13.2.2018   

GA

Iris Oifigiúil an Aontais Eorpaigh

1

(1)

De bhun Airteagal 7b agus Airteagal 7e de Rialachán (CE) Uimh. 1236/2005 is gá údarú i leith aon onnmhairiú d’earraí áirithe a d’fhéadfaí a úsáid le haghaidh phionós an bháis agus seirbhísí bróicéireachta nó cúnamh teicniúil a bhaineann leis na hearraí sin, a liostaítear in Iarscríbhinn IIIa a ghabhann leis an Rialachán sin.

(2)

Tá feidhm ag an Údarú Ginearálta Onnmhairiúcháin ón Aontas, a leagtar amach in Iarscríbhinn IIIb a ghabhann leis an Rialachán sin, maidir le honnmhairithe chuig tíortha a bhfuil pionós an bháis díothaithe acu i gcás gach coire agus an díothú sin deimhnithe trí ghealltanas idirnáisiúnta, má chomhlíontar na coinníollacha agus na ceanglais maidir le húsáid an údaraithe sin. I gCuid 2 de, liostaítear na tíortha ábhartha.

(3)

Maidir le tíortha nach baill de Chomhairle na hEorpa iad, áirítear ar an liosta sin na tíortha sin ní hamháin a bhfuil pionós an bháis díothaithe acu i gcás gach coire ach a bhfuil an Dara Prótacal roghnach don Chúnant Idirnáisiúnta ar Chearta Sibhialta agus Polaitiúla daingnithe acu freisin gan forchoimeádas a dhéanamh.

(4)

Tar éis dóibh an Prótacal sin a dhaingniú gan forchoimeádas a dhéanamh, comhlíonann an Phoblacht Dhoiminiceach, São Tomé agus Príncipe, agus Tóga na coinníollacha maidir le bheith áirithe ar an liosta sin.

(5)

Ba cheart, dá bhrí sin, Rialachán (CE) Uimh. 1236/2005 a leasú dá réir sin.

(6)

Chun ualach riaracháin míchuí ar onnmhaireoirí agus údaráis inniúla a sheachaint, ba cheart na honnmhaireoirí a bheith in ann brath ar an Údarú Ginearálta Onnmhairiúcháin leasaithe ón Aontas chomh luath agus is féidir. Dá bharr sin, ba cheart an Rialachán seo a theacht i bhfeidhm láithreach.

(1)

i ndiaidh Paragua, cuirtear isteach an iontráil “An Phoblacht Dhoiminiceach”;

(2)

i ndiaidh San Mairíne, cuirtear isteach an iontráil “São Tomé agus Príncipe”;

(3)

i ndiaidh Tíomór Thoir, cuirtear isteach an iontráil “Tóga”.