1.0.1.

Sakemm ma jkunx iddikjarat mod ieħor, l-awtorità, l-operatur tal-ajruport, it-trasportatur tal-ajru jew l-entità responsabbli skont il-programm nazzjonali tas-sigurtà tal-avjazzjoni ċivili kif imsemmi fl-Artikolu 10 tar-Regolament (KE) Nru 300/2008 għandhom jiżguraw l-implimentazzjoni tal-miżuri stabbiliti f’dan il-kapitolu.

1.0.2.

Għall-finijiet ta’ dan il-kapitolu, inġenju tal-ajru, xarabank, karru tal-bagalji jew mezzi oħra tat-trasport, jew passaġġi minn fejn jgħaddu n-nies, jew jetway għandhom jitqiesu bħala parti minn ajruport.

Għall-finijiet ta’ dan il-kapitolu, “bagalji sikuri” tfisser bagalji skrinjati għal ġol-istiva li huma protetti b’mod fiżiku sabiex jiġi evitat li jiddaħħal kwalunkwe oġġett fihom.

1.0.3.

Mingħajr preġudizzju għall-kriterji għad-derogi stabbiliti fir-Regolament (KE) Nru 272/2009, l-awtorità xierqa tista’ tippermetti proċeduri ta’ sigurtà speċjali jew eżenzjonijiet għall-protezzjoni u s-sigurtà taż-żoni tal-ajru fl-ajruporti fi ġranet meta ma jkunx hemm ippjanat li jitilqu aktar minn tmien titjiriet, sakemm inġenju tal-ajru wieħed biss ikun se jitgħabba, ikun se jinħatt, ikunu se jitilgħu n-nies fuqu jew ikunu se jiżbarkaw mill-inġenju tal-ajru fi kwalunkwe ħin wieħed jew fil-parti kritika taż-żona ta’ sigurtà ristretta jew f’ajruport li ma jkunx fl-ambitu tal-punt 1.1.3.

1.1.1.1.

Il-konfini bejn iż-żoni tal-art, iż-żoni tal-ajru, iż-żoni ta’ sigurtà ristretta, il-partijiet kritiċi u, fejn applikabbli, iż-żoni demarkati għandhom ikunu jistgħu jiġu identifikati b’mod ċar f’kull ajruport sabiex ikunu jistgħu jittieħdu l-miżuri xierqa ta’ sigurtà f’kull waħda minn dawk iż-żoni.

1.1.1.2.

Il-konfini bejn iż-żona tal-art u ż-żona tal-ajru għandhom ikunu ostaklu fiżiku li l-pubbliku ġenerali jkun jista’ jarah b’mod ċar u li ma jippermettix aċċess għal persuni mhux awtorizzati.

1.1.2.1.

Iż-żoni ta’ sigurtà ristretta għandhom jinkludi tal-anqas dan li ġej:

1.1.2.2.

Parti minn ajruport għandha titqies bħala żona ta’ sigurtà ristretta tal-anqas għall-perjodu taż-żmien li tulu jkunu qegħdin jitwettqu l-attivitajiet imsemmija fil-punt 1.1.2.1.

Meta tiġi stabbilita żona ta’ sigurtà ristretta, għandha titwettaq tfittxija ta’ sigurtà tal-partijiet li setgħu ġew ikkontaminati immedjatament qabel ma tiġi stabbilita t-tali żona sabiex jiġi żgurat b’mod raġonevoli li ma fihiex oġġetti pprojbiti. Din id-dispożizzjoni għandha titqies li ġiet ssodisfata għall-inġenji tal-ajru li jkunu soġġetti għal tfittxija ta’ sigurtà tal-inġenji tal-ajru.

1.1.2.3.

Kull meta persuni mhux awtorizzati jista’ jkun li kellhom aċċess għal żoni ta’ sigurtà ristretta, għandha titwettaq tfittxija ta’ sigurtà minnufih tal-partijiet li setgħu ġew ikkontaminati sabiex jiġi żgurat b’mod raġonevoli li ma fihomx oġġetti pprojbiti. Din id-dispożizzjoni għandha titqies li ġiet ssodisfata għall-inġenji tal-ajru li jkunu soġġetti għal tfittxija ta’ sigurtà tal-inġenji tal-ajru.

1.1.3.1.

Il-partijiet kritiċi għandhom jiġu stabbiliti fl-ajruporti fejn aktar minn 40 persuna jkollha karta tal-identifikazzjoni tal-ajruport li tagħti aċċess għaż-żoni ta’ sigurtà ristretta.

1.1.3.2.

Il-partijiet kritiċi għandhom jinkludu tal-anqas dan li ġej:

Parti minn ajruport għandha titqies bħala parti kritika tal-anqas għall-perjodu taż-żmien li tulu jkunu qegħdin jitwettqu l-attivitajiet imsemmija fil-punt (a) jew (b).

1.1.3.3.

Meta tiġi stabbilita parti kritika, għandha titwettaq tfittxija ta’ sigurtà tal-partijiet li setgħu ġew ikkontaminati immedjatament qabel ma tiġi stabbilita t-tali parti sabiex jiġi żgurat b’mod raġonevoli li ma fihiex oġġetti pprojbiti. Din id-dispożizzjoni għandha titqies li ġiet issodisfata għall-inġenji tal-ajru li jkunu soġġetti għal tfittxija ta’ sigurtà tal-inġenji tal-ajru.

1.1.3.4.

Kull meta persuni mhux skrinjati jista’ jkun li kellhom aċċess għal partijiet kritiċi, għandha titwettaq tfittxija ta’ sigurtà minnufih tal-partijiet li setgħu ġew ikkontaminati sabiex jiġi żgurat b’mod raġonevoli li ma fihomx oġġetti pprojbiti.

Din id-dispożizzjoni għandha titqies li ġiet ssodisfata għall-inġenji tal-ajru li jkunu soġġetti għal tfittxija jew kontroll ta’ sigurtà tal-inġenji tal-ajru.

Din id-dispożizzjoni ma għandhiex tapplika meta persuni koperti bil-punt 1.3.2 u l-punt 4.1.1.7 ikun kellhom aċċess għal dawk il-partijiet.

Persuni li jkunu ġejjin minn pajjiżi terzi għajr dawk elenkati fid-Dokument Mehmuż 4-B għandhom jitqiesu bħala persuni mhux skrinjati.

1.2.1.1.

L-aċċess għaż-żona tal-ajru jista’ jiġi awtorizzat biss jekk il-persuni u l-vetturi jkollhom raġuni leġittima għala jkunu qegħdin hemm.

1.2.1.2.

Sabiex persuna tingħata aċċess għal żona tal-ajru għandu jkollha awtorizzazzjoni.

1.2.1.3.

Sabiex vettura tingħata aċċess għal żona tal-ajru l-vettura għandha turi l-pass tal-vettura.

1.2.1.4.

Persuni li jinsabu fiż-żona tal-ajru, għandhom, meta mitluba, jippreżentaw l-awtorizzazzjoni tagħhom għall-kontroll.

1.2.2.1.

L-aċċess għaż-żona ta’ sigurtà ristretta jista’ jingħata biss jekk il-persuni u l-vetturi jkollhom raġuni leġittima għala jkunu qegħdin hemm.

1.2.2.2.

Sabiex tingħata aċċess għal żona ta’ sigurtà ristretta persuna għandha tippreżenta waħda mill-awtorizzazzjonijiet li ġejjin:

1.2.2.3.

Sabiex vettura tingħata aċċess għaż-żoni ta’ sigurtà ristretta l-vettura għandha turi l-pass tal-vettura validu.

1.2.2.4.

Il-karta tal-imbark jew l-ekwivalenti msemmija fil-punt 1.2.2.2 (a) għandha tiġi ċċekkjata qabel ma persuna tingħata aċċess għaż-żoni ta’ sigurtà ristretta sabiex jiġi żgurat b’mod raġonevoli li tkun valida.

Il-karta msemmija fil-punt 1.2.2.2 (b) – (e), rispettivament, għandha tiġi ċċekkjata qabel ma persuna tingħata aċċess għaż-żoni ta’ sigurtà ristretta sabiex jiġi żgurat b’mod raġonevoli li tkun valida u tikkorrispondi mad-detentur.

1.2.2.5.

Għall-prevenzjoni ta’ aċċess mhux awtorizzat għaż-żoni ta’ sigurtà ristretta l-punti tal-aċċess għandhom jiġu kkontrollati minn:

1.2.2.6.

Il-pass tal-vettura għandu jiġi ċċekkjat qabel ma vettura tingħata aċċess għal żoni ta’ sigurtà ristretta sabiex jiġi żgurat li jkun validu u jikkorrispondi mal-vettura.

1.2.2.7.

L-aċċess għal żoni ta’ sigurtà ristretta għandu wkoll ikun soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.2.3.1.

Karta tal-identifikazzjoni tal-ekwipaġġ ta’ membru tal-ekwipaġġ impjegat minn trasportatur tal-ajru Komunitarju u karta tal-identifikazzjoni tal-ajruport jistgħu jinħarġu biss għal persuna li jkollha ħtieġa operazzjonali u li jkun sarilha kontroll tal-isfond b’eżitu pożittiv skont il-punt 11.1.3.

1.2.3.2.

Il-karti tal-identifikazzjoni tal-ekwipaġġ u tal-ajruport għandhom jinħarġu għal perjodu mhux itwal minn ħames snin.

1.2.3.3.

Il-karta tal-identifikazzjoni ta’ persuna li ma tgħaddix mill-kontroll tal-isfond għandha tiġi rtirata immedjatament.

1.2.3.4.

Il-karta tal-identifikazzjoni għandha tintlibes f’post fejn tidher tal-anqas kull meta d-detentur ikun f’żoni ta’ sigurtà ristretta.

Persuna li ma turix il-karta tagħha f’żoni ta’ sigurtà ristretta għajr f’dawk iż-żoni fejn ikun hemm il-passiġġieri għandha tintalab tagħmel dan minn persuni responsabbli għall-implimentazzjoni tal-punt 1.5.1 (c) u, skont kif ikun xieraq, tiġi rrappurtata.

1.2.3.5.

Il-karta tal-identifikazzjoni għandha tingħata lura immedjatament lill-entità li tkun ħarġitha:

1.2.3.6.

L-entità li toħroġ il-karta għandha tiġi nnotifikata immedjatament dwar telf, serq jew f’każ li l-karta tal-identifikazzjoni ma ngħatatx lura.

1.2.3.7.

Karta elettronika għandha tiġi invalidata immedjatament wara li tingħata lura, tiskadi, tiġi rtirata jew ikun hemm notifika dwar telf, serq jew f’każ li ma tingħatax lura.

1.2.3.8.

Il-karti tal-identifikazzjoni tal-ekwipaġġ u l-karti tal-identifikazzjoni tal-ajruport Komunitarji għandhom ukoll ikunu soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.2.4.1.

Karta tal-identifikazzjoni ta’ membru tal-ekwipaġġ impjegat minn trasportatur tal-ajru Komunitarju għandha turi:

1.2.5.1.

Karta tal-identifikazzjoni tal-ajruport għandha turi:

L-ismijiet u ż-żoni ta’ aċċess jistgħu jiġu ssostitwiti b’identifikazzjoni ekwivalenti.

1.2.5.2.

Sabiex jiġi evitat l-użu ħażin tal-karti tal-identifikazzjoni tal-ajruport, għandu jkun hemm sistema li tiżgura b’mod raġonevoli li jiġi individwat kwalunkwe attentat ta’ użu ta’ karti li jkunu ntilfu, insterqu jew li ma jkunux ingħataw lura. Malli t-tali użu jiġi individwat, għandha tittieħed azzjoni xierqa.

1.2.6.1.

Pass ta’ vettura jista’ jinħareġ biss fejn tkun ġiet stabbilita ħtieġa operazzjonali.

1.2.6.2.

Pass ta’ vettura għandu jkun speċifiku għall-vettura u juri:

Passes elettroniċi ta’ vetturi mhumiex meħtieġa juru ż-żoni li l-vettura għandha aċċess għalihom u lanqas id-data ta’ skadenza, sakemm dan it-tagħrif ikun jista’ jinqara b’mod elettroniku u jiġi ċċekkjat qabel ma jingħata l-aċċess għaż-żoni ta’ sigurtà ristretta.

