(1)

Le Rialachán Tarmligthe (AE) Uimh. 305/2013 ón gCoimisiún (2), bunaítear na sonraíochtaí maidir leis an uasghrádú is gá ar bhonneagar an Phointe Freagartha Glaonna Éigeandála (PFGE) chun glaonna eCall a fháil agus a láimhseáil mar is cuí, ar mhaithe le comhoiriúnacht, idir-inoibritheacht, agus leanúnachas na seirbhíse eCall comhchuibhithe uile-Aontais a áirithiú.

(2)

Sa Teachtaireacht maidir leis an Straitéis um an tSoghluaisteacht Inbhuanaithe agus Chliste ón gCoimisiún (3), sainaithnítear an gá atá le creat dlíthiúil eCall a chur in oiriúint do theicneolaíochtaí cumarsáide leictreonaí nua.

(3)

Ó tháinig Rialachán Tarmligthe (AE) Uimh. 305/2013 i bhfeidhm, ghlac an Coiste Eorpach um Chaighdeánú (CEN) leaganacha nua de chaighdeán EN 15722 ‘Córais chliste iompair — eSafety — Tacar íosta sonraí (TÍS) eCall’ agus de chaighdeán EN 16072 ‘Córais chliste iompair — eSafety — Ceanglais Oibriúcháin maidir le eCall uile-Eorpach’. Le caighdeán EN 15722:2020 ‘Córais chliste iompair — eSafety — Tacar íosta sonraí (TÍS) eCall’ go háirithe, is gá an dá shuíomh is déanaí den fheithicil roimh shuíomh an teagmhais a sholáthar. Tá gá leis an bhfaisnéis sin chun gur féidir na PFGEnna faisnéis chruinn agus iontaofa maidir le suíomhanna agus treo na feithicle roimh an teagmhas lena mbaineann an glaoch eCall a sholáthar don tseirbhís éigeandála/do na seirbhísí éigeandála nó don pháirtí seirbhíse/do na páirtithe seirbhíse cuí. Tá an fhaisnéis sin tábhachtach chun aga freagartha na seirbhísí éigeandála a laghdú, go háirithe ar mhótarbhealaigh agus ar dhroichid. Dá bhrí sin, ba cheart an tagairt do na caighdeáin sin a thabhairt cothrom le dáta.

(4)

Na caighdeáin Eorpacha EN 16062 ‘Córais chliste iompair — eSafety — Ceanglais ardleibhéil cur i bhfeidhm (HLAP) le haghaidh eCall’ agus EN 16454 ‘Córais chliste iompair — eSafety — Tástáil chomhlíontachta eCall ó cheann go ceann’, tá siad bunaithe ar eCall a bheith á oibriú ar líonraí ceallacha ciorcadlasctha (2G/3G). Ós rud é go bhfuil sé i gceist ag na hoibreoirí líonra mhóibíligh na líonraí 2G/3G a chéimniú amach de réir a chéile idir 2025 agus 2030 sna Ballstáit uile, is gá PFGEnna a oiriúnú do na líonraí cumarsáide paicéadlasctha is nuaí, agus tacaíocht a thabhairt do líonraí ceallacha ciorcadlasctha go fóill, fad atá líonraí cumarsáide móibíleacha poiblí ciorcadlasctha gan sreang á n-oibriú ar a gcríoch.

(5)

Ghlac CEN dhá shonraíocht theicniúla nua le déanaí a bhaineann le eCall agus atá bunaithe ar líonraí paicéadlasctha, i gcomhréir leis na nósanna imeachta a leagtar síos i Rialachán (AE) Uimh. 1025/2012 ó Pharlaimint na hEorpa agus ón gComhairle (4). Ba cheart na sonraíochtaí teicniúla sin a chur leis na ceanglais atá ar PFGEnna tacú le glaonna eCall a fháil agus a láimhseáil.

(6)

Ceanglaítear le hAirteagal 109 de Threoir (AE) 2018/1972 ó Pharlaimint na hEorpa agus ón gComhairle (5) go n-áiritheoidh na Ballstáit go ndéanfaidh soláthraithe seirbhísí cumarsáide idirphearsanta uimhirbhunaithe atá ar fáil go poiblí, i gcás ina ligeann na seirbhísí sin d’úsáideoirí deiridh glaonna a dhéanamh ar uimhir i bplean uimhrithe náisiúnta nó idirnáisiúnta, rochtain a thabhairt ar sheirbhísí éigeandála trí chumarsáid éigeandála leis an PFGE is iomchuí. Chun comhsheasmhacht leis an Treoir sin a áirithiú, is gá, dá bhrí sin, roinnt de na sainmhínithe sa Rialachán seo a ailíniú léi.

