Cuibhreannas don Bhonneagar Taighde Eorpach (ERIC)

ACHOIMRE AR:

Rialachán (CE) Uimh. 723/2009 — rialacha maidir le Cuibhreannas don Bhonneagar Taighde Eorpach a chruthú

CAD IS AIDHM LEIS AN RIALACHÁN?

• Is é is aidhm dó bunú agus oibriú bonneagar taighde ar mhaithe le leas na hEorpa a éascú i measc roinnt Ballstát agus tíortha comhlachaithe* de chuid an Aontais Eorpaigh (AE) trí ionstraim dlí nua a chur ar fáil faoi dhlí an Aontais: an Cuibhreannas don Bhonneagar Taighde Eorpach (ERIC).
• Féadfar creat dlíthiúil ERIC a úsáid le haghaidh bonneagar taighde nua nó cinn atá ann cheana, ar láthair amháin nó ar láithreacha éagsúla.

PRÍOMHPHOINTÍ

• Is eintiteas dlíthiúil é ERIC a bunaíodh le cinneadh ón gCoimisiún Eorpach. Tá pearsantacht dhlítheanach agus inniúlacht dhlíthiúil iomlán aitheanta i ngach Ballstát. Tá bunstruchtúr inmheánach ERIC solúbtha agus sainithe ina reachtanna ag a chomhaltaí.
• Déanann a chomhaltaí (Ballstáit agus, faoi choinníollacha áirithe, tíortha comhlachaithe, tíortha eile nach Ballstáit den Aontas iad agus eagraíochtaí idir-rialtasacha) caibidlíocht agus comhaontaíonn siad maidir le hinneachar reachtanna ERIC agus a iarscríbhinní i gcomhréir leis an rialachán.
• Is féidir dliteanas chomhaltaí ERIC a theorannú dá ranníocaíochtaí faoi seach.
• Aithníonn an tír atá ina hóstach ERIC mar chomhlacht idirnáisiúnta nó eagraíocht chun críocha Threoir 2006/112/CE maidir le cáin bhreisluacha agus Threoir 2020/262 maidir le dleachtanna máil. Dá bhrí sin, féadfaidh ERIC, faoi theorainneacha agus coinníollacha áirithe, tairbhiú de dhíolúintí uathu sin ar a cheannacháin i ngach Ballstát.
• Cáilíonn ERIC mar eagraíocht idirnáisiúnta chun críocha rialacha an Aontais Eorpaigh maidir le soláthar poiblí. Féadfaidh ERIC a rialacha soláthair féin a ghlacadh.
• Is gníomhaíochtaí neamhbhrabúsacha iad gníomhaíochtaí ERIC, i bprionsabal. Mar sin féin, féadfaidh ERIC roinnt gníomhaíochtaí eacnamaíocha teoranta a dhéanamh, ar choinníoll go bhfuil dlúthbhaint acu lena phríomhchúram agus nach gcuireann siad bac ar phríomhaidhm an bhonneagair taighde.
• Ní mór suíomh reachtúil ERIC a bheith suite ar chríoch baill, a chaithfidh a bheith ina Bhallstát nó ina tír chomhlachaithe le clár réime an AE um thaighde agus um nuálaíocht. Ní mór an “ERIC” a bheith ina ainm.
• Chun ERIC a bhunú, tá gá le líon íosta comhaltaí. Is é an chumraíocht íosta Ballstát amháin ar a laghad agus dhá thír eile, ar Ballstáit nó tíortha comhlachaithe iad. Féadfaidh comhaltaí eile dul isteach níos déanaí ag brath ar na coinníollacha a shonraítear sna reachtanna, i gcomhréir leis na ceanglais faoi rialachán ERIC.
• Chun ERIC a bhunú, ní mór na ceanglais seo a leanas a chomhlíonadh:
  • tá sé riachtanach chun gníomhaíochtaí taighde Eorpacha a dhéanamh;
  • is ionann é agus feabhas suntasach i réimsí na heolaíochta agus na teicneolaíochta ar an leibhéal Eorpach agus ar an leibhéal idirnáisiúnta;
  • tugann sé rochtain éifeachtach ar phobal taighde na hEorpa;
  • cuireann sé le soghluaisteacht taighdeoirí agus le comhroinnt eolais laistigh den limistéar Eorpach taighde;
  • cuireann sé le torthaí na ngníomhaíochtaí taighde, teicneolaíochta agus taisealbhaidh a scaipeadh agus a bharrfheabhsú.
• Ní mór iarratais chun ERIC a bhunú a chur faoi bhráid an Choimisiúin lena measúnú. Ní mór go n-áireofaí na nithe seo a leanas iontu:
  • iarraidh ar ERIC a bhunú;
  • na reachtanna atá beartaithe, ina bhfuil na heilimintí seo a leanas ar a laghad: liosta de na comhaltaí, suíomh reachtúil, ainm ERIC, cearta agus oibleagáidí na gcomhaltaí, comhlachtaí ERIC a bhfuil a bhfreagrachtaí orthu agus an tslí ina mbunaítear iad agus ina ndéanann siad cinntí, fad ERIC, na bunphrionsabail, sainaithint na teanga oibre, tagairtí do rialacha lena gcuirtear na reachtanna chun feidhme;
  • tuairisc theicniúil agus eolaíoch;
  • dearbhú ón tír óstach lena n-aithnítear ERIC mar chomhlacht idirnáisiúnta de réir bhrí na dtreoracha maidir le cáin bhreisluacha agus dleachtanna máil.
• Tá dhá chéim i gceist le ERIC a bhunú.
  • Céim 1: fíorú ar chomhlíonadh na gceanglas atá leagtha síos i rialachán ERIC. Ní mór don Choimisiún measúnú a dhéanamh ar an iarratas le cabhair ó shaineolaithe neamhspleácha agus aiseolas a thabhairt don iarratasóir.
  • Céim 2: iarraidh fhoirmiúil ar an gCoimisiún ERIC a bhunú agus é sínithe ag na hiarratasóirí go léir. Bunaithe air sin, iarrann an Coimisiún tuairim an Choiste maidir le cur chun feidhme Rialachán ERIC agus ullmhaíonn sé a chinneadh, cinneadh a chuirtear in iúl do na hiarratasóirí ina dhiaidh sin agus a fhoilsítear in Iris Oifigiúil an Aontais Eorpaigh.
• Leasaíodh Rialachán (AE) Uimh. 723/2009 le Rialachán (AE) Uimh. 1261/2013 chun rannpháirtíocht na dtíortha comhlachaithe a éascú, ar féidir a gcuid rannchuidiú a léiriú go hiomlán i dtéarmaí ballraíochta agus cearta vótála.
• Murab ionann agus comhghnóthais comhthionscnaimh teicneolaíochta, a bhfuil an AE ina bhall díobh go córasach, ní gá go mbeadh AE ina bhall de ERIC.

List of ERICs:

• ACTRIS ERIC — Bonneagar Taighde Aerasóil, Néalach agus Gás Rian
• AnaEE-ERIC — Anailís agus Turgnamh ar Éiceachórais
• BBMRI-ERIC — Cuibhreannas Bonneagair Taighde Bithbhanc agus Acmhainní Bithmhóilíneacha
• CERIC-ERIC — Cuibhreannas don Bhonneagar Taighde Lárnach Eorpach
• CESSDA-ERIC — Cuibhreannas Chartlann Sonraí Eolaíochta Sóisialta na hEorpa
• CLARIN-ERIC — Acmhainní Teanga Comhchoiteanna agus Bonneagar Teicneolaíochta
• DARIAH-ERIC — Bonneagar Taighde Dhigitigh do na hEalaíona agus do na Daonnachtaí
• EATRIS-ERIC — Bonneagar Taighde Aistritheach Eorpach sa Leigheas
• ECCSEL-ERIC — Saotharlann Gabhála agus Stórála Dé-ocsaíd Charbóin na hEorpa
• ECRIN-ERIC — Líonra Eorpach um Bonneagar Taighde Chliniciúil
• ELI-ERIC — Bonneagar Solas Foircneach
• EMBRC-ERIC — Lárionad Acmhainní Bitheolaíochta Muirí na hEorpa
• EMSO-ERIC — Faireachlann Eorpach Ildisciplíneach an Cholúin Mhara agus Uisce
• EPOS-ERIC — An Córas Eorpach um Breathnú Plátaí
• ESS-ERIC — Suirbhé Sóisialta na hEorpa
• EU-OPENSCREEN-ERIC — Bonneagar Eorpach d’Ardáin Scagthástála Oscailte don Bhitheolaíocht Cheimiceach
• EU-SOLARIS ERIC — Bonneagar Taighde Gréine na hEorpa do Ghréinechumhacht Chomhchruinnithe.
• Euro-Argo ERIC — Bonneagar Taighde Euro-Argo
• Euro-BioImaging ERIC — Teicneolaíochtaí Íomháithe in Eolaíochtaí Bitheolaíocha agus Bithleighis
• European Spallation Source ERIC — Foinse Eorpach Spallúcháin
• ICOS-ERIC — Córas Comhtháite Breathnóireachta Carbóin
• Instruct-ERIC — Bitheolaíocht Struchtúrach Chomhtháite
• JIV-ERIC — An Institiúid Chomhpháirteach um Trasnaíocht Bonnlíne an-Fhada
• LifeWatch ERIC — e-Eolaíocht agus Teicneolaíocht Bonneagar Eorpach um Thaighde Bithéagsúlachta agus Éiceachórais
• MIRRI-ERIC — Bonneagar Taighde ar Acmhainní Miocróbacha
• SHARE-ERIC — Suirbhé ar Shláinte, ar Aosú agus ar Scor san Eoraip.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 28 Lúnasa 2009.

CÚLRA

• Tá an rialachán seo ar cheann de na tionscnaimh straitéiseacha a tháinig as an bPáipéar Uaine ar an Limistéar Eorpach Taighde an 4 Aibreán 2007. Cuireann an tionscnamh seo le cur chun feidhme roinn na “mbonneagar taighde” den 7ú clár réime (2007–2013) agus Fís 2020 (2014–2020) — ar tháinig an 9ú clár réime ilbhliantúil um thaighde agus nuálaíocht, Fís Eorpach, ina dhiaidh.
• Tá buntáistí ag baint le bunú ERIC d’fhorbairt an limistéir taighde Eorpaigh ós rud é go dtugtar aghaidh ann ar scrogaill, amhail ilroinnt agus réigiúnú, sna rialacha maidir leis an aicme sin de bhonneagar taighde a bhunú, a mhaoiniú agus a oibriú.
• Go nuige seo, bunaíodh 26 ERIC.
• Le haghaidh tuilleadh faisnéise, féach:
  • Cuibhreannas don Bhonneagar Taighde Eorpach (ERIC) (an Coimisiún Eorpach)
  • Treoirlínte praiticiúla ERIC (An Coimisiún Eorpach).

PRÍOMHTHÉARMAÍ

PRÍOMHDHOICIMÉAD

Rialachán (CE) Uimh. 723/2009 ón gComhairle an 25 Meitheamh 2009 maidir le Creat dlíthiúil an Chomhphobail maidir le Cuibhreannas don Bhonneagar Taighde Eorpach (ERIC) (IO L 206, 8.8.2009, lgh. 1–8).

Rinneadh leasuithe comhleanúnacha ar Rialachán (CE) Uimh. 723/2009 a chorprú sa bhundoiciméad. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Cinneadh Cur Chun Feidhme (AE) 2023/900 ón gCoimisiún an 25 Aibreán 2023 lena mbunaítear Bonneagar Taighde Aerasóil, Néalach agus Gás Rian (ACTRIS ERIC) (IO L 115, 3.5.2023, lgh. 15–19).

Cinneadh Cur Chun Feidhme (AE) 2022/2297 ón gCoimisiún an 19 Deireadh Fómhair 2022 lena mbunaítear Bonneagar Taighde Gréine na hEorpa le haghaidh Grianchumhacht Chomhchruinnithe (EU-SOLARIS ERIC) (IO L 304, 24.11.2022, lgh. 78–84).

Cinneadh Cur Chun Feidhme (AE) 2022/289 ón gCoimisiún an 22 Feabhra 2022 lena mbunaítear Anailís agus Turgnamh ar Éiceachórais ERIC (AnaEE-ERIC) (IO L 43, 24.2.2022, lgh. 73–78).

Cinneadh Cur Chun Feidhme (AE) 2022/1204 ón gCoimisiún an 16 Meitheamh 2022 lena mbunaítear an Bonneagar Taighde ar Acmhainní Miocróbacha — Cuibhreannas don Bhonneagar Taighde Eorpach (MIRRI-ERIC) (IO L 186, 13.7.2022, lgh. 14–20).

