32002R1893

Ir-Regolament tal-Kummissjoni (KE) Nru 1893/2002

tat-23 ta' Ottubru 2002

li jemenda għas-sitt darba r-Regolament tal-Kunsill (KE) Nru 881/2002 li jimponi ċerti miżuri ristrettivi speċifiċi indirizzati kontra ċerti persuni u entitajiet assoċjati ma' Usama Bin Laden, man-network ta' l-Al-Qaida u mat-Taliban, u li jħassar ir-Regolament tal-Kunsill (KE) Nru 467/2001

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 881/2002 tas-27 ta'Mejju 2002 li jimponi ċerti miżuri ristrettivi speċifiċi indirizzati kontra ċerti persuni u entitajiet assoċjati ma' Usama Bin Laden, man-network ta' l-Al-Qaida u mat-Taliban, u li jħassar ir-Regolament tal-Kunsill (KE) Nru 467/2001 li jipprojbixxa l-esportazzjoni ta' ċerti merkanziji u servizzi lill-Afganistan, li jsaħħah il-projbizzjoni tat-titjiriet u li jestendi l-iffriżar tal-fondi u tar-riżorsi finanzjarji fil-każ tat-Taliban ta' l-Afganistan [1], kif l-aħħar emendat mir-Regolament tal-Kummissjoni (KE) Nru 1823/2002 [2], u b'mod partikolari l-Artikolu 7(1), l-ewwel inċiż, tiegħu,

Billi:

(1) l-Anness I mar-Regolament (KE) Nru 881/2002 iniżżel il-persuni, il-gruppi u l-entitajiet koperti mill-iffriżar tal-fondi u tar-riżorsi ekonomiċi taħt dak ir-Regolament.

(2) Fit-22 ta' Ottubru 2002, il-Kumitat tas-Sanzjonijiet ddeċida li jemenda l-elenku ta' persuni, gruppi u entitajiet li għalihom japplikaw l-iffriżar tal-fondi u tar-riżorsi ekonomiċi u, għalhekk, l-Anness I għandu jiġi emendat kif xieraq.

(3) Sabiex jiġi żgurat li l-miżuri mniżżlin f'dan ir-Regolament huma effettivi, dan ir-Regolamet għandu jiġi fis-seħħ minnufih,

ADOTTAT DAN IR-REGOLAMENT:

Artikolu 1

L-Anness I mar-Regolament (KE) Nru 881/2002 huwa emendat skond l-Anness ma' dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u għandu jkun applikabbli direttament fl-Istati Membri kollha.

Magħmul fi Brussel, fit-23 ta' Ottubru 2002.

Għall-Kummissjoni

Christopher Patten

Membru tal-Kummissjoni

[1] ĠU L 139, tad-29.5.2002, p. 9.

[2] ĠU L 276, tat-12.10.2002, p. 26.

--------------------------------------------------

ANNESS

Anness I mar-Regolament (KEE) Nru 881/2002 huwa emendat kif ġej:

Il-persuni ġuridiċi, il-gruppi u l-entitajiet li ġejjin għandhom jiġu miżjuda ma' l-intestatura "Persuni ġuridiċi, gruppi u entitajiet":

Global Relief Foundation, Inc., Fondation Secours Mondial, Secours Mondial de France (SEMONDE), Fondation Secours Mondial - Belgique a.s.b.l., Fondation Secours Mondial v.z.w., Stichting Wereldhulp - Belgiëv.z.w., Fondation Secours Mondial - Kosova, Fondation Secours Mondial "World Relief", (aka GRF or FSM); Numru ta' Identifikazzjoni 36-3804626 ta' l-United States Federal Employer; Numru tal- VAT: BE 454419759; indirizzi u uffiċċji safejn huma magħrufa:

- 9935, South 76th Avenue, Unit 1, Bridgeview, Illinois 60455, Stati Uniti ta' l-Amerika

- PO Box 1406, Bridgeview, Illinois 60455, Stati Uniti ta' l-Amerika

- 49, rue du Lazaret, F-67100 Strasburgu, Franza

- Vaatjesstraat 29, B-2580 Putte, Belġju

- Rue des Bataves 69, B-1040 Etterbeek, Brussel, Belġju

- PO Box 6, B-1040 Etterbeek 2, Brussel, Belġju

- Mula Mustafe Besekije Street 72, Sarajevo, Bosnija-Ħerzegovina

- Put Mladih Muslimana Street 30/A, Sarajevo, Bosnija-Ħerzegovina

- Rr. Skenderbeu 76, Lagjja Sefa, Gjakova, Kosovo, RF Jugoslavja

- Ylli Morina Road, Djakovica, Kosovo,RF Jugoslavja

- Rruga e Kavajes, Building No. 3, Apartment No. 61, PO Box 2892, Tirana, Albanija

- House 267, Street No. 54, Sector F - 11/4, Islamabad, Pakistan

- Saray Cad. No. 37 B Blok, Yesilyurt Apt. 2/4, Sirinevler, Turkija.

--------------------------------------------------