EUR-Lex Access to European Union law
This document is an excerpt from the EUR-Lex website
Document 52014PC0180
Proposal for a REGULATION OF THE EUROPEAN PARLIAMENT AND OF THE COUNCIL on organic production and labelling of organic products, amending Regulation (EU) No XXX/XXX of the European Parliament and of the Council [Official controls Regulation] and repealing Council Regulation (EC) No 834/2007
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le táirgeadh orgánach agus lipéadú táirgí orgánacha, lena leasaítear Rialachán (AE) Uimh. XXX/XXX ó Pharlaimint na hEorpa agus ón gComhairle [an Rialachán maidir le rialuithe oifigiúla] agus lena n_x001e_aisghairtear Rialachán (CE) Uimh. 834/2007 ón gComhairle
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le táirgeadh orgánach agus lipéadú táirgí orgánacha, lena leasaítear Rialachán (AE) Uimh. XXX/XXX ó Pharlaimint na hEorpa agus ón gComhairle [an Rialachán maidir le rialuithe oifigiúla] agus lena n_x001e_aisghairtear Rialachán (CE) Uimh. 834/2007 ón gComhairle
/* COM/2014/0180 final - 2014/0100 (COD) */
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le táirgeadh orgánach agus lipéadú táirgí orgánacha, lena leasaítear Rialachán (AE) Uimh. XXX/XXX ó Pharlaimint na hEorpa agus ón gComhairle [an Rialachán maidir le rialuithe oifigiúla] agus lena n_x001e_aisghairtear Rialachán (CE) Uimh. 834/2007 ón gComhairle /* COM/2014/0180 final - 2014/0100 (COD) */
MEABHRÁN MÍNIÚCHÁIN 1. COMHTHÉACS AN TOGRA 1.1. Forais agus cuspóirí an togra Le deich mbliana anuas tá an margadh orgánach
á fhorbairt go dinimiciúil i ngeall ar an éileamh a bheith ag dul i méid. Tá an
margadh domhanda do bhia orgánach méadaithe faoi cheathair ó 1999. Tá an
limistéar talún ar a ndéantar táirgeadh orgánach san Aontas Eorpach (an
tAontas) tar éis dúbailt. Gach bliain tiontaítear 5 000 000 heictéar
chun críche feirmeoireachta orgánaí. Níl an soláthar inmheánach ná an creat reachtach
tar éis coimeád suas leis an bhfás sin ar an margadh, áfach. Ní thógann na
rialacha táirgthe san áireamh go leordhóthanach na hathruithe ar imní agus
ionchais an tomhaltóra agus an tsaoránaigh; tá na rialacha lipéadaithe casta;
agus tá laigí sa chóras rialaithe agus sa chóras trádála tugtha faoi deara. Tá an reachtaíocht casta agus tá ualach mór riaracháin ag
baint léi a stopann feirmeoirí beaga ó bheith mar bhall de scéim orgánach an
Aontais. Is léir nach bhfuil call a thuilleadh le roinnt de na díolúintí ar a
raibh gá leo ar dtús chun an earnáil a fhorbairt. Tá sé mar aidhm ag an togra an reachtaíocht
maidir le táirgeadh orgánach a fheabhsú agus na cuspóirí seo a leanas aige: (1)
deireadh a chur le bacainní ar fhorbairt
inbhuanaithe táirgthe orgánaigh san Aontas, (2)
iomaíocht chóir d'fheirmeoirí agus d'oibreoirí a
ráthú agus ligean don mhargadh inmheánach feidhmiú i mbealach níos éifeachtúla, (3)
muinín na dtomhaltóirí as táirgí orgánacha a
choimeád nó a fheabhsú. 1.2. Comhthéacs ginearálta Agus Rialachán (CE) Uimh. 834/2007
ón gComhairle maidir le táirgeadh orgánach agus lipéadú táirgí orgánacha á
nglacadh[1], leag an Chomhairle amach sraith saincheisteanna agus cuireadh de
cheangal ar an gCoimisiún tuarascáil orthu sin a chur faoi bhráid Pharlaimint
na hEorpa agus faoi bhráid na Comhairle, tar éis athbhreithniú a dhéanamh ar an
taithí a fuarthas as cur i bhfeidhm Rialachán (CE) Uimh. 834/2007. Ghlac an Chomhairle conclúidí ar thuarascáil
an Choimisiúin[2] ag a cruinniú ar Thalmhaíocht agus Iascach an 13‑14 Bealtaine 2013[3] agus d'iarr siad ar na Ballstáit agus ar an gCoimisiún earnáil an
táirgthe orgánaigh a fhorbairt ar leibhéal uaillmhianach tríd an gcreat
dlíthiúil atá ann faoi láthair a athbhreithniú, chun inúsáidteacht an chreata a
fheabhsú agus tréimhse cobhsaíochta agus cinnteachta a sholáthar, tuilleadh
soiléirithe agus simplithe a sholáthar, agus chun aghaidh a thabhairt ar na
saincheisteanna atá fós gan réiteach agus a éilíonn tuilleadh forbartha. Tá an t‑athbhreithniú ar an reachtaíocht
maidir le táirgeadh orgánach mar chuid de Chlár an Choimisiúin um Oiriúnacht
agus Feidhmíocht Rialála[4]. Leis an athbhreithniú cuirtear deis ar fáil
cumhachtaí cur chun feidhme an Choimisiúin i Rialachán (CE) Uimh. 834/2007
ón gComhairle a ailíniú leis an idirdhealú idir cumhachtaí tarmligthe agus
cumhachtaí cur chun feidhme an Choimisiúin a tugadh isteach le hAirteagal 290
agus Airteagal 291 den Chonradh ar Fheidhmiú an Aontais Eorpaigh (CFAE). 1.3. Forálacha atá ann cheana sa
réimse seo Glacadh an chéad phíosa de reachtaíocht
Aontais maidir le táirgeadh orgánach in 1991. I Rialachán (CEE) Uimh. 2092/91
ón gComhairle tugadh sainmhíniú dlíthiúil ar tháirgeadh orgánach trí bhíthin
rialacha táirgthe, agus leagadh amach ceanglais rialaithe agus lipéadaithe agus
rialacha maidir le hallmhairiú táirgí orgánacha. Ba bhunús é sin chun
tomhaltóirí agus táirgeoirí orgánacha a chosaint in aghaidh dearbhuithe
orgánacha bréagacha agus míthreoracha. Rinneadh athbhreithniú ar an reachtaíocht sin
le glacadh Rialachán (CE) Uimh. 834/2007 ón gComhairle i Meitheamh 2007,
agus rinneadh na rudaí seo a leanas go háirithe: –
tugadh sainmhíniú breise ar tháirgeadh orgánach trí
na cuspóirí agus na prionsabail a bhaineann leis a thuairisciú, –
rinneadh comhchuibhiú níos fearr ar na rialacha
maidir le táirgeadh orgánach laistigh den Aontas, trí dheireadh a chur le
rialacha náisiúnta do tháirgí ainmhithe, –
tugadh isteach go bhféadfaí eisceachtaí a dhéanamh
ó na rialacha atá faoi fhreagracht na mBallstát ach teorainneacha diana a
bheith i bhfeidhm agus tréimhse teoranta ama a bheith i gceist, –
nascadh an córas rialaithe orgánaigh leis an córas
rialaithe bia agus beatha oifigiúil dá bhforáiltear le Rialachán (CE) Uimh. 882/2004[5] agus rinneadh éigeantach é creidiúnú a bheith ag comhlachtaí rialaithe
príobháideacha, –
rinneadh athstruchtúrú ar an gcóras
allmhairiúcháin: i dteannta an aitheantais do thríú tíortha chun críche
coibhéise, aithníonn an tAontas Eorpach comhlachtaí rialaithe atá gníomhach i
dtríú tíortha chun críche coibhéise nó comhlíonta. Fuarthas réidh leis an
gcóras a bhí ann roimhe sin inar dheonaigh na Ballstáit údaruithe aonair
coinsíneacht ar choinsíneacht ón Rialachán bunúsach agus tá sé á chéimniú amach
anois. 1.4. Comhsheasmhacht le beartais
eile Saothraíonn an tionscnamh seo na cuspóirí atá
sa Teachtaireacht maidir le Rialáil Chliste san Aontas Eorpach. Is é ceann de
chuspóirí an athbhreithnithe an t‑ualach reachtach a shimpliú. Tá sé i gcomhréir le creat ginearálta na
straitéise Eoraip 2020 go háirithe maidir leis an tosaíocht fás
inbhuanaithe a dhéanamh agus maidir le geilleagar atá níos éifeachtúla ó thaobh
acmhainní, níos glaise agus níos iomaíche a chur chun cinn. Tá sé i gcomhréir leis an athchóiriú ar an
gComhbheartas Talmhaíochta (CBT), faoina múnlaítear an creat foriomlán le
haghaidh fhorbairt na talamhaíochta san Aontas don tréimhse 2014-2020[6]. Dírítear leis na forálacha nua ar iomaíochas inbhuanaithe chun
earnáil táirgthe bia atá inmharthana ó thaobh an gheilleagair de a bhaint
amach, in éineacht le bainistiú inbhuanaithe ar achmhainní nádúrtha talamh‑bhunaithe
an Aontais, agus tá táirgeadh orgánach sainaitheanta mar phríomhghné den
earnáil. Cuireann an togra an Comhbheartas Iascaigh nua
maidir le dobharshaothrú san áireamh, a bhfuil príomhról aige slándáil bia
fhadtéarmach inbhuanaithe a áirithiú chomh maith le fás agus fostaíocht, agus
brú a laghdú ar stoic iasc fiáin, i gcomhthéacs an éilimh mhéadaithigh
dhomhanda ar bhia uisceach. Tá sé i gcomhréir leis an togra ón gCoimisiún
le haghaidh Rialacháin nua ón gComhairle agus ón bParlaimint maidir le rialuithe
oifigiúla[7], a bhfuil mar aidhm aige an cur chuige comhtháite a chomhdhlúthú i
ngach réimse a bhaineann leis an mbiashlabhra tríd an gcreat reachtach ina
iomláine a chuíchóiriú agus a shimpliú, agus cuspóir an rialaithe níos fearr á
shaothrú ag an am céanna. Go háirithe, ailínítear nó/agus soiléirítear
sainmhínithe mar is iomchuí, agus beartaítear na forálacha rialaithe
riachtanacha sonracha a chomhtháthú leis an gcreat aonair reachtach le haghaidh
rialuithe oifigiúla. Ar deireadh, tá an scéim táirgthe orgánaigh
mar chuid de scéimeanna cáilíochta an Aontais do tháirgí talmhaíochta, mar aon
le tásca geografacha, sainearraí traidisiúnta faoi ráthaíocht, agus táirgí ó na
réigiúin is forimeallaí agus ó limistéir sléibhe an AE mar a shonraítear sa
Teachtaireacht ón gCoimisiún chuig Parlaimint na hEorpa, chuig an gComhairle,
chuig an gCoiste Eacnamaíoch agus Sóisialta, agus chuig Coiste na Réigiún
maidir le beartas cáilíochta do tháirgí talmhaíochta agus mar atá leagtha síos
i Rialachán (CE) Uimh. 1151/2012 ó Pharlaimint na hEorpa agus ón
gComhairle maidir le scéimeanna cáilíochta[8]. 2. TORTHAÍ
AN CHOMHAIRLIÚCHÁIN LEIS NA PÁIRTITHE LEASMHARA AGUS MEASÚNUITHE TIONCHAIR 2.1. Comhairliúcháin Rinneadh anailís chuimsitheach ar an gcás mar
atá faoi láthair ar bhonn na faisnéise a bailíodh i rith sraithe éisteachtaí le
páirtithe leasmhara ar thug an Coimisiún cuireadh chucu do níos mó ná 70 saineolaí
agus acadóir chun plé iomlán a dhéanamh ar na dúshláin atá roimh an earnáil
orgánach faoi láthair agus na dúshláin a bheidh roimpi amach anseo. Sheol an Coimisiún comhairliúchán poiblí ar
líne ag tús 2013. Cuireadh thart ar 45 000 freagra ar an gceistneoir
isteach agus fuarthas beagnach 1 400 freagra deonach eile. Ba shaoránaigh
de chuid an Aontais Eorpaigh a chuir tromlach na bhfreagairtí (96 %)
isteach agus ba pháirtithe leasmhara a chuir na 4 % eile isteach. Ina theannta sin, cuireadh páirtithe leasmhara
na hearnála ar an eolas agus chuathas i gcomhairle leo maidir leis an
athbhreithniú ag roinnt cruinnithe de chuid an Ghrúpa Chomhairligh maidir le
Feirmeoireacht Orgánach. Ós rud é gur údaráis inniúla iad na Ballstáit
atá i gceannas ar an reachtaíocht a chur chun feidhme, coimeádadh ar an eolas
iad agus chuathas i gcomhairle leo maidir le gnéithe teicniúla an
athbhreithnithe. 2.2. Príomhthoradh an
chomhairliúcháin Ba shaincheisteanna comhshaoil agus cáilíochta
ba mhó a bhí ag déanamh imní d'fhreagróirí an chomhairliúcháin phoiblí. Ba
mhaith leo go neartófaí na rialacha orgánacha Eorpacha agus tá aonfhoirmeacht
uathu maidir le rialacha orgánacha d'fheirmeoirí agus d'oibreoirí ar fud an
Aontais. Dá bhrí sin tá an tromlach i bhfabhar deireadh a chur leis na
heisceachtaí ó na rialacha. Chuir na freagróirí in iúl go bhfuil ionchais arda
acu maidir le hiarmhair táirgí agus substaintí nach bhfuil údaraithe lena n‑úsáid
i dtáirgeadh orgánach. Cuireadh lógó orgánach an Aontais Eorpaigh ar chomhchéim
leis na lógónna náisiúnta mar bhealach chun táirgí orgánacha a aithint. Tá
muinín ag tromlach na saoránach agus na bpáirtithe leasmhara as an gcóras
rialaithe orgánaigh ach tá siad den tuairim go bhféadfaí é a fheabhsú, go
háirithe trí dheimhniú leictreonach a thabhairt isteach. Chomh maith leis sin,
tá siad i bhfabhar grúpdheimhniú d'fheirmeoirí beaga. Aithnítear go forleathan san earnáil orgánach
go bhfuil gá ann an reachtaíocht maidir le táirgeadh orgánach a fheabhsú. Tá
comhaontú ginearálta ann freisin gur cheart cloí go dlúth le prionsabail agus
le cuspóirí an táirgthe orgánaigh agus gur cheart deireadh a chur le
heisceachtaí ó na rialacha. 2.3. Measúnú tionchair Seo thíos an chomparáid a rinneadh sa mheasúnú
tionchair idir na trí chás mhalartacha beartais: –
An status quo feabhsaithe,
bunaithe ar fheabhsaithe a dhéanamh ar an reachtaíocht atá ann faoi láthair
agus an reachtaíocht sin a fhorfheidhmiú níos fearr. –
An rogha atá faoi thionchar an mhargaidh, a bhfuil mar aidhm aici foráil a dhéanamh maidir leis na
coinníollacha a bhfuil gá leo chun freagairt dhinimiciúil a thabhairt ar
thuilleadh forbairtí sa mhargadh le rialacha atá níos solúbtha. Chomhtháthófaí
rialacha eisceachtúla seanbhunaithe leis na rialacha táirgthe. –
An rogha atá faoi thionchar prionsabail, a bhfuil
mar aidhm aige táirgeadh orgánach a athdhíriú ar a chuid prionsabal, a bheadh
léirithe níos fearr sna rialacha táirgthe. Chuirfí deireadh le rialacha
eisceachtúla. Rinneadh measúnú ar na trí rogha ó thaobh a
gcumas cuspóirí CBT 2020 a bhaint amach, mar aon le cuspóirí beartais
sonracha agus cuspóirí oibríochtúla an athbhreithnithe a bhaint amach, agus ó
thaobh éifeachtúlacht agus éifeachtacht na roghanna de. Feidhmíonn an rogha atá
faoi thionchar prionsabail níos fearr de réir gach critéar ar a ndearnadh
meastóireacht, sa dara háit tá an rogha atá faoi thionchar an mhargaidh agus ar
deireadh an status quo feabhsaithe. Seo a leanas na torthaí a mheastar a bheidh ag
an rogha atá faoi thionchar prionsabail: –
Meastar go dtacóidh dearcadh margaidh dearfach le
praghsanna táirgí orgánacha agus le daoine nua a mhealladh, de bharr muiníne
feabhsaithe na dtomhaltóirí, –
Trí dheireadh a chur le heisceachtaí ó na rialacha,
ba cheart go gcuirfí le forbairt ionchur orgánach, go háirithe síolta, –
Earnáil níos tarraingtí a bheidh ann a bhuí le
rialacha táirgthe níos soiléire agus níos simplí, –
Beidh iomaíocht níos córa ann de bharr comhchuibhiú
níos láidre agus rialacha níos simplí agus níos soiléire a bheith ann agus tríd
an mbogadh ó choibhéis go comhlíonadh le haghaidh comhlachtaí rialaithe i dtríú
tíortha a aithint, –
Rachaidh muinín na
dtomhaltóirí i méid a bhuí le córas rialaithe feabhsaithe agus le rialacha
táirgthe comhchuibhithe lena dtabharfar aird ar ábhair imní shochaíocha atá ag
athrú (córas bainistíochta comhshaoil le haghaidh próiseálaithe agus
trádálaithe, leas ainmhithe), –
Meastar go bhfágfaidh cur chuige rioscabhunaithe go
dtiocfaidh feabhas ar éifeachtúlacht agus éifeachtacht na rialuithe agus go
rannchuideoidh siad, in éineacht le córas allmhairiúcháin níos iontaofa, leis
an gcalaois a chosc, –
Cuirfear béim ar na dea‑thionchair ar an
gcomhshaol a bhaineann le táirgeadh orgánach trí dheireadh a chur le rialacha
eisceachtúla, –
Feabhsófar coinníollacha leasa ainmhithe trí
dheireadh a chur le heisceachtaí. Baineadh de thátal as an measúnú tionchair
gurbh í rogha na tosaíochta an rogha atá faoi thionchar prionsabail, mar aon
leis na feabhsaithe atá molta faoi rogha an status quo feabhsaithe agus roinnt
foroghanna san áireamh. Tá aird ar leith tugtha ar an simpliú i rith
an phróisis ar fad. Déanfaidh rogha na tosaíochta: –
soiléiriú ar na forálacha maidir le raon feidhme,
rialacha táirgthe, lipéadú agus rialuithe, –
gheobhaidh sé réidh le forálacha mí‑éifeachtacha, –
cuirfidh sé teorainn le cumas na mBallstát
eisceachtaí ó na rialacha a dheonú, –
simpliú ar an gcóras allmhairiúcháin, –
simpliú ar na ceanglais ar fheirmeoirí beaga, go
háirithe ós rud é go dtabharfar grúpdheimhniú isteach. Maidir le costais riaracháin, leis an togra
seo bainfear 37 den 135 oibleagáid faisnéise atá ar oibreoirí orgánacha agus
lucht riaracháin orgánach cheana. 3. EILIMINTÍ DLÍ AN TOGRA 3.1. Achoimre ar an ngníomh atá
beartaithe Ní mór go leanfar de bheith ag cloí i
dtáirgeadh orgánach le tacar prionsabal a léiríonn go mion ionchais na
dtomhaltóirí. Cuirtear na rialacha
sonracha táirgthe go léir ar fáil le chéile in Iarscríbhinn a ghabhann leis an
Rialachán atá beartaithe, rud a thugann aghaidh ar fhadhb na hinléiteachta. Neartaítear agus comhchuibhítear rialacha
táirgthe trí eisceachtaí a bhaint amach, ach amháin i gcás ina bhfuil gá le
bearta sealadacha ionas go bhféadfar leanúint de tháirgeadh orgánach nó tosú
arís i gcás imthosca turraingeacha. Caithfear bainistiú a dhéanamh ar
ghabháltais talmhaíochta orgánacha i gcomhréir leis na ceanglais is infheidhme
maidir le táirgeadh orgánach agus ní cheadófar, i bprionsabal, an tréimhse
aistrithe a aithint go cúlghabhálach níos mó. Ní cheadófar ach comhábhair
thalmhaíochta orgánacha a úsáid i gcomhdhéanamh táirgí próiseáilte orgánacha.
Seachas micrifhiontair, tá ceangal ar oibreoirí orgánacha, cé is moite
d'fheirmeoirí nó d'oibreoirí a tháirgeann feamainn nó ainmhithe
dobharshaothraithe, córas a fhorbairt chun a bhfeidhmíocht comhshaoil a
fheabhsú. Feabhsaítear an córas rialaithe trí gach
foráil a bhaineann le rialú a chomhtháthú i dtéacs aonair reachtach faoin togra
ón gCoimisiún le haghaidh Rialacháin maidir le rialuithe oifigiúla agus gníomhaíochtaí
oifigiúla eile maidir le bia agus beatha. Mar sin, ní bheidh ar oibreoirí,
údaráis inniúla, údaráis rialaithe ná ar chomhlachtaí rialaithe brath a
thuilleadh ar dhá théacs reachtacha éagsúla le haghaidh na bhforálacha maidir
le rialuithe. Feabhsaítear inrialaitheacht trí shoiléiriú,
trí shimpliú agus trí chomhchuibhiú a dhéanamh ar na rialacha táirgthe agus trí
shraith eisceachtaí féideartha ó na rialacha a bhaint. Tá sé d'aidhm leis an togra díchur a dhéanamh
ar an bhféidearthacht cineálacha áirithe miondíoltóirí a dhíolmhú, dá
bhforáiltear i Rialachán (CE) Uimh. 834/2007, eisceacht a bhfuil
léirmhínithe agus cleachtais éagsúla ar fud na mBallstát mar thoradh uirthi
agus atá tar éis bainistiú, maoirseacht agus an rialú a dhéanamh níos deacra. Treisítear an cur chuige rioscabhunaithe i
ndáil le rialuithe oifigiúla tríd an gceanglas go gcuirfear gach oibreoir faoi
réir fíorú éigeantach bliantúil ar chomhlíonadh, dá bhforáiltear i Rialachán
(CE) Uimh. 834/2007, a bhaint amach. Sa dóigh sin beifear in ann
minicíocht na rialuithe a oiriúnú, trí ghníomhartha tarmligthe atá le glacadh i
gcomhréir le Rialachán (AE) Uimh. XX/XXX (Rialachán maidir le Rialuithe
Oifigiúla), ionas go bhféadfaí níos lú cigireachtaí fisiciúla bliantúla a
dhéanamh ar oibreoirí a bhfuil próifíl íseal riosca acu, agus díriú níos géire
a dhéanamh ar oibreoirí a bhfuil próifíl riosca níos airde acu. Mar sin de,
beidh cothromaíocht níos córa maidir le brú rialaithe ar na hoibreoirí, le
hualach laghdaithe ar na hoibreoirí a bhfuil cuntas teiste cruthaithe acu na
rialacha a chomhlíonadh, agus beidh úsáid acmhainní níos éifeachtaí agus níos
éifeachtúla ó thaobh na n‑údarás inniúil, na n‑údarás rialaithe
agus na gcomhlachtaí rialaithe de. Tugtar forálacha sonracha isteach chun
trédhearcacht a mhéadú i ndáil le táillí a d'fhéadfaí a bhailiú le haghaidh na
rialuithe, agus treisítear na forálacha maidir le foilsiú oibreoirí chomh maith
le foilsiú faisnéise ar a stádas deimhniúcháin. Tugtar córas grúpdheimhnithe isteach
d'fheirmeoirí beaga san Aontas d'fhonn na costais chigireachta agus
deimhniúcháin agus an t‑ualach riaracháin a bhaineann leo a laghdú,
gréasáin áitiúla a neartú, asraonta margaidh níos fearr a chruthú agus d'fhonn
cothrom iomaíochta a áirithiú le hoibreoirí i dtríú tíortha. Tugtar forálacha sonracha isteach chun
inrianaitheacht a fheabhsú agus calaois a chosc: ní fhéadfar oibreoirí a chur
faoi rialú údarás rialaithe éagsúil nó comhlachtaí rialaithe éagsúla le
haghaidh na ngrúpaí táirgí céanna ag céimeanna éagsúla den slabhra orgánach. Tugtar forálacha sonracha isteach freisin chun
comhchuibhiú a dhéanamh nuair is gá beart a dhéanamh i gcás ina mbraitear
táirgí nó substaintí neamhúdaraithe. Sa chomhthéacs sin,
d’fhéadfadh cásanna a bheith ann ina bhfuil cosc ar fheirmeoirí a gcuid táirgí
a mhargú mar tháirgí orgánacha mar gheall ar tháirgí nó substaintí
neamhbheartaithe a bheith iontu. Féadfaidh an Coimisiún na Ballstáit a údarú
íocaíochtaí náisiúnta a thabhairt chun na caillteanais a thabhaítear i gcásanna
mar sin a chúiteamh. Anuas air sin, féadfaidh na Ballstáit ionstraimí an
Chomhbheartais Talmhaíochta a úsáid chun na caillteanais sin a chumhdach go
hiomlán nó go páirteach. Ar deireadh, agus gan dochar don chinneadh ar
smachtbhannaí atá faoi inniúlacht na mBallstát, leagtar amach leis an togra na
bearta atá le déanamh ar fud an Aontais i ndáil leis na catagóirí leathana
céanna neamhchomhlíonta ionas go n‑áiritheofar cothrom iomaíochta sa tslí
ina ndéileáiltear le hoibreoirí, feidhmiú cuí an mhargaidh inmheánaigh agus
cothabháil muinín tomhaltóirí. Oiriúnaítear an córas trádála chun cothrom
iomaíochta a fheabhsú le haghaidh oibreoirí orgánacha san Aontas Eorpach agus i
dTríú Tíortha agus chun muinín na dtomhaltóirí a áirithiú níos fearr. Tá an
fhéidearthacht ann fós comhaontuithe coibhéise a dhéanamh le Tríú Tíortha ach
déanfar an córas coibhéise aontaobhaí a chéimniú amach. Beartaítear aithint
comhlachtaí rialaithe a aistriú diaidh ar ndiaidh go córas comhlíonta. 3.2. Bunús Dlí An chéad mhír d’Airteagal 42 agus Airteagal 43(2)
den Chonradh ar Fheidhmiú an Aontais Eorpaigh. 3.3. Prionsabail
na coimhdeachta agus na comhréireachta Leis an togra déantar athbhreithniú ar scéim
cáilíochta atá ann cheana faoi chuimsiú an CBT. Ceisteanna a bhaineann le
hinniúlacht an Aontais arna roinnt leis na Ballstáit is ea iad táirgeadh agus
trádáil táirgí talmhaíochta agus bia-earraí ar mhargadh an Aontais Eorpaigh
agus feidhmiú cuí an mhargaidh inmheánaigh maidir le táirgí orgánacha a
áirithiú. Mar chuid den CBT iomlán, chun forbairt
rianúil an mhargaidh aonair a áirithiú, tá scéim orgánach uile-Aontais níos
éifeachtúla ná 28 scéim éagsúil. Ina theannta sin, fágann sé go mbeidh beartas
trádála níos láidre agus níos comhsheasmhaí ann maidir le comhpháirtithe
trádála domhanda, go háirithe trí chumhacht margála an Aontais a fheabhsú. Is é an toradh a bheidh ar an togra, tuilleadh
comhchuibhithe sna réimsí seo a leanas: – Laghdaítear
an fhéidearthacht atá ag na Ballstáit faoi láthair eisceachtaí ó na rialacha a
dheonú, ar eisceachtaí iad a chruthaíonn iomaíocht mhíchothrom i measc
oibreoirí, an baol go gcaillfí muinín na dtomhaltóirí, castacht sa reachtaíocht
agus fadhbanna trádála (deacrachtaí maidir le comhlíonadh a fhorfheidhmiú). – Toisc
go bhféadfadh sé go mbeadh freagairtí éagsúla ar neamhchomhlíonadh reachtaíocht
orgánach an AE ó Bhallstát go Ballstát, is saincheist í a bhfuil iomaíocht
mhíchothrom agus feidhmiú neamhéifeachtach an mhargaidh aonair mar thoradh air. 3.4. Rogha na n‑ionstraimí Is rialachán í an ionstraim atá beartaithe,
mar gur cruthaíodh leis na forálacha atá ann cheana go soláthraítear creat
iomchuí do na Ballstáit; ní bheadh aon chineál birt eile iomchuí. Leagfaí síos
rialacha níos solúbtha le treoir, rud a d'fhéadfadh iomaíocht mhíchothrom i
measc oibreoirí a bheith mar thoradh air, agus d'fhéadfadh sé go gcuirfí
mearbhall agus dallamullóg ar na tomhaltóirí. Soláthraítear le rialachán cur
chuige comhsheasmhach atá le leanúint ag na Ballstáit agus laghdaítear an t‑ualach
riaracháin toisc go bhfuil sé de cheangal ar oibreoirí tacar amháin rialacha a
chomhlíonadh. Meastar nach leor ionstraimí na reachtaíochta boige, amhail
treoirlínte, chun dul i ngleic le héagsúlachtaí i léirmhíniú agus i gcur chun
feidhme na rialacha agus mar gheall ar an gcomhthéacs idirnáisiúnta. 4. IMPLEACHTAÍ BUISÉADACHA Leithdháiltear buiséad leis an togra le
haghaidh beart cúnaimh theicniúil. Tá mionsonraí na n‑impleachtaí
buiséadacha sa ráiteas airgeadais reachtach. 5. EILIMINTÍ ROGHNACHA: SIMPLIÚ Déantar foráil sa togra maidir le simpliú agus
soiléiriú agus líontar roinnt bearnaí sa reachtaíocht. Is é atá i gceist 37 den
135 oibleagáid atá ann faoi láthair sa reachtaíocht maidir le feirmeoireacht
orgánach a bhaint amach. Beidh an togra ina chúis le laghdú suntasach ar an
ualach riaracháin. Dréachtófar gníomhartha tarmligthe a eascraíonn as an togra
i gcomhréir leis na prionsabail céanna. Maidir le rialacha táirgthe, soláthraítear
leis an togra mórshimpliú d'oibreoirí agus d'údaráis náisiúnta, agus cuirtear
teorainn le cumas na mBallstát eisceachtaí ó na rialacha a dheonú. Baintear
roinnt forálacha neamhéifeachtacha amach, go háirithe trí threisiú ar an gcur
chuige rioscabhunaithe maidir le rialuithe oifigiúla. Maidir le hallmhairiú,
beidh sé níos éasca ar na táirgeoirí, ar na comhlachtaí rialaithe agus ar an
gCoimisiún bainistiú a dhéanamh ar an gcóras comhlíonta do chomhlachtaí
rialaithe. Beidh simpliú suntasach ann d'fheirmeoirí
beaga trí ghrúpdheimhniú a thabhairt isteach faoina mbeidh na ceanglais maidir
le cigireacht agus coimeád taifead níos comhréirí. Tá sé beartaithe leis an togra an reachtaíocht
a dhéanamh níos soláimhsithe. Go háirithe, cé go bhfuil na rialacha táirgthe
ginearálta fós i dtéacs an Rialacháin, cuimsítear na rialacha sonracha maidir
le táirgeadh orgánach in Iarscríbhinn a ghabhann leis an Rialachán. 6. AILÍNIÚ: In 2010, ghlac an Coimisiún COM(2010) 759
chun Rialachán (CE) Uimh. 834/2007 ón gComhairle a ailíniú le Conradh
Liospóin. Tar éis plé mionsonraithe in idirphlé trípháirteach in 2011 agus in
2012 cuireadh an togra ailínithe ina stad. Ionchorpraíonn an togra reatha na
heilimintí is gá den togra ailínithe, lena n‑áirítear struchtúr forálacha
dlí i ngníomh bunúsach, gníomhartha tarmligthe agus gníomhartha cur chun
feidhme. Tarraingeofar siar COM(2010) 759 mar sin toisc é a bheith imithe
i léig. 2014/0100 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE maidir le táirgeadh orgánach agus lipéadú
táirgí orgánacha, lena leasaítear Rialachán (AE) Uimh. XXX/XXX ó
Pharlaimint na hEorpa agus ón gComhairle [an Rialachán maidir le rialuithe
oifigiúla] agus lena n‑aisghairtear Rialachán (CE) Uimh. 834/2007 ón
gComhairle TÁ PARLAIMINT NA hEORPA AGUS
COMHAIRLE AN AONTAIS EORPAIGH, Ag féachaint don Chonradh ar Fheidhmiú an
Aontais Eorpaigh, agus go háirithe Airteagal 42 agus Airteagal 43(2)
de, Ag féachaint don togra ón gCoimisiún Eorpach, Tar éis dóibh an dréachtghníomh reachtach a
chur chuig na parlaimintí náisiúnta, Ag féachaint don tuairim ó Choiste Eacnamaíoch
agus Sóisialta na hEorpa[9], Ag féachaint don tuairim ó Choiste na Réigiún[10], Ag gníomhú dóibh i gcomhréir leis an ngnáthnós
imeachta reachtach, De bharr an méid seo a leanas: (1) Córas
foriomlán bainistíochta feirme agus táirgthe bia is ea táirgeadh orgánach,
faoina gcuimsítear dea-chleachtais chomhshaoil agus aeráide, ardleibhéal
bithéagsúlachta, caomhnú acmhainní nádúrtha, cur i bhfeidhm ardchaighdeán leasa
ainmhithe agus ardchaighdeán táirgthe, i gcomhréir leis an éileamh atá ag líon
méadaitheach tomhaltóirí ar tháirgí a tháirgtear ag úsáid substaintí agus
próisis nádúrtha. Mar sin, imríonn táirgeadh orgánach dhá phríomhthionchar ar
an tsochaí: ar thaobh amháin, freastalaíonn an táirgeadh sin ar mhargadh ar
leith mar fhreagairt ar éileamh tomhaltais ar tháirgí orgánacha, agus, ar an
taobh eile, cuireann sé earraí ar fáil don phobal ar earraí iad a chuidíonn an
comhshaol agus leas ainmhithe a chosaint, agus a chuidíonn freisin le forbairt
tuaithe. (2) Is trí
ardchaighdeáin sláinte, chomhshaoil agus leasa ainmhithe a urramú agus táirgí
orgánacha á dtáirgeadh a áirithítear ardcháilíocht na dtáirgí sin. Mar a
cuireadh in iúl go láidir sa Teachtaireacht ón gCoimisiún chuig Parlaimint na
hEorpa agus chuig an gComhairle, chuig an gCoiste Eacnamaíoch agus Sóisialta
