EUR-Lex Access to European Union law
This document is an excerpt from the EUR-Lex website
Document 32009D0451
2009/451/EC: Commission Decision of 8 June 2009 on the intention of the United Kingdom to accept Council Regulation (EC) No 4/2009 on jurisdiction, applicable law, recognition and enforcement of decisions and cooperation in matters relating to maintenance obligations (notified under document number C(2009) 4427)
2009/451/KE: Deċiżjoni tal-Kummissjoni tat- 8 ta' Ġunju 2009 dwar l-intenzjoni tar-Renju Unit biex taċċetta ir-Regolament tal-Kunsill (KE) Nru 4/2009 dwar il-ġuriżdizzjoni, il-liġi applikabbli, ir-rikonoxximent u l-eżekuzzjoni tad-deċiżjonijiet u l-kooperazzjoni f’materji relatati ma’ obbligi ta’ manteniment (notifikata taħt id-dokument numru C(2009) 4427)
2009/451/KE: Deċiżjoni tal-Kummissjoni tat- 8 ta' Ġunju 2009 dwar l-intenzjoni tar-Renju Unit biex taċċetta ir-Regolament tal-Kunsill (KE) Nru 4/2009 dwar il-ġuriżdizzjoni, il-liġi applikabbli, ir-rikonoxximent u l-eżekuzzjoni tad-deċiżjonijiet u l-kooperazzjoni f’materji relatati ma’ obbligi ta’ manteniment (notifikata taħt id-dokument numru C(2009) 4427)
OJ L 149, 12.6.2009, p. 73–73
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 19 Volume 013 P. 132 - 132
In force
12.6.2009 |
MT |
Il-Ġurnal Uffiċjali tal-Unjoni Ewropea |
L 149/73 |
DEĊIŻJONI TAL-KUMMISSJONI
tat-8 ta' Ġunju 2009
dwar l-intenzjoni tar-Renju Unit biex taċċetta ir-Regolament tal-Kunsill (KE) Nru 4/2009 dwar il-ġuriżdizzjoni, il-liġi applikabbli, ir-rikonoxximent u l-eżekuzzjoni tad-deċiżjonijiet u l-kooperazzjoni f’materji relatati ma’ obbligi ta’ manteniment
(notifikata taħt id-dokument numru C(2009) 4427)
(2009/451/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea, u b’mod partikolari l-Artikolu 11a tiegħu,
Wara li kkunsidrat l-ittra mir-Renju Unit lill-Kunsill u lill-Kummisjoni tal-15 ta’ Jannar 2009,
Billi:
(1) |
Fit-18 ta’ Diċembru 2008 il-Kunsill adotta Regolament (KE) Nru 4/2009 dwar il-ġuriżdizzjoni, il-liġi applikabbli, ir-rikonoxximent u l-eżekuzzjoni ta’ deċiżjonijiet u l-kooperazzjoni fi kwistjonijiet relatati mal-obbligi tal-manteniment (1). |
(2) |
Skont l-Artikolu 1 tal-Protokoll dwar il-pożizzjoni tar-Renju Unit u l-Irlanda, anness mat-Trattat tal-Unjoni Ewropea u mat-Trattat li jistabbilixxi l-Komunita Ewropea, ir-Renju Unit ma pparteċipax fl-adozzjoni tar-Regolament (KE) Nru 4/2009. |
(3) |
Skont l-Artikolu 4 tal-imsemmi Protokoll, ir-Renju Unit innotifika lill-Kunsill u lill-Kummissjoni permezz ta’ ittra datata 15 ta’ Jannar 2009, li waslet għand il-Kummissjoni fis-17 ta’ Jannar 2009, bl-intenzjoni tiegħu li jaċċetta r-Regolament (KE) Nru 4/2009. |
(4) |
Fil-21 ta’ April 2009 il-Kummissjoni tat opinjoni pożittiva lill-Kunsill dwar l-intenzjoni tar-Renju Unit li jaċċetta r-Regolament (KE) Nru 4/2009, |
ADOTTAT DIN ID-DEĊIŻJONI:
Artikolu 1
Ir-Regolament (KE) Nru 4/2009 għandu japplika għar-Renju Unit skont l-Artikolu 2.
Artikolu 2
Ir-Regolament (KE) Nru 4/2009 għandu jidħol fis-seħħ fir-Renju Unit fl-1 ta’ Lulju 2009.
L-Artikoli 2(2), l-Artikolu 47(3) u l-Artikoli 71, 72 u 73 tar-Regolament għandhom japplikaw mit-18 ta’ Settembru 2010.
Id-dispożizzjonjiet l-oħra tar-Regolament għandhom jibdew japplikaw mit-18 ta’ Ġunju 2011, bla ħsara għall-Protokoll tal-Aja tal-2007 dwar il-liġi applikabbli għall-obbligi tal-manteniment applikabbli fil-Komunità f’dik id-data. Fin-nuqqas ta’ dan, ir-Regolament għandu japplika mid-data tal-applikazzjoni tal-Protokoll fil-Komunità.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, 8 ta’ Ġunju 2009.
Għall-Kummissjoni
Jacques BARROT
Viċi President