EUR-Lex Access to European Union law
This document is an excerpt from the EUR-Lex website
Document 32006D0533
2006/533/EC: Commission Decision of 28 July 2006 concerning certain temporary protection measures in relation to highly pathogenic avian influenza in Croatia (notified under document number C(2006) 3352) (Text with EEA relevance)
Deċiżjoni tal-Kummissjoni tat- 28 ta' Lulju 2006 li tirrigwarda ċerti miżuri ta' ħarsien marbuta ma' l-influwenza tat-tjur li għandha patoġeniċità għolja fil-Kroazja (innotifikata taħt dokument numru C(2006) 3352) Test b'rilevanza għaż-ŻEE.
Deċiżjoni tal-Kummissjoni tat- 28 ta' Lulju 2006 li tirrigwarda ċerti miżuri ta' ħarsien marbuta ma' l-influwenza tat-tjur li għandha patoġeniċità għolja fil-Kroazja (innotifikata taħt dokument numru C(2006) 3352) Test b'rilevanza għaż-ŻEE.
OJ L 212, 2.8.2006, p. 19–21
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 118M, 8.5.2007, p. 1023–1025
(MT)
Special edition in Bulgarian: Chapter 03 Volume 074 P. 157 - 159
Special edition in Romanian: Chapter 03 Volume 074 P. 157 - 159
No longer in force, Date of end of validity: 31/12/2006
8.5.2007 |
MT |
Il-Ġurnal Uffiċjali ta’ l-Unjoni Ewropea |
1023 |
DEĊIŻJONI TAL-KUMMISSJONI
tat-28 ta' Lulju 2006
li tirrigwarda ċerti miżuri ta' ħarsien marbuta ma' l-influwenza tat-tjur li għandha patoġeniċità għolja fil-Kroazja
(innotifikata taħt dokument numru C(2006) 3352)
(Test b'rilevanza għaż-ŻEE)
(2006/533/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (1), u partikolarment l-Artikolu 18(1) u (7) tagħha,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistipula l-prinċipji li jirregolaw l-organizzazzjoni tal-kontrolli veterinarji fuq prodotti li jkunu ser jidħlu fil-Komunità minn pajjiżi terzi (2), u b'mod partikolari l-Artikolu 22 (1), (5) u (6) tagħha,
Billi:
(1) |
L-influwenza tat-tjur hija marda virali infettiva fit-tjur ta' l-irziezet u f'għasafar oħra, li tikkawża mwiet u disturbi li malajr jistgħu jiżviluppaw fi proporzjonijiet epiżootiċi li kapaċi jwasslu għal theddida serja għas-saħħa ta' l-annimali u dik pubblika u jnaqqsu sew il-kapaċità ta' qliegħ mit-trobbija tat-tjur ta' l-irziezet. Hemm riskju li l-aġent tal-marda jista' jinfirex permezz tal-kummerċ internazzjonali fit-tjur ta' l-irziezet u fl-għasafar oħra ħajjin jew fil-prodotti tagħhom. |
(2) |
Wara t-tifqigħa ta' l-influwenza tat-tjur, ikkawżata minn razza tal-vajrus H5N1 b'patoġeniċità għolja, fix-Xlokk ta' l-Ażja f'Diċembru 2003, il-Kummissjoni adottat bosta miżuri ta' ħarsien marbuta ma' l-influwenza tat-tjur. Dawn il-miżuri kienu jinkludu, b'mod partikolari, id-Deċiżjoni tal-Kummissjoni 2005/758/KE tas-27 ta' Ottubru 2005 dwar ċerti miżuri ta' ħarsien fir-rigward ta' suspett ta' influwenza tat-tjur b'patoġeniċità għolja fil-Kroazja u li tirrevoka d-Deċiżjoni 2005/749/KE (3). Din id-Deċiżjoni tipprevedi li l-Istati Membri għandhom jissospendu l-importazzjonijiet minn ċerti partijiet tal-Kroazja ta' tjur ħaj ta' l-irżiezet, ir-ratiti, it-tjur selvaġġ tal-priża bir-rix u ċerti għasafar ħajjin oħra inklużi għasafar bħala pets u bajd għat-tfaqqis ta' dawn l-ispeċi, kif ukoll ta' ċerti prodotti ta' għasafar. Id-Deċiżjoni 2005/758/KEE għanda tapplika sal-31 ta' Lulju 2006. |