agus chuig Coiste na Réigiún maidir le beartas cáilíochta do tháirgí
talmhaíochta[11], is cuid thábhachtach de scéimeanna cáilíochta an Aontais do tháirgí
talmhaíochta é táirgeadh orgánach, in éineacht le tásca geografacha, sainearraí
traidisiúnta faoi ráthaíocht agus táirgí ó na réigiúin is forimeallaí den
Aontas, mar atá leagtha síos i Rialachán (AE) Uimh. 1151/2012 ó
Pharlaimint na hEorpa agus ón gComhairle[12]
agus i Rialachán (AE) Uimh. 228/2013 ó Pharlaimint na hEorpa agus ón
gComhairle[13], faoi seach. Dá réir sin, tá na cuspóirí céanna á saothrú ag táirgeadh
orgánach, faoi chuimsiú an chomhbheartais talmhaíochta ('CBT'), agus atá á
saothrú faoi scéimeanna cáilíochta uile an Aontais do tháirgí talmhaíochta. (3) Go
sonrach, tá cuspóirí an bheartais maidir le táirgeadh orgánach de dhlúth agus
d'inneach i gcuspóirí an CBT ós rud é go n‑áirithítear go bhfaigheann
feirmeoirí luach cothrom as na rialacha maidir le táirgeadh orgánach a
chomhlíonadh. Ina theannta sin, ós rud é go bhfuil an t‑éileamh
tomhaltais ar tháirgí orgánacha ag dul i méid, tá dálaí á gcruthú faoina
bhféadfaí tuilleadh forbartha agus méadaithe a dhéanamh ar mhargadh na dtáirgí
sin agus, ar an dóigh sin, fáltas na bhfeirmeoirí atá i mbun táirgthe orgánaigh
a mhéadú. (4) Lena
chois sin, córas is ea táirgeadh orgánach a chuidíonn ceanglais maidir le
cosaint an chomhshaoil a chomhtháthú sa CBT agus tacaíonn sé le táirgeadh
talmhaíochta inbhuanaithe. Is ar an ábhar sin a tugadh isteach bearta chun
tacaíocht airgeadais a thabhairt do tháirgeadh orgánach faoin CBT, mar shampla
bearta a tugadh isteach le déanaí faoi Rialachán (AE) Uimh. 1307/2013 ó
Pharlaimint na hEorpa agus ón gComhairle[14],
agus a neartaíodh go háirithe san athchóiriú a rinneadh le déanaí ar an gcreat
dlíthiúil le haghaidh an bheartais forbartha tuaithe mar atá bunaithe i
Rialachán (AE) Uimh. 1305/2013 ó Pharlaimint na hEorpa agus ón gComhairle[15]. (5) Cuidíonn
táirgeadh orgánach freisin cuspóirí beartais chomhshaoil an Aontais a bhaint
amach, go háirithe na cuspóirí sin i Straitéis Bithéagsúlachta 2020[16], sa Teachtaireacht maidir le Bonneagar Glas[17],
sa Straitéis Théamach Ithreach[18] agus i reachtaíocht chomhshaoil amhail an Treoir maidir le héin[19] agus an Treoir maidir le gnáthóga[20],
an Treoir maidir le níotráití[21], an Chreat‑treoir Uisce[22],
an Treoir um Uasteorainneacha Astaíochta Náisiúnta[23]
agus an Treoir maidir le úsáid inbhuanaithe lotnaidicídí[24]. (6) I
bhfianaise chuspóirí bheartas an Aontais maidir le táirgeadh orgánach, ba
cheart é a bheith mar aidhm ag an gcreat dlíthiúil a bunaíodh chun an beartas a
chur chun feidhme iomaíocht chothrom agus oibriú cuí an mhargaidh inmheánaigh a
áirithiú i dtaca le táirgí orgánacha, agus muinín na dtomhaltóirí as táirgí atá
lipéadaithe mar tháirgí orgánacha a chaomhnú agus údar cuí a thabhairt din
mhuinín sin. Ba cheart é a bheith mar aidhm aige freisin dálaí a chruthú faoina
bhféadfaidh an beartas dul chun cinn a dhéanamh i gcomhréir le forbairtí
táirgthe agus margaidh. (7) Ar na
tosaíochtaí beartais d’Eoraip 2020 a leagtar amach sa Teachtaireacht ón
gCoimisiún dar teideal "Eoraip 2020: Straitéis maidir le fás cliste,
inbhuanaithe agus uileghabhálach"[25],
tá geilleagar iomaíoch a bhaint amach bunaithe ar eolas agus ar nuálaíocht,
geilleagar ardfhostaíochta a chothú trína dtarlaíonn comhtháthú sóisialta agus
críochach, agus tacú leis an aistriú i dtreo geilleagair ísealcharbóin atá
éifeachtúil ó thaobh acmhainní de. Ba cheart don bheartas maidir le táirgeadh
orgánach na huirlisí iomchuí a chur ar fáil d'oibreoirí le go bhféadfaidh siad
a dtáirgí a shainaithint agus a chur chun cinn ar bhealach níos fearr agus na
táirgí sin a chosaint ó chleachtais mhíchothroma ag an am céanna. (8) Ag
féachaint d'fhorbairt dhinimiciúil na hearnála orgánaí, sainaithníodh i
Rialachán (CE) Uimh. 834/2007 ón gComhairle[26]
an gá le hathbhreithniú a dhéanamh ar rialacha an Aontais maidir le táirgeadh
orgánach, ag cur san áireamh an taithí a fuarthas ó chur i bhfeidhm na rialacha
sin. Is léir ó thorthaí an athbhreithnithe sin a rinne an Coimisiún gur cheart
creat dlíthiúil an Aontais faoina rialaítear táirgeadh orgánach a fheabhsú chun
foráil a dhéanamh maidir le rialacha a fhreagraíonn d'ionchais arda tomhaltóirí
agus a ráthaíonn soiléireacht leordhóthanach dóibh siúd ar a bhfuil na rialacha
dírithe. Dá bhrí sin, ba cheart Rialachán (CE) Uimh. 834/2007 a aisghairm
agus Rialachán nua a chur ina ionad. (9) Is léir
ón taithí a fuarthas go dtí seo ag cur Rialachán (CE) Uimh.834/2007 i bhfeidhm
gur gá a shoiléiriú cad iad na táirgí a mbeidh feidhm ag an Rialachán seo
maidir leo. Ba cheart a áireamh, go príomha, na táirgí talmhaíochta, lena n‑áirítear
táirgí dobharshaothraithe, a liostaítear in Iarscríbhinn I a ghabhann leis
an gConradh ar Fheidhmiú an Aontais Eorpaigh ('an Conradh'). Ina theannta sin,
ba cheart táirgí talmhaíochta próiseáilte a áireamh atá le húsáid mar bhia nó
mar bheatha ós rud é gur mór an t‑asraon do tháirgí talmhaíochta é táirgí
den sórt sin a chur ar an margadh mar tháirgí orgánacha agus áirithítear leis
gur léir don tomhaltóir gur próiseáladh an bia nó an beatha sin ó tháirgí
talmhaíochta de chineál orgánach. Mar an gcéanna, ba cheart a chumhdach faoin
Rialachán seo táirgí áirithe eile a bhfuil dlúthbhaint acu le táirgí
talmhaíochta, mar atá ag táirgí talmhaíochta próiseáilte, mar gur mór an t‑asraon
iad na táirgí eile sin do tháirgí talmhaíochta nó gur cuid lárnach den
phróiseas táirgthe iad. Ar deireadh, ba cheart salann sáile a áireamh faoi raon
feidhme an Rialacháin seo mar go dtáirgtear é trí fheidhmiú teicnící táirgthe
nádúrtha agus ós rud é go gcuireann táirgeadh salainn sáile le forbairt ceantar
tuaithe, agus mar sin de tagann sé faoi raon feidhme chuspóirí an Rialacháin
seo. Ar mhaithe le soiléireacht, ba cheart na táirgí eile sin, nach liostaítear
in Iarscríbhinn I a ghabhann leis an gConradh, a liostú in Iarscríbhinn a
ghabhann leis an Rialachán seo. (10) Chun
eilimintí neamhriachtanacha áirithe den Rialachán seo a fhorlíonadh nó a leasú,
ba cheart an chumhacht chun gníomhartha a ghlacadh i gcomhréir le hAirteagal 290
den Chonradh ar Fheidhmiú an Aontais Eorpaigh a tharmligean chuig an
gCoimisiún. Tá sé tábhachtach, go háirithe, go rachadh an Coimisiún i mbun
comhairliúchán iomchuí le linn a chuid oibre ullmhúcháin, lena n‑áirítear
ar leibhéal saineolaithe. Ba cheart don Choimisiún, le linn dó gníomhartha
tarmligthe a ullmhú agus a tharraingt suas, a áirithiú go ndéanfar doiciméid
ábhartha a chur chuig Parlaimint na hEorpa agus chuig an gComhairle ar bhealach
comhuaineach, tráthúil agus iomchuí. (11) Chun
modhanna táirgthe nua nó ábhair nua nó gealltanais idirnáisiúnta a chur san
áireamh, ba cheart an chumhacht chun gníomhartha áirithe a ghlacadh a
tharmligean chuig an gCoimisiún i dtaca le leasú a dhéanamh ar an liosta de
tháirgí eile a thagann faoi raon feidhme an Rialacháin seo. Níor cheart ach
táirgí a bhfuil dlúthbhaint acu le táirgí talmhaíochta bheith incháilithe lena n‑áireamh
ar an liosta sin. (12) Ós rud é
gur oibríochtaí de chineál áitiúil iad oibríochtaí oll-lónadóireachta, meastar
gur leor na bearta a dhéanann Ballstáit agus scéimeanna príobháideacha sa
réimse sin chun dea-fheidhmiú an mhargaidh aonair a áirithiú. Dá bhrí sin, níor
cheart bia a ullmhaíonn oll-lónadóirí ina n‑áitreabh féin bheith faoi
réir an Rialacháin seo. Sa dóigh chéanna, níor cheart a chumhdach faoin
Rialachán seo táirgí ó fhiach agus iascaireacht ainmhithe fiáine, mar nach
féidir an próiseas táirgthe a rialú go hiomlán. (13) Léiríonn tionscadail taighde a rinneadh go bhfuil muinín na
dtomhaltóirí ríthábhachtach i margadh an bhia orgánaigh. San fhadtéarma,
féadfaidh rialacha neamhiontaofa muinín an phobail a chur i mbaol agus
féadfaidh cliseadh margaidh a bheith mar thoradh air sin. Dá bhrí sin, ba
cheart forbairt inbhuanaithe táirgthe orgánaigh san Aontas a bhunú ar rialacha
fónta táirgthe atá comhchuibhithe ar leibhéal an Aontais. Sa bhreis air sin, ba
cheart do na rialacha táirgthe sin freagairt d'ionchais oibreoirí agus
tomhaltóirí maidir le cáilíocht táirgí orgánacha agus comhlíonadh na
bprionsabal agus na rialacha a leagtar síos sa Rialachán seo. (14) Ba cheart
feidhm a bheith ag an Rialachán seo gan dochar do reachtaíocht eile lena
mbaineann, amhail reachtaíocht maidir le sábháilteacht an tslabhra bia, sláinte
agus leas ainmhithe, folláine plandaí, ábhar atáirgthe plandaí, lipéadú agus an
comhshaol. Go sonrach, i gcás údarú táirgí agus substaintí a d'fhéadfaidh a
úsáid chun táirgí orgánacha a tháirgeadh, is tábhachtach a rá nach mór na
táirgí agus substaintí sin a údarú ar leibhéal an Aontais ar dtús. Dá bhrí sin,
ba cheart feidhm a bheith ag an Rialachán seo gan dochar d'fhorálacha sonracha
eile de chuid an Aontais a bhaineann le húdarú na dtáirgí agus substaintí sin
agus lena gcur ar an margadh. (15) Ar bhonn
prionsabail, ba cheart a áireamh i rialacha ginearálta táirgthe an Rialacháin
seo go mbeidh cosc ar úsáid radaíochta ianúcháin, ar úsáid orgánach
géinmhodhnaithe (OGManna) agus ar úsáid táirgí a tháirgtear ó OGManna nó trí
OGManna a úsáid. Ós rud é go bhfuil tomhaltóirí ag éirí níos imníche faoin
tionchar atá ag próiseáil agus iompar bia ar an gcomhshaol, ba cheart a chur de
cheangal ar oibreoirí orgánacha, seachas feirmeoirí agus oibreoirí a tháirgeann
feamainn nó ainmhithe dobharshaothraithe, a bhfeidhmíocht chomhshaoil a
bhainistiú de réir córais chomhchuibhithe. Chun an t‑ualach reachtach a
uaslaghdú i gcás micrifhiontar a bhfuil baint acu le táirgeadh orgánach, ar
micrifhiontair iad atá sainmhínithe i Moladh 2003/361/CE ón gCoimisiún[27], is iomchuí iad a dhíolmhú ón gceanglas sin. Chun a áirithiú go
gcuirfear i bhfeidhm go cuí na rialacha ginearálta táirgthe, ba cheart an
chumhacht chun gníomhartha áirithe a ghlacadh a tharmligean chuig an gCoimisiún
i dtaca le bunú na gcritéar dá bhfreagróidh an córas bainistithe comhshaoil. (16) Meastar
gur mó an baol nach gcomhlíonfar na rialacha maidir le táirgeadh orgánach i
ngabháltais talmhaíochta ina bhfuil aonaid nach bhfuil á mbainistiú faoi na
rialacha maidir le táirgeadh orgánach. Dá bhrí sin, tar éis tréimhse tiontaithe
iomchuí, ba cheart gach gabháltas talmhaíochta san Aontas atá ag iarraidh a
bheith ina ghabháltas orgánach bheith á mbainistiú go huile is go hiomlán i
gcomhréir leis na ceanglais is infheidhme maidir le táirgeadh orgánach. Ba
cheart gabháltais talmhaíochta orgánacha a chur faoi réir na tréimhse
tiontaithe céanna i ngach Ballstát, is cuma má bhí bearta agra-chomhshaoil a
bhfuil tacaíocht acu ó chistí an Aontais á gcomhlíonadh acu roimhe nó mura
raibh. Níl tréimhse tiontaithe de dhíth más talamh gan chur atá i gceist áfach.
Chun cáilíocht, inrianaitheacht, comhlíonadh an Rialacháin seo agus oiriúnú
d'fhorbairtí teicniúla a áirithiú, ba cheart an chumhacht chun gníomhartha
áirithe a ghlacadh a tharmligean chuig an gCoimisiún i dtaca le bunú rialacha
lena bhforlíonfar na rialacha ginearálta tiontaithe nó lena bhforlíonfar agus
lena leasófar na rialacha sonracha tiontaithe. (17) Ba cheart
rialacha sonracha táirgthe a bhunú maidir le táirgeadh plandaí, beostoic agus
dobharshaothraithe, lena n‑áirítear rialacha chun plandaí fiáine agus
feamainn a bhailiú, agus maidir le táirgeadh bia agus beatha próiseáilte, agus
táirgeadh fíona agus giosta, chun a áirithiú go ndéantar cuspóirí agus
prionsabail an táirgthe orgánaigh a chomhchuibhiú agus a urramú. (18) Ós rud e
go bhfuil táirgeadh plandaí orgánacha bunaithe ar phlandaí a chothú go príomha
trí éiceachóras na hithreach, níor cheart táirgeadh hidreaponach a cheadú. Sa
bhreis air sin, agus táirgeadh orgánach plandaí á dhéanamh, ba cheart teicnící
táirgthe a úsáid lena gcoisctear nó lena laghdaítear aon éilliú ar an
gcomhshaol a d'fhéadfadh tarlú de dheasca an táirgthe. (19) Maidir le
bainistiú agus toirchiú ithreach, ba cheart coinníollacha a leagan síos maidir
le cleachtais saothraithe a cheadaítear a úsáid i dtáirgeadh orgánach agus
maidir le húsáid leasachán agus oiriúntóirí. (20) Ba cheart
srian suntasach a chur le húsáid lotnaidicídí. Ba cheart tosaíocht a thabhairt
do chur i bhfeidhm beart lena gcoisctear an damáiste a dhéanann lotnaidí agus
fiailí, trí úsáid a bhaint as teicnící nach mbaineann úsáid as táirgí cosanta
plandaí, amhail uainíocht na mbarr. Ba cheart faireachán a dhéanamh féachaint
an bhfuil lotnaidí nó fiailí ann chun cinneadh a dhéanamh an bhfuil údar le
hidirghabháil, ó thaobh na heacnamaíochta agus na héiceolaíochta de. Ba cheart
úsáid roinnt táirgí cosanta plandaí a cheadú mura dtugann na teicnící sin
cosaint leordhóthanach agus ar an gcoinníoll go ndearnadh na táirgí cosanta
plandaí sin a údarú i gcomhréir le Rialachán (CE) Uimh. 1107/2009 ó
Pharlaimint na hEorpa agus ón gComhairle[28], tar éis a mheas go bhfuil siad comhoiriúnach do chuspóirí agus
prionsabail an táirgthe orgánaigh, lena n‑áirítear le coinníollacha
sriantacha úsáidte, agus go bhfuil siad údaraithe dá bhrí sin i gcomhréir leis
an Rialachán seo. (21) Chun
cáilíocht, inrianaitheacht, comhlíonadh an Rialacháin seo agus oiriúnú
d'fhorbairtí teicniúla a áirithiú, ba cheart an chumhacht chun gníomhartha
áirithe a ghlacadh a tharmligean chuig an gCoimisiún i dtaca le bunú rialacha
lena leasófar nó lena bhforlíonfar na rialacha sonracha maidir le táirgeadh
plandaí a bhaineann le cleachtais saothraithe, bainistiú agus toirchiú
ithreach, folláine plandaí agus bainistiú lotnaidí agus fiailí, bainistiú
táirgthe beacán agus plandaí sonracha eile agus bainistiú córas táirgthe
plandaí eile, foinse táirgthe ábhar atáirgthe plandaí, agus bailiú plandaí
fiáine. (22) Ós rud é
go mbíonn baint ag táirgeadh beostoic le bainistiú talaimh talmhaíochta, i
gcásanna ina n‑úsáidtear an t‑aoileach chun táirgeadh barr a
chothú, ba cheart táirgeadh beostoic gan talamh a thoirmeasc. Agus na pórtha á
roghnú ba cheart aird a thabhairt ar chumas na bpórtha dul in oiriúint do
dhálaí áitiúla, a n‑acmhainneacht agus a bhfrithsheasmhaí atá siad i
gcoinne galar, agus ba cheart bithéagsúlacht mhór a spreagadh. (23) I gcás na
tithíochta a úsáidtear don táirgeadh orgánach agus don táirgeadh orgánach
dobharshaothraithe, ba cheart don tithíocht riachtanais iompraíochta na n‑ainmhithe
a chomhlíonadh, lena n‑áirítear an meán uisceach ábhartha más iomchuí. Ba
cheart coinníollacha sonracha tithíochta agus cleachtais feirmeoireachta
shonracha a leagan síos maidir le hainmhithe áirithe, lena n‑áirítear
beacha. Ba cheart ardleibhéal leasa ainmhithe a áirithiú leis na coinníollacha
agus na cleachtais sin ar cheart, i dtaca le gnéithe áirithe, dul thar
chaighdeáin leasa ainmhithe an Aontais is infheidhme maidir le táirgeadh
beostoic go ginearálta. I gcoitinne, ba cheart rochtain sheasta a bheith ag
beostoc ar limistéir faoin aer chun innilt a dhéanamh agus ba cheart na
limistéir faoin aer sin, mar phrionsabal, a eagrú faoi chóras iomchuí
uainíochta. (24) Chun
truailliú acmhainní nádúrtha a sheachaint, amhail truailliú na hithreach agus
an uisce ag cothaithigh, ba cheart uasteorainn aoiligh is féidir a úsáid in
aghaidh an heicteáir agus uasteorainn beostoic is féidir a choinneáil in
aghaidh an heicteáir a leagan síos. Ba cheart baint a bheith ag an teorainn sin
le cion nítrigine an aoiligh. (25) Aon
chiorruithe a d'fhéadfadh a fhágáil go mbeadh ainmhithe faoi strus, go ndéanfaí
dochar dóibh, go dtiocfadh galar orthu nó go mbeidís ag fulaingt, ba cheart iad
a thoirmeasc. (26) Ba cheart
beostoc a bheathú le hábhar beatha a tháirgtear i gcomhréir leis na rialacha
maidir le táirgeadh orgánach, agus a thagann ón ngabháltas céanna, más féidir,
agus ba cheart riachtanais fhiseolaíocha an bheostoic a chur san áireamh. Ina
theannta sin, chun foráil a dhéanamh maidir le bunriachtanais chothaitheacha
beostoic, d'fhéadfadh sé gur ghá mianraí, riandúile agus vitimíní áirithe a
úsáid faoi choinníollacha dea-shainithe. (27) Ba cheart
bainistiú sláinte ainmhithe a bhunú go príomha ar ghalair a chosc. Ina theannta
sin, ba cheart bearta sonracha glantacháin agus díghalraithe a chur i bhfeidhm.
Níor cheart úsáid choisctheach táirgí míochaine allapatacha atá sintéisithe go
ceimiceach a cheadú i dtáirgeadh orgánach, ach amháin i gcás ainmhí a bheith
tinn nó gortaithe agus cóireáil láithreach uaidh mar gheall air sin, agus sa
chás sin níor cheart ach a laghad úsáide is gá chun an tsláinte a thabhairt ar
ais don ainmhí i gceist a cheadú. I gcásanna den sórt sin, chun sláine an
táirgthe orgánaigh a ráthú do na tomhaltóirí, ba cheart bheith in ann bearta
coisctheacha a dhéanamh amhail an tréimhse oifigiúil aistarraingthe tar éis
úsáid táirgí míochaine den sórt sin a dhúbailt mar atá sonraithe i reachtaíocht
ábhartha an Aontais. Maidir le beachaireacht, ní mór rialacha sonracha a leagan
síos maidir le cosc galar agus cóireáil tréidliachta. (28) Chun
cáilíocht, inrianaitheacht, comhlíonadh an Rialacháin seo agus oiriúnú
d'fhorbairtí teicniúla a áirithiú, ba cheart an chumhacht chun gníomhartha
áirithe a ghlacadh a tharmligean chuig an gCoimisiún i dtaca le bunú rialacha
lena leasófar nó lena bhforlíonfar na rialacha sonracha maidir le táirgeadh
beostoic a bhaineann le tionscnamh ainmhithe, tithíocht beostoic, lena n‑áirítear
íos‑achar dromchla taobh istigh agus taobh amuigh agus an t‑uaslíon
ainmhithe in aghaidh an heicteáir, cleachtais feirmeoireachta, pórú, beatha
agus beathú, cosc galar agus cóireáil tréidliachta. (29) Léirítear
sa Rialachán seo cuspóirí an Chomhbheartais nua Iascaigh maidir le
dobharshaothrú, a bhfuil ról tábhachtach aige ó thaobh shábháilteacht fhadtéarmach
inbhuanaithe an tsoláthair bia a áirithiú mar aon le fás agus fostaíocht a
áirithiú agus brú á laghdú ar na stoic iasc fiáin ag an am céanna, i
gcomhthéacs an éilimh mhéadaithigh dhomhanda ar dhobharbhia. Sa Teachtaireacht a
chuir an Coimisiún chuig an gComhairle agus chuig Parlaimint na hEorpa in 2013 maidir
le Treoirlínte Straitéiseacha um fhorbairt inbhuanaithe dhobharshaothrú na
hEorpa[29] leagtar béim ar na príomhdhúshláin atá os comhair an
dobharshaothraithe san Aontas agus acmhainn fáis na hearnála sin. Aithnítear sa
Teachtaireacht go bhfuil cosúlacht mhaith go háirithe ar earnáil an
dobharshaothraithe orgánaigh, agus leagtar béim ar na buntáistí iomaíocha a
bhaineann le deimhniúchán orgánach. (30) Réimse
measartha nua táirgthe orgánaigh is ea dobharshaothrú orgánach i gcomparáid le
talmhaíocht orgánach, a bhfuil seantaithí uirthi ar na feirmeacha a bhíonn ag
gabháil di. I bhfianaise go bhfuil suim tomhaltóirí i dtáirgí
dobharshaothraithe orgánaigh ag dul i méid, is dóigh go dtiocfaidh tuilleadh
borrtha faoi thiontú aonad dobharshaothraithe go táirgeadh orgánach. Fágann an
borradh sin go bhfuil méadú ag teacht ar thaithí agus ar an saineolas teicniúil
agus go bhfuil tuilleadh forbartha ann, agus ba cheart an feabhas seo atá ag
teacht ar dhobharshaothrú orgánach a bheith le feiceáil sna rialacha táirgthe. (31) Chun
comhthuiscint a áirithiú, éiginnteachtaí a sheachaint agus chun cur i bhfeidhm
aonfhoirmeach na rialacha maidir le táirgeadh ainmhithe agus feamainne i
ndobharshaothrú orgánach a ráthú, ba cheart roinnt sainmhínithe i ndáil le
dobharshaothrú a bheith ag gabháil leis na rialacha táirgthe sin. (32) Chun
cáilíocht, inrianaitheacht, comhlíonadh an Rialacháin seo agus oiriúnú
d'fhorbairtí teicniúla a áirithiú, ba cheart an chumhacht chun gníomhartha
áirithe a ghlacadh a tharmligean chuig an gCoimisiún i dtaca le bunú rialacha
lena leasófar nó lena bhforlíonfar na rialacha sonracha maidir le táirgeadh
feamainne a bhaineann le hoiriúnacht an mheáin uiscigh agus an phlean
inbhuanaithe bhainistithe, bailiú feamainne fiáine, saothrú feamainne, bearta
frith‑thruaillithe agus glanadh trealaimh agus áiseanna táirgthe, agus i
dtaca le bunú rialacha lena bhforlíonfar na rialacha sonracha maidir le
táirgeadh ainmhithe dobharshaothraithe a bhaineann le hoiriúnacht an mheáin
uiscigh agus an phlean inbhuanaithe bhainistithe, tionscnamh na n‑ainmhithe
dobharshaothraithe, feirmeoireacht dobharshaothraithe, lena n‑áirítear
córais choimeádta uisceacha, córais táirgthe agus uasdlús stocála, pórú,
bainistiú ainmhithe dobharshaothraithe, beatha agus beathú, agus cosc galar
agus cóireáil tréidliachta. (33) Ba cheart
d'oibreoirí a tháirgeann bia nó beatha nósanna imeachta iomchuí a leanúint atá
bunaithe ar shainaithint chórasach céimeanna próiseála ríthábhachtacha lena
áirithiú go mbeidh táirgí próiseáilte i gcomhréir leis na rialacha maidir le
táirgeadh orgánach. Ba cheart táirgí orgánacha próiseáilte a tháirgeadh ag
úsáid modhanna próiseála lena ráthaítear go gcaomhnófar sláine orgánach agus
buntréithe na dtáirgí i rith na gcéimeanna go léir a bhaineann le táirgeadh
orgánach na dtáirgí. (34) Ba cheart
forálacha a leagan síos maidir le comhdhéanamh bia phróiseáilte orgánaigh. Go
sonrach, ba cheart bia den sórt sin a tháirgeadh go príomha ó chomhábhair
talmhaíochta orgánacha agus féidearthacht theoranta a bheith ann roinnt
comhábhar talmhaíochta neamhorgánach atá sonraithe sa Rialachán seo a úsáid.
Ina theannta sin, níor cheart ach substaintí áirithe atá údaraithe i gcomhréir
leis an Rialachán seo a cheadú lena n‑úsáid agus bia próiseáilte orgánach
á tháirgeadh. (35) Níor
cheart bia próiseáilte a lipéadú mar bhia orgánach ach amháin más comhábhair
orgánacha iad na comhábhair uile nó formhór acu. Ba cheart forálacha speisialta
lipéadaithe a leagan síos, áfach, do bhianna próiseáilte ina bhfuil comhábhair
talmhaíochta nach féidir a fháil go horgánach, mar is amhlaidh i gcás táirgí ó
fhiach agus iascaireacht. Thairis sin, chun críocha faisnéise do thomhaltóirí,
chun críocha trédhearcachta sa mhargadh agus chun úsáid comhábhar orgánach a
spreagadh, ba cheart an deis a bheith ann tagairt a dhéanamh do tháirgeadh
orgánach i liosta na gcomhábhar faoi choinníollacha áirithe. (36) Ba cheart
forálacha a leagan síos maidir le comhdhéanamh beatha próiseáilte orgánaí agus
maidir le húsáid substaintí agus teicnící áirithe i dtáirgeadh na beatha sin. (37) Chun
cáilíocht, inrianaitheacht, comhlíonadh an Rialacháin seo agus oiriúnú
d'fhorbairtí teicniúla a áirithiú, ba cheart an chumhacht chun gníomhartha
áirithe a ghlacadh a tharmligean chuig an gCoimisiún i dtaca le bunú rialacha
lena leasófar nó lena bhforlíonfar na rialacha sonracha maidir le táirgeadh bia
agus beatha próiseáilte a bhaineann leis na nósanna imeachta atá le leanúint,
na bearta coisctheacha atá le déanamh, comhdhéanamh an bhia agus na beatha
próiseáilte, bearta glantacháin, táirgí próiseáilte a chur ar an margadh lena n‑áirítear
lipéadú agus sainaithint na dtáirgí sin, dealú táirgí orgánacha, comhábhair
talmhaíochta agus ábhair beatha ó tháirgí neamhorgánacha, comhábhair talmhaíochta
agus ábhair beatha, liosta na gcomhábhar talmhaíochta neamhorgánach ar féidir
úsáid eisceachtúil a bhaint astu chun táirgí próiseáilte orgánacha a
tháirgeadh, ríomh an chéatadáin de chomhábhair talmhaíochta, agus na teicnící a
úsáidtear i bpróiseáil bia nó i bpróiseáil beatha. (38) Ba cheart
fíon orgánach a tháirgeadh ó amhábhair orgánacha amháin agus níor cheart a
cheadú go gcuirfí ach substaintí áirithe atá údaraithe i gcomhréir leis an
Rialachán seo leis. Ba cheart cleachtais, próisis agus cóireálacha
fíoneolaíocha áirithe a thoirmeasc i dtáirgeadh fíona orgánaigh. Ba cheart
cleachtais, próisis agus cóireálacha eile a cheadú faoi choinníollacha
dea-shainithe. (39) Chun
cáilíocht, inrianaitheacht, comhlíonadh an Rialacháin seo agus oiriúnú d'fhorbairtí
teicniúla a áirithiú, ba cheart an chumhacht chun gníomhartha áirithe a
ghlacadh a tharmligean chuig an gCoimisiún i dtaca le bunú rialacha lena
leasófar nó lena bhforlíonfar na rialacha sonracha maidir le táirgeadh fíona a
bhaineann le cleachtais agus srianta fíoneolaíocha. (40) I dtús
báire níor measadh gur comhábhar talmhaíochta a bhí i ngiosta faoi Rialachán
(CE) Uimh. 834/2007 agus mar sin de níor féadadh é a áireamh i
gcomhdhéanamh talmhaíochta táirgí orgánacha. I Rialachán (CE) Uimh. 889/2008
ón gCoimisiún[30], áfach, tugadh isteach áireamh éigeantach giosta agus táirgí giosta
mar chomhábhair talmhaíochta chun críocha táirgthe orgánaigh amhail ón 31 Nollaig 2013,
rud a d'fhág go raibh dóthain ama ag lucht tionscail dul in oiriúint don riail
sin. Dá réir sin, níor cheart ach substráití a tháirgtear go horgánach a úsáid
i dtáirgeadh giosta orgánaigh agus níor cheart ach substaintí áirithe a cheadú
lena n‑úsáid i dtáirgeadh, ullmhú agus foirmliú an ghiosta sin. Ina
theannta sin, níor cheart giosta orgánach agus giosta neamhorgánach araon a
bheith i mbia ná i mbeatha orgánach. (41) Chun
cáilíocht, inrianaitheacht, comhlíonadh an Rialacháin seo agus oiriúnú
d'fhorbairtí teicniúla a áirithiú, ba cheart an chumhacht chun gníomhartha
áirithe a ghlacadh a tharmligean chuig an gCoimisiún i dtaca le bunú rialacha
lena leasófar nó lena bhforlíonfar na rialacha sonracha maidir le táirgeadh
giosta orgánaigh a bhaineann leis an bpróiseáil agus leis na substráití a
úsáidtear i dtáirgeadh an ghiosta. (42) Maidir le
táirgí nach bhfuil á dtáirgeadh faoi réim aon cheann de na catagóirí de
rialacha sonracha táirgthe a leagtar síos sa Rialachán seo, chun aird a
thabhairt ar aon ghá a d'fhéadfadh a bheith ann amach anseo rialacha sonracha a
leagan síos maidir le táirgeadh na dtáirgí sin, agus chun cáilíocht,
inrianaitheacht, comhlíonadh an Rialacháin seo agus oiriúnú d'fhorbairtí
teicniúla a áirithiú, ba cheart an chumhacht chun gníomhartha áirithe a
ghlacadh a tharmligean chuig an gCoimisiún i dtaca le bunú rialacha sonracha
táirgthe do na dtáirgí sin, lena n‑áirítear chun leasú nó forlíonadh a
dhéanamh ar na rialacha sin. (43) I
Rialachán (CE) Uimh. 834/2007, rinneadh foráil maidir le heisceachtaí
éagsúla ó rialacha maidir le táirgeadh orgánach. Is léir ón taithí a fuarthas ó
chur i bhfeidhm na bhforálacha sin go bhfuil tionchar diúltach ag eisceachtaí
den sórt sin ar tháirgeadh orgánach. Go háirithe, fuarthas amach go bhfágann
eisceachtaí den sórt sin a bheith ann ar chor ar bith go gcuirtear bac ar
ionchuir i bhfoirm orgánach a tháirgeadh agus nach n‑áirithítear an t‑ardleibhéal
leasa ainmhithe a bhaineann le táirgeadh orgánach. Ina theannta sin, tá ualach
nach beag riaracháin ag baint le bainistiú agus rialú na n‑eisceachtaí,
ar lucht riaracháin náisiúnta agus ar oibreoirí araon. Ar deireadh, i ngeall ar
eisceachtaí a bheith ann tá dálaí ann anois faoinar féidir saobhadh a dhéanamh
ar an iomaíocht agus tá baol ann go mbainfí an bonn de mhuinín na dtomhaltóirí.
