Iarmhair de tháirgí íocshláinte tréidliachta i mbia–ábhair de thionscnamh ainmhíoch

ACHOIMRE AR:

Rialachán (CE) Uimh. 470/2009 – nósanna imeachta AE chun teorainneacha na n–iarmhar a bhunú do shubstaintí atá gníomhach ó thaobh na cógaseolaíochta de i mbia–ábhair de thionscnamh ainmhíoch

CAD IS AIDHM LEIS AN RIALACHÁN?

Leagtar síos leis rialacha maidir le huasteorainneacha iarmhar* do shubstaintí atá gníomhach ó thaobh cógaseolaíochta de a úsáidtear sa tréidliacht, amhail antaibheathaigh, i mbia de thionscnamh ainmhíoch – lena n–áirítear feoil, iasc, bainne, uibheacha agus mil – chun sábháilteacht bia a áirithiú.

Maidir leis sin, leagtar amach leis:

bunú na nósanna imeachta maidir le huasteorainneacha iarmhar
an pointe tagartha do ghníomhaíocht* i gcásanna nár ríomhadh uasteorainn na n–iarmhar.

PRÍOMHPHOINTÍ

Ní mór don iarratasóir ar údarú margaíochta le haghaidh táirge íocshláinte tréidliachta – ina n–úsáidtear substaint ar bith atá gníomhach ó thaobh na cógaseolaíochta de – iarratas a chur isteach chuig an nGníomhaireacht Leigheasra Eorpach. Ní mór don ghníomhaireacht ansin tuairim a thabhairt ina mbeidh measúnú riosca eolaíoch agus moltaí bainistíochta riosca.
Cinneann an ghníomhaireacht an gcuirfidh sí uasteorainneacha bunaithe iarmhar i bhfeidhm maidir le bia nó speiceas faoi leith. Leagann an Coimisiún Eorpach rialacha amach maidir leis na coinníollacha i dtaca le ríomh sin theorainneacha na n–iarmhar.
Ní mór a chinneadh sa mheasúnú riosca cibé an ábhar is cúram sábháilteachta do shláinte an duine é cineál agus méid na n–iarmhar arna mheasúnú nó nach ea.
Ní mór measúnú a dhéanamh i moltaí na bainistíochta riosca ar roinnt éagsúla tosca, lena n-áirítear substaintí malartacha a bheith ar fáil le haghaidh cóireáil speiceas ábhartha.
Aicmíonn an Coimisiún na substaintí atá gníomhach ó thaobh na cógaseolaíochta de ar thug an ghníomhaireacht tuairim fúthu cheana. Is féidir leis pointí tagartha do ghníomhaíocht a bhunú le haghaidh substaintí atá gníomhach ó thaobh na cógaseolaíochta de nach bhfuil aicmithe.
I gcásanna airithe, féadfaidh an Coimisiún nó Ballstát AE iarratas a chur isteach chuig an ngníomhaireacht ar thuairim ar uasteorainneacha na n–iarmhar. Áirítear ar chásanna dá leithéid cúinsí sa chás go bhfuil an tsubstaint lena mbaineann údaraithe lena húsáid i dtír nach bhfuil in AE.
Tá roinnt substaintí as an áireamh i raon feidhme an rialacháin seo, lena n–áirítear substaintí arna gcumhdach faoi Rialachán AE (CEE) Uimh. 315/93 maidir le héilleáin i mbia (féach an achoimre).
I mí Eanáir 2017, ghlac an Coimisiún rialachán cur chun feidhme, Rialachán Cur Chun Feidhme (AE) 2017/12. Leagtar síos leis an rialachán foirm agus inneachar na n–iarratas agus na n–iarrataí chuig an nGníomhaireacht Leigheasra Eorpach maidir le huasteorainneacha na n–iarmhar a bhunú.
I mí an Mheithimh 2017, ghlac an Coimisiún Rialachán (AE) 2017/880. Leagtar síos leis an rialachán seo rialacha maidir le heachtarshuíomh uasteorainneacha iarmhar, is é sin:
- úsáid a bhaint as uasteorainn iarmhar a bhunaítear do shubstaint atá gníomhach ó thaobh cógaseolaíochta de i mbia–ábhar amháin do bhia–ábhar eile a dhíorthaítear ón speiceas céanna; agus
- úsáid a bhaint as uasteorainn iarmhar a bhunaítear do shubstaint atá gníomhach ó thaobh cógaseolaíochta de i speiceas amháin nó níos mó do speiceas eile.
I mí na Bealtaine 2018, ghlac an Coimisiún Rialachán (AE) 2018/782 lena leagtar síos na prionsabail mhodheolaíochta do mheasúnaithe riosca agus na moltaí i leith an bhainistithe riosca atá le cur i bhfeidhm ag an nGníomhaireacht Leigheasra Eorpach agus tuairimí á n–ullmhú maidir le huasteorainneacha iarmhar substaintí atá gníomhach ó thaobh cógaseolaíochta de a fhéadfar a cheadú i mbia de thionscnamh ainmhíoch.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 6 Iúil 2009.