Cinneadh Cur Chun Feidhme (AE) 2021/960 ón gCoimisiún an 30 Aibreán 2021 lena mbunaítear Bonneagar Solais Foircneach — Cuibhreannas Bonneagair Taighde Eorpaigh um Bonneagar Taighde Eorpach (ELI ERIC) (IO L 212, 15.6.2021, lgh. 3–6).

Cinneadh Cur Chun Feidhme (AE) 2019/1854 ón gCoimisiún an 29 Deireadh Fómhair 2019 lena mbunaítear an Bonneagar Taighde Eorpach um Theicneolaíochtaí Íomháithe sna hEolaíochtaí Bitheolaíocha agus Bithleighis — Cuibhreannas do Bhonneagar Taighde Eorpach Euro-Íomháithe (Euro-BioImaging ERIC) (IO L 285, 6.11.2019, lgh. 9–13).

Cinneadh Cur Chun Feidhme (AE) 2018/1732 ón gCoimisiún an 30 Deireadh Fómhair 2018 lena mbunaítear an Córas Eorpach um Breathnú Plátaí — Cuibhreannas don Bhonneagar Taighde Eorpach (EPOS ERIC) (IO L 288, 16.11.2018, lgh. 10–14).

Tuarascáil ón gCoimisiún chuig Parlaimint na hEorpa agus chuig an gComhairle — An Dara Tuarascáil maidir le Cur i bhFeidhm Rialachán (CE) Uimh. 723/2009 ón gComhairle an 25 Meitheamh 2009 maidir le creat dlíthiúil an Chomhphobail le haghaidh Cuibhreannas Bonneagair Taighde Eorpaigh (ERIC) (COM(2018) 523 final, 6.7.2018).

Cinneadh Cur Chun Feidhme (AE) 2018/499 ón gCoimisiún an 20 Márta 2018 lena mbunaítear Bonneagar Eorpach na nArdán Scagtha Oscailte don Bhitheolaíocht Cheimiceach um Chuibhreannas Bonneagair Taighde Eorpaigh (EU-OPENSCREEN ERIC) (IO L 82, 26.3.2018, lgh. 8–12).

Cinneadh Cur Chun Feidhme (AE) 2018/272 ón gCoimisiún an 20 Feabhra 2018 maidir leis an Lárionad Eorpach um Acmhainní Bitheolaíocha a bhunú — Cuibhreannas don Bhonneagar Taighde Eorpach (EMBRC-ERIC) (IO L 51, 23.2.2018, lgh. 17–22).

Cinneadh Cur Chun Feidhme (AE) 2017/1213 ón gCoimisiún an 4 Iúil 2017 maidir leis an mBitheolaíocht Struchtúrach Chomhtháite a bhunú — Cuibhreannas don Bhonneagar Taighde Eorpach (Instruct-ERIC) (IO L 173, 6.7.2017, lgh. 47–52).

Féach an leagan comhdhlúite.

Cinneadh Cur Chun Feidhme (AE) 2017/996 ón gCoimisiún an 9 Meitheamh 2017 lena mbunaítear an tSaotharlann Eorpach um Ghabháil agus Stóráil Dé-ocsaíd Charbóin — Cuibhreannas an Bhonneagair Taighde Eorpaigh (ECCSEL ERIC) (IO L 149, 13.6.2017, lgh. 91–97).

Cinneadh Cur Chun Feidhme (AE) 2017/995 ón gCoimisiún an 9 Meitheamh 2017 lena mbunaítear Cuibhreannas Chartlann Sonraí Eolaíochta Sóisialta na hEorpa — Cuibhreannas an Bhonneagair Taighde Eorpaigh (CESSDA ERIC) (IO L 149, 13.6.2017, lgh. 85–90).

Cinneadh Cur Chun Feidhme (AE) 2017/499 ón gCoimisiún an 17 Márta 2017 maidir le bunú an Bhonneagair Eorpaigh um Thaighde Bithéagsúlachta agus Éiceachórais, r-Eolaíocht agus Teicneolaíocht — Cuibhreannas don Bhonneagar Taighde Eorpach (LifeWatch ERIC) (IO L 76, 22.3.2017, lgh. 35–39).

Cinneadh Cur Chun Feidhme (AE) 2016/1757 ón gCoimisiún an 29 Meán Fómhair 2016 maidir le Faireachlann Eorpach Ildisciplíneach an Cholúin Mhara agus Uisce — Cuibhreannas don Bhonneagar Taighde Eorpach (EMSO ERIC) a chur ar bun (IO L 268, 1.10.2016, lgh. 113–117).

Cinneadh Cur Chun Feidhme (AE) 2015/2097 ón gCoimisiún an 26 Deireadh Fómhair 2015 maidir le Cuibhreannas Bonneagair Taighde Eorpaigh an Chórais Chomhtháite Breathnóireachta Carbóin (ICOS ERIC) a bhunú (IO L 303, 20.11.2015, lgh. 19–34).

Cinneadh Cur Chun Feidhme (AE) 2015/1478 ón gCoimisiún an 19 Lúnasa 2015 maidir leis an bhFoinse Eorpach don Spéaladh a chur ar bun mar Chuibhreannas don Bhonneagar Taighde Eorpach (Foinse Eorpach Spallúcháin ERIC) (IO L 225, 28.8.2015, lgh. 16–48).

Cinneadh Cur Chun Feidhme 2014/923/AE ón gCoimisiún an 12 Nollaig 2014 maidir leis an Institiúid Chomhpháirteach um Trasnaíocht Bonnlíne an-fhada a bhunú mar Chuibhreannas don Bhonneagar Taighde Eorpach (JIV-ERIC) (IO L 363, 18.12.2014, lgh 156–169).

Cinneadh Cur Chun Feidhme 2014/526/AE ón gCoimisiún an 6 Lúnasa 2014 lena mbunaítear an Bonneagar Taighde Dhigitigh do na hEalaíona agus do na Daonnachtaí mar Chuibhreannas don Bhonneagar Taighde Eorpach (DARIAH ERIC) (IO L 239, 12.8.2014, lgh. 64–80).

Cinneadh Cur Chun Feidhme 2014/392/AE ón gCoimisiún an 24 Meitheamh 2014 maidir le Cuibhreannas don Bhonneagar Taighde Lárnach Eorpach (CERIC-ERIC) a chur ar bun (IO L 184, 25.6.2014, lgh. 49–62).

Cinneadh Cur Chun Feidhme 2014/261/AE ón gCoimisiún an 5 Bealtaine 2014 maidir le Bonneagar Taighde Euro-Argo a bhunú mar Chuibhreannas don Bhonneagar Taighde Eorpach (Euro-Argo ERIC) (IO L 136, 9.5.2014, lgh. 35–50).

Cinneadh Cur Chun Feidhme 2013/713/AE ón gCoimisiún an 29 Samhain 2013 maidir leis an Líonra Eorpach um Bonneagar Taighde Cliniciúil (ECRIN) a bhunú mar Chuibhreannas don Bhonneagar Taighde Eorpach (ECRIN-ERIC) (IO L 324, 5.12.2013, lgh. 8–20).

Cinneadh Cur Chun Feidhme 2013/701/AE ón gCoimisiún an 22 Samhain 2013 maidir le Cuibhreannas Bonneagair Taighde Bithbhanc agus Acmhainní Bithmhóilíneacha a bhunú (BBMRI-ERIC) mar Chuibhreannas don Bhonneagar Taighde Eorpach (IO L 320, 30.11.2013, lgh 63–80).

Cinneadh Cur Chun Feidhme 2013/700/AE ón gCoimisiún an 22 Samhain 2013 maidir leis an Suirbhé Sóisialta Eorpach a bhunú mar Chuibhreannas don Bhonneagar Taighde Eorpach (ESS ERIC) (IO L 320, 30.11.2013, lgh 44–62).

Cinneadh Cur Chun Feidhme 2013/640/AE ón gCoimisiún an 7 Samhain 2013 maidir le bunú an Bhonneagair Eorpaigh um Ardtaighde Aistritheach sa Leigheas mar Chuibhreannas don Bhonneagar Taighde Eorpach (EATRIS ERIC) (IO L 298, 8.11.2013, lgh. 38–47).

Cinneadh 2012/136/AE ón gCoimisiún an 29 Feabhra 2012 lena mbunaítear Bonneagar Coiteann Acmhainní Teanga agus Teicneolaíochta mar Chuibhreannas don Bhonneagar Taighde Eorpach (CLARIN ERIC) (IO L 64, 3.3.2012, lgh. 13–28).

Cinneadh 2011/166/AE ón gCoimisiún an 17 Márta 2011 lena mbunaítear SHARE-ERIC (IO L 71,18.3.2011, lgh. 20–31).

Féach an leagan comhdhlúite.

Nuashonraithe 05.05.2023