(3) |
il-Kroazja nnotifikat lill-Kummissjoni li l-awtoritajiet kompetenti ta' dan il-pajjiż qegħdin japplikaw miżuri ta' ħarsien li huma ekwivalenti għal dawk applikati mill-awtoritajiet kompetenti ta' l-Istati Membri, kif previst fid-Deċiżjoni tal-Kummissjoni 2006/115/KE tas-17 ta' Frar 2006 dwar ċerti miżuri ta' ħarsien fir-rigward ta' l-influwenza tat-tjur b'patoġeniċità għolja f'għasafar selvaġġi fil-Komunità u li temenda d-Deċiżjonijiet 2006/86/KE, 2006/90/KE, 2006/91/KE, 2006/94/KE, 2006/104/KE u 2006/105/KE (4). |
(4) |
Barra minn hekk, il-Kroazja nnotifikat lill-Kummissjoni li għandha tinnotifika minnufih lill-Kummissjoni bi kwalunkwe tibdil futur fl-istat tas-saħħa ta' l-annimali tal-Kroazja, inkluż speċifikament kwalunkwe tifqigħa oħra ta' inflwenza tat-tjur li tista' sseħħ f'għasafar selvaġġi. Il-Kummissjoni għandha tinforma minnufih lill-Istati Membri u twasslilhom kwalunkwe tagħrif li tirċievi mill-awtoritajiet Kroati. |
(5) |
Fid-dawl ta' dawn il-miżuri ta' ħarsien li qegħdin jiġu applikati mill-awtoritajiet kompetenti tal-Kroazja u l-impenn min-naħa tal-Kroazja li tinnotifika minnufih lill-Kummissjoni bi kwalunkwe bidla futura fl-istat tas-saħħa ta' l-annimali fir-rigward ta' l-influwenza tat-tjur, il-miżuri ta' ħarsien applikabbli fil-leġiżlazzjoni Komunitarja fir-rigward ta' tifqigħat ta' influwenza fil-pajjiż għandhom jiġu emendati sabiex jippermettu importazzjonijiet minn dawk l-inħawi tal-Kroazja li għalihom l-awtorità kompetenti tal-Kroazja ma stabbilietx miżuri ekwivalenti ta' ħarsien kif stipulat fid-Deċiżjoni 2006/115/KE, wara li saret il-konferma ta' l-influwenza tat-tjur, ikkawżata minn razza tal-vajrus H5N1 b'patoġeniċità għolja fl-għasafar selvaġġi. |
(6) |
Id-Deċiżjoni tal-Kummissjoni 2005/432/KE li tistipula l-kundizzjonijiet tas-saħħa ta' l-annimali u tas-saħħa pubblika u l-mudelli ta' ċertifikati għall-importazzjoni ta' prodotti tal-laħam għall-konsum mill-bniedem minn pajjiżi terzi u li tirrevoka d-Deċiżjonijiet 97/41/KE, 97/221/KE and 97/222/KE (5), tistipula lista ta' pajjiżi terzi li minnhom l-Istati Membri jistgħu jawtorizzaw l-importazzjoni ta' prodotti tal-laħam u tistabbilixxi sistemi ta' trattament li huma meqjusa effettivi fid-diżattivazzjoni tal-patoġeni rispettivi. Bħala prevenzjoni tar-riskju tat-teħid tal-mard permezz ta' prodotti bħal dawn, jeħtieġ li jiġu applikati trattamenti adegwati skond l-istatus ta' saħħa tal-pajjiż ta' l-oriġni u l-ispeċi li minnha jinkiseb il-prodott. Għalhekk jidher xieraq li l-importazzjoni ta' prodotti tal-laħam tat-tjur tal-kaċċa bir-rix li joriġinaw mill-Kroazja u li huma pproċessati sa temperatura ta' għall-inqas 70oĊ fil-prodott kollu kemm hu għandhom jibqgħu awtorizzati. |
(7) |
Meta wieħed iqis il-qagħda ta' l-epidemoloġija fil-Kroazja u fil-pajjiżi ġirien u r-riskju li għad hemm ta' influwenza tat-tjur, il-miżuri ta' ħarsien previsti fid-Deċiżjoni għandhom japplikaw sal-31 ta' Diċembru 2006. |
