Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Coireacht eagraithe: creat coiteann d’oifigigh idirchaidrimh

 

ACHOIMRE AR:

Cinneadh 2003/170/CGB maidir le comhúsáid oifigeach idirchaidrimh arna bpostú thar lear ag gníomhaireachtaí forghníomhaithe dlí na mBallstát

CAD IS AIDHM LEIS AN GCINNEADH?

Tá sé mar aidhm le Cinneadh 2003/170/CGB, arna leasú le Cinneadh 2006/560/CGB, comhar a neartú maidir leo seo a leanas:

  • oifigigh idirchaidrimh, ionadaithe ó Bhallstáit an Aontais Eorpaigh (AE) arna bpostú thar lear ag gníomhaireacht forghníomhaithe dlí chuig tír amháin nó níos mó nach tíortha den Aontas Eorpach iad, nó chuig eagraíochtaí idirnáisiúnta, chun teagmhálacha a bhunú agus a choinneáil leis na húdaráis d’fhonn cionta coiriúla a chosc nó a imscrúdú; agus
  • oifigigh idirchaidrimh Ghníomhaireacht an Aontais Eorpaigh i ndáil le Comhar i bhForfheidhmiú an Dlí (Europol), fostaithe ar iasacht ó Europol (féach an achoimre) chun feabhas a chur ar an gcomhar idir tíortha nach tíortha den Aontas Eorpaigh iad nó eagraíochtaí agus Europol agus chun cuidiú le cineálacha tromchúiseacha coireachta idirnáisiúnta a chomhrac.

PRÍOMHPHOINTÍ

Ní mór do na Ballstáit a áirithiú go ndéanfaidh oifigigh idirchaidrimh na mBallstát arna bpostú chuig an tír chéanna nach tír den Aontas Eorpach í nó chuig an eagraíocht idirnáisiúnta chéanna an méid seo a leanas:

  • teacht le chéile go rialta chun faisnéis úsáideach a mhalartú;
  • oibriú le chéile chun an caidreamh leis an tír ósta a fheabhsú;
  • sainchúraimí a roinnt eatarthu féin, nuair is iomchuí;
  • aire a thabhairt do leasanna Ballstáit amháin eile nó níos mó, má d’aontaigh na Ballstáit lena mbaineann leis sin;
  • páirt a ghlacadh i gcomhsheimineáir ar threochtaí coireachta.

Féadfaidh Ballstát ar bith nach bhfuil oifigeach idirchaidrimh aige i dtír nach tír den Aontas Eorpach í dul i dteagmháil le Ballstát eile a bhfuil oifigeach idirchaidrimh aige.

Gach bliain, ní mór do na Ballstáit an méid seo a leanas a chur in iúl d’Ardrúnaíocht Chomhairle an Aontais Eorpaigh:

  • postú oifigeach idirchaidrimh a chuig tír nach tír den Aontas Eorpach í nó chuig eagraíocht, lena n–áirítear a bhfreagrachtaí;
  • na pointí teagmhála náisiúnta nach mór dóibh a ainmniú chun cur chun feidhme an chinnidh seo a éascú.

Dréachtaíonn Ardrúnaíocht na Comhairle achoimre bhliantúil maidir leis an mBallstát ar iasacht agus oifigigh idirchaidrimh Europol, a gcuid dualgas agus aon chomhaontuithe comhoibríocha a tugadh i gcrích maidir le postú oifigeach.

Soláthraíonn oifigigh idirchaidrimh Europol faisnéis do Europol maidir le bagairtí tromchúiseacha cionta coiriúla ar Bhallstáit. Cuirtear faisnéis den sórt sin ar aghaidh chuig na húdaráis náisiúnta ábhartha.

Aisghairtear le Cinneadh 2003/170/CGB gníomhaíocht chomhpháirteach 96/602/CGB agus Airteagal 47(4) den Choinbhinsiún lena gcuirtear chun feidhme Comhaontú Schengen (féach an achoimre).

CÉN UAIR ATÁ TOSACH FEIDHME AN CHINNIDH?

Tá sé i bhfeidhm ón 26 Márta 2003.

CÚLRA

Le haghaidh tuilleadh faisnéise, féach:

PRÍOMHDHOICIMÉAD

Cinneadh 2003/170/CGB ón gComhairle an 27 Feabhra 2003 maidir le comhúsáid oifigeach idirchaidrimh arna bpostú thar lear ag gníomhaireachtaí forghníomhaithe dlí na mBallstát (IO L 67, 12.3.2003, lgh. 27-30).

Rinneadh leasuithe comhleanúnacha ar Chinneadh 2003/170/CGB a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Leagan comhdhlúite den Chonradh ar Fheidhmiú an Aontais Eorpaigh — Cuid a Sé — Forálacha institiúideacha agus airgeadais — Teideal I — Forálacha institiúideacha — Caibidil 1 — Na hinstitiúidí — Roinn 3 — An Chomhairle — Airteagal 240 (sean–Airteagal 207 CCE) (IO C 202, 7.6.2016, lch. 154).

Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) lena n–aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (IO L 135, 24.5.2016, lgh. 53-114).

Nuashonraithe 19.07.2022

Top