji derivattivi	—	3	572	801	—	1 376
Ammonti mislufa u riċevibbli	7 431	7 146	131 222	698 629	—	844 428
Assi finanzjarji li huma disponibbli għall-bejgħ	—	—	—	171 637	23 191	194 828
Ammonti riċevibbli mingħand il-kontributuri	100 000	—	—	—	—	100 000
Assi oħrajn	2 822	—	—	—	350	3 172
Assi totali	521 840	7 149	131 794	871 067	23 541	1 555 391
OBBLIGAZZJONIJIET U RIŻORSI TAL-KONTRIBUTURI
Obbligazzjonijiet
Strumenti finanzjarji derivattivi	—	10	1 300	4 800	—	6 110
Introjtu differit	—	—	—	92	29 487	29 579
Ammonti dovuti lill-partijiet terzi	298 415	—	—	—	—	298 415
Obbligazzjonijiet oħra	169	419	—	352	—	940
Obbligazzjonijiet totali	298 584	429	1 300	5 244	29 487	335 044
Riżorsi tal-kontributuri
Kontribuzzjoni tal-Istati Membri mitluba	—	—	—	—	1 131 309	1 131 309
Qligħ miżmum	—	—	—	—	64 468	64 468
Riżerva tal-valur ġust	—	—	—	10 113	14 457	24 570
Riżorsi tal-kontributuri totali	—	—	—	10 113	1 210 234	1 220 347
L-obbligazzjonijiet u r-Riżorsi tal-kontributuri totali	298 584	429	1 300	15 358	1 239 721	1 555 391

Sal-31 ta’ Diċembru 2009	Sa 3 xhur	Bejn 3 u 12-il xahar	Bejn sena (1) u 5 snin	Iktar minn 5 snin	Mhux definit	Total
ASSI
Flus kontanti u l-ekwivalenti	330 057	—	—	—	—	330 057
Strumenti finanzjarji derivattivi	2 454	736	5 885	3 795	—	12 870
Ammonti mislufa u riċevibbli	8 164	5 100	86 565	593 612	—	693 441
Assi finanzjarji li huma disponibbli għall-bejgħ	—	—	—	151 049	13 557	164 606
Ammonti riċevibbli mingħand il-kontributuri	87 310	—	—	—	—	87 310
Assi oħrajn	490	—	—	435	—	925
Assi totali	428 475	5 836	92 450	748 891	13 557	1 289 209
OBBLIGAZZJONIJIET U RIŻORSI TAL-KONTRIBUTURI
Obbligazzjonijiet
Strumenti finanzjarji derivattivi	379	155	320	4 668	—	5 522
Introjtu differit	—	—	—	24 317	—	24 317
Ammonti dovuti lill-partijiet terzi	36 410	—	—	—	177 440	213 850
Obbligazzjonijiet oħra	707	418	—	435	—	1 560
Obbligazzjonijiet totali	37 496	573	320	29 420	177 440	245 249
Riżorsi tal-kontributuri
Kontribuzzjoni tal-Istati Membri mitluba	—	—	—	—	995 000	995 000
Qligħ miżmum	—	—	—	—	29 250	29 250
Riżerva tal-valur ġust	—	—	—	14 887	4 823	19 710
Riżorsi tal-kontributuri totali	—	—	—	14 887	1 029 073	1 043 960
L-obbligazzjonijiet u r-Riżorsi tal-kontributuri totali	37 496	573	320	44 307	1 206 513	1 289 209

3.3.    Ir-riskju tas-suq

3.3.1.   Ir-rata tal-imgħax (f’EUR’000)

It-tabella ta’ hawn taħt tiddeskrivi fil-qosor l-esponiment tal-Faċilità għar-rati tal-imgħax permezz tal-ammonti mislufa u r-riċevibbli tagħha.

	31.12.2010	31.12.2009
Imgħax b’rata fissa	412 428	354 638
Imgħax b’rata varjabbli	432 000	338 803
Total	844 428	693 441

