Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2007/223/08

Kawża C-338/07 P: Appell imressaq fl- 20 ta' Lulju 2007 minn Distribuidora Vizcaína de Papeles, S.L., kontra s-sentenza mogħtija mill-Qorti tal-Prim'Istanza (Il-Ħames Awla) fis- 26 ta' April 2007 , fil-Kawżi magħquda T-109/02 (Bolloré vs Il-Kummissjoni), T-118/02 (Arjo Wiggins Appleton vs Il-Kummissjoni), T-122/02 (Mitsubishi HiTec Paper Bielefeld vs Il-Kummissjoni), T-125/02 (Papierfabrik August Koehler vs Il-Kummissjoni), T-126/02 (M-real Zanders vs Il-Kummissjoni), T-128/02 (Papeteries Mougeot vs Il-Kummissjoni), T-129/02 (Torraspapel vs Il-Kummissjoni), T-132/02 (Distribuidora Vizcaína de Papeles vs Il-Kummissjoni) u T-136/02 (Papelera Guipuzcoana de Zicuñaga vs Il-Kummissjoni)

OJ C 223, 22.9.2007, p. 7–8 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

22.9.2007   

MT

Il-Ġurnal Uffiċjali ta’ l-Unjoni Ewropea

C 223/7

Appell imressaq fl-20 ta' Lulju 2007 minn Distribuidora Vizcaína de Papeles, S.L., kontra s-sentenza mogħtija mill-Qorti tal-Prim'Istanza (Il-Ħames Awla) fis-26 ta' April 2007, fil-Kawżi magħquda T-109/02 (Bolloré vs Il-Kummissjoni), T-118/02 (Arjo Wiggins Appleton vs Il-Kummissjoni), T-122/02 (Mitsubishi HiTec Paper Bielefeld vs Il-Kummissjoni), T-125/02 (Papierfabrik August Koehler vs Il-Kummissjoni), T-126/02 (M-real Zanders vs Il-Kummissjoni), T-128/02 (Papeteries Mougeot vs Il-Kummissjoni), T-129/02 (Torraspapel vs Il-Kummissjoni), T-132/02 (Distribuidora Vizcaína de Papeles vs Il-Kummissjoni) u T-136/02 (Papelera Guipuzcoana de Zicuñaga vs Il-Kummissjoni)

(Kawża C-338/07 P)

(2007/C 223/08)

Lingwa tal-kawża: L-Ispanjol

Partijiet

Rikorrenti: Distribuidora Vizcaína de Papeles, S.L. (rappreżentant: E. Pérez Medrano, avukat)

Parti oħra fil-kawża: Il-Kummissjoni tal-Komunitajiet Ewropej

Talbiet tar-rikorrenti

—

li jiġi ddikjarat li dan l-appell huwa ammissibbli u fondat,

—

li s-sentenza kkontestata tiġi annullata in toto jew parzjalment sa fejn din tippreġudika lir-rikorrenti, għall-motivi kollha ta' dritt ikkunsidrati jew uħud minnhom, u li mill-annullament ta' din is-sentenza jitqiesu l-konsegwenzi kollha ta' dritt li joħorġu minnha, kemm jekk jiġi deċiż espressament fil-mertu kemm jekk l-eżami ta' dan ta' l-aħħar jiġi rreferit lill-Qorti tal-Prim'Istanza,

—

li titneħħa jew titnaqqas il-multa imposta fid-Deċiżjoni tal-Kummissjoni ta' l-20 ta' Diċembru 2001, 2004/337/CE, dwar proċedura ta' applikazzjoni ta' l-Artikolu 81 tat-Trattat KE u ta' l-Artikolu 53 tal-Ftehim taż-ŻEE (każ COMP/E-1/36.212 — Karta saħħara) (1), is-suġġett tar-rikors quddiem il-Qorti tal-Prim'Istanza,

—

li l-Kummissjoni tiġi kkundanata tbati l-ispejjeż ta' dawn l-istanzi,

—

li l-Kummissjoni tiġi kkundanata tbati l-ispejjeż ta' l-istanzi dwar is-sentenza kkontestata.

Motivi u argumenti prinċipali

1)

Ksur tal-prinċipju tad-dritt għal smigħ xieraq f'dak li jirrigwarda l-evalwazzjoni ta' l-allegata parteċipazzjoni f'laqgħat speċifiċi ta' akkordju fis-suq Spanjol u parteċipazzjoni f'akkordju Ewropew.

2)

Ksur tal-preżunzjoni ta' innoċenza f'dak li jirrigwarda l-evalwazzjoni tal-ksur allegatament imwettaq permezz ta' prova indizzjarja.

3)

Ksur tad-dritt Komunitarju f'dak li jirrigwarda n-natura sproporzjonata u inġusta tal-multa fir-rigward tal-gravità, tal kalkolu u ta' l-applikazzjoni ta' attenwanti u n-nuqqas ta' motivazzjoni fl-evalwazzjoni ta' xi attenwanti.

4)

Ksur tad-dritt għal smigħ xieraq f'perijodu ta' żmien raġonevoli.

(1)  GU 2004, L 115, p. 1.

Top