EUR-Lex Access to European Union law
This document is an excerpt from the EUR-Lex website
Document 32004D0650
2004/650/EC: Council Decision of 13 September 2004 amending Regulation (EC) No 998/2003 of the European Parliament and of the Council on the animal health requirements applicable to the non-commercial movement of pet animals to take account of the accession of Malta(Text with EEA relevance)
Id-Deċiżjoni tal-Kunsill tat- 13 ta' Settembru 2004 li temenda r-Regolament (KE) Nru 998/2003 tal-Parlament Ewropew u tal-Kunsill dwar il-kondizzjonijiet ta' pulizija sanitarja applikabbli għall-moviment mhux kummerċjali ta' annimali ta' kumpanija sabiex titqies l-adeżjoni ta' Malta Test b'rilevanza għaż-ŻEE.
Id-Deċiżjoni tal-Kunsill tat- 13 ta' Settembru 2004 li temenda r-Regolament (KE) Nru 998/2003 tal-Parlament Ewropew u tal-Kunsill dwar il-kondizzjonijiet ta' pulizija sanitarja applikabbli għall-moviment mhux kummerċjali ta' annimali ta' kumpanija sabiex titqies l-adeżjoni ta' Malta Test b'rilevanza għaż-ŻEE.
OJ L 298, 23.9.2004, p. 22–22
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 142M, 30.5.2006, p. 270–270
(MT)
Special edition in Bulgarian: Chapter 03 Volume 060 P. 21 - 21
Special edition in Romanian: Chapter 03 Volume 060 P. 21 - 21
Special edition in Croatian: Chapter 03 Volume 043 P. 11 - 11
No longer in force, Date of end of validity: 28/12/2014; Imħassar b' 32013R0576
30.5.2006 |
MT |
Il-Ġurnal Uffiċjali ta’ l-Unjoni Ewropea |
270 |
ID-DEĊIŻJONI TAL-KUNSILL
tat-13 ta' Settembru 2004
li temenda r-Regolament (KE) Nru 998/2003 tal-Parlament Ewropew u tal-Kunsill dwar il-kondizzjonijiet ta' pulizija sanitarja applikabbli għall-moviment mhux kummerċjali ta' annimali ta' kumpanija sabiex titqies l-adeżjoni ta' Malta
(Test b'relevanza għaż-ŻEE)
(2004/650/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea,
Wara li kkunsidra l-Att ta' Adeżjoni ta' l-2003 (1), u b'mod partikolari l-Artikolu 57 tiegħu,
Billi:
(1) |
Għal ċerti atti adottati mill-Unjoni Ewropea, li jibqgħu validi wara l-1 ta' Mejju 2004, u li jeħtieġu adattament minħabba l-adeżjoni, ma ġewx provduti l-adattamenti meħtieġa fl-Att ta' l-Adeżjoni ta' l-2003, b'mod partikolari f'Anness II ta' dan. |
(2) |
Fost dawn l-atti hemm ir-Regolament (KE) Nru 998/2003 tal-Parlament Ewropew u tal-Kunsill (2) li jistabbilixxi l-kondizzjonijiet veterinarji li japplikaw, b'mod partikolari, għal movimenti mhux kummerċjali ta' klieb, qtates u nimsa domestiċi. |
(3) |
Malta li qabel kella sistema ta' 6 xhur kwarantina għall-ispeċi kkonċernati importati abbandunat din is-sistema sabiex titrasponi u timplimenta r-Regolament (KE) Nru 998/2003 mit-3 ta' Lulju 2004. |
(4) |
Fil-proċess tan-negozjati tat-tkabbir kien aċċettat li peress li Malta hija gżira bi status ta' saħħa ħieles mir-rabja bħal dak ta' l-Irlanda, ir-Renju Unit u l-Iżvezja, għandha tiġi ttrattata fl-istess kategorija bħal dawn it-tliet Stati Membri. |
(5) |
Ir-Regolament (KE) Nru 998/2003 jaqsam l-Istati Membri f'żewġ kategoriji skond l-istorja tal-kontrolli tagħhom kontra r-rabja, u jagħti lill-Isvezja, l-Irlanda u r-Renju Unit perjodu ta' transizzjoni ta' ħames snin għal kontrolli fuq klieb, qtates u nimsa li jkunu deħlin fit-territorju tagħhom. |
(6) |
Għalhekk Malta għandha tiżdied fil-lista ta' Stati Membri li ngħataw perjodu ta' transizzjoni bis-saħħa ta' Regolament (KE) Nru 998/2003. |
(7) |
Ir-Regolament (KE) Nru 998/2003 għandu għalhekk jiġi emendat f'dan is-sens. |
ADOTTA DIN ID-DEĊIŻJONI:
Artikolu 1
Ir-Regolament (KE) Nru 998/2003 hu emendat kif ġej:
1. |
L-Artikolu 6 paragrafu 1:
|
2. |
F' Anness II, “Lista ta' pajjiżi u territorji”, parti A, il-kelma “Malta” tiżdied wara l-kelma “l-Irlanda”. |
Artikolu 2
Din id-Deċiżjoni għandha tidħol fis-seħħ għoxrin jum wara d-data tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 3
Din id-Deċiżjoni hija indirizzata lill-Istati Membri.
Magħmula fi Brussell, nhar it-13 ta' Settembru 2004.
Għall-Kunsill
Il-President
B. R. BOT
(1) ĠU L 236, tat-23.9.2003, p. 33.
(2) ĠU L 146, tat-13.6.2003, p. 1. Regolament kif emendat l-aħħar mir-Regolament tal-Kummissjoni (KE) Nru 592/2004 (ĠU L 94, tal-31.3.2004, p. 7).