Staidreamh i dtaca leis an tsláinte phoiblí / i dtaca leis an tsláinte agus leis an tsábhailteachta ag an obair

ACHOIMRE AR:

Rialachán (CE) Uimh. 1338/2008 i ndáil le staidreamh Comhphobail i dtaca leis an tsláinte phoiblí agus i dtaca leis an tsláinte agus leis an tsábháilteacht ag an obair

CAD IS AIDHM LEIS AN RIALACHÁN?

• Leagtar amach ann na rialacha maidir leis an gcaoi ar cheart staidreamh i dtaca leis an tsláint agus leis an tsábháilteacht ag an obair a bhailiú agus a thíolacadh d’fhonn sonraí inchomparáide ar fud gach ballstát san Aontas Eorpach (EU).
• Cabhróidh sé sin leis an Aontas Eorpach beartas éifeachtach um shláinte phoiblí a cheapadh agus tacú le straitéisí náisiúnta sa réimse sin.

PRÍOMHPHOINTÍ

Seoltar an staidreamh a bhailíonn na Ballstáit, Lichtinstéin, an Íoslainn agus an Iorua chuig oifig staidrimh AE, Eurostat.

Bailítear staidreamh faoi na hábhair seo a leanas.

• An tsláinte agus na tosca a chuireann isteach ar an tsláinte:
  • tuairimí sláinte;
  • feidhmiú fisiciúil agus meabhrach, agus míchumas;
  • galrachta*, miondealaithe de réir diagnóise;
  • tionóiscí agus gortuithe;
  • stíl mhaireachtála (aclaíocht, aiste bia, caitheamh tobac, alcól, úsáid drugaí, srl.) agus tosca comhshaoil, sóisialta agus ceirde;
  • rochtain ar shaoráidí cúram sláinte agus úsáid na saoráidí sin;
  • Faisnéis déimeagrafach agus shocheacnamaíoch faoi dhaoine aonair.
• Cúram sláinte:
  • saoráidí;
  • baill foirne;
  • costas agus maoiniú.
• Cúiseanna báis:
  • saintréithe an duine a fuair bás;
  • réigiún;
  • cúiseanna bunúsacha leis an mbás.
• Tionóiscí ag an obair, galair cheirde agus fadhbanna sláinte eile a bhaineann leis an obair:
  • an duine lena mbaineann;
  • an gortú nó an bhreoiteacht agus déine an ghortaithe nó na breoiteachta sin;
  • an eagraíocht agus an t-ionad oibre;
  • na cúiseanna agus tosca atá i gceist.

Dá éis Rialachán (CE) Uimh. 1338/2008 tháinig roinnt rialachán , ina leagtar amach rialacha agus nósanna imeachta níos mionsonraithe maidir le gnéithe eile a bhaineann le bailiú staidrimh sláinte.

• Rialachán (AE) Uimh. 328/2011. Na bunchúiseanna le básanna agus marbh-bhreitheanna i ngach Ballstát.
• Rialachán (AE) Uimh. 349/2011. Bailiú staidrimh i dtaca le tionóiscí ag an obair.
• Rialachán (AE) Uimh. 141/2013. Staidreamh bunaithe ar an Suirbhé Eorpach um Agallaimh Shláinte (SEAS).
• Rialachán (AE) 2015/359. Staidreamh a chur ar fáil maidir le caiteachas ar chúram sláinte agus maoiniú (don tréimhse thagartha 2014-2020).
• Rialachán (AE) 2018/255. Staidreamh bunaithe ar SEAS.
• Rialachán (AE) 2021/1901. Staidreamh a chur ar fáil maidir le caiteachas ar chúram sláinte agus maoiniú (agus 2021 mar an chéad bhliain tagartha).
• Rialachán (AE) 2022/2294. Staidreamh a chur ar fáil maidir le staidreamh i dtaca le saoráidí cúraim sláinte, acmhainní daonna cúraim sláinte agus úsáid chúraim sláinte.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 20 Eanáir 2009.

