EUR-Lex Access to European Union law
This document is an excerpt from the EUR-Lex website
Pionóis airgeadais ar iompróirí paisinéirí
ACHOIMRE AR:
CAD É IS AIDHM LEIS AN TREOIR?
Féachtar leis an treoir seo inimirce neamhdhlíthiúil a chomhrac trí na pionóis airgeadais a fhorchuireann tíortha an Aontais Eorpaigh (AE) ar iompróirí paisinéirí a iompraíonn náisiúnaigh neamh–AE nach bhfuil doiciméadaithe mar is ceart a chomhchuibhiú.
PRÍOMHPHOINTÍ
Forlíontar leis Airteagal 26 den Choinbhinsiún lena gcuirtear chun feidhme Comhaontú Schengen lena gceanglaítear ar an iompróir freagracht a ghlacadh as na náisiúnaigh neamh–AE a thugann sé chuig an teorainn sheachtrach d’aer, ar muir nó ar talamh. I gcomhréir le hAirteagal 26 den Choinbhinsiún, ní mór don iompróir na bearta riachtanacha go léir a dhéanamh lena n–áiritheofar go mbeidh na doiciméid taistil a theastaíonn chun dul isteach i dtíortha Schengen ag náisiúnaigh neamh–AE a iompraítear d’aer, ar muir nó ar talamh.
I gcomhréir leis an treoir, beidh iompróir nach féidir leis náisiúnach neamh–AE a chur ar ais freagrach as an mbealach dá iompar nó dá hiompar ar aghaidh a aimsiú. Mura féidir an t–iompar sin a chur i gcrích láithreach, ní mór don iompróir freagracht a ghlacadh as costais fhanacht agus chur ar ais an náisiúnaigh neamh–AE.
Ceanglaítear leis an treoir ar thíortha AE chomh maith pionóis airgeadais a bheidh athchomhairleach, éifeachtach agus comhréireach a fhorchur ar na hiompróirí a sháróidh a n–oibleagáidí lena áirithiú go mbeidh na doiciméid a theastaíonn le haghaidh iontrála ag na daoine a bheidh ag taisteal chun limistéar Schengen. Leagtar amach leis an treoir:
Níl feidhm ag na pionóis airgeadais sin maidir le cásanna ina bhfuil an náisiúnach neamh–AE ag lorg cosaint idirnáisiúnta.
Lena chois sin, féadfaidh tíortha AE cineálacha éagsúla pionós a ghlacadh, amhail an fheithicil a urghabháil nó an ceadúnas oibríochta a aistarraingt.
Tá an ceart chun cosanta agus chun achomhairc ag iompróirí a dtionscnaíodh imeachtaí ina gcoinne mar gheall ar mhainneachtain a n–oibleagáidí a chomhlíonadh.
CÉN UAIR ATÁ TOSACH FEIDHME NA TREORACH?
Tá feidhm léi ón 9 Lúnasa 2001.
PRÍOMHDHOICIMÉAD
Treoir 2001/51/CE ón gComhairle an 28 Meitheamh 2001 lena bhforlíontar forálacha Airteagal 26 den Choinbhinsiún lena gcuirtear chun feidhme Comhaontú Schengen an 14 Meitheamh 1985 (IO L 187, 10.7.2001, lgh. 45-46)
DOICIMÉID GHAOLMHARA
Treoir 2004/82/CE ón gComhairle an 29 Aibreán 2004 maidir leis an oibleagáid ar iompróirí sonraí paisinéirí a chur in iúl (IO L 261, 6.8.2004, lgh. 24-27)
Nuashonraithe 23.04.2020