EUR-Lex Access to European Union law
This document is an excerpt from the EUR-Lex website
Document 32006L0075
Commission Directive 2006/75/EC of 11 September 2006 amending Council Directive 91/414/EEC to include dimoxystrobin as active substance (Text with EEA relevance)
Direttiva tal-Kummissjoni 2006/75/KE tal- 11 ta' Settembru 2006 li temenda d-Direttiva tal-Kunsill 91/414/KEE sabiex tinkludi d-dimoxystrobinu bħala sustanza attiva Test b’rilevanza għaż-ŻEE.
Direttiva tal-Kummissjoni 2006/75/KE tal- 11 ta' Settembru 2006 li temenda d-Direttiva tal-Kunsill 91/414/KEE sabiex tinkludi d-dimoxystrobinu bħala sustanza attiva Test b’rilevanza għaż-ŻEE.
OJ L 248, 12.9.2006, p. 3–5
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 314M, 1.12.2007, p. 203–205
(MT)
Special edition in Bulgarian: Chapter 03 Volume 075 P. 127 - 129
Special edition in Romanian: Chapter 03 Volume 075 P. 127 - 129
No longer in force, Date of end of validity: 13/06/2011
1.12.2007 |
MT |
Il-Ġurnal Uffiċjali ta’ l-Unjoni Ewropea |
203 |
DIRETTIVA TAL-KUMMISSJONI 2006/75/KE
tal-11 ta' Settembru 2006
li temenda d-Direttiva tal-Kunsill 91/414/KEE sabiex tinkludi d-dimoxystrobinu bħala sustanza attiva
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (1), u partikolarment l-Artikolu 6 (1) tagħha,
Billi:
(1) |
Skond l-Artikolu 6(2) tad-Direttiva 91/414/KEE, ir-Renju Unit irċieva applikazzjoni fit-28 ta' Novembru 2001 mill-BASF għall-inklużjoni tas-sustanza attiva dimoxystrobin fl-Anness I għad-Direttiva 91/414/KEE. Id-Deċiżjoni tal-Kummissjoni 2002/593/KE (2) kkonfermat li d-dossier kien “komplut” fis-sens li seta’ jkun ikkunsidrat bħala li jissodisfa, fil-prinċipju, il-kundizzjonijiet meħtieġa ta’ dejta u informazzjoni ta’ l-Annessi II u III tad-Direttiva 91/414/KEE. |
(2) |
Għal din is-sustanza attiva, l-effetti fuq is-saħħa umana u l-ambjent kienu ġew ivvalutati, skond id-dispożizzjonijiet ta' l-Artikolu 6 (2) u (4) tad-Direttiva 91/414/KEE, għall-użu kif propost mill-applikanti. L-Istat Membru rapporteur maħtur ressaq abbozz tar-rapport ta’ valutazzjoni li jikkonċerna s-sustanza dimoxyatrobin lill-Awtorita Ewropea għas-Sigurtà ta’ l-Ikel (EFSA) fl-14 ta’ Awissu 2003.rispettivament. |
(3) |
L-abbozz tar-rapport ta' evalwazzjoni għadda minn reviżjoni esperta mill-Istati Membri u l-EFSA fi ħdan il-Grupp ta' Ħidma ta' Evalwazzjoni tagħha u ġie ppreżentat lill-Kummissjoni fl-10 ta' Awissu 2005 fl-għamla ta’ Rapport Xjentifiku ta' l-EFSA għad-dimoxystrobin (3). Dan ir-rapport ġie evalwat mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa ta' l-Annimali u ġew iffinalizzati fl-4 ta’ April 2006 fl-għamla tar-rapport ta’ reviżjoni tal-Kummissjoni għad-dimoxystrobin. |
(4) |
Mid-diversi eżamijiet li saru jidher li l-prodotti għall-protezzjoni tal-pjanti li għandhom is-sustanzi attivi konċernati huma mistennija li jissodisfaw, b'mod ġenerali, ir-rekwiżiti li jinsabu fl-Artikolu 5(1)(a) u (b) u fl-Artikolu 5(3) tad-Direttiva 91/414/KEE, partikolarment dwar l-użijiet li kienu eżaminati u dettaljati fir-rapport rivedut tal-Kummissjoni. Huwa għalhekk xieraq li d-dimoxystrobin jiġi inkluż fl-Anness I ma’ dik id-Direttiva, biex jiġi żgurat li fl-Istati Membri kollha l-awtorizzazzjonijiet tal-prodotti tal-protezzjoni tal-pjanti li fihom din is-sustanza attiva jingħataw skond id-dispożizzjonijiet ta’ dik id-Direttiva. |
(5) |
Bla ħsara għall-obbligi definiti mid-Direttiva 91/414/KE bħala konsegwenza ta’ l-inklużjoni ta’ sustanza attiva fl-Anness I, l-Istati Membri għandhom jingħataw perjodu ta' sitt xhur wara l-inklużjoni sabiex jirrevedu l-awtorizzazzjonijiet provviżorji eżistenti tal-prodotti għall-ħarsien tal-pjanti li fihom id-dimoxystrobin sabiex jiżguraw li r-rekwiżiti stabbiliti mid-Direttiva 91/414/KEE, b'mod partikolari l-Artikolu 13 tagħha u l-kundizzjonijiet rilevanti stipulati fl-Anness I, huma sodisfatti. L-Istati Membri għandhom jittrasformaw l-awtorizzazzjonijiet provviżorji eżistenti, jemendawhom jew jirtirawhom, kif jixraq, bi qbil mad-dispożizzjonijiet tad-Direttiva 91/414/KEE. B’deroga mill-iskadenza ta’ hawn fuq, għandu jingħata perjodu itwal għall-preżentazzjoni u l-evalwazzjoni tad-dossier sħiħ ta’ l-Anness III għal kull prodott għall-protezzjoni tal-pjanti għal kull użu maħsub skond il-prinċipji uniformi stabbiliti fid-Direttiva 91/414/KEE. |
(6) |
Huwa għalhekk xieraq li tkun emendata d-Direttiva 91/414/KEE skond dan. |
(7) |
Il-miżuri previsti f'din id-Direttiva huma skond l-opinjoni tal-Kumitat Permanenti tal-Katina Alimentari u s-Saħħa ta' l-Annimali, |
ADOTTAT DIN ID-DIRETTIVA:
Artikolu 1
L-Anness I tad-Direttiva 91/414/KEE huwa emendat kif elenkat fl-Anness ta' din id-Direttiva.
Artikolu 2
1. L-Istati Membri għandhom jadottaw u jippubblikaw, sal-31 ta' Marzu 2007 l-aktar tard, il-liġijiet, regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Huma għandhom jikkomunikaw minnufih lill-Kummissjoni it-test ta' dawn id-dispożizzjonijiet u t-tabella ta' korrelazzjoni bejn dawk id-dispożizzjonijiet u din id-Direttiva.
Huma għandhom japplikaw dawn id-dispożizzjonijiet mill-1 ta' April 2007.
Meta l-Istati Membri jadottaw dawn id-dispożizzjonijiet, dawn għandhom ikollhom referenza għal din id-Direttiva jew ikunu akkumpanjati b'referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referenza.
2. L-Istati Membri għandhom jikkomunikaw lill-Kummissjoni t-testi tad-dispożizzjonijiet ewlenija tal-liġijiet nazzjonali li huma jadottaw fil-qasam kopert b'din id-Direttiva.
Artikolu 3
1. L-Istati Membri, fejn meħtieġ, u fi qbil mad-Direttiva 91/414/KEE, għandhom jemendaw jew jirtiraw l-awtorizzazzjonijiet eżistenti għal prodotti għall-protezzjoni tal-pjanti li fihom id-dimoxystrobin bħala sustanza attiva sal-31 ta' Marzu 2007. Sa dik id-data, dawn, b'mod partikolari, għandhom jivverifikaw li l-kundizzjonijiet fl-Anness I għal dik id-Direttiva dwar id-dimoxystrobin jiġu ssodisfati, minbarra dawk identifikati fil-Parti B ta' l-annotazzjoni dwar dawk is-sustanzi attivi, u li d-detentur ta' l-awtorizzazzjoni għandu, jew għandu aċċess għal, dossier li jissodisfa r-rekwiżiti ta' l-Anness II għal dik id-Direttiva fi qbil mal-kondizzjonijiet ta' l-Artikolu 13.
2. B'deroga mill-paragrafu I, għal kull prodott awtorizzat għall-protezzjoni tal-pjanti li fih id-dimoxystrobin sew bħala l-unika sustanza attiva jew inkella bħala waħda minn diversi sustanzi attivi li kollha kemm huma kienu ġew elenkati fl-Anness I għad-Direttiva 91/414/KEE sa mhux aktar tard mill-31 ta' Settembru 2006, l-Istati Membri għandhom jerġgħu jevalwaw il-prodott skond il-prinċipji uniformi previsti fl-Anness VI għad-Direttiva 91/414/KEE, fuq il-bażi ta' dossier li jissodisfa r-rekwiżiti ta' l-Anness III għal dik id-Direttiva u billi titqies il-parti B ta’ l-annotazzjoni fl-Anness III għat-tali Direttiva dwar id-dimoxystrobin. Fuq il-bażi ta’ dik l-evalwazzjoni, għandhom jiddeterminaw jekk il-prodott jissodisfax il-kondizzjonijiet stabbiliti fl-Artikolu 4(1)(b), (c), (d) u (e) tad-Direttiva 91/414/KEE.
Wara li jiddeterminaw dak, l-Istati Membri għandhom:
(a) |
fil-każ ta' prodott li jkun fih id-dimoxystrobin bħala l-unika sustanza attiva, fejn hemm il-ħtieġa, jemendaw jew jirtiraw l-awtorizzazzjoni sa mhux iktar tard mit-31 ta' Marzu 2008; jew jew |
(b) |
fil-każ ta' prodott li fih id-dimoxystrobin bħala wieħed minn diversi sustanzi attivi, fejn hu meħtieġ, jemendaw jew jirtiraw l-awtorizzazzjoni sal31 ta' Marzu 2008 jew sad-data ffissata għal emenda jew irtirar bħal dan fid-Direttiva jew Direttivi rispettivi li żiedu s-sustanza jew sustanzi relevanti ma’ l-Anness I tad-Direttiva 91/414/KEE, skond liema waħda hi l-aktar riċenti. |
Artikolu 4
Din id-Direttiva għandha tidħol fis-seħħ fl-1 ta' Ottubru 2006.
Artikolu 5
Din id-Direttiva hija indirizzata lill-Istati Membri.
Magħmula fi Brussell, 11 ta' Settembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 230, 19.8.1991, p. 1. Direttiva kif emendata l-aħħar [DAĦĦAL L-AĦĦAR EMENDA].
(2) ĠU L 192, 20.7.2002, p. 60.
(3) Rapport Xjentifiku EFSA (2005) 46, 1-82 Konklużjoni dwar ir-reviżjoni esperta ta’ l-evalwazzjoni tar-riskju tal-pestiċidi tas-sustanza attiva, dimoxystrobin (ffinalizzat: l-10 ta' Awissu 2005.
ANNESS
Fl-Anness I, ir-ringieli segwenti huma miżjuda fl-aħħar tat-tabella:
Nru |
Isem Komuni, numri ta’ identifikazzjoni |
Isem IUPAC |
Purity (1) |
Dħul fis-seħħ |
Skadenza ta' l-inklużjoni |
Dispożizzjonijiet speċifiċi |
||||||||
“129 |
Dimoxystrobin CAS N° 149961-52-4 CIPAC N° 739 |
(E)-o-(2,5-dimethylphenoxymethyl)-2-methoxyimino-N-methylphenylacetamide |
≥ 980 g/kg |
l-1 ta’ Ottubru 2006 |
30 ta' Settembru 2016 |
PARTI A L-użu biss bħala funġiċida jista’ jkun awtorizzat PARTI B Fil-valutazzjoni ta’ l-applikazzjonijiet għall-awtorizzazzjoni tal-prodotti għall-protezzjoi tal-pjanti li fihom id-domoxystrobin għall-użu ta’ ġewwa, l-Istati Membri għandhom jagħtu attenzjoni partikolari lill-kriterji fl-Artikolu 4(1) (b), u għandhom jaċċertaw li kull data u informazzjoni meħtieġa tiġi pprovduta qabel ma tingħata tali awtorizzazzjoni. Għall-implimentazzjoni tal-prinċipji uniformi ta' l-Anness VI, il-konklużjonijiet tar-rapport ta' reviżjoni dwar id-dimoxystrobin, u b'mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta' l-Annimali fis-27 ta' Jannar 2006 għandhom jiġu kkunsidrati. F’din il-valutazzjoni ġenerali, l-Istati Membri għandhom
Il-kondizzjonijiet għall-użu għandhom jinkludu miżuri ta' mitigazzjoni tar-riskju, fejn xieraq. L-Istati Membri kkonċernati għandhom jagħtu jitolbu li jitressqu
Huma għandhom jaċċertaw lin-notifikanti li fuq talba tagħhom id-dimoxystrobin ġie inkluż f’dan l-Anness li jipprovdu tali studji lill-Kummissjoni sa sentejn mid-dħul fis-seħħ ta’ din id-Direttiva.” |
(1) Aktar dettalji dwar l-identità u l-speċifikazzjoni tas-sustanzi attivi jingħataw fir-rapport ta' reviżjoni.