Oideachas

Le hAirteagal 14 de Chairt an Aontais Eorpaigh (AE) um Chearta Bunúsacha sonraítear “go bhfuil an ceart chun oideachais ag gach duine agus chun rochtain a fháil acu ar oiliúint leanúnach agus ar ghairmoiliúint”.

Tá Ballstáit AE freagrach as a gcórais oideachais agus oiliúna féin a eagrú agus as ábhar na gclár teagaisc. Faoi Airteagal 165 den Chonradh ar Fheidhmiú an Aontais Eorpaigh, cuireann an tAontas Eorpach le forbairt oideachais ardchaighdeáin trí chomhar idir a Bhallstáit a spreagadh agus a éascú agus, más gá, trí thacú lena ngníomhaíocht agus cur léi.

Le buiséad de níos mó ná €28 billiún, maoinítear as an gclár nua Erasmus+ (2021-2027) tionscadail maidir le hoideachas agus oiliúint, chomh maith le bearta i bhfabhar na hóige agus an spóirt.

Ina theannta sin, tá na 27 Ballstát agus an Coimisiún Eorpach ag obair i dtreo feabhas fairsing a dhéanamh ar earnáil oideachais agus oiliúna an Aontais Eorpaigh. Tugtar limistéar Eorpach oideachais (LEO) ar an bhfís chomhroinnte seo, agus tá sé mar aidhm leis fíorspás foghlama Eorpach a chruthú, a rachaidh chun tairbhe gach foghlaimeora, múinteora agus institiúide, faoi 2025, tríd an méid seo a leanas:

• feabhas a chur ar chaighdeán an oideachais agus na hoiliúna do gach uile dhuine;
• cuimsiú agus comhionannas inscne a áirithiú;
• beartais agus infheistíochtaí a chur chun cinn chun an t–aistriú glas agus an t–aistriú digiteach a chur i bhfeidhm;
• inniúlacht agus spreagadh i ngairm an oideachais a fheabhsú;
• institiúidí ardoideachais a threisiú;
• foghlaim ar feadh an tsaoil agus soghluaisteacht a chur chun cinn; agus
• gné gheopholaitiúil an LEO a neartú.

FÉACH FREISIN

• An Chairt um Chearta Bunúsacha
• Limistéar Eorpach oideachais
• Ballstáit
• Modh oscailte an chomhordúcháin
• Gairmoiliúint
• An Óige
• Erasmus+ — Clár AE um oideachas, um oiliúint, um an óige agus um an spórt (achoimre)
• An Ghníomhaireacht Feidhmiúcháin Eorpach um Oideachas agus Cultúr (An Coimisiún Eorpach)
• Limistéar Eorpach oideachais (Europa)
• Maidir le hoideachas agus le hoiliúint in AE (An Coimisiún Eorpach)
• Erasmus+ (An Coimisiún Eorpach).