EUR-Lex Access to European Union law
This document is an excerpt from the EUR-Lex website
Document 32006D0428
2006/428/EC: Commission Decision of 22 June 2006 establishing a common fiscal marker for gas oils and kerosene (notified under document number C(2006) 2383)
Deċiżjoni tal-Kummissjoni tat- 22 ta' Ġunju 2006 li tistabbilixxi indikatur fiskali komuni għall-gażolji u l-kerosin (innotifikata taħt dokument numru C(2006) 2383)
Deċiżjoni tal-Kummissjoni tat- 22 ta' Ġunju 2006 li tistabbilixxi indikatur fiskali komuni għall-gażolji u l-kerosin (innotifikata taħt dokument numru C(2006) 2383)
OJ L 172, 24.6.2006, p. 15–16
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 118M, 8.5.2007, p. 926–927
(MT)
Special edition in Bulgarian: Chapter 09 Volume 002 P. 238 - 240
Special edition in Romanian: Chapter 09 Volume 002 P. 238 - 240
No longer in force, Date of end of validity: 18/09/2011; Imħassar b' 32011D0544
|
8.5.2007 |
MT |
Il-Ġurnal Uffiċjali ta’ l-Unjoni Ewropea |
926 |
DEĊIŻJONI TAL-KUMMISSJONI
tat-22 ta' Ġunju 2006
li tistabbilixxi indikatur fiskali komuni għall-gażolji u l-kerosin
(innotifikata taħt dokument numru C(2006) 2383)
(2006/428/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 95/60/KE tas-27 ta' Novembru 1995 dwar l-immarkar fiskali tal-gażolji u l-kerosin (1), u b'mod partikolari l-Artikolu 2 (2) tagħha,
Billi:
|
(1) |
Biex is-suq intern jiffunzjona sewwa, u b'mod partikolari biex ma jkunx hemm evażjoni ta' taxxa, id-Direttiva 95/60/KE tipprovdi għal sistema komuni ta' immarkar għall-identifikazzjoni tal-gażolji, li jaqgħu taħt il-kodiċi NM 2710 00 69, u l-kerosin, li jaqa' taħt il-kodiċi NM 2710 00 55, li nħarġu għall-konsum eżenti mis-sisa, jew suġġetti għal rata ta' sisa mnaqqsa. Mill-2002, l-ewwel kodiċi nqasam fil-kodiċijiet NM 2710 19 41, 2710 19 45 u 2710 19 49, sabeix jittieħed kont tal-kontenut ta' sulfat fil-gażolju, u t-tieni kodiċi ġie traspost bħala kodiċi NM 2710 19 25. |
|
(2) |
Id-Deċiżjoni tal-Kummissjoni 2001/574/KE (2) stabbiliet il-prodott identifikat bl-isem xjentifiku ta' N-Ethyl-N-[2-(1-isobutoxyethoxy)ethyl]-4-(phenylazo)aniline (Solvent Yellow 124) bħala l-indikatur fiskali komuni stipulat bid-Direttiva 95/60/KE, għall-immarkar tal-gażolji u l-kerosin li ma ġewx intaxxati bir-rata sħiħa applikabbli għal żjut minerali bħal dawn li jintużaw bħala karburanti. |
|
(3) |
L-Artikolu 2 tad-Deċiżjoni 2001/574/KE jitlob li d-Deċiżjoni tiġi riveduta sa mhux aktar tard mill-31 ta' Diċembru 2006, fid-dawl ta' żviluppi tekniċi fil-qasam tas-sistemi ta' mmarkar u billi titqies il-ħtieġa li tiġi miġġielda l-frodi ta' żjut minerali eżenti mis-sisa, jew suġġetti għal rata ta' sisa mnaqqsa. |
|
(4) |
Bħala parti mill-proċess ta' reviżjoni saret konsultazzjoni ma' l-Istati Membri. L-Istati Membri huma ġeneralment sodisfatti li Solvent Yellow 124 leħaq l-objettivi tiegħu li jiġi miġġieled l-użu bi frodi ta' żjut minerali eżenti mis-sisa, jew suġġetti għal rata ta' sisa mnaqqsa. |
