Treoir 2011/61/AE maidir le bainisteoirí cistí infheistíochta malartacha
Eisiaimh ón raon feidhme
Níl feidhm ag an treoir maidir leis an méid a leanas.
Nós imeachta an Phas
Is féidir le bainisteoirí cistí infheistíochta malartacha (BCIManna) “pas” a chur ar a gcuid seirbhísí i mBallstáit éagsúla AE ar bhonn údarú aonair. Ciallaíonn sé sin, a luaithe a údaraítear BCIM i mBallstát AE amháin agus má chomhlíonann sé rialacha na treorach, tá sé i dteideal cistí a bhainistiú nó a mhargú d’infheisteoirí gairmiúla ar fud an Aontais.
Údaruithe
Chun oibriú san Aontas, ceanglaítear ar bhainisteoirí cistí údarú a fháil ón údarás inniúil ina mBallstát baile. Chun údarú a fháil, ní mór do BCIManna íosleibhéal caipitil a bheith acu i bhfoirm sócmhainní leachtacha nó gearrthéarmacha.
Taisce
Ceanglaítear ar BCIManna a áirithiú go gceaptar taisce neamhspleách ag na cistí a bhainistíonn siad. D’fhéadfadh banc nó gnólacht infheistíochta atá freagrach as maoirseacht a dhéanamh ar ghníomhaíochtaí an chiste agus a áirithíonn go ndéantar a chuid sócmhainní a chosaint go cuí a bheith i gceist.
Bainistíocht riosca agus maoirseacht stuamachta
Caithfidh BCIManna a bheith in ann a dhearbhú don údarás inniúil maidir le stóinseacht a gcuid socruithe inmheánacha maidir le bainistíocht riosca.
Áirítear leis sin ceanglas go nochtann siad na príomh-mhargaí agus na príomhionstraimí ina ndéanann siad trádáil, a bpríomh-neamhchosaintí agus a gcomhchruinnithe riosca.
Cóir ar infheisteoirí
Chun dícheall a spreagadh i measc a n-infheisteoirí, ceanglaítear ar BCIManna tuairisc shoiléir a thabhairt ar a mbeartas infheistíochta, lena n-áirítear ar na cineálacha sócmhainní agus ar an úsáid a bhaintear as giaráil. Ní mór tuarascáil bhliantúil do gach bliain airgeadais a chur ar fáil d’infheisteoirí ar iarratas.
Cistí giaráilte
Leagtar amach sa treoir ceanglais shonracha maidir le giaráil, i.e. ionstraimí fiachais a úsáid chun infheistíocht a mhaoiniú. Féadfaidh údaráis inniúla teorainneacha giarála a shocrú d’fhonn cobhsaíocht an chórais airgeadais a áirithiú.
Cistí cothromais phríobháidigh
I gcás ina bhfaigheann CIM rialú ar chuideachta neamhliostaithe nó ar eisitheoir, tá an BCIM faoi réir rialacha maidir le frith-srianadh sócmhainní. Ar feadh tréimhse 2 bhliain, ní mór do BCIM gníomhú i gcoinne dáileadh, laghdú caipitil, fuascailt scaireanna nó gnóthú scaireanna dílse ag an gcuideachta.
Cistí agus bainisteoirí atá lonnaithe i dtíortha neamh-AE
Faoi réir na gcoinníollacha atá leagtha amach sa treoir, féadfaidh an “pas” a shíneadh chuig BCIManna i dtíortha neamh-AE agus chuig margú cistí neamh-AE, arna mbainistiú ag an Aontas nó ag BCIManna neamh-AE.
Ról an Údaráis Eorpaigh um Urrúis agus Margaí
Tá ról gníomhach ag an Údarás Eorpach um Urrúis agus Margaí (ESMA) maidir le comhchultúr maoirseachta a thógáil go háirithe trí threoirlínte a eisiúint ar bheartais fhónta luach saothair agus trí chaighdeáin theicniúla a fhorbairt chun cineálacha BCIManna a chinneadh.
Cistí níos lú
Féadfaidh Ballstáit a chinneadh gan an treoir a chur i bhfeidhm ar BCIManna níos lú i.e. cistí ina bhfuil sócmhainní bainistithe faoi bhun EUR 100 milliún má úsáideann siad giaráil, agus ina bhfuil sócmhainní faoi bhun EUR 500 milliún mura n-úsáideann. Tá cistí níos lú, áfach, faoi réir íoscheanglais chlárúcháin agus tuairiscithe.
Leasuithe ar Threoir (AE) 2011/61
Le Treoir (AE) 2016/2341 maidir le hinstitiúidí um chistí pinsin ceirde (IORPanna) (féach achoimre), tugtar isteach an dá riail bhreise seo a leanas.
Ní ceadmhach do na Ballstáit:
Le Rialachán (AE) 2017/2402, lena mbunaítear creat ginearálta maidir le hurrúsú (féach achoimre), tugtar isteach riail lena gceanglaítear i gcás ina mbeidh BCIManna neamhchosanta ar urrúsú nach gcomhlíonann na ceanglais a leagtar síos ann a thuilleadh, nach mór dóibh, ar mhaithe le leas na n-infheisteoirí sna CIManna ábhartha, gníomhú agus gníomhaíocht cheartaitheach a dhéanamh, más iomchuí.
Tá roinnt athruithe i dTreoir (AE) 2019/1160.
