EUR-Lex Access to European Union law

Back to EUR-Lex homepage

This document is an excerpt from the EUR-Lex website

Document 31998D0487

Id-Deċiżjoni tal-Kunsill tat-13 ta' Lulju 1998 dwar il-konklużjoni ta' Ftehim Internazzjonali fl-għamla ta' Minuti Miftiehma bejn il-Komunità Ewropea u l-Istati Uniti ta' l-Amerika dwar l-istandards ta' l-insib bla kefrija

OJ L 219, 7.8.1998, p. 24–25 (ES, DA, DE, EL, EN, FR, IT, NL, PT, FI, SV)
Special edition in Czech: Chapter 11 Volume 029 P. 46 - 47
Special edition in Estonian: Chapter 11 Volume 029 P. 46 - 47
Special edition in Latvian: Chapter 11 Volume 029 P. 46 - 47
Special edition in Lithuanian: Chapter 11 Volume 029 P. 46 - 47
Special edition in Hungarian Chapter 11 Volume 029 P. 46 - 47
Special edition in Maltese: Chapter 11 Volume 029 P. 46 - 47
Special edition in Polish: Chapter 11 Volume 029 P. 46 - 47
Special edition in Slovak: Chapter 11 Volume 029 P. 46 - 47
Special edition in Slovene: Chapter 11 Volume 029 P. 46 - 47
Special edition in Bulgarian: Chapter 11 Volume 017 P. 105 - 106
Special edition in Romanian: Chapter 11 Volume 017 P. 105 - 106
Special edition in Croatian: Chapter 11 Volume 113 P. 184 - 185

ELI: http://data.europa.eu/eli/dec/1998/487/oj

Related international agreement

31998D0487



Official Journal L 219 , 07/08/1998 P. 0024 - 0025


Id-Deċiżjoni tal-Kunsill

tat-13 ta' Lulju 1998

dwar il-konklużjoni ta' Ftehim Internazzjonali fl-għamla ta' Minuti Miftiehma bejn il-Komunità Ewropea u l-Istati Uniti ta' l-Amerika dwar l-istandards ta' l-insib bla kefrija

(98/487/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikoli 113 u 100a b’konnesjoni ma’ l-Artikolu 228(2), l-ewwel sentenza u l-Artikolu 228(3) l-ewwel subparagrafu tiegħu,

Wara li kkunsidra l-proposta mill-Kummissjoni [1],

Wara li kkonsidra l-opinjoni tal-Parlament Ewropew [2],

Wara li kkunsidra d-Deċiżjoni tal-Kunsill ta' Ġunju 1996 li tistabbilixxi d-direttivi tan-negozjati u tawtorizza lill-Kummissjoni li tinnegozja ftehim, dwar l-istandards ta' l-insib bla kefrija, mal-Kanada, il-Federazzjoni Russa, l-Istati Uniti u ma xi pajjiż ieħor li jkun interessat,

Wara li kkunsidra d-Deċiżjoni tal-Kunsill tat-22 ta' Lulju 1997 li tapprova l-Ftehim, rigward l-istandards internazzjonali ta' l-insib bla kefrija, bejn il-Komunità Ewropea, il-Kanada u l-Federazzjoni Russa u titlob lill-Kummissjoni li tintensifika l-isforzi tagħha sabiex tilħaq ftehim ma’ l-Istati Uniti ta' l-Amerika li huwa ekwivalenti għall-Ftehim mal-Kanada u mal-Federazzjoni Russa,

Billi r-Regolament (KEE) Nru 3254/91 [3], u partikolarment it-tieni inċiż ta' l-Artikolu 3(1) tiegħu, jirreferi għall-istandards internazzjonalment mifthiema dwar l-użu tan-nases bla kefrija li magħhom il-metodu ta' l-użu tan-nases użat minn pajjiżi terzi ma kienux jipprojbixxu n-nases tal-qabda mis-sieq għandhom ikunu konformi sabiex dawk il-pajjiżi jkunu jistgħu jesportaw il-ġlud u l-prodotti manifatturati minn ċerti speċje lejn il-Komunità;

Billi l-iskop ewlieni tal-Ftehim huwa li jistabbilixxi standards tekniċi armonizzati li joffru livell suffiċjenti ta' protezzjoni għall-benessere ta' l-annimali maqbuda fin-nases u li jirregolaw kemm il-produzzjoni u l-użu tan-nases, u li jiffaċilitaw il-kummerċ bejn il-Partijiet fin-nases, fil-ġlud u fil-prodotti manifatturati mill-ispeċje koperti bil-Ftehim;

Billi l-implementazzjoni tal-Ftehim teħtieġ l-istabbeliment ta' tabella taż-żmien għat-testijiet u li tiċċertifika l-konformità tan-nases ma’ l-istandards stabbiliti u għat-tibdil tan-nases mhux ċertifikati;

Billi l-Ftehim li huwa fil-għamla ta' Minuti Miftiehma mehmuża ma’ din id-Direttiva huwa konsistenti mad-direttivi tan-negozzjati msemmija hawn fuq; billi dan għalhekk jissodisfa il-kunċett ta' l-istandards internazzjonalment miftiehma għall-użu tan-nases bla kefrija msemmi fit-tieni inċiż ta' l-Artikolu 3(1) tar-Regolament (KEE) Nru 3254/91;

Billi l-Ftehim Internazzjonali fil-għamla ta' Minuti Miftiehma bejn il-Komunità Ewropea u l-Istati Uniti ta' l-Amerika dwar l-istandards ta' l-użu tan-nases bla kefrija għandu jkun approvat,

IDDEĊIEDA KIF ĠEJ:

Artikolu 1

Il-Ftehim Internazzjonali fil-għamla ta' Minuti Mifthiema bejn il-Komunità Ewropea u l-Istati Uniti ta' l-Amerika dwar l-istandards ta' l-użu tan-nases bla kefrija huwa b'dan approvat.

It-test ta' dan il-Ftehim huma mehmuż ma’ din id-Deċiżjoni.

Artikolu 2

Il-President tal-Kunsill għandu jinnotifika lill-Istati Membri ta' l-Amerika bl-istrument tal-konklużjoni. [4].

Magħmula fi Brussel, fit-13 ta' Lulju 1998.

Għall-Kunsill

Il-President

W. Schüssel

[1] ĠU C 32, tat-30.1.1998, p. 8.

[2] ĠU C 210, tas-6.7.1998.

[3] Ir-Regolament tal-Kunsill (KEE) Nru 3254/91 ta' l-4 ta' Novembru 1991 li jipprojbixxi fil-Komunità l-użu ta' nases li jaqbdu mis-saqajn u d-dħul fil-Komunità ta' ġlud u oġġetti manifatturati minn ċerti speċje ta' annimali ferjali li joriġinaw minn pajjiżi fejn dawn jinqabdu b'nases mis-saqajn jew b'metodi oħra ta' l-insib li ma jilħqux l-istandards umani internazzjonali għall-użu tan-nases (ĠU L 308, tad-9.11.1991, p. 1).

[4] Id-data tad-dħul fis-seħħ ta' dan il-Ftehim għandha tkun ippubblikata fil-Ġurnal Uffiċjali tal-Komunitajiet Ewropej mis-Segretarjat Ġenerali tal-Kunsill.

--------------------------------------------------

Top