Comhar eolaíochta agus teicneolaíochta idir AE agus na Stáit Aontaithe

ACHOIMRE AR:

Comhaontú um chomhar eolaíochta agus teicneolaíochta idir an Comhphobal Eorpach agus Rialtas na Stáit Aontaithe

Cinneadh 98/591/CE — tabhairt i gcrích an chomhaontaithe um chomhar eolaíochta agus teicneolaíochta idir an Comhphobal Eorpach agus Rialtas na Stáit Aontaithe

Cinneadh 2009/306/CE — comhaontú um chomhar eolaíochta agus teicneolaíochta idir an Comhphobal Eorpach agus Rialtas na Stáit Aontaithe a shíneadh agus a leasú

Cinneadh 2014/240/AE — an comhaontú le um chomhar eolaíochta agus teicneolaíochta idir an Comhphobal Eorpach agus Rialtas na Stáit Aontaithe a shíneadh

Cinneadh (AE) 2018/1578 — an comhaontú um chomhar eolaíochta agus teicneolaíochta idir an Comhphobal Eorpach agus Rialtas na Stáit Aontaithe a shíneadh

CAD IS AIDHM LEIS AN GCOMHAONTÚ AGUS LEIS NA CINNTÍ?

Bunaítear leis an gcomhaontú creat foirmiúil maidir le comhar a dhírítear ar ghníomhaíochtaí sna réimsí eolaíochta agus teicneolaíochta a spreagadh, a fhorbairt agus a éascú.

Le Cinneadh 98/591/CE, d’fhaomh an Chomhairle tabhairt i gcrích an chomhaontaithe thar ceann an Chomhphobail Eorpaigh (AE anois).

D’fhaomh an Chomhairle síntí comhleanúnacha in 2004 (Cinneadh 2004/756/CE), 2009 (Cinneadh 2009/306/CE — lena n–áirítear leasú ar an gcomhaontú), 2014 (Cinneadh 2014/240/AE) agus 2018 (Cinneadh (AE) 2018/1578).

PRÍOMHPHOINTÍ

Tá na gníomhaíochtaí arna ndéanamh faoin gcomhaontú bunaithe ar na prionsabail seo a leanas

• comhshochar;
• deiseanna cómhalartacha maidir le páirt a ghlacadh i ngníomhaíochtaí comhoibríocha;
• caitheamh cothrom agus cóir;
• malartú tráthúil faisnéise.

Comhar

Is iad seo a leanas réimsí gníomhaíochtaí comhoibríocha:

• an comhshaol (taighde ar aeráid san áireamh);
• bithleigheas agus sláinte (SEIF, galair ionfhabhtaíocha agus mí-úsáid drugaí san áireamh);
• talmhaíocht;
• eolaíocht iascaigh;
• taighde innealtóireachta;
• fuinneamh neamh-núicléach;
• acmhainní nádúrtha;
• eolaíocht na n–ábhar (nanaitheicneolaíocht san áireamh) agus méadreolaíocht;
• teicneolaíochtaí na faisnéise agus na cumarsáide;
• teileamaitic;
• biteicneolaíocht;
• eolaíochtaí agus teicneolaíochtaí muirí;
• taighde eolaíochtaí sóisialta;
• iompar;
• taighde slándála;
• spástaighde;
• beartas eolaíochta agus teicneolaíochta, bainistíocht, oiliúint agus soghluaisteacht eolaithe.

Gníomhaíochtaí

Féadfaidh na gníomhaíochtaí seo a leanas a bheith i measc na ngníomhaíochtaí comhoibritheacha:

• tionscadail taighde chomhordaithe agus tionscadail chomhpháirteacha taighde;
• tascfhórsaí comhpháirteacha;
• comhstaidéar;
• comheagrú seimineár eolaíoch, comhdhálacha, siompóisiamaí agus ceardlanna;
• oiliúint eolaithe agus saineolaithe teicniúla;
• malartú nó comhroinnt trealaimh agus ábhar;
• cuairteanna agus malartuithe eolaithe, innealtóirí nó pearsanra iomchuí eile;
• malartú faisnéise eolaíche agus teicneolaíche chomh maith le faisnéis maidir le cleachtais, dlíthe, rialacháin agus cláir a bhaineann le comhar faoin gComhaontú seo.

DÁTA TEACHT I BHFEIDHM

Tháinig an comhaontú i bhfeidhm an 14 Deireadh Fómhair 1998 ar feadh tréimhse thosaigh 5 bliana agus féadfar é a shíneadh mar aon le leasuithe féideartha ar feadh tréimhsí breise 5 bliana.

Síneadh an comhaontú 4 huaire, an t–am deireanach in 2018, ar feadh tréimhse bhreise 5 bliana gach uair. Cuimsíodh leasú sa dara síneadh — lenar cuireadh taighde maidir le slándáil agus spás le liosta na n–earnálacha le haghaidh gníomhaíochtaí comhoibríocha.

CÚLRA

Le haghaidh breis faisnéise, féach:

• Na Stáit Aontaithe agus AE (An tSeirbhís Eorpach Gníomhaíochta Seachtraí)

Le haghaidh tuilleadh eolais maidir le comhar Taighde agus Nuálaíochta (T&N) leis na Stáit Aontaithe, féach:

• Comhar idirnáisiúnta T&N — SAM (An Coimisiún Eorpach)
• Treochlár le haghaidh comhar E&T idir AE agus na Stáit Aontaithe (An Coimisiún Eorpach).

PRÍOMHDHOICIMÉID

Cinneadh (AE) 2018/1578 ón gComhairle an 18 Meán Fómhair 2018 maidir leis an gcomhaontú um chomhar eolaíochta agus teicneolaíochta idir an Comhphobal Eorpach agus Rialtas na Stáit Aontaithe a shíneadh (IO L 263, 22.10.2018, lgh. 1-2)

Cinneadh 2014/240/CE ón gComhairle an 14 Aibreán 2014 maidir leis an gComhaontú um chomhar eolaíochta agus teicneolaíochta idir an Comhphobal Eorpach agus Rialtas Stáit Aontaithe Mheiriceá a shíneadh (IO L 128, 30.4.2014, lgh. 43-44)

Cinneadh 2009/306/CE ón gComhairle an 30 Márta 2009 maidir leis an gComhaontú um chomhar eolaíochta agus teicneolaíochta idir an Comhphobal Eorpach agus Rialtas Stáit Aontaithe Mheiriceá a shíneadh agus a leasú (IO L 90, 2.4.2009, lgh. 20-21)

Cinneadh 98/591/CE ón gComhairle an 13 Deireadh Fómhair 1998 maidir leis an gComhaontú um chomhar eolaíochta agus teicneolaíochta idir an Comhphobal Eorpach agus Rialtas Stáit Aontaithe Mheiriceá a thabhairt i gcrích (IO L 284, 22.10.1998, lgh. 35-36)

Comhaontú um chomhar eolaíochta agus sa teicneolaíochta idir an Comhphobal Eorpach agus Rialtas na Stáit Aontaithe (IO L 284, 22.10.1998, lgh. 37-44)

DOICIMÉID GHAOLMHARA

Socrú cur chun Feidhme idir an Coimisiún Eorpach agus Rialtas Stáit Aontaithe Mheiriceá le haghaidh comhair idir taighdeoirí a mhaoinítear ar leithligh ó Chreatchláir an Aontais Eorpaigh agus na Stát Aontaithe maidir le taighde agus nuálaíocht, Dé Luain 17 Deireadh Fómhair 2016.

Nuashonraithe 20.05.2020