Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32014R1234

Regolament tal-Kummissjoni (UE) Nru 1234/2014 tat- 18 ta’ Novembru 2014 li jemenda l-Annessi IIIB, V u VIII tar-Regolament (KE) Nru 1013/2006 tal-Parlament Ewropew u tal-Kunsill dwar vjeġġi ta' skart Test b'rilevanza għaż-ŻEE

OJ L 332, 19.11.2014, p. 15–17 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2014/1234/oj

19.11.2014   

MT

Il-Ġurnal Uffiċjali tal-Unjoni Ewropea

L 332/15

REGOLAMENT TAL-KUMMISSJONI (UE) Nru 1234/2014

tat-18 ta’ Novembru 2014

li jemenda l-Annessi IIIB, V u VIII tar-Regolament (KE) Nru 1013/2006 tal-Parlament Ewropew u tal-Kunsill dwar vjeġġi ta' skart

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1013/2006 tal-Parlament Ewropew u tal-Kunsill tal-14 ta' Ġunju 2006 dwar vjeġġi ta' skart (1), u b'mod partikolari l-Artikolu 58(1) tiegħu,

Billi:

(1)

Fil-ħdax-il laqgħa tagħha li ltaqgħet bejn it-28 ta' April u l-10 ta' Mejju 2013 f'Ġinevra, il-Konferenza tal-Partijiet għall-Konvenzjoni ta' Basilea dwar il-Kontroll tal-Movimenti li Jaqsmu l-Fruntieri tal-Iskart ta' Riskju u d-Disponiment Minnhom (“Konvenzjoni ta' Basilea”) adottat id-deċiżjoni BC-11/6 li temenda l-Anness IX tal-Konvenzjoni ta' Basilea. L-Anness IX tal-Konvenzjoni ta' Basilea huwa elenkat fl-Anness V, il-Parti 1, l-Elenku B tar-Regolament (KE) Nru 1013/2006. L-emenda, li tinkludi żewġ entrati tal-iskart ġodda, issir effettiva mal-iskadenza ta' sitt xhur mis-26 ta' Novembru 2013 f'konformità mal-Artikolu 18(2)(b) tal-Konvenzjoni ta' Basilea.

(2)

Il-flussi tal-iskart deskritti biż-żewġ entrati l-ġodda B3026 u B3027 jikkorrispondu ma' dawk ta' tliet entrati eżistenti tal-Anness IIIB tar-Regolament (KE) Nru 1013/2006. Dawk l-entrati huma BEU01, BEU02 u BEU03. L-ewwel u t-tieni subinċiżi tal-entrata B3026 jikkorrispondu mal-entrati BEU02 u BEU03, rispettivament. L-entrata B3027 tikkorrispondi mal-entrata BEU01.

(3)

Biex tiqies id-deċiżjoni BC-11/6, l-entrati B3026 u B3027 jeħtieġ li jiddaħħlu fl-Anness V, il-Parti 1, l-Elenku B tar-Regolament (KE) Nru 1013/2006. Fl-istess waqt, l-entrati BEU01, BEU02 u BEU03 għandhom jitħassru mill-Anness IIIB tar-Regolament (KE) Nru 1013/2006, li fih skart mhux klassifikat fuq bażi proviżorja sakemm toħroġ deċiżjoni fuq l-inklużjoni tiegħu fl-Annessi relevanti tal-Konvenzjoni ta' Basilea jew tad-Deċiżjoni tal-Organizzazzjoni għall-Kooperazzjoni u l-Iżvilupp Ekonomiku.

(4)

Fl-istess laqgħa, il-Konferenza tal-Partijiet għall-Konvenzjoni ta' Basilea adottata bid-deċiżjoni BC-11/15 it-taqsimiet 1, 2, 4 u 5 tad-dokument ta' gwida dwar il-ġestjoni ambjentalment b'saħħitha ta' tagħmir tal-kompjuter użat u li ma għadux jintuża. Wara din l-adozzjoni, l-Anness VIII tar-Regolament (KE) Nru 1013/2006 għandu jiġi aġġornat skont dan.

(5)

Għaldaqstant, ir-Regolament (KE) Nru 1013/2006 għandu jiġi emendat skont dan.

(6)

Il-miżuri stipulati f'dan ir-Regolament huma skont l-opinjoni tal-Kumitat stabbilit bl-Artikolu 39 tad-Direttiva 2008/98/KE tal-Parlament Ewropew u tal-Kunsill (2),

ADOTTAT DAN IR-REGOLAMENT:

Artikolu 1

L-Annessi IIIB, V u VII tar-Regolament (KE) Nru 1013/2006 huma emendati skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan għandu japplika mis-26 ta' Mejju 2014.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-18 ta’ Novembru 2014.

Għall-Kummissjoni

Il-President

Jean-Claude JUNCKER

(1)  ĠU L 190, 12.7.2006, p. 1.

(2)  Id-Direttiva 2008/98/KE tal-Parlament Ewropew u tal-Kunsill tad-19 ta' Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).

ANNESS

L-Annessi tar-Regolament (KE) Nru 1013/2006 huma emendati kif ġej:

1.

Fl-Anness IIIB, l-entrati BEU01, BEU02 u BEU03 huma mħassrin mill-punt 2.

2.

Fl-Anness V, il-Parti 1, l-Elenku B iż-żewġ entrati li ġejjin huma mdaħħla wara l-entrata B3020:

“B3026

L-iskart li ġej mit-trattament ta' qabel ta' ppakkjar kompost għal-likwidi, li ma fihx materjali tal-Anness I f'konċentrazzjonijiet biżżejjed biex ikunu manifestati karatteristiċi tal-Anness III:

—

Frazzjoni ta' plastik mhux separabbli

—

Frazzjoni ta' plastik-aluminju mhux separabbli

B3027

Skart ta' laminat ta' tikketti li jeħlu weħidhom li fih materja prima użata fil-produzzjoni tal-materjal tat-tikketti”

.

3.

L-Anness VIII huwa emendat kif ġej:

(a)

Il-Punt 1.14 jinbidel b'dan li ġej:

“14.

 Id-Dokument ta' Gwida dwar l-Immaniġġar Ambjentalment San ta' Tagħmir tal-Kompjuter Użat u li ma Għadux Jintuża, it-Taqsimiet 1, 2, 4 u 5 (1).

(1)  Adottati mill-ħdax-il laqgħa tal-Konferenza tal-Partijiet għall-Konvenzjoni ta' Basilea dwar il-Kontroll tal-Movimenti li Jaqsmu l-Fruntieri tal-Iskart ta' Riskju u d-Disponiment Minnhom, it-28 ta' April sal-10 ta' Mejju 2013.”"

(b)

It-tieni entrata fil-punt II hija sostitwita b'dan li ġej:

“Kompjuters personali użati u skartati (2)

(2)  Adottata mill-Kumitat tal-Politika tal-Ambjent tal-OECD fi Frar tal-2003 (id-dokument ENV/EPOC/WGWPR(2001)3/FINAL).”"

(1)  Adottati mill-ħdax-il laqgħa tal-Konferenza tal-Partijiet għall-Konvenzjoni ta' Basilea dwar il-Kontroll tal-Movimenti li Jaqsmu l-Fruntieri tal-Iskart ta' Riskju u d-Disponiment Minnhom, it-28 ta' April sal-10 ta' Mejju 2013.”

(2)  Adottata mill-Kumitat tal-Politika tal-Ambjent tal-OECD fi Frar tal-2003 (id-dokument ENV/EPOC/WGWPR(2001)3/FINAL).””

Top