DOICIMÉAD INMHEÁNACH OIBRE DE CHUID AN CHOIMISIÚIN ACHOIMRE FEIDHMIÚCHÁIN AR AN MEASÚNÚ TIONCHAIR A ghabhann leis an doiciméad Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le ríomhaitheantas agus seirbhísí iontaoibhe le haghaidh ríomh-idirbheart sa mhargadh inmheánach /* SWD/2012/0136 final - COD 2012/0146 */
DOICIMÉAD INMHEÁNACH OIBRE DE CHUID AN
CHOIMISIÚIN ACHOIMRE FEIDHMIÚCHÁIN AR AN MEASÚNÚ
TIONCHAIR A ghabhann leis an doiciméad Togra le haghaidh
RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le ríomhaitheantas agus
seirbhísí iontaoibhe le haghaidh ríomh-idirbheart sa mhargadh inmheánach 1. Comhthéacs an bheartais, Saincheisteanna
nós imeachta agus comhairliúchán leis na páirtithe leasmhara Tá forbairt eacnamaíoch ag brath go mór ar
iontaoibh a chothú ar an timpeallacht ar líne. I ngeall ar easpa iontaoibhe
bíonn drogall ar thomhaltóirí, gnóthais agus riaracháin idirbhearta a dhéanamh
go leictreonach agus seirbhísí nua a úsáid. Sa tionscnamh atá beartaithe le
haghaidh creata rialúcháin féachtar le hidirbhearta leictreonacha slána gan
uaim a chur ar fáil idir gnóthais, saoránaigh agus riaracháin, agus ar an dóigh
sin méadú ar a éifeachtaí atá seirbhísí leictreonacha poiblí agus
príobháideacha, ríomhghnó agus ríomhthráchtáil. Tá bacainní ar ríomhsheirbhísí trasteorann ann
agus ní foláir iad a dhíchur. Ar mhaithe le bheith ina gcumasóirí táirgiúla
seachas ina gconstaicí, ní foláir ríomhaitheantas, ríomh‑fhíordheimhniú,
ríomhshínithe (eIAS) agus ríomhsheirbhísí iontaoibhe gaolmhara a
aithint agus a ghlacadh go frithpháirteach ar fud an AE. Níl aon chreat AE
cuimsitheach trasteorann ná trasearnála le haghaidh seirbhísí eIAS. Is do
ríomhshínithe amháin atá creat dlí ar leibhéal an AE ann agus gan ann do chreat
dlí don ríomhaitheantas agus ríomhfhíordheimhniú ná seirbhísí coimhdeacha
iontaoibhe lena mbaineann. In Clár Oibre Digiteach don Eoraip d'fhógair
an Coimisiún go mbeadh bearta dlíthiúla á moladh aige a dhíreodh níos mó ar
ríomhshíniú agus a chinnteodh aitheantas frithpháirteach san ríomhaitheantas
(eID) agus ríomhfhíordheimhniú chun ilroinnt agus easpa idir‑inoibritheacht
a dhíchur, feabhas a chur ar 'saoránacht dhigiteach' agus cibearchoireacht a
chosc. Ba le linn pléití,
ceardlann agus comhdhálacha a bhailigh an Coimisiún aiseolas ó na Ballstáit, ó
Pharlaimint na hEorpa agus ó gheallsealbhóirí agus an measúnú tionchair seo á
ullmhú. Seoladh staidéir a bhain le eIAS agus rinneadh suirbhé ar an litríocht
ar an ábhar seo. Seoladh comhairliúchán poiblí in 2011 chun ionchur a bhailiú i
dtaobh conas a d'fhéadfadh ríomhaitheantais, fíordheimhniú agus sínithe feabhas
a chur ar an margadh aonair. Cuireadh leis an gcomhairliúchán suirbhé
spriocdhírithe a rinneadh ar thuairimí agus riachtanais shonracha FBManna. 2.2. Sainmhíniú
na faidhbe D'fhéadfadh deacrachtaí bheith ag úsáideoirí
agus seirbhísí eIAS trasteorann á n‑úsáid acu. Is iad seo a leanas na
príomhchonstaicí atá roimh eIAS trasteorann atá slán agus atá gan uaim: 1 - Ilroinnt an mhargaidh: bíonn rialacha difriúla i bhfeidhm maidir le soláthraithe de
réir an Bhallstáit a bhfuil siad ag freastal air. Maidir le ríomhshínithe, tá an comhchuibhiú
atá i réim ó tugadh isteach Treoir 1999/93/CE maidir le ríomhshínithe, tá
sé neamhfhoirfe. Sainaithníodh ceithre fhadhb: na rialacha a bheith á gcur i
bhfeidhm ar bhealaí éagsúla ar an leibhéal Eorpach mar thoradh ar léirmhínithe
éagsúla ag na Ballstáit ar an Treoir; maolaithe de facto d'iarratais
earnála poiblí a bheith á gcur i bhfeidhm; caighdeáin atá as dáta agus dualgais
mhaoirseachta a bhí doiléir agus a chruthaigh fadhbanna idir‑inoibritheachta;
margadh an AE a bheith mórdheighilte agus saobhadh sa mhargadh inmheánach. I gcás an ríomhaitheantais, tagann fadhbanna
idir‑inoibritheachta chun cinn de thoradh réitigh teicneolaíocha difriúla
maidir le haitheantas pearsanta a bheith ag na Ballstáit, de thoradh easpa cinnteachta
dlí maidir le húsáid trasteorainn an ríomhaitheantais agus de thoradh easpa
freagrachta as cruinneas na sonraí aitheantais. Maidir le seirbhísí coimhdeacha iontaoibhe,
ceal creata dhlíthiúil AE glactar dlíthe náisiúnta i gcás cuid de na seirbhísí
seo i roinnt Ballstáit agus ar chostais arda do sholáthraithe ar mian leo a
seirbhísí a thairiscint i roinnt Ballstát. Bacainní trádála sa mhargadh
inmheánach agus ilroinnt an toradh atá air sin sa dá chás. 2 - Easpa iontaoibhe agus easpa muiníne: de thoradh an easpa iontaoibhe agus an easpa muiníne i gcórais
leictreonacha, sna huirlisí a soláthraítear agus sa chreat dlíthiúil, feictear
do dhaoine uaireanta gur lú na coimircí dlíthiúla a ghabhann le leagan
leictreonach seachas le hidirghníomhaíocht fhisiciúil. I gcás ríomhshínithe, tá difríocht
cháilíochtúil idir na ceanglais mhaoirseachta náisiúnta ó Bhallstát go chéile,
rud a fhágann casta go maith é do pháirtithe a bhíonn ag brath ar ríomhshíniú
le fios a bheith acu cén sórt maoirsithe a dhéantar ar sholáthraí seirbhíse. Maidir le ríomhaitheantas agus seirbhísí
coimhdeacha iontaoibhe de thoradh reachtaíochtaí náisiúnta ilchineálacha is
deacair d'úsáideoirí bheith ag mothú slán agus iad ag idirghníomhú ar líne i
gcásanna trasteorainn. Seo hiad na ceithre phríomhchúiseanna atá
leis na fadhbanna seo: A: Raon feidhme neamhleor leis an gcreat
dlíthiúil reatha Réamhchoinníollacha is ea seirbhísí eIAS do
réimse leathan ríomh‑idirghníomhaíochtaí amhail ríomhbhaincéireacht,
ríomhrialtas nó seirbhísí ríomhshláinte. Tá creat rialála neamhfhoirfe agus
teoranta ann, ar leibhéal an AE, a dhíríonn go bunúsach ar ríomhshínithe. Ní
ann d'aon chreat sonrach don ríomhaitheantas frithpháirteach, don ghlacadh le
ríomhaitheantas ná do sheirbhísí coimhdeacha iontaoibhe cosúil le stampáil ama
ná ríomhshéalaí. B: Easpa
comhordaithe idir forbairt ríomhshínithe agus forbairt ríomhaitheantais . Rinneadh bonneagair eIAS a fhorbairt go
leithliseach ar a chéile gan comhordú ar leibhéal an AE. Cruthaítear bacainní
roimh ríomhidirbhearta de thoradh an easpa idir‑inoibritheachta
trasteorann idir réitigh theicniúla. Tá an easpa aithinte agus glactha
fhrithpháirtigh ar cheann de na cúiseanna a bhfuil drogall ar úsáideoirí agus
soláthraithe ríomhsheirbhísí eIAS a úsáid. C: Easpa trédhearcachta i ráthaíochtaí
slándála Tá sé ríthábhachtach go mbeadh slándáil láidir
agus comhchuibhithe i bhfeidhm má tá réitigh iontaofa le cruthú. Tá sé seo
ábhartha go háirithe i gcás rochtana ar sheirbhísí ina mbíonn sonraí pearsanta
san áireamh, ar nós seirbhísí ríomhshláinte. Leagadh síos i dTreoir 99/93/CE
nach féidir deimhneacht dhlíthiúil a thabhairt ach do na ríomhshínithe sin a
thugann ráthaíocht slándála agus atá cosanta a ndóthain ar ghóchumadh agus ar
chalaois (ríomhshínithe ardleibhéil agus cáilithe). Measann úsáideoirí gur mórbhacainn is ea an
easpa córas slán ríomhaitheantas. Ciallaíonn gan creat dlíthiúil comhchuibhithe
do ríomhaitheantas a bheith ann nach féidir slándáil ná iontaofacht
ríomhaitheantais oifigiúla a chinneadh ar bhealach oibiachtúil trasna
teorainneacha. Cruthaíonn se sin bacainní trasteorainn, easpa iontaoibhe dá
réir agus margadh ilroinnte. Cúis imní eile is ea goid aitheantais.
Féadfaidh ríomhaitheantais slána an riosca sin a laghdú. Os a choinne sin agus
fágann ríomhaitheantais nár slánaíodh mar is ceart gur fusa do choirpigh teacht
ar ríomhaitheantais bhréagacha nó ar ríomhaitheantais ar baineadh dóibh. D: Easpa
feasachta/glactha ag úsáideoirí Cruthaíonn castacht na
teicneolaíochta atá in úsáid, agus an ról lárnach a bhíonn ag tríú páirtithe a
mbíonn iontaoibh astu, timpeallacht ina mbíonn sé deacair iontaoibh a mheas. Go
háirithe, caithfidh úsáideoirí deiridh, atá gan a ndóthain saineolais go minic,
bheith in ann brath ar rialacha a leagann síos go soiléir cearta agus
freagrachtaí na ngeallsealbhóirí uile (soláthraithe seirbhísí iontaoibhe,
úsáideoirí deiridh agus comhlachtaí rialachais). 3.3. An
cás bunlíne Gan aon idirghabháil rialála nua bheith ann is
cás bunlíne don tionscnamh. Táthar ag tuar sa chás seo go n‑iompódh an
scéal amach mar a leanas: Ní réiteofaí fadhbanna idir‑inoibritheachta
agus ilroinnte: is dócha go leanfadh na Ballstáit de
Threoir 99/93/CE a chur chun feidhme agus a chur i bhfeidhm. Ní bheadh deimhneacht dhlíthiúil áiritithe: na fadhbanna a thagann ón easpa aitheantais fhrithpháirtigh ar
ríomhshínithe agus ó gan creat dlíthiúil chun ríomhaitheantas frithpháirteach
agus glacadh le ríomhaitheantas agus le seirbhísí coimhdeacha iontaoibhe,
bheidís ina mbac ar aitheantas dlíthiúil bheith ag raon idirghníomhaíochtaí trasteorann. Ní shásófaí go hiomlán riachtanais
úsáideoirí: faoin gcreat reatha, ní féidir lántairbhe
a bhaint as na deiseanna atá á gcruthú ag forbairtí teicneolaíocha. Ní bhainfí lánghiaráil as
príomhthionscnaimh Eorpacha: maidir le beartais an AE
amhail an Treoir maidir le Seirbhísí, an Treoir maidir le Soláthar Poiblí agus
an Treoir maidir le CBL (ríomhshonraisc), nó na tionscadail piolótacha
mhórscála ICT‑PSP[1]
atá ceaptha na dúshláin idir‑inoibritheachta agus na fadhbanna
trasteorainneacha a bhaineann le ríomh‑idirghníomhaíochtaí a shárú, ní
éireodh leo ach ar an leibhéal piolótach ceall creata dlíthiúil tras‑earnálach. 4.4. Cuspóirí
beartais Sainaithníodh
ceithre chuspóir ghinearálta: féachaint chuige go bhforbrófaí margadh
aonair digiteach; eochairsheirbhísí poiblí trasteorainn a cur chun cinn agus a
fhorbairt; iomaíocht sa mhargadh aonair a spreagadh agus a neartú;
inláimhsitheacht don úsáideoir a fheabhsú (saoránaigh agus cuideachtaí). Tá na
cuspóirí seo i gcomhréir le beartais straitéiseacha de chuid an AE ar nós an Straitéis
Eoraip 2020, an Clár Oibre Digiteach don Eoraip, agus an Gníomh
um an Margadh Aonair agus an Treochlár um Chobhsaíocht agus Fás. Is
éard a léiríonn na sainchuspóirí a bhaineann leis an margadh eIAS
('céard é') na torthaí atáthar ag iarraidh a bhaint amach trí chuspóirí
oibríochtúla a chur ar bun ('conas'). I gcás gach sainchuspóra, sainaithníodh
roinnt cuspóirí oibriúcháin. 5.5. Roghanna
beartais Chun na fadhbanna a réiteach agus na cuspóirí
thuasluaite a bhaint amach rinneadh measúnú ar thrí thacar roghanna: (1) raon
feidhme an chreata atá beartaithe, (2) an ionstraim dlí agus (3) an leibhéal
maoirseachta: ·
Faoin gcéad thacar, 'raon feidhme an chreata',
rinneadh scrúdú ar cheithre rogha: Rogha 0: Aisghairm
Threoir 99/93/CE agus gan aon ghníomhaíochtaí rialála a bhaineann le
ríomhaitheantas ná le seirbhísí coimhdeacha iontaoibhe bheith ann. Is éard atá sa rogha seo scor de ghníomhaíochtaí
uile an AE i réimse na ríomhshínithe. Dhéanfaí Treoir 99/93/CE a aisghairm
agus ní mholfaí aon bhearta reachtaíochta maidir le haitheantas frithpháirteach
ríomhaitheantais. ·
Rogha 1: Gan
athruithe beartais (an cás bunlíne) D'fhágfaí Treoir 99/93/CE mar atá gan athrú.
Ní mholfaí aon reachtaíocht maidir le ríomhaitheantais. ·
Rogha 2: Deimhneacht dhlíthiúil a fheabhsú,
méadú ar an gcomhordú idir na húdaráis mhaoirseachta náisiúnta agus aithint
agus glacadh frithpháirteach ríomhaitheantais a áirithiú. Leathnófaí raon feidhme Threoir 99/93/CE trí
fhorálacha a chur leis a chuimseodh aithint agus glacadh frithpháirteach
scéimeanna 'ríomhaitheantais ar tugadh fógra ina leith'[2]. Dhéanfaí leasú ar fhorálacha
de chuid na Treorach a bhaineann le ríomhshínithe chun na laigí atá ann faoi
láthair a réiteach agus, ar an dóigh sin, feabhas a chur ar an gcomhordú idir
na húdaráis náisiúnta maoirseachta. ·
Rogha 3: An raon feidhme a leathnú
chun seirbhísí coimhdeacha iontaoibhe áirithe a chumhdach. Cuireann an rogha seo le Rogha 2 trí
sheirbhísí coimhdeacha iontaoibhe agus dintiúirí a thabhairt faoi feidhme an
togra. Ar na nithe coimhdeacha ríthábhachtacha a áireofaí
sa reachtaíocht bheadh: stampáil ama, ríomhshéalaí, caomhnú fadtéarmach
faisnéise, seachadadh ríomhdhoiciméid theastaithe, inghlacthacht
ríomhdhoiciméid agus fíordheimhniú láithreán gréasáin. ·
Faoin dara tacar, a bhaineann le 'ionstraim dlí',
déantar scrúdú ar cheithre rogha: Ionstraim reachtaíochta cuimsitheach amháin
(Rogha A) nó dhá cheann ar leith (Rogha B) Is éard a d'fhéadfadh bheith sa reachtaíocht beart
amháin cuimsitheach a chuimseodh ríomhaitheantas, fíordheimhniú agus síniú nó
dhá ionstraim, is é sin Cinneadh ón gCoimisiúin ar ríomhaitheantais agus
athbhreithniú ar an Treoir maidir le ríomhshínithe. Treoir (Rogha C) nó Rialachán (Rogha D): D'fhéadfadh an reachtaíocht bheith i bhfoirm
Treorach nó Rialacháin. ·
Faoin tríú tacar, a bhaineann leis an leibhéal
'maoirseachta', rinneadh scrúdú ar dhá rogha: Rogha (i): Na scéimeanna maoirseachta naisiúnta
a choinneáil ar bun Choinneofaí ar bun na scéimeanna maoirseachta
náisiúnta atá ann faoi láthair ach le comhchuibhiú níos láidre trí cheanglais
choiteanna sár‑riachtanach a leagan síos. Rogha (ii): Córas maoirseachta ar leibhéal an
AE a bhunú Bhunófaí córas maoirseachta ar leibhéal an AE chun
difríochtaí idir socruithe maoirseachta náisiúnta a laghdú nó a dhíchur ar fad.
D'fhéadfaí é seo a dhéanamh ar dhá bhealach : Forogha (a): scéim
mhaoirseachta agus comhlacht de chuid an AE a chur in ionad scéimeanna
maoirseachta naisiúnta atá ann cheana. Forogha (b): scéim
mhaoirseachta agus comhlacht de chuid an AE a bhunú agus, anuas air sin, na
scéimeanna maoirseachta naisiúnta a choinneáil (d'fhéadfadh gach Ballstát a
scéim féin nó an scéim Eorpach a roghnú). 6.6. Comparáid
na roghanna beartais agus tionchair Rinneadh measúnú ar na roghanna beartais agus
cuireadh i gcomparáid iad leis an gcás bunlíne (Rogha 1) i dtéarmaí
éifeachtachta, éifeachtúlachta agus comhtháiteachta. 6.1.6.1. Raon feidhme an chreata Ní bheadh Rogha 0 ina chúnamh na
cuspóirí atá sainaitheanta sa tuarascáil um Measúnú Tionchar a bhaint amach. Ní
mhéadófaí ar infhaighteacht ná ar ghlacadh le seirbhísí eIAS trasteorainn agus
trasearnála, ná ní áiritheofaí an leibhéal optamach rialtais, ná ní spreagfaí
forbairtí margaidh, ná ní neartófaí iomaíochas thionscal na hEorpa ná earnáil
seirbhísí na hEorpa ná ní áiritheofaí go mbeadh sé ar chumas gach úsáideoir
leas a bhaint as seirbhísí eIAS. Is amhlaidh a chuirfeadh sé bac le forbairtí
teicneolaíocha i margadh an eIAS, chuirfeadh sé isteach ar an bpróiseas atá ar
siúl faoi láthair féachaint ríomhsheirbhísí trasteorann a chumasú agus chothódh
sé margadh san AE a bheadh ilroinnte agus ina mbeadh an leibhéal iontaoibhe
neamhchothrom. Ní éireodh le
Rogha 1 na cuspóirí a bhaint amach. Chothódh sé na débhríochtaí atá
ann cheana agus leanfadh an leibhéal neamhchothroime iontaoibhe maidir le
maoirseacht de bheith ann. Bheadh éiginnteacht rialála fós ann agus leanfadh
margadh an AE de bheith á dheighilt ag is éard a thiocfadh as sin saobhadh ar
dhálaí iomaíochta an mhargaidh inmheánaigh agus méadú ar an dóchúlacht go
mbeadh cuir chuige difriúla náisiúnta ann. Chuirfeadh Rogha 2 leis an
deimhnitheach dhlíthiúil, mhéadófaí ar an maoirseacht agus d'áiritheofaí
aithint agus glacadh frithpháirteach ríomhaitheantais, agus d'éascófaí go mór
baint amach na gcuspóirí uile a luaitear sa tuarascáil faoin measúnú tionchair,
agus as sin thiocfadh torthaí dearfacha eacnamaíocha, sóisialta agus
comhshaoil. Chuirfí le mealltacht na seirbhísí eIAS,
mhéadófaí ar an toradh ar infheistíochtaí a rinneadh i mbonneagar agus
seirbhísí eIAS. Ina theannta sin, bheadh fail ar eIAS ag gach earnáil agus ag
gach cineál cuideachta agus dhéanfaí bacainní trasteorainn a dhíchur.
D'osclófaí margaí nua agus infheistíochtaí nua, rud a spreagfadh an nuálaíocht. Laghdófaí ilroinnt an mhargaidh, toisc go
gcuirfí feabhas ar idir‑inoibritheacht trasteorann trí chead a thabhairt
tagairtí a dheanamh do chaighdeáin theicniúla. D'fhágfadh aithint agus glacadh
frithpháirteach ríomhaitheantas go ndéanfaí tuilleadh díchuir ar na bacainní
atá ann faoi láthair roimh an margadh aonair ríomhaitheantais. Ar deireadh, is
dócha go gcuirfeadh an aonchineálacht mhaoirseachta, a d'eascródh é féin ó na
ceanglais riachtanacha choiteanna, le hiontaoibh, le brath calaoise a éascú
agus cur leis an iarracht goid aitheantais a chosc. Chuirfeadh Rogha 3 le mealltacht
seirbhísí eIAS agus dá réir mhéadódh ar a dtionchar dearfach tríd an creat a
leathnú chun seirbhísí iontaoibhe seirbhísí coimhdeacha iontaoibhe riachtanacha
áirithe a chumhdach. Meastar gur Rogha 3
is oiriúnaí thar Rogha 0, 1 agus 2 maidir le tionchar suntasach a bheith
aici ar ríomh‑idirghníomhaíochtaí atá slán agus éasca le húsáid. 6.2.6.2. Ionstraim dlí Dhearbhódh soláthar creata cuimsitheach atá
laistigh d'aon ionstraim amháin go mbeadh an reachtaíocht a rialaíonn na
gnéithe éagsúla de eIAS comhsheasmhach. Tá baol ann go gcruthódh dhá
ionstraim ar leith dibhéirseachtaí sna forálacha a ghlacfar maidir le
ríomhshínithe agus ríomhaitheantas — agus, rud níos tábhachtaí fós, i gcur
chuige na dtionscnamh. Ní bheadh glacadh Treorach ina réiteach
ar na ceisteanna atá ann faoi láthair a bhaineann le hidir‑inoibritheachta
ríomhshínithe a thagann ó thrasuíonna dibhéirseacha Threoir 99/93/CE. Cuireann Rialachán
infheidhmeacht láithreach ar fáil gan léirmhíniú agus dá thoradh sin breis
comhchuibhithe agus dá bhrí sin tá sé níos oiriúnaí chun cuspóirí na
reachtaíochta atá beartaithe a bhaint amach. Tá an chuma air gurb é an t‑aon
Rialachán amháin an bealach is éifeachtaí na cuspóirí a bhaint amach. 6.3.6.3. Leibhéal maoirseachta Faoi Rogha i, choinneodh an
reachtaíocht nua na scéimeanna maoirseachta náisiúnta atá ann cheana agus a
chuirfeadh sí comhcheanglais fhíor‑riachtanach i bhfeidhm ar
sholáthraithe seirbhísí. D'fheabhsódh cur chuige comhchuibhithe ar leibhéal an
AE maidir le ríomhshínithe agus seirbhísí coimhdeacha iontaoibh go mór an
mhaoirseacht éifeachtach, chuirfeadh sé le deimhnitheacht dhlíthiúil agus
mhéadódh sé iontaoibh agus slándáil ríomh‑idirbhearta. Thabharfadh Rogha ii
maoirseacht ar fud na hEorpa atá aonchineálach, éifeachtúil agus ar chaighdeán
ard. Tá sé de bhuntáiste ag Forogha b níos mó solúbthacht a bheith
ann seachas aon chomhlacht maoirseachta amháin mar a déantar foráil do in Forogha a:
ballstáit nach bhfuil aon soláthraithe seirbhísí iontaoibhe bunaithe iontu, nó
ina bhfuil na soláthraithe sin gan, d'fhéadfadh sé bheith ina bhuntáiste acu
dualgais mhaoirseachta a aistriú go comhlacht maoirseachta de chuid an AE.
D'fhéadfadh Ballstáit eile a gcuid scéimeanna maoirseachta a choimeád dá mba
thoil leo é. Tagann ceisteanna maidir le coimhdeacht san áireamh le samhail
mhaoirseachta lárnaithe a bheith ag an AE. Más ag cloí le
prionsabal na coimhdeachta atáthar is í (Rogha i) an ceann is sásúla. 7.7. Réasúnaíocht
ar son ghníomh ón AE, breisluach don AE agus coimhdeacht Ar nós Threoir 99/93/CE, is é Airteagal 114
den CFAE maidir leis an margadh inmheánach an bunús dlí atá ag an togra
reachtach chun na bacainní atá ann cheana roimh fheidhmiú an mhargaidh
inmheánaigh a dhíchur trí chothú a dhéanamh ar aithint agus glacadh
frithpháirteach ríomhaitheantais, fíordheimhniú, sínithe agus seirbhísí
coimhdeacha iontaoibhe gaolmhara trasna teorainneacha nuair a theastaíonn siad
chun ríomh‑idirbhearta a dhéanamh. Ós rud é gur seirbhísí neamhchríochacha iad
seirbhísí eIAS, is leor agus is comhréireach gníomhú ar leibhéal an AE chun an
margadh aonair digiteach a chur chun feidhme. Ní
féidir bheith ag súil gur leor bearta rialúcháin a dhéanamh ar leibhéal an
Bhallstáit chun an toradh céanna a bhaint amach. Dá
bhrí sin tá idirghabháil ón AE ag teastáil, agus tá sé cuí agus cóir. 8.8. Faireachán
agus meastóireacht Dhéanfadh an Coimisiún faireachán ar chur chun
feidhme na reachtaíochta trí chomhchainteanna leanúnacha le páirtithe leasmhara
agus trí bhailiú staidrimh; agus thuairisceoidís do Pharlaimint na hEorpa agus
don Chomhairle maidir le tionchar na reachtaíochta nua ceithre bliana tar éis
di teacht i bhfeidhm. [1] http://ec.europa.eu/information_society/activities/ict_psp/about. [2] ‘Ríomhaitheantais ar tugadh fógra
ina leith’: scéim ríomhaitheantas ar
thug Ballstát fógra ina leith don Choimisiún lena haithint agus lena glacadh
trasna teorainneacha.
Níl coincheap na ríomhaitheantais ar tugadh fógra ina
leith teoranta do na ríomhaitheantais a eisíonn an earnáil phoiblí: d'fhéadfadh na Ballstáit fógra a thabhairt maidir
le ríomhaitheantais a d'eisigh an earnáil phríobháideach, ríomhaitheantais a
aithníonn siad agus a úsáideann siad ina seirbhísí earnála poiblí féin. Tá gá leis an gcur chuige seo toisc nach n‑eisíonn
na hudaráis i ngach Ballstát ríomhaitheantais. D'fhágfadh an ghné thras‑earnála
sin den reachtaíocht go bhféadfadh an earnáil phríobháideach ríomhaitheantais
ar tugadh fógra ina leith a úsaid nuair a theastaíonn ríomhaitheantas slán.