CÚLRA

Le haghaidh tuilleadh faisnéise, féach:

• Sláinte — forléargas (Eurostat)
• Suirbhé Eorpach um Agallaimh Shláinte — modheolaíocht (Eurostat)
• Staidreamh maidir le tionóiscí ag an obair (Eurostat)

PRÍOMHTHÉARMAÍ

PRÍOMHDHOICIMÉAD

Rialachán (CE) Uimh. 1338/2008 ó Pharlaimint na hEorpa agus ón gComhairle an 16 Nollaig 2008 maidir le staidreamh Comhphobail i dtaca leis an tsláinte phoiblí agus i dtaca leis an tsláinte agus leis an tsábháilteacht ag an obair (IO L 354, 31.12.2008, lgh. 70–81).

Rinneadh leasuithe comhleanúnacha ar Rialachán (CE) Uimh. 1338/2008 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (AE) 2022/2294 ón gCoimisiún an 23 Samhain 2022 lena gcuirtear chun feidhme Rialachán (CE) Uimh. 1338/2008 ó Pharlaimint na hEorpa agus ón gComhairle a mhéid a bhaineann le staidreamh i ndáil le saoráidí cúraim sláinte, acmhainní daonna cúraim sláinte agus úsáid cúraim sláinte (IO L 304, 24.11.2022, lgh. 42–52).

Rialachán (AE) Uimh. 2021/1901 ón gCoimisiún an 29 Deireadh Fómhair 2021 lena gcuirtear chun feidhme Rialachán (CE) Uimh. 1338/2008 ó Pharlaimint na hEorpa agus ón gComhairle i dtaca le staidreamh maidir le caiteachas agus maoiniú cúraim sláinte (IO L 387, 3.11.2021, lgh. 110–119).

Rialachán (AE) 2018/255 ón gCoimisiún an 19 Feabhra 2018 lena gcuirtear chun feidhme Rialachán (CE) Uimh. 1338/2008 ó Pharlaimint na hEorpa agus ón gComhairle i dtaca le staidreamh bunaithe ar an Suirbhé Eorpach um Agallaimh Shláinte (SEAS)(IO L 48, 21.2.2018, lgh. 12–38).

Rialachán (AE) Uimh. 2015/359 ón gCoimisiún an 4 Márta 2015 lena gcuirtear chun feidhme Rialachán (CE) Uimh. 1338/2008 ó Pharlaimint na hEorpa agus ón gComhairle i dtaca le staidreamh maidir le caiteachas agus maoiniú cúraim sláinte (IO L 62, 6.3.2015, lgh. 6–15).

Rialachán (AE) Uimh. 141/2013 ón gCoimisiún an 19 Feabhra 2013 lena gcuirtear chun feidhme Rialachán (CE) Uimh. 1338/2008 ó Pharlaimint na hEorpa agus ón gComhairle maidir le staidreamh Comhphobail i dtaca leis an tsláinte phoiblí agus i dtaca leis an tsláinte agus leis an tsábháilteacht ag an obair, i dtaca le staidreamh atá bunaithe ar an Suirbhé Eorpach um Agallamh Sláinte (IO L 47, 20.2.2013, lgh. 20–48).

Féach an leagan comhdhlúite.

Rialachán (AE) Uimh. 349/2011 ón gCoimisiún an 11 Aibreán 2011 lena gcuirtear chun feidhme Rialachán (CE) Uimh. 1338/2008 ó Pharlaimint na hEorpa agus ón gComhairle maidir le staidreamh Comhphobail i dtaca leis an tsláinte phoiblí agus i dtaca leis an tsláinte agus leis an tsábháilteacht ag an obair, i dtaca le staidreamh a bhaineann le tionóiscí ag an obair (IO L 97, 12.4.2011, lgh. 3–8).

Rialachán (AE) Uimh. 328/2011 ón gCoimisiún an 5 Aibreán 2011 lena gcuirtear chun feidhme Rialachán (CE) Uimh. 1338/2008 ó Pharlaimint na hEorpa agus ón gComhairle maidir le staidreamh Comhphobail i dtaca leis an tsláinte phoiblí agus i dtaca leis an tsláinte agus leis an tsábháilteacht ag an obair, i dtaca le staidreamh a bhaineann le cúiseanna báis (IO L 90, 6.4.2011, lgh. 22–24).

Nuashonraithe 26.01.2023