Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62007TN0267

Kawża T-267/07: Rikors ippreżentat fid- 9 ta' Lulju 2007 — L-Italja vs Il-Kummissjoni

OJ C 223, 22.9.2007, p. 12–13 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

22.9.2007   

MT

Il-Ġurnal Uffiċjali ta’ l-Unjoni Ewropea

C 223/12

Rikors ippreżentat fid-9 ta' Lulju 2007 — L-Italja vs Il-Kummissjoni

(Kawża T-267/07)

(2007/C 223/18)

Lingwa tal-kawża: It-Taljan

Partijiet

Rikorrenti: Ir-Repubblika Taljana (rappreżentanti: G. Aiello u S. Fiorentino, Avvocati dello Stato)

Konvenuta: Il-Kummissjoni tal-Kommunitajiet Ewropej

Talbiet tar-rikorrenti

—

tannulla d-deċiżjoni tal-Kummissjoni Nru C (2007) 1901 tas-27.04.2007, dwar l-approvazzjoni tal-kontijiet ta' l-aġenziji tal-ħlas ta' l-Istati membri għas-sena finanzjarja 2006, iffinanzjati mill-Fond Agrikolu Ewropew għall-Gwida u l-Garanziji (FAEGG), Taqsima tal-Garanziji, fil-parti li fiha titfa' fuq ir-Repubblika Taljana, sa 50 % skond l-Artikolu 32(5) tar-Regolament Nru 1290/2005, ir-reponsabbiltà finanzjarja tan-nuqqas ta' rkupru ta' dħul fil-każijiet ta' irregolaritajiet jew negliġenza kkunsidrati fil-preżenti rikors.

Motivi u argumenti prinċipali

Il-gvern Taljan ikkontesta quddiem il-Qorti tal-Prim'Istanza tal-Komunitajiet Ewropej id-Deċiżjoni tal-Kummissjoni Nru C (2007) 1901 tas-27.04.2007, innotifikata fl-istess data, dwar l-approvazzjoni tal-kontijiet ta' l-aġenziji tal-ħlas ta' l-Istati membri għas-sena finanzjarja 2006, iffinanzjati mill-Fond Agrikolu Ewropew għall-Gwida u l-Garanziji (FAEGG), Taqsima tal-Garanziji, fil-parti li fiha titfa' fuq ir-Repubblika Taljana, sa 50 % skond l-Artikolu 32(5) tar-Regolament Nru 1290/2005, ir-reponsabbiltà finanzjarja tan-nuqqas ta' rkupru ta' dħul fil-każijiet ta' irregolaritajiet jew negliġenza.

In sostenn tal-kontestazzjoni l-gvern Taljan semma l-inklużjoni, fid-deċiżjoni, ta' każijiet li l-Kummissjoni kellha, b'diliġenza u fi żmien raġonevoli, espressament taqta' qabel, b'imputazzjoni integrali lill-FAEGG. Dan ukoll fid-dawl tal-fatt li, għal diversi minn dawn il-każijiet, kien hemm pożizzjoni favorevoli tad-dipartimenti tal-Kummissjoni.

Il-gvern Taljan, għaldaqstant, ressaq dawn il-motivi fir-rikors:

a)

ksur u/jew applikazzjoni falza ta' l-Artikolu 5(2) tar-Regolament (KEE) Nru 595/91, kif ukoll ta' l-Artikolu 8 tar-regolament (KE) Nru 1663/95. Ksur ta' l-Artikolu 253 KE fil-forma tal-vizzju ta' motivazzjoni;

b)

ksur u/jew applikazzjoni falza ta' l-Artikolu 8(2) tar-Regolamenti (KEE) Nru 729/70 u (KE) Nru 1258/99. Ksur ta' l-Artikolu 253 KE fil-forma tal-vizzju ta' motivazzjoni;

c)

ksur u/jew applikazzjoni falza ta' l-Artikolu 5(2) tar-Regolament (KEE) Nru 595/91 u ta' l-Artikolu 8 tar-regolament (KE) nru 1663/95 kif ukoll ta' l-Artikolu 8(2) tar-Regolamenti (KEE) Nru 729/70 u (KE) Nru 1258/99 (fil-każijiet ta' ammonti inqas minn EUR 500 000,00). Ksur ta' l-Artikolu 253 KE fil-forma tal-vizzju ta' motivazzjoni (fil-każijiet ta' ammonti inqas minn EUR 500 000,00).
Top