3.3.2.   Ir-riskju tal-valuta (jew ir-riskju tal-kambju tal-valuti) (f’EUR ’000)

Sal-31 ta’ Diċembru 2010	EUR	USD	CAD	Valuti tal-AKP/OCT	Total
ASSI
Flus kontanti u l-ekwivalenti	378 570	33 017	—	—	411 587
Strumenti finanzjarji derivattivi	332 399	– 331 023	—	—	1 376
Ammonti mislufa u riċevibbli	385 187	403 417	—	55 824	844 428
Assi finanzjarji li huma disponibbli għall-bejgħ	40 184	137 505	12 444	4 695	194 828
Ammonti riċevibbli mingħand il-kontributuri	100 000	—	—	—	100 000
Assi oħrajn	2 742	—	—	430	3 172
Assi totali	1 239 082	242 916	12 444	60 949	1 555 391
OBBLIGAZZJONIJIET U RIŻORSI TAL-KONTRIBUTURI
Obbligazzjonijiet
Strumenti finanzjarji derivattivi	–69 815	75 925	—	—	6 110
Introjtu differit	29 235	344	—	—	29 579
Ammonti dovuti lill-partijiet terzi	298 415	—	—	—	298 415
Obbligazzjonijiet oħra	577	1	—	362	940
Obbligazzjonijiet totali	258 412	76 270	—	362	335 044
Riżorsi tal-kontributuri
Kontribuzzjoni tal-Istati Membri mitluba	1 131 309	—	—	—	1 131 309
Qligħ miżmum	64 468	—	—	—	64 468
Riżerva tal-valur ġust	24 570	—	—	—	24 570
Riżorsi tal-kontributuri totali	1 220 347	—	—	—	1 220 347
L-obbligazzjonijiet u r-Riżorsi tal-kontributuri totali	1 478 759	76 270	—	362	1 555 391
Pożizzjoni tal-valuti sal-31 ta’ Diċembru 2010	– 239 677	166 646	12 444	60 587	—
Pożizzjoni tal-valuti sal-31 ta’ Diċembru 2009	–21 415	–56 616	7 782	70 249	—
IMPENJI
Self mhux maħruġ u investimenti f'ekwità	858 279	236 035	—	—	1 094 314
Garanziji miġbuda	—	—	—	9 484	9 484
OBBLIGAZZJONIJIET KONTINĠENTI
Garanziji mhux miġbuda	45 000	—	—	—	45 000

4.   INFORMAZZJONI SEGMENTALI

Is-segment primarju tal-Faċilità huwa l-operazzjoni tan-negozju u t-tieni segment huwa dak ġeografiku.

4.1.    Skont is-segment tan-negozju (f’EUR’000)

L-attività tal-Faċilità tinqasam f’żewġ segmenti prinċipali tan-negozju fuq bażi dinjija:

—

Operazzjonijiet bankarji – li jinkorporaw investimenti fi proġetti li jsiru bl-iskop li jappoġġjaw l-investimenti ta’ entitajiet privati u ta’ entitajiet tas-settur pubbliku mmexxija fuq linji kummerċjali. Il-prodotti ewlenin tal-investiment huma l-ammonti mislufa, l-investimenti ta’ ekwità disponibbli għall-bejgħ u l-garanziji finanzjarji.

—	Attivitajiet tat-teżor - li jinkludu l-investiment tal-likwidità żejda u l-ġestjoni tar-riskju tal-kambju tal-valuti tal-Faċilità.

Sal-31 ta’ Diċembru 2010	It-Teżor	Banek	Total
Dħul mis-segmenti	16 553	63 629	80 182
Spejjeż u imposti mis-segmenti	–3 883	–6 995	–10 878
Spejjeż mhux allokati			–34 086
Profitt għas-sena			35 218
Assi segmentali	421 043	1 034 348	1 455 391
Assi mhux allokati			100 000
Assi totali			1 555 391
Obbligazzjonijiet segmentali	6 689	29 940	36 629
Obbligazzjonijiet mhux allokati			298 415
Obbligazzjonijiet totali			335 044
Informazzjoni segmentali oħra
Impenji u obbligazzjonijiet kontinġenti	—	1 148 798	1 148 798

Sal-31 ta’ Diċembru 2009	It-Teżor	Banek	Total
Dħul mis-segmenti	10 904	51 225	62 129
Spejjeż u imposti mis-segmenti	–2 975	–44 352	–47 327
Spejjeż mhux allokati			–36 410
Telf għas-sena			–21 608
Assi segmentali	343 417	858 483	1 201 900
Assi mhux allokati			87 309
Assi totali			1 289 209
Obbligazzjonijiet segmentali	39 325	25 336	64 661
Obbligazzjonijiet mhux allokati			180 588
Obbligazzjonijiet totali			245 249
Informazzjoni segmentali oħra
Impenji u obbligazzjonijiet kontinġenti	—	1 153 366	1 153 366

4.2.    Skont is-segment ġeografiku (f’EUR’000)

L-attivitajiet tal-Faċilità huma maqsuma f’ħames reġjuni għall-finijiet tal-ġestjoni interna.

Sal-31 ta’ Diċembru 2010	Dħul (29)	Assi totali	Obbligazzjonijiet totali	Impenji
Il-Karibew u l-Paċifiku	–2 306	164 771	793	62 554
L-Afrika Ċentrali u tal-Lvant	15 848	330 557	20 692	234 512
L-Afrika Reġjonali u l-istati tal-AKP	5 975	179 827	—	526 596
L-Afrika tan-Nofsinhar u l-Oċean Indjan	32 157	204 279	4 005	86 662
L-Afrika tal-Punent u s-Sahel	4 960	154 914	4 450	238 474
Oħrajn (30)	—	521 043	305 104	—
Total	56 634	1 555 391	335 044	1 148 798

Sal-31 ta’ Diċembru 2009	Dħul (29)	Assi totali	Obbligazzjonijiet totali	Impenji
Il-Karibew u l-Paċifiku	–22 796	102 363	1 173	143 297
L-Afrika Ċentrali u tal-Lvant	9 410	249 261	21 425	371 286
L-Afrika Reġjonali u l-istati tal-AKP	3 260	153 006	—	340 437
L-Afrika tan-Nofsinhar u l-Oċean Indjan	13 195	202 809	524	104 654
L-Afrika tal-Punent u s-Sahel	3 804	151 043	2 214	193 692
Oħrajn (30)	—	430 727	219 913	—
Total	6 873	1 289 209	245 249	1 153 366

5.   INTROJTU NETT MILL-IMGĦAX (f’EUR’000)

Il-komponenti ewlenin tal-imgħax u introjtu simili huma kif ġej:

	Mill-1.1.2010 sal-31.12.2010	Mill-1.1.2009 sal-31.12.2009
Flus kontanti u l-ekwivalenti	1 878	2 978
Ammonti mislufa u riċevibbli	50 299	45 359
Sussidji fuq l-imgħax	2 424	1 586
Imgħax u introjtu simili totali	54 601	49 923

Il-komponent ewlieni tal-imgħax u spejjeż simili huwa kif ġej:

	Mill-1.1.2010 sal-31.12.2010	Mill-1.1.2009 sal-31.12.2009
Strumenti finanzjarji derivattivi	–2 591	–1 878
Imgħax u spejjeż simili totali	–2 591	–1 878

6.   INTROJTU NETT MILL-IMPOSTI U L-KUMMISSJONIJIET (f’EUR’000)

Il-komponenti ewlenin tal-introjtu mill-imposti u l-kummissjonijiet huma kif ġej:

	Mill-1.1.2010 sal-31.12.2010	Mill-1.1.2009 sal-31.12.2009
Imposti u kummissjonijiet fuq l-ammonti mislufa u r-riċevibbli	11 510	1 709
Imposti u kummissjonijiet fuq il-garanziji finanzjarji	265	276
Total tal-introjtu mill-imposti u l-kummissjonijiet	11 775	1 985

Il-komponent ewlieni tal-introjtu mill-imposti u l-kummissjonijiet huwa kif ġej:

	Mill-1.1.2010 sal-31.12.2010	Mill-1.1.2009 sal-31.12.2009
Il-kummissjoni mħallsa lill-partijiet terzi fir-rigward tal-portafoll li huwa disponibbli għall-bejgħ	– 372	—
Spejjeż totali ta’ imposti u kummissjonijiet	– 372	—

7.   RIŻULTAT NETT TAL-OPERAZZJONIJIET FINANZJARJI (f’EUR’000)

Il-komponenti ewlenin tar-riżultat nett tal-operazzjonijiet finanzjarji huma kif ġej:

	Mill-1.1.2010 sal-31.12.2010	Mill-1.1.2009 sal-31.12.2009
Bidla fil-valur ġust fuq derivattivi	–12 082	14 599
Kambju tal-valuti	–5 556	–6 673
Introjtu ta’ dividendi u qligħ realizzat minn assi finanzjarji li huma disponibbli għall-bejgħ	1 815	1 198
Riżultat nett tal-operazzjonijiet finanzjarji	–15 823	9 124

8.   SPEJJEŻ AMMINISTRATTIVI ĠENERALI (f’EUR’000)

L-ispejjeż amministrattivi ġenerali jirrappreżentaw l-ispejjeż effettivi mġarrba mill-BEI għall-ġestjoni tal-Faċilità wara li jitnaqqas l-introjtu ġġenerat minn tariffi standard għall-valutazzjonijiet li l-BEI ikun żamm direttament lill-klijenti tal-Faċilità.

	Mill-1.1.2010 sal-31.12.2010	Mill-1.1.2009 sal-31.12.2009
Spejjeż effettivi mġarrba mill-BEI	–36 028	–37 653
Introjtu minn imposti għall-valutazzjonijiet miżmuma direttament lill-klijenti tal-Faċilità	1 942	1 243
Spejjeż amministrattivi ġenerali netti	–34 086	–36 410

Wara d-dħul fis-seħħ fl-1 ta’ Lulju 2008 tal-Ftehim ta’ Sħubija ta’ Cotonou rivedut, l-ispejjeż amministrattivi ġenerali ma baqgħux jiġu koperti mill-Istati Membri.

9.   FLUS KONTANTI U L-EKWIVALENTI (f’EUR’000)

Għall-finijiet tar-rapport tal-fluss tal-flus kontanti, il-flus kontanti u l-ekwivalenti jinkludu l-bilanċi li ġejjin b’maturità ta’ inqas minn tliet xhur mid-data tal-akkwist.

Il-flus kontanti u l-ekwivalenti jistgħu jitqassmu bejn il-fondi riċevuti mingħand l-Istati Membri u li jkunu għadhom ma nħarġux u l-fondi li jiġu mill-attivitajiet operattivi u finanzjarji tal-Faċilità.

	31.12.2010	31.12.2009
Kontribuzzjonijiet tal-Istati Membri riċevuti u li għadhom ma nħarġux	33 128	120 807
Fondi mill-attivitajiet finanzjarji u operattivi tal-Faċilità	378 459	209 250
Flus kontanti u l-ekwivalenti	411 587	330 057

10.   STRUMENTI FINANZJARJI DERIVATTIVI (f’EUR’000)

Il-komponenti ewlenin tal-istrumenti finanzjarji derivattivi huma kif ġej:

Sal-31 ta’ Diċembru 2010	Il-Valur Ġust		Ammont Kunċettwali
	Assi	Obbligazzjonijiet
Swaps ta’ bejn il-valuti	1 235	– 945	47 526
Swaps tar-rati tal-imgħax ta’ bejn il-valuti	141	–5 165	57 681
Forwards fuq il-kambju tal-valuti	—	—	458 000
Strumenti finanzjarji derivattivi	1 376	–6 110

Sal-31 ta’ Diċembru 2009	Valuri Ġusti		Ammont Kunċettwali
	Assi	Obbligazzjonijiet
Swaps ta’ bejn il-valuti	8 542	– 237	87 720
Swaps tar-rati tal-imgħax ta’ bejn il-valuti	2 041	–5 285	95 713
Forwards fuq il-kambju tal-valuti	2 287		290 000
Strumenti finanzjarji derivattivi	12 870	–5 522

11.   AMMONTI MISLUFA U AMMONTI RIĊEVIBBLI (f’EUR’000)

Il-komponenti ewlenin tal-ammonti mislufa u tal-ammonti riċevibbli huma kif ġej:

	Self globali (31)	Self prijoritarju	Self subordinat	Total
Ammont nominali sal-1 ta’ Jannar 2010	230 989	406 799	145 482	783 270
Żborż	39 596	171 009	1 575	212 180
Ħlas lura	–33 573	–46 053	–40 098	– 119 724
Imgħax ikkapitalizzat	—	—	13 239	13 239
Differenza fuq il-kambju tal-valuti	9 488	10 567	3 712	23 767
Ammont nominali sal-31 ta’ Diċembru 2010	246 500	542 322	123 910	912 732
Indeboliment sal-1 ta’ Jannar 2010	–8 371	–30 217	–59 556	–98 144
Indeboliment irreġistrat fid-dikjarazzjoni tal-introjtu matul is-sena	–6 522	—	– 582	–7 104
Treġġigħ lura ta’ indebolimenti	266	13 843	18 423	32 532
Differenza fuq il-kambju tal-valuti	– 379	–1 682	–2 308	–4 369
Indeboliment sal-31 ta’ Diċembru 2010	–15 006	–18 056	–44 023	–77 085
Kosti Amortizzati	–1 727	–2 047	– 118	–3 892
Imgħax dovut	3 670	6 226	2 777	12 673
Ammonti mislufa u ammonti riċevibbli sal-31 ta’ Diċembru 2010	233 437	528 445	82 546	844 428

	Self globali (32)	Self prijoritarju	Self subordinat	Total
Ammont nominali sal-1 ta’ Jannar 2009	205 430	334 397	153 109	692 936
Żborż	67 275	91 125		158 400
Ħlas lura	–37 035	–14 361	–9 698	–61 094
Imgħax ikkapitalizzat	—	553	4 336	4 889
Differenza fuq il-kambju tal-valuti	–4 681	–4 915	–2 265	–11 861
Ammont nominali sal-31 ta’ Diċembru 2009	230 989	406 799	145 482	783 270
Indeboliment sal-1 ta’ Jannar 2009	–2 996	–19 749	–31 947	–54 692
Indeboliment irreġistrat fid-dikjarazzjoni tal-introjtu matul is-sena	–5 375	–11 018	–27 957	–44 350
Differenza fuq il-kambju tal-valuti	—	550	348	898
Indeboliment sal-31 ta’ Diċembru 2009	–8 371	–30 217	–59 556	–98 144
Kosti Amortizzati	–1 355	–1 801	–1 628	–4 784
Imgħax dovut	3 596	4 714	4 789	13 099
Ammonti mislufa u ammonti riċevibbli sal-31 ta’ Diċembru 2009	224 859	379 495	89 087	693 441

12.   ASSI FINANZJARJI LI HUMA DISPONIBBLI GĦALL-BEJGĦ

Il-komponenti ewlenin tal-assi finanzjarji li huma disponibbli għall-bejgħ huma kif ġej:

	Fond ta’ Kapital tar-Riskju	Investiment Dirett f'Ekwità	Total
Kost sal-1 ta’ Jannar 2010	116 652	30 462	147 114
Żborż	48 040	2 912	50 952
Ħlas lura	–22 414	—	–22 414
Differenza fuq il-kambju tal-valuti	654	–24	630
Kost sal-31 ta’ Diċembru 2010	142 932	33 350	176 282
Qligħ u telf mhux realizzati sal-1 ta’ Jannar 2010	18 138	– 644	17 494
Bidla netta fil-qligħ u t-telf mhux realizzati	–6 803	11 663	4 860
Differenza fuq il-kambju tal-valuti	—	–92	–92
Qligħ u telf mhux realizzati sal-31 ta’ Diċembru 2010	11 335	10 927	22 262
Indeboliment sal-1 ta’ Jannar 2010	–2	—	–2
Indeboliment irreġistrat fid-dikjarazzjoni tal-introjtu matul is-sena	—	–3 714	–3 714
Indeboliment sal-31 ta’ Diċembru 2010	–2	–3 714	–3 716
Assi finanzjarji li huma disponibbli għall-bejgħ sal-31 ta’ Diċembru 2010	154 265	40 563	194 828
Kost sal-1 ta’ Jannar 2009	89 920	26 195	116 115
Żborż	36 624	3 682	40 306
Ħlas lura	–7 497	—	–7 497
Differenza fuq il-kambju tal-valuti	–2 395	585	–1 810
Kost sal-31 ta’ Diċembru 2009	116 652	30 462	147 114
Qligħ u telf mhux realizzati sal-1 ta’ Jannar 2009	20 190	–7 159	13 031
Bidla netta fil-qligħ u t-telf mhux realizzati	–2 052	6 640	4 588
Differenza fuq il-kambju tal-valuti realizzata	—	– 125	– 125
Qligħ u telf mhux realizzati sal-31 ta’ Diċembru 2009	18 138	– 644	17 494
Indeboliment sal-1 ta’ Jannar 2009	—	—	—
Indeboliment irreġistrat fid-dikjarazzjoni tal-introjtu matul is-sena	–2	—	–2
Indeboliment sal-31 ta’ Diċembru 2009	–2	—	–2
Assi finanzjarji li huma disponibbli għall-bejgħ sal-31 ta’ Diċembru 2009	134 788	29 818	164 606

It-tqassim tal-assi finanzjarji li huma disponibbli għall-bejgħ bejn strumenti kkwotati u dawk mhux ikkwotati kien kif ġej:

	Valur Ġust sal-31.12.2010	Valur Ġust sal-31.12.2009
Strumenti kkwotati	23 190	13 557
Strumenti mhux ikkwotati	171 638	151 049
Total	194 828	164 606

13.   AMMONTI RIĊEVIBBLI MINN KONTRIBUTURI (f’EUR’000)

Il-komponenti ewlenin tal-ammonti riċevibbli mingħand il-kontributuri huma kif ġej:

	31.12.2010	31.12.2009
Kontribuzzjoni mitluba iżda mhux imħallsa	100 000	87 310
Ammont totali riċevibbli mingħand il-kontributuri	100 000	87 310

14.   ASSI OĦRA (F’EUR ’000)

Il-komponenti ewlenin tal-assi l-oħra huma kif ġej:

	31.12.2010	31.12.2009
Ammont riċevibbli mingħand il-BEI	2 743	490
Garanziji finanzjarji	429	435
Total ta’ assi oħrajn	3 172	925

15.   INTROJTU DIFFERIT (F’EUR ’000)

Il-komponenti ewlenin tal-introjtu differit huma kif ġej:

	31.12.2010	31.12.2009
Sussidji differiti fuq l-imgħax	29 073	23 888
Kummissjonijiet differiti fuq ammonti mislufa u riċevibbli	506	429
Introjtu differit totali	29 579	24 317

16.   AMMONTI DOVUTI LILL-PARTIJIET TERZI (f’EUR’000)

Il-komponenti ewlenin tal-ammonti dovuti lill-partijiet terzi huma kif ġej:

	31.12.2010	31.12.2009
Spejjeż amministrattivi ġenerali netti pagabbli lill-BEI	34 086	36 410
Sussidji fuq l-imgħax li għadhom ma nħarġux u li huma dovuti lill-Istati Membri	264 329	177 440
Ammonti totali dovuti lill-partijiet terzi	298 415	213 850

17.   OBBLIGAZZJONIJIET OĦRA (F’EUR ’000)

Il-komponenti ewlenin ta’ obbligazzjonijiet oħra huma kif ġej:

	31.12.2010	31.12.2009
Garanziji finanzjarji	351	435
Oħrajn	589	1 125
Ammont totali ta’ obbligazzjonijiet oħra	940	1 560

18.   KONTRIBUZZJONI TAL-ISTATI MEMBRI MITLUBA (f’EUR’000)

Stati Membri	Kontribuzzjoni lill-Faċilità	Kontribuzzjoni għas-sussidji fuq l-imgħax	Total kontribwit	Mitluba iżda mhux imħallsa (33)
L-Awstrija	29 979	8 843	38 822	2 650
Il-Belġju	44 347	13 081	57 428	3 920
Id-Danimarka	24 210	7 141	31 351	2 140
Il-Finlandja	16 743	4 939	21 682	1 480
Franza	274 909	81 086	355 995	24 300
Il-Ġermanja	264 275	77 949	342 224	23 360
Il-Greċja	14 142	4 171	18 313	1 250
L-Irlanda	7 014	2 069	9 083	620
L-Italja	141 866	41 845	183 711	12 540
Il-Lussemburgu	3 281	968	4 249	290
Il-Pajjiżi l-Baxxi	59 054	17 419	76 473	5 220
Il-Portugall	10 974	3 237	14 211	970
Spanja	66 068	19 488	85 556	5 840
L-Isvezja	30 884	9 110	39 994	2 730
Ir-Renju Unit	143 563	42 345	185 908	12 690
Total sal-31 ta’ Diċembru 2010	1 131 309	333 691	1 465 000	100 000
Total sal-31 ta’ Diċembru 2009	995 000	230 000	1 225 000	87 310

Matul is-sena 2010, l-ammont ta’ EUR 6 309 000 ta’ sussidji mhux użati, ġie allokat bħala kontribuzzjoni lill-Faċilità.

19.   OBBLIGAZZJONIJIET U IMPENJI KONTINĠENTI (f’EUR’000)

	31.12.2010	31.12.2009
Impenji
Ammonti mislufa mhux maħruġa	808 865	784 612
Impenji mhux maħruġa fir-rigward tal-assi finanzjarji li huma disponibbli għall-bejgħ	285 449	251 954
Garanziji miġbuda	9 484	11 800
Obbligazzjonijiet kontinġenti
Garanziji mhux miġbuda	45 000	105 000
Total	1 148 798	1 153 366

20.   AVVENIMENTI SUSSEGWENTI

Ma kienx hemm avvenimenti materjali wara l-għeluq tal-karta tal-bilanċ li setgħu jirrikjedu li jiġu divulgati jew li jsir aġġustament għalihom fid-dikjarazzjonijiet finanzjarji tal-31 ta’ Diċembru 2010.

