EUR-Lex Access to European Union law
This document is an excerpt from the EUR-Lex website
Document 32011R0193
Commission Regulation (EU) No 193/2011 of 28 February 2011 implementing Regulation (EC) No 1445/2007 of the European Parliament and of the Council as regards the system of quality control used for Purchasing Power Parities Text with EEA relevance
Regolament tal-Kummissjoni (UE) Nru 193/2011 tat- 28 ta’ Frar 2011 li jimplimenta r-Regolament (KE) Nru 1445/2007 tal-Parlament Ewropew u tal-Kunsill rigward is-sistema tal-kontroll tal-kwalità użata għall-Paritajiet tas-Setgħa tal-Infiq Test b’relevanza għaż-ŻEE
Regolament tal-Kummissjoni (UE) Nru 193/2011 tat- 28 ta’ Frar 2011 li jimplimenta r-Regolament (KE) Nru 1445/2007 tal-Parlament Ewropew u tal-Kunsill rigward is-sistema tal-kontroll tal-kwalità użata għall-Paritajiet tas-Setgħa tal-Infiq Test b’relevanza għaż-ŻEE
OJ L 56, 1.3.2011, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 14 Volume 003 P. 158 - 159
In force
|
1.3.2011 |
MT |
Il-Ġurnal Uffiċjali tal-Unjoni Ewropea |
L 56/1 |
REGOLAMENT TAL-KUMMISSJONI (UE) Nru 193/2011
tat-28 ta’ Frar 2011
li jimplimenta r-Regolament (KE) Nru 1445/2007 tal-Parlament Ewropew u tal-Kunsill rigward is-sistema tal-kontroll tal-kwalità użata għall-Paritajiet tas-Setgħa tal-Infiq
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1445/2007 tal-Parlament Ewropew u tal-Kunsill tal-11 ta’ Diċembru 2007 li jistabbilixxi regoli komuni għall-provvista ta’ informazzjoni bażika dwar il-Paritajiet tas-Setgħa tal-Infiq (PPPs) u għall-kalkolu u d-disseminazzjoni tagħhom (1), b’mod partikolari l-Artikolu 7(4) tiegħu,
Billi:
|
(1) |
Ir-Regolament (KE) Nru 1445/2007 jistabbilixxi regoli komuni għall-provvista ta’ informazzjoni bażika dwar il-Paritajiet tas-Setgħa tal-Infiq u għall-kalkolu u d-disseminazzjoni tagħhom. |
|
(2) |
L-istandards minimi ta’ kwalità għall-informazzjoni bażika li trid tkun ipprovduta mill-Istati Membri, l-istandards minimi ta’ kwalità għall-validazzjoni tar-riżultati tal-istħarriġ tal-prezzijiet u l-ħtiġijiet tar-rappurtar u tal-evalwazzjoni huma speċifikati fit-taqsima 5 tal-Anness I tar-Regolament (KE) Nru 1445/2007. |
|
(3) |
Hemm il-ħtieġa li jkunu definiti aħjar il-kriterji ta’ kwalità komuni u l-istruttura tar-rapporti ta’ kwalità. |
|
(4) |
Il-miżuri previsti f’dan ir-Regolament huma skont l-opinjoni tal-Kumitat tas-Sistema tal-Istatistika Ewropea, |
ADOTTAT DAN IR-REGOLAMENT:
Artikolu 1
Il-kriterji ta’ kwalità komuni u l-istruttura tar-rapporti ta’ kwalità li jikkonċernaw il-Paritajiet tas-Setgħa tal-Infiq previsti fir-Regolament (KE) Nru 1445/2007 għandhom ikunu ffissati fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Frar 2011.
Għall-Kummissjoni
Il-President
José Manuel BARROSO
(1) ĠU L 336, 20.12.2007, p. 1.
ANNESS
Il-kriterji ta’ kwalità komuni u l-istruttura tar-rapporti ta’ kwalità
1. Inventarju tas-sorsi u l-metodi użati fl-eżerċizzju tal-PPP tal-Eurostat (“l-inventarju tal-PPP”)
Biex ikunu sodisfatti l-ħtiġijiet tal-paragrafu 5.3.1. tal-Anness I tar-Regolament (KE) Nru 1445/2007, kull Stat Membru għandu jipprovdi inventarju tas-sorsi u l-metodi użati fl-eżerċizzju tal-PPP tal-Eurostat (minn hawn ’il quddiem imsemmi bħala “l-inventarju tal-PPP”).
L-istruttura tal-inventarju tal-PPP għandha tkun ibbażata fuq it-temi varji ta’ informazzjoni bażika previsti fil-kuntest tar-Regolament (KE) Nru 1445/2007, kif ġej:
1. Organizzazzjoni tal-eżerċizzju nazzjonali tal-PPP u informazzjoni tal-isfond
2. Oġġetti u servizzi tal-konsumatur
2.1. Stħarriġ tal-prezzijiet tal-oġġetti tal-konsumatur
|
— |
Tinkludi informazzjoni dwar l-organizzazzjoni tal-istħarriġ, it-teħid tal-kampjuni, ir-rappreżentattività, il-validazzjoni, fatturi ta’ aġġustament temporali u spazjali |
2.2. Servizzi tad-djar
|
— |
Tinkludi informazzjoni dwar sorsi ta’ dejta u l-kwalità tagħhom, konformità mad-definizzjonijiet, kwalunkwe aġġustamenti li saru |
3. Servizzi tal-gvern (stħarriġ tas-salarji biss),
|
— |
Tinkludi informazzjoni dwar sorsi ta’ dejta u l-kwalità tagħhom, konformità mad-definizzjonijiet, kwalunkwe aġġustamenti li saru |
4. Oġġetti u servizzi kapitali
4.1. Oġġetti ta’ tagħmir
|
— |
Tinkludi informazzjoni dwar l-organizzazzjoni tal-istħarriġ, it-teħid tal-kampjuni, ir-rappreżentattività, il-validazzjoni |
4.2. Il-kostruzzjoni
|
— |
Tinkludi informazzjoni dwar l-organizzazzjoni tal-istħarriġ, sorsi tad-dejta u l-kwalità tagħhom, ir-rappreżentattività, il-validazzjoni |
5. Nefqa finali fil-PGD
|
— |
Tinkludi informazzjoni dwar sorsi ta’ dejta u l-kwalità tagħhom, konformità mad-definizzjonijiet, kwalunkwe aġġustamenti li jsiru |
Kull Stat Membru għandu jipprovdi aġġornament tal-inventarju tal-PPP f’Jannar ta’ kull sena, kull darba li jkun hemm tibdiliet fis-sorsi u l-metodi użati matul is-sena preċedenti.
2. Rapporti tal-istħarriġ tal-prezzijiet tal-oġġetti tal-konsumatur
Biex ikunu sodisfatti l-ħtiġijiet tal-paragrafu 5.3.3. tal-Anness I tar-Regolament (KE) Nru 1445/2007, kull Stat Membru għandu jissottometti rapport għal kull stħarriġ tal-prezzijiet tal-oġġetti tal-konsumatur. L-istruttura tar-rapport għandha tkun kif ġej:
|
1. |
Prestħarriġ |
|
2. |
Ġbir tal-prezzijiet |
|
3. |
Validazzjoni fil-pajjiż innifsu |
|
4. |
Validazzjoni bejn il-pajjiżi |
Ir-rapporti tal-istħarriġ għandu jkun fihom informazzjoni kumplimentari għall-inventarji tal-PPP.
3. Il-kriterji ta’ kwalità
Il-kriterji użati fil-valutazzjoni tal-kwalità tal-informazzjoni bażika provduta għandhom ikun dawk stabbiliti fl-Artikolu 12 tar-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea (1) flimkien mal-istandards minimi stabbiliti fit-taqsima 5 tal-Anness I tar-Regolament (KE) Nru 1445/2007.