27.6.2006   

MT

Il-Ġurnal Uffiċjali ta’ l-Unjoni Ewropea

25

(1)

Ir-Regolament tal-Kunsill (KE) Nru 871/2004 jispeċifika li d-dispożizzjonijet ta' l-Artikolu 1 ta' dak ir-Regolament għandhom japplikaw mid-data ffissata mill-Kunsill, hekk kif il-prekondizzjonijiet meħtieġa jkunu ġew mwettqa, u li l-Kunsill jista' jiddeċiedi li jiffissa dati differenti għall-applikazzjoni ta' dispożizzjonijiet differenti. Dawk il-prekondizzjonijiet ġew sodisfatti fir-rigward ta' l-Artikolu 1(6) tar-Regolament (KE) Nru 871/2004.

(2)

Huwa xieraq li l-Artikolu 1(10) tad-Deċiżjoni tal-Kunsill 2005/211/ĠAI ta' l-24 ta' Frar 2005 dwar l-introduzzjoni ta' xi funzjonijiet ġodda għas-Sistema ta' Informazzjoni ta' Schengen, inkluż fil-ġlieda kontra t-terroriżmu (2), li huwa identiku għall-Artikolu 1(6) tar-Regolament (KE) Nru 871/2004, japplika mill-istess data.

(3)

Deċiżjoni tal-Kunsill separata tipprovdi għad-dħul fis-seħħ ta' l-Artikolu 1(10) tad-Deċiżjoni 2005/211/ĠAI.

(4)

Fir-rigward ta’ l-Isvizzera, din id-Deċiżjoni tikkostitwixxi żvilupp tad-dispożizzjonijiet ta’ l-acquis ta’ Schengen, fis-sens tal-Ftehim iffirmat bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen (3), li jaqgħa taħt il-qasam imsemmi fl-Artikolu 1, punt G tad-Deċiżjoni 1999/437/KE (4) li jinqara flimkien ma' l-Artikolu 4(1) tad-Deċiżjonijiet 2004/860/KE (5) u 2004/849/KE (6) dwar l-iffirmar f’isem l-Unjoni Ewropea, u dwar l-iffirmar f’isem il-Komunità Ewropea, u dwar l-applikazzjoni proviżorja ta’ ċerti dispożizzjonijiet ta’ dak il-Ftehim.