Áirithítear le leasuithe a tugadh isteach le Treoir (AE) 2019/2034 nach mór gurb ionann cistí dílse BCIM agus an ceathrú cuid ar a laghad d’fhorchostais sheasta na bliana roimhe sin. Ní mór do ghnólachtaí infheistíochta figiúirí a eascraíonn as an gcreat cuntasaíochta is infheidhme a úsáid.
Le Treoir leasaitheach (AE) 2022/2556 déantar rialacha na treorach, agus roinnt treoracha gaolmhara eile, a ailíniú leis na ceanglais maidir le riosca TFC le haghaidh eintitis airgeadais a leagtar amach sa rialachán maidir le hathléimneacht dhigiteach oibríochtúil na hearnála airgeadais (DORA), Rialachán (AE) 2022/2254 (féach achoimre).
Gníomhartha cur chun feidhme
Tá an Coimisiún Eorpach tar éis roinnt gníomhartha tarmligthe agus gníomhartha cur chun feidhme a ghlacadh.
Reachtaíocht eile a leasú
Le Treoir 2011/61/AE, leasaíodh Treoir 2003/41/CE agus Treoir 2009/65/CE agus Rialachán (CE) Uimh. 1060/2009 agus Rialachán (AE) Uimh. 1095/2010.
B’éigean Treoir 2011/61/AE a thrasuí sa dlí náisiúnta faoin 22 Iúil 2013. Tá feidhm ag na rialacha seo ón dáta sin.
Le haghaidh tuilleadh faisnéise, féach:
Treoir 2011/61/AE ó Pharlaimint na hEorpa agus ón gComhairle an 8 Meitheamh 2011 maidir le bainisteoirí cistí infheistíochta malartacha agus lena leasaítear Treoir 2003/41/CE agus Treoir 2009/65/CE agus Rialachán (CE) Uimh. 1060/2009 agus Rialachán (AE) Uimh. 1095/2010 (IO L 174, 1.7.2011, lgh. 1–73).
Rinneadh leasuithe comhleanúnacha ar Threoir 2011/61/AE a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.
Treoir (AE) 2022/2556 ó Pharlaimint na hEorpa agus ón gComhairle an 14 Nollaig 2022 lena leasaítear Treoracha 2009/65/CE, 2009/138/CE, 2011/61/AE, 2013/36/AE, 2014/59/AE, 2014/65/AE, (AE) 2015/2366 agus (AE) 2016/2341 maidir le hathléimneacht oibríochtúil dhigiteach don earnáil airgeadais (IO L 333, 27.12.2022, lgh. 153–163).
Rialachán (AE) 2022/2554 ó Pharlaimint na hEorpa agus ón gComhairle an 14 Nollaig 2022 maidir le hathléimneacht dhigiteach oibríochtúil don earnáil airgeadais agus lena leasaítear Rialacháin (CE) Uimh. 1060/2009, (AE) Uimh. 648/2012, (AE) Uimh. 600/2014, (AE) Uimh. 909/2014 agus (AE) 2016/1011 (IO L 333, 27.12.2022, lgh. 1–79).
Tuarascáil ón gCoimisiún chuig Parlaimint na hEorpa agus chuig an gComhairle lena ndéantar measúnú ar chur i bhfeidhm agus raon feidhme Threoir 2011/61/AE ó Pharlaimint na hEorpa agus ón gComhairle maidir le Bainisteoirí Cistí Infheistíochta Malartacha (COM(2020) 232 final, 10.6.2020).
Rialachán Tarmligthe (AE) 2015/514 ón gCoimisiún an 18 Nollaig 2014 maidir leis an bhfaisnéis a bheidh le soláthar ag údaráis inniúla don Údarás Eorpach um Urrúis agus Margaí de bhun Airteagal 67(3) de Threoir 2011/61/AE ó Pharlaimint na hEorpa agus ón gComhairle (IO L 82, 27.3.2015, lgh 5–11).
Rialachán Tarmligthe (AE) 694/2014 ón gCoimisiún an 17 Nollaig 2013 lena bhforlíontar Treoir 2011/61/AE ó Pharlaimint na hEorpa agus ón gComhairle maidir le caighdeáin theicniúla rialála lena gcinntear cineálacha bainisteoirí ciste infheisteoirí malartacha (IO L 183, 24.6.2014, lgh. 18–20).
Rialachán Cur Chun Feidhme (AE) Uimh.447/2013 ón gCoimisiún an 15 Bealtaine 2013 lena mbunaítear an nós imeachta le haghaidh BCIManna a roghnaíonn a bheith páirteach faoi Threoir 2011/61/AE ó Pharlaimint na hEorpa agus ón gComhairle (IO L 132, 16.5.2013, lgh. 1–2).
Rialachán Cur Chun Feidhme (AE) Uimh. 448/2013 ón gCoimisiún an 15 Bealtaine 2013 lena mbunaítear nós imeachta le haghaidh an Ballstát tagartha BCIM neamh-AE a chinneadh de bhun Threoir 2011/61/AE ó Pharlaimint na hEorpa agus ón gComhairle (IO L 132, 16.5.2013, lgh. 3–5).
Rialachán Tarmligthe (AE) Uimh. 231/2013 ón gCoimisiún an 19 Nollaig 2012 lena bhforlíontar Treoir 2011/61/AE ó Pharlaimint na hEorpa agus ón gComhairle maidir le díolúintí, coinníollacha ginearálta oibriúcháin, taiscí, giaráil, trédhearcacht agus maoirseacht (IO L 83, 22.3.2013, lgh. 1–95).
Féach an leagan comhdhlúite.
Nuashonraithe 20.06.2023