(8) |
Għar-raġunijiet ta' ċarezza u konsistenza tal-leġiżlazzjoni Komunitarja, id-Deċiżjoni 2005/758/KE għandha tiġi rrevokata u sostitwita minn din id-Deċiżjoni. |
(9) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI
Artikolu 1
L-Istati membri għandhom jissospendu importazzjonijiet, minn dik il-parti tat-territorju tal-Kroazja msemmija fl-Anness ta' din id-Deċiżjoni, ta' dawn li ġejjin:
(a) |
tjur ħaj, ratiti, tjur tal-priża u bir-rix sew ta' l-irziezet kif ukoll selvaġġ, għasafar ħajjin għajr it-tjur kif definiti fl-Artikolu 1, it-tielet inċiż, tad-Deċiżjoni 2000/666/KE, inklużi għasafar li jakkumpanjaw is-sidien tagħhom (għasafar bħala pets), u bajd għat-tfaqqis ta' dawn l-ispeċijiet; |
(b) |
laħam frisk tat-tjur selvaġġ tal-priża, |
(ċ) |
preparazzjonijiet tal-laħam u prodotti tal-laħam li jikkonsistu fi, jew li fihom, laħam tat-tjur tal-priża selvaġġ, |
(d) |
ikel mhux imsajjar għall-pets u materjal mhux ipproċessat għall-għalf li fih kwalunkwe parti minn tjur tal-priża selvaġġ bir-rix, u |
(e) |
laħam mhux ttrattat minn tjur tal-priża minn kwalunkwe għasfur. |
Artikolu 2
B'deroga mill-punt (c) ta' l-Artikolu 1, l-Istati Membri għandhom jawtorizzaw l-importazzjoni tal-prodotti tal-laħam li jikkonsistu fi, jew li fihom, laħam tat-tjur selvaġġ tal-priża bir-rix bil-kundizzjoni li l-laħam ikun għadda minn mill-anqas wieħed mit-trattamenti speċifiċi msemmija taħt il-punti B, C jew D fil-Parti 4 ta' l-Anness II mad-Deċiżjoni tal-Kummissjoni 2005/432/KE.
Artikolu 3
L-Istati Membri għandhom, minnufih, jieħdu l-miżuri meħtieġa biex ikunu konformi ma' din id-Deċiżjoni u jippubblikaw dawn il-miżuri. Għandhom minnufih jinformaw lill-Kummissjoni dwar dan.
Artikolu 4
Id-Deċiżjoni 2005/758/KE hija rrevokata.
Artikolu 5
Din id-Deċiżjoni għandha tapplika sal-31 ta' Diċembru 2006.
Artikolu 6
Din id-Deċiżjoni hija indirizzata lill-Istati Membri.
Magħmul fi Brussell, nhar it-28 ta' Lulju 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 24.9.1991, p. 56. Direttiva kif emendata l-aħħar mill-Att ta' l-Adeżjoni ta' l-2003.
(2) ĠU L 24, 30.1.1998, p. 9. Direttiva kif emendata l-aħħar mir-Regolament (KE) Nru 882/2004 tal-Parlament Ewropew u tal-Kunsill (ĠU L 165, 30.4.2004, p. 1). Verżjoni kkoreġġuta ĠU L 191, 28.5.2004, p. 1.
(3) ĠU L 285, 28.10.2005, p. 50. Deċiżjoni kif emendata l-aħħar mid-Deċiżjoni 2006/321/KE (ĠU L 118, 3.5.2006, p. 18).
(4) ĠU L 48, 18.2.2006, p. 28. Deċiżjoni kif emendata l-aħħar mid-Deċiżjoni 2006/277/KE (ĠU L 103, 12.4.2006, p. 29).
(5) ĠU L 151, 14.6.2005, p. 3. Deċiżjoni kif emendata l-aħħar mid-Direttiva 2006/330/KE (ĠU L 121, 6.5.2006, p. 43).
ANNESS
Parti mit-territorju tal-Kroazja msemmija fl-Artikolu 1
Il-kodiċi ISO tal-pajjiż |
Isem tal-pajjiż |
Il-parti tat-territorju |
HR |
Il-Kroazja |
Fil-Kroazja: iż-żoni kollha tat-territorju tal-Kroazja li għalihom l-awtoritajiet kompetenti applikaw il-miżuri ta' ħarsien li huma ekwivalenti għal dawk stipulati fid-Deċiżjoni tal-Kummissjoni 2006/115/KE. |