CÚLRA

Mar thoradh ar dhul chun cinn eolaíoch agus teicneolaíochta maidir le modhanna braite beachtaithe tá laghdú tagtha ar infhaighteacht na gcógas le haghaidh bia–ainmhithe agus b’éigean rialacha an Aontais Eorpaigh a choigeartú. Tugadh isteach an rialachán seo chun sábháilteacht tomhaltóirí agus infhaighteacht cógais tréidliachta do chóireáil galar sainiúil a chinntiú.

Le haghaidh tuilleadh faisnéise, féach:

Iarmhair táirgí íocshláinte tréidliachta (An Coimisiún Eorpach)
Cosaint do thomhaltóirí trí uasteorainneacha iarmhar (An Coimisiún Eorpach).

PRÍOMHTHÉARMAÍ

Uasteorainn iarmhar (MRL). Uastiúchan an iarmhair ó shubstaint atá gníomhach ó thaobh na cógaseolaíochta de a fhéadfar a cheadú i mbia de thionscnamh ainmhíoch.

Pointe tagartha do ghníomhaíocht. Leibhéal an iarmhair ó shubstaint atá gníomhach ó thaobh na cógaseolaíochta de a shocraítear chun críocha rialaithe i gcás substaintí áirithe nár socraíodh uasteorainn na n–iarmhar dóibh. Bunaítear na pointí tagartha do ghníomhaíocht i gcomhar le saotharlanna rialaithe oifigiúla.

PRÍOMHDHOICIMÉAD

Rialachán (CE) Uimh. 470/2009 ó Pharlaimint na hEorpa agus ón gComhairle an 6 Bealtaine 2009 lena leagtar síos nósanna imeachta Comhphobail chun teorainneacha na n–iarmhar a bhunú do shubstaintí atá gníomhach ó thaobh na cógaseolaíochta de i mbia–ábhair de thionscnamh ainmhíoch, agus lena n–aisghairtear Rialachán (CEE) Uimh. 2377/90 ón gComhairle agus lena leasaítear Treoir 2001/82/CE ó Pharlaimint na hEorpa agus ón gComhairle agus Rialachán (CE) Uimh. 726/2004 ó Pharlaimint na hEorpa agus ón gComhairle (IO L 152, 16.6.2009, lgh. 11-22).

DOICIMÉID GHAOLMHARA

Rialachán (AE) 2018/782 ón gCoimisiún an 29 Bealtaine 2018 lena mbunaítear na prionsabail mhodheolaíochta do mheasúnaithe riosca agus na moltaí i leith an bhainistithe riosca dá dtagraítear Rialachán (CE) Uimh. 470/2009 (IO L 132, 30.5.2018, lgh. 5-30).

Rialachán (AE) 2017/880 ón gCoimisiún an 23 Bealtaine 2017 lena leagtar síos rialacha maidir le huasteorainn iarmhar a socraíodh le haghaidh substainte atá gníomhach ó thaobh na cógaseolaíochta de i mbia–ábhar áirithe a úsáid le haghaidh bia–ábhair eile a eascraíonn ón speiceas céanna agus uasteorainn iarmhar a socraíodh le haghaidh substainte atá gníomhach ó thaobh na cógaseolaíochta de i speiceas amháin nó i níos mó ná speiceas amháin do speiceas eile, i gcomhréir le Rialachán (CE) Uimh. 470/2009 ó Pharlaimint na hEorpa agus ón gComhairle (IO L 135, 24.5.2017, lgh. 1-5).

Rialachán Cur Chun Feidhme (AE) 2017/12 ón gCoimisiún an 6 Eanáir 2017 maidir le foirm agus le hinneachar na n–iarratas agus na n–iarrataí chun uasteorainneacha na n–iarmhar a bhunú i gcomhréir le Rialachán (CE) Uimh. 470/2009 ó Pharlaimint na hEorpa agus ón gComhairle (IO L 4, 7.1.2017, lgh. 1-7).

Rialachán (AE) Uimh. 37/2010 ón gCoimisiún an 22 Nollaig 2009 maidir le substaintí atá gníomhach ó thaobh na cógaseolaíochta de agus a n–aicmiú ó thaobh uasteorainneacha na n–iarmhar de i mbia–ábhair de thionscnamh ainmhíoch (IO L 15, 20.1.2010, lgh. 1-72).

Rinneadh leasuithe comhleanúnacha ar Rialachán (CE) Uimh. 37/2010 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (CEE) Uimh. 315/93 ón gComhairle an 8 Feabhra 1993 lena leagtar síos nósanna imeachta Comhphobail maidir le héilleáin i mbia (IO L 37, 13.2.1993, lgh. 1–3).

Féach an leagan comhdhlúite.

Nuashonraithe 24.03.2022

Top