Cruinniú Mullaigh Sóisialta Tríthaobhach
ACHOIMRE AR:
Cinneadh 2003/174/CE — Cruinniú Mullaigh Sóisialta
ACHOIMRE
CÉARD A DHÉANANN AN CINNEADH SEO?
Cuirtear an Cruinniú Mullaigh Sóisialta Tríthaobhach ar bun faoin gcinneadh seo. Is fóram é sin le haghaidh díospóireachta idir institiúidí an Aontais Eorpaigh (AE) agus ionadaithe fostóirí agus oibrithe (“páirtithe sóisialta”).
PRÍOMHPHOINTÍ
Ról
Cuid den idirphlé trastionscail is ea an cruinniú mullaigh. Ceapadh an cruinniú mullaigh chun malartú leanúnach a chinntiú idir na páirtithe sóisialta agus na hinstitiúidí AE agus chun a chinntiú go gcuireann páirtithe sóisialta leis an straitéis AE eacnamaíoch agus shóisialta.
Sa chomhthéacs sin, comhoibríonn na páirtithe sóisialta go dlúth freisin leis an gCoiste Fostaíochta, coiste a thugann comhairle don Choimisiún agus go háirithe do na hairí náisiúnta ar an gComhairle um Fhostaíocht agus um Ghnóthaí Sóisialta.
Clár oibre
Déantar an clár oibre:
— |
a leagadh amach go comhpháirteach ag ionadaithe na n-institiúidí agus ag na páirtithe sóisialta; agus
|
— |
áirítear leis na ceisteanna a chuireann isteach ar earnálacha eacnamaíocha agus ar oibrithe in AE.
|
Rannpháirtithe
Déantar ionadaíocht do na hinstitiúidí AE ag:
— |
Uachtaránacht na Comhairle agus ag an dá Uachtaránacht ina dhiaidh sin; agus
|
— |
ag an gCoimisiún.
|
Roinntear na páirtithe sóisialta in dhá thoscaireacht mar seo a leanas:
— |
deich n-ionadaí oibrithe; agus
|
— |
deich n-ionadaí fostóirí.
|
Déantar cathaoirleacht ar an gcruinniú mullaigh ag Uachtarán na Comhairle agus ag Uachtarán an Choimisiúin araon.
Creat ama
Tionóltar an cruinniú mullaigh uair sa bhliain ar a laghad, roimh Chomhairle Eorpach an Earraigh.
CATHAIN A BHEIDH FEIDHM AG AN GCINNEADH?
Ón 6 Márta, 2003 ar aghaidh.
GNÍOMH
Cinneadh 2003/174/CE ón gComhairle an 6 Márta 2003 lena mbunaítear Cruinniú Mullaigh Sóisialta Tríthaobhach
TAGAIRTÍ
Gníomh |
Teacht i bhfeidhm |
Spriocdháta don trasuí sna Ballstáit |
Iris Oifigiúil |
Cinneadh 2003/174/CE |
6.3.2003 |
– |
Nuashonraithe 12.10.2015