---

(1)  ĠU L 247, 9.9.2006

(2)  Iċ-ċifri huma miżjuda/mnaqqsa sal-eqreb miljun ta’ euros. Għandu jiġi osservat li minħabba t-tqarrib taċ-ċifri, jista' jkun li xi dejta finanzjarja fit-tabelli ma tingħaddx tajjeb. L-ammonti li jidhru bħala 0 jirrappreżentaw ċifri ta’ inqas minn EUR 500 000. L-ammonti li huma ekwivalenti għal żero, huma rrappreżentati minn sing (-).

(3)  Fl-2010, il-kontribuzzjonijiet tal-kofinanzjament ġew klassifikati mill-ġdid u ppreżentati bħala ammonti pagabbli lill-Istati Membri. Il-kontribuzzjonijiet tal-kofinanzjament jissodisfaw il-kriterji tad-dħul minn tranżazzjonijiet mhux tal-kambju taħt ċerti kundizzjonijiet u għandhom jiġu ppreżentati bħala tali. L-ammont li ġie klassifikat mill-ġdid jirrappreżenta l-kontribuzzjonijiet kumulattivi tal-kofinanzjament mis-snin 2008 u 2009.

(4)  L-assi netti tal-10 FEŻ huma negattivi minħabba l-fatt li sa issa ma ntalbu l-ebda kontribuzzjonijiet għal dan il-fond.

(5)  Fl-2010, il-kontribuzzjonijiet tal-kofinanzjament ġew klassifikati mill-ġdid u ppreżentati bħala ammonti pagabbli lill-Istati Membri. Il-kontribuzzjonijiet tal-kofinanzjament jissodisfaw il-kriterji tad-dħul minn tranżazzjonijiet mhux tal-kambju taħt ċerti kundizzjonijiet u għandhom jiġu ppreżentati bħala tali. L-ammont li ġie klassifikat mill-ġdid jirrappreżenta l-kontribuzzjonijiet kumulattivi tal-kofinanzjament mis-snin 2008 u 2009.

(6)  F'konformità mal-Artikolu 153 tar-Regolament Finanzjarju tal-10 FEŻ, it-teżor huwa ppreżentat fil-karta tal-bilanċ tal-10 FEŻ. In-natura tal-kontijiet bankarji differenti hija deskritta fil-Kapitolu 6, Ġestjoni tar-Riskju Finanzjarju

(7)  Dan il-bilanċ jirrappreżenta l-ammonti disponibbli għar-Repubblika Demokratika tal-Kongo skont id-dispożizzjonijiet tad-Deċiżjoni tal-Kunsill 2003/583/KE6. Dawn il-fondi huma magħżula għal skop speċifiku u għal stat benefiċjarju speċifiku.

(8)  ĠU L 156, 29.5.1998, p. 3

(9)  ĠU L 247, 09.09.2006

(10)  Fl-2010, il-kontribuzzjonijiet tal-kofinanzjament ġew klassifikati mill-ġdid u ppreżentati bħala ammonti pagabbli lill-Istati Membri. Il-kontribuzzjonijiet tal-kofinanzjament jissodisfaw il-kriterji tad-dħul minn tranżazzjonijiet mhux tal-kambju taħt ċerti kundizzjonijiet u għandhom jiġu ppreżentati bħala tali. L-ammont li ġie klassifikat mill-ġdid jirrappreżenta l-kontribuzzjonijiet kumulattivi tal-kofinanzjament mis-snin 2008 u 2009.

(11)  Deċiżjoni tal-Kunsill 2004/289/KE, deċiżjonijiet 6/2005 u 7/2005 tal-Kunsill tal-Ministri tal-AKP-KE tat-22.11.2005.

(12)  Deċiżjoni tal-Kunsill Konġunt 2/2007 tal-25.5.2007: dwar il-pożizzjoni li għandha tiġi adottata mill-Komunità fil-Kunsill tal-Ministri tal-AKP-KE biex tippermetti kontribuzzjonijiet bilaterali addizzjonali, li għandhom jiġu ġestiti mill-Kummissjoni, f'appoġġ għall-għanijiet tal-Faċilità għall-Paċi Afrikana.

(13)  ĠU L 247, 09.09.2006

(14)  Il-bilanċ negattiv għal programmi ta’ għajnuna oħra relatati mal-FEŻ ta’ qabel jirriżulta minn treġġigħ lura ta’ spejjeż dovuti marbuta ma’ proġetti inattivi.

