“(7a)

il-proċedura regolatorja bi skrutinju għandha tiġi segwita fir-rigward ta' miżuri b'kamp ta' applikazzjoni ġenerali mfassla sabiex jemendaw elementi mhux essenzjali ta' strument adottat skond il-proċedura msemmija fl-Artikolu 251 tat-Trattat, inter alia billi jitneħħew uħud minn dawk l-elementi jew jew billi l-istrument jiġi supplementat biż-żieda ta' elementi ġodda mhux essenzjali; din il-proċedura għandha tippermetti liż-żewġ fergħat ta' l-awtorità leġislattiva jiflu bir-reqqa tali miżuri qabel l-adozzjoni tagħhom. L-elementi essenzjali ta' att leġislattiv ma jistgħux jiġu emendati ħlief mil-leġislatur abbażi tat-Trattat.”.

“(10)

it-tielet skop ta' din id-Deċiżjoni huwa li titjieb l-informazzjoni mogħtija lill-Parlament Ewropew billi jsiru provvedimenti sabiex il-Kummissjoni tinformah regolarment bil-ħidma tal-kumitati, li l-Kummissjoni tibgħat lill-Parlament Ewropew dokumenti relatati mal-ħidma tal-kumitati u li tinfurmah meta hija tippreżenta lill-Kunsill miżuri jew proposti għal miżuri sabiex jittieħdu; tingħata attenzjoni partikolari fir-rigward ta' l-għoti ta' informazzjoni lill-Parlament Ewropew dwar il-ħidma tal-kumitati fil-qafas tal-proċedura regolatorja bi skrutinju, sabiex ikun żgurat li l-Parlament Ewropew ikun jista' jieħu deċiżjoni fil-limitu ta' żmien previst.”.

a)

il-kliem “1. Mingħajr preġudizzju għall-paragrafu 2” għandhom jiżdiedu fil-bidu ta' l-ewwel paragrafu.

b)

għandu jiżdied il-paragrafu li ġej:

“2.   Meta strument bażiku adottat skond il-proċedura msemmija fl-Artikolu 251 tat-Trattat jipprevedi l-adozzjoni ta' miżuri ta' ambitu ġenerali maħsuba sabiex jemendaw l-elementi mhux essenzjali ta' dak l-istrument, inter alia billi jiġu mħassra x'uħud minn dawk l-elementi, jew billi l-istrument jiġi supplementat biż-żieda ta' elementi mhux essenzjali ġodda, dawk il-miżuri għandhom jiġu adottati skond il-proċedura regolatorja bi skrutinju.”

a)

Il-Kummissjoni għandha tressaq bla dewmien l-abbozz ta' miżuri quddiem il-Kunsill u l-Parlament Ewropew għal skrutinju.

b)

Il-Parlament Ewropew, waqt li jaġixxi b'maġġoranza tal-membri li jiffurmawh, jew il-Kunsill, li jaġixxi b'maġġoranza kwalifikata, jistgħu jopponi l-adozzjoni ta' l-abbozz mill-Kummissjoni, minħabba li l-abbozz tal-miżuri propost mill-Kummissjoni jeċċedi s-setgħat implimentattivi previsti fl-istrument bażiku jew li l-abbozz ma jkunx kompatibbli ma' l-għan jew mal-kontenut ta' l-istrument bażiku jew ma jirrispettax il-prinċipji ta' sussidjarjetà jew ta' proporzjonalità.

ċ)

Jekk, fi żmien tliet xhur mid-data meta tressaq l-abbozz quddiemhom, il-Parlament Ewropew jew il-Kunsill jopponu l-abbozz ta' miżuri, dawn ta' l-aħħar m'għandhomx jiġu adottati mill-Kummissjoni. F'dan il-każ, il-Kummissjoni tista' tressaq quddiem il-Kumitat abbozz emendat tal-miżuri jew tippreżenta proposta leġislattiva abbażi tat-Trattat.

d)

Jekk, meta jiskadi dak il-perjodu, la l-Parlament Ewropew u lanqas il-Kunsill ma jkunu opponew l-abbozz ta' miżuri, dan ta' l-aħħar għandu jiġi adottat mill-Kummissjoni.

a)

Il-Kummissjoni għandha tressaq bla dewmien proposta relatata mal-miżuri li għandhom jittieħdu lill-Kunsill u tittrasmettiha lill-Parlament Ewropew fl-istess waqt.

b)

Il-Kunsill għandu jaġixxi fuq il-proposta b'maġġoranza kwalifikata fi żmien xahrejn mid-data ta' meta din tkun tressqet quddiemu.

