Bonneagar AE don fhaisnéis spásúlachta (Inspire)

ACHOIMRE AR:

Treoir 2007/2/CE lena mbunaítear bonneagar don fhaisnéis spásúlachta sa Chomhphobal Eorpach (Inspire)

CAD IS AIDHM LEIS AN TREOIR?

Leagtar síos sa treoir rialacha ginearálta lena mbunaítear bonneagar don fhaisnéis spásúlachta* san Eoraip, rud a dhéantar ar mhaithe le beartais chomhshaoil an Aontais Eorpaigh (AE) agus le beartais nó gníomhaíochtaí a d’fhéadfadh cur isteach ar an gcomhshaol.
Cuireann an bonneagar Eorpach le bonneagar na faisnéise spásúlachta, a chuirtear ar bun agus a fheidhmítear ag tíortha AE.

PRÍOMHPHOINTÍ

Cuirtear an reachtaíocht i bhfeidhm maidir le sonraí spásúlachta:

a chumhdaíonn limistéir ina bhfuil cearta dlínsiúla ag tíortha AE;
a bhfuil formáid leictreonach orthu;
atá i seilbh ag údarás poiblí nó ag comhlacht eile a úsáideann an líonra, nó a choimeádtar i seilbh ar a shon;
a bhaineann le faisnéis chomhshaoil.
Tá na tíortha AE freagrach as a chinntiú go gcruthaítear meiteashonraí* do na tacair agus seirbhísí éagsúla sonraí spásúlachta* comhshaoil atá liostaithe sa reachtaíocht. Ag brath ar an ábhar, ní mór iad sin a chur ar bun laistigh de dhá nó cúig bliana ón am a chuirtear na rialacha i bhfeidhm.
Glacann an Coimisiún Eorpach, le cúnamh ó choiste, le socruithe teicniúla chun a chinntiú gur féidir leis na tacair agus na seirbhísí sonraí spásúlachta obair le chéile, agus déanann sé iad a chomhchuibhiú más féidir.
Bhí ar na tíortha AE glacadh leis na rialacha cur chun feidhme sin an 15 Bealtaine 2009 nó 15 Bealtaine 2012 nó roimhe sin, ag brath ar an ábhar.
Ní mór do thíortha AE líonra a chur ar bun agus a fheidhmiú lena mbaineann na seirbhísí seo a leanas:
Aimsiú: chun tacair agus seirbhísí sonraí spásúlachta a chuardach.
Amharc: chun tacair sonraí spásúlachta ar féidir amharc orthu a thaispeáint, chun nascleanúint a dhéanamh orthu, chun zúmáil isteach agus amach, chun peanáil agus chun iad a fhorleagan.
Íoslódáil: nuair is féidir é sin a dhéanamh, chun rochtain dhíreach a dhéanamh ar chóipeanna de na tacair sonraí spásúlachta agus iad a íoslódáil.
Trasfhoirmiú: tacair sonraí spásúlachta a athrú ó bhonn chun idir-inoibritheacht a bhaint amach.
Ní mór d’údaráis phoiblí a bheith ábalta a dtacair agus a seirbhísí sonraí spásúlachta a nascadh leis an líonra náisiúnta.
Is féidir le tíortha AE teorainn a chur le rochtain ag an bpobal ar thacair agus ar sheirbhísí sonraí spásúlachta ar chúiseanna éagsúla, amhail rúndacht dhlíthiúil, slándáil phoiblí, cearta maoine intleachtúla nó cosaint an chomhshaoil.
Tá geothairseach Inspire á feidhmiú ag an gCoimisiún. Is féidir an tairseach sin a úsáid chun líonraí náisiúnta a rochtain.
Ní éilítear sa reachtaíocht gur gá sonraí nua spásúlachta a bhailiú.

Measúnú

I mí Lúnasa 2016, d’fhoilsigh an Coimisiún a thuarascáil maidir le cur chun feidhme Threoir INSPIRE (2007/2/CE). In éineacht leis an tuarascáil seo, chuir sé measúnú mionsonraithe i láthair a rinneadh i gcomhthéacs a chláir um Oiriúnacht Rialála (REFIT).
Léiríodh sa mheasúnú seo go bhfuil treoir INSPIRE fós oiriúnach don fheidhm den chuid is mó, ach gur gur tuilleadh iarrachtaí a dhéanamh ar leibhéal AE agus ar leibhéal thíortha AE chun na bearnaí suntasacha cur chun feidhme a dhúnadh agus leas a bhaint as na tairbhí sa treoir seo. Lena chois sin, baineann saincheisteanna nach mór aird a thabhairt orthu leis na forálacha um bheartas sonraí (Airteagal 17 den treoir seo) agus caighdeáin agus úsáid na sonraíochtaí teicniúla sna rialacha cur chun feidhme (lena n-áirítear tuairisciú a chuíchóiriú).
Mar thoradh air sin, d’eisigh an Coimisiún líon moltaí agus gníomhaíochtaí a chuirfidh sé chun feidhme anois i ndlúth-chomhoibriú le tíortha AE i gClár Oibre um Chothabháil agus um Chur chun Feidhme 2016-2020.

CÉN UAIR ATÁ TOSACH FEIDHME NA TREORACH?

Cuireadh an treoir i bhfeidhm an 15 Bealtaine 2007. Bhí ar thíortha AE an treoir a ionchorprú ina ndlí náisiúnta faoin 15 Bealtaine 2009.

CÚLRA

Chun tuilleadh faisnéise a fháil, féach:

“Treoir Inspire” ar shuíomh gréasáin an Choimisiúin Eorpaigh.

* PRÍOMHTHÉARMAÍ

Bonneagar don fhaisnéis spásúlachta: cumhdaíonn an téarma seo meiteashonraí, tacair agus seirbhísí sonraí spásúlachta; seirbhísí agus teicneolaíochtaí líonra; comhaontuithe maidir le roinnt, le rochtain agus le húsáid; agus sásraí, próisis agus nósanna imeachta maidir le comhordú agus faireachán

Meiteashonraí: faisnéis a thugann cur síos ar thacair agus ar sheirbhísí sonraí spásúlachta, lenar féidir iad a aimsiú, liosta a dhéanamh díobh agus iad a úsáid.

Sonraí spásúlachta: aon sonraí a dhéanann tagairt go díreach nó go hindíreach do shuíomh nó do limistéar geografach ar leith, amhail seoltaí, líonraí iompair, airde agus úsáid na talún.

PRÍOMHDHOICIMÉAD

Treoir 2007/2/CE ó Pharlaimint na hEorpa agus ón gComhairle an 14 Márta 2007 lena mbunaítear Bonneagar don Fhaisnéis Spásúlachta sa Chomhphobal Eorpach (Inspire) (IO L 108, 25.4.2007, lgh. 1-14)

DOICIMÉID GHAOLMHARA

Rialachán (CE) Uimh. 1205/2008 ón gCoimisiúin an 3 Nollaig 2008 lena gcuirtear i bhfeidhm Treoir 2007/2/CE ó Pharlaimint na hEorpa agus ón gComhairle maidir le meiteashonraí (IO L 326, 4.12.2008, lgh. 12-30).

Ionchorpraíodh sa bhuntéacs leasuithe i ndiaidh a chéile ar Rialachán (CE) Uimh. 1205/2008. Is chun críocha doiciméadúcháin amháin an leagan comhdhlúite seo.

Cinneadh 2009/442/CE ón gCoimisiún an 5 Meitheamh 2009 lena gcuirtear i bhfeidhm Treoir 2007/2/CE ó Pharlaimint na hEorpa agus ón gComhairle maidir le faireachán agus tuairisciú (IO L 148, 11.6.2009, lgh. 18-26).

Féach an leagan comhdhlúite.

Treoir 2008/56/CE ó Pharlaimint na hEorpa agus ón gComhairle an 17 Meitheamh 2008 lena mbunaítear creat i gcomhair gnímh ag an gcomhphobal sa réimse a bhaineann le beartas comhshaoil mhuirí (Creat-Treoir um an Straitéis Mhuirí) (IO L 164, 25.6.2008, lgh. 19-40)

Rialachán (CE) Uimh. 976/2009 ón gCoimisiún an 19 Deireadh Fómhair 2009 lena gcuirtear i bhfeidhm Treoir 2007/2/CE ó Pharlaimint na hEorpa agus ón gComhairle maidir le Seirbhísí Líonra (IO L 274, 20.10.2009, lgh. 9-18).

Féach an leagan comhdhlúite.

Rialachán (AE) Uimh. 268/2010 ón gCoimisiún an 29 Márta 2010 lena gcuirtear i bhfeidhm Treoir 2007/2/CE ó Pharlaimint na hEorpa agus ón gComhairle maidir le rochtain ar thacair agus ar sheirbhísí sonraí spásúlachta na mBallstát ag institiúidí agus ag comhlachtaí an Chomhphobail faoi choinníollacha comhchuibhithe (IO L 83, 30.3.2010, lgh. 8-9)

Rialachán (AE) Uimh. 1089/2010 ón gCoimisiún an 23 Samhain 2010 lena gcuirtear i bhfeidhm Treoir 2007/2/CE ó Pharlaimint na hEorpa agus ón gComhairle maidir le hidir-inoibritheacht tacar agus seirbhísí sonraí spásúlachta (IO L 323, 8.12.2010, lgh. 11-102).

Féach an leagan comhdhlúite.

Rialachán (AE) Uimh. 1088/2010 ón gCoimisiún an 23 Samhain 2010 lena leasaítear Rialachán (CE) Uimh. 976/2009 maidir le seirbhísí íoslódála agus trasfhoirmithe (IO L 323, 8.12.2010, lgh. 1-10)

Rialachán (AE) Uimh. 102/2011 ón gCoimisiún an 4 Feabhra 2011 lena leasaítear Rialachán (AE) Uimh. 1089/2010 lena gcuirtear i bhfeidhm Treoir 2007/2/CE ó Pharlaimint na hEorpa agus ón gComhairle maidir le hidir-inoibritheacht tacar agus seirbhísí sonraí spásúlachta (IO L 31, 5.2.2011, lgh. 13-34)

Rialachán (AE) Uimh. 1253/2013 ón gCoimisiún an 21 Deireadh Fómhair 2013 lena leasaítear Rialachán (AE) Uimh. 1089/2010 lena gcuirtear i bhfeidhm Treoir 2007/2/CE maidir le hidir-inoibritheacht tacar agus seirbhísí sonraí spásúlachta (IO L 331, 10.12.2013, lgh. 1-267)

Rialachán (AE) Uimh. 1311/2014 ón gCoimisiún an 10 Nollaig 2014 lena leasaítear Rialachán (CE) Uimh. 976/2009 maidir le sainmhíniú a thabhairt ar eilimint mheiteashonraí Inspire (IO L 354, 11.12.2014, lgh. 6-7)

Rialachán (AE) Uimh. 1312/2014 ón gCoimisiún an 10 Nollaig 2014 lena leasaítear Rialachán (AE) Uimh. 1089/2010 lena gcuirtear i bhfeidhm Treoir 2007/2/CE ó Pharlaimint na hEorpa agus ón gComhairle maidir le hidir-inoibritheacht seirbhísí sonraí spásúlachta (IO L 354, 11.12.2014, lgh. 8-16)

Treoir 2012/18/AE ó Pharlaimint na hEorpa agus ón gComhairle an 4 Iúil 2012 maidir le guaiseacha mórthionóisce a rialú lena mbaineann substaintí contúirteacha, lena leasaítear agus lena n aisghairtear ina dhiaidh sin Treoir 96/82/CE ón gComhairle (IO L 197, 24.7.2012, lgh. 1-37)

Treoir 2010/40/AE ó Pharlaimint na hEorpa agus ón gComhairle an 7 Iúil 2010 maidir leis an gcreat i gcomhair Córas Cliste Iompair sa réimse iompair ar bhóthar agus comhéadan le modhanna eile iompair (IO L 207, 6.8.2010, lgh. 1-13)

Rialachán (AE) Uimh. 377/2014 ó Pharlaimint na hEorpa agus ón gComhairle an 3 Aibreán 2014 lena mbunaítear Clár Copernicus agus lena n aisghairtear Rialachán (AE) Uimh. 911/2010 (IO L 122, 24.4.2014, lgh. 44-66)

Treoir 2014/89/AE ó Pharlaimint na hEorpa agus ón gComhairle an 23 Iúil 2014 lena mbunaítear creat i gcomhair pleanála spásúlachta muirí (IO L 257, 28.8.2014, lgh. 135-145)

Nuashonraithe 21.02.2017