Intrastat: staidreamh ndáil le trádáil earraí idir tíortha AE

ACHOIMRE AR:

Rialachán (CE) 638/2004 maidir le staidreamh i ndáil le trádáil earraí idir tíortha AE

CAD IS AIDHM LEIS AN RIALACHÁN?

• Bunaítear leis córais agus nósanna imeachta chun oibriú Intrastat a shimpliú, córas a cuireadh ar bun sa bhliain 1993, chun faisnéis maidir le trádáil earraí laistigh den Aontas Eorpach (AE) a bhailiú.
• Féachtar leis a chinntiú go mbailíonn tíortha AE sonraí inchomparáide agus iontaofa lena dtarchur chuig Eurostat, oifig staidrimh AE. Bíonn staidreamh trádála den saghas sin riachtanach chun beartais maidir leis an margadh aonair AE a fhorbairt agus chun an margadh a anailísiú.

PRÍOMHPHOINTÍ

Raon

• Pléitear sa rialachán le trádáil in earraí. Is éard is brí le “trádáil in earraí” ná earraí a bhogadh ó thír AE amháin go dtí tír AE eile; is éard is brí le “earraí” ná maoin shochorraithe, sruth leictreach san áireamh.
• Gnóthais AE atá cláraithe le haghaidh cánach breisluacha (CBL), a bhfuil tairseach áirithe á sárú acu maidir le trádáil bhliantúil, bíonn orthu sonraí faoina gcuid idirbheart a chomhroinnt le Ballstáit AE eile. Baineann na sonraí sin le hearraí a ghlacadh (éadálacha, ceannacháin nó allmhairí) agus le hearraí a sheoladh amach (aistriú, díolacháin nó onnmhairí). Ní chuirtear an riachtanas sin i bhfeidhm maidir le gnóthais eile.
• Leagann tíortha AE luach tairsí nua amach gach bliain agus leagann siad luach ar leith amach le haghaidh na n-earraí a nglactar leo agus a sheoltar amach (rud a ligeann dóibh íosmhéid sonraí a bhailiú faoi gach sreabhadh trádála).

Clárú

Déanann údaráis náisiúnta staidrimh na dtíortha AE clár de na hoibreoiríagus coinsínitheann in AEagus coinsínitheann (.i. gnóthais) a bhainistiú, clár a bhfuil coinsíneoiríagus coinsínitheann .

Na sonraí a bhailítear le haghaidh Intrastat

Bíonn ar na gnóthais, ar gá dóibh dearbhuithe a chur isteach chun críocha Intrastat, an fhaisnéis seo a leanas a chur ar fáil:

• a n-uimhir aitheantais;
• an tréimhse thagartha;
• an sreabhadh (glacadh/seoladh amach);
• an tráchtearra lena mbaineann (trí chód ocht ndigit d’Ainmníocht Chomhcheangailte AE a úsáid);
• an tír AE comhpháirtíochta;
• luach na n-earraí san airgeadra náisiúnta;
• méid na n-earraí i nglanmhais (an meáchan gan phacáistíocht a chur san áireamh) agus an t-aonad forlíontach (lítear, m², líon na míreanna, srl.), más iomchuí;
• an cineál idirbhirt.

Rúndacht

Féadfaidh páirtí a chuireann faisnéis ar fáil iarraidh ar na sonraí sin a choimeád faoi rún. Sa chás sin, bíonn ar na húdaráis náisiúnta cinneadh a dhéanamh faoi cibé an ndéanfar torthaí staidrimh, lenar féidir an soláthróir a aithint, a scaipeadh nó an ndéanfar na torthaí sin a leasú ionas nach ndéanfar dochar don rúndacht staidrimh má scaipfear iad.

Sonraí a tharchur chuig Eurostat

• Tarchuireann na tíortha AE torthaí míosúla a gcuid staidrimh maidir le trádáil earraí idir na tíortha AE chuig Eurostat.
• Bíonn ar thíortha AE a chinntiú go gcloíonn cáilíocht na sonraí tarchurtha leis na caighdeáin atá i bhfeidhm. Ní mór critéir áirithe a chomhlíonadh i dtaca le staidreamh:
  • ábharthacht;
  • cruinneas;
  • tráthúlacht;
  • poncúlacht;
  • inrochtaineacht agus soiléireacht;
  • inchomparáideacht;
  • comhtháiteacht.
• Is féidir leis an gChoimisiún Eorpach, le cúnamh ó Choiste an Chórais Staidrimh Eorpaigh a bhfuil ionadaithe ó na tíortha AE ann, glacadh le hathruithe áirithe teicniúla i leith an rialacháin seo.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 1 Eanáir 2005.

CÚLRA

• Cuireadh Intrastat ar bun an 1 Eanáir 1993, an dáta ar seoladh an margadh aonair AE. Úsáidtear Intrastat seachas dearbhuithe custaiméirí mar fhoinse sonraí trádála ó shin i leith.
• Féach láithreán gréasáinEurostat chun tuilleadh faisnéise a fháil.

PRÍOMHDHOICIMÉAD

Rialachán (CE) Uimh. 638/2004 ó Pharlaimint na hEorpa agus ón gComhairle an 31 Márta 2004 maidir le staidreamh Comhphobail a bhaineann le trádáil earraí idir na Ballstáit agus lena n-aisghairtear Rialachán (CEE) Uimh. 3330/91 ón gComhairle (IO L 102, 7.4.2004, lgh. 1-8)

Rinneadh leasuithe comhleanúnacha ar Rialachán (CE) Uimh. 638/2004 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Nuashonraithe 07.11.2016