ċ)

Jekk, f'dan il-perjodu, il-Kunsill jopponi l-miżuri proposti b'maġġoranza kwalifikata, il-miżuri m'għandhomx jiġu adottati. F'dak il-każ, il-Kummissjoni tista' tressaq lill-Kunsill proposta emendata jew tressaq proposta leġislattiva abbażi tat-Trattat.

d)

Jekk il-Kunsill jipprevedi li jadotta l-miżuri proposti, huwa għandu jressaqhom bla dewmien quddiem il-Parlament Ewropew. Jekk il-Kunsill ma jaġixxix fil-perjodu ta' xahrejn msemmi qabel, il-Kummissjoni għandha tressaq bla dewmien il-miżuri quddiem il-Parlament Ewropew.

e)

Il-Parlament Ewropew, waqt li jaġixxi b'maġġoranza tal-membri li jiffurmawh, jista' fi żmien erba' xhur mit-trasmissjoni tal-proposta skond il-punt (a), jopponi l-adozzjoni tal-miżuri konċernati, minħabba li l-miżuri proposti jkunu jeċċedu s-setgħat implimentattivi previsti fl-istrument bażiku jew ma jkunux kompatibbli ma' l-għan jew mal-kontenut ta' l-istrument bażiku jew ma jkunux jirrispettaw il-prinċipji ta' sussidjarjetà jew ta' proporzjonalità.

f)

Jekk, f'dan iż-żmien, il-Parlament Ewropew jopponi dawn il-mizuri proposti, dawn ta' l-aħħar m'għandhomx jiġu adottati. F'dan il-każ, il-Kummissjoni tista' tressaq quddiem il-Kumitat abbozz emendat tal-miżuri jew tippreżenta proposta leġislattiva abbażi tat-Trattat.

g)

Jekk, meta jiskadi l-limitu ta' żmien imsemmi, il-Parlament Ewropew ma jkunx oppona l-miżuri proposti, dawn ta' l-aħħar għandhom jiġu adottati mill-Kunsill jew mill-Kummissjoni, skond il-każ.

a)

li l-limiti ta' żmien previsti fil-paragrafi 3(ċ), 4(b) u 4(e) jiġu estiżi b'xahar addizzjonali jekk il-komplessità tal-miżuri tiġġustifika dan;

jew

b)

li l-limiti ta' żmien previsti fil-paragrafi 3(ċ), 4(b) u 4(e) jitqassru jekk dan ikun ġustifikat minn raġunijiet ta' effikaċja.

a)

Jekk il-miżuri previsti mill-Kummissjoni ikunu skond l-opinjoni tal-kumitat, il-Kummissjoni għandha tadotta dawn il-miżuri, li għandhom jiġu implimentati minnufih. Il-Kummissjoni għandha tikkomunikahom lill-Parlament Ewropew u lill-Kunsill mingħajr dewmien.

b)

F'limitu ta' żmien ta' xahar wara l-komunikazzjoni msemmija, il-Parlament Ewropew, waqt li jaġixxi b'maġġoranza tal-membri li jiffurmawh, jew il-Kunsill, li jaġixxi b'maġġoranza kwalifikata, jistgħu jopponu l-miżuri adottati mill-Kummissjoni, minħabba li l-miżuri jkunu jeċċedu s-setgħat implimentattivi previsti fl-istrument bażiku jew li l-miżuri ma jkunux kompatibbli ma' l-għan jew mal-kontenut ta' l-istrument bażiku jew ma jkunux jirrispettaw il-prinċipji ta' sussidjarjetà jew ta' proporzjonalità.

ċ)

F'każ ta' oppożizzjoni mill-Parlament Ewropew jew mill-Kunsill, il-Kummissjoni għandha tirrevoka l-miżuri. Madankollu, hija tista' żżomm fis-seħħ, b'mod provviżorju, il-miżuri jekk ġustifikati minħabba raġunijiet ta' protezzjoni tas-saħħa, tas-sigurtà jew ta' l-ambjent. F'dak il-każ, hija għandha tressaq mingħajr dewmien quddiem il-Kumitat abbozz emendat tal-miżuri jew proposta leġislattiva abbażi tat-Trattat. Il-miżuri provviżorji għandhom jibqgħu fis-seħħ sakemm dawn jiġu sostitwiti minn strument definittiv.”