(7)

Ceanglaítear le hAirteagal 5 de Rialachán Tarmligthe (AE) 2023/444 ón gCoimisiún (6) go n-áiritheoidh na Ballstáit go ndéanfar cumarsáid éigeandála agus faisnéis faoi shuíomh an ghlaoiteora a ródú gan mhoill chuig an PFGE is iomchuí a bheidh ábalta, go teicniúil, an fhaisnéis chomhthéacsúil a chur in iúl do na seirbhísí éigeandála agus na seirbhísí sin a chur ar an eolas.

(8)

I gcomhthéacs na nglaonna éigeandála a bheith á láimhseáil ag na PFGEnna, na seirbhísí éigeandála agus na páirtithe seirbhíse, ba cheart do na Ballstáit a áirithiú go ndéanfar sonraí pearsanta a phróiseáil i gcomhréir le Rialachán (AE) 2016/679 ó Pharlaimint na hEorpa agus ón gComhairle (7) agus Treoir 2002/58/CE ó Pharlaimint na hEorpa agus ón gComhairle (8). I gcomhréir leis an bprionsabal maidir le teorannú stórála a leagtar síos in Airteagal 5 de Rialachán (AE) 2016/679, níor cheart sonraí pearsanta a choinneáil níos faide ná mar is gá chun críoch próiseála agus ba cheart teorainneacha ama a shocrú chun comhlíonadh an phrionsabail sin a áirithiú. Ós rud é go bhfuil na PFGEnna freagrach faoi dhliteanas i leith cheanglais chomhréireachta na gcaighdeán eCall, is gá an tacar íosta sonraí (TÍS) amh a fuarthas ón nglaoch eCall agus an t-inneachar TÍS a cuireadh in iúl a choinneáil tar éis an glaoch a láimhseáil. Ba cheart do na Ballstáit tréimhsí leordhóthanacha coinneála sonraí a shocrú le haghaidh na sonraí sin i gcomhréir le rialacha náisiúnta dliteanais. I gcás nach luaitear tréimhse coinneála sonraí i ndlí Ballstáit, níor cheart na sonraí sin a choinneáil níos faide ná an tréimhse inar féidir leis na húdaráis inniúla iarraidh ar na PFGEnna comhréireacht a léiriú ná, in aon chás, ar feadh tréimhse is faide ná 10 mbliana.

(9)

Dá bhrí sin, ba cheart Rialachán Tarmligthe (AE) Uimh. 305/2013 a leasú dá réir sin.

(10)

Chun an t-am is gá a thabhairt do na bonneagair PFGE atá ann cheana chun oiriúnú a dhéanamh, ba cheart feidhm a bheith ag forálacha an Rialacháin seo ón 1 Eanáir 2026 a mhéid a bhaineann le bonneagair atá i bhfeidhm cheana ar dháta theacht i bhfeidhm an Rialacháin seo.

(11)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (9) agus thug an Maoirseoir tuairim uaidh an 13 Samhain 2023,

(1)

Leasaítear Airteagal 2 mar a leanas:

(2)

Leasaítear Airteagal 3 mar a leanas:

(3)

cuirtear an méid seo a leanas in ionad Airteagal 4:

(4)

cuirtear an méid seo a leanas in ionad Airteagal 5:

(*3)  Cinneadh Uimh. 585/2014/AE ó Pharlaimint na hEorpa agus ón gComhairle an 15 Bealtaine 2014 maidir leis an tseirbhís eCall idir-inoibritheach uile-Aontais a chur in úsáid (IO L 164, 3.6.2014, lch. 6).’ "

(5)

Cuirtear an méid seo a leanas in ionad Airteagal 6:

(*4)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí), IO L 119, 4.5.2016, lch. 1.’;"

(6)

in Airteagal 7, cuirtear an méid seo a leanas in ionad mhír 2:

(7)

cuirtear an méid seo a leanas in ionad Airteagal 8: