EUR-Lex Access to European Union law
This document is an excerpt from the EUR-Lex website
Document 32006R1900
Regulation (EC) No 1900/2006 of the European Parliament and of the Council of 20 December 2006 amending Council Regulation (EEC) No 3922/91 on the harmonisation of technical requirements and administrative procedures in the field of civil aviation
Regolament (KE) Nru 1900/2006 tal-Parlament Ewropew u tal-Kunsill ta' l- 20 ta' Diċembru 2006 li jemenda r-Regolment tal-Kunsill (KEE) Nru 3922/91 dwar l-armonizzazzjoni tar-rekwiżiti tekniċi u tal-proċeduri amministrattivi fil-qasam ta' l-avjazzjoni ċivili
Regolament (KE) Nru 1900/2006 tal-Parlament Ewropew u tal-Kunsill ta' l- 20 ta' Diċembru 2006 li jemenda r-Regolment tal-Kunsill (KEE) Nru 3922/91 dwar l-armonizzazzjoni tar-rekwiżiti tekniċi u tal-proċeduri amministrattivi fil-qasam ta' l-avjazzjoni ċivili
OJ L 377, 27.12.2006, p. 176–177
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)
Special edition in Bulgarian: Chapter 07 Volume 017 P. 210 - 211
Special edition in Romanian: Chapter 07 Volume 017 P. 210 - 211
Special edition in Croatian: Chapter 07 Volume 025 P. 35 - 36
In force
|
27.12.2006 |
MT |
Il-Ġurnal Uffiċjali ta’ l-Unjoni Ewropea |
176 |
REGOLAMENT (KE) NRU 1900/2006 TAL-PARLAMENT EWROPEW U TAL-KUNSILL
ta' l-20 ta' Diċembru 2006
li jemenda r-Regolment tal-Kunsill (KEE) Nru 3922/91 dwar l-armonizzazzjoni tar-rekwiżiti tekniċi u tal-proċeduri amministrattivi fil-qasam ta' l-avjazzjoni ċivili
IL-PARLAMENT EWROPEW U L-KUNSILL TA' L-UNJONI EWROPEA
Wara li kkunsidraw it-Trattat li jistabbilixxi l-Kommunità Ewropea, u b'mod partikolari l-Artikolu 80(2) tiegħu,
Wara li ikkunsidraw il-proposta mill-Kummissjoni,
Wara li kkunsidraw l-opinjoni tal-Kumitat Ekonomiku u Soċjali Ewropew,
Wara li kkonsultaw lill-Kumitat tar-Reġjuni,
Bi qbil mal-proċedura stabbilita fl-Artikolu 251 tat-Trattat (1),
Billi:
|
(1) |
L-Anness III għar-Regolament (KEE) Nru 3922/91 (2) jipprovdi għal rekwiżiti tekniċi u proċeduri amministrattivi komuni, applikabbli għat-trasport kummerċjali bl-ajruplani. Dawk ir-rekwiżiti u proċeduri armonizzati japplikaw għall-ajruplani kollha użati mill-operaturi Komunitarji, kemm dawk irreġistrati fi Stat Membru kif ukoll f'pajjiż terz. |
|
(2) |
Il-miżuri neċessarji għall-implimentazzjoni tar-Regolament (KEE) Nru 3922/91 għandhom ikunu adottati bi qbil mad-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat ta' implimentazzjoni mogħtija lill-Kummissjoni (3). |
|
(3) |
B'mod partikolari, għandhom jiġu konferiti fuq il-Kummissjoni setgħat sabiex tistabbilixxi l-kondizzjonijiet li taħthom, kif ipprovdut fir-Regolament (KEE) Nru 3922/91, ir-rekwiżiti tekniċi u l-proċeduri amministrattivi mniżżla fl-Anness III jistgħu jiġu emendati jew supplimentati, jew Stat Membru jkun eżentat milli japplikahom. Peress li dawn il-miżuri huma ta' ambitu ġenerali u huma maħsuba biex jemendaw elementi mhux essenzjali ta' dak ir-Regolament, jew biex jissupplimentaw dak ir-Regolament biż-żieda ta' elementi mhux essenzjali, dawn għandom jiġu adottati skond il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE. |
|
(4) |
Meta, minħabba raġunijiet ta' urġenza imperattivi konnessi maż-żamma ta' livell suffiċjenti ta' sigurtà ta' l-ajru, l-iskadenzi normali għall-proċedura regolatorja bi skrutinju ma jkunux jistgħu jiġu rispettati, jeħtieġ li l-Kummissjoni jkollha s-setgħa li tapplika l-proċedura ta' urġenza li jipprovdi għaliha l-Artikolu 5(a)(6) tad-Deċiżjoni 1999/468/KE għall-adozzjoni ta' ċerti miżuri. |
|
(5) |
Ir-Regolament (KEE) Nru 3922/91 għandu għalhekk jiġi emendat f'dan is-sens, |
ADOTTAW DAN IR-REGOLAMENT:
Artikolu 1
Ir-Regolament (KEE) Nru 3922/91 huwa emendat kif ġej:
|
1) |
L-Artikolu 8 għandu jkun emendat kif ġej:
|
|
2) |
L-Artikolu 11 għandu jkun emendat kif ġej:
|
|
3) |
Il-paragrafu 12 għandu jiġi sostitwit b'dan li ġej: “Artikolu 12 1. Il-Kummissjoni għandha tkun assistita mill-Kumitat tas-Sigurtà ta' l-Ajru (minn hawn 'il quddiem imsejjaħ ‘il-Kumitat’). 2. Fejn issir referenza għal dan il-paragrafu, għandhom japplikaw l-Artikoli 5 u 7 tad-Deċiżjoni 1999/468/KE, skond id-dispożizzjonijiet ta' l-Artikolu 8 tagħha. Il-perjodu stabbilit fl-Artikolu 5(6) tad-Deċiżjoni 1999/468/KE għandu jkun stabbilit għal tliet xhur. 3. Fejn issir referenza għall-paragrafu preżenti, għandhom japplikaw l-Artikolu 5(a)(1) sa (4) u l-Artikolu 7 tad-Deċiżjoni 1999/468/KE, skond id-dispożizzjonijiet ta' l-Artikolu 8 tagħha. 4. F'każ fejn issir referenza għall-paragrafu preżenti, għandhom japplikaw l-Artikolu 5(a)(1), (2), (4) u (6), kif ukoll l-Artikolu 7 tad-Deċiżjoni 1999/468/KE, skond id-dispożizzjonijiet ta' l-Artikolu 8 tagħha.” |
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.
Magħmul fi Brussel, tad-20 ta' Diċembru 2006
Għall-Parlament Ewropew
Il-President
J. BORRELL FONTELLES
Għall-Kunsill
Il-President
J. KORKEAOJA
(1) Opinjoni tal-Parlament Ewropew tat-30 ta' Novembru 2006 (għadha mhijiex ippubblikata fil-Ġurnal Uffiċjali) u Deċiżjoni tal-Kunsill tad-19 ta' Diċembru 2006.
(2) ĠU L 373, 31.12.1991, p. 4. Regolament kif l-aħħar emendat minn regolament (KE) Nru 1899/2006 tal-Parlament Ewropew u tal-Kunsill. (Ara paġna 1 ta' dan il-Ġurnal Uffiċjali).
(3) ĠU L 184, 17.7.1999, p. 23. Deċiżjoni kif emendata bid-Deċiżjoni 2006/512/KE (ĠU L 200, 22.7.2006, p.11).