|
(5) |
Ma ġewx irrappurtati problemi fir-rigward ta' l-effetti fuq is-saħħa u l-ambjent bl-użu ta' Solvent Yellow 124. |
|
(6) |
Ma ġie ppreżentat s'issa ebda prodott alternattiv, bħala sostitut potenzjali għal Solvent Yellow 124, li jissodisfa l-kriterji kollha li fuqhom intgħażel Solvent Yellow 124 bħala l-indikatur fiskali komuni, bl-appoġġ ta' l-informazzjoni xjentifika rilevanti. |
|
(7) |
Għalhekk, Solvent Yellow 124 għandu jibqa' jiġi użat bħala l-indikatur fiskali komuni fi ħdan it-tifsira tad-Direttiva 95/60/KE u suġġett għall-kundizzjonijiet stabbiliti f'dik id-Direttiva. |
|
(8) |
Din id-Deċiżjoni ma teħles ebda impriża mill-obbligi tagħha skond l-Artikolu 82 tat-Trattat. |
|
(9) |
L-opportunitajiet mogħtija minn żviluppi fil-ġejjieni fix-xjenza għandhom jitqiesu billi jiġi ffissat limitu ta' żmien għar-reviżjoni ta' din id-Deċiżjoni. |
|
(10) |
Iżda, reviżjoni ta' din id-Deċiżjoni għandha ssir f'kull ħin qabel dan il-limitu ta' żmien jekk Solvent Yellow 124 jinstab li qed jikkawża ħsara addizzjonali fuq is-saħħa jew l-ambjent. |
|
(11) |
Fl-interessi taċ-ċarezza u t-trasparenza d-Deċiżjoni 2001/574/KE għandha tiġi sostitwita. |
|
(12) |
Il-miżuri previsti f'din id-Deċiżjoni huma skond l-opinjoni tal-Kumitat tat-Taxxi tas-Sisa, |
ADOTTAT DIN ID-DEĊIŻJONI:
Artikolu 1
L-indikatur fiskali komuni stipulat bid-Direttiva 95/60/KE, għall-immarkar tal-gażolji kollha li jaqgħu taħt il-kodiċijiet NM 2710 19 41, 2710 19 45, u 2710 19 49, kif ukoll tal-kerosin li jaqa' taħt il-kodiċi NM 2710 19 25, għandu jkun Solvent Yellow 124, kif speċifikat fl-Anness ta' din id-Deċiżjoni.
L-Istati Membri għandhom jiffissaw livell ta' immarkar ta' mill-anqas 6 mg u mhux aktar minn 9 mg ta' indikatur għal kull litru ta' żejt minerali.
Artikolu 2
Din id-Deċiżjoni għandha tiġi riveduta sa mhux aktar tard mill-31 ta' Diċembru 2011, filwaqt li jitqiesu żviluppi tekniċi fil-qasam tas-sistemi ta' immarkar u l-ħtieġa li jiġi miġġieled l-użu bi frodi ta' żjut minerali eżenti mis-sisa jew suġġetti għal rata ta' sisa mnaqqsa.
Se ssir reviżjoni qabel il-waqt jekk jinstab li Solvent Yellow 124 qed jikkawża ħsara addizzjonali fuq is-saħħa jew l-ambjent.
Artikolu 3
Id-Deċiżjoni 2001/574/KE hi rrevokata.
Artikolu 4
Din id-Deċiżjoni hija indirizzata lill-Istati Membri.
Magħmul fi Brussell, nhar it-22 ta' Ġunju 2006.
Għall-Kummissjoni
László KOVÁCS
Membru tal-Kummissjoni
(1) ĠU L 291, 6.12.1995, p. 46.
(2) ĠU L 203, 28.7.2001, p. 20. Deċiżjoni kif emendata l-aħħar bid-Direttiva 2003/900/KE (ĠU L 336, 23.12.2003, p. 107).
ANNESS
|
1. |
Identifikazzjoni skond l-Indiċi tal-Kulur: Solvent Yellow 124 |
|
2. |
Isem xjentifiku: N-Ethyl-N-[2-(1-isobutoxyethoxy)ethyl]-4-(phenylazo)aniline |