(15)  Dan jirrappreżenta d-dħul iġġenerat mill-kontijiet STABEX. Filwaqt li dan id-dħul jidher li qed iżid it-total tal-Fond wieħed irid iżomm f'moħħu li kwalunkwe introjtu ġġenerat minn fuq dawn il-kontijiet huwa allokat għal skop speċifiku u għal stat benefiċjarju speċifiku.

(16)  Fl-2009, minħabba l-migrazzjoni għas-sistema l-ġdida tal-kontabbiltà l-ABAC/SAP, b'mod eċċezzjonali, l-ispejjeż kollha tal-2008 u tas-snin ta’ qabel tħallsu qabel il-31 ta’ Diċembru 2008. Dan jispjega għalfejn ma hemm l-ebda aġġustamenti f'din il-linja fl-2009.

(17)  Ir-riżorsi mhux allokati mill-FEŻ ta’ qabel jinkludu l-bilanċ tal-fondi Sysmin li, permezz tad-Deċiżjoni 3/2000 tal-Kunsill tal-Ministri tal-AKP-KE, ġie stabbilit fil-livell ta’ EUR 410 926 miljun. Id-Deċiżjoni tal-Kummissjoni PE/410/2001 tinkludi dawn ir-riżorsi fl-ipprogrammar għall-allokazzjonijiet indikattivi nazzjonali (parti B) skont il-protokoll finanzjarju għall-Ftehim ta’ Sħubija AKP-KE.

(18)  Għal kofinanzjament partikolari li kien f'SEK, il-ftehim dwar it-trasferiment ġie ffirmat għal SEK 85 miljun, ammont li jirrappreżenta bejn wieħed u ieħor EUR 8 miljuni, iżda l-approprjazzjonijiet infetħu biss għall-flus kontanti li ġew irċevuti, EUR 0,96 miljun, sabiex jiġi evitat li jkun hemm ir-riskju tat-telf mir-rata tal-kambju.

(19)  it-tnaqqis kollu jikkostitwixxi f'diżimpenji trasferiti għar-riżerva tal-prestazzjoni tal-10 FEŻ li ma tistax tintuża

(20)  l-imgħaxijiet fuq il-kontijiet Stabex

(21)  it-tnaqqis kollu jikkostitwixxi f'diżimpenji trasferiti għar-riżerva tal-prestazzjoni tal-10 FEŻ li ma tistax tintuża

(22)  836 miljun ġew trasferiti mir-riżerva tal-Pakkett A u 26 miljun ġew trasferiti mir-riżerva tal-Allokazzjonijiet Nazzjonali Stabex (l-10 FEŻ)

(23)  trasferimenti mir- / għar-riżervi tal-10 FEŻ

(24)  dħul ta' flus wara l-għeluq tal-kontijiet tal-iStabex (art. 1.4 tal-Ftehim Intern tal-10 FEŻ)

(25)  għall-kofinanzjamenti, it-tabella tippreżenta biss l-approprjazzjonijiet ta' impenn

(26)  it-traferimenti ta' diżimpenji minn proġetti tad-9 FEŻ u ta' FEŻ preċedenti għar-riżerva tal-prestazzjoni tal-10 FEŻ li ma tistax tintuża (art. 1.4 tal-Ftehim Intern tal-10 FEŻ)

(27)  li fl-2009, EUR 33 miljun minnhom ġew trasferiti mir-riżerva tal-Pakkett A (il-pajjiżi MTR)

(28)  % tal-approprjazzjonijiet

(29)  Id-dħul jirrappreżenta l-profitt nett fuq l-attività bankarja tal-Faċilità (jiġifieri l-imgħax u introjtu simili, is-sussidji fuq l-imgħax, l-introjtu nett mill-imposti u l-kummissjonijiet, l-indeboliment fuq l-ammonti mislufa u r-riċevibbli u l-indeboliment tal-assi finanzjarji li huma disponibbli għall-bejgħ).

(30)  Taħt is-segment ġeografiku “Oħrajn” jitqiesu l-ammont pagabbli lill-Istati Membri jew lill-Bank Ewropew għall-Investiment jew ir-riċevibbli mingħandhom u l-flus kontanti u l-ekwivalenti tal-Faċilità.

(31)  inkluż il-ftehimiet ta’ aġenzija

(32)  inkluż il-ftehimiet ta’ aġenzija

(33)  Fis-17.11.2010, il-Kunsill stabbilixxa l-ammont tal-kontribuzzjonijiet finanzjarji li għandhom jitħallsu minn kull Stat Membru sal-21.01.2011.

---

---