Dá réir sin, ba cheart an scóip atá ann go gceadófaí eisceachtaí ó rialacha
maidir le táirgeadh orgánach a shrianadh tuilleadh agus í a theorannú do
chásanna lena mbaineann imthosca turraingeacha. (44) Ionas go
bhféadfar leanúint de tháirgeadh orgánach nó an táirgeadh sin a atosú arís i
gcásanna lena mbaineann imthosca turraingeacha, ba cheart an chumhacht chun
gníomhartha áirithe a ghlacadh a tharmligean chuig an gCoimisiún chun critéir a
bhunú maidir le cásanna a cháiliú mar imthosca turraingeacha agus chun rialacha
sonracha a leagan síos maidir le haghaidh a thabhairt ar na cásanna sin agus
maidir leis na ceanglais faireacháin agus tuairiscithe is gá. (45) Faoi
choinníollacha áirithe, is féidir táirgí orgánacha agus táirgí neamhorgánacha a
bhailiú agus a iompar le chéile. Chun táirgí orgánacha a dhealú go cuí ó tháirgí
neamhorgánacha le linn na láimhseála agus chun aon mheascadh a sheachaint, ba
cheart forálacha sonracha a leagan síos. (46) Chun
sláine an táirgthe orgánaigh agus oiriúnú d'fhorbairtí teicniúla a áirithiú, ba
cheart an chumhacht chun gníomhartha áirithe a ghlacadh a tharmligean chuig an
gCoimisiún i dtaca le bunú rialacha lena leasófar nó lena bhforlíonfar na
rialacha sonracha maidir le bailiú, pacáistiú, iompar agus stóráil táirgí
orgánacha. (47) I
dtáirgeadh orgánach, ba cheart úsáid táirgí agus substaintí amhail táirgí
cosanta plandaí, leasacháin, oiriúntóirí ithreach, cothaithigh, comhpháirteanna
de chothú ainmhithe, breiseáin bia nó beatha, áiseanna próiseála agus táirgí le
haghaidh glantacháin agus díghalraithe a theorannú don mhéid íosta agus iad a
úsáid faoi na coinníollacha sonracha a leagtar síos sa Rialachán seo. Ba cheart
an cur chuige céanna a leanúint maidir le húsáid táirgí agus substaintí mar
bhreiseáin bia agus áiseanna próiseála i dtáirgeadh bia phróiseáilte orgánaigh.
Dá bhrí sin, ba cheart forálacha a leagan síos chun aon úsáid a fhéadfar a
bhaint as táirgí agus substaintí den sórt sin i dtáirgeadh orgánach go
ginearálta agus i dtáirgeadh bia phróiseáilte orgánaigh go sonrach a shainiú,
faoi réir na bprionsabal a leagtar síos sa Rialachán seo agus faoi réir critéar
áirithe. (48) Chun
cáilíocht, inrianaitheacht agus comhlíonadh an Rialacháin seo a áirithiú maidir
le táirgeadh orgánach go ginearálta agus maidir le táirgeadh bia phróiseáilte
orgánaigh go sonrach, agus chun oiriúnú d'fhorbairtí teicniúla a áirithiú, ba
cheart an chumhacht chun gníomhartha áirithe a ghlacadh a tharmligean chuig an
gCoimisiún chun foráil a dhéanamh maidir le critéir bhreise d'údarú táirgí agus
substaintí lena n‑úsáid i dtáirgeadh orgánach go ginearálta agus i dtáirgeadh
bia phróiseáilte go sonrach, nó d'aistarraingt údarú na dtáirgí agus substaintí
sin, agus chun foráil a dhéanamh maidir le ceanglais eile a bhaineann le húsáid
táirgí agus substaintí údaraithe den sórt sin. (49) In
éagmais rialacha sonracha ón Aontas maidir leis na bearta is ceart a dhéanamh
nuair atá substaintí neamhúdaraithe i dtáirgí orgánacha, forbraíodh agus
cuireadh chun feidhme cineálacha cur chuige éagsúla ar fud an Aontais. Fágann
sin go bhfuil neamhchinnteachtaí ann d'oibreoirí, d'údaráis rialaithe agus do
chomhlachtaí rialaithe D'fhéadfadh sé a fhágáil go gcuirfí cóir éagsúil ar
oibreoirí san Aontas agus go ndéanfaí dochar do mhuinín na dtomhaltóirí as
táirgí orgánacha. Is iomchuí, dá bhrí sin, forálacha soiléire aonfhoirmeacha a
leagan síos chun toirmeasc a chur ar tháirgí a chur ar an margadh mar tháirgí
orgánacha má áirítear aon táirgí nó substaintí neamhúdaraithe iontu thar
leibhéil áirithe. Ba cheart na leibhéil sin a bhunú agus Treoir 2006/125/CE
ón gCoimisiún[31] maidir le bianna gránachbhunaithe próiseáilte agus bia do naíonáin
agus do leanaí óga á cur san áireamh ach go háirithe. (50) Chun
éifeachtacht, éifeachtúlacht agus trédhearcacht an chórais táirgthe agus
lipéadaithe a áirithiú, ba cheart an chumhacht chun gníomhartha áirithe a
ghlacadh a tharmligean chuig an gCoimisiún i dtaca le critéir agus
coinníollacha sonracha chun na huasleibhéil táirgí agus substaintí
neamhúdaraithe a bhunú agus a chur i bhfeidhm is féidir a bheith i dtáirgí atá
le cur ar an margadh mar tháirgí orgánacha agus i dtaca le bunú na leibhéal sin
agus oiriúnú na leibhéal i bhfianaise forbairtí teicniúla. (51) Tá
táirgeadh orgánach bunaithe ar an bprionsabal ginearálta go gcuirtear srian ar
úsáid ionchur seachtrach. Cuirtear de cheangal ar fheirmeoirí bearta a dhéanamh
chun an riosca éillithe ó tháirgí nó substaintí neamhúdaraithe a chosc.
D'ainneoin na mbeart sin, d'fhéadfadh sé tarlú nach féidir le feirmeoirí a
dtáirgí talmhaíochta a mhargú mar tháirgí orgánacha de dheasca táirgí nó
substaintí neamhúdaraithe a bheith iontu ar neamhchead do na feirmeoirí. Is
iomchuí, dá bhrí sin, foráil a dhéanamh go bhféadfaidh na Ballstáit, i
gcomhréir le hAirteagal 42 den Chonradh, údarú a fháil ón gCoimisiún
íocaíochtaí náisiúnta a thabhairt chun caillteanais arna dtabhú i gcásanna den
sórt sin a chúiteamh. Féadfaidh Ballstáit ionstraimí an Chomhbheartais
Talmhaíochta a úsáid chun caillteanais den sórt sin a chumhdach ina n‑iomláine
nó i bpáirt freisin. (52) Ba cheart
lipéadú táirgí talmhaíochta agus earraí bia a bheith faoi réir na rialacha
ginearálta atá leagtha síos i Rialachán (AE) Uimh. 1169/2011 ó Pharlaimint
na hEorpa agus ón gComhairle[32], agus go háirithe na forálacha arb é is aidhm dóibh cosc a chur ar
lipéadú a d'fhéadfadh mearbhall a chur ar thomhaltóirí nó iad a chur amú. Ina
theannta sin, ba cheart forálacha sonracha maidir le lipéadú táirgí orgánacha a
leagan síos sa Rialachán seo. Ba cheart do na forálacha sin leasanna oibreoirí
agus leasanna tomhaltóirí araon a chosaint i.e. go ndéantar táirgí oibreoirí a
shainaithint go beacht ar an margadh agus gur féidir leo feidhmiú faoi dhálaí
cothroma iomaíochta ar thaobh amháin, agus gur féidir le tomhaltóirí roghanna
eolasacha a dhéanamh ar an taobh eile. (53) Dá réir
sin, ba cheart na téarmaí a úsáidtear chun táirgí orgánacha a shainaithint a
chosaint ar fud an Aontais agus go neamhspleách ar an teanga i gceist sa dóigh
is nach n‑úsáidfí iad ar lipéadú ar tháirgí neamhorgánacha. Ba cheart
feidhm a bheith ag an gcosaint sin maidir leis na gnáthdhíorthaigh nó
leaganacha giorraithe de na téarmaí sin, cibé acu leo féin nó le leaganacha
eile úsáidtear iad. (54) Ionas go
mbeidh soiléireacht ann do thomhaltóirí ar fud mhargadh an Aontais, ba cheart
úsáid lógó an Aontais Eorpaigh maidir le táirgeadh orgánach a bheith éigeantach
don bhia orgánach réamhphacáilte go léir arna tháirgeadh laistigh den Aontas.
Seachas sin ba cheart an fhéidearthacht a bheith ann an lógó sin a úsáid ar
bhonn deonach i gcás táirgí orgánacha nach bhfuil réamhphacáilte agus a
táirgeadh laistigh den Aontas nó i gcás aon táirgí orgánacha a allmhairíodh
isteach ó thríú tíortha. Ba cheart mionsamhail de lógó an Aontais Eorpaigh
maidir le táirgeadh orgánach a leagan síos sa Rialachán seo. (55) Mar sin
féin, ionas nach gcuirfí tomhaltóirí amú i dtaobh chineál orgánach an táirge
ina iomláine, meastar gurb iomchuí úsáid an lógó sin a theorannú do tháirgí
nach bhfuil ach comhábhair orgánacha iontu nó nach bhfuil ach na comhábhair sin
iontu den chuid is mó. Níor cheart úsáid an lógó a cheadú, mar sin, ar lipéadú
ar tháirgí atá á dtiontú ná ar tháirgí próiseáilte ar comhábhair orgánacha iad
níos lú ná 95 % dá gcomhábhair. (56) D'fhonn
aon mhearbhall a d'fhéadfadh a bheith ar thomhaltóirí maidir le tionscnamh
táirge a sheachaint (é a bheith de thionscnamh an Aontais nó a mhalairt), i
gcás ina n‑úsáidtear lógó an Aontais Eorpaigh maidir le táirgeadh
orgánach, ba cheart tomhaltóirí a chur ar an eolas faoin áit inar saothraíodh
na hamhábhair talmhaíochta dá ndearnadh an táirge. Sa chomhthéacs sin, ba
cheart a cheadú go ndéanfaí tagairt do dhobharshaothrú ar lipéad táirgí ó
dhobharshaothrú orgánach seachas tagairt a dhéanamh do thalmhaíocht. (57) Chun go
mbeidh soiléireacht ann do thomhaltóirí agus chun a áirithiú go dtugtar an
fhaisnéis iomchuí dóibh, ba cheart an chumhacht chun gníomhartha áirithe a
ghlacadh a tharmligean chuig an gCoimisiún i dtaca le hoiriúnú a dhéanamh ar an
liosta de théarmaí a thagraíonn do tháirgeadh orgánach a leagtar amach sa
Rialachán seo, i dtaca leis na ceanglais shonracha lipéadaithe agus comhdhéanaimh
a bhunú is infheidhmithe maidir le beatha agus comhábhair beatha, i dtaca le
tuilleadh rialacha a leagan síos maidir le lipéadú agus úsáid na dtásc, seachas
lógó an Aontais Eorpaigh maidir le táirgeadh orgánach a leagtar amach sa
Rialachán seo, agus i dtaca le leasú a dhéanamh ar lógó an Aontais Eorpaigh
maidir le táirgeadh orgánach agus ar na rialacha a bhaineann leis sin. (58) Níl
táirgeadh orgánach inchreidte ach amháin má ghabhann fíorú agus rialuithe
éifeachtacha leis ag gach céim den táirgeadh, próiseáil agus leithdháileadh. Ba
cheart táirgeadh orgánach a chur faoi réir rialuithe oifigiúla nó faoi réir
gníomhaíochtaí oifigiúla eile arna ndéanamh i gcomhréir le Rialachán (AE) Uimh. (XXX/XXXX)
ó Pharlaimint na hEorpa agus ón gComhairle[33]
chun comhlíonadh na rialacha maidir le táirgeadh orgánach agus lipéadú táirgí
orgánacha a fhíorú. (59) Ba cheart
ceanglais shonracha a leagan síos chun a áirithiú go gcomhlíontar na rialacha a
bhaineann go sonrach le táirgeadh orgánach. Ba cheart foráil a dhéanamh go
háirithe maidir le fógra a thabhairt faoi ghníomhaíochtaí na n‑oibreoirí
agus maidir le córas deimhniúcháin chun na hoibreoirí a aithint a bhfuil na
rialacha lena rialaítear táirgeadh orgánach agus lipéadú táirgí orgánacha á
gcomhlíonadh acu. Ba cheart feidhm a bheith ag na forálacha sin freisin maidir
le haon fhochonraitheoirí de chuid na n‑oibreoirí lena mbaineann. Ba
cheart trédhearcacht an chórais deimhniúcháin a áirithiú trína chur de cheangal
ar na Ballstáit an liosta oibreoirí a thug fógra faoina ngníomhaíochtaí a
phoibliú mar aon le haon táillí a fhéadfar a bhailiú i ndáil leis na rialuithe
chun comhlíonadh na rialacha maidir le táirgeadh orgánach a fhíorú. (60) Bíonn
costas cuibheasach ard cigireachta ar fheirmeoirí beaga san Aontas agus ualach
mór riaracháin orthu mar gheall ar dheimhniúchán orgánach. Ba cheart córas
grúpdheimhniúchán a cheadú d'fhonn na costais a bhaineann le cigireacht agus
deimhniúchán, agus an t‑ualach riaracháin a bhaineann leis sin, a laghdú,
d'fhonn na gréasáin áitiúla a neartú, asraonta margaidh níos fearr a chruthú,
agus d'fhonn cothrom iomaíochta a áirithiú le hoibreoirí i dtríú tíortha. Ar an
ábhar sin, ba cheart an coincheap 'grúpa oibreoirí' a thabhairt isteach agus a
shainmhíniú. (61) Chun
éifeachtacht, éifeachtúlacht agus trédhearcacht an chórais táirgthe orgánaigh
agus lipéadaithe a áirithiú, ba cheart an chumhacht chun gníomhartha áirithe a
ghlacadh a tharmligean chuig an gCoimisiún i dtaca leis na ceanglais ar
oibreoirí nó ar ghrúpaí oibreoirí taifid a choinneáil, na ceanglais maidir le
liosta na n‑oibreoirí a phoibliú, na ceanglais agus nósanna imeachta atá
le cur i bhfeidhm maidir le poibliú na dtáillí a fhéadfar a bhailiú i ndáil
leis na rialuithe chun comhlíonadh na rialacha maidir le táirgeadh orgánach a
fhíorú agus maidir le maoirseacht na n‑údarás inniúil ar ghearradh na
dtáillí sin, mar aon leis na critéir chun na grúpaí táirgí a shainmhíniú lenar
cheart d'oibreoirí a bheith i dteideal aon deimhniú orgánach amháin arna
eisiúint ag an údarás rialaithe nó an comhlacht rialaithe lena mbaineann. (62) Chun
deimhniúchán éifeachtach agus éifeachtúil grúpa oibreoirí a áirithiú, ba cheart
an chumhacht chun gníomhartha áirithe a ghlacadh a tharmligean chuig an
gCoimisiún i dtaca le freagrachtaí na mball aonair de ghrúpa oibreoirí,
comhdhéanamh agus méid an ghrúpa sin, catagóirí na dtáirgí atá le táirgeadh ag
an ngrúpa oibreoirí, na coinníollacha a bhaineann le bheith páirteach sa
ghrúpa, agus socrú agus feidhmiú chóras an ghrúpa maidir le rialuithe
inmheánacha, lena n‑áirítear raon feidhme, ábhar agus minicíocht na
rialuithe atá le déanamh. (63) Is léir
ón taithí a fuarthas ó na socruithe d'allmhairiú táirgí orgánacha isteach san
Aontas faoi Rialachán (CE) Uimh. 834/2007 gur gá na socruithe sin a
athbhreithniú chun freagairt a thabhairt d'ionchais na dtomhaltóirí, is iad sin
go gcomhlíonfaidh táirgí orgánacha a allmhairítear isteach san Aontas rialacha
atá chomh dian céanna leo siúd atá san Aontas, agus chun rochtain tháirgí
orgánacha an Aontais ar an margadh idirnáisiúnta a áirithiú. Ina theannta sin,
ní mór foráil a dhéanamh maidir le soiléireacht i ndáil leis na rialacha is
infheidhmithe maidir le honnmhairiú táirgí orgánacha, go háirithe trí dheimhniú
onnmhairiúcháin a bhunú agus trí fhorálacha a leagan síos maidir le honnmhairiú
go tríú tíortha a aithnítear chun críocha coibhéise faoi Rialachán (CE) Uimh. 834/2007.
(64) Maidir
leis na forálacha lena rialaítear allmhairiú táirgí atá i gcomhréir le rialacha
táirgthe agus lipéadaithe an Aontais, ar forálacha iad is cúis le hoibreoirí a
chur faoi réir rialaithe ag údaráis rialaithe agus comhlachtaí rialaithe a
aithníonn an Coimisiún a bheith inniúil chun rialuithe agus deimhniúchán a
dhéanamh i réimse an táirgthe orgánaigh i dtríú tíortha, ba cheart na forálacha
sin a athneartú tuilleadh. Go háirithe, ba cheart ceanglais a leagan síos
maidir leis na comhlachtaí creidiúnaithe a thugann creidiúnú do chomhlachtaí
rialaithe chun táirgí orgánacha comhréireacha a allmhairiú isteach san Aontas,
agus é mar aidhm ag na ceanglais sin cothromaíocht a áirithiú agus maoirseacht
á déanamh ag an gCoimisiún ar na comhlachtaí rialaithe. Thairis sin, ní mór
foráil a dhéanamh go bhféadfaidh an Coimisiún teagmháil dhíreach a dhéanamh
leis na comhlachtaí creidiúnaithe agus na húdaráis inniúla i dtríú tíortha chun
an mhaoirseacht a dhéantar ar údaráis agus comhlachtaí rialaithe a dhéanamh
níos éifeachtúla. (65) Maidir
leis an bhforáil go bhféadfaidh rochtain ar mhargadh an Aontais a thabhairt do
tháirgí orgánacha i gcás nach bhfuil na táirgí sin i gcomhréir le rialacha an
Aontais maidir le táirgeadh orgánach ach gur táirgí as tríú tíortha iad a
bhfuil a dtáirgeadh orgánach agus a gcórais rialaithe aitheanta a bheith
coibhéiseach leo sin atá san Aontas, ba cheart an fhoráil sin a chaomhnú. Maidir
le tríú tíortha a aithint mar thíortha coibhéiseacha, áfach, mar atá leagtha
síos i Rialachán (CE) Uimh. 834/2007, níor cheart aitheantas faoin scéim
sin a thabhairt ach amháin trí chomhaontú idirnáisiúnta idir an tAontas agus na
tríú tíortha sin, i gcás ina dtabharfaí aitheantas cómhalartach i dtaobh
coibhéise don Aontas freisin. (66) Aon tríú
tíortha atá aitheanta chun críocha coibhéise faoi Rialachán (CE) Uimh. 834/2007,
ba cheart an t‑aitheantas sin a bheith acu fós faoin Rialachán seo, go
ceann tréimhse teoranta is gá chun aistriú rianúil a áirithiú chuig an scéim
faoina dtugtar aitheantas trí chomhaontú idirnáisiúnta, ar an gcoinníoll go n‑áiritheoidh
siad i gcónaí go bhfuil a dtáirgeadh orgánach agus a rialacha maidir le rialú
coibhéiseach leis na rialacha ábhartha atá i bhfeidhm san Aontas agus go
gcomhlíonfaidh siad na ceanglais go léir a bhaineann leis an gCoimisiún a
bheith ag déanamh maoirseachta ar an aitheantas sin. Ba cheart an mhaoirseacht
sin a bhunú go háirithe ar na tuarascálacha bliantúla a chuireann na tríú
tíortha chuig an gCoimisiún. (67) Maidir
leis an taithí a fuarthas ón scéim i dtaobh údarás rialaithe agus comhlachtaí
rialaithe a aithnítear a bheith inniúil chun rialuithe a dhéanamh agus
deimhnithe a eisiúint i dtríú tíortha chun táirgí a bhfuil ráthaíochtaí
coibhéiseacha ag baint leo a allmhairiú, is léir ón taithí sin go bhfuil na
rialacha difriúla á gcur i bhfeidhm ag na húdaráis agus comhlachtaí sin agus go
bhféadfadh sé bheith deacair a mheas go bhfuil siad coibhéiseach le rialacha an
Aontais faoi seach. Ina theannta sin, má thagann méadú ar líon na gcaighdeán
atá ag údaráis rialaithe agus comhlachtaí rialaithe, cuirtear bacainn ar an
gCoimisiún maoirseacht a dhéanamh. Dá bhrí sin, ba cheart deireadh a chur leis
an scéim aitheanta coibhéise sin. Ba cheart dóthain ama a thabhairt do na
húdaráis rialaithe agus na comhlachtaí rialaithe sin, áfach, ionas go
bhféadfaidh siad ullmhú chun aitheantas a fáil ar mhaithe le táirgí atá i
gcomhréir le rialacha an Aontais a allmhairiú. (68) Maidir le
haon táirge orgánach a allmhairítear isteach san Aontas a chur ar an margadh
mar tháirge orgánach, faoi aon socruithe allmhairiúcháin dá bhforáiltear sa
Rialachán seo, níor cheart é sin a dhéanamh ach an fhaisnéis is gá a bheith ar
fáil chun inrianaitheacht an táirge sa slabhra soláthair a áirithiú. (69) Chun a
áirithiú go bhfuil cothrom iomaíochta idir oibreoirí, go bhfuil inrianaitheacht
i dtaobh na dtáirgí allmhairithe atá beartaithe a chur ar an margadh laistigh
den Aontas mar tháirgí orgánacha nó go bhfuil trédhearcacht ann i dtaobh an nós
imeachta maidir le húdaráis rialaithe agus comhlachtaí rialaithe a aithint agus
maoirseacht a dhéanamh orthu i gcomhthéacs táirgí orgánacha comhréireacha a
allmhairiú, agus chun bainistiú an liosta de thríú tíortha a aithnítear chun
críocha coibhéise faoi Rialachán (CE) Uimh. 834/2007 a áirithiú, ba cheart
an chumhacht chun gníomhartha áirithe a ghlacadh a tharmligean chuig an
gCoimisiún i dtaca leis na doiciméid atá beartaithe d'údaráis custaim i dtríú
tíortha, go háirithe deimhniú onnmhairiúcháin orgánaigh, i bhfoirm leictreonach
más féidir, na doiciméid is gá chun críocha allmhairiúcháin, i bhfoirm
leictreonach freisin más féidir, na critéir maidir le haithint údarás rialaithe
agus comhlachtaí rialaithe nó maidir leis an aitheantas sin a aistarraingt i
gcomhthéacs táirgí orgánacha comhréireacha a allmhairiú, agus i dtaca leis an
bhfaisnéis a bhfuil ar thríú tíortha a aithnítear faoin Rialachán sin a
sheoladh chuig an gCoimisiún ionas go bhféadfaidh sé maoirseacht a dhéanamh ar
an aitheantas atá acu agus ar fheidhmiú an aitheantais sin, lena n‑áirítear
trí iniúchadh ar an láthair a dhéanamh. (70) Ba cheart
foráil a dhéanamh chun a áirithiú nach féidir gluaiseacht táirgí orgánacha a
bhí faoi réir rialaithe i mBallstát amháin agus atá i gcomhréir leis an
Rialachán seo, nach féidir gluaiseacht an táirge sin a shrianadh i mBallstát
eile. Chun dea-fheidhmiú an mhargaidh aonair agus trádáil idir Bhallstáit a
áirithiú, ba cheart an chumhacht chun gníomhartha áirithe a ghlacadh a
tharmligean chuig an gCoimisiún chun rialacha a leagan síos maidir le
saorghluaiseacht táirgí orgánacha. (71) Chun an
fhaisnéis iontaofa is gá a fháil chun an Rialachán seo a chur chun feidhme, ba
cheart do na Ballstáit an fhaisnéis is gá a thabhairt don Choimisiún uair sa
bhliain. Ar mhaithe le soiléireacht agus trédhearcacht, ba cheart do na
Ballstáit liostaí nuashonraithe a choinneáil d'údaráis inniúla, údaráis
rialaithe agus comhlachtaí rialaithe. Ba cheart do na Ballstáit na liostaí d'údaráis
rialaithe agus comhlachtaí rialaithe a phoibliú agus ba cheart don Choimisiún
iad sin a fhoilsiú go bliantúil. (72) Ní mór
bearta a leagan síos chun a áirithiú go ndéanfar, ar bhealach rianúil, na
hathruithe ar an gcreat dlíthiúil lena rialaítear allmhairiú táirgí orgánacha
isteach san Aontas, ar athruithe iad a thugtar isteach leis an Rialachán seo.
Go sonrach, chun aistriú rianúil a áirithiú ón seanchreat dlíthiúil chuig an
creat dlíthiúil nua, ba cheart an chumhacht chun gníomhartha áirithe a ghlacadh
a tharmligean chuig an gCoimisiún i dtaca leis na rialacha a bhaineann le
tréimhsí tiontaithe a tosaíodh faoi Rialachán (CE) Uimh. 834/2007, de
mhaolú ar an riail ghinearálta faoi nach bhféadtar aon tréimhsí roimhe sin a
aithint go haisghníomhach mar chuid den tréimhse tiontaithe. (73) Ina
theannta sin, ba cheart dáta a shocrú le haghaidh dul in éag aitheantais údarás
rialaithe agus comhlachtaí rialaithe chun críocha coibhéise agus ba cheart
forálacha a leagan síos chun aghaidh a thabhairt air sin go dtí go rachaidh an t‑aitheantas
sin in éag. Ba cheart forálacha a leagan síos freisin maidir le hiarratais ó
thríú tíortha chun críocha coibhéise a cuireadh isteach faoi Rialachán (CE) Uimh. 834/2007
agus a bheidh ar feitheamh fós tráth theacht i bhfeidhm an Rialacháin seo. (74) Chun
bainistiú an liosta d'údaráis rialaithe agus comhlachtaí rialaithe atá
aitheanta chun críocha coibhéise faoi Rialachán (CE) Uimh. 834/2007 a
áirithiú agus ionas gur éasca scrúdú na n‑iarratas ó thríú tíortha ar
aitheantas chun críocha coibhéise a bheidh ar feitheamh fós tráth theacht i
bhfeidhm an Rialacháin seo a chur i gcrích, ba cheart an chumhacht chun
gníomhartha áirithe a ghlacadh a tharmligean chuig an gCoimisiún i dtaca leis
an bhfaisnéis a bhfuil ar na húdaráis rialaithe agus comhlachtaí rialaithe sin
a sheoladh chuig an gCoimisiún ionas go bhféadfaidh sé maoirseacht a dhéanamh
ar an aitheantas atá acu agus i dtaca le feidhmiú na maoirseachta sin ag an
gCoimisiún, agus ina theannta sin i dtaca le haon rialacha nós imeachta is gá
chun na hiarratais ó thríú tíortha a bheidh ar feitheamh fós a scrúdú. (75) Chun
coinníollacha aonfhoirmeacha a áirithiú le haghaidh chur chun feidhme an
Rialacháin seo, ba cheart cumhachtaí cur chun feidhme a thabhairt don
Choimisiún maidir leis na nithe seo a leanas: na mionsonraí teicniúla a
bhaineann le bunú an bhunachair sonraí chun na cineálacha a liostú dá bhfuil ábhar
atáirgthe plandaí a fuarthas trí mhodh an táirgthe orgánaigh ar fáil; údarú na
dtáirgí agus na substaintí a fhéadfar a úsáid i dtáirgeadh orgánach go
ginearálta agus i dtáirgeadh bia orgánaigh phróiseáilte go sonrach nó
aistarraingt an údaraithe sin, lena n‑áirítear na nósanna imeachta atá le
leanúint don údarú sin agus na liostaí de na táirgí agus na substaintí sin
agus, más iomchuí, cur síos orthu, ceanglas maidir leis an gcomhdhéanamh agus
coinníollacha úsáide; na rialacha mionsonraithe sonracha agus praiticiúla
maidir le cur i láthair, comhdhéanamh agus méid na dtásc a thagraíonn do
chóduimhreacha údarás rialaithe agus comhlachtaí rialaithe agus maidir le cur i
láthair, comhdhéanamh agus méid an táisc a thagraíonn don áit inar saothraíodh
na hamhábhair thalmhaíochta, sannadh na gcóduimhreacha d'údaráis rialaithe agus
comhlachtaí rialaithe agus sannadh an táisc maidir leis an áit inar saothraíodh
na hamhábhair thalmhaíochta; na mionsonraí agus sonraíochtaí a bhaineann le
hábhar agus foirm na bhfógraí agus leis an dóigh a dtabharfaidh oibreoirí agus
grúpaí oibreoirí fógra faoina ngníomhaíochtaí do na húdaráis inniúla agus an dóigh
a bhfoilseofar an táille a fhéadfar a bhailiú do na rialuithe; an malartú
faisnéise idir grúpaí oibreoirí agus údaráis inniúla, údaráis rialaithe agus
comhlachtaí rialaithe agus idir na Ballstáit agus an Coimisiún; aithint údarás
rialaithe agus comhlachtaí rialaithe atá inniúil chun rialuithe a dhéanamh i
dtríú tíortha nó aistarraingt an aitheantais sin agus an liosta de na húdaráis
rialaithe agus na comhlachtaí rialaithe sin a bhunú chomh maith le rialacha a
bhunú chun a áirithiú go gcuirtear bearta i bhfeidhm i gcás neamhchomhlíonadh,
nó i gcás amhras a bheith ann i dtaobh neamhchomhlíonadh, ar neamhchomhlíonadh
é a dhéanann difear do shláine táirgí orgánacha allmhairithe; bunú liosta de thríú tíortha atá aitheanta faoi Airteagal 33(2) de
Rialachán (CE) Uimh. 834/2007 agus aon leasuithe ar an liosta sin mar aon
le rialacha chun a áirithiú go gcuirtear bearta i bhfeidhm
maidir le cásanna neamhchomhlíonadh, nó i gcás amhras a bheith ann i dtaobh
neamhchomhlíonadh, ar neamhchomhlíonadh é a dhéanann difear do shláine táirgí
orgánacha a allmhairítear ó na tíortha sin; an córas atá le húsáid chun an
fhaisnéis is gá a tharchur chun an Rialachán seo a chur chun feidhme agus
faireachán a dhéanamh air; agus bunú an liosta d'údaráis rialaithe agus
comhlachtaí rialaithe atá aitheanta faoi Airteagal 33(3) de Rialachán (CE)
Uimh. 834/2007 agus aon leasuithe ar an liosta sin. Ba cheart na
cumhachtaí sin a fheidhmiú i gcomhréir le Rialachán (AE) Uimh. 182/2011 ó
Pharlaimint na hEorpa agus ón gComhairle[34]. (76) Ba cheart
go gcumhachtófaí don Choimisiún gníomhartha cur chun feidhme atá infheidhme
láithreach a ghlacadh más rud é, i gcásanna a bhfuil údar cuí leo agus a
bhaineann le cosaint i gcoinne cleachtas éagothrom nó cleachtas nach bhfuil i
gcomhréir leis na prionsabail agus na rialacha maidir le táirgeadh orgánach,
cosaint mhuinín na dtomhaltóirí nó cosaint iomaíochta cothroime idir oibreoirí,
go n‑éilítear amhlaidh ar mhórfhorais práinne chun a áirithiú go
gcuirtear bearta i bhfeidhm i gcás neamhchomhlíonadh, nó i gcás amhras a bheith
ann i dtaobh neamhchomhlíonadh, ar neamhchomhlíonadh é a dhéanann difear do
shláine táirgí orgánacha allmhairithe atá faoi rialú údarás rialaithe nó
comhlachtaí rialaithe aitheanta. (77) Chun
aistriú rianúil a áirithiú ó na rialacha maidir le tionscnamh orgánach ábhair
atáirgthe plandaí agus maidir le hainmhithe chun críocha póraithe dá
bhforáiltear i Rialachán (CE) Uimh. 834/2007 agus an eisceacht ó na
rialacha táirgthe a glacadh de bhun Airteagal 22 den Rialachán sin, ar
thaobh amháin, chuig na rialacha táirgthe nua do plandaí agus táirgí plandaí
agus beostoc dá bhforáiltear sa Rialachán seo, ba cheart an chumhacht chun
gníomhartha áirithe a ghlacadh a tharmligean chuig an gCoimisiún i dtaca le
heisceachtaí a dheonú i gcás ina meastar gur gá sin chun rochtain a áirithiú ar
ábhar atáirgthe plandaí agus ar ainmhithe beo chun críocha póraithe a fhéadfar
a úsáid i dtáirgeadh orgánach. Ós rud é gur gníomhartha idirthréimhseacha iad
na gníomhartha sin, ba cheart feidhm a bheith acu ar feadh tréimhse teoranta. (78) Ba cheart
don Choimisiún infhaighteacht ábhair orgánaigh atáirgthe plandaí agus ainmhithe
chun críocha póraithe a mheas agus tuarascáil faoi sin a chur faoi bhráid
Pharlaimint na hEorpa agus na Comhairle in 2021. (79) Ba cheart
foráil a dhéanamh go gceadófar stoic táirgí a ídiú ar stoic iad a táirgeadh i
gcomhréir le Rialachán (CE) Uimh. 834/2007 agus a cuireadh ar an margadh
roimh theacht i bhfeidhm an Rialacháin seo. (80) Leis an
athbhreithniú a rinneadh ar an gcreat reachtach do tháirgeadh orgánach agus
lipéadú táirgí orgánacha, léiríodh go dteastaíonn forálacha ó na riachtanais
shonracha a bhaineann le rialuithe oifigiúla agus gníomhaíochtaí oifigiúla eile
arna ndéanamh i gcomhréir le Rialachán (AE) Uimh. XXX/XXX (an Rialachán
maidir le rialuithe oifigiúla) chun aghaidh níos fearr a thabhairt ar chásanna
neamhchomhlíonadh. Sa bhreis air sin, ba cheart forálacha Rialachán (AE) Uimh. XXX/XXX
[an Rialachán maidir le rialuithe oifigiúla] a bhaineann le tascanna agus
freagrachtaí na n‑údarás inniúil, formheas comhlachtaí tarmligthe agus
maoirseacht orthu, deimhniúchán oifigiúil, oibleagáidí tuairiscithe agus cúnamh
riaracháin, ba cheart iad a oiriúnú chun riachtanais shonracha earnáil an
táirgthe orgánaigh a chomhlíonadh. Dá bhrí sin, ba cheart Rialachán (AE) Uimh. XXX/XXX
[an Rialachán maidir le rialuithe oifigiúla] a leasú dá réir. (81) Ós rud é
nach féidir leis na Ballstáit cuspóirí an Rialacháin seo a bhaint amach go
leordhóthanach, is iad sin go háirithe cothrom iomaíochta agus dea-fheidhmiú an
mhargaidh inmheánaigh i dtáirgí orgánacha mar aon le muinín na dtomhaltóirí as
na táirgí sin agus as lógó an Aontais Eorpaigh maidir le táirgeadh orgánach a
áirithiú, agus gur fearr, de bharr gur gá na rialacha maidir le táirgeadh
orgánach a chomhchuibhiú, is féidir iad a bhaint amach ar leibhéal an Aontais,
féadfaidh an tAontas bearta a ghlacadh, i gcomhréir le prionsabal na
coimhdeachta a leagtar amach in Airteagal 5 den Chonradh ar an Aontas
Eorpach. I gcomhréir le prionsabal na comhréireachta, a leagtar amach san Airteagal
sin, ní théann an Rialachán seo thar a bhfuil riachtanach chun na cuspóirí sin
a bhaint amach. (82) Is
iomchuí foráil a dhéanamh go gcuirfear an Rialachán seo i bhfeidhm ar dháta a
fhágfaidh go mbeidh dóthain ama ag oibreoirí dul i dtaithí ar na ceanglais nua
atá á dtabhairt isteach. TAR ÉIS AN RIALACHÁN SEO A GHLACADH: Caibidil I Ábhar, raon feidhme agus sainmhínithe Airteagal 1 Ábhar Sa Rialachán seo bunaítear prionsabail an
táirgthe orgánaigh agus leagtar síos na rialacha a bhaineann le táirgeadh
orgánach agus le húsáid tásc a thagraíonn don táirgeadh sin ar lipéid agus
fógraí. Airteagal 2 Raon feidhme 1. Beidh feidhm ag an Rialachán
seo maidir leis na táirgí talmhaíochta atá liostaithe in Iarscríbhinn I a
ghabhann leis an gConradh ar Fheidhmiú an Aontais Eorpaigh ('an Conradh') agus
maidir le roinnt táirgí eile atá liostaithe in Iarscríbhinn I a ghabhann
leis an Rialachán seo, a mhéid go bhfuil sé beartaithe na táirgí sin a
tháirgeadh, a ullmhú, a dháileadh, a chur ar an margadh, a allmhairiú nó a
onnmhairiú mar tháirgí orgánacha. Ní mheasfar gur táirgí orgánacha iad táirgí ó
fhiach nó iascaireacht ainmhithe fiáine. 2. Beidh feidhm ag an Rialachán
seo maidir le haon oibreoir a bhfuil baint aige le gníomhaíochtaí, ag aon chéim
den táirgeadh, ullmhú agus dáileadh, a bhaineann leis na táirgí dá dtagraítear
i mír 1. Aon oibríochtaí oll-lónadóireachta arna ndéanamh
ag oll-lónadóir mar atá sainmhínithe i bpointe (d) d'Airteagal 2(2)
de Rialachán (AE) Uimh. 1169/2011 ó Pharlaimint na hEorpa agus ón
gComhairle[35], ní bheidh siad faoi réir an Rialacháin seo. Féadfaidh na Ballstáit rialacha náisiúnta nó, ina
éagmais sin, caighdeáin phríobháideacha a chur i bhfeidhm maidir le lipéadú
agus rialú táirgí de thionscnamh oibríochtaí oll-lónadóireachta. 3. Beidh feidhm ag an Rialachán
seo gan dochar do reachtaíocht eile ón Aontas lena mbaineann inter alia
sábháilteacht an tslabhra bia, sláinte agus leas ainmhithe, folláine plandaí,
agus ábhar atáirgthe plandaí, agus gan dochar go háirithe do Rialachán (AE) Uimh. XX/XXX
ó Pharlaimint na hEorpa agus ón gComhairle[36]
(ábhar atáirgthe plandaí) agus Rialachán (AE) Uimh. XX/XXXX ó Pharlaimint
na hEorpa agus ón gComhairle[37] (bearta cosantacha i gcoinne lotnaidí plandaí). 4. Beidh feidhm ag an Rialachán
seo gan dochar d'fhorálacha sonracha eile de chuid an Aontais a bhaineann le táirgí a chur ar an margadh agus, go
háirithe, le Rialachán (AE) Uimh. 1308/2013
ó Pharlaimint na hEorpa agus ón gComhairle[38],
agus le Rialachán (AE) Uimh. 1169/2011. 5. Chun faisnéis nua ar
mhodhanna táirgthe nó ábhair nó gealltanais idirnáisiúnta a chur san áireamh,
tabharfar de chumhacht don Choimisiún gníomhartha tarmligthe a ghlacadh i
gcomhréir le hAirteagal 36 chun an liosta táirgí atá leagtha amach in Iarscríbhinn I
a leasú. Ní fhéadfar ach táirgí a bhfuil dlúthbhaint acu le táirgí talmhaíochta
a áireamh ar an liosta sin. Airteagal 3 Sainmhínithe Chun críocha an Rialacháin seo, beidh feidhm
ag na sainmhínithe seo a leanas: (1)
ciallaíonn 'táirgeadh orgánach' úsáid modhanna
táirgthe atá i gcomhréir leis an Rialachán seo, ag gach céim den táirgeadh,
ullmhú agus dáileadh; (2)
ciallaíonn 'orgánach' a bheith ag teacht ó
tháirgeadh orgánach nó bainteach leis; (3)
ciallaíonn 'amhábhar talmhaíochta' táirge
talmhaíochta nach ndearnadh aon leasú ná próiseáil air; (4)
ciallaíonn 'bearta coisctheacha' bearta atá le
déanamh chun cáilíocht na hithreach a áirithiú mar aon le lotnaidí agus fiailí
a chosc agus a rialú, agus chun éilliú le táirgí nó substaintí nach bhfuil
údaraithe faoin Rialachán seo a chosc; (5)
ciallaíonn 'tiontú' an t‑athrú ó tháirgeadh
neamhorgánach go táirgeadh orgánach laistigh de thréimhse áirithe ama; (6)
ciallaíonn 'oibreoir' an duine nádúrtha nó
dlítheanach atá freagrach as a áirithiú go gcomhlíontar an Rialachán seo ag
gach céim den táirgeadh, ullmhú agus dáileadh atá faoi chúram an duine sin; (7)
ciallaíonn 'grúpa oibreoirí' grúpa inar feirmeoir é
gach oibreoir, feirmeoir a bhfuil gabháltas suas le 5 heicteár aige de thalamh
a úsáidtear le haghaidh talmhaíochta agus a fhéadfaidh, mar aon le bia nó beatha
a tháirgeadh, a bheith ag gabháil do phróiseáil bia nó beatha; (8)
ciallaíonn 'feirmeoir' duine nádúrtha nó
dlítheantach, nó grúpa daoine nádúrtha nó dlítheanacha, beag beann ar an stádas
dlíthiúil atá bronnta ag an dlí náisiúnta ar an ngrúpa sin agus ar a bhaill, ar
duine é nó ar grúpa é atá i mbun gníomhaíochta talmhaíochta; (9)
ciallaíonn 'limistéar talmhaíochta' limistéar
talmhaíochta mar atá sainmhínithe i bpointe (e) d'Airteagal 4(1) de
Rialachán (AE) Uimh. 1307/2013; (10)
ciallaíonn 'plandaí' plandaí mar atá sainmhínithe i
bpointe 5 d'Airteagal 3 de Rialachán (CE) Uimh. 1107/2009; (11)
ciallaíonn 'táirgeadh plandaí' táirgeadh táirgí
barr talmhaíochta lena n‑áirítear buaint táirgí plandaí fiáine chun
críocha tráchtála; (12)
ciallaíonn 'táirgí plandaí' táirgí plandaí mar atá
sainmhínithe i bpointe 6 d'Airteagal 3 de Rialachán (CE) Uimh. 1107/2009; (13)
ciallaíonn 'lotnaid' lotnaid mar atá sainmhínithe
in Airteagal 1(1) de Rialachán (AE) Uimh. XX/XXXX (bearta cosantacha
i gcoinne lotnaidí plandaí); (14)
ciallaíonn 'táirgí cosanta plandaí' na táirgí dá
dtagraítear in Airteagal 2 de Rialachán (CE) Uimh. 1107/2009; (15)
ciallaíonn 'táirgeadh beostoic' táirgeadh ainmhithe
talún clóis nó ceansaithe, lena n‑áirítear feithidí; (16)
ciallaíonn 'vearanda' cuid bhreise d'fhoirgneamh
beostoic atá faoi dhíon, nach bhfuil inslithe agus atá taobh amuigh, ar gnách
an taobh is faide de bheith feistithe le fál sreinge nó le sreanglíontán agus a
bhfuil aeráid amuigh faoin aer, soilsiú nádúrtha agus saorga agus urlár
easraithe ann; (17)
ciallaíonn 'dobharshaothrú' dobharshaothrú mar atá
sainmhínithe i bpointe (25) d’Airteagal 4(1) de Rialachán (AE) Uimh. 1380/2013
ó Pharlaimint na hEorpa agus ón gComhairle[39]; (18)
ciallaíonn 'cóireáil tréidliachta' gach cóiriú
leighis de chineál íceach nó coisctheach i gcoinne aon taom galair ar leith; (19)
ciallaíonn 'táirgí míochaine tréidliachta' táirgí
míochaine tréidliachta mar atá sainmhínithe i bpointe 2 d’Airteagal 1
de Threoir 2001/82/CE ó Pharlaimint na hEorpa agus ón gComhairle[40]; (20)
ciallaíonn 'ullmhú' leasú nó próiseáil a dhéanamh
ar tháirgí orgánacha, lena n‑áirítear marú agus gearradh i gcás táirgí
beostoic, pacáistiú, lipéadú nó athrú a dhéanamh ar an lipéadú a bhaineann le
táirgeadh orgánach; (21)
ciallaíonn 'bia' bia mar atá sainmhínithe in Airteagal 2
de Rialachán (CE) Uimh. 178/2002 ó Pharlaimint na hEorpa agus ón
gComhairle[41]; (22)
ciallaíonn 'beatha' beatha mar atá sainmhínithe i
bpointe 4 d'Airteagal 3 de Rialachán (CE) Uimh. 178/2002; (23)
ciallaíonn 'ábhar beatha' ábhar beatha mar atá
sainmhínithe i bpointe (g) d'Airteagal 3(2) de Rialachán (CE) Uimh. 767/2009
ó Pharlaimint na hEorpa agus ón gComhairle[42]; (24)
ciallaíonn 'beatha atá á thiontú' beatha a
tháirgtear le linn na tréimhse tiontaithe, cé is moite díobh sin a
shaothraítear sa 12 mhí tar éis tús an tiontaithe; (25)
ciallaíonn 'cur ar an margadh' cur ar an margadh
mar atá sainmhínithe i bpointe 8 d’Airteagal 3 de Rialachán (CE) Uimh. 178/2002; (26)
ciallaíonn 'inrianaitheacht' inrianaitheacht mar
atá sainmhínithe i bpointe 15 d'Airteagal 3 de Rialachán (CE) Uimh. 178/2002; (27)
ciallaíonn 'céimeanna den táirgeadh, ullmhú agus
dáileadh' aon chéim ó tháirgeadh príomhúil táirge orgánaigh (agus an táirgeadh
sin san áireamh) go stóráil, próiseáil, iompar, díol nó soláthar an táirge don
tomhaltóir deiridh (agus sin uile san áireamh), agus, nuair is ábhartha, lipéadú,
fógraíocht, allmhairiú, onnmhairiú agus gníomhaíochtaí fochonraitheoireachta;
(28)
ciallaíonn 'imthosca turraingeacha' imthosca atá
ann mar gheall ar 'theagmhas díobhálach aeráide', 'teagmhas comhshaoil',
'tubaiste nádúrtha' nó 'teagmhas turraingeach' mar atá sainmhínithe i bpointí
(h), (j), (k) agus (l) d'Airteagal 2(1) de Rialachán (AE) Uimh. 1305/2013; (29)
ciallaíonn 'comhábhar' comhábhar mar atá
sainmhínithe i bpointe (f) d'Airteagal 2(2) de Rialachán (AE) Uimh. 1169/2011; (30)
ciallaíonn 'lipéadú' lipéadú mar atá sainmhínithe i
bpointe (j) d'Airteagal 2(2) de Rialachán (AE) Uimh. 1169/2011; (31)
ciallaíonn 'fógraíocht' táirgí orgánacha a chur i
láthair an phobail in aon slí seachas trí bhíthin lipéid, atá beartaithe dul i
gcion ar mheon, creidimh agus iompraíochtaí, nó is dóigh a rachaidh i gcion
orthu sin, chun díol táirgí orgánacha a chur chun cinn go díreach nó go
hindíreach; (32)
ciallaíonn 'údaráis inniúla' údaráis inniúla mar
atá sainmhínithe i bpointe 5 d'Airteagal 2 de Rialachán (AE) Uimh. XXX/XXXX
[an Rialachán maidir le rialuithe oifigiúla]; (33)
ciallaíonn ‘údarás rialaithe’ údarás rialaithe
maidir le táirgeadh orgánach agus lipéadú táirgí orgánacha mar atá sainmhínithe
i bpointe 39 d'Airteagal 2 de Rialachán (AE) Uimh. XXX/XXXX [an
Rialachán maidir le rialuithe oifigiúla]; (34)
ciallaíonn ‘comhlacht rialaithe’ comhlacht
tarmligthe mar atá sainmhínithe i bpointe 38 d'Airteagal 2 de
Rialachán Uimh. XXX/XXXX [an Rialachán maidir le rialuithe oifigiúla],
agus aon chomhlacht atá aitheanta ag an gCoimisiún nó aitheanta ag tríú tír atá
aitheanta ag an gCoimisiún chun rialuithe a dhéanamh i dtríú tíortha i dtaca le
hallmhairiú táirgí orgánacha isteach san Aontas; (35)
ciallaíonn ‘neamhchomhlíonadh’ nach gcomhlíontar an
Rialachán seo; (36)
ciallaíonn ‘orgánach géinmhodhnaithe’ (dá ngairfear
'OGM' anseo feasta) orgánach géinmhodhnaithe mar atá sainmhínithe i bpointe (2)
d'Airteagal 2 de
Threoir 2001/18/CE ó Pharlaimint na hEorpa agus ón gComhairle[43] nach bhfaightear trí na teicnící modhnaithe géinitigh atá liostaithe
in Iarscríbhinn I.B a ghabhann leis an Treoir sin; (37)
ciallaíonn 'a tháirgtear ó OGManna' a bheith
díorthaithe go hiomlán nó go páirteach ó OGManna ach gan OGManna a bheith ann
ná a bheith comhdhéanta de OGManna; (38)
ciallaíonn 'a tháirgtear trí OGManna a úsáid' a
bheith díorthaithe trí OGManna a úsáid sa phróiseas táirgthe ach gan OGManna a
bheith ann ná a bheith comhdhéanta de OGManna ná a bheith táirgthe ó OGManna; (39)
ciallaíonn ‘breiseán bia’ breiseán bia mar atá
sainmhínithe i bpointe (a) d'Airteagal 3(2) de Rialachán (CE) Uimh. 1333/2008
ó Pharlaimint na hEorpa agus ón gComhairle[44] ; (40)
ciallaíonn 'breiseán beatha' breiseán beatha mar
atá sainmhínithe i bpointe (a) d'Airteagal 2(2) de Rialachán (CE) Uimh. 1831/2003
ó Pharlaimint na hEorpa agus ón gComhairle[45]; (41)
ciallaíonn 'coibhéis' na cuspóirí céanna agus
prionsabail chéanna a chomhlíonadh trí rialacha a chur i bhfeidhm lena n‑áirithítear
an leibhéal comhréireachta céanna; ciallaíonn 'áis phróiseála' áis phróiseála
mar atá sainmhínithe i bpointe (b) d'Airteagal 3(2) de Rialachán (CE)
Uimh. 1333/2008; (42)
ciallaíonn ‘einsím bia’ einsím bia mar atá
sainmhínithe i bpointe (a) d'Airteagal 3(2) de Rialachán (CE) Uimh. 1332/2008
ó Pharlaimint na hEorpa agus ón gComhairle[46]; (43)
ciallaíonn 'radaíocht ianúcháin' radaíocht
ianúcháin mar atá sainmhínithe in Airteagal 1 de Threoir 96/29/Euratom ón
gComhairle[47]. Caibidil II Prionsabail an táirgthe orgánaigh Airteagal 4 Prionsabail
ghinearálta Córas bainistíochta inbhuanaithe don
talmhaíocht is ea táirgeadh orgánach atá bunaithe ar na prionsabail ghinearálta
seo a leanas: (a)
córais agus timthriallta an dúlra a urramú agus
caomhnú agus feabhsú a dhéanamh ar cháilíocht na hithreach, an uisce, an aeir
agus na bithéagsúlachta, ar fholláine plandaí agus ainmhithe agus ar an
gcothromaíocht eatarthu; (b)
cuidiú a thabhairt ardleibhéal bithéagsúlachta a
chothú; (c)
úsáid fhreagrach a bhaint as fuinneamh agus
acmhainní nádúrtha, amhail uisce, ithir, ábhar orgánach agus an t‑aer; (d)
ardchaighdeáin leasa ainmhithe a urramú, go
háirithe maidir le riachtanais iompraíochta ainmhithe atá sainiúil don
speiceas; (e)
ceapadh agus bainistiú iomchuí próiseas
bitheolaíoch bunaithe ar chórais éiceolaíocha a úsáideann acmhainní nádúrtha ó
laistigh den chóras féin trí bhíthin modhanna lena mbaineann an méid seo a
leanas: (i) úsáideann siad orgánaigh bheo agus
modhanna táirgthe meicniúla; (ii) cleachtann siad saothrú barr agus
táirgeadh beostoic a bhaineann leis an gcineál talún nó cleachtann siad
dobharshaothrú atá i gcomhréir le prionsabal an tsaothraithe inbhuanaithe
iascaigh; (iii) ní úsáideann siad OGManna ná táirgí a
tháirgtear ó OGManna nó trí OGManna a úsáid, cé is moite de tháirgí míochaine
tréidliachta; (iv) tá siad bunaithe ar úsáid beart
coisctheach, nuair is iomchuí; (f)
srian a bheith ar úsáid ionchur seachtrach. I gcás
ina bhfuil gá le hionchuir sheachtracha nó mura bhfuil ann do na cleachtais
agus modhanna bainistíochta iomchuí dá dtagraítear i bpointe (e), beidh na
hionchuir sheachtracha sin teoranta dóibh seo a leanas: (i) ionchuir ó tháirgeadh orgánach; (ii) substaintí nádúrtha nó substaintí atá díorthaithe
go nádúrtha; (iii) leasacháin mhianracha ar
íseal-intuaslagthacht; (g)
athchóiriú a dhéanamh, nuair is iomchuí, agus
laistigh de chreat an Rialacháin seo, ar an bpróiseas táirgthe, agus aird á
tabhairt ar an stádas sláintíoch, ar dhifríochtaí réigiúnacha i gcothromaíocht
éiceolaíoch, ar an aeráid agus dálaí áitiúla, ar chéimeanna forbartha agus ar
chleachtais feirmeoireachta ar leith. Airteagal 5 Prionsabail
shonracha atá infheidhme maidir le gníomhaíochtaí talmhaíochta agus
dobharshaothrú Faoi chuimsiú gníomhaíochtaí talmhaíochta agus
dobharshaothraithe, beidh táirgeadh orgánach bunaithe go háirithe ar na
prionsabail shonracha seo a leanas: (a)
beathra ithreach agus torthúlacht nádúrtha na
hithreach, cobhsaíocht ithreach agus bithéagsúlacht ithreach a chothú agus a
fheabhsú, lena gcuirtear cosc agus comhrac ar bhalcadh ithreach agus ar
chreimeadh ithreach, agus plandaí a chothú trí éiceachóras na hithreach go
príomha; (b)
úsáid neamh‑in‑athnuaite acmhainní agus
ionchur seachtrach a theorannú a mhéid is féidir; (c)
dramhaíl agus seachtháirgí de thionscnamh plandaí
agus ainmhíoch a athchúrsáil mar ionchur i dtáirgeadh plandaí agus beostoic; (d)
folláine plandaí a chothú trí bhearta coisctheacha,
go háirithe trí na speicis, cineálacha nó ábhar ilchineálach iomchuí a roghnú
atá frithsheasmhach in aghaidh lotnaidí agus galar, trí uainíocht iomchuí na
mbarr, trí mhodhanna iomchuí meicniúla agus fisiceacha a roghnú agus trí
naimhde nádúrtha lotnaidí a chosaint; (e)
pórtha a roghnú agus aird á tabhairt ar chumas na n‑ainmhithe
dul in oiriúint do dhálaí áitiúla, a n‑acmhainneacht agus a
bhfrithsheasmhaí atá siad i gcoinne galar nó fadhbanna sláinte; táirgeadh
beostoic a chleachtadh atá suíomh‑oiriúnaithe agus a bhaineann leis an
gcineál talún; cleachtais feirmeoireachta ainmhithe a chur i bhfeidhm a
chuireann leis an gcóras imdhíonachta agus a neartaíonn an chosaint nádúrtha i
gcoinne galar, lena n‑áirítear go háirithe aclaíocht rialta agus rochtain
ar limistéir faoin aer agus ar thalamh féaraigh, nuair is iomchuí; (f)
meas a bheith ar ardleibhéal leasa ainmhithe agus
riachtanais atá sainiúil don speiceas a urramú; (g)
beostoc a bheathú le beatha orgánach atá
comhdhéanta de chomhábhair thalmhaíochta ó tháirgeadh orgánach agus de
shubstaintí nádúrtha neamhthalmhaíochta; (h)
innealtóireacht ghéiniteach, clónáil ainmhithe,
polaplóideacht a ghintear go saorga agus radaíocht ianúcháin a eisiamh ón
slabhra bia orgánaigh ar fad; (i)
folláine an chomhshaoil uiscigh agus cáilíocht na n‑éiceachóras
uisceach agus domhanda ina thimpeall a chothú; (j)
orgánaigh uisceacha a bheathú le beatha ó shaothrú
inbhuanaithe iascaigh i gcomhréir le Rialachán (AE) Uimh. 1380/2013 nó le
beatha orgánach atá comhdhéanta de chomhábhair thalmhaíochta ó tháirgeadh
orgánach, lena n‑áirítear dobharshaothrú orgánach, agus de shubstaintí nádúrtha
neamhthalmhaíochta. Airteagal 6 Prionsabail
shonracha atá infheidhme maidir le próiseáil bia orgánaigh agus beatha orgánaí Beidh táirgeadh bia orgánaigh phróiseáilte
agus beatha orgánaí próiseáilte bunaithe go háirithe ar na prionsabail
shonracha seo a leanas: (a)
táirgeadh bia orgánaigh ó chomhábhair thalmhaíochta
orgánacha; (b)
táirgeadh beatha orgánaí ó ábhair beatha orgánacha; (c)
teorainn a chur le húsáid breiseán bia agus
comhábhar neamhorgánach a bhfuil feidhmeanna céadfacha agus teicneolaíocha acu
go príomha agus teorainn a chur le húsáid micreachothaitheach agus áiseanna
próiseála, ionas nach mbaintear ach an méid íosta úsáide astu agus i gcás ina
bhfuil gá teicneolaíoch ríthábhachtach leis nó chun críocha cothaitheacha
sonracha amháin; (d)
úsáid breiseán beatha agus áiseanna próiseála a
theorannú do mhéid íosta agus i gcás ina bhfuil gá teicneolaíoch nó
zóiteicniúil ríthábhachtachw leis nó chun críocha cothaitheacha sonracha
amháin; (e)
substaintí agus modhanna próiseála a eisiamh a
d'fhéadfadh a bheith míthreorach maidir le fíorchineál an táirge; (f)
bia nó beatha a phróiseáil go cúramach, agus
b'fhearr go n‑úsáidfí modhanna bitheolaíocha, meicniúla agus fisiceacha. Caibidil III Rialacha maidir le táirgeadh Airteagal 7 Rialacha
ginearálta maidir le táirgeadh 1. Comhlíonfaidh oibreoirí na
rialacha ginearálta maidir le táirgeadh seo a leanas: (a)
déanfar bainistiú ar an ngabháltas talmhaíochta
iomlán nó ar an oibríocht dobharshaothraithe iomlán i gcomhréir leis na
ceanglais is infheidhme maidir le táirgeadh orgánach; (b)
Mura bhforáiltear a mhalairt i bpointe 2.2 de Chuid
IV agus i bpointe 1.3 de Chuid VI d'Iarscríbhinn II, ní fhéadfar ach
táirgí agus substaintí arna n‑údarú de bhun Airteagal 19 a úsáid i
dtalmhaíocht agus dobharshaothrú orgánach, ar choinníoll go ndearnadh an táirge
nó substaint i dtrácht a údarú lena n‑úsáid sa talmhaíocht agus sa
dobharshaothrú, i gcomhréir le forálacha ábhartha dhlí an Aontais agus, más gá,
sna Ballstáit lena mbaineann, i gcomhréir le forálacha náisiúnta bunaithe ar
dhlí an Aontais; (c)
toirmeascfar radaíocht ianúcháin a úsáid chun
cóireáil a dhéanamh ar bhia nó beatha orgánach, nó ar amhábhair a úsáidtear i
mbia nó beatha orgánach; (d)
oibreoirí orgánacha nach micrifhiontair, feirmeoirí
ná oibreoirí a tháirgeann feamainn nó ainmhithe dobharshaothraithe iad,
cuirfidh siad córas bainistíochta comhshaoil i bhfeidhm d'fhonn a bhfeidhmíocht
comhshaoil a fheabhsú. 2. Chun a áirithiú go gcuirfear
na rialacha ginearálta maidir le táirgeadh i bhfeidhm mar is ceart,
cumhachtófar don Choimisiún gníomhartha tarmligthe a ghlacadh i gcomhréir le hAirteagal 36
ina soláthrófar na critéir a mbeidh an córas bainistíochta comhshaoil dá
dtagraítear i bpointe (d) de mhír 1 ag freagairt dóibh. Cuirfear
sainiúlachtaí na bhfiontar beag agus meánmhéide san áireamh sna critéir sin. Airteagal 8 Tiontú 1. Urramóidh feirmeoirí agus
oibreoirí a tháirgeann feamainn nó ainmhithe dobharshaothraithe tréimhse
tiontaithe. Le linn na tréimhse iomláine tiontaithe ba cheart dóibh na rialacha
maidir le táirgeadh orgánach atá leagtha síos sa Rialachán seo agus, go
háirithe, na rialacha sonracha maidir le tiontú atá leagtha amach in Iarscríbhinn II,
a chur i bhfeidhm. 2. Cuirfear tús le tréimhse an
tiontaithe ar a luaithe nuair a bheidh fógra tugtha ag an bhfeirmeoir nó ag an
oibreoir a tháirgeann feamainn nó ainmhithe dobharshaothraithe faoina
ghníomhaíocht do na húdaráis inniúla i gcomhréir leis an Rialachán seo. (2a) De mhaolú ar mhír 2, i gcásanna inar fágadh
an talamh díomhaoin gan chur roimh an bhfógra dá dtagraítear in Airteagal 24(1)
ar feadh na tréimhse is gá le haghaidh tiontaithe ar a laghad agus ar
choinníoll go bhfuil na ceanglais eile is gá á gcomhlíonadh, ní bheidh tréimhse
tiontaithe de dhíth ar an talamh gan chur seo. 3. Ní fhéadfar aon tréimhse
roimhe sin a aithint go haisghníomhach mar chuid den tréimhse tiontaithe. 4. Ní dhéanfar táirgí arna
dtáirgeadh le linn na tréimhse tiontaithe a mhargú mar tháirgí orgánacha. 5. De mhaolú ar Airteagal 7(1),
le linn na tréimhse tiontaithe, féadfar an gabháltas talmhaíochta a roinnt ina
aonaid atá scartha go soiléir nach ndéantar bainistiú ar gach ceann díobh mar
tháirgeadh orgánach. Maidir le beostoc, beidh speicis éagsúla i gceist sa
táirgeadh orgánach le linn na tréimhse tiontaithe. Maidir le dobharshaothrú,
féadfaidh an speiceas céanna a bheith i gceist, ar choinníoll go mbeidh
deighilt leordhóthanach idir na suíomhanna táirgeachta. Maidir le plandaí,
beidh cineálacha éagsúla is féidir idirdhealú a dhéanamh eatarthu go héasca i
gceist sa táirgeadh orgánach le linn na tréimhse tiontaithe. 6. Chun cáilíocht,
inrianaitheacht agus comhlíonadh an Rialacháin seo maidir le táirgeadh orgánach
agus oiriúnú d'fhorbairtí teicniúla a áirithiú, cumhachtófar don Choimisiún
gníomhartha tarmligthe a ghlacadh i gcomhréir le hAirteagal 36 lena
bhforlíontar na rialacha atá leagtha síos san Airteagal seo nó lena
bhforlíontar agus lena leasaítear na rialacha atá leagtha amach in Iarscríbhinn II
i ndáil le tiontú. Airteagal 9 Toirmeasc ar
úsáid OGManna 1. Ní úsáidfear OGManna ná
táirgí a tháirgtear ó OGManna nó trí OGManna a úsáid i mbia nó i mbeatha ná mar
bhia, beatha, áiseanna próiseála, táirgí cosanta plandaí, leasacháin,
oiriúntóirí ithreach, ábhar atáirgthe plandaí, miocrorgánaigh agus ainmhithe i
dtáirgeadh orgánach. 2. Chun críocha mhír 1, i ndáil
le OGManna nó táirgí a tháirgtear ó OGManna nó trí OGManna a úsáid le haghaidh
bia agus beatha, féadfaidh oibreoirí dul i muinín na lipéad ar tháirge nó aon
doiciméid eile a ghabhann leis, atá greamaithe de nó a chuirtear ar fáil de
bhun Threoir 2001/18/EC, Rialachán (CE) Uimh. 1829/2003 ó Pharlaimint na
hEorpa agus ón gComhairle[48]
nó Rialachán (CE) Uimh. 1830/2003 ó Pharlaimint na hEorpa agus ón
gComhairle[49]. 3. Féadfaidh oibreoirí toimhde a
dhéanamh nár úsáideadh aon OGManna ná táirgí a tháirgtear ó OGManna nó trí
OGManna a úsáid i monarú bia agus beatha a ceannaíodh más rud é nach bhfuil
lipéadú ar tháirgí den sórt sin, agus nach bhfuil doiciméad ag gabháil leo, de
bhun na Rialachán dá dtagraítear i mír 2, ach amháin má tá faisnéis eile
faighte acu a thugann le fios nach bhfuil an lipéadú ar na táirgí lena
mbaineann i gcomhréir leis na Rialacháin sin. Airteagal 10 Rialacha
maidir le táirgeadh plandaí 1. Comhlíonfaidh oibreoirí a
tháirgeann plandaí nó táirgí plandaí go háirithe na rialacha sonracha maidir le
táirgeadh atá leagtha amach i gCuid I d'Iarscríbhinn II. 2. Áiritheoidh gach Ballstát go
mbunófar bunachar sonraí ríomhairithe chun liosta a dhéanamh de na cineálacha
agus den ábhar ilchineálach, i gcomhréir le Rialachán (AE) Uimh. XX/XXX
(dlí ÁAP), lena bhfuil ábhar atáirgthe plandaí a fuarthas tríd an modh táirgthe
orgánaigh ar fáil ar a chríoch. 3. Chun cáilíocht,
inrianaitheacht agus comhlíonadh an Rialacháin seo maidir le táirgeadh orgánach
plandaí agus oiriúnú d'fhorbairtí teicniúla a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
lena leasaítear nó lena bhforlíontar na rialacha sonracha maidir le táirgeadh
plandaí i dtaca leis na nithe seo a leanas: (a)
cleachtais saothraithe; (b)
bainistiú agus leasú ithreach; (c)
sláinte plandaí agus lotnaidí agus fiailí a
bhainistiú; (d)
bainistiú ar tháirgeadh beacán agus ar chórais
shonracha plandaí agus táirgthe plandaí eile; (e)
tástálacha ar thionscamh ábhair atáirgthe plandaí; (f)
plandaí fiáine a bhailiú. 4. Glacfaidh an Coimisiún
gníomhartha cur chun feidhme lena leagfar síos na sonraí teicniúla chun an
bunachar sonraí dá dtagraítear i mír 2 a bhunú. Déanfar na gníomhartha cur
chun feidhme sin a ghlacadh i gcomhréir leis an nós imeachta scrúdúcháin dá
dtagraítear in Airteagal 37(2). Airteagal 11 Rialacha
maidir le táirgeadh beostoic 1. Comhlíonfaidh oibreoirí
beostoic go háirithe na rialacha sonracha maidir le táirgeadh atá leagtha amach
i gCuid II d'Iarscríbhinn II. 2. Chun cáilíocht,
inrianaitheacht agus comhlíonadh an Rialacháin seo maidir le táirgeadh orgánach
beostoic agus oiriúnú d'fhorbairtí teicniúla a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
lena leasaítear nó lena bhforlíontar na rialacha sonracha maidir le táirgeadh
beostoic i dtaca leis na nithe seo a leanas: (a)
tionscnamh ainmhithe; (b)
tithíocht beostoic, lena n‑áirítear íosachar
dromchla taobh istigh agus taobh amuigh agus an t‑uaslíon ainmhithe in
aghaidh an heicteáir; (c)
cleachtais feirmeoireachta; (d)
pórú; (e)
beatha agus beathú; (f)
cosc galar agus cóireáil tréidliachta; Airteagal 12 Rialacha
táirgthe maidir le feamainn agus ainmhithe dobharshaothraithe 1. Comhlíonfaidh oibreoirí a
tháirgeann feamainn agus ainmhithe dobharshaothraithe go háirithe na rialacha
sonracha maidir le táirgeadh atá leagtha amach i gCuid III d'Iarscríbhinn II. 2. Chun cáilíocht,
inrianaitheacht agus comhlíonadh an Rialacháin seo maidir le táirgeadh orgánach
feamainne agus oiriúnú d'fhorbairtí teicniúla a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
lena leasaítear nó lena bhforlíontar na rialacha sonracha maidir le táirgeadh
feamainne i dtaca leis na nithe seo a leanas: (a)
oiriúnacht an mheáin uiscigh agus an phlean
bainistíochta inbhuanaithe; (b)
feamainn fhiáin a bhaint; (c)
saothrú feamainne; (d)
bearta frith‑thruaillithe agus trealamh agus
áiseanna táirgthe a ghlanadh. 3. Chun cáilíocht,
inrianaitheacht agus comhlíonadh an Rialacháin seo maidir le táirgeadh
ainmhithe dobharshaothraithe orgánacha agus oiriúnú d'fhorbairtí teicniúla a
áirithiú, cumhachtófar don Choimisiún gníomhartha tarmligthe a ghlacadh i
gcomhréir le hAirteagal 36 lena leasaítear nó lena bhforlíontar na
rialacha sonracha táirgthe maidir le hainmhithe dobharshaothraithe i dtaca leis
na nithe seo a leanas: (a)
oiriúnacht an mheáin uiscigh agus an phlean
bainistíochta inbhuanaithe; (b)
tionscnamh ainmhithe dobharshaothraithe; (c)
feirmeoireacht dobharshaothraithe, lena n‑áirítear
córais coimeádta uisceacha, córais táirgthe, uasdlús stocála agus, nuair is
iomchuí, íosdlús stocála; (d)
pórú; (e)
ainmhithe dobharshaothraithe a bhainistiú; (f)
beatha agus beathú; (g)
cosc galar agus cóireáil tréidliachta; Airteagal 13 Rialacha
táirgthe maidir le bia próiseáilte agus beatha phróiseáilte 1. Comhlíonfaidh oibreoirí a
tháirgeann bia agus beatha próiseáilte go háirithe na rialacha sonracha maidir
le táirgeadh atá leagtha amach i gCuid IV d Iarscríbhinn II. 2. Chun cáilíocht,
inrianaitheacht agus comhlíonadh an Rialacháin seo maidir le táirgeadh bia
phróiseáilte orgánaigh agus beatha próiseáilte orgánaí agus oiriúnú
d'fhorbairtí teicniúla a áirithiú, cumhachtófar don Choimisiún gníomhartha
tarmligthe a ghlacadh i gcomhréir le hAirteagal 36 lena leasaítear nó lena
bhforlíontar na rialacha sonracha táirgthe maidir le bia próiseáilte agus beatha
phróiseáilte i dtaca leis na nithe seo a leanas: (a)
na nósanna imeachta atá le leanúint; (b)
na bearta coisctheacha atá le déanamh; (c)
comhdhéanamh agus coinníollacha úsáide bia agus
beatha próiseáilte, lena n‑áirítear táirgí agus substaintí atá ceadaithe
lenaa n‑úsáid i mbia próiseáilte agus beatha phróiseáilte; (d)
bearta glantacháin; (e)
táirgí próiseáilte a chur ar an margadh lena n‑áirítear
lipéadú agus sainaithint na dtáirgí sin; (f)
táirgí, comhábhair talmhaíochta agus ábhair beatha
orgánacha a dhealú ó tháirgí, comhábhair talmhaíochta agus ábhair beatha
neamhorgánacha; (g)
liosta na gcomhábhar talmhaíochta neamhorgánacha ar
féidir úsáid eisceachtúil a bhaint astu chun táirgí próiseáilte orgánacha a
tháirgeadh; (h)
ríomh an chéatadáin de chomhábhair talmhaíochta dá
dtagraítear in Airteagal 21(3)(a)(ii) agus (b); (i)
na teicnící a úsáidtear i bpróiseáil bia nó i
bpróiseáil beatha. Airteagal 14 Rialacha
táirgthe maidir le fíon 1. Comhlíonfaidh oibreoirí a
tháirgeann táirgí na hearnála fíona go háirithe na rialacha sonracha maidir le táirgeadh
atá leagtha amach i gCuid V d'Iarscríbhinn II. 2. Chun cáilíocht,
inrianaitheacht agus comhlíonadh an Rialacháin seo maidir le táirgeadh fíona
orgánaigh agus oiriúnú d'fhorbairtí teicniúla a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
lena leasaítear nó lena bhforlíontar na rialacha sonracha maidir le táirgeadh
fíona i dtaca le cleachtais fhíoneolaíocha agus sriantaí fíoneolaíocha. Airteagal 15 Rialacha
táirgthe maidir le giosta a úsáidtear mar bhia nó mar bheatha 1. Comhlíonfaidh oibreoirí a
tháirgeann giosta a úsáidfear mar bhia nó mar bheatha go háirithe na rialacha
sonracha maidir le táirgeadh atá leagtha amach i gCuid VI d'Iarscríbhinn II. 2. Chun cáilíocht,
inrianaitheacht agus comhlíonadh an Rialacháin seo maidir le táirgeadh orgánach
giosta agus oiriúnú d'fhorbairtí teicniúla a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
lena leasaítear nó lena bhforlíontar na rialacha sonracha maidir le táirgeadh
giosta i dtaca leis an bpróiseáil agus leis na substráití arna n‑úsáid. Airteagal 16 Rialacha
táirgthe maidir le táirgí eile Chun aird a thabhairt ar aon ghá amach anseo
rialacha sonracha maidir le táirgeadh a bheith ann do tháirgí eile seachas na
táirgí dá dtagraítear in Airteagal 10 go hAirteagal 15, agus chun
cáilíocht, inrianaitheacht agus comhlíonadh an Rialacháin seo maidir le
táirgeadh orgánach na dtáirgí breise eile sin a áirithiú agus oiriúnú
d'fhorbairtí teicniúla a áirithiú, cumhachtófar don Choimisiún gníomhartha
tarmligthe a ghlacadh i gcomhréir le hAirteagal 36 lena leasaítear nó lena
bhforlíontar Iarscríbhinn II i ndáil le rialacha táirgthe sonracha maidir
leis na táirgí sin. Airteagal 17 Rialacha
eisceachtúla maidir le táirgeadh a ghlacadh Chun go bhféadfar leanúint de tháirgeadh
orgánach nó an táirgeadh sin a atosú arís i gcásanna lena mbaineann imthosca
turraingeacha agus faoi réir na bprionsabal atá leagtha síos i gCaibidil II,
cumhachtófar don Choimisiún gníomhartha tarmligthe a ghlacadh i gcomhréir le hAirteagal 36
lena ndéanfar foráil maidir leis na critéir lena mbeidh cásanna den sórt sin
incháilithe mar chásanna turraingeacha agus lena leagfar síos rialacha sonracha
maidir le conas déileáil leo agus maidir leis na ceanglais faireacháin agus
tuairiscithe. Airteagal 18 Bailiú,
pacáistiú, iompar agus stóráil 1. Déanfar táirgí orgánacha a bhailiú, a
phacáistiú, a iompar agus a stóráil i gcomhréir leis na rialacha atá leagtha
amach in Iarscríbhinn III. 2. Chun sláine an táirgthe orgánaigh agus
oiriúnú d'fhorbairtí teicniúla a áirithiú, cumhachtófar don Choimisiún
gníomhartha tarmligthe a ghlacadh i gcomhréir le hAirteagal 36 lena
leasaítear nó lena bhforlíontar na rialacha atá leagtha amach in Iarscríbhinn III. Airteagal 19 Táirgí agus
substaintí a úsáidtear i dtáirgeadh orgánach a údarú 1. Féadfaidh an Coimisiún táirgí
agus substaintí áirithe a údarú lena n‑úsáid i dtáirgeadh orgánach agus
iad a chur san áireamh i liostaí na dtáirgí agus substaintí srianta, chun na
críocha seo a leanas: (a)
mar tháirgí cosanta plandaí; (b)
mar leasacháin, oiriúntóirí ithreach agus
cothaithigh; (c)
mar ábhair beatha; (d)
mar bhreiseáin beatha agus áiseanna próiseála; (e)
mar tháirgí chun linnte, cásanna, umair,
rásbhealaí, foirgnimh agus suiteálacha a úsáidtear le haghaidh táirgeadh
ainmhithe a ghlanadh agus a dhíghalrú; (f)
mar tháirgí chun foirgnimh agus suiteálacha a
úsáidtear don táirgeadh plandaí, lena n‑áirítear stóráil ar ghabháltas
talmhaíochta, a ghlanadh agus a dhíghalrú. Go háirithe, féadfaidh an Coimisiún táirgí agus substaintí áirithe a
údarú lena n‑úsáid i dtáirgeadh bia phróiseáilte orgánaigh agus iad a
chur san áireamh i liostaí na dtáirgí agus substaintí srianta, chun na críocha
seo a leanas: (a)
mar bhreiseáin bia, einsímí bia agus áiseanna
próiseála; (b)
mar áiseanna próiseála chun giosta agus táirgí
giosta a tháirgeadh. 2. Beidh údarú na dtáirgí agus
substaintí dá dtagraítear sa chéad fhomhír de mhír 1 lena n‑úsáid i
dtáirgeadh orgánach faoi réir na bprionsabal atá leagtha síos i gCaibidil II
agus faoi réir na gcritéar seo a leanas, critéir a mheasfar ina n‑iomláine: (a)
tá a n‑úsáid riachtanach chun táirgeadh
marthanach a dhéanamh agus ríthábhachtach don úsáid dá bhfuil siad beartaithe; (b)
gach táirge agus substaint, is de thionscnamh
plandaí, ainmhíoch, miocróbach nó mianrach é, ach amháin i gcásanna nach bhfuil
táirgí nó substaintí ó fhoinsí den sórt sin ar fáil i gcainníochtaí nó i
gcáilíochtaí leordhóthanacha nó mura bhfuil roghanna malartacha ar fáil; (c)
i gcás táirgí dá dtagraítear i bpointe (a) den
chéad fhomhír de mhír 1, beidh feidhm ag an méid seo a leanas: (i) tá a n‑úsáid
ríthábhachtach chun lotnaid a chomhrac, ar lotnaid í nach bhfuil roghanna
malartacha bitheolaíocha, fisiceacha nó póraithe ná cleachtais saothraithe ná
cleachtais éifeachtacha bainistithe eile ar fáil ina leith; (ii) más táirgí
iad nach de thionscnamh plandaí, ainmhíoch, miocróbach nó mianrach iad agus
nach bhfuil comhionann lena bhfoirm nádúrtha, ní fhéadfar iad a údarú ach
amháin má chuireann coinníollacha a n‑úsáide bac ar aon teagmháil
dhíreach leis na codanna inite den bharr; (d)
i gcás táirgí dá dtagraítear i bpointe (b) den
chéad fhomhír de mhír 1, tá a n‑úsáid ríthábhachtach chun
torthúlacht na hithreach a bhaint amach nó a chothú nó chun riachtanais
shonracha barr a chomhlíonadh, nó chun críocha sonracha oiriúnaithe ithreach; (e)
i gcás táirgí dá dtagraítear i bpointe (c)
agus i bpointe (d) den chéad fhomhír de mhír 1, beidh feidhm ag an méid
seo a leanas: (i) is gá iad a
úsáid chun sláinte ainmhithe, leas ainmhithe agus acmhainneacht ainmhithe a
chothú agus chun rannchuidiú le aiste bia oiriúnach a chomhlíonfaidh
riachtanais fhiseolaíocha agus iompraíochta an speicis lena mbaineann nó is gá
iad a úsáid chun beatha a tháirgeadh nó a chaomhnú toisc nach féidir beatha a
tháirgeadh ná a chaomhnú gan dul i muinín substaintí den sórt sin; (ii) beatha de
thionscnamh mianrach, riandúile, vitimíní nó próivitimíní, beidh siad de
thionscnamh nádúrtha, ach amháin i gcásanna nach bhfuil táirgí nó substaintí ó
fhoinsí den sórt sin ar fáil i gcainníochtaí nó i gcáilíochtaí leordhóthanacha
nó mura bhfuil roghanna malartacha ar fáil; Beidh údarú na dtáirgí agus substaintí dá dtagraítear sa dara fomhír de mhír 1 lena n‑úsáid
chun bia próiseáilte orgánach a tháirgeadh faoi réir na bprionsabal atá leagtha
síos i gCaibidil II agus faoi réir na gcritéar seo a leanas, critéir a mheasfar
ina n‑iomláine: (a)
níl roghanna malartacha arna n‑údarú i
gcomhréir leis an Airteagal seo ar fáil; (b)
bheadh sé dodhéanta an bia a tháirgeadh nó a
chaomhnú nó riachtanais cothaithe tugtha dá bhforáiltear ar bhonn reachtaíocht
an Aontais a chomhlíonadh, gan dul i muinín na dtáirgí agus substaintí sin; (c)
tá siad le fáil sa dúlra agus ní fhéadfar ach
próisis mheicniúla, fhisiceacha, bhitheolaíocha, einsímeacha nó mhiocróbacha a
bheith déanta orthu, ach amháin i gcásanna nach bhfuil táirgí ná substaintí ó
fhoinsí den sórt sin ar fáil i gcainníochtaí nó i gcáilíochtaí leordhóthanacha. Ní thabharfar an t‑údarú chun táirgí nó substaintí atá
sintéisithe go ceimiceach a úsáid ach i gcásanna ina mbeadh tionchar doghlactha
ar an gcomhshaol dá mbainfí úsáid as na hionchuir sheachtracha dá dtagraítear
in Airteagal 4(f), agus sna cásanna sin amháin. 3. Chun cáilíocht,
inrianaitheacht agus comhlíonadh an Rialacháin seo maidir le táirgeadh orgánach
go ginearálta agus maidir le táirgeadh bia phróiseáilte orgánaigh go sonrach,
agus oiriúnú d'fhorbairtí teicniúla a áirithiú, cumhachtófar don Choimisiún
gníomhartha tarmligthe a ghlacadh i gcomhréir le hAirteagal 36 lena
ndéantar foráil maidir le critéir bhreise chun údarú táirgí agus substaintí dá
dtagraítear i mír 1 lena n‑úsáid i dtáirgeadh orgánach go ginearálta
agus i dtáirgeadh bia phróiseáilte orgánaigh go sonrach, a údarú nó a
aistarraingt , agus maidir le ceanglais agus coinníollacha eile a bhaineann le
húsáid táirgí agus substaintí údaraithe den sórt sin. 4. I gcás ina measann Ballstát
gur cheart táirge nó substaint a chur le liostaí na dtáirgí agus substaintí
údaraithe dá dtagraítear i mír 1 nó gur cheart táirge nó substaint a
bhaint de na liostaí sin, nó gur cheart na sonraíochtaí úsáide atá luaite sna
rialacha maidir le táirgeadh a leasú, áiritheoidh an Ballstát lena mbaineann go
ndéanfar sainchomhad ina leagfar amach na cúiseanna a bheidh le táirge nó
substaint a áireamh nó a bhaint, nó na cúiseanna a bheidh leis na leasuithe, a
sheoladh go hoifigiúil chuig an gCoimisiún agus chuig na Ballstáit eile. Foilseoidh na Ballstáit iarrataí ar leasú nó ar bhaint den liosta. 5. Glacfaidh an Coimisiún
gníomhartha cur chun feidhme lena n‑údaraítear nó lena n‑aistarraingítear
údarú táirgí agus substaintí is féidir a úsáid i dtáirgeadh orgánach go
ginearálta agus táirgí agus substaintí is féidir a úsáid i dtáirgeadh bia
phróiseáilte orgánaigh go sonrach, agus lena mbunaítear na nósanna imeachta atá
le leanúint maidir leis an údarú agus liostaí na dtáirgí agus na substaintí sin
agus, más iomchuí, tuairisc orthu, ceanglais maidir lena gcomhdhéanamh agus
coinníollacha a n‑úsáide. Déanfar na gníomhartha cur chun feidhme sin a
ghlacadh i gcomhréir leis an nós imeachta scrúdúcháin dá dtagraítear in Airteagal 37(2). Airteagal 20 Táirgí nó
substaintí neamhúdaraithe a bheith ann 1. Táirgí a n‑aimsítear go
bhfuil táirgí nó substaintí nár údaraíodh i gcomhréir le hAirteagal 19
iontu atá thar na leibhéil arna mbunú agus Treoir 2006/125/CE san áireamh
go háirithe, ní dhéanfar margú ar na táirgí sin mar tháirgí orgánacha. 2. Chun éifeachtacht,
éifeachtúlacht agus trédhearcacht an chórais táirgthe agus lipéadaithe
orgánaigh a áirithiú, cumhachtófar don Choimisiún gníomhartha tarmligthe a
ghlacadh i gcomhréir le hAirteagal 36 maidir leis na critéir shonracha
agus coinníollacha sonracha chun na leibhéil dá dtagraítear i mír 1 a chur
i bhfeidhm agus maidir leis na leibhéil sin a bhunú agus iad a oiriúnú i
bhfianaise forbairtí teicniúla. 3. De mhaolú ar Airteagal 211(1)
de Rialachán (AE) Uimh. 1308/2013, agus faoi réir údaraithe ón gCoimisiún,
údarú a ghlacfar gan an nós imeachta dá dtagraítear in Airteagal 37(2) ná
(3) den Rialachán seo a chur i bhfeidhm, féadfaidh Ballstáit íocaíochta náisiúnta
a thabhairt chun feirmeoirí a chúiteamh as na caillteanais arna dtabhú acu de
dheasca a gcuid táirgí talmhaíochta a éilliú le táirgí nó substaintí
neamhúdaraithe, éilliú a chuireann cosc orthu na táirgí sin a mhargú mar
tháirgí orgánacha, ar choinníoll go bhfuil gach beart iomchuí déanta ag na
feirmeoirí chun an riosca éillithe den sórt sin a chosc. Féadfaidh Ballstáit
ionstraimí an Chomhbheartais Talmhaíochta a úsáid chun caillteanais den sórt
sin a chumhdach ina n‑iomláine nó i bpáirt freisin. Caibidil IV Lipéadú Airteagal 21 Téarmaí a
thagraíonn don táirgeadh orgánach a úsáid 1. Chun críocha an Rialacháin
seo, measfar téarmaí a thagraíonn don táirgeadh orgánach a bheith ar tháirge i
gcás ina dtugtar tuairisc ar tháirge den sórt sin, ar a chomhábhair nó ar a
ábhair beatha, sa lipéadú, san ábhar fógraíochta nó i ndoiciméid tráchtála, i
dtéarmaí a thugann le fios don cheannaitheoir go bhfuarthas an táirge, a
chomhábhair nó a ábhair beatha i gcomhréir leis an Rialachán seo. Go háirithe,
féadfar na téarmaí atá sa liosta in Iarscríbhinn IV, a ndíorthaigh nó
leaganacha giorraithe díobh, amhail 'bith‑' agus 'éicea-', leo féin nó i
dteannta a chéile, a úsáid ar fud an Aontais agus in aon teanga atá liostaithe
san Iarscríbhinn sin chun lipéadú agus fógraíocht a dhéanamh ar tháirgí a
chomhlíonann an Rialachán seo. 2. I gcás na dtáirgí dá
dtagraítear in Airteagal 2(1), ní úsáidfear na téarmaí dá dtagraítear i mír 1
den Airteagal seo aon áit san Aontas, ná in aon cheann de na teangacha atá
liostaithe in Iarscríbhinn IV, i lipéadú, fógraíocht agus doiciméid
tráchtála táirge nach gcomhlíonann an Rialachán seo. Ina theannta sin, ní úsáidfear aon téarmaí, lena n‑áirítear
téarmaí a úsáidtear i dtrádmharcanna, ná aon chleachtais a úsáidtear i lipéadú
ná i bhfógraíocht a d'fhéadfadh an tomhaltóir nó an t‑úsáideoir a chur ar
míthreoir trína thabhairt le tuiscint go gcomhlíonann táirge nó comhábhair
táirge an Rialachán seo. 3. Maidir le bia próiseáilte,
féadfar na téarmaí dá dtagraítear i mír 1 a úsáid: (a)
sa tuairisc díolacháin ar choinníoll: (i) go gcomhlíonann an bia próiseáilte na
rialacha maidir le táirgeadh atá leagtha amach i gCuid IV d'Iarscríbhinn II; (ii) gur comhábhair orgánacha
iad 95% ar a laghad dá chomhábhair talmhaíochta de réir meáchain; (b)
i liosta na gcomhábhar amháin, i gcás inar
comhábhair orgánacha iad níos lú ná 95% de na comhábhair talmhaíochta agus ar
choinníoll go bhfuil na comhábhair sin i gcomhréir leis na rialacha maidir le
táirgeadh atá leagtha amach sa Rialachán seo. Sonrófar ar liosta na gcomhábhar dá dtagraítear i bpointe (b) den
chéad fhomhír cad iad na comhábhair orgánacha. Ní fhéadfar na tagairtí don
táirgeadh orgánach a bheith ann ach amháin i dtaca leis na comhábhair
orgánacha. I liosta na gcomhábhar sin, beidh tásc maidir le céatadán iomlán na
gcomhábhar orgánach i gcomparáid le méid iomlán na gcomhábhar talmhaíochta. Na téarmaí dá dtagraítear i mír 1 agus tásc an chéatadáin dá
dtagraítear i bpointe (b) den chéad fhomhír den mhír seo, beidh siad sa
dath céanna, ar mhéid chomhionann agus sa stíl chéanna litreoireachta leis na
tásca eile ar liosta na gcomhábhar. 4. Chun soiléireacht a sholáthar
do thomhaltóirí agus lena áirithiú go dtugtar an fhaisnéis iomchuí dóibh,
cumhachtófar don Choimisiún gníomhartha tarmligthe a ghlacadh i gcomhréir le hAirteagal 36
a bhaineann le hoiriúnú liosta na dtéarmaí atá leagtha amach in Iarscríbhinn IV,
agus forbairtí teanga laistigh de na Ballstáit san áireamh agus a bhaineann le
ceanglais shonracha lipéadaithe agus comhdhéanaimh a bhunú is infheidhme maidir
le beatha agus comhábhair beatha. Airteagal 22 Tásca
éigeantacha 1. I gcás ina n‑úsáidtear
téarmaí dá dtagraítear in Airteagal 21(1): (a)
beidh códuimhir an údaráis rialaithe nó an
chomhlachta rialaithe a bhfuil an t‑oibreoir a rinne an oibríocht
dheireanach táirgthe nó ullmhúcháin faoina réir le feiceáil freisin ar an
lipéadú; (b)
beidh lógó an Aontais Eorpaigh maidir le táirgeadh
orgánach dá dtagraítear in Airteagal 23 maidir le bia réamhphacáilte mar
atá sainmhínithe i bpointe (e) d'Airteagal 2(2) de Rialachán (AE) Uimh. 1169/2011
le feiceáil ar an bpacáistíocht freisin. 2. I gcás ina mbaintear úsáid as
lógó an Aontais Eorpaigh maidir le táirgeadh orgánach, déanfar tásc maidir leis
an áit inar saothraíodh na hamhábhair talmhaíochta dá bhfuil an táirge
comhdhéanta a léiriú chomh maith sa réimse céanna amhairc ina mbeidh an lógó
agus beidh sé i gceann de na foirmeacha seo a leanas, mar is iomchuí: (a)
'Talmhaíocht an AE', i gcás inar saothraíodh an t‑amhábhar
talmhaíochta san Aontas; (b)
'Talmhaíocht nach Talmhaíocht an AE í', i gcás inar
saothraíodh an t‑amhábhar talmhaíochta i dtríú tíortha; (c)
'Talmhaíocht an AE/Talmhaíocht nach Talmhaíocht an
AE í' i gcás inar saothraíodh cuid de na hamhábhair talmhaíochta san Aontas
agus inar saothraíodh cuid díobh i dtríú tír. Féadfar an focal 'Dobharshaothrú' a chur in ionad an fhocail
'Talmhaíocht' de réir mar is iomchuí. Féadfar ainm tíre a chur in ionad an táisc 'AE' nó 'nach AE í' nó an
méid sin a fhorlíonadh le hainm tíre más rud é gur saothraíodh na hamhábhair
talmhaíochta go léir dá bhfuil an táirge comhdhéanta sa tír sin. Don tásc 'AE' nó 'nach AE í', féadfar neamhaird a thabhairt ar
chainníochtaí beaga de réir meáchain ar choinníoll nach mbeidh cainníocht
iomlán na gcomhábhar a dtugtar neamhaird orthu os cionn 5 % de chainníocht
iomlán na n‑amhábhar talmhaíochta de réir meáchain. Ní bheidh an tásc 'AE' nó 'nach AE í' le feiceáil i ndath, méid ná stíl
litreoireachta a bheidh níos feiceálaí ná ainm an bhia. 3. Marcálfar na tásca dá
dtagraítear i mír 1 agus i mír 2 den Airteagal seo agus in Airteagal 23(3)
in áit fheiceálach sa chaoi go mbeidh siad sofheicthe, inléite gan dua, agus
doscriosta. 4. Chun soiléireacht a sholáthar
do thomhaltóirí agus lena áirithiú go dtugtar an fhaisnéis iomchuí dóibh,
cumhachtófar don Choimisiún gníomhartha tarmligthe a ghlacadh i gcomhréir le hAirteagal 36
lena leagtar síos tuilleadh rialacha maidir le lipéadú agus maidir le húsáid na
dtásc dá dtagraítear i bpointe (a) de mhír 1 agus mír 2 den Airteagal
seo agus in Airteagal 23(3). 5. Glacfaidh an Coimisiún gníomhartha
cur chun feidhme a bhaineann leis an méid seo a leanas: (a)
na rialacha mionsonraithe sonracha agus praiticiúla
maidir le cur i láthair, comhdhéanamh agus méid na dtásc dá dtagraítear i bpointe (a)
de mhír 1 agus i mír 2 den Airteagal seo agus in Airteagal 23(3); (b)
sannadh na
gcóduimhreacha d'údaráis rialaithe agus comhlachtaí
rialaithe; (c)
an tásc maidir leis an áit inar saothraíodh na
hamhábhair thalmhaíochta, i gcomhréir le mír 2 den Airteagal seo agus le hAirteagal 23(3). Déanfar na gníomhartha cur chun feidhme sin a ghlacadh i gcomhréir leis
an nós imeachta scrúdúcháin dá dtagraítear in Airteagal 37(2). Airteagal 23 Lógó an
Aontais Eorpaigh maidir le táirgeadh orgánach 1. Féadfar lógó an Aontais
Eorpaigh maidir le táirgeadh orgánach a úsáid sa lipéadú, cur i láthair agus
fógraíocht ar tháirgí a chomhlíonann an Rialachán seo. 2. Is fianú oifigiúil é lógó an
Aontais Eorpaigh maidir le táirgeadh orgánach i gcomhréir le hAirteagal 85
agus Airteagal 90 de Rialachán (AE) Uimh. XXX/XXXX [an Rialachán
maidir le rialuithe oifigiúla]. 3. Beidh úsáid lógó an Aontais
Eorpaigh maidir le táirgeadh orgánach roghnach do tháirgí arna n‑allmhairiú
ó thríú tíortha. Chomh maith leis sin, i gcás ina mbeidh an lógó sin le
feiceáil ar an lipéadú, beidh an tásc dá dtagraítear in Airteagal 22(2) le
feiceáil ar an lipéadú freisin. 4. Cloífidh lógó an Aontais
Eorpaigh maidir le táirgeadh orgánach leis an tsamhail atá leagtha amach in Iarscríbhinn V
agus comhlíonfaidh sé na rialacha atá leagtha amach san Iarscríbhinn sin. 5. Féadfar lógónna náisiúnta
agus príobháideacha a úsáid sa lipéadú, cur i láthair agus fógraíocht ar
tháirgí a chomhlíonann an Rialachán seo. 6. Chun soiléireacht a thabhairt
do thomhaltóirí agus a áirithiú go dtugtar an fhaisnéis iomchuí dóibh,
cumhachtófar don Choimisiún gníomhartha tarmligthe a ghlacadh i gcomhréir le hAirteagal 36
lena leasaítear lógó an Aontais Eorpaigh maidir le táirgeadh orgánach agus na
rialacha a bhaineann leis atá leagtha amach in Iarscríbhinn V. Caibidil V Deimhniúchán orgánach Airteagal 24 Córas
deimhniúcháin orgánaigh 1. Oibreoirí nó grúpaí oibreoirí
a tháirgeann, a ullmhaíonn nó a stórálann táirgí orgánacha, a allmhairíonn
táirgí den sórt sin ó thríú tír nó a onnmhairíonn táirgí den sórt sin chuig
tríú tír nó a chuireann táirgí den sórt sin ar an margadh mar tháirgí orgánacha
nó roimh an tiontú, tabharfaidh siad fógra faoina ngníomhaíocht d'údaráis
inniúla na mBallstát ina ndéantar an ghníomhaíocht. 2. I gcás ina gcuirfidh
oibreoirí nó grúpaí oibreoirí aon cheann dá gcuid gníomhaíochtaí ar fochonradh
chuig tríú páirtí, comhlíonfaidh na hoibreoirí agus grúpaí oibreoirí agus an
tríú páirtí ar cuireadh na gníomhaíochtaí ar fochonradh chuige araon mír 1. 3. Coinneoidh oibreoirí agus
grúpaí oibreoirí taifid maidir leis na gníomhaíochtaí éagsúla a mbíonn siad ag
gabháil dóibh, i gcomhréir leis an Rialachán seo. 4. Coimeádfaidh na húdaráis
inniúla liosta cothrom le dáta ina mbeidh ainmneacha agus seoltaí na n‑oibreoirí
agus na ngrúpaí oibreoirí a thug fógra maidir lena gcuid gníomhaíochtaí i gcomhréir
le mír 1 agus cuirfidh siad an liosta sin ar fáil don phobal, mar aon leis
an bhfaisnéis a bhaineann lena ndeimhnithe orgánacha dá dtagraítear in Airteagal 25(1).
Urramóidh na húdaráis inniúla na ceanglais maidir le sonraí pearsanta a
chosaint faoi Threoir 95/46/CE ó Pharlaimint na hEorpa agus ón gComhairle[50]. 5. Áiritheoidh na Ballstáit go
gcuirfear na táillí a fhéadfaidh na húdaráis inniúla, na húdaráis rialaithe nó
na comhlachtaí rialaithe a bhailiú i gcomhréir le hAirteagal 76 de
Rialachán (AE) Uimh. XX/XXXX [an Rialachán maidir le rialuithe oifigiúla]
ar fáil don phobal. 6. Chun éifeachtacht,
éifeachtúlacht agus trédhearcacht an chórais táirgthe agus lipéadaithe
orgánaigh a áirithiú, cumhachtófar don Choimisiún gníomhartha tarmligthe a
ghlacadh i gcomhréir le hAirteagal 36 a bhaineann leis na ceanglais maidir
le taifid a choimeád, na ceanglais maidir leis an liosta dá dtagraítear i mír 4
den Airteagal seo a fhoilsiú agus na ceanglais agus nósanna imeachta atá le cur
i bhfeidhm maidir leis na táillí dá dtagraítear i mír 5 den Airteagal seo
a fhoilsiú agus maidir le maoirseacht na n‑údarás inniúil ar chur i
bhfeidhm na dtáillí sin. 7. Féadfaidh an Coimisiún
gníomhartha cur chun feidhme a ghlacadh chun mionsonraí agus sonraíochtaí a
sholáthar maidir le hábhar agus foirm an fhógra agus an chaoi a dtabharfar an
fógra dá dtagraítear i mír 1 agus an fhoirm ina bhfoilseofar na táillí dá
dtagraítear i mír 5. Déanfar na gníomhartha cur chun feidhme sin a
ghlacadh i gcomhréir leis an nós imeachta scrúdúcháin dá dtagraítear in Airteagal 37(2). Airteagal 25 Deimhniú
orgánach 1. Beidh oibreoirí agus grúpaí
oibreoirí a thug fógra faoina ngníomhaíochtaí i gcomhréir le hAirteagal 24(1)
agus a chomhlíonann an Rialachán seo i dteideal deimhniú orgánach a fháil. Leis
an deimhniú orgánach, a eiseofar i bhfoirm leictreonach más féidir, beifear in
ann an t‑oibreoir nó an grúpa oibreoirí a shainaithint, chomh maith le
cineál nó raon na dtáirgí arna gcumhdach leis an deimhniú agus a thréimhse
bailíochta, ar a laghad. 2. Is deimhniú oifigiúil é an
deimhniú orgánach laistigh de bhrí Airteagal 85 agus Airteagal 86 de
Rialachán (AE) Uimh. XXX/XXXX [an Rialachán maidir le rialuithe
oifigiúla]. 3. Ní bheidh oibreoirí agus
grúpaí oibrithe i dteideal deimhniú orgánach a fháil ó údaráis rialaithe nó
comhlachtaí rialaithe difriúla don ghrúpa céanna táirgí, lena n‑áirítear
nuair a bhíonn na hoibreoirí agus grúpaí oibreoirí sin ag gabháil do chéimeanna
difriúla táirgthe, ullmhúcháin agus dáileacháin. 4. Ní bheidh baill de ghrúpa
oibreoirí i dteideal deimhniú orgánach aonair a fháil le haghaidh aon cheann de
na gníomhaíochtaí arna gcumhdach ag deimhniúchán an ghrúpa. 5. Déanfaidh oibreoirí deimhniú
orgánach na n‑oibreoirí atá mar sholáthraithe acu a fhíorú go córasach. 6. Chun éifeachtacht, éifeachtúlacht
agus trédhearcacht an chórais táirgthe agus lipéadaithe orgánaigh a áirithiú,
cumhachtófar don Choimisiún gníomhartha tarmligthe a ghlacadh i gcomhréir le hAirteagal 36
a bhaineann leis na critéir lena sainmhínítear na grúpaí táirgí dá dtagraítear
i mír 3. Airteagal 26 Grúpaí
oibreoirí 1. Bunóidh gach grúpa oibreoirí
córas um rialuithe inmheánacha. Beidh an córas sin comhdhéanta de thacar
doiciméadaithe gníomhaíochtaí agus nósanna imeachta rialaithe, a mbeidh duine
nó comhlacht sainaitheanta freagrach as a fhíorú go bhfuil gach ball den ghrúpa
ag comhlíonadh an Rialacháin seo i gcomhréir leis an tacar sin. 2. I gcás easnaimh a bheith ann
i dtaca le bunú nó feidhmiú an chórais um rialuithe inmheánacha dá dtagraítear
i mír 1, go háirithe i ndáil le gan neamhchomhlíonadh bhaill aonair an
ghrúpa oibreoirí a bhrath nó gan dul i ngleic leis, ar neamhchomhlíonadh é a
dhéanann difear do shláine táirgí orgánacha, féadfar an deimhniú orgánach a
aistarraingt don ghrúpa iomlán. 3. Chun feidhmiú éifeachtach
agus éifeachtúil an deimhniúcháin ar ghrúpa oibreoirí a áirithiú, cumhachtófar
don Choimisiún gníomhartha tarmligthe a ghlacadh i gcomhréir le hAirteagal 36
a bhaineann le freagrachtaí na mball aonair de ghrúpa oibreoirí, comhdhéanamh
agus scóip grúpa oibreoirí, catagóirí na dtáirgí atá le táirgeadh ag grúpa
oibreoirí, na coinníollacha a bhaineann le bheith páirteach i ngrúpa oibreoirí,
bunú agus feidhmiú chóras an ghrúpa um rialuithe inmheánacha, lena n‑áirítear
raon feidhme, ábhar agus minicíocht na rialuithe atá le déanamh. 4. Féadfaidh an Coimisiún
gníomhartha cur chun feidhme a ghlacadh maidir le malartú faisnéise idir grúpa
oibreoirí agus an t‑údarás inniúil nó na húdaráis inniúla, údaráis
rialaithe nó comhlachtaí rialaithe, agus idir na Ballstáit agus an Coimisiún.
Déanfar na gníomhartha cur chun feidhme sin a ghlacadh i gcomhréir leis an nós
imeachta scrúdúcháin dá dtagraítear in Airteagal 37(2). CAIBIDIL VI Trádáil le tríú tíortha Airteagal 27 Táirgí
orgánacha a onnmhairiú 1. Féadfar táirge a onnmhairiú
ón Aontas mar tháirge orgánach agus lógó an Aontais Eorpaigh maidir le
táirgeadh orgánach a bheith air má chomhlíonann sé an Rialachán seo. Táirge atá beartaithe lena onnmhairiú mar tháirge
orgánach chuig tríú tír atá aitheanta i gcomhréir le hAirteagal 31, áfach,
féadfar é a onnmhairiú chuig an tríú tír sin má chomhlíonann sé ceanglais an
tríú tír sin maidir lena chur ar an margadh sa tríú tír sin mar tháirge
orgánach. 2. Chun nach gcruthófaí dálaí
neamhchothroma d'oibreoirí agus iad ag onnmhairiú chuig tríú tíortha,
cumhachtófar don Choimisiún gníomhartha tarmligthe a ghlacadh i gcomhréir le hAirteagal 36
i ndáil le rialacha sonracha maidir le honnmhairithe táirgí orgánacha chuig
tríú tír atá aitheanta i gcomhréir le hAirteagal 31. 3. Chun iomaíocht chóir a
áirithiú i measc oibreoirí, cumhachtófar don Choimisiún gníomhartha tarmligthe
a ghlacadh i gcomhréir le hAirteagal 36 maidir le doiciméid atá beartaithe
d'údaráis custaim i dtríú tíortha, go háirithe i ndáil le deimhniú onnmhairithe
orgánach a eiseofar i bhfoirm leictreonach aon uair is féidir agus dearbhú a
sholáthar go gcomhlíonann táirgí orgánacha onnmhairithe an Rialachán seo. Airteagal 28 Táirgí
orgánacha a allmhairiú 1. Féadfar táirge a allmhairiú ó
thríú tír lena chur ar an margadh laistigh den Aontas mar tháirge orgánach má
dhéantar na coinníollacha seo a leanas a chomhlíonadh: (a)
is táirge orgánach mar a thagraítear dó in Airteagal 2(1)
an táirge: (b)
is táirge é: (i) a chomhlíonann Caibidlí II, III agus IV
agus bhí gach oibreoir, lena n‑áirítear na honnmhaireoirí sa tríú tír
lena mbaineann, faoi réir rialú údarás rialaithe nó comhlachtaí rialaithe arna n‑aithint
i gcomhréir le hAirteagal 29; nó (ii) a thagann ó thríú tír atá aitheanta i
gcomhréir le: –
Airteagal 30; nó –
Airteagal 31; (c)
tá na hoibreoirí sna tríú tíortha in ann faisnéis a
sholáthar tráth ar bith, do na hallmhaireoirí nó údaráis náisiúnta, faisnéis
lena mbeifear ina ann an t‑oibreoir a rinne an oibríocht dheireanach a
shainaithint d'fhonn inrianaitheacht an táirge orgánaigh a áirithiú. 2. Chun inrianaitheacht na
dtáirgí arna n‑allmhairiú a bhfuil sé beartaithe iad a chur ar an margadh
laistigh den Aontas mar tháirgí orgánacha a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
maidir le doiciméid, a eiseofar i bhfoirm leictreonach aon uair is féidir, is
gá chun críocha allmhairithe. 3. Fionnfar an bhfuil na
coinníollacha agus na bearta maidir le táirgí orgánacha a allmhairiú san Aontas
á n‑urramú ag poist rialaithe teorann, i gcomhréir le hAirteagal 45(1)
de Rialachán (AE) Uimh. XXX/XXX (an Rialachán maidir le rialuithe
oifigiúla). Beidh an mhinicíocht a dhéanfar na seiceálacha fisiceacha dá
dtagraítear in Airteagal 47(3) den Rialachán sin ag brath ar an riosca ó
thaobh neamhchomhlíonadh an Rialacháin seo de. Airteagal 29 Údaráis
rialaithe agus comhlachtaí rialaithe a aithint 1. Féadfaidh an Coimisiún
gníomhartha tarmligthe a ghlacadh lena n‑aithneofar údaráis rialaithe
agus comhlachtaí rialaithe a chomhlíonann na critéir a leagfar amach i ngníomh
tarmligthe arna ghlacadh de bhun mhír 7 agus atá inniúil chun rialuithe a
dhéanamh i dtríú tíortha, nó lena n‑aistarraingeofar aitheantas a tugadh
dóibh, agus lena mbunófar liosta de na húdaráis rialaithe agus comhlachtaí
rialaithe sin. Déanfar na gníomhartha cur chun feidhme sin a ghlacadh i
gcomhréir leis an nós imeachta scrúdúcháin dá dtagraítear in Airteagal 37(2). 2. Déanfar na comhlachtaí
rialaithe a chreidiúnú de réir an chaighdeáin chomhchuibhithe ábhartha um
'Measúnú comhréireachta – Ceanglais ar chomhlachtaí a dheimhníonn táirgí,
próisis agus seirbhísí', ar foilsíodh tagairt dó in Iris Oifigiúil an
Aontais Eorpaigh. 3. Ní fhéadfaidh ach na
comhlachtaí seo a leanas an creidiúnú dá dtagraítear i mír 2 a thabhairt: (a)
comhlacht náisiúnta creidiúnaithe san Aontas i
gcomhréir le Rialachán (CE) Uimh. 765/2008 ó Pharlaimint na hEorpa agus ón
gComhairle[51];
nó (b)
comhlacht creidiúnaithe lasmuigh den Aontas a
bhfuil socrú aitheantais iltaobhach sínithe aige faoi choimirce an Fhóraim
Idirnáisiúnta Creidiúnúcháin. 4. Agus iarrataí ar aitheantas á
scrúdú aige, iarrfaidh an Coimisiún ar an údarás rialaithe nó comhlacht
rialaithe an fhaisnéis ar fad is gá a sholáthar. Soláthróidh na comhlachtaí rialaithe nó údaráis
rialaithe aitheanta an deimhniú arna eisiúint ag an gcomhlacht creidiúnúcháin
nó an tuarascáil measúnaithe arna heisiúint agus an údarás inniúil faoi seach
agus, más iomchuí, tuarascálacha maidir leis an meastóireacht rialta ar an
láthair, faireachas agus athmheasúnú ilbhliantúil ar a gcuid gníomhaíochtaí. 5. Bunaithe ar an bhfaisnéis dá
dtagraítear faoi mhír 4, áiritheoidh an Coimisiún go ndéanfar maoirseacht
iomchuí ar na húdaráis rialaithe agus comhlachtaí rialaithe aitheanta trí
athbhreithniú rialta a dhéanamh ar a n‑aitheantas. Chun críocha na maoirseachta
sin, féadfaidh an Coimisiún faisnéis bhreise a iarraidh ó na comhlachtaí
creidiúnúcháin nó, más iomchuí, ó na húdaráis inniúla. 6. Cinnfear an cineál
maoirseachta ar bhonn measúnaithe ar an riosca neamhchomhlíonta. 7. Chun trédhearcacht na nósanna
imeachta um aitheantas agus um mhaoirseacht a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
maidir leis na critéir atá le cur i bhfeidhm i dtaca leis na húdaráis rialaithe
agus comhlachtaí rialaithe dá dtagraítear i mír 1 a aithint, nó an t‑aitheantas sin a aistarraingt, agus maidir le feidhmiú na
maoirseachta ag an gCoimisiún, lena n‑áirítear trí scrúduithe ar an
láthair, chomh maith. 8. Féadfaidh an Coimisiún
gníomhartha cur chun feidhme a ghlacadh chun a áirithiú go gcuirfear bearta i
bhfeidhm i gcásanna neamhchomhlíonta a dhéanann difear do shláine na dtáirgí
orgánacha arna n‑allmhairiú faoin aitheantas dá bhforáiltear san Airteagal
seo nó i gcásanna ina bhfuil amhras faoi neamhchomhlíonadh. Ar na bearta sin,
féadfar a áireamh go háirithe go ndéanfar sláine na dtáirgí orgánacha a fhíorú
sula gcuirfear na táirgí ar an margadh laistigh den Aontas agus, más iomchuí,
údarú chun táirgí den sórt sin a chur ar an margadh laistigh den Aontas mar
tháirgí orgánacha a chur ar fionraí. Déanfar na gníomhartha cur chun feidhme
sin a ghlacadh i gcomhréir leis an nós imeachta scrúdúcháin dá dtagraítear in Airteagal 37(2). 9. Ar mhórfhorais práinne a
bhfuil údar cuí leo agus a bhaineann le cosaint ar chleachtais mhíchothroma nó
ar chleachtais nach bhfuil i gcomhréir leis na prionsabail agus rialacha maidir
le táirgeadh orgánach, cosaint mhuinín na dtomhaltóirí nó cosaint iomaíochta
cothroime idir oibreoirí, déanfaidh an Coimisiún gníomhartha cur chun feidhme
atá infheidhme láithreach a ghlacadh i gcomhréir leis an nós imeachta dá
dtagraítear in Airteagal 37(3) chun na bearta dá dtagraítear i mír 8
den Airteagal seo a thógáil nó chun cinneadh a dhéanamh maidir le haitheantas
na n‑údarás rialaithe nó na gcomhlachtaí rialaithe dá dtagraítear i mír 1
den Airteagal seo a aistarraingt. Airteagal 30 Coibhéis
faoi chomhaontú trádála Is tríú tír aitheanta dá dtagraítear sa chéad
fhleasc d'Airteagal 28(1)(b)(ii) í tríú tír ar aithin an tAontas í faoi
chomhaontú trádála mar thír ina bhfuil córas maidir le táirgeadh a chomhlíonann
na cuspóirí céanna agus prionsabail chéanna trí rialacha a chur i bhfeidhm lena
n‑áirithítear an ráta dearbhaithe comhréireachta céanna a áirithítear
leis na cinn atá ag an Aontas. Airteagal 31 Coibhéis faoi
Rialachán (CE) Uimh. 834/2007 1. Is tríú tír aitheanta dá
dtagraítear sa dara fleasc d'Airteagal 28(1)(b)(ii) í tríú tír a aithníodh
chun críche coibhéise faoi Airteagal 33(2) de Rialachán (CE) Uimh. 834/2007,
lena n‑áirítear iad siúd a aithnítear faoin mbeart idirthréimhseach dá
bhforáiltear in Airteagal 40. Rachaidh aitheantas na dtríú tíortha dá
dtagraítear sa chéad fhomhír in éag an [dáta le cur isteach a chomhfhreagraíonn
do 5 bliana tar éis dháta cur i bhfeidhm an Rialacháin]. 2. Ar bhonn tuarascálacha
bliantúla atá le seoladh chuig an gCoimisiún, faoin 31 Márta gach bliain,
ag na tríú tíortha dá dtagraítear i mír 1 maidir le cur i bhfeidhm agus
forfheidhmiú na mbeart rialaithe arna mbunú acu, áiritheoidh an Coimisiún, le
cúnamh ó na Ballstáit, go ndéanfar maoirseacht iomchuí ar na triú tíortha
aitheanta trí athbhreithniú rialta a dhéanamh ar a n‑aitheantas. Cinnfear
an cineál maoirseachta ar bhonn measúnaithe ar an riosca neamhchomhlíonta. 3. Déanfar na comhlachtaí
rialaithe a dhéanann rialuithe sna tríú tíortha dá dtagraítear i mír 1 a
chreidiúnú de réir an caighdeáin chomhchuibhithe ábhartha um 'Measúnú
comhréireachta – Ceanglais ar chomhlachtaí a dheimhníonn táirgí, próisis agus
seirbhísí', ar foilsíodh tagairt dó in Iris Oifigiúil an Aontais Eorpaigh.
Mura dtugann comhlacht náisiúnta creidiúnúcháin san Aontas an creidiúnú i
gcomhréir le Rialachán (CE) Uimh. 765/2008, ní fhéadfaidh ach comhlacht
creidiúnúcháin lasmuigh den Aontas a bhfuil socrú aitheantais iltaobhach
sínithe aige faoi choimirce an Fhóraim Idirnáisiúnta Creidiúnúcháin é a
thabhairt. 4. Déanfaidh an Coimisiún, trí
bhíthin gnímh cur chun feidhme, liosta de na tríú tíortha dá dtagraítear i mír 1
a bhunú agus féadfaidh sé an liosta sin a leasú trí bhíthin gníomhartha cur
chun feidhme. Déanfar na gníomhartha cur chun feidhme sin a ghlacadh i
gcomhréir leis an nós imeachta scrúdúcháin dá dtagraítear in Airteagal 37(2). 5. Chun bainistiú liosta na
dtríú tíortha dá dtagraítear i mír 4 a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
maidir leis an bhfaisnéis atá le seoladh ag na tríú tíortha sin is gá chun go
ndéanfaidh an Coimisiún maoirseacht ar a n‑aitheantas, chomh maith le
feidhmiú na maoirseachta sin ag an gCoimisiún, lena n‑áirítear trí
bhíthin scrúduithe ar an láthair. 6. Féadfaidh an Coimisiún
gníomhartha cur chun feidhme a ghlacadh chun a áirithiú go gcuirfear bearta i
bhfeidhm i gcásanna neamhchomhlíonta a dhéanann difear do shláine na dtáirgí
orgánacha arna n‑allmhairiú ó thríú tíortha dá dtagraítear san Airteagal
seo nó i gcásanna ina bhfuil amhras faoi neamhchomhlíonadh. Ar na bearta sin,
féadfar a áireamh go háirithe go ndéanfar sláine na dtáirgí orgánacha a fhíorú
sula gcuirfear na táirgí ar an margadh laistigh den Aontas agus, más iomchuí,
údarú chun táirgí den sórt sin a chur ar an margadh laistigh den Aontas mar
tháirgí orgánacha a chur ar fionraí. Déanfar na gníomhartha cur chun feidhme
sin a ghlacadh i gcomhréir leis an nós imeachta scrúdúcháin dá dtagraítear in Airteagal 37(2). Caibidil VII Forálacha ginearálta Roinn 1 Saorghluaiseacht táirgí orgánacha Airteagal 32 Neamhthoirmeasc
agus neamhshrian ar mhargú táirgí orgánacha 1. Ní fhéadfaidh údaráis
inniúla, údaráis rialaithe ná comhlachtaí rialaithe, ar fhorais a bhaineann le
táirgeadh, le lipéadú ná le cur i láthair na dtáirgí, toirmeasc ná srian a chur
ar mhargú táirgí orgánacha arna rialú ag údarás inniúil, údarás rialaithe ná
comhlacht rialaithe eile atá lonnaithe i mBallstát eile, má chomhlíonann na
táirgí sin an Rialachán seo. Go háirithe, ní fhéadfar aon rialuithe oifigiúla
ná gníomhaíochtaí oifigiúla eile seachas iad sin faoi Rialachán (AE) Uimh. XXX/XXX
(An Rialachán maidir le rialuithe oifigiúla) a dhéanamh agus ní fhéadfar aon
táillí ar rialuithe oifigiúla ná gníomhaíochtaí oifigiúla eile seachas iad siúd
faoi Airteagal 76 den Rialachán sin a bhailiú. 2. Chun dea-fheidhmiú an
mhargaidh aonair agus trádáil idir Bhallstáit a áirithiú, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
lena leagfar síos rialacha maidir le saorghluaiseacht táirgí orgánacha chun
críocha mhír 1 den Airteagal seo. Roinn 2 Faisnéis agus tuairisciú Airteagal 33 Faisnéis a
bhaineann leis an earnáil orgánach agus trádáil 1. Gach bliain, tarchuirfidh na
Ballstáit chuig an gCoimisiún an fhaisnéis is gá chun an Rialachán seo a chur
chun feidhme agus faireachán a dhéanamh ar a chur i bhfeidhm. 2. Glacfaidh an Coimisiún
gníomhartha cur chun feidhme maidir leis an gcóras a úsáidfear chun an
fhaisnéis dá dtagraítear i mír 1 a tharchur, sonraí na faisnéise atá le
tarchur, agus an dáta faoina bhfuil an fhaisnéis sin le tarchur. Déanfar na
gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 37(2). Airteagal 34 Faisnéis a
bhaineann leis na húdaráis inniúla, údaráis rialaithe agus comhlachtaí
rialaithe 1. Coimeádfaidh na Ballstát
liosta a thabharfar cothrom le dáta go rialta, ar a mbeidh: (a)
ainmneacha agus seoltaí na n‑údarás inniúil; (b)
ainmneacha agus seoltaí na n‑údarás rialaithe
agus na gcomhlachtaí rialaithe, agus a gcóduimhreacha. Cuirfidh na Ballstáit an liosta dá dtagraítear i
bpointe (b) den chéad fhomhír ar fáil go poiblí. 2. Foilseoidh an Coimisiún
liosta na n‑údarás rialaithe agus na gcomhlachtaí rialaithe dá
dtagraítear i bpointe (b) de mhír 1 ar an idirlíon gach bliain. Airteagal 35 Tuarascáil Faoin 31 Nollaig 2021, tíolacfaidh
an Coimisiún tuarascáil do Pharlaimint na hEorpa agus don Chomhairle ar
infhaighteacht ábhair atáirgthe plandaí orgánaigh agus ainmhithe chun críocha
póraithe. Caibidil VIII Forálacha nós imeachta, idirthréimhseacha
agus críochnaitheacha Roinn 1 Forálacha nós imeachta Airteagal 36 An
tarmligean a fheidhmiú 1. Is faoi
réir na gcoinníollacha a leagtar síos san Airteagal seo a thugtar an chumhacht
don Choimisiún gníomhartha tarmligthe a ghlacadh. 2. Féadfaidh Parlaimint na
hEorpa nó an Chomhairle tarmligean na cumhachta dá dtagraítear in [……….] a
chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta a sonrófar sa chinneadh
sin. Gabhfaidh éifeacht leis an lá tar éis fhoilsiú an
chinnidh in Iris Oifigiúil an Aontais Eorpaigh nó ar dháta is déanaí
a shonrófar sa chinneadh. Ní dhéanfaidh sé difear do bhailíocht gníomhartha tarmligthe ar bith a bheidh i bhfeidhm cheana
féin. 3. A luaithe a ghlacfaidh sé
gníomh tarmligthe, tabharfaidh an Coimisiún fógra do Pharlaimint na hEorpa
agus don Chomhairle ina leith an tráth céanna. 4. Ní thiocfaidh gníomh
tarmligthe arna ghlacadh de bhun […..] i bhfeidhm ach amháin mura ndéanfaidh
Parlaimint na hEorpa ná an Chomhairle agóid
ina choinne laistigh de thréimhse dhá mhí ó fhógra
faoin ngníomh sin a thabhairt do Pharlaimint na hEorpa agus
don Chomhairle nó más rud é, sula dtéann an tréimhse
sin in éag, go gcuireann
Parlaimint na hEorpa agus an Chomhairle araon in iúl don Choimisiún
nach ndéanfaidh siad agóid ina choinne. Cuirfear dhá mhí
leis an tréimhse sin ar thionscnamh
Pharlaimint na hEorpa nó na
Comhairle. Airteagal 37 Nós imeachta
coiste 1. Tabharfaidh coiste darb ainm 'An Coiste um Táirgeadh
Orgánach' cúnamh don Choimisiún. Beidh an Coiste sin ina
Choiste de réir bhrí Rialachán (AE) Uimh. 182/2011. 2. I gcás
ina ndéanfar tagairt don mhír seo, beidh feidhm ag Airteagal 5 de
Rialachán (AE) Uimh. 182/2011. 3. I gcás ina ndéanfar tagairt
don mhír seo, beidh feidhm ag Airteagal 8 de Rialachán (AE) Uimh. 182/2011
i gcomhar le hAirteagal 5 den Rialachán sin. Roinn 2 Aisghairm, leasuithe, forálacha
idirthréimhseacha agus forálacha críochnaitheacha Airteagal 38 Aisghairm Aisghairtear Rialachán (CE) Uimh. 834/2007. Leanfaidh Rialachán (CE) Uimh. 834/2007
d'fheidhm a bheith aige, áfach, chun críocha an scrúdú ar iarratais atá ar
feithimh ó thríú tíortha a chur i gcrích, dá bhforáiltear in Airteagal 42
den Rialachán seo. Airteagal 39 Bearta
idirthréimhseacha a bhaineann le tiontú go feirmeoireacht orgánach Chun aistriú rianúil ón seanchreat dlíthiúil
go dtí an creat dlíthiúil nua a áirithiú, cumhachtófar don Choimisiún
gníomhartha tarmligthe a ghlacadh i gcomhréir le hAirteagal 36 maidir le
rialacha lena ndéantar foráil maidir le maolú ó Airteagal 8(3) i ndáil le
tréimhsí tiontaithe d'fheirmeoirí a chuirfidh tús leis an tiontú roimh theacht
i bhfeidhm an Rialacháin seo. Airteagal 40 Bearta
idirthréimhseacha a bhaineann le tionscnamh ábhair atáirgthe plandaí, ainmhithe
chun críocha póraithe agus stoic óig ainmhithe dobharshaothraithe Chun aistriú rianúil a áirithiú ó na rialacha
maidir le tionscnamh ábhair atáirgthe plandaí dá bhforáiltear in Airteagal 12(1)(i)
de Rialachán (CE) Uimh. 834/2007 agus maidir le hainmhithe chun críocha
póraithe dá bhforáiltear in Airteagal 14(1)(a)(ii) den Rialachán sin agus maidir
le stoc óg ainmhithe dobharshaothraithe dá bhforáiltear in Airteagal 15(1)(a)(ii)
den Rialachán sin agus an eisceacht ó na rialacha maidir le táirgeadh a ghlac
an Coimisiún de bhun Airteagal 22 de Rialachán (CE) Uimh. 834/2007,
agus na rialacha nua maidir le táirgeadh do phlandaí agus táirgí plandaí agus
beostoc agus feamainn agus ainmhithe dobharshaothraithe dá bhforáiltear in Airteagal 10(1)
agus Airteagal 11(1), faoi seach, den Rialachán seo, cumhachtófar don
Choimisiún gníomhartha tarmligthe a ghlacadh i gcomhréir le hAirteagal 36
lena ndéanfar foráil maidir le díolúintí i gcásanna ina measfar gur gá
díolúintí a thabhairt chun rochtain ar ábhar atáirgthe plandaí agus ar
ainmhithe beo chun críocha póraithe agus ar stoc óg ainmhithe dobharshaothraithe
is féidir a úsáid sa táirgeadh orgánach a áirithiú. Scoirfidh na gníomhartha
tarmligthe arna nglacadh faoin Airteagal seo d'fheidhm a bheith acu amhail ón 31 Nollaig 2021. Airteagal 41 Bearta
idirthréimhseacha a bhaineann le húdaráis rialaithe agus comhlachtaí rialaithe
atá aitheanta faoi Airteagal 33(3) de Rialachán (CE) Uimh. 834/2007 1. Rachaidh aitheantas na n‑údarás
rialaithe agus na gcomhlachtaí rialaithe arna thabhairt faoi Airteagal 33(3)
de Rialachán (CE) Uimh. 834/2007 in éag an [31 Nollaig 2018] ar
a dhéanaí. 2. Déanfaidh an Coimisiún, trí
bhíthin gnímh cur chun feidhme, liosta de na húdaráis rialaithe agus
comhlachtaí rialaithe atá aitheanta faoi Airteagal 33(3) de Rialachán (CE)
Uimh. 834/2007 a bhunú agus féadfaidh sé an liosta sin a leasú trí bhíthin
gníomhartha cur chun feidhme. Déanfar na gníomhartha cur chun feidhme sin a
ghlacadh i gcomhréir leis an nós imeachta scrúdúcháin dá dtagraítear in Airteagal 37(2). 3. Chun bainistiú liosta na n‑údarás
rialaithe agus an gcomhlachtaí rialaithe dá dtagraítear i mír 2 a
áirithiú, cumhachtófar don Choimisiún gníomhartha tarmligthe a ghlacadh i gcomhréir
le hAirteagal 36 maidir leis an bhfaisnéis atá le seoladh ag na húdaráis
rialaithe agus comhlachtaí rialaithe sin is gá chun go ndéanfaidh an Coimisiún
maoirseacht ar a n‑aitheantas, chomh maith le feidhmiú na maoirseachta
sin ag an gCoimisiún, lena n‑áirítear trí bhíthin scrúduithe ar an
láthair. Airteagal 42 Bearta
idirthréimhseacha a bhaineann le hiarratais ó thríú tíortha arna gcur isteach
faoi Airteagal 33(2) de Rialachán (CE) Uimh. 834/2007 1. Déanfaidh an Coimisiún an
scrúdú ar iarratais ó thríú tíortha arna gcur isteach faoi Airteagal 33(2)
de Rialachán (CE) Uimh. 834/2007 atá ar feitheamh dáta theacht i bhfeidhm
an Rialacháin seo a chur i gcrích. Beidh feidhm ag Rialachán (CE) Uimh. 834/2007
maidir le hiarratais den sórt sin a scrúdú. 2. Chun cur i gcrích an
scrúdaithe ar na hiarratais dá dtagraítear i mír 1 a éascú, cumhachtófar
don Choimisiún gníomhartha tarmligthe a ghlacadh i gcomhréir le hAirteagal 36
maidir leis na rialacha nós imeachta is gá don scrúdú, lena n‑áirítear i
ndáil leis an bhfaisnéis atá le cur isteach ag na tríú tíortha. Airteagal 43 Bearta
idirthréimhseacha le haghaidh stoc de tháirgí orgánacha a táirgeadh i gcomhréir
le Rialachán (CE) Uimh 834/2007 Táirgí arna dtáirgeadh i gcomhréir le
Rialachán (CE) Uimh. 834/2007 agus arna gcur ar an margadh roimh an 1 Iúil 2017,
féadfar leanúint dá margú tar éis an dáta sin go dtí go n‑ídeofar na
stoic. Airteagal 44 Leasuithe ar
Rialachán (AE) Uimh. […][maidir le rialuithe
oifigiúla] Leasaítear Rialachán
(AE) Uimh XXX/XXXX (an Rialachán maidir le rialuithe oifigiúla) mar seo a
leanas: 1. in Airteagal 2, cuirtear
an méid seo a leanas in ionad mhír 38 agus mhír 39: "38. ciallaíonn 'comhlacht tarmligthe' tríú
páirtí, ar tharmlig na húdaráis inniúla cúraimí sonracha i ndáil le rialú oifigiúil
nó gníomhaíochtaí oifigiúla eile chuige; 39. ciallaíonn 'údarás rialaithe um tháirgeadh
orgánach agus lipéadú táirgí orgánacha', eagraíocht riaracháin phoiblí
Ballstáit ar thug na húdaráis a n‑inniúlachtaí di, ina n‑iomláine
nó i bpáirt, i ndáil le cur i bhfeidhm reachtaíocht an Aontais sa réimse dá
dtagraítear in Airteagal 1(2)(j), lena n‑áirítear, más iomchuí,
údarás comhfhreagrach tríú tír nó atá ag oibriú i dtríú tír;"; 2. Leasaítear Airteagal 3
mar seo a leanas: (a) Cuirtear an méid seo a leanas in ionad
mhír 3: "3. Na húdaráis inniúla atá freagrach as
comhlíonadh na rialacha dá dtagraítear i bpointe (j) d'Airteagal 1(2)
a fhíorú, féadfaidh siad cúraimí sonracha i ndáil le rialú nó cúraimí oifigiúla
eile a thabhairt do cheann amháin nó níos mó de na húdaráis rialaithe um
tháirgeadh orgánach agus lipéadú táirgí orgánacha. I gcásanna den sórt sin,
leithdháilfidh siad códuimhir ar gach ceann acu."; (b) I mír 4, cuirtear an méid seo a
leanas in ionad phointe (c): " (c) na húdaráis rialaithe um tháirgeadh
orgánach agus lipéadú táirgí orgánacha dá dtagraítear i mír 3;"; 3. Cuirtear an méid a leanas in
ionad Airteagal 23: "Airteagal 23 Rialacha sonracha maidir le rialuithe oifigiúla
agus beart a bheidh le déanamh ag na húdaráis inniúla i ndáil le táirgí orgánacha
agus le sonrúcháin tionscnaimh faoi chosaint, tásca geografacha faoi chosaint
agus sainearraí traidisiúnta faoi ráthaíocht 1. Maidir leis na rialacha dá dtagraítear i bpointe (j)
d'Airteagal 1(2), déanfaidh na húdaráis inniúla an méid seo a leanas: (a) i gcás neamhchomhlíonta a dhéanann difear do
shláine na dtáirgí orgánacha feadh aon cheann de na céimeanna táirgthe,
ullmhúcháin agus dáileacháin agus onnmhairiúcháin, go háirithe mar thoradh ar
úsáid a bhaint as substaintí agus teicníochtaí toirmiscthe nó neamhúdaraithe nó
meascadh le táirgí nach táirgí orgánacha iad, áiritheoidh siad nach ndéanfar
aon tagairt do tháirgeadh orgánach sa lipéadú agus san fhógraíocht a dhéanfar
ar an mbaisc nó sraith táirgthe iomlán lena mbaineann; (b) i gcás neamhchomhlíonta arís agus arís eile nó
neamhchomhlíonta leanúnaigh, áiritheoidh siad go gcuirfear toirmeasc ar na
hoibreoirí nó ar an ngrúpa oibreoirí lena mbaineann, mar atá sainmhínithe i bpointe (6)
agus i bpointe (7) d'Airteagal 3 de Rialachán (AE) Uimh. [táirgeadh
orgánach] ó Pharlaimint na hEorpa agus ón gComhairle*, anuas ar na bearta dá
dtagraítear i bpointe (a) den mhír seo, táirgí a mhargú a dhéanann tagairt
do tháirgeadh organach, agus go gcuirfear a ndeimhniú orgánach ar fionraí nó go
n‑aistarraingeofar é de réir mar is iomchuí. 2. Cumhachtófar don Choimisiún gníomhartha
tarmligthe a ghlacadh i gcomhréir le hAirteagal 139 i ndáil le rialacha
maidir le rialuithe oifigiúla agus gníomhaíochtaí oifigiúla eile a dhéanamh
chun comhlíonadh na rialacha dá dtagraítear i bpointe (j) agus i bpointe (k)
d'Airteagal 1(2) a fhíorú, agus le beart a bheidh le déanamh ag na
húdaráis inniúla de bhun na rialuithe oifigiúla agus gníomhaíochtaí oifigiúla
sin. 3. I ndáil leis na rialacha dá dtagraítear i bpointe (j)
d'Airteagal 1(2), leagfar síos sna gníomhartha tarmligthe dá dtagraítear i
mír 2 den Airteagal seo rialacha maidir le: (a) freagrachtaí agus cúraimí sonracha na n‑údarás
inniúil, sa bhreis orthu sin dá bhforáiltear in Airteagail 4, 8, 9, 10(1),
11 go 13, 34(1) agus (2), agus 36, agus sa bhreis ar Airteagail 25, 26,
28, 29, 30 agus 32 maidir le comhlachtaí tarmligthe a fhormheas agus
maoirseacht a dhéanamh orthu, agus Airteagal 85 go 90 maidir le
deimhniúchán oifigiúil; (b) ceanglais sa bhreis orthu sin dá dtagraítear
in Airteagal 8(1) maidir le measúnú riosca agus lena leagfar síos
minicíocht na rialuithe oifigiúla, agus na samplála de réir mar is iomchuí,
agus an riosca neamhchomhlíonta á chur san áireamh; (c) minicíocht na rialuithe oifigiúla ar
oibreoirí, agus na cásanna ina mbeidh oibreoirí áirithe díolmhaithe ó rialuithe
oifigiúla áirithe agus na dálaí faoina ndéanfar sin; (d) modhanna agus teicnící le haghaidh rialuithe
oifigiúla sa bhreis orthu sin dá dtagraítear in Airteagal 13 agus in Airteagal 33(1)
go (5) agus ceanglais shonracha maidir le cur i bhfeidhm rialuithe oifigiúla
atá dírithe ar inrianaitheacht táirgí orgánacha a áirithiú ag gach céim den
phróiseas táirgthe, ullmhúcháin agus dáileacháin, agus ar ráthaíochtaí a
thabhairt maidir le comhlíonadh na rialacha dá dtagraítear i bpointe (j)
d'Airteagal 1(2); (e) gníomhaíochtaí agus bearta sa bhreis orthu sin
dá bhforáiltear in Airteagal 134(2) agus (3) i gcás ina bhfuil amhras faoi
neamhchomhlíonadh, critéir sa bhreis orthu sin dá dtagraítear sa dara fomhír d'Airteagal 135(1),
agus critéir agus bearta sa bhreis orthu sin dá bhforáiltear in Airteagal 135(2)
agus i mír 1 den Airteagal seo i gcás neamhchomhlíonta; (f) ceanglais sa bhreis orthu sin dá bhforáiltear
i bpointe (f) d'Airteagal 4(1) i ndáil leis na saoráidí agus an
trealamh is gá chun rialuithe oifigiúla a dhéanamh, chomh maith le
coinníollacha agus oibleagáidí sonracha sa bhreis orthu sin dá dtagraítear in Airteagail 25,
26, 28, 29, agus 30 go 32 maidir le cúraimí i ndáil le rialú oifigiúil agus gníomhaíochtaí
oifigiúla eile a tharmligean chuig comhlachtaí tarmligthe; (g) oibleagáidí maidir le tuairisciú sa bhreis
orthu sin dá dtagraítear in Airteagail 12, 28 agus 31 do na húdaráis
inniúla, na húdaráis rialaithe agus na comhlachtaí tarmligthe atá i gceannas ar
rialuithe oifigiúla agus gníomhaíochtaí oifigiúla eile; (h) critéir agus coinníollacha sonracha maidir
leis na sásraí um chúnamh riaracháin dá dtagraítear i dTeideal IV a chur i
ngníomh agus a fheidhmiú, lena n‑áirítear an malartú faisnéise idir
údaráis inniúla, údaráis rialaithe agus comhlachtaí tarmligthe a bhaineann le
cásanna neamhchomhlíonta nó dóchúlacht an neamhchomhlíonta. 4. I ndáil leis na rialacha dá dtagraítear i bpointe (k)
d'Airteagal 1(2), leagfar síos sna gníomhartha tarmligthe dá dtagraítear i
mír 3 den Airteagal seo rialacha maidir le: (a) ceanglais, modhanna agus teicnící sa bhreis
orthu sin dá dtagraítear in Airteagal 11 agus in Airteagal 13 maidir
le rialuithe oifigiúla a dhéanamh chun comhlíonadh sonraíochtaí táirge agus ceanglais
lipéadaithe a fhíorú; (b) modhanna agus teicnící sa bhreis orthu sin dá
dtagraítear in Airteagal 13 maidir le rialuithe oifigiúla a dhéanamh atá
dírithe ar inrianaitheacht táirgí a thagann faoi raon feidhme na rialacha dá
dtagraítear i bpointe (k) d'Airteagal 1(2) a áirithiú ag gach céim
den phróiseas táirgthe, ullmhúcháin agus dáileacháin, agus ar ráthaíochtaí a
sholáthar i ndáil le comhlíonadh na rialacha sin; C) critéir shonracha agus inneachar sonrach sa
bhreis orthu sin dá bhforáiltear in Airteagal 108, chun na codanna
ábhartha den phlean náisiúnta rialaithe ilbhliantúil dá bhforáiltear in Airteagal 107(1)
a ullmhú, agus inneachar sonrach breise na tuarascála dá bhforáiltear in Airteagal 112; critéir shonracha agus coinníollacha sonracha
maidir le sásraí an chúnamh riaracháin dá bhforáiltear i dTeideal IV a
chur i ngníomh; (e) bearta sonracha a bheidh le déanamh, sa bhreis
orthu sin dá dtagraítear in Airteagal 135(2), i gcás neamhchomhlíonta agus
i gcás neamhchomhlíonta thromchúisigh nó rialta. 5. Más iomchuí, déanfaidh na gníomhartha
tarmligthe dá dtagraítear i mír 3 agus i mír 4 maolú ar fhorálacha an
Rialacháin seo dá dtagraítear sna míreanna sin. * IO L …, lch. …” 4. In Airteagal 128,
cuirtear an méid seo a leanas in ionad mhír 1: "1. Sna réimsí arna rialú ag na
rialacha dá dtagraítear in Airteagal 1(2), seachas pointí (d), (e),
(g), (h) agus (j) d'Airteagal 1(2), féadfaidh an Coimisiún a aithint, trí
bhíthin gníomhartha cur chun feidhme, go bhfuil na bearta arna gcur i bhfeidhm
i dtríú tír, nó i réigiúin de thríú tír, coibhéiseach leis na ceanglais atá
leagtha síos sna rialacha sin, ar bhonn an mhéid seo a leanas: (a) scrúdú críochnúil ar an bhfaisnéis agus ar na
sonraí arna gcur ar fáil ag an tríú tír lena mbaineann de bhun Airteagal 124(1); (b) más iomchuí, toradh sásúil ar rialú arna
dhéanamh i gcomhréir le hAirteagal 119(1); Glacfar na gníomhartha cur chun feidhme sin
i gcomhréir leis an nós imeachta scrúdúcháin dá dtagraítear in Airteagal 141(2)." 5. In Airteagal 141,
cuirtear an méid seo a leanas in ionad mhír 1: "1. Déanfaidh an Buanchoiste um Plandaí,
Ainmhithe, Bia agus Beatha, arna bhunú le hAirteagal 58(1) de Rialachán
(CE) Uimh. 178/2002 cúnamh a thabhairt don Choimisiún. Beidh an Coiste sin
ina Choiste de réir bhrí Rialachán (AE) Uimh. 182/2011. I gcás na mbeart a
thagann laistigh den réimse dá dtagraítear in Airteagal 1(2)(j) den
Rialachán seo, déanfaidh an Coiste maidir le Táirgeadh Orgánach arna bhunú le Airteagal 37(1)
de Rialachán (AE) Uimh. [táirgeadh orgánach] cúnamh a thabhairt don
Choimisiún." Airteagal 45 Teacht i
bhfeidhm agus cur i bhfeidhm Tiocfaidh an Rialachán seo i bhfeidhm an tríú
lá tar éis lá a fhoilsithe in Iris Oifigiúil an Aontais Eorpaigh. Beidh sé infheidhme amhail
ón 1 Iúil 2017[52]. Beidh an Rialachán seo ina cheangal
go huile agus go hiomlán agus beidh sé infheidhme go díreach i ngach
Ballstát. Arna dhéanamh sa Bhruiséil, Thar ceann Pharlaimint na hEorpa Thar
ceann na Comhairle An tUachtarán An
tUachtarán
[…] […] Ráiteas Airgeadais Reachtach 1. LEAGAN AMACH AN TOGRA/TIONSCNAIMH
1.1. Teideal an togra/tionscnaimh 1.2. Réimsí
beartais lena mbaineann i gcreat ABM/ABB 1.3. An
cineál togra/tionscnaimh 1.4. Cuspóirí
1.5. Foras
an togra/tionscnaimh 1.6. Fad
agus tionchar airgeadais 1.7. Modhanna
bainistíochta atá beartaithe 2. BEARTA BAINISTÍOCHTA 2.1. Rialacha
faireacháin agus tuairiscithe 2.2. Córas
bainistíochta agus rialaithe 2.3. Bearta
chun calaois agus neamhrialtachtaí a chosc 3. AN TIONCHAR AIRGEADAIS A
MHEASTAR A BHEIDH AG AN TOGRA/TIONSCNAMH 3.1. Ceannteidil
an chreata airgeadais ilbhliantúil agus na línte buiséid ar a n‑imrítear
tionchar 3.2. An
tionchar a mheastar a bheidh ag an togra/tionscnamh ar chaiteachas 3.2.1. Achoimre ar an tionchar a mheastar a bheidh ag
an togra/tionscnamh ar chaiteachas 3.2.2. An
tionchar a mheastar a bheidh ag an togra/tionscnamh ar leithreasuithe faoi
chomhair oibríochtaí 3.2.3. An
tionchar a mheastar a bheidh ag an togra/tionscnamh ar leithreasuithe de
chineál riaracháin 3.2.4. Comhoiriúnacht
don chreat airgeadais ilbhliantúil reatha 3.2.5. Ranníocaíochtaí
ó thríú páirtithe 3.3. An tionchar a mheastar a
bheidh ar ioncam RÁITEAS
AIRGEADAIS REACHTACH 1. LEAGAN AMACH AN
TOGRA/TIONSCNAIMH 1.1. Teideal an togra/tionscnaimh Rialachán ó Pharlaimint na hEorpa agus ón
gComhairle maidir le táirgeadh orgánach agus lipéadú táirgí orgánacha, lena
leasaítear Rialachán (AE) Uimh. XXX/XXX ó Pharlaimint na hEorpa agus ón
gComhairle [an Rialachán maidir le rialuithe oifigiúla] agus lena n‑aisghairtear
Rialachán (CE) Uimh. 834/2007 1.2. Réimsí beartais lena
mbaineann i gcreat ABM/ABB[53] 1.3. An cineál togra/tionscnaimh ¨ Baineann an
togra/tionscnamh le beart nua ¨ Baineann an
togra/tionscnamh le beart nua a leanann treoirthionscadal/réamhbheart[54] ¨ Baineann an togra/tionscnamh
leis an síneadh ar bheart atá ann cheana X Baineann an togra/tionscnamh le beart a
atreoraíodh i dtreo birt nua 1.4. Cuspóirí 1.4.1. Cuspóirí straitéiseacha
ilbhliantúla an Choimisiúin ar a bhfuil an togra/tionscnamh dírithe Díríonn
an togra ar conas a chuireann rialacha maidir le táirgeadh orgánach le
tosaíochtaí beartais na straitéise Eoraip 2020 a chur i gcrích i ndáil le
fás cliste, inbhuanaithe agus uileghabhálach, go háirithe geilleagar iomaíoch a
bhaint amach atá bunaithe ar eolas agus nuálaíocht, geilleagar ardfhostaíochta
a chothú trína dtarlaíonn comhtháthú sóisialta agus críochach, agus tacú leis
an aistriú i dtreo geilleagair ísealcharbóin atá éifeachtúil ó thaobh acmhainní
de. Cuspóirí sonracha agus na gníomhaíochtaí ABM/ABB lena mbaineann Is iad cuspóirí sonracha an togra: ‑
deireadh a chur leis na bacainní ar fhorbairt táirgthe orgánaigh san Aontas, ‑
cothrom iomaíochta d'fheirmeoirí agus oibreoirí a áirithiú agus feidhmiú an
mhargaidh inmheánaigh a fheabhsú, ‑
muinín na dtomhaltóirí as táirgí orgánacha a choinneáil nó a fheabhsú. I
gcomhréir le Comhchreat Faireacháin agus Meastóireachta 2014‑2020 um an
gComhbheartas Talmhaíochta (CBT)[55],
cuireann an togra leis na cuspóirí ginearálta: "Bainistíocht inbhuanaithe
acmhainní nádúrtha agus gníomhaíocht ar son na haeráide" trí earraí poiblí
a chur ar fáil (earraí comhshaoil den chuid is mó) agus trí bheith ag gabháil
do "mhaolú ar an athrú aeráide agus oiriúnú don athrú sin" agus
"táirgeadh bia inmharthana" trí "fhreastal ar ionchais na
dtomhaltóirí" agus trí "fheabhas a chur ar iomaíochas earnáil na
talmhaíochta agus an sciar sa slabhra bia a fheabhsú", faoi chéad Cholún
an CBT. Anuas
air sin, cuireann an togra leis an gcuspóir ginearálta "bainistíocht
inbhuanaithe acmhainní nádúrtha agus gníomhaíocht ar son na haeráide" trí
éiceachórais a athshlánú, a chaomhnú agus a fheabhsú (tosaíocht 4) faoi
Cholún II den CBT. Baineann
an togra le bearta a bhfuil tacaíocht ann dóibh faoi Cholún I (íocaíochtaí
díreacha agus margaí) agus Colún II araon den CBT. Gníomhaíocht
ABB lena mbaineann: 05 04 Forbairt Tuaithe (agus 05 02 Idirghabhálacha i margaí
talmhaíochta agus 05 03 Áiseanna díreacha). 1.4.2. An toradh agus an tionchar a
bhfuil súil leis Sonraigh an tionchar a
bheadh ag an togra/tionscnamh ar na tairbhithe/grúpaí ar a bhfuil sé dírithe. Táthar ag súil go
gcuirfidh ionchas margaidh dearfach, a bhuí le feabhas ar mhuinín na
dtomhaltóirí, taca faoi phraghsanna táirgí orgánacha agus go meallfar
nuatheachtaithe. Mar thoradh ar dheireadh
a chur leis na heisceachtaí ó na rialacha táthar ag súil go gcuirfear le
forbairt ionchur orgánach, go háirithe síolta. Beidh an earnáil níos
mealltaí mar thoradh ar rialacha táirgthe atá níos soiléire agus níos simplí. Beidh feabhas go
háirithe ar chothrom iomaíochta mar gheall ar chomhchuibhiú níos láidre,
rialacha níos soiléire agus níos simplí agus na comhlachtaí rialaithe i dtríú
tíortha a aithint bunaithe ar a gcomhlíonadh seachas ar bhonn coibhéise. Tabharfar aghaidh ar
mhuinín na dtomhaltóirí trí bhíthin rialacha maidir le táirgeadh comhchuibhithe
agus ábhair imní atá ag teacht chun cinn sa tsochaí á gcur san áireamh (e.g. leas
ainmhithe, córas bainistíochta comhshaoil do phróiseálaithe agus trádálaithe). Le cur chuige bunaithe
ar rioscaí táthar ag súil go gcuirfear feabhas ar éifeachtacht agus
éifeachtúlacht rialuithe agus, i dteannta réimis allmhairithe níos iontaofa, go
mbeifear in ann níos mó calaoise a chosc Sonraigh na táscairí
lena léirítear an faireachán ar chur chun feidhme an togra/tionscnaimh. Is iad seo a leanas na príomhtháscairí sa Chomhchreat
Faireacháin agus Meastóireachta: ‑ An sciar den limistéar orgánach sa limistéir iomlán
a úsáidtear le haghaidh talmhaíochta; ‑ An sciar den bheostoc orgánach sa bheostoc iomlán. Is iad seo a leanas na príomhtháscairí aschuir: ‑ Achar an limistéir atá faoi tháirgeadh orgánach (á
thiontú nó tiontaithe go hiomlán); ‑ Líon na n‑oibreoirí orgánacha deimhnithe. Déanfar faireachán ar na táscairí comhlántacha seo a leanas
i gcomhthéacs an Rialacháin seo: ‑ Beostoc (líon na n‑ainmhithe orgánacha agus na
dtáirgí orgánacha de thionscnamh ainmhíoch); ‑ Táirgeadh agus próiseáil barr (líon na n‑oibreoirí
agus luach/méid an táirgthe de réir chineál na gníomhaíochta eacnamaíche); ‑ Líon na n‑eisceachtaí a úsáideadh agus líon na
n‑eisceachtaí ar cuireadh deireadh leo, ‑ Eolas ar, agus muinín as, lógó orgánach an Aontais
(suirbhé Eorabharaiméadair). 1.5. Foras an togra/tionscnaimh 1.5.1. Na ceanglais is gá a shásamh
sa ghearrthéarma nó san fhadtéarma Níl
cuspóir foriomlán an chreata reachtaigh, arb é forbairt inbhuanaithe an
táirgthe orgánaigh, comhlíonta ina iomláine go fóill. Dá bhrí sin, tá deiseanna
á gcailleadh ag feirmeoirí agus oibreoirí san Aontas (tá achar an limistéir atá
faoi tháirgeadh orgánach tar éis dúbailt le 10 mbliana anuas, ach tá méadú faoi
cheathair tagtha ar an margadh), tá baol ann go mbeidh teorainn le méadú an
mhargaidh orgánaigh agus tá baol ann go mbeidh teorainn leis an maitheas a
bhaineann le táirgeadh orgánach don chomhshaol. Is
iad na cúiseanna is mó atá leis sin: bacainní reachtacha agus neamhreachtacha
ar fhorbairt an táirgthe orgánaigh san Aontas; an baol go dtiocfaidh laghdú ar
mhuinín na dtomhaltóirí, go háirithe de dheasca líon mór na n‑eisceachtaí
atá ag maolú na rialacha maidir le táirgeadh orgánach agus de dheasca na
gcásanna calaoise atá tagtha chun cinn i dtaca leis na heasnaimh sa chóras
rialaithe agus sa réimeas allmhairithe; iomaíocht mhíchothrom i measc oibreoirí
san Aontas agus i dtríú tíortha; agus ceisteanna maidir le ceapadh agus
forfheidhmiú na bhforálacha dlí, go háirithe ceisteanna maidir le feidhmiú an
mhargaidh inmheánaigh, de dheasca bearnaí sa reachtaíocht agus cineálacha
éagsúla cur chuige san fhorfheidhmiú. 1.5.2. Luach breise a bhaineann le
rannpháirteachas an AE Tugann
an togra seo scéim cáilíochta atá ann cheana atá sa Chomhbheartas Talmhaíochta
cothrom le dáta. Is
faoi inniúlacht an Aontais atá táirgeadh agus trádáil táirgí talmhaíochta agus
earraí bia ar an margadh inmheánach agus is faoi inniúlacht an Aontais atá sé
freisin feidhmiú an mhargaidh inmheánaigh a áirithiú. Tá an dá inniúlacht sin
comhroinnte leis na Ballstáit. Tá
scéim amháin ar fud an Aontais níos éifeachtúla ná 28 scéim éagsúla agus tá
beartas trádála níos láidre agus níos comhsheasmhaí ag gabháil leis i leith
comhpháirtithe trádála domhanda, go háirithe trí chumhacht margála an Aontais a
fheabhsú. Ba
cheart lógó orgánach an Aontais Eorpaigh a fhorchoimeád do tháirgí a
chomhlíonann sraith choiteann rialacha a chuirtear i bhfeidhm ar fud an
Aontais. I
measc na réimsí ina bhfuil gá le tuilleadh comhchuibhithe tá: eisceachtaí ó na
rialacha chomh maith le bearta chun sláine an táirgthe orgánaigh a chaomhnú,
lena n‑áirítear cur chuige coiteann chun aghaidh a thabhairt ar fhuíll
substaintí neamhúdaraithe i dtáirgí orgánacha. 1.5.3. Ceachtanna a foghlaimíodh ó
thaithí eile dá leithéid san am a chuaigh thart Tugadh
meastóireacht sheachtrach ar reachtaíocht an Aontais maidir le feirmeoireacht
orgánach i gcrích in 2013[56].
Go háirithe, rinneadh anailís ar leordhóthanacht na rialacha maidir le
táirgeadh agus na rialacha maidir le rialuithe, allmhairithe agus lipéadú
táirgí orgánacha. Ba é toradh na meastóireachta go bhfuil an chuid is mó de na
rialacha atá leagtha síos sa chreat reachtach orgánach leordhóthanach i
gcoitinne chun a chuspóirí uilíocha a bhaint amach. Mar sin féin, sainaithníodh
roinnt easnamh freisin agus rinneadh moltaí chun feabhas a chur orthu. Tugadh
aird chuí ar na moltaí sin sa togra seo. Rinne
Cúirt Iniúchóirí na hEorpa iniúchóireacht ar éifeachtacht an chórais rialaithe
lena rialaítear táirgeadh, próiseáil, dáileadh agus allmhairithe táirgí
orgánacha mar a fhoráiltear i Rialachán (CE) Uimh. 834/2007 ón gComhairle.
Léirítear roinnt laigí sna torthaí, a foilsíodh i dTuarascáil Speisialta Chúirt
Iniúchóirí na hEorpa Uimh. 9/2012, agus tugtar moltaí chun feabhas a chur
orthu atá curtha san áireamh sa togra seo. 1.5.4. Comhoiriúnacht d'ionstraimí
iomchuí eile agus sineirgíocht a d'fhéadfadh a bheith ann Tá
an togra i gcomhréir leis an CBT nua e.g. i gcomhréir leis an Rialachán nua
maidir le hÍocaíochtaí Díreacha[57],
faoina mbaineann feirmeacha orgánacha leas, ipso facto, as an íocaíocht
'ghlas' nua, agus i gcomhréir leis an Rialachán nua maidir le Forbairt Tuaithe[58], lena ndéantar foráil
maidir le bearta sonracha chun leasa feirmeoireachta orgánaí, agus an
Comhbheartas Iascaigh nua. Tá
an togra i gcomhréir leis an togra le haghaidh Rialacháin nua maidir le
rialuithe oifigiúla i mbia agus i mbeatha agus i gcomhréir le prionsabail na
Rialála Cliste. 1.6. Fad agus tionchar airgeadais ¨ Togra/tionscnamh a bheidh i bhfeidhm ar
feadh tréimhse teoranta –
¨ Togra/tionscnamh a bheidh i bhfeidhm ón [LL/MM]BBBB go dtí an
[LL/MM]BBBB –
¨ Tionchar airgeadais ó BBBB go BBBB X Togra/tionscnamh a bheidh i bhfeidhm ar feadh tréimhse
neamhtheoranta –
Cuirfear chun feidhme é le linn na tréimhse tosaigh
BBBB go BBBB –
cuirfear ag feidhmiú go hiomlán ina dhiaidh sin é. 1.7. Modhanna bainistíochta atá
beartaithe[59] Bainistíocht dhíreach
ag an gCoimisiún –
X ag a ranna, lena n‑áirítear
an fhoireann atá i dtoscaireachtaí an Aontais; –
¨ ag na gníomhaireachtaí feidhmiúcháin; X Bainistíocht atá comhroinnte leis na
Ballstáit ¨ Bainistíocht indíreach trí na cúraimí cur chun feidhme a tharmligean chuig: –
¨ tríú tíortha nó na comhlachtaí a d'ainmnigh siad; –
¨ eagraíochtaí idirnáisiúnta agus a ngníomhaireachtaí (tabhair sonraí); –
¨an BEI agus an Ciste Eorpach Infheistíochta; –
¨ comhlachtaí dá dtagraítear in Airteagal 208 agus Airteagal 209
den Rialachán Airgeadais; –
¨ comhlachtaí dlí poiblí; –
¨ comhlachtaí arna rialú ag an dlí príobháideach agus a bhfuil misean
seirbhíse poiblí acu sa mhéid go gcuireann siad ráthaíochtaí leordhóthanacha
airgeadais ar fáil; –
¨ comhlachtaí arna rialú ag dlí príobháideach Ballstáit, a gcuirtear de
chúram orthu comhpháirtíochtaí príobháideacha poiblí a chur chun feidhme, agus
a sholáthraíonn ráthaíochtaí leordhóthanacha airgeadais; –
¨ daoine a gcuirtear de chúram orthu bearta sonracha a chur chun feidhme
sa CBES de bhun Theideal V den CAE, ar daoine iad a shainaithnítear sa
bhunghníomh ábhartha. – I gcás ina sonraítear níos mó ná modh
bainistíochta amháin, tabhair sonraí sa roinn "Nótaí" le do thoil. Nótaí 2. BEARTA BAINISTÍOCHTA 2.1. Rialacha faireacháin agus
tuairiscithe Sonraigh cé chomh
minic, agus na coinníollacha. Tabharfaidh
na Ballstáit an fhaisnéis is gá chun an Rialachán seo a chur chun feidhme agus
chun faireachán a dhéanamh ar a chur i bhfeidhm don Choimisiún ar bhonn
bliantúil. Tabharfaidh na Ballstáit faisnéis faoi na rialuithe arna ndéanamh
chun a áirithiú go gcomhlíontar na ceanglais maidir le táirgeadh orgánach don
Choimisiún ar bhonn bliantúil freisin, mar chuid dá bpleananna rialaithe
náisiúnta ilbhliantúla agus dá dtuarascálacha bliantúla dá dtagraítear faoin
Rialachán maidir le Rialuithe Oifigiúla. Tríú
tíortha atá aitheanta a bheith coibhéiseach, agus comhlachtaí rialaithe nó
údaráis rialaithe atá aitheanta a bheith comhlíontach maidir le hallmhairiú
táirgí orgánacha san Aontas, cuirfidh siad tuarascálacha bliantúla faoi bhráid
an Choimisiúin ina mbeidh an fhaisnéis is gá chun na ceanglais faoin Rialachán
seo a chur chun feidhme. 2.2. Córas bainistíochta agus
rialaithe 2.2.1. Na rioscaí arna sainaithint Na
rioscaí ginearálta maidir leis na rialacha sa togra ar féidir a shainaithint,
baineann siad le héifeachtacht an togra, agus ní le caiteachas an AE i
bhfianaise na méideanna cuibheasach neamhshuntasach atá i gceist: D'fhéadfadh
rialacha comhchuibhithe maidir le táirgeadh lena gcuirtear deireadh le
heisceachtaí fadhbanna a chruthú ag an gcéim thosaigh do roinnt oibreoirí agus
drogall a chur orthu an scéim orgánach a roghnú. D'fhéadfadh
sé nach n‑áiritheofar cothrom iomaíochta go hiomlán san idirthréimhse don
aistriú ón gcóras coibhéise go dtí an córas comhlíonta, i dtaca le
hallmhairithe táirgí orgánacha san Aontas. D'fhéadfadh
roinnt páirtithe leasmhara agus/nó údarás nó comhlachtaí rialaithe sna
Ballstáit a mheas nach iomchuí cur chuige i leith rialuithe atá bunaithe go
hiomlán ar rioscaí a chur in ionad chigireacht fhisiceach bhliantúil gach
oibreora beag beann ar a phróifíl riosca. Tá
rioscaí eile ann a bhaineann le heasnaimh san fhorfheidhmiú: eadhon, cur chun
feidhme ag údaráis inniúla agus údaráis rialaithe nó comhlachtaí rialaithe san
Ballstáit agus i dtríú tíortha, agus maoirseacht ag an gCoimisiún. An
taithí a fuarthas ag cur Rialachán (CE) Uimh. 834/2007 chun feidhme ‑
lena n‑áirítear torthaí iniúchtaí, ionchur na bpáirtithe leasmhara i
gcreat an mheasúnaithe tionchair, agus na moltaí a rinneadh i staidéir
sheachtracha agus sa mheastóireacht sheachtrach ‑ tugadh aird chuí uirthi
agus an togra á cheapadh chun na rioscaí sin a mhaolú. Tugadh aird faoi leith
ar an riosca a bhaineann le heasnaimh a d'fhéadfadh bheith san fhorfheidhmiú a
mhaolú trí iarrachtaí ar rialacha atá níos soiléire, agus atá níos éasca lena
mbainistiú agus lena rialú 2.2.2. Faisnéis maidir leis an gcóras
rialaithe inmheánaigh arna bhunú Déanfaidh
an Coimisiún an caiteachas a bhaineann leis an togra seo a chur chun feidhme
faoi bhainistíocht dhíreach, i gcomhréir leis na prionsabail atá leagtha amach
in Airteagal 32 de Rialachán (AE, Euratom) Uimh. 966/2012 maidir leis
na rialacha airgeadais is infheidhme maidir le buiséad ginearálta an Aontais ‑
an Rialachán Airgeadais. Mar
a cheanglaítear leis an Rialachán Airgeadais, bhunaigh Ard‑Stiúrthóir na
Talmhaíochta agus na Forbartha Tuaithe an struchtúr eagraíochtúil agus na
próisis rialaithe inmheánaigh lenar féidir na cuspóirí beartais agus rialaithe
a bhaint amach, i gcomhréir leis na caighdeáin rialaithe inmheánaigh arna
nglacadh ag an gCoimisiún agus aird ar na rioscaí a bhaineann leis an
timpeallacht ina bhfuil an beartas i bhfeidhm. 2.2.3. Meastachán ar chostais agus ar
shochair na rialuithe agus measúnú ar an leibhéal riosca earráide a bhfuiltear
ag súil leis Ní
bheidh méadú ar an ráta earráide don Chiste Eorpach Talmhaíochta um Fhorbairt
Tuaithe (CETFT) de thoradh an chaiteachais a bhaineann leis an togra seo, agus
na méideanna cuibheasach neamhshuntasach atá i gceist á gcur san áireamh. 2.3. Bearta chun calaois agus
neamhrialtachtaí a chosc Sonraigh bearta
coisctheacha agus cosanta atá ann cheana nó atá beartaithe. Déanfaidh
an Coimisiún bearta iomchuí lena n‑áiritheofar, nuair a chuirtear
gníomhaíochtaí arna maoiniú faoin Rialachán seo chun feidhme, go gcosnófar leasanna
airgeadais an Aontais trí bhearta coisctheacha a chur i bhfeidhm i gcoinne
calaoise, éillithe agus i gcoinne aon ghníomhaíochtaí neamhdhleathacha eile,
trí sheiceálacha éifeachtacha a dhéanamh agus, agus má bhraitear
neamhrialtachtaí, trí mhéideanna a íocadh go mícheart a aisghabháil agus, más
iomchuí, trí phionóis éifeachtacha, chomhréireacha agus dhíspreagthacha, i
gcomhréir le hAirteagal 325 den Chonradh ar Fheidhmiú an Aontais Eorpaigh,
i gcomhréir le Rialachán (CE) Uimh. 2988/95 ón gComhairle maidir le
leasanna airgeadais na gComhphobal Eorpach a chosaint agus i gcomhréir le
teideal IV den Rialachán Airgeadais is infheidhme maidir le buiséad
ginearálta an Aontais. Beidh
cumhacht iniúchóireachta ag an gCoimisiún nó ag a ionadaithe agus ag an gCúirt
Iniúchóirí, ar bhonn doiciméad agus ar an láthair, ar gach conraitheoir agus ar
gach fochonraitheoir a fuair cistí de chuid an Aontais. Beidh an Oifig Eorpach
Frith‑Chalaoise (OLAF) údaraithe seiceálacha agus cigireachtaí ar an
láthair a dhéanamh ar oibreoirí eacnamaíocha a bhaineann go díreach nó go
hindíreach leis an gcistiú sin i gcomhréir leis na nósanna imeachta atá leagtha
síos i Rialachán Uimh. 2185/96 ón gComhairle an 11 Samhain 1996
d'fhonn a shuí go ndearnadh calaois. Sna cinntí, comhaontuithe agus conarthaí a
dhéantar de thoradh chur chun feidhme an Rialacháin, tabharfar cead sainráite
don Choimisiún, lena n‑áirítear OLAF, agus don Chúirt Iniúchóirí
iniúchtaí, seiceálacha ar an láthair agus cigireachtaí den sórt sin a dhéanamh. 3. AN TIONCHAR AIRGEADAIS A
MHEASTAR A BHEIDH AG AN TOGRA/TIONSCNAMH 3.1. Ceannteidil an chreata
airgeadais ilbhliantúil agus na línte buiséid ar a n‑imrítear tionchar
· Línte buiséid atá ann cheana In ord cheannteidil
agus línte buiséid an chreata airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Costas […]Ceannteideal………………………………………...……….] || LD/LN ([60]) || ó thíortha CSTE[61] || ó thíortha is iarrthóirí[62] || ó thríú tíortha || de réir bhrí Airteagal 21(2)(b) den Rialachán Airgeadais 2 || 05 04 60 02 Cúnamh teicniúil faoi chomhair oibríochtaí || LD || /NÍL || /NÍL || NÍL || NÍL 3.2. An tionchar a mheastar a
bheidh ag an togra/tionscnamh ar chaiteachas 3.2.1. Achoimre ar an tionchar a
mheastar a bheidh ag an togra/tionscnamh ar chaiteachas EUR milliúin Ceannteideal an chreata airgeadais ilbhliantúil || 2 || Fás inbhuanaithe : acmhainní nádúrtha AS: AGRI || || || 2015 || 2016 || 2017 || 2018 || 2019 || 2020 || IOMLÁN Leithreasuithe faoi chomhair oibríochtaí || || || || || || || 05 04 60 02 Cúnamh teicniúil faoi chomhair oibríochtaí * || Gealltanais || (1) || 0,800 || 0,230 || 0,170 || 0,170 || 0,170 || 0,170 || 1,710 Íocaíochtaí || (2) || 0,800 || 0,230 || 0,170 || 0,170 || 0,170 || 0,170 || 1,710 Leithreasuithe de chineál riaracháin arna maoiniú ó chlúdach clár sonrach[63] || || || || || || || || || (3) || || || || || || || IOMLÁN leithreasuithe ** do AS AGRI || Gealltanais || =1+1a +3 || 0,800 || 0,230 || 0,170 || 0,170 || 0,170 || 0,170 || 1,710 Íocaíochtaí || =2+2a +3 || 0,800 || 0,230 || 0,170 || 0,170 || 0,170 || 0,170 || 1,710 * Faoi láthair, déantar allmhairithe táirgí orgánacha a rialú trí TRACES
atá maoinithe go páirteach ón líne buiséid seo agus níltear ag súil go mbeidh
méadú ar an ngá atá leis an mbeart seo de thoradh an togra. Anuas ar an uirlis
atá ann cheana do na hallmhairithe, foráiltear sa Rialachán go mbeidh gach
táirge orgánach a chuirtear ar an margadh san AE faoi réir deimhniú
leictreonach, agus is gá, dá bhrí sin, cur leis an deimhniú leictreonach
allmhairiúcháin sa chaoi go gcumhdófar táirgí laistigh den Aontas. Is gá uirlis
TF laistigh d'ailtireacht TRACES a fhorbairt don deimhniú leictreonach do
tháirgeadh orgánach inmheánach a fhoráiltear in Airteagal 23 den togra ón
gCoimisiún, ar chostas measta EUR 500 000, chun a áirithiú go mbeidh
sí i mbun oibríochta ón 01.01.2016. Meastar gur EUR 110 000 in
aghaidh na bliana a bheidh ar an gcothabháil. * Anuas air sin, foráiltear comhchuibhiú an
bhunachair sonraí do shíolta orgánacha in Airteagal 10 den togra: Chun
forbairt an bhunachair sonraí síolta ar leithligh sin a áirithiú, tá cúnamh
teicniúil ón Aontas ar chostas measta EUR 300 000 le maoiniú ón líne
buiséid seo lasmuigh de TRACES. Meastar gur
EUR 120 000 a bheidh ar an gcothabháil don chéad bhliain tar éis na
forbartha agus gur EUR 60 000 a bheidh uirthi gach bliain ina dhiaidh
sin. || || || 2015 || 2016 || 2017 || 2018 || 2019 || 2020 || Iomlán IOMLÁN leithreasuithe faoi chomhair oibríochtaí || Gealltanais || (4) || 0,800 || 0,230 || 0,170 || 0,170 || 0,170 || 0,170 || 1,710 Íocaíochtaí || (5) || 0,800 || 0,230 || 0,170 || 0,170 || 0,170 || 0,170 || 1,710 IOMLÁN leithreasuithe de chineál riaracháin arna maoiniú ó chlúdach na gclár sonrach || (6) || || || || || || || IOMLÁN leithreasuithe do CHEANNTEIDEAL 2 den chreat airgeadais ilbhliantúil || Gealltanais || =4+ 6 || 0,800 || 0,230 || 0,170 || 0,170 || 0,170 || 0,170 || 1,710 Íocaíochtaí || =5+ 6 || 0,800 || 0,230 || 0,170 || 0,170 || 0,170 || 0,170 || 1,710 **
Beidh na huirlisí TF maoinithe ón
gcúnamh teicniúil don Choimisiún i gcomhréir le hAirteagal 58(2) de
Rialachán (AE) Uimh. XXX/2013 ó Pharlaimint na hEorpa agus ón gComhairle
maidir le tacaíocht don fhorbairt tuaithe ón gCiste Eorpach Talmhaíochta um
Fhorbairt Tuaithe (CETFT) agus lena n‑aisghairtear Rialachán (CE) Uimh. 1698/2005
ón gComhairle. Tá foráil déanta maidir leis na méideanna sin cheana féin i
gcreat airgeadais ilbhliantúil 2014‑2020. Ceannteideal an chreata airgeadais ilbhliantúil || 5 || Riarachán EUR milliúin || || || 2015 || 2016 || 2017 || 2018 || 2019 || 2020 || IOMLÁN AS: AGRI || Acmhainní daonna || ‑ || ‑ || ‑ || ‑ || ‑ || ‑ || ‑ Caiteachas riaracháin eile || 0,127 || 0,127 || 0,055 || 0,055 || 0,055 || 0,055 || 0,474 IOMLÁN AS AGRI || Leithreasuithe || 0,127 || 0,127 || 0,055 || 0,055 || 0,055 || 0,055 || 0,474 IOMLÁN leithreasuithe do CHEANNTEIDEAL 5 den chreat airgeadais ilbhliantúil || (Iomlán gealltanas = Iomlán íocaíochtaí) || 0,127 || 0,127 || 0,055 || 0,055 || 0,055 || 0,055 || 0,474 IOMLÁN leithreasuithe do CHEANNTEIDEAL 5 den chreat airgeadais ilbhliantúil || (Iomlán gealltanas = Iomlán íocaíochtaí) || 0,127 || 0,127 || 0,055 || 0,055 || 0,055 || 0,055 || 0,474 EUR milliúin || || || 2015 || 2016 || 2017 || 2018 || 2019 || 2020 || IOMLÁN IOMLÁN leithreasuithe faoi CHEANNTEIDIL 1 go 5 den chreat airgeadais ilbhliantúil || Gealltanais || 0,927 || 0,357 || 0,225 || 0,225 || 0,225 || 0,225 || 2.184 Íocaíochtaí || 0,927 || 0,357 || 0,225 || 0,225 || 0,225 || 0,225 || 2.184 3.2.2. An tionchar a mheastar a
bheidh ag an togra/tionscnamh ar leithreasuithe faoi chomhair oibríochtaí –
¨ Ní éilíonn an togra/tionscnamh go n‑úsáidfear leithreasuithe
faoi chomhair oibríochtaí –
¨ Éilíonn an togra/tionscnamh go n‑úsáidfear leithreasuithe faoi
chomhair oibríochtaí mar a mhínítear thíos: Leithreasuithe faoi chomhair gealltanas in EUR
milliúin Sonraigh cuspóirí agus aschuir || || || 2016 || 2017 || 2018 || 2019 || 2020 || IOMLÁN ASCHUIR || Saghas[64] || Meánchostas || Líon || Costas || Líon || Costas || Líon || Costas || Líon || Costas || Líon || Costas || Líon || Costas CUSPÓIR SONRACH[65] || Na coinníollacha a dhéanamh maidir le bainistiú inbhuanaithe acmhainní nádúrtha lena dtacaítear leis an aistriú i dtreo geilleagair ísealcharbóin agus geilleagair atá éifeachtúil ó thaobh acmhainní de || Aschur || Limistéar faoi fheirmeoireacht orgánach (Líon na heicteár) || || || || || || || || || || || || || Aschur || Limistéar faoi thiontú (Líon na heicteár) || || || || || || || || || || || || || Aschur || Líon na n‑oibreoirí orgánacha deimhnithe || || || || || || || || || || || || || Aschur || Líon na dtáirgeoirí orgánacha deimhnithe || || || || || || || || || || || || || COSTAS IOMLÁN || || || || || || || || || || || || 3.2.3. An tionchar a mheastar a
bheidh ag an togra/tionscnamh ar leithreasuithe de chineál riaracháin 3.2.3.1. Achoimre
–
¨ Ní éilíonn an togra/tionscnamh go n‑úsáidfear leithreasuithe de
chineál riaracháin –
x Éilíonn an togra/tionscnamh go n‑úsáidfear
leithreasuithe de chineál riaracháin mar a mhínítear thíos: EUR milliúin (go dtí
an tríú deachúil) || 2015 || 2016 || 2017 || 2018 || 2019 || 2020 || IOMLÁN CEANNTEIDEAL 5 den chreat airgeadais ilbhliantúil || || || || || || || Acmhainní daonna || ‑ || ‑ || ‑ || ‑ || ‑ || ‑ || ‑ Caiteachas riaracháin eile || 0,127 || 0,127 || 0,055 || 0,055 || 0,055 || 0,055 || 0,474 Fo‑iomlán CHEANNTEIDEAL 5 den chreat airgeadais ilbhliantúil || 0,127 || 0,127 || 0,055 || 0,055 || 0,055 || 0,055 || 0,474 Lasmuigh de CHEANNTEIDEAL 5[66] den chreat airgeadais ilbhliantúil || || || || || || || Acmhainní daonna || || || || || || || Caiteachas eile de chineál riaracháin || || || || || || || Fo‑iomlán lasmuigh de CHEANNTEIDEAL 5 den chreat airgeadais ilbhliantúil || 0,127 || 0,127 || 0,055 || 0,055 || 0,055 || 0,055 || 0,474 IOMLÁN || 0,127 || 0,127 || 0,055 || 0,055 || 0,055 || 0,055 || 0,474 Soláthrófar na
hacmhainní daonna is gá le baill foirne ón Ard‑Stiúrthóireacht a bhfuil
bainistíocht an bhirt faoina cúram cheana agus/nó atá ath‑imlonnaithe
taobh istigh den Ard‑Stiúrthóireacht, mar aon le haon leithdháileadh
breise a d'fhéadfaí a thabhairt don Ard‑Stiúrthóireacht atá i mbun
bainistíochta faoin nós imeachta maidir le leithdháileadh bliantúil agus na
srianta buiséadacha curtha san áireamh. 3.2.3.2. Na hacmhainní daonna a
mheastar a bheidh riachtanach –
¨ Ní éilíonn an togra/tionscnamh go n‑úsáidfear acmhainní daonna.
–
X Éilíonn an togra/tionscnamh go n‑úsáidfear
acmhainní daonna mar a mhínítear thíos: Sloinnfear an meastachán in aonaid de
choibhéis lánaimseartha || 2015 || 2016 || 2017 || 2018 || 2019 || 2020 XX 01 01 01 (Ceanncheathrú agus Oifigí Ionadaíocht an Choimisiúin) || 18 || 18 || 18 || 18 || 18 || 18 XX 01 01 02 (Toscaireachtaí) || || || || || || XX 01 05 01 (Taighde indíreach) || || || || || || 10 01 05 01 (Taighde díreach) || || || || || || XX 01 02 01 (CA, SNE, INT ón 'gclúdach iomlánaíoch') || 3 || 3 || 3 || 3 || 3 || 3 XX 01 02 02 (CA, LA, SNE, INT agus JED sna toscaireachtaí) || || || || || || XX 01 04 yy || ‑ sa cheanncheathrú || || || || || || ‑ toscaireachtaí || || || || || || XX 01 05 02 (CA,SNE, INT – taighde indíreach) || || || || || || 10 01 05 02 (CA,SNE, INT – taighde díreach) || || || || || || Línte buiséid eile (sonraigh) || || || || || || IOMLÁN (*) || 21 || 21 || 21 || 21 || 21 || 21 Is é XX an réimse
beartais nó an teideal buiséid lena mbaineann. Soláthrófar na hacmhainní
daonna is gá le baill foirne ón Ard‑Stiúrthóireacht a bhfuil bainistíocht
an bhirt faoina gcúram cheana agus/nó atá ath‑imlonnaithe taobh istigh
den Ard‑Stiúrthóireacht, mar aon le haon leithdháileadh breise a
d'fhéadfaí a thabhairt don Ard‑Stiúrthóireacht atá i mbun bainistíochta
faoi chuimsiú an nós imeachta maidir le leithdháileadh bliantúil i bhfianaise
na srianta buiséadacha. Cur síos ar na
cúraimí a bheidh le déanamh: Oifigigh agus foireann shealadach || Beartais a fhorbairt Beartais a chur chun feidhme Pleanáil, cláreagrú, faireachán agus maoirseacht Caidreamh leis na Ballstáit agus páirtithe leasmhara Caibidlíocht, agus ionadaíocht an Choimisiúin, le tríú tíortha Caidreamh le hinstitiúidí agus comhlachtaí eile de chuid an Aontais Foireann sheachtrach || Cabhrú le beartais a chur chun feidhme, faireachán agus teagmhálacha leis na Ballstáit agus páirtithe leasmhara 3.2.4. Comhoiriúnacht don chreat
airgeadais ilbhliantúil reatha –
X Tá an
togra/tionscnamh comhoiriúnach don chreat airgeadais ilbhliantúil reatha. –
¨ Beidh athchlárú an cheannteidil ábhartha sa chreat airgeadais
ilbhliantúil ag gabháil leis an togra/tionscnamh seo. –
¨ Éilíonn an togra/tionscnamh go gcuirfear an ionstraim sholúbthachta i
bhfeidhm nó go ndéanfar athbhreithniú ar an gcreat airgeadais ilbhliantúil. 3.2.5. Ranníocaíochtaí ó thríú
páirtithe –
X Ní dhéantar foráil sa
togra/tionscnamh maidir le cómhaoiniú ó thríú páirtithe. –
Déantar foráil sa togra/tionscnamh maidir le
cómhaoiniú atá réamh‑mheasta thíos 3.3. An tionchar a mheastar a
bheidh ar ioncam –
X Ní bheidh tionchar
airgeadais ar bith ag an togra ar ioncam. –
¨ Beidh an tionchar airgeadais seo a leanas ag an togra/tionscnamh: –
¨ ar acmhainní dílse –
¨ ar ioncam ilghnéitheach [1] Rialachán (CE) Uimh. 834/2007 ón gComhairle an 28 Meitheamh 2007
maidir le táirgeadh orgánach agus lipéadú táirgí orgánacha agus lena n‑aisghairtear
Rialachán (CEE) Uimh. 2092/91 (IO L 189, 20.7.2007, lch. 1). [2] COM(2012) 212 final an 11 Bealtaine 2012
Tuarascáil ón gCoimisiún chuig Parlaimint na hEorpa agus chuig an gComhairle
maidir le cur i bhfeidhm Rialachán (CE) Uimh. 834/2007 maidir le táirgeadh
orgánach agus lipéadú táirgí orgánacha. [3] 8906/13 AGRILEG 56 – Táirgeadh Orgánach: Cur i bhfeidhm
an chreata rialála agus forbairt na hearnála. [4] Teachtaireacht ón gCoimisiún maidir le hOiriúnacht
Rialála an AE an 12 Nollaig 2012– COM(2012)746. [5] Rialachán
(CE) 882/2004 ó Pharlaimint na hEorpa agus ón gComhairle an 29 Aibreán 2004
maidir le feidhmiú rialuithe oifigiúla chun comhlíonadh dlí beatha agus bia,
rialacha sláinte ainmhithe agus leasa ainmhithe a áirithiú (IO L 165,
30.4.2004, lch. 1). [6] Rialachán (AE) Uimh. 1307/2013 ó Pharlaimint na
hEorpa agus ón gComhairle an 17 Nollaig 2013 lena mbunaítear rialacha
maidir le híocaíochtaí díreacha le feirmeoirí faoi scéimeanna tacaíochta faoi
chuimsiú an chomhbheartais talmhaíochta agus lena n‑aisghairtear
Rialachán (CE) Uimh. 637/2008 ón gComhairle agus Rialachán (CE) Uimh. 73/2009
ón gComhairle (IO L 347, 20.12.2013, lch. 608); Rialachán (AE) Uimh. 1308/2013
ó Pharlaimint na hEorpa agus ón gComhairle an 17 Nollaig 2013 lena
mbunaítear comheagraíocht na margaí i dtáirgí talmhaíochta agus lena n‑aisghairtear
Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001,
agus (CE) Uimh. 1234/2007 ón gComhairle (IO L 347, 20.12.2013, lch. 671);
Rialachán (AE) Uimh. 1305/2013 ó Pharlaimint na hEorpa agus ón gComhairle
an 17 Nollaig 2013 maidir le tacaíocht d'fhorbairt tuaithe ón gCiste
Eorpach Talmhaíochta um Fhorbairt Tuaithe (CETFT) agus lena n‑aisghairtear
Rialachán (CE) Uimh. 1698/2005 ón gComhairle (IO L 347, 20.12.2013, lch. 487);
Rialachán (AE) Uimh. 1306/2013 ó Pharlaimint na hEorpa agus ón gComhairle
an 17 Nollaig 2013 maidir leis an gcomhbheartas talmhaíochta a
mhaoiniú, a bhainistiú agus faireachán a dhéanamh air agus lena n‑aisghairtear
Rialacháin (CEE) Uimh. 352/78, (CE) Uimh. 165/94, (CE) Uimh. 2799/98,
(CE) Uimh. 814/2000, (CE) Uimh. 1290/2005 agus (CE) Uimh. 485/2008
ón gComhairle (IO L 347, 20.12.2013, lch 549.) [7] Togra le haghaidh Rialacháin ó Pharlaimint na hEorpa
agus ón gComhairle maidir le rialaithe oifigiúla agus gníomhaíochtaí oifigiúla
eile arna ndéanamh lena áirithiú go gcuirtear i bhfeidhm dlí an bhia agus na
beatha, rialacha maidir le sláinte agus leas ainmhithe, sláinte plandaí agus
ábhair atáirgthe plandaí, táirgí cosanta plandaí agus lena leasaítear
Rialacháin (CE) Uimh. 999/2001, 1829/2003, 1831/2003, 1/2005, 396/2005,
834/2007, 1099/2009, 1069/2009, 1107/2009, Rialacháin (AE) Uimh. 1151/2012,
[....]/2013 [Oifig na bhFoilseachán: cuir isteach uimhir an Rialacháin lena
leagtar síos forálacha maidir le caiteachas a bhaineann leis an mbiashlabhra,
le sláinte agus leas ainmhithe, agus a bhaineann le sláinte plandaí agus ábhar
atáirgthe plandaí a bhainistiú] agus Treoracha 98/58/CE, 1999/74/CE,
2007/43/CE, 2008/119/CE, 2008/120/CE agus 2009/128/CE (Rialachán maidir le
rialuithe oifigiúla), COM(2013) 265 final 6.5.2013. [8] Rialachán (AE) Uimh. 1151/2012 ó Pharlaimint na
hEorpa agus ón gComhairle an 21 Samhain 2012 maidir le scéimeanna
cáilíochta do tháirgí talmhaíochta agus do bhia‑earraí (IO L 343 an
14.12.12, lch. 1). [9] IO C , , lch. . [10] IO C , , lch. . [11] COM(2009) 234 final. [12] Rialachán (AE) Uimh. 1151/2012 ó Pharlaimint na
hEorpa agus ón gComhairle an 21 Samhain 2012 maidir le scéimeanna
cáilíochta do tháirgí talmhaíochta agus do bhia-earraí (IO L 343 an
14.12.12, lch. 1). [13] Rialachán (AE) Uimh. 228/2013 ó Pharlaimint na hEorpa
agus ón gComhairle an 13 Márta 2013 lena leagtar síos bearta sonracha
don talmhaíocht sna réigiúin is forimeallaí den Aontas agus lena n‑aisghairtear
Rialachán (CE) Uimh. 247/2006 (IO L 78, 20.3.2013, lch. 23). [14] Rialachán (AE) Uimh. 1307/2013 ó Pharlaimint na
hEorpa agus ón gComhairle an 17 Nollaig 2013 lena mbunaítear rialacha
maidir le híocaíochtaí díreacha le feirmeoirí faoi scéimeanna tacaíochta faoi
chuimsiú an chomhbheartais talmhaíochta agus lena n‑aisghairtear
Rialachán (CE) Uimh. 637/2008 ón gComhairle agus Rialachán (CE)
Uimh. 73/2009 ón gComhairle (IO L 347, 20.12.2013, lch. 608). [15] Rialachán (AE) Uimh. 1305/2013 ó Pharlaimint na
hEorpa agus ón gComhairle an 17 Nollaig 2013 maidir le tacaíocht
d'fhorbairt tuaithe ón gCiste Eorpach Talmhaíochta um Fhorbairt Tuaithe (CETFT)
agus lena n‑aisghairtear Rialachán (CE) Uimh. 1698/2005 (IO
L 347, 20.12.2013, lch. 549). [16] COM(2011) 244 final, ‘An Bhithéagsúlacht - árachas saoil
agus caipiteal nádúrtha dúinn: Straitéis an AE go dtí 2020’. [17] SWD(2013) 155 final, ‘Bonnegar Glas (BG) – Caipiteal
nádúrtha na hEorpa a neartú’. [18] COM(2006) 231 final, ‘Straitéis Théamach do Chosaint
Ithreach’. [19] Treoir 2009/147/CE ó Pharlaimint na hEorpa agus ón
gComhairle an 30 Samhain 2009 maidir le héin fhiáine a chaomhnú (IO
L 20, 26.1.2010, lch. 7). [20] Treoir 92/43/CEE ón gComhairle an
21 Bealtaine 1992 maidir le gnáthóga nádúrtha agus fauna agus flora
fiáine a chaomhnú (IO L 206, 22.7.1992, lch. 7). [21] Treoir 91/676/CEE ón gComhairle an
12 Nollaig 1991 maidir le huiscí a chosaint ar thruailliú de bharr
níotráití ó fhoinsí talmhaíochta (IO L 375, 31.12.1991, lch. 1). [22] Treoir 2000/60/CE ó Pharlaimint na hEorpa agus ón
gComhairle an 23 Deireadh Fómhair 2000 lena mbunaítear creat do
ghníomhaíocht Chomhphobail i réimse an bheartais uisce (IO L 327,
22.12.00, lch. 1). [23] Treoir 2001/81/CE ó Pharlaimint na hEorpa agus ón
gComhairle an 23 Deireadh Fómhair 2001 maidir le huasteorainneacha
náisiúnta do thruailleáin áirithe san aer (IO L 309, 27.11.2001,
lch. 22). [24] Treoir 2009/18/CE ó Pharlaimint na hEorpa agus ón
gComhairle an 21 Deireadh Fómhair 2009 lena mbunaítear creat le
haghaidh gníomhaíochta Chomhphobail chun úsáid inbhuanaithe lotnaidicídí a
bhaint amach (IO L 309, 24.11.2009, lch. 71.). [25] COM(2010)2020 final. [26] Rialachán (CE) Uimh. 834/2007 ón gComhairle an
28 Meitheamh 2007 maidir le táirgeadh orgánach agus lipéadú táirgí
orgánacha agus lena n‑aisghairtear Rialachán (CEE) Uimh. 2092/91 (IO
L 189, 20.7.2007, lch. 1). [27] Moladh 2003/361/CE ón gCoimisiún an 6 Bealtaine
2003 maidir le micrifhiontair, fiontair bheaga agus mheánmhéide a shainmhíniú.
(IO L 124, 20.05.2003, lch. 36). [28] Rialachán (CE) Uimh. 1107/2009 ó Pharlaimint na
hEorpa agus ón gComhairle an 21 Deireadh Fómhair maidir le táirgí cosanta
plandaí a chur ar an margadh agus lena n‑aisghairtear Treoir 79/117/CEE
agus Treoir 91/414/EEC ón gComhairle (IO L 309, 24.11.2009,
lch. 1). [29] COM(2013) 229, 29.4.2013. [30] Rialachán (CE) Uimh. 889/2008 ón gCoimisiún an
5 Meán Fómhair 2008 lena leagtar síos rialacha mionsonraithe maidir
le cur chun feidhme Rialachán (CE) Uimh. 834/2007 ón gComhairle maidir le
táirgeadh orgánach agus lipéadú táirgí orgánacha i dtaca le táirgeadh, lipéadú
agus rialú orgánach (IO L 250, 18.9.2008, lch. 1) [31] Treoir 2006/125/CE ón gCoimisiún an
5 Nollaig 2006 maidir le bianna gránachbhunaithe próiseáilte agus bia
do naíonáin agus do leanaí óga (IO L 339, 6.12.2006, lch. 16). [32] Rialachán (AE) Uimh. 1169/2011 ó Pharlaimint na
hEorpa agus ón gComhairle an 25 Deireadh Fómhair 2011 maidir le
faisnéis bhia a sholáthar do thomhaltóirí, lena leasaítear Rialacháin (CE)
Uimh. 1924/2006 agus (CE) Uimh. 1925/2006 ó Pharlaimint na hEorpa
agus ón gComhairle, agus lena n‑aisghairtear Treoir 87/250/CEE ón
gCoimisiún, Treoir 90/496/CEE ón gComhairle, Treoir 1999/10/CE ón gCoimisiún,
Treoir 2000/13/CE ó Pharlaimint na hEorpa agus ón gComhairle, Treoracha
2002/67/CE agus 2008/5/CE ón gCoimisiún agus Rialachán (CE) Uimh. 608/2004
ón gCoimisiún (IO L 304, 22.11.2011, lch. 18).– [33] Rialachán (AE) Uimh. XX/XXX ó Pharlaimint na hEorpa
agus ón gComhairle an [...] maidir le rialaithe oifigiúla agus gníomhaíochtaí
oifigiúla eile arna ndéanamh lena áirithiú go gcuirtear i bhfeidhm dlí an bhia
agus na beatha, rialacha maidir le sláinte agus leas ainmhithe, sláinte plandaí
agus ábhair atáirgthe plandaí, táirgí cosanta plandaí agus lena leasaítear
Rialacháin (CE) Uimh. 999/2001, 1829/2003, 1831/2003, 1/2005, 396/2005,
834/2007, 1099/2009, 1069/2009, 1107/2009, Rialacháin (AE)
Uimh. 1151/2012, [....]/2013 [Oifig na bhFoilseachán: cuir isteach uimhir
an Rialacháin lena leagtar síos forálacha maidir le caiteachas a bhaineann leis
an mbiashlabhra, le sláinte agus leas ainmhithe, agus a bhaineann le sláinte
plandaí agus ábhar atáirgthe plandaí a bhainistiú] agus Treoracha 98/58/CE,
1999/74/CE, 2007/43/CE, 2008/119/CE, 2008/120/CE agus 2009/128/CE (Rialachán
maidir le rialuithe oifigiúla) (IO L ...) [34] Rialachán (AE) Uimh. 182/2011 ó
Pharlaimint na hEorpa agus ón gComhairle an 16 Feabhra 2011 lena
leagtar síos na rialacha agus na prionsabail ghinearálta a bhaineann leis na
sásraí maidir le rialú ag na Ballstáit ar fheidhmiú cumhachtaí cur chun feidhme
ag an gCoimisiún (IO L 55, 28.2.2011, lch. 13). [35] Rialachán (AE) Uimh. 1169/2011 ó Pharlaimint na
hEorpa agus ón gComhairle an 25 Deireadh Fómhair 2011 maidir le
faisnéis bhia a sholáthar do thomhaltóirí, lena leasaítear Rialacháin (CE)
Uimh. 1924/2006 agus (CE) Uimh. 1925/2006 ó Pharlaimint na hEorpa
agus ón gComhairle, agus lena n‑aisghairtear Treoir 87/250/CEE ón
gCoimisiún, Treoir 90/496/CEE ón gComhairle, Treoir 1999/10/CE ón gCoimisiún,
Treoir 2000/13/CE ó Pharlaimint na hEorpa agus ón gComhairle, Treoracha
2002/67/CE agus 2008/5/CE ón gCoimisiún agus Rialachán (CE) Uimh. 608/2004
ón gCoimisiún (IO L 304, 22.11.2011, lch. 18). [36] [teideal iomlán] (IO L,...). [37] [teideal iomlán] (IO L,...). [38] Rialachán (AE) Uimh. 1308/2013 ó Pharlaimint na
hEorpa agus ón gComhairle an 17 Nollaig 2013 lena mbunaítear
comheagraíocht na margaí i dtáirgí talmhaíochta agus lena n‑aisghairtear
Rialacháin (CEE) Uimh. 922/72, (CEE) Uimh. 234/79, (CE)
Uimh. 1037/2001, agus (CE) Uimh. 1234/2007 ón gComhairle (IO
L 347, 20.12.2013, lch. 671). [39] Rialachán (AE) Uimh. 1380/2013 ó Pharlaimint na
hEorpa agus ón gComhairle an 11 Nollaig 2013 maidir leis an gComhbheartas
Iascaigh,
lena leasaítear Rialachán (CE) Uimh. 1954/2003 ón gComhairle
agus Rialachán (CE) Uimh. 1224/2009 ón gComhairle agus lena n‑aisghairtear
Rialachán (CE) Uimh. 2371/2002 ón gComhairle, Rialachán (CE)
Uimh. 639/2004 ón gComhairle agus Cinneadh 2004/585/CE (IO L 354,
28.12.2013, lch. 22). [40] Treoir 2001/82/CE ó Pharlaimint na hEorpa agus ón
gComhairle an 6 Samhain 2001 maidir leis an gcód Comhphobail a
bhaineann le táirgí míochaine tréidliachta (IO L 311, 28.11.2001,
lch. 1). [41] Rialachán (CE) Uimh. 178/2002 ó Pharlaimint na hEorpa
agus ón gComhairle an 28 Eanáir 2002 lena leagtar síos prionsabail
ghinearálta agus ceanglais ghinearálta dhlí an bhia, lena mbunaítear an tÚdarás
Eorpach um Shábháilteacht Bia agus lena leagtar síos nósanna imeachta i ndáil
le sábháilteacht bia (IO L 31, 01.02.2002, lch. 1). [42] Rialachán (CE) Uimh. 767/2009 ó Pharlaimint na hEorpa
agus ón gComhairle an 13 Iúil 2009 maidir le beatha a chur ar an
margadh agus a úsáid, lena leasaítear Rialachán (CE) Uimh. 1831/2003 ó
Pharlaimint na hEorpa agus ón gComhairle agus lena n‑aisghairtear Treoir
79/373/CEE ón gComhairle, Treoir 80/511/CEE ón gCoimisiún, Treoracha
82/471/CEE, 83/228/CEE, 93/74/CEE, 93/113/CE agus 96/25/CE ón gComhairle agus
Cinneadh 2004/217/CE ón gCoimisiún (IO L 229, 1.9.2009, lch. 1). [43] Treoir 2001/18/CE ó Pharlaimint na hEorpa agus ón
gComhairle an 12 Márta 2001 maidir le scaoileadh réamhbheartaithe
orgánach géinmhodhnaithe isteach sa chomhshaol agus lena n‑aisghairtear
Treoir 90/220/CEE ón gComhairle (IO L 106, 17.4.2001, lch. 1). [44] Rialachán (CE) Uimh. 1333/2008 ó Pharlaimint na
hEorpa agus ón gComhairle an 16 Nollaig 2008 maidir le breiseáin bia
(IO L 354, 31.12 2008, lch. 16). [45] Rialachán (CE) Uimh. 1831/2003 ó Pharlaimint na
hEorpa agus ón gComhairle an 22 Meán Fómhair 2003 maidir le breiseáin
lena n‑úsáid i gcothú ainmhithe (IO L 268, 18.10.2003,
lch. 29). [46] Rialachán (CE) Uimh. 1332/2008 ó Pharlaimint na
hEorpa agus ón gComhairle an 16 Nollaig 2008 maidir le heinsímí bia
agus lena leasaítear Treoir 83/417/CEE ón gComhairle, Rialachán (CE)
Uimh. 1493/1999 ón gComhairle, Treoir 2000/13/CE, Treoir 2001/112/CE ón
gComhairle agus Rialachán (CE) Uimh. 258/97 (IO L 354, 31.12.2008,
lch. 7) [47] Treoir 96/29/Euratom ón gComhairle an
13 Bealtaine 1996 lena leagtar síos caighdeáin bhunúsacha
sábháilteachta chun sláinte oibrithe agus an phobail i gcoitinne a chosaint ar
na contúirtí a éiríonn as radaíocht ianúcháin (IO L 159, 29.6.1996,
lch. 1). [48] Rialachán (CE) Uimh. 1829/2003 ó Pharlaimint na
hEorpa agus ón gComhairle an 22 Meán Fómhair 2003 maidir le bia agus
beatha atá géinmhodhnaithe (IO L 268, 18.10.2003, lch. 1). [49] Rialachán (CE) Uimh. 1830/2003 ó Pharlaimint na
hEorpa agus ón gComhairle an 22 Meán Fómhair 2003 maidir le
hinrianaitheacht agus lipéadú orgánach géinmhodhnaithe agus inrianaitheacht
táirgí bia agus beatha a tháirgtear ó orgánaigh ghéinmhodhnaithe agus lena
leasaítear Treoir 2001/18/CE (IO L 268, 18.10.2003, lch. 24). [50] Treoir 95/46/CE an 24 Deireadh fómhair 1995
maidir le daoine aonair a chosaint i dtaca le próiseáil sonraí pearsanta agus
maidir le saorghluaiseacht sonraí den sórt sin a rialaíonn cosaint daoine
aonair maidir le próiseáil sonraí pearsanta (IO L 281, 23.11.1995,
lch. 31). [51] Rialachán (CE) Uimh. 765/2008 ó Pharlaimint na hEorpa
agus ón gComhairle an 9 Iúil 2008 lena leagtar amach na ceanglais
maidir le creidiúnú agus maidir le faireachas margaidh a bhaineann le táirgí a
mhargú, agus lena n‑aisghairtear Rialachán (CEE) Uimh. 339/93 (IO
L 218, 13.8, lch. 30). [52] 6 mhí ar a laghad tar éis a theachta i bhfeidhm. [53] ABM: bainistiú de réir gníomhaíochtaí – ABB: bunú an
bhuiséid de réir gníomhaíochtaí. [54] Mar a thagraítear dó in Airteagal 54(2)(a) nó (b) den
Rialachán Airgeadais [55] Airteagal 110 de Rialachán (AE) Uimh. 1306/2013
ó Pharlaimint na hEorpa agus ón gComhairle maidir leis an gcomhbheartas
talmhaíochta a mhaoiniú, a bhainistiú agus faireachán a dhéanamh air. [56] Sanders, J (eag.) 2013: Evaluation of the EU legislation
on organic farming (meastóireacht ar reachtaíocht an AE maidir le
feirmeoireacht orgánach), Thünen Institute of Farm Economics http://ec.europa.eu/agriculture/evaluation/market‑and-income-reports/organic-farming-2013_en.htm [57] Rialachán (AE) Uimh. 1307/2013
ó Pharlaimint na hEorpa agus ón gComhairle lena mbunaítear rialacha maidir le
híocaíochtaí díreacha le feirmeoirí faoi scéimeanna
tacaíochta faoi chuimsiú an chomhbheartais talmhaíochta agus lena n‑aisghairtear
Rialachán (CE) Uimh. 637/2008
ón gComhairle agus Rialachán (CE) Uimh. 73/2009 ón gComhairle. [58] Rialachán (AE) Uimh. 1305/2013 ó Pharlaimint na
hEorpa agus ón gComhairle maidir le tacaíocht don fhorbairt tuaithe ón gCiste
Eorpach Talmhaíochta um Fhorbairt Tuaithe (CETFT) agus lena n‑aisghairtear
Rialachán (CE) Uimh. 1698/2005 ón gComhairle. [59] Is féidir mionsonraí faoi na modhanna bainistíochta agus
tagairtí don Rialachán Airgeadais a fheiceáil ar shuíomh gréasáin Ard‑Stiúrthóireacht
an Bhuiséid:
http://www.cc.cec/budg/man/budgmanag/budgmanag_en.html [60] LD = Leithreasuithe difreáilte / LN = Leithreasuithe
neamhdhifreáilte [61] CSTE: Comhlachas Saorthrádála na hEorpa. [62] Tíortha is iarrthóirí agus, nuair is iomchuí, tíortha ó na
Balcáin Thiar a d'fhéadfadh a bheith ina n‑iarrthóirí . [63] Cúnamh agus caiteachas teicniúil agus/nó riaracháin ar
mhaithe le cláir agus/nó bearta AE (seanlínte "BA"), taighde
indíreach, taighde díreach a chur chun feidhme. [64] Is éard atá in aschuir táirgí agus seirbhísí le soláthar
(e.g.: líon na malartuithe mac léinn a fhaigheann maoiniú, iomlán km de
bhóithre a rinneadh, etc.). [65] I gcomhréir le Comhchreat Faireacháin agus Meastóireachta
an CBT, bunófar comhchreat faireacháin agus meastóireachta ó 2014 ar aghaidh
agus, dá bhrí sin, tabharfar táblaí táscairí i gcrích go cuí tráth níos déanaí. [66] Cúnamh agus caiteachas teicniúil agus/nó riaracháin ar
mhaithe le cláir agus/nó bearta AE (seanlínte "BA"), taighde
indíreach, taighde díreach a chur chun feidhme. IARSCRÍBHINN I TÁIRGÍ
EILE DÁ dTAGRAÍTEAR IN AIRTEAGAL 2(1) –
giostaí a úsáidtear mar bhia nó mar bheatha, –
beoir, –
maté, –
eastóscanna, úscraí agus tiúcháin chaife, tae nó
maté, agus ullmhóidí de bhunús na dtáirgí sin, nó de bhunús caife, tae nó maté;
siocaire rósta agus ionadaigh chaife rósta eile, agus eastóscanna, úscraí agus
tiúcháin díobh sin, –
neachtair thorthaí, –
leafaos, im, ola agus púdar cacó; seacláid agus
ullmhóidí bia eile le cacó, –
milseogra siúcra, –
ullmhóidí gránach, plúir, stáirse nó bainne;
táirgí taosráin, –
anraithí, –
anlann, –
béilí cócaráilte, –
uachtar reoite, –
iógairt bhlaistithe, iógairt arna mbreisiú le
torthaí, cnónna nó cacó, –
salann farraige, –
gumaí agus roisíní nádúrtha, –
pailin, –
céir bheach, –
blátholaí, –
deochanna biotáilleacha ar choinníoll gur de
thionscnamh talmhaíochta amháin an t-alcól eitile a úsáidtear le haghaidh
tháirgeadh na ndeochanna biotáilleacha. IARSCRÍBHINN II RIALACHA
TÁIRGTHE SONRACHA DÁ dTAGRAÍTEAR I gCAIBIDIL III Cuid
I: Rialacha maidir le táirgeadh plandaí Chomh maith leis na rialacha táirgthe a
leagtar síos in Airteagail 7 go 10, beidh feidhm ag na rialacha a leagtar síos
sa Chuid seo maidir le táirgeadh plandaí orgánacha. 1.
Ceanglais ghinearálta 1.1.
Tá toirmeasc ar tháirgeadh hidreaponach, ar modh é
chun plandaí a fhás lena bhfréamhacha i dtuaslagán cothaitheach amháin, nó i
meán támh ina gcuirtear tuaslagán cothaitheach. 1.2.
Coiscfidh na teicnící go léir a úsáidtear chun
plandaí a tháirgeadh éilliú comhshaoil, nó íoslaghdóidh siad éilliú comhshaoil. 1.3.
Tiontú 1.3.1.
Má táthar chun a mheas gur plandaí agus táirgí
plandaí orgánacha atá i gceist, ní mó go mbeadh feidhm ag na rialacha táirgthe
a leagtar síos sa Rialachán seo ar na dáileachtaí le linn tréimhse tiontaithe
dhá bhliain ar a laghad roimh síol a chur, nó dhá bhliain ar a laghad sula n-úsáidtear
mar bheatha ó tháirgeadh orgánach iad i gcás féarthailte nó foráiste
ilbhliantúil, nó trí bliana ar a laghad roimh shábháil na dtáirgí orgánacha den
chéad uair i gcás barr ilbhliantúil nach foráiste é. 1.3.2.
Féadfaidh an t-údarás inniúil a chinneadh síneadh a
chur leis an tréimhse tiontaithe le go mbeidh sé níos faide ná an tréimhse
tiontaithe dá dtagraítear i bpointe 1.3.1, i gcásanna inar éillíodh an talamh
le táirgí nár údaraíodh le haghaidh táirgthe orgánaí. 1.3.3.
Teastóidh tréimhse tiontaithe nua i gcomhréir le
pointe 1.3.1 ón údarás inniúil i gcás inar baineadh úsáid as táirge nár
údaraíodh le haghaidh táirgthe orgánaigh. Féadfar an
tréimhse sin a ghiorrú sa dá chás seo a leanas: (a)
úsáid táirge nár údaraíodh le haghaidh táirgthe
orgánaigh mar chuid de bheart rialaithe éigeantach in aghaidh lotnaidí nó
fiailí, lena n-áirítear orgánaigh coraintín nó speicis ionracha, arna bhforchur
ag údarás inniúil an Bhallstáit; (b)
úsáid táirge nár údaraíodh le haghaidh táirgthe
orgánaigh mar chuid de thástálacha eolaíochta arna bhformheas ag údarás inniúil
an Bhallstáit. 1.3.4.
Sna cásanna dá dtagraítear i bpointe 1.3.2 agus i
bpointe 1.3.3, cuirfear na fachtóirí seo a leanas san áireamh agus fad na
tréimhse tiontaithe á shocrú: (a)
gur féidir a ráthú go mbeidh leibhéal
neamhshuntasach fuíll san ithir tar éis phróiseas díghrádaithe an táirge lena
mbaineann ag deireadh na tréimhse tiontaithe, nó sa phlanda i gcás bairr
ilbhliantúil; (b)
ní fhéadfar tagairt a dhéanamh do tháirgeadh
orgánach agus an barr i ndiaidh na cóireála á dhíol. 1.3.5.
Ba cheart na rialacha sonracha
maidir le tiontú talún a bhfuil baint acu le táirgeadh beostoic orgánaigh a
bheith mar seo a leanas: 1.3.5.1.
Beidh feidhm ag na rialacha tiontaithe ar limistéar
iomlán an aonaid táirgthe ar a bhfuil beatha ainmhithe á tháirgeadh. 1.3.5.2.
D'ainneoin pointe 1.3.5.1, féadfar an tréimhse
tiontaithe a laghdú go haon bhliain amháin i gcás féaraigh agus limistéir taobh
amuigh atá á n-úsáid ag speicis nach luibhiteoirí iad. 1.4.
Tionscnamh plandaí lena
n-áirítear ábhar atáirgthe plandaí 1.4.1.
Ní úsáidfear ach ábhar atáirgthe plandaí a
táirgeadh go horgánach chun plandaí agus táirgí plandaí a tháirgeadh. Chuige
sin, táirgfear an planda atá beartaithe le haghaidh ábhair atáirgthe plandaí a
thairgeadh, agus an máthairphlanda nuair is iomchuí, i