1.2.6.3.

Pass elettroniku ta’ vettura għandu jitwaħħal mal-vettura b’mod li jiżgura li ma jistax jiġi ttrasferit minn vettura għall-oħra.

1.2.6.4.

Il-pass tal-vettura għandu jitqiegħed f’post fejn jidher kull meta l-vettura tkun tinsab f’żona tal-ajru.

1.2.6.5.

Il-pass tal-vettura għandu jingħata lura immedjatament lill-entità li tkun ħarġitu:

1.2.6.6.

L-entità li toħroġ il-karta għandha tiġi nnotifikata immedjatament dwar telf, serq jew f’każ li l-pass tal-vettura ma jingħatax lura.

1.2.6.7.

Pass elettroniku tal-vettura għandu jiġi invalidat immedjatament wara li jingħata lura, jiskadi, jew ikun hemm notifika dwar telf, serq jew f’każ li ma jingħatax lura.

1.2.6.8.

Sabiex jiġi evitat l-użu ħażin tal-passes tal-vetturi, għandu jkun hemm sistema li tiżgura b’mod raġonevoli li jiġi individwat kwalunkwe attentat ta’ użu ta’ passes tal-vetturi li jkunu ntilfu, insterqu jew li ma jkunux ingħataw lura. Malli t-tali użu jiġi individwat, għandha tittieħed azzjoni xierqa.

1.2.7.1.

Il-membri tal-ekwipaġġ, għajr dawk li jkollhom karta tal-identifikazzjoni tal-ajruport valida, għandhom jiġu skortati l-ħin kollu meta jkunu f’żoni ta’ sigurtà ristretta għajr:

1.2.7.2.

Eċċezzjonalment, persuna tista’ tiġi eżentata mir-rekwiżiti tal-punt 1.2.5.1 u l-obbligi tal-kontrolli tal-isfond sakemm il-persuna tiġi skortata l-ħin kollu meta tkun fiż-żoni ta’ sigurtà ristretta.

1.2.7.3.

Skorta:

1.2.7.4.

Vettura tista’ tiġi eżentata mir-rekwiżiti tal-punt 1.2.6 sakemm tiġi skortata l-ħin kollu meta tkun fiż-żoni tal-ajru.

1.3.1.1.

L-iskrinjar ta’ persuni għajr il-passiġġieri u l-oġġetti li jġorru magħhom għandu jitwettaq bl-istess mod għall-passiġġieri u l-bagalji tal-kabina, rispettivament.

1.3.1.2.

Il-punti 4.1.1.1 – 4.1.1.6 u 4.1.1.8 għandhom japplikaw fir-rigward tal-iskrinjar ta’ persuni għajr il-passiġġieri.

1.3.1.3.

Il-punti 4.1.2.1 – 4.1.2.9 u 4.1.2.12 għandhom japplikaw fir-rigward tal-iskrinjar tal-oġġetti li persuni għajr il-passiġġieri jġorru magħhom.

1.3.1.4.

L-oġġetti elenkati fid-Dokument Mehmuż 4-C jistgħu jinġarru biss jekk il-persuna tkun awtorizzata ġġorrhom sabiex twettaq il-ħidmiet li huma essenzjali għat-tħaddim tal-faċilitajiet tal-ajruport jew tal-inġenji tal-ajru, jew sabiex twettaq il-ħidmiet ta’ waqt it-titjira.

1.3.1.5.

Fejn persuni għajr il-passiġġieri u l-oġġetti li jġorru magħhom jeħtieġ li jiġu skrinjati fuq bażi aleatorja, il-frekwenza għandha tiġi stabbilita mill-awtorità xierqa abbażi ta’ valutazzjoni tar-riskji.

1.3.1.6.

L-iskrinjar ta’ persuni għajr il-passiġġieri u l-oġġetti li jġorru magħhom għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.3.2.1.

L-awtorità xierqa tista’, għal raġunijiet oġġettivi, tippermetti li persuni għajr il-passiġġieri jkunu eżentati mill-iskrinjar, jew li jkunu soġġetti għal proċeduri ta’ skrinjar speċjali, sakemm ikunu skortati minn persuna awtorizzata tiskorta skont il-punt 1.2.7.3.

1.3.2.2.

Il-persuni skrinjati għajr il-passiġġieri li temporanjament jitilqu mill-partijiet kritiċi jistgħu jiġu eżentati mill-iskrinjar malli jaslu lura sakemm ikunu ilhom biżżejjed taħt osservazzjoni minn persuni awtorizzati biex jiġi żgurat b’mod raġonevoli li ma jdaħħlux oġġetti pprojbiti f’dawk il-partijiet kritiċi.

1.3.2.3.

Eżenzjonijiet u proċeduri ta’ skrinjar speċjali għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.4.1.1.

Il-vetturi kollha għandhom jiġu eżaminati qabel ma jidħlu fil-partijiet kritiċi. Għandhom jiġu protetti minn interferenzi illeġittimi minn wara l-eżami sa ma jidħlu fil-partijiet kritiċi.

1.4.1.2.

Is-sewwieq u kwalunkwe okkupant ieħor tal-vettura ma għandhomx ikunu fil-vettura meta jsir l-eżami. Huma jkunu meħtieġa joħorġu l-affarijiet personali tagħhom minn ġol-vettura għall-iskrinjar.

1.4.1.3.

Jeħtieġ li jkun hemm metodoloġiji definiti li jiżguraw li l-għażla taż-żoni li għandhom jiġu eżaminati tkun aleatorja.

1.4.1.4.

Il-vetturi li jidħlu fil-partijiet kritiċi għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.4.2.1.

Is-sewwieq u kwalunkwe okkupant ieħor tal-vettura ma għandhomx ikunu fil-vettura meta jsir l-eżami. Huma jkunu meħtieġa joħorġu l-affarijiet personali tagħhom minn ġol-vettura għall-iskrinjar.

1.4.2.2.

Għandu jkun hemm metodoloġiji definiti li jiżguraw li l-għażla kemm tal-vetturi kif ukoll taż-żoni li għandhom jiġu eżaminati tkun aleatorja.

1.4.2.3.

Il-vetturi li jidħlu fiż-żoni ta’ sigurtà ristretta għajr il-partijiet kritiċi għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.4.3.1.

Tfittxija bl-idejn għandha tikkonsisti minn kontroll manwali bir-reqqa taż-żoni magħżula, inkluż il-kontenut tagħhom, sabiex jiġi żgurat b’mod raġonevoli li ma jkunx fihom oġġetti pprojbiti.

1.4.3.2.

Il-metodi li ġejjin jistgħu jintużaw biss bħala mezz supplimentari ta’ eżaminar:

1.4.3.3.

Il-metodi tal-eżaminar għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.4.4.1.

L-awtorità xierqa tista’, għal raġunijiet oġġettivi, tippermetti li vetturi jkunu eżentati mill-eżami, jew li jkunu soġġetti għal proċeduri ta’ eżaminar speċjali, sakemm ikunu skortati minn persuna awtorizzata tiskorta skont il-punt 1.2.7.3.

1.4.4.2.

Eżenzjonijiet u proċeduri ta’ eżaminar speċjali għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

1.5.1.

Għandha titwettaq sorveljanza jew għassa sabiex jiġu mmonitorjati:

1.5.2.

Il-frekwenza ta’ u l-mezzi għat-twettiq tas-sorveljanza u l-għassa għandhom jiġu bbażati fuq valutazzjoni tar-riskji mwettqa mill-awtorità xierqa, li tqis:

Il-partijiet tal-valutazzjoni tar-riskji relatati mal-frekwenza ta’ u l-mezzi għat-twettiq tas-sorveljanza u l-għassa għandhom, meta mitluba, jiġu pprovduti bil-miktub għal finijiet ta’ monitoraġġ tal-konformità.

1.5.3.

Is-sorveljanza u l-għassa ma għandhomx isegwu mudell prevedibbli. Il-validità tal-karti tal-identifikazzjoni għandhom jiġu ċċekkjati fuq bażi aleatorja.

1.5.4.

Għandu jkun hemm miżuri li jiskoraġġixxu kemm li persuni jiksru l-punti ta’ kontroll tas-sigurtà kif ukoll, li f’każ li jseħħ it-tali ksur, jippermettu li l-ksur u r-riperkussjonijiet tiegħu jiġu solvuti u rrettifikati.

3.0.1.

Sakemm ma jkunx iddikjarat mod ieħor, trasportatur tal-ajru għandu jiżgura l-implimentazzjoni tal-miżuri stabbiliti f’dan il-kapitolu fir-rigward tal-inġenji tal-ajru tiegħu.

3.0.2.

Il-pajjiżi terzi fejn l-istandards tas-sigurtà applikati huma rikonoxxuti bħala ekwivalenti għall-istandards bażiċi komuni fir-rigward tas-sigurtà tal-inġenji tal-ajru huma elenkati fid-Dokument Mehmuż 3-B.

3.0.3.

Inġenju tal-ajru jeħtieġ li ma jkunx soġġett għal kontroll ta’ sigurtà ta’ inġenju tal-ajru. Għandu jkun soġġett għal tfittxija ta’ sigurtà tal-inġenju tal-ajru skont il-punt 3.1.

3.0.4.

Trasportatur tal-ajru għandu, meta mitlub, jiġi nnotifkat mill-operatur tal-ajruport dwar jekk l-inġenju tal-ajru tiegħu jkunx jinsab f’parti kritika jew le. Meta dan it-tagħrif ma jkunx ċar, wieħed għandu jassumi li l-inġenju tal-ajru jinsab f’parti li mhijiex kritika.

3.0.5.

Meta żona ma tibqax titqies bħala parti kritika minħabba bidla fl-istatus tas-sigurtà l-ajruport imbagħad għandu jgħarraf lil dawk it-trasportaturi bl-ajru milquta.

3.1.1.1.

Inġenju tal-ajru dejjem għandu jiġi soġġett għal tfittxija tas-sigurtà ta’ inġenju tal-ajru kull meta jkun hemm raġuni sabiex wieħed jemmen li persuni mhux awtorizzati setgħu kellhom aċċess għalih.

3.1.1.2.

Tfittxija tas-sigurtà ta’ inġenju tal-ajru għandha tikkonsisti minn eżami taż-żoni tal-inġenju tal-ajru ddefiniti li huma stipulati f’Deċiżjoni separata li ħadet il-Kummissjoni.

3.1.1.3.

Inġenju tal-ajru li jasal f’parti kritika minn pajjiż terz li mhux elenkat fid-Dokument Mehmuż 3-B għandu jkun soġġett għal tfittxija tas-sigurtà ta’ inġenju tal-ajru fi kwalunkwe ħin wara l-iżbarkar tal-passiġġieri u/jew il-ħatt tal-istiva.

3.1.1.4.

Inġenju tal-ajru li jkun ġej minn Stat Membru fejn kien fi tranżitu wara li jkun wasal minn pajjiż terz li mhux elenkat fid-Dokument Mehmuż 3-B għandu jitqies bħala inġenju tal-ajru li jkun ġej minn pajjiż terz.

3.1.1.5.

Il-ħin li fih għandha titwettaq it-tfittxija tas-sigurtà ta’ inġenju tal-ajru għandu jkun ukoll soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

—

in-numru tat-titjira; u

—

id-destinazzjoni; u

—

l-oriġini tat-titjira preċedenti; u

—

indikazzjoni dwar jekk twettqitx jew le t-tfittxija tas-sigurtà ta’ inġenju tal-ajru.

—

id-data u l-ħin meta tkun twettqet it-tfittxija tas-sigurtà tal-inġenju tal-ajru; u

—

l-isem u l-firma tal-persuna responsabbli għat-twettiq tat-tfittxija tas-sigurtà tal-inġenju tal-ajru.

3.2.1.1.

Ikun fejn ikun ipparkjat fl-ajruport, inġenju tal-ajru għandu jkun protett minn aċċess mhux awtorizzat billi:

3.2.1.2.

Il-Punt 3.2.1.1 ma għandux japplika għal inġenju tal-ajru pparkjat f’ħangar li jkun imsakkar jew protett b’xi mod ieħor minn aċċess mhux awtorizzat.

3.2.2.1.

Meta l-bibien esterni jingħalqu u l-inġenju tal-ajru jkun f’parti għajr il-parti kritika, kull bieb estern għandu wkoll:

Il-punt (a) ma għandux japplika għal bieb li jkun aċċessibbli mill-art.

3.2.2.2.

Meta jitneħħew l-għajnuniet għall-aċċess għall-bibien li ma jkunux aċċessibbli mill-art, għandhom jitqiegħdu ‘l bogħod biżżejjed mill-inġenju tal-ajru sabiex l-aċċess jiġi evitat b’mod raġonevoli.

3.2.2.3.

Meta l-bibien esterni jkunu msakkra, il-persuni li jkollhom ħtieġa operazzjonali biss għandhom ikunu jistgħu jiftħu dawn il-bibien.

3.2.2.4.

Meta l-bibien esterni jiġu mmonitorjati, il-monitoraġġ għandu jiżgura li l-aċċess mhux awtorizzat għall-inġenju tal-ajru jiġi individwat immedjatament.

3.2.2.5.

Il-protezzjoni tal-inġenji tal-ajru bil-bibien esterni magħluqa f’parti għajr parti kritika għandha tkun soġġetta wkoll għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

4.0.1.

Sakemm ma jkunx iddikjarat mod ieħor, l-awtorità, l-operatur tal-ajruport, it-trasportatur tal-ajru jew l-entità responsabbli skont il-programm nazzjonali tas-sigurtà tal-avjazzjoni ċivili kif imsemmi fl-Artikolu 10 tar-Regolament (KE) Nru 300/2008 għandhom jiżguraw l-implimentazzjoni tal-miżuri stabbiliti f’dan il-kapitolu.

4.0.2.

Il-pajjiżi terzi fejn l-istandards tas-sigurtà applikati huma rikonoxxuti bħala ekwivalenti għall-istandards bażiċi komuni fir-rigward tas-sigurtà tal-passiġġieri u tal-bagalji tal-kabina huma elenkati fid-Dokument Mehmuż 4-B.

4.0.3.

Il-passiġġieri u l-bagalji tal-kabina tagħhom li jkunu ġejjin minn Stat Membru fejn l-inġenju tal-ajru kien fi tranżitu wara li jkun wasal minn pajjiż terz li ma jkunx elenkat fid-Dokument Mehmuż 4-B għandhom jitqiesu bħala passiġġieri u bagalji tal-kabina li ġejjin minn pajjiż terz, sakemm ma jkunx hemm konferma li dawn il-passiġġieri u l-bagalji tal-kabina tagħhom ġew skrinjati f’dak l-Istat Membru.

4.0.4.

Għall-finijiet ta’ dan il-Kapitolu “likwidi, aerosols u ġellijiet” (LAGs) għandhom jinkludu pejsts, lozjonijiet, taħlitiet likwidi/solidi u l-kontenut ta’ reċipjenti taħt pressjoni, bħalma huma l-pejst għat-tindif tas-snien, il-ġell tax-xagħar, xarbiet, sopop, xropp, fwieħa, fowm tal-leħja u oġġetti oħra b’konsistenzi simili.

4.1.1.1.

Qabel l-iskrinjar, il-passiġġieri għandhom jinżgħu il-kowtijiet u l-ġkieket u dawn għandhom jiġu skrinjati bħala bagalji tal-kabina.

4.1.1.2.

Il-passiġġieri għandhom jiġu skrinjati permezz ta’:

Meta dak li jkun qiegħed iwettaq l-iskrinjar ma jkunx jista’ jiddetermina jekk il-passiġġieri humiex iġorru oġġetti pprojbiti jew le, il-passiġġier ma għandux jingħata aċċess għal żoni ta’ sigurtà ristretta jew għandu jerġa’ jiġi skrinjat sa ma dak li jkun qiegħed iwettaq l-iskrinjar ikun sodisfatt.

4.1.1.3.

Meta ssir tfittxija bl-idejn din għandha titwettaq b’mod li jiżgura b’mod raġonevoli li l-persuna ma tkunx qiegħda ġġorr oġġetti pprojbiti.

4.1.1.4.

Meta t-tagħmir jiskatta l-allarm tad-WTMD, il-kawża tal-allarm għandha tiġi riżolta.

4.1.1.5.

Tagħmir ta’ individwazzjoni tal-metall li jinżamm fl-idejn (HHMD) jista’ jintuża biss bħala mezz supplimentari għall-iskrinjar. Ma għandux jissostitwixxi r-rekwiżiti ta’ tfittxija bl-idejn.

4.1.1.6.

Meta annimal ħaj jitħalla jinġarr fil-kabina ta’ inġenju tal-ajru, dan għandu jiġi skrinjat jew bħala passiġġier jew bħala bagalja tal-kabina.

4.1.1.7.

L-awtorità xierqa tista’ toħloq kategoriji ta’ passiġġieri li, għal raġunijiet oġġettivi, għandhom ikunu soġġetti għal proċeduri speċjali ta’ skrinjar jew jistgħu jiġu eżentati mill-iskrinjar. Il-Kummissjoni għandha tiġi mgħarrfa dwar il-kategoriji maħluqa.

4.1.1.8.

L-iskrinjar tal-passiġġieri għandu jkun ukoll soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

4.1.2.1.

Qabel l-iskrinjar, il-kompjuters li jinġarru u oġġetti kbar oħra li jaħdmu bl-elettriku għandhom jitneħħew mill-bagalji tal-kabina u għandhom jiġu skrinjati b’mod separat.

4.1.2.2.

Qabel l-iskrinjar, l-LAGs għandhom jitneħħew mill-bagalji tal-kabina u għandhom jiġu skrinjati b’mod separat, sakemm it-tagħmir li jkun qiegħed jintuża għall-iskrinjar tal-bagalji tal-kabina jkun jista’ jiskrinja kontenituri multipli tal-LAGs magħluqa fil-bagalji.

Meta l-LAGs jitneħħew mill-bagalji tal-kabina, il-passiġġier għandu jippreżenta:

4.1.2.3.

Il-bagalji tal-kabina għandhom jiġu skrinjati permezz ta’:

Meta dak li jkun qiegħed iwettaq l-iskrinjar ma jkunx jista’ jiddetermina jekk il-bagalji tal-kabina fihomx oġġetti pprojbiti jew le, dawn għandhom jew jiġu rrifjutati jew jerġgħu jiġu skrinjati sa ma dak li jkun qiegħed iwettaq l-iskrinjar ikun sodisfatt.

4.1.2.4.

Tfittxija bl-idejn tal-bagalji tal-kabina għandha tikkonsisti minn kontroll manwali tal-bagalji, inkluż il-kontenut tagħhom, sabiex jiġi żgurat b’mod raġonevoli li ma jkunx fihom oġġetti pprojbiti.

4.1.2.5.

Meta jintuża tagħmir tar-raġġi X jew bl-EDS, dak li jkun qiegħed iwettaq l-iskrinjar għandu jara kull immaġni.

4.1.2.6.

Meta jintuża tagħmir tar-raġġi X jew bl-EDS, l-allarmi kollha għandhom jiġu riżolti sa ma dak li jkun qiegħed iwettaq l-iskrinjar ikun sodisfatt sabiex jiġi żgurat b’mod raġonevoli li l-ebda oġġett ipprojbit ma jinġarr fiż-żona ta’ sigurtà ristretta (SRA) jew abbord l-inġenju tal-ajru.

4.1.2.7.

Meta jintuża tagħmir tar-raġġi X jew bl-EDS, kwalunkwe oġġett li minħabba d-densità tiegħu ma jħallix lil dak li jkun qiegħed iwettaq l-iskrinjar janalizza l-kontenut tal-bagalji tal-kabina għandu jinħareġ mill-bagalji. Il-bagalji għandhom jerġgħu jiġu skrinjati u l-oġġett għandu jiġi skrinjat b’mod separat bħala bagalja tal-kabina.

4.1.2.8.

Kwalunkwe bagalja li fiha jinsab oġġett kbir li jaħdem bl-elettriku għandha terġà tiġi skrinjata mingħajr dak l-oġġett fiha u l-oġġett li jaħdem bl-elettriku għandu jiġi skrinjat b’mod separat.

4.1.2.9.

Klieb għall-individwazzjoni ta’ splussivi u tagħmir ta’ individwazzjoni ta’ traċċi tal-isplussivi (ETD) jistgħu jintużaw biss bħala mezzi supplimentari għall-iskrinjar.

4.1.2.10.

L-awtorità xierqa tista’ toħloq kategoriji ta’ bagalji tal-kabina li, għal raġunijiet oġġettivi, għandhom ikunu soġġetti għal proċeduri speċjali ta’ skrinjar jew jistgħu jiġu eżentati mill-iskrinjar. Il-Kummissjoni għandha tiġi mgħarrfa dwar il-kategoriji maħluqa.

4.1.2.11.

L-awtorità xierqa tista’ tippermetti li basket diplomatiku jiġi eżentat mill-iskrinjar jew ikun soġġett għal proċeduri ta’ sigurtà speċjali sakemm ikunu ġew issodisfati r-rekwiżiti tal-Konvenzjoni ta’ Vjenna dwar ir-Relazzjonijiet Diplomatiċi.

4.1.2.12.

L-iskrinjar tal-bagalji tal-kabina għandu jkun ukoll soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

4.1.3.1.

L-LAGs għandhom jiġu skrinjati permezz ta’:

4.1.3.2.

Dewqan jew ittestjar fuq il-ġilda jista’ jintuża bħala mezz supplimentari ta’ skrinjar.

4.1.3.3.

L-iskrinjar tal-LAGs għandu jkun ukoll soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

4.1.3.4.

L-LAGs li jinġarru mill-passiġġieri jistgħu jiġu eżentati mill-iskrinjar jekk l-LAG jkun:

4.3.1.

Trasportatur tal-ajru għandu jiġi nnotifkat bil-miktub minn qabel mill-awtorità kompetenti dwar il-ħsieb li passiġġier potenzjalment problematiku se jittella’ abbord l-inġenju tal-ajru tiegħu.

4.3.2.

In-notifika għandha tinkludi d-dettalji li ġejjin:

It-trasportatur tal-ajru għandu jipprovdi lill-pilota kmandant b’dan it-tagħrif qabel ma l-passiġġieri jitilgħu abbord l-inġenju tal-ajru.

4.3.3.

L-awtorità kompetenti għandha tiżgura li l-persuni taħt kustodja legali dejjem jiġu skortati.

4.4.1.

Il-passiġġieri ma għandux ikollhom il-permess li jġorru l-oġġetti elenkati fid-Dokument Mehmuż 4-C fiż-żoni ta’ sigurtà ristretta jew abbord inġenju tal-ajru.

4.4.2.

Tista’ tingħata eżenzjoni għall-punt 4.4.1. bil-kundizzjoni li:

Dawn l-oġġetti għandhom imbagħad jitqiegħdu taħt kundizzjonijiet sikuri abbord l-inġenju tal-ajru.

4.4.3.

It-trasportatur tal-ajru għandu jiżgura li l-passiġġieri jiġu mgħarrfa dwar l-oġġetti pprojbiti elenkati fid-Dokument Mehmuż 4-C qabel ma jsir iċ-check in.

—

armi tan-nar ta’ kull tip, bħalma huma l-pistoli, ir-revolvers, l-azzarini, is-snieter

—

armi tan-nar tal-logħob, kopji u imitazzjonijiet tal-armi tan-nar li dak li jkun jista’ jaħsibhom armi ta’ vera

—

partijiet komponenti ta’ armi tan-nar, esklużi l-miri teleskopiċi

—

armi tal-arja u tas-CO2 kkumpressati, bħalma huma pistoli, armi li jisparaw il-pritkuni, azzarini u armi li jisparaw il-ball bearings

—

pistoli tas-suffarelli tas-sinjali u pistoli tat-tlielaq

—

qwies, “cross bows” u vleġeġ

—

apparat li jispara l-ħarpuni jew il-froxxni

—

wdab u żbandoli

—

apparat li jixxokkja, bħalma huma l-pistoli li jistordu, tasers u lembubi li jistordu

—

apparat li jistordi l-annimali u li joqtol l-annimali

—

kimiċi, gassijiet u sprejs li jrendu inkapaċi, bħalma huma l-mace, l-isprejs tal-bżar, l-isprejs tal-bżar aħdar, il-gass tad-dmugħ, sprejs tal-aċidu u sprejs li jgerrxu l-annimali

—

oġġetti għat-tqattigħ, bħall-imnanar, mannaretti u skieken tal-biċċiera

—

fisien u baqquni tas-silġ

—

xfafar tal-leħja

—

xfafar tal-kartun

—

skieken bi xfafar ta’ aktar minn 6 ċm

—

mqassijiet bi xfafar ta’ aktar minn 6 ċm mill-fulkru

—

tagħmir tal-arti marzjali bil-ponta taqta’ jew b’xifer jaqta’

—

xwabel

—

lievi

—

drillers u trapani, inklużi d-drillers portabbli mingħajr wajer

—

għodod bi xfafar jew xaftijiet ta’ aktar minn 6 ċm li jistgħu jintużaw bħala armi, bħalma huma t-turnaviti u l-furmaturi

—

srieraq, inklużi s-srieraq portabbli mingħajr wajer

—

torċi tal-ħruq

—

apparat li jispara l-boltijiet u l-imsiemer

—

mazez tal-baseball u tas-softball

—

mazez u lembubi, bħall-billy clubs, blackjacks u lembubi tal-għassa

—

tagħmir tal-arti marzjali

—

munizzjon

—

mezzi detonaturi

—

detonaturi u miċeċ

—

tagħmir splussiv ta’ imitazzjoni

—

mini, granadi u oġġetti splussivi militari oħra

—

logħob tan-nar u pirotekniki oħra

—

bombi tad-duħħan u stoċċijiet li jiġġeneraw id-dħaħen

—

dinamite, porvli u splussivi plastiċi

5.0.1.

Sakemm ma jkunx iddikjarat mod ieħor, l-awtorità, l-operatur tal-ajruport, it-trasportatur tal-ajru jew l-entità responsabbli skont il-programm nazzjonali tas-sigurtà tal-avjazzjoni ċivili kif imsemmi fl-Artikolu 10 tar-Regolament (KE) Nru 300/2008 għandhom jiżguraw l-implimentazzjoni tal-miżuri stabbiliti f’dan il-kapitolu.

5.0.2.

Il-pajjiżi terzi fejn l-istandards tas-sigurtà applikati huma rikonoxxuti bħala ekwivalenti għall-istandards bażiċi komuni fir-rigward tal-bagalji tal-istiva huma elenkati fid-Dokument Mehmuż 5-A.

5.0.3.

Il-bagalji tal-istiva li jkunu ġejjin minn Stat Membru fejn l-inġenju tal-ajru kien fi tranżitu wara li jkun wasal minn pajjiż terz li ma jkunx elenkat fid-Dokument Mehmuż 5-A għandhom jitqiesu bħala bagalji tal-istiva li ġejjin minn pajjiż terz, sakemm ma jkunx hemm konferma li dawn il-bagalji tal-istiva ġew skrinjati f’dak l-Istat Membru.

5.0.4.

Għall-finijiet ta’ dan il-kapitolu, “bagalji sikuri” tfisser bagalji skrinjati għal ġol-istiva li huma protetti b’mod fiżiku sabiex jipprevjenu t-tidħil ta’ kwalunkwe oġġett.

5.1.1.

Il-metodi li ġejjin, jew individwalment jew flimkien, għandhom jintużaw għall-iskrinjar tal-bagalji:

Meta dak li jkun qiegħed iwettaq l-iskrinjar ma jkunx jista’ jiddetermina jekk il-bagalji tal-istiva fihomx oġġetti pprojbiti jew le, għandhom jew jiġu rrifjutati jew jerġgħu jiġu skrinjati sa ma dak li jkun qiegħed iwettaq l-iskrinjar ikun sodisfatt.

5.1.2.

Tfittxija bl-idejn għandha tikkonsisti minn kontroll manwali bir-reqqa tal-bagalji, inkluż il-kontenut kollu tagħhom, sabiex jiġi żgurat b’mod raġonevoli li ma jkunx fihom oġġetti pprojbiti.

5.1.3.

Meta jintuża tagħmir tar-raġġi X jew bl-EDS, kwalunkwe oġġett ta’ densità li ma tħallix lil dak li jkun qiegħed iwettaq l-iskrinjar janalizza l-kontenut tal-bagalji għandu jagħti lok sabiex il-bagalji jiġu soġġetti għal metodu ieħor ta’ skrinjar.

5.1.4.

L-iskrinjar b’tagħmir ta’ individwazzjoni ta’ traċċi tal-isplussivi (ETD) għandu jikkonsisti mill-analiżi ta’ kampjuni meħuda kemm minn ġol-bagalji kif ukoll mill-parti ta’ barra tal-bagalji u mill-kontenut tagħhom. Il-kontenut jista’ jiġi soġġett ukoll għal tfittxija bl-idejn.

5.1.5.

L-awtorità xierqa tista’ toħloq kategoriji ta’ bagalji tal-istiva li, għal raġunijiet oġġettivi, għandhom ikunu soġġetti għal proċeduri speċjali ta’ skrinjar jew jistgħu jiġu eżentati mill-iskrinjar. Il-Kummissjoni għandha tiġi mgħarrfa dwar il-kategoriji maħluqa.

5.1.6.

L-iskrinjar tal-bagalji tal-istiva għandu jkun ukoll soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

5.2.1.

Il-passiġġieri ma għandux ikollhom aċċess għal bagalji tal-istiva skrinjati, sakemm ma jkunux il-bagalji tagħhom stess u jkunu taħt sorveljanza sabiex ikun żgurat li:

5.2.2.

Bagalji tal-istiva li ma jkunux ġew protetti minn interferenza mhux awtorizzata għandhom jerġgħu jiġu skrinjati mill-ġdid.

5.2.3.

Il-protezzjoni ta’ bagalji tal-istiva għandha tkun ukoll soġġetta għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

5.3.1.1.

Trasportatur tal-ajru għandu, waqt il-proċess li tulu l-passiġġieri jkunu telgħin abbord, jiżgura li passiġġier jippreżenta karta tat-tlugħ valida jew l-ekwivalenti li tikkorrispondi mal-bagalji tal-istiva li sar iċ-check in tagħhom.

5.3.1.2.

Trasportatur tal-ajru għandu jiżgura li teżisti proċedura li tidentifika l-bagalji tal-istiva tal-passiġġieri li ma telgħux abbord jew li telqu mill-inġenju tal-ajru qabel it-tluq.

5.3.1.3.

Jekk il-passiġġier ma jkunx abbord l-inġenju tal-ajru, il-bagalji tal-istiva li jikkorrispondu mal-karta tat-tlugħ tiegħu jew l-ekwivalenti għandhom jitqiesu bħala mhux akkumpanjati.

5.3.1.4.

Trasportatur tal-ajru għandu jiżgura li kull oġġett li jinsab fil-bagalji tal-istiva mhux akkumpanjati jkun identifikabbli b’mod ċar bħala li huwa awtorizzat għat-trasport bl-ajru.

5.3.2.1.

Ir-raġuni għaliex il-bagalja tkun saret bagalja mhux akkumpanjata għandha tiġi rreġistrata qabel ma titgħabba fuq l-inġenju tal-ajru, sakemm ma jiġux applikati l-kontrolli tas-sigurtà msemmija fil-punt 5.3.3.

5.3.2.2.

Id-dispożizzjonijiet dettaljati addizzjonali dwar il-fatturi li l-passiġġieri ma għandhomx kontroll fuqhom huma stipulati f’Deċiżjoni separata li ħadet il-Kummissjoni.

5.3.3.1.

Bagalji tal-istiva mhux akkumpanjati li mhumiex koperti bil-punt 5.3.2 għandhom jiġu skrinjati permezz ta’ wieħed mill-metodi stipulati fil-punt 5.1.1 u, fejn applikabbli, bl-applikazzjoni tar-rekwiżiti addizzjonali stipulati f’Deċiżjoni separata li ħadet il-Kummissjoni.

5.3.3.2.

Bagalji tal-istiva li jsiru bagalji mhux akkumpanjati minħabba fatturi għajr dawk imsemmija fil-punt 5.3.2 għandhom jerġgħu jiġu skrinjati wara li jitneħħew mill-inġenju tal-ajru u qabel jerġgħu jitgħabbew.

5.3.3.3.

Id-dispożizzjonijiet dettaljati addizzjonali għal kontrolli tas-sigurtà xierqa għall-bagalji tal-istiva mhux akkumpanjati huma stipulati f’Deċiżjoni separata li ħadet il-Kummissjoni.

5.4.1.

Il-passiġġieri ma għandux ikollhom il-permess li jġorru l-oġġetti elenkati fid-Dokument Mehmuż 5-B fil-bagalji tal-istiva tagħhom.

5.4.2.

Tista’ tingħata eżenzjoni għall-punt 5.4.1 bil-kundizzjoni li:

5.4.3.

Il-passiġġieri għandhom jiġu mgħarrfa dwar l-oġġetti pprojbiti elenkati fid-Dokument Mehmuż 5-B qabel ma jitlesta ċ-check in.

—

munizzjon

—

mezzi detonaturi

—

detonaturi u miċeċ

—

mini, granadi u oġġetti splussivi militari oħra

—

logħob tan-nar u pirotekniki oħra

—

bombi tad-duħħan u stoċċijiet li jiġġeneraw id-dħaħen

—

dinamite, porvli u splussivi plastiċi

6.0.1.

L-awtorità, l-operatur tal-ajruport, it-trasportatur tal-ajru jew l-entità kif inhuma ddefinti f’dan il-kapitolu għandhom jiżguraw l-implimentazzjoni tal-miżuri stabbiliti f’dan il-kapitolu.

6.0.2.

Dawn li ġejjin għandhom jitqiesu bħala oġġetti pprojbiti f’kunsinni tal-merkanzija:

6.0.3.

Dawn li ġejjin għandhom jitqiesu bħala oġġetti pprojbiti f’kunsinni tal-posta:

6.1.1.

Il-merkanzija u l-posta kollha għandhom jiġu skrinjati minn aġent regolat qabel ma jitgħabbew fuq inġenju tal-ajru, sakemm:

6.1.2.

Kull meta jkun hemm raġuni sabiex wieħed jemmen li kunsinna li jkunu sarulha l-kontrolli tas-sigurtà ġiet imbgħabsa jew ma ġietx protetta minn interferenza mhux awtorizzata, din għandha tiġi skrinjata minn aġent regolat qabel ma titgħabba fuq l-inġenju tal-ajru.

6.1.3.

Persuna li jkollha aċċess mingħajr skorta għal merkanzija bl-ajru identifikabbli jew posta bl-ajru identifikabbli li għalihom ikunu ġew applikati il-kontrolli tas-sigurtà jeħtieġ li jkun sarilha jew kontroll tal-isfond jew kontroll ta’ qabel l-impjieg, b’eżitu pożittiv skont il-punt 11.1.

6.2.1.1.

Meta l-merkanzija jew il-posta tkun qiegħda tiġi skrinjata:

6.2.1.2.

Meta dak li jkun qiegħed iwettaq l-iskrinjar ma jistax ikun żgur b’mod raġonevoli li m’hemm l-ebda oġġett ipprojbit fil-kunsinna, il-kunsinna għandha tiġi rrifjutata jew terġa’ tiġi skrinjata sa ma dak li jkun qiegħed iwettaq l-iskrinjar ikun sodisfatt.

6.2.1.3.

L-iskrinjar tal-merkanzija u tal-posta għandu jkun ukoll soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

6.3.1.1.

Aġenti regolati għandhom ikunu approvati mill-awtorità xierqa.

L-approvazzjoni bħala aġent regolat għandha tkun speċifika għas-sit.

Kwalunkwe entità li tapplika l-kontrolli tas-sigurtà kif inhuma msemmija fil-punt 6.3.2 għandha tkun approvata bħala aġent regolat. Dan jinkludi fornituri ta’ servizzi ta’ loġistika li jkunu partijiet terzi responsabbli għall-magazzinaġġ integrat u servizzi tat-trasport, trasportaturi bl-ajru u aġenti tal-immaniġġar.

Aġent regolat jista’ jidħol f’sottokuntratt dwar:

6.3.1.2.

L-awtorità xierqa ta’ kull Stat Membru għandha tiddefinixxi fil-programm tas-sigurtà nazzjonali tal-avjazzjoni ċivili tagħha kif imsemmi fl-Artikolu 10 tar-Regolament (KE) Nru 300/2008, ir-responsabbiltajiet għall-implimentazzjoni tal-proċedura li ġejja dwar l-approvazzjoni ta’ aġenti regolati:

6.3.1.3.

Aġent irregolat għandu jinnomina tal-anqas persuna waħda f’kull sit li għandha tkun responsabbli għall-implimentazzjoni tal-programm tas-sigurtà li jkun ġie sottomess. Jeħtieġ li din il-persuna jkun sarilha kontroll tal-isfond b’eżitu pożittiv skont il-punt 11.1.

6.3.1.4.

Aġent regolat għandu jerġa’ jiġi vvalidat mill-ġdid f’intervalli regolari li ma jaqbżux il-ħames (5) snin. Dan għandu jinkludi verifika fuq il-post sabiex jiġi vvalutat jekk l-aġent regolat għadux konformi mar-rekwiżiti tar-Regolament (KE) Nru 300/2008 u mal-atti tal-implimentazzjoni tiegħu.

Spezzjoni fuq il-post ta’ aġent regolat mill-awtorità xierqa skont il-programm nazzjonali tiegħu tal-kontroll tal-kwalità tista’ titqies bħala verifika fuq il-post, sakemm din tkun tkopri r-rekwiżiti kollha meħtieġa għall-approvazzjoni.

6.3.1.5.

Jekk l-awtorità xierqa ma tibqax sodisfatta fir-rigward tal-konformità tal-aġent regolat mar-rekwiżiti tar-Regolament (KE) Nru 300/2008 u mal-atti tal-implimentazzjoni tiegħu, għandha tirtira l-istatus ta’ aġent regolat għas-sit(i) speċifiku/ċi.

Immedjatament wara l-irtirar, u f’kull każ fi żmien 24 siegħa, l-awtorità xierqa għandha tiżgura li l-bidla fl-istatus tal-aġent hija indikata fil-“bażi tad-dejta tal-KE tal-aġenti regolati u l-kunsinnaturi magħrufa”.

6.3.1.6.

Mingħajr preġudizzju għad-dritt ta’ kull Stat Membru li japplika miżuri aktar stretti skont l-Artikolu 6 tar-Regolament (KE) Nru 300/2008, aġent regolat approvat skont il-punt 6.3 għandu jkun rikonoxxut fl-Istati Membri kollha.

6.3.1.7.

Ir-rekwiżiti tal-punt 6.3.1, għajr il-punt 6.3.1.2 (d), ma għandhomx japplikaw meta l-awtorità xierqa stess tkun se tiġi approvata bħala aġent regolat.

6.3.2.1.

Meta jaċċetta kwalunkwe kunsinna, aġent regolat għandu jistabbilixxi jekk l-entità li mingħandha jkun irċieva l-kunsinna hijiex aġent regolat, kunsinnatur magħruf, kunsinnatur in konto jew l-ebda wieħed minn dawn.

6.3.2.2.

Il-persuna li twassal il-kunsinni għand l-aġent regolat jew it-trasportatur tal-ajru għandha tippreżenta karta tal-identità, passaport, liċenzja tas-sewqan jew dokument ieħor, li jkun jinkludi ritratt tiegħu jew tagħha u li jkun inħareġ jew li huwa rikonoxxut mill-awtorità nazzjonali. Il-karta jew id-dokument għandhom jintużaw biex tkun stabbilita l-identità tal-persuna li twassal il-kunsinni.

6.3.2.3.

Meta jaċċetta kunsinni li għalihom ma jkunux ġew applikati minn qabel il-kontrolli tas-sigurtà kollha meħtieġa, l-aġent regolat għandu jiżgura li jkunu ġew skrinjati skont il-punt 6.2.

6.3.2.4.

Wara li jkunu ġew applikati l-kontrolli kollha tas-sigurtà msemmija fil-punti 6.3.2.1 sa 6.3.2.3 ta’ dan ir-Regolament u l-punt 6.3 f’Deċiżjoni separata li ħadet il-Kummissjoni, l-aġent regolat għandu jiżgura li:

6.3.2.5.

Wara li jkunu ġew applikati l-kontrolli kollha tas-sigurtà msemmija fil-punti 6.3.2.1 sa 6.3.2.4 ta’ dan ir-Regolament, l-aġent regolat għandu jiżgura li kwalunkwe kunsinna ppreżentata lil trasportatur tal-ajru jew lil aġent regolat ieħor ikollha mehmuża magħha d-dokumentazzjoni xierqa, jew fil-forma ta’ airway bill jew f’dikjarazzjoni separata u jew f’forma elettronika jew bil-miktub.

6.3.2.6.

Id-dokumentazzjoni għandha tkun disponibbli għal spezzjoni mill-awtorità xierqa fi kwalunkwe ħin qabel ma l-kunsinna titgħabba fuq l-inġenju tal-ajru u għandha tipprovdi t-tagħrif li ġej:

6.3.2.7.

Fil-każ ta’ konsolidazzjonijiet, se jitqies li r-rekwiżiti taħt il-punti 6.3.2.6 (c), (e), (f) u (g) se jkunu ntlaħqu, jekk l-aġent regolat ikun kapaċi jistabbilixxi n-natura tal-kontenut, ir-raġuni li għaliha jkun inħareġ l-istatus tas-sigurtà u/jew isem il-persuna li tkun ħarġet l-istatus tas-sigurtà u d-data u l-ħin ta’ meta jkun inħareġ, rispettivament, permezz ta’ traċċa li tista’ tiġi vverifikata fi kwalunkwe ħin qabel ma l-kunsinna titgħabba fuq l-inġenju tal-ajru u wara li titgħabba tul it-titjira jew għal 24 siegħa, skont liema minnhom ikun l-itwal.

6.3.2.8.

Meta jaċċetta kunsinni li għalihom ma jkunux ġew applikati minn qabel il-kontrolli tas-sigurtà kollha meħtieġa, l-aġent regolat jista’ jagħżel li ma japplikax il-kontrolli tas-sigurtà kif imsemmija fil-punt 6.3.2, iżda li jgħaddi l-kunsinni lil aġent regolat ieħor sabiex jiżgura l-applikazzjoni ta’ dawn il-kontrolli tas-sigurtà.

Il-kontrolli tas-sigurtà li għandhom jiġu applikati minn aġent regolat għandhom ikunu soġġetti wkoll għad-dispożizzjonijiet l-oħra stipulati f’Deċiżjoni separata li ħadet il-Kummissjoni.

6.4.1.1.

Kunsinnaturi magħrufa għandhom ikunu approvati mill-awtorità xierqa.

L-approvazzjoni bħala kunsinnatur magħruf għandha tkun speċifika għas-sit.

6.4.1.2.

L-awtorità xierqa ta’ kull Stat Membru għandha tiddefinixxi fil-programm tas-sigurtà nazzjonali tagħha tal-avjazzjoni ċivili kif imsemmi fl-Artikolu 10 tar-Regolament (KE) Nru 300/2008, ir-responsabbiltajiet għall-implimentazzjoni tal-proċedura li ġejja dwar l-approvazzjoni ta’ kunsinnaturi magħrufa:

6.4.1.3.

Kunsinnatur magħruf għandu jinnomina tal-anqas persuna waħda f’kull sit li għandha tkun responsabbli għall-applikazzjoni u s-sorveljanza tal-implimentazzjoni tal-kontrolli tas-sigurtà f’dak il-post. Din il-persuna jeħtieġ li jkun sarilha kontroll tal-isfond b’eżitu pożittiv.

6.4.1.4.

Kunsinnatur magħruf għandu jerġa’ jiġi vvalidat mill-ġdid f’intervalli regolari li ma jaqbżux il-ħames (5) snin. Dan għandu jinkludi verifika fuq il-post sabiex jiġi vvalutat jekk il-kunsinnatur magħruf għadux konformi mar-rekwiżiti tar-Regolament (KE) Nru 300/2008 u l-atti tal-implimentazzjoni tiegħu.

Spezzjoni mill-awtorità xierqa fil-bini ta’ kunsinnatur magħruf skont il-programm nazzjonali tiegħu tal-kontroll tal-kwalità tista’ titqies bħala verifika fuq il-post, sakemm din tkun tkopri l-oqsma kollha speċifikati fil-lista ta’ verifika tad-Dokument Mehmuż 6-C.

6.4.1.5.

Jekk l-awtorità xierqa ma tibqax sodisfatta fir-rigward tal-konformità tal-kunsinnatur magħruf mar-rekwiżiti tar-Regolament (KE) Nru 300/2008 u l-atti tal-implimentazzjoni tiegħu, għandha tirtira l-istat ta’ kunsinnatur magħruf għas-sit(i) speċifiku/ċi.

Eżatt wara l-irtirar, u f’kull każ fi żmien 24 siegħa, l-awtorità xierqa għandha tiżgura li l-bidla fl-istat tal-kunsinnatur tkun indikata fil-“bażi tad-dejta tal-KE tal-aġenti regolati u l-kunsinnaturi magħrufa”.

6.4.1.6.

Mingħajr preġudizzju għad-dritt ta’ kull Stat Membru li japplika miżuri aktar stretti skont l-Artikolu 6 tar-Regolament (KE) Nru 300/2008, kunsinnatur magħruf approvat skont il-punt 6.4 għandu jkun rikonoxxut fl-Istati Membri kollha.

Kunsinnaturi magħrufa approvati skont il-punt 6.4.1.2 (d) għandhom ikunu soġġetti wkoll għad-dispożizzjoni l-oħra stipulati fil-punt 6.4 ta’ Deċiżjoni separata li ħadet il-Kummissjoni.

6.4.2.1.

Kunsinnatur magħruf għandu jiżgura li:

Meta, għal kwalunkwe raġuni, dawn il-kontrolli tas-sigurtà ma jkunux ġew applikati għall-kunsinna, jew meta l-kunsinna ma tkunx oriġinat mingħand il-kunsinnatur magħruf għall-kont tiegħu stess, il-kunsinnatur magħruf għandu jindika dan b’mod ċar lill-aġent regolat sabiex ikun jista’ jiġi applikat il-punt 6.3.2.3.

6.4.2.2.

Il-kunsinnatur magħruf għandu jaċċetta li l-kunsinni li ma jkunux sarulhom il-kontrolli tas-sigurtà xierqa jiġu skrinjati skont il-punt 6.2.1.

6.5.1.

Il-kunsinnaturi in konto għandhom jiġu nnominati minn aġent regolat.

6.5.2.

Il-proċedura li ġejja għandha tapplika sabiex kunsinnatur jiġi nnominat bħala kunsinnatur in konto:

6.5.3.

L-aġent regolat għandu jżomm bażi tad-dejta bit-tagħrif imsemmi fil-punt 6.5.2 (c). Il-bażi tad-dejta għandha tkun disponibbli għal spezzjoni mill-awtorità xierqa.

6.5.4.

Jekk ma jkun hemm l-ebda attività fiċ-ċaqliq tal-merkanzija jew tal-posta bl-ajru fil-kont tal-kunsinnatur in konto fi żmien sentejn (2), l-istatus ta’ kunsinnatur in konto għandu jiskadi.

6.5.5.

Jekk l-awtorità xierqa jew l-aġent regolat ma jibqgħux sodisfatti fir-rigward tal-konformità tal-kunsinnatur in konto mal-istruzzjonijiet kif jinsabu fid-Dokument Mehmuż 6-D, l-aġent regolat għandu jirtira minnufih l-istatus ta’ kunsinnatur in konto.

6.5.6.

Meta, għal kwalunkwe raġuni, il-kontrolli tas-sigurtà speċifikati fl-“Istruzzjonijiet tas-sigurtà tal-avjazzjoni għall-kunsinnaturi in konto” ma jkunux ġew applikati għall-kunsinna, jew meta l-kunsinna ma tkunx oriġinat mingħand il-kunsinnatur in konto għall-kont tiegħu stess, il-kunsinnatur in konto għandu jindika dan b’mod ċar lill-aġent regolat sabiex ikun jista’ jiġi applikat il-punt 6.3.2.3.

6.6.1.1.

Sabiex jiġi żgurat li l-kunsinni li jkunu sarulhom il-kontrolli tas-sigurtà meħtieġa jkunu protetti minn interferenza mhux awtorizzata matul it-trasport:

6.6.1.2.

Il-punti 6.6.1.1 (b), (c) u (d) ma għandhomx japplikaw waqt it-trasport fiż-żona tal-ajru.

6.6.2.1.

Il-kunsinni tal-merkanzija u tal-posta li jkunu f’parti kritika għandhom jitqiesu bħala protetti minn interferenza mhux awtorizzata.

6.6.2.2.

Il-kunsinni tal-merkanzija u tal-posta li jkunu f’parti għajr parti kritika għandhom jitqiesu bħala protetti minn interferenza mhux awtorizzata jekk:

—

skont l-aħjar tagħrif u twemmin tiegħi, it-tagħrif li jinsab fil-programm tas-sigurtà tal-kumpanija huwa veru u preċiż,

—

il-prattiki u l-proċeduri stabbiliti f’dan il-programm tas-sigurtà se jiġu implimentati u se jinżammu fis-siti kollha koperti bil-programm,

—

dan il-programm tas-sigurtà se jiġi aġġustat u adattat sabiex ikun konformi ma’ kull bidla rilevanti futura fil-leġiżlazzjoni tal-KE, sakemm [isem il-kumpanija] ma tkunx avżat lil [isem l-awtorità xierqa] li ma tixtieqx tibqa’ fin-negozju bħala aġent regolat,

—

[isem il-kumpanija] se tgħarraf lil [isem l-awtorità xierqa] bil-miktub dwar:

—

sabiex tiġi żgurata konformità mal-leġiżlazzjoni rilevanti tal-KE, [isem il-kumpanija] se tikkoopera bis-sħiħ fl-ispezzjonijiet kollha, kif meħtieġ, u se tipprovdi aċċess għad-dokumenti kollha, kif jintalab mill-ispetturi,

—

[isem il-kumpanija] se tgħarraf lil [isem l-awtorità xierqa] dwar kwalunkwe ksur serju tas-sigurtà u dwar kwalunkwe ċirkustanza suspettuża li tista’ tkun rilevanti għas-sigurtà tal-merkanzija bl-ajru/posta bl-ajru, b’mod partikolari dwar kwalunkwe tentattiv ta’ ħabi ta’ oġġetti pprojbiti fil-kunsinni,

—

[isem il-kumpanija] se tiżgura li l-persunal kollu rilevanti jirċievi t-taħriġ xieraq u jkun konxju tar-responsabbiltajiet tiegħu għas-sigurtà taħt il-programm tas-sigurtà tal-kumpanija, u

—

[isem il-kumpanija] se tgħarraf lil [isem l-awtorità xierqa] jekk:

(a)

il-kunsinni għandhom jiġu ssiġillati qabel ma jiġu ttrasportati; u

(b)

jeħtieġ li jkun hemm qbil dwar id-dikjarazzjoni tat-trasportatur kif tinsab fid-Dokument Mehmuż 6-E min-naħa tat-trasportatur li jittrasporta f’isem il-kunsinnatur in konto.

(a)

ikunu sseparati minn kunsinni li jkun oriġina huwa stess; u

(b)

l-oriġini tkun indikata b’mod ċar fuq il-kunsinna jew fuq id-dokumentazzjoni mehmuża magħha.

—

[isem il-kumpanija] tikkonforma ma’ dawn l-istruzzjonijiet tas-sigurtà tal-avjazzjoni għall-kunsinnaturi in konto,

—

[isem il-kumpanija] tiżgura li dawn l-istruzzjonijiet jiġu kkomunikati lill-persunal li għandu aċċess għall-merkanzija bl-ajru/posta bl-ajru,

—

[isem il-kumpanija] iżżomm il-merkanzija bl-ajru/posta bl-ajru sikura sa ma tingħadda għand l-aġent regolat,

—

[isem il-kumpanija] taċċetta li l-kunsinni jistgħu jkunu soġġetti għall-kontrolli tas-sigurtà, inkluż l-iskrinjar, u

—

[isem il-kumpanija] taċċetta spezzjonijiet mingħajr avviż fil-bini tagħha mill-awtorità xierqa tal-Istat Membru fejn tinsab sabiex tivvaluta jekk [isem il-kumpanija] hijiex konformi ma’ dawn l-istruzzjonijiet.

—

Il-persunal kollu li jittrasporta din il-merkanzija bl-ajru/posta bl-ajru se jkun irċieva taħriġ ta’ għarfien dwar is-sigurtà,

—

L-integrità tal-persunal kollu li jiġi rreklutat li jkollu aċċess għall-merkanzija bl-ajru/posta bl-ajru se tkun ivverifikata. Din il-verifika għandha tinkludi tal-anqas kontroll tal-identità (jekk possibbli permezz ta’ karta tal-identità, liċenzja tas-sewqan jew passaport li jkollhom ritratt tal-persuna) u kontroll tal-curriculum vitae u/jew ir-referenzi pprovduti,

—

Il-kompartimenti għat-tagħbija fil-vetturi se jkunu ssiġġilatti jew imsakkra. Vetturi li jkollhom il-purtieri fil-ġnub tagħhom se jingħalqu b’mod sikur permezz tal-ħbula tat-TIR. Il-partijiet tat-tagħbija tat-trakkijiet bi pjattaforma għall-ġarr se jinżammu taħt osservazzjoni meta l-merkanzija bl-ajru tkun qiegħda tiġi ttrasportata,

—

Immedjatament qabel it-tagħbien, għandha ssir tiftixa fil-kompartiment tat-tagħbija u l-integrità ta’ din it-tiftixa għandha tinżamm sa ma jintemm it-tagħbien,

—

Kull sewwieq se jġorr miegħu l-karta tal-identità, il-passaport, il-liċenzja tas-sewqan jew dokument ieħor, li jkollu ritratt tal-persuna, li jkun inħareġ jew li jkun rikonoxxut mill-awtoritajiet nazzjonali,

—

Bejn il-ġbir u t-twassil, is-sewwieqa mhumiex se jieqfu f’postijiet li ma jkunux inklużi fl-iskeda. Meta dan ma jkunx jista’ jiġi evitat, is-sewwieq se jiċċekkja s-sigurtà tat-tagħbija u l-integrità tal-qofol u/jew tas-siġilli malli jasal lura. Jekk is-sewwieq jiskopri kwalunkwe evidenza ta’ interferenza, se jinnotifika lis-superviżur tiegħu u l-merkanzija bl-ajru/posta bl-ajru mhux se titwassal mingħajr notifika waqt it-twassil tagħha,

—

It-trasport mhux se jingħata b’kuntratt lil parti terza, sakemm il-parti terza ma jkollhiex hija wkoll ftehim ta’ trasportatur ma’ [l-istess isem ta’ hawn fuq tal-aġent regolat/il-kunsinnatur magħruf/il-kunsinnatur in konto, jew tal-awtorità xierqa li tkun approvat jew iċċertifikat lit-trasportatur], u

—

L-ebda servizz ieħor (eż. il-ħżin) mhuwa se jingħata b’kuntratt lil kwalunkwe parti oħra għajr aġent regolat jew entità li tkun ġiet iċċertifikata jew approvata u elenkata għad-dispożizzjoni ta’ dawn is-servizzi mill-awtorità xierqa.

7.1.1.

Qabel ma jitgħabbew fl-istiva ta’ inġenju tal-ajru, posta u materjali tat-trasportaturi bl-ajru se jiġu jew skrinjati jew inkella protetti skont il-kapitolu 5 jew se jkunu soġġetti għall-kontrolli tas-sigurtà u protetti skont il-kapitolu 6.

7.1.2.

Qabel ma jitgħabbew fi kwalunkwe parti ta’ inġenju tal-ajru għajr l-istiva, posta u materjali tat-trasportaturi bl-ajru għandhom jiġu skrinjati u protetti skont id-dispożizzjonijiet dwar il-bagalji tal-kabina fil-kapitolu 4.

7.1.3.

Posta u materjali tat-trasportaturi bl-ajru li se jitgħabbew fuq inġenju tal-ajru se jkunu soġġetti wkoll għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

7.2.1.

Materjali tat-trasportaturi bl-ajru li jintużaw għall-finijiet ta’ pproċessar tal-passiġġieri u l-bagalji u li jistgħu jintużaw biex jikkompromettu s-sigurtà tal-avjazzjoni għandhom ikunu protetti jew jinżammu taħt sorveljanza sabiex jiġi evitat aċċess mhux awtorizzat.

Iċ-check in magħmul mill-passiġġier innifsu u alternattivi applikabbli tal-Internet għall-użu mill-passiġġieri għandhom jitqiesu bħala aċċess awtorizzat għat-tali materjali.

7.2.2.

Il-materjali mormija li jistgħu jintużaw biex jiffaċilitaw aċċess mhux awtorizzat jew iressqu l-bagalji fiż-żona ta’ sigurtà jew fuq inġenju tal-ajru għandhom jinqerdu jew jiġu invalidati.

7.2.3.

Sistemi għall-kontroll tat-tluq u sistemi għaċ-check in għandhom ikunu mmaniġġati b’tali mod li jipprevjenu l-aċċess mhux awtorizzat.

Iċ-check in magħmul mill-passiġġier innifsu għandu jitqies bħala aċċess awtorizzat għat-tali sistemi.

8.0.1.

Sakemm ma jkunx iddikjarat mod ieħor, l-awtorità, l-operatur tal-ajruport, it-trasportatur tal-ajru jew l-entità responsabbli skont il-programm nazzjonali tas-sigurtà tal-avjazzjoni ċivili kif imsemmi fl-Artikolu 10 tar-Regolament (KE) Nru 300/2008 għandhom jiżguraw l-implimentazzjoni tal-miżuri stabbiliti f’dan il-kapitolu.

8.0.2.

Għall-fini ta’ dan il-kapitolu, “provvisti għal matul it-titjira” tfisser l-oġġetti kollha li huwa ppjanat li jittieħdu abbord l-inġenju tal-ajru għall-użu, il-konsum jew ix-xiri mill-passiġġieri jew l-ekwipaġġ matul it-titjira, għajr:

Għall-fini ta’ dan il-kapitolu, “fornitur regolat tal-provvisti għal matul it-titjira” tfisser fornitur li l-proċeduri tiegħu jilħqu r-regoli u l-istandards komuni tas-sigurtà li jkunu suffiċjenti sabiex jippermettu t-twassil tal-provvisti għal matul it-titjira direttament sal-inġenju tal-ajru.

Għall-fini ta’ dan il-kapitolu, “fornitur magħruf tal-provvisti għal matul it-titjira” tfisser fornitur li l-proċeduri tiegħu jilħqu r-regoli u l-istandards komuni tas-sigurtà li jkunu suffiċjenti sabiex jippermettu t-twassil tal-provvisti għal matul it-titjira għand trasportatur tal-ajru jew fornitur regolat, iżda mhux direttament sal-inġenju tal-ajru.

8.0.3.

Il-provvisti għandhom jitqiesu bħala provvisti għal matul it-titjira mill-waqt li jkunu identifikabbli bħala provvisti sabiex jittieħdu abbord inġenju tal-ajru għall-użu, il-konsum jew ix-xiri mill-passiġġieri jew l-ekwipaġġ matul it-titjira.

8.1.1.1.

Il-provvisti għal matul it-titjira għandhom jiġu skrinjati qabel ma jittieħdu f’żona ta’ sigurtà ristretta, sakemm:

8.1.1.2.

Kwalunkwe provvista għal matul it-titjira li tasal mingħand aġent regolat jew fornitur magħruf li turi sinjali ta’ tbagħbis jew fejn ikun hemm x’jagħti ‘l wieħed x’jifhem li ma kinitx protetta minn interferenza mhux awtorizzata mill-waqt li l-kontrolli tas-sigurtà jkunu ġew applikati, għandha tiġi skrinjata.

8.1.1.3.

Il-kontrolli tas-sigurtà tal-provvisti għal matul it-titjira għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

8.1.2.1.

Meta l-provvisti għal matul it-titjira jiġu skrinjati, il-mezz jew il-metodu użat għandu jqis in-natura tal-provvisti u għandu jkun ta’ standard suffiċjenti sabiex jiżgura b’mod raġonevoli li l-ebda oġġett ipprojbit ma jkun moħbi fil-provvisti.

8.1.2.2.

L-iskrinjar tal-provvisti għal matul it-titjira għandhom ikunu wkoll soġġetti għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

8.1.3.1.

Fornituri regolati għandhom ikunu approvati mill-awtorità xierqa.

L-approvazzjoni bħala fornitur regolat għandha tkun speċifika għas-sit.

Kwalunkwe entità li tiżgura li l-kontrolli tas-sigurtà kif inhuma msemmija fil-punt 8.1.5 u li twassal il-provvisti għal matul it-titjira direttament sal-inġenju tal-ajru għandha tiġi approvata bħala fornitur regolat. Dan ma għandux japplika għal trasportatur tal-ajru li japplika dawn il-kontrolli tas-sigurtà huwa stess u li jwassal il-provvisti sal-inġenju tal-ajru tiegħu stess.

8.1.3.2.

L-awtorità xierqa ta’ kull Stat Membru għandha tiddefinixxi fil-programm tas-sigurtà nazzjonali tal-avjazzjoni ċivili tagħha kif imsemmi fl-Artikolu 10 tar-Regolament (KE) Nru 300/2008, ir-responsabbiltajiet għall-implimentazzjoni tal-proċedura li ġejja dwar l-approvazzjoni ta’ fornituri regolati:

8.1.3.3.

Fornitur regolat għandu jerġa’ jiġi vvalidat mill-ġdid f’intervalli regolari li ma jaqbżux il-ħames (5) snin. Dan għandu jinkludi verifika fil-post sabiex jiġi vvalutat jekk il-fornitur regolat għadux konformi mar-rekwiżiti tal-punt 8.1.5.

Spezzjoni fil-bini ta’ fornitur regolat mill-awtorità xierqa skont il-programm nazzjonali tiegħu tal-kontroll tal-kwalità tista’ titqies bħala verifika fuq il-post, sakemm din tkun tkopri r-rekwiżiti kollha tal-punt 8.1.5.

8.1.3.4.

Jekk l-awtorità xierqa ma tibqax sodisfatta fir-rigward tal-konformità tal-fornitur regolat mar-rekwiżiti tal-punt 8.1.5, għandha tirtira l-istatus ta’ fornitur regolat għas-siti speċifikati.

8.1.3.5.

Mingħajr preġudizzju għad-dritt ta’ kull Stat Membru li japplika miżuri aktar stretti skont l-Artikolu 6 tar-Regolament (KE) Nru 300/2008, fornitur regolat approvat skont il-punt 8.1.3 għandu jkun rikonoxxut fl-Istati Membri kollha.

8.1.4.1.

Kwalunkwe entità li tiżgura li l-kontrolli tas-sigurtà kif inhuma msemmija fil-punt 8.1.5.1 u li twassal il-provvisti għal matul it-titjira, iżda mhux direttament sal-inġenju tal-ajru, għandha tiġi nnominata bħala fornitur magħruf mill-kumpanija li l-entità tkun qiegħda tforni. Dan ma għandux japplika għal fornitur regolat.

8.1.4.2.

Sabiex tiġi nnominata bħala fornitur magħruf, l-entità għandha tissottometti d-“Dikjarazzjoni tal-impenji – fornitur magħruf tal-provvisti għal matul it-titjira” kif tinsab fid-Dokument Mehmuż 8-B lil kull kumpanija li tforni. Din id-dikjarazzjoni għandha tiġi ffirmata mir-rappreżentant legali jew mill-persuna responsabbli għas-sigurtà.

Id-dikjarazzjoni ffirmata għandha tinżamm mill-kumpanija li l-fornitur magħruf ikun qiegħed iforni bħala mezz ta’ validazzjoni.

8.1.4.3.

Jekk ma jsir l-ebda forniment f’perjodu ta’ sentejn (2), l-istatus ta’ fornitur magħruf għandu jiskadi.

8.1.4.4.

Jekk l-awtorità xierqa jew il-kumpanija li l-fornitur magħruf iforni ma tibqax sodisfatta fir-rigward tal-konformità tal-fornitur magħruf mar-rekwiżiti tal-punt 8.1.5.1, il-kumpanija konċernata għandha tirtira l-istatus ta’ fornitur magħruf.

8.1.5.1.

It-trasportatur tal-ajru, il-fornitur regolat u l-fornitur magħruf tal-provvisti għal matul it-titjira għandhom:

Il-punt (e) ma għandux japplika għal waqt it-trasport li jsir fiż-żona tal-ajru.

8.1.5.2.

Il-kontrolli tas-sigurtà li għandhom jiġu applikati minn trasportatur tal-ajru jew minn fornitur regolat għandhom ikunu soġġetti wkoll għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

—

skont l-aħjar tagħrif u twemmin tiegħi, it-tagħrif li jinsab fil-programm tas-sigurtà tal-kumpanija huwa veru u preċiż;

—

il-prattiki u l-proċeduri stabbiliti f’dan il-programm tas-sigurtà se jiġu implimentati u se jinżammu fis-siti kollha koperti bil-programm;

—

dan il-programm tas-sigurtà se jiġi aġġustat u adattat sabiex ikun konformi ma’ kull bidla rilevanti futura fil-leġiżlazzjoni tal-KE, sakemm [isem il-kumpanija] ma tkunx avżat lil [isem l-awtorità xierqa] li ma tixtieqx tibqa’ twassal il-provvisti għal matul it-titjira direttament sal-inġenju tal-ajru (u għaldaqstant ma tixtieqx tibqa’ fin-negozju bħala fornitur regolat);

—

[isem il-kumpanija] se tgħarraf lil [isem l-awtorità xierqa] bil-miktub dwar:

—

sabiex tiġi żgurata konformità mal-leġiżlazzjoni tal-KE rilevanti, [isem il-kumpanija] se tikkoopera bis-sħiħ fl-ispezzjonijiet kollha, kif meħtieġ, u se tipprovdi aċċess għad-dokumenti kollha, kif jintalab mill-ispetturi;

—

[isem il-kumpanija] se tgħarraf lil [isem l-awtorità xierqa] dwar kwalunkwe ksur serju tas-sigurtà u dwar kwalunkwe ċirkustanza suspettuża li tista’ tkun rilevanti għas-sigurtà tal-provvisti għal matul it-titjira, b’mod partikolari dwar kwalunkwe tentattiv ta’ ħabi ta’ oġġetti pprojbiti fil-provvisti;

—

[isem il-kumpanija] se tiżgura li l-persunal kollu rilevanti jirċievi t-taħriġ xieraq u jkun konxju mir-responsabbiltajiet tiegħu għas-sigurtà taħt il-programm tas-sigurtà tal-kumpanija; u

—

[isem il-kumpanija] se tgħarraf lil [isem l-awtorità xierqa] jekk:

—

[isem il-kumpanija] tikkonforma mar-rekwiżiti tal-leġiżlazzjoni tal-KE;

—

sabiex tiġi żgurata konformità mal-leġiżlazzjoni rilevanti tal-KE, [isem il-kumpanija] se tikkoopera bis-sħiħ fl-ispezzjonijiet kollha, kif meħtieġ, u se tipprovdi aċċess għad-dokumenti kollha, kif jintalab mill-ispetturi;

—

[isem il-kumpanija] se tgħarraf lil [isem it-trasportatur tal-ajru jew tal-fornitur regolat li tforni bil-provvisti għal matul it-titjira] dwar kwalunkwe ksur serju tas-sigurtà u dwar kwalunkwe ċirkustanza suspettuża li tista’ tkun rilevanti għas-sigurtà tal-provvisti għal matul it-titjira, b’mod partikolari dwar kwalunkwe tentattiv ta’ ħabi ta’ oġġetti pprojbiti fil-provvisti;

—

[il-kumpanija] se tiżgura li l-persunal kollu rilevanti jirċievi t-taħriġ xieraq u jkun konxju mir-responsabbiltajiet tiegħu għas-sigurtà; u

—

[isem il-kumpanija] se tgħarraf [lit-trasportatur tal-ajru jew lill-fornitur regolat li tforni bil-provvisti għal matul it-titjira] jekk:

9.0.1.

Sakemm ma jkunx iddikjarat mod ieħor jew sakemm l-implimentazzjoni tal-iskrinjar ma tkunx ġiet skrinjata minn awtorità jew entità, operatur ta’ ajruport għandu jiżgura l-implimentazzjoni tal-miżuri stabbiliti f’dan il-kapitolu.

9.0.2.

Għall-fini ta’ dan il-kapitolu,

9.0.3.

Il-provvisti għandhom jitqiesu bħala provvisti tal-ajruporti mill-waqt li jsiru identifikabbli bħala provvisti biex jinbiegħu, jintużaw jew ikunu disponibbli f’żoni ta’ sigurtà ristretta tal-ajruporti.

9.1.1.1.

Il-provvisti tal-ajruporti għandhom jiġu skrinjati qabel ma jitħallew jidħlu fiż-żoni ta’ sigurtà ristretta, sakemm il-provvisti ma jkunux sarulhom il-kontrolli tas-sigurtà minn fornitur magħruf u l-provvisti ma jkunux ġew protetti minn interferenza mhux awtorizzata mill-waqt li jkunu ġew applikati dawk il-kontrolli sa ma jittieħdu fiż-żona ta’ sigurtà.

9.1.1.2.

Il-provvisti tal-ajruport li joriġinaw fiż-żona ta’ sigurtà jistgħu jiġu eżentati minn dawn il-kontrolli tas-sigurtà.

9.1.1.3.

Kwalunkwe provvista tal-ajruport li tasal mingħand fornitur magħruf li turi sinjali ta’ tbagħbis jew fejn ikun hemm x’jagħti ‘l wieħed x’jifhem li ma kinitx protetta minn interferenza mhux awtorizzata mill-waqt li l-kontrolli tas-sigurtà jkunu ġew applikati, għandha tiġi skrinjata.

9.1.1.4.

Malli jitwasslu fil-ħanut fiż-żona ta’ sigurtà, il-persunal tal-ħanut għandu jwettaq kontroll viżiv tal-provvisti tal-ajruport sabiex jiżgura li ma jkun hemm l-ebda sinjali ta’ tbagħbis.

9.1.2.1.

Meta l-provvisti tal-ajruport jiġu skrinjati, il-mezz jew il-metodu użat għandu jqis in-natura tal-provvista u għandu jkun ta’ standard suffiċjenti sabiex jiżgura b’mod raġonevoli li l-ebda oġġett pprojbit ma jkun moħbi fil-provvista.

9.1.2.2.

L-iskrinjar tal-provvisti tal-ajruporti għandu jkun ukoll soġġett għad-dispożizzjonijiet addizzjonali stipulati f’Deċiżjoni separata li ħadet il-Kummissjoni.

9.1.3.1.

Kwalunkwe entità li tiżgura li l-kontrolli tas-sigurtà kif inhuma msemmija fil-punt 9.1.4 u li twassal il-provvisti tal-ajruport għandha tiġi nnominata bħala fornitur magħruf mill-operatur tal-ajruport.

9.1.3.2.

Sabiex tiġi nnominata bħala fornitur magħruf, l-entità għandha tissottometti d-“Dikjarazzjoni tal-impenji – fornitur magħruf tal-provvisti tal-ajruport” kif jinsabu fid-Dokument Mehmuż 9-A lill-operatur tal-ajruport. Din id-dikjarazzjoni għandha tiġi ffirmata mir-rappreżentant legali jew mill-persuna responsabbli għas-sigurtà.

Id-dikjarazzjoni ffirmata għandha tinżamm mill-operatur tal-ajruport bħala mezz ta’ validazzjoni.

9.1.3.3.

Jekk l-entità ma twassal xejn f’perjodu ta’ sentejn (2), l-istatus ta’ fornitur magħruf għandu jiskadi.

9.1.3.4.

Jekk l-awtorità xierqa jew l-operatur tal-ajruport ma jibqgħux sodisfatti fir-rigward tal-konformità tal-fornitur magħruf mar-rekwiżiti tal-punt 9.1.4, l-operatur tal-ajruport għandu jirtira l-istatus ta’ fornitur magħruf.

(a)

jinnomina persuna fil-kumpanija li tkun responsabbli għas-sigurtà; u

(b)

jiżgura li l-persuni b’aċċess għall-provvisti tal-ajruport jirċievu taħriġ ta’ għarfien dwar is-sigurtà qabel ma jingħataw aċċess għal dawn il-provvisti; u

(c)

jevita aċċess mhux awtorizzat fil-bini tiegħu u għall-provvisti tal-ajruport; u

(d)

jiżgura b’mod raġonevoli li l-ebda oġġett ipprojbit ma jkun moħbi fil-provvisti tal-ajruport; u

(e)

japplika siġilli li juru sinjali tat-tbagħbis fil-vetturi kollha u/jew fil-kontejners li jittrasportaw il-provvisti tal-ajruporti jew jipproteġuhom fiżikament.

—

[isem il-kumpanija] tikkonforma mar-rekwiżiti tal-leġiżlazzjoni tal-KE;

—

sabiex tiġi żgurata konformità mal-leġiżlazzjoni rilevanti tal-KE, [isem il-kumpanija] se tikkoopera bis-sħiħ fl-ispezzjonijiet kollha, kif meħtieġ, u se tipprovdi aċċess għad-dokumenti kollha, kif jintalab mill-ispetturi;

—

[isem il-kumpanija] se tgħarraf lil [isem l-awtorità xierqa u l-operatur tal-ajruport] dwar kwalunkwe ksur serju tas-sigurtà u dwar kwalunkwe ċirkustanza suspettuża li tista’ tkun rilevanti għas-sigurtà tal-provvisti għall-ajruporti, b’mod partikolari dwar kwalunkwe tentattiv ta’ ħabi ta’ oġġetti pprojbiti fil-provvisti;

—

[il-kumpanija] se tiżgura li l-persunal kollu rilevanti jirċievi t-taħriġ xieraq u jkun konxju mir-responsabbiltajiet tiegħu għas-sigurtà; u

—

[isem il-kumpanija] se tgħarraf lil [isem l-operatur tal-ajruport] jekk:

11.0.1.

L-awtorità, l-operatur tal-ajru, it-trasportatur tal-ajru jew l-entità li jimmobilizzaw il-persuni li jimplimentaw, jew li jkunu responsabbli għall-implimentazzjoni skont il-programm nazzjonali tas-sigurtà tal-avjazzjoni ċivili kif imsemmi fl-Artikolu 10 tar-Regolament (KE) Nru 300/2008 għandhom jiżguraw li dawn il-persuni jissodisfaw l-istandards stabbiliti f’dan il-kapitolu.

11.0.2.

Għall-fini ta’ dan il-kapitolu, “ċertifikazzjoni” tfisser evalwazzjoni formali u konferma minn jew f’isem l-awtorità xierqa li tindika li l-persuna wettqet b’suċċess it-taħriġ rilevanti u li l-persuna għandha l-kompetenzi meħtieġa biex twettaq il-funzjonijiet assenjati lilha f’livell aċċettabbli.

11.0.3.

Għall-finijiet ta’ dan il-kapitolu, “stat tar-residenza” għandu jkun kwalunkwe pajjiż fejn il-persuna tkun ilha residenti b’mod kontinwu għal sitt (6) xhur jew aktar u “vojt” fir-reġistru tal-edukazzjoni jew tax-xogħol għandu jfisser kwalunkwe vojt ta’ aktar minn 28 jum.

11.0.4.

Il-kompetenzi li persuni jiksbu qabel ir-reklutaġġ għandhom jitqiesu meta tkun qiegħda tiġi vvalutata kwalunkwe ħtieġa ta’ taħriġ taħt din it-taqsima.

11.1.1.

Persuni li jiġu rreklutati biex jimplimentaw, jew biex ikunu responsabbli għall-implimentazzjoni ta’, skrinjar, kontroll fuq l-aċċess jew kontrolli tas-sigurtà f’żona ta’ sigurtà għandu jkun sarilhom kontroll tal-isfond b’eżitu pożittiv.

11.1.2.

Persuni li jiġu rreklutati biex jimplimentaw, jew biex ikunu responsabbli għall-implimentazzjoni ta’, skrinjar, kontroll fuq l-aċċess jew kontrolli tas-sigurtà f’post ieħor għajr f’żona ta’ sigurtà għandu jkun sarilhom kontroll tal-isfond jew kontroll ta’ qabel l-impjieg b’eżitu pożittiv. Sakemm ma jkunx speċifikat mod ieħor f’dan ir-Regolament, l-awtorità xierqa skont ir-regoli nazzjonali applikabbli għandha tiddetermina jekk għandux jitwettaq kontroll tal-isfond jew kontroll ta’ qabel l-impjieg.

11.1.3.

Skont ir-regoli Komunitarji u nazzjonali, kontroll tal-isfond għandu tal-anqas:

11.1.4.

Skont ir-regoli Komunitarji u nazzjonali, kontroll ta’ qabel l-impjieg għandu:

11.1.5.

Kontrolli tal-isfond jew ta’ qabel l-impjieg għandhom isiru qabel ma l-persuna tattendi kwalunkwe taħriġ tas-sigurtà li jinvolvi aċċess għat-tagħrif li ma jkunx disponibbli pubblikament.

11.1.6.

Il-proċess tar-reklutaġġ għall-persuni kollha li jiġu rreklutati taħt il-punti 11.1.1 u 11.1.2 għandu jinkludi tal-anqas applikazzjoni bil-miktub u stadju li jinkludi intervista mfassla sabiex tipprovdi valutazzjoni inizjali tal-ħiliet u l-attitudni.

11.1.7.

Il-persuni li jiġu rreklutati biex jimplimentaw il-kontrolli tas-sigurtà għandu jkollhom il-ħiliet mentali u fiżiċi u l-attitudni meħtieġa biex iwettqu l-ħidmiet assenjati lilhom b’mod effikaċi u għandhom jkunu konxji tan-natura ta’ dawn ir-rekwiżiti mill-bidu nett tal-proċess tar-reklutaġġ.

Dawn il-ħiliet u din l-attitudni għandhom jiġu vvalutati matul il-proċess tar-reklutaġġ u qabel jintemm kwalunkwe perjodu ta’ prova.

11.1.8.

Ir-reġistri tar-reklutaġġ, inklużi r-riżultati ta’ kwalunkwe test ta’ valutazzjoni, għandhom jinżammu għall-persuni kollha rreklutati taħt il-punti 11.1.1 u 11.1.2 tal-anqas matul id-dewmien tal-kuntratt tagħhom.

11.2.1.1.

Il-persuni għandhom ikunu temmew b’suċċess it-taħriġ rilevanti qabel ma jiġu awtorizzati jimplimentaw il-kontrolli tas-sigurtà mingħajr sorveljanza.

11.2.1.2.

It-taħriġ tal-persuni li jwettqu l-ħidmiet elenkati fil-punti 11.2.3.1 sa 11.2.3.5 u l-punt 11.2.4 għandu jinkludi elementi teoretiċi, prattiċi u ta’ taħriġ fuq il-post tax-xogħol.

11.2.1.3.

Il-kontenut tal-korsijiet għandu jiġi speċifikat jew approvat mill-awtorità xierqa qabel ma:

Taħriġ ibbażat fuq il-kompjuter jista’ jintuża bl-appoġġ jew mingħajr l-appoġġ ta’ dak li jħarreġ jew ta’ kowċ.

11.2.1.4.

Ir-reġistri tat-taħriġ għandhom jinżammu għall-persuni kollha mħarrġa tal-anqas matul id-dewmien tal-kuntratt tagħhom.

(a)

għarfien dwar atti preċedenti ta’ interferenza illeċita fl-avjazzjoni ċivili, atti terrostiċi u theddid attwali;

(b)

għarfien dwar il-qafas legali għas-sigurtà tal-avjazzjoni;

(c)

għarfien dwar l-għanijiet u l-organizzazzjoni tas-sigurtà tal-avjazzjoni, inklużi l-obbligi u r-responsabbiltajiet tal-persuni li jimplimentaw il-kontrolli tas-sigurtà;

(d)

għarfien dwar il-proċeduri tal-kontroll fuq l-aċċess;

(e)

għarfien dwar is-sistemi tal-karti tal-identifikazzjoni li jintużaw fl-ajruport;

(f)

għarfien dwar il-proċeduri sabiex persuni jiġu kkontrollati u taċ-ċirkustanzi li fihom persuni għandhom jiġu ċċalinġjati jew irrappurtati;

(g)

għarfien dwar il-proċeduri tar-rappurtar;

(h)

il-ħila li jiġu identifikati oġġetti pprojbiti;

(i)

il-ħila li jkun hemm reazzjoni xierqa għal inċidenti relatati mas-sigurtà;

(j)

għarfien dwar kif l-imġiba u r-reazzjonijiet tal-bniedem jistgħu jaffettwaw il-prestazzjoni tas-sigurtà; u

(k)

il-ħila li wieħed jikkomunika b’mod ċar u kunfidenti.

11.2.3.1.

Taħriġ speċifiku ta’ persuni li jimplimentaw l-iskrinjar tal-persuni, il-bagalji tal-kabina, l-oġġetti li jinġarru u l-bagalji tal-istiva għandu jirriżulta fil-kompetenzi li ġejjin:

11.2.3.2.

It-taħriġ tal-persuni li jimplimentaw l-iskrinjar ta’ merkanzija u posta għandu jirriżulta fil-kompetenzi li ġejjin:

11.2.3.3.

It-taħriġ tal-persuni li jimplimentaw l-iskrinjar ta’ posta u materjali tat-trasportaturi tal-ajru, provvisti għal matul it-titjira u provvisti tal-ajruport għandu jirriżulta fil-kompetenzi li ġejjin:

11.2.3.4.

Taħriġ speċifiku ta’ persuni li jwettqu l-eżamijiet tal-vetturi għandu jirriżulta fil-kompetenzi li ġejjin:

11.2.3.5.

Taħriġ speċifiku għall-persuni li jimplimentaw il-kontroll fuq l-aċċess f’ajruport kif ukoll is-sorveljanza u l-għassa għandu jirriżulta fil-kompetenzi li ġejjin:

11.2.3.6.

It-taħriġ tal-persuni li jimplimentaw it-tfittxijiet ta’ sigurtà tal-inġenju tal-ajru għandu jirriżulta fil-kompetenzi li ġejjin:

11.2.3.7.

It-taħriġ tal-persuni li jimplimentaw il-protezzjoni tal-inġenju tal-ajru għandu jirriżulta fil-kompetenzi li ġejjin:

11.2.3.8.

It-taħriġ tal-persuni li jimplimentaw it-tqabbil tal-bagalji għandu jirriżulta fil-kompetenzi li ġejjin:

11.2.3.9.

It-taħriġ tal-persuni li jimplimentaw il-kontrolli tas-sigurtà għall-merkanzija u l-posta għajr l-iskrinjar, jew li jkollhom aċċess għal merkanzija bl-ajru identifikabbli jew posta bl-ajru identifikabbli, għandu jirriżulta fil-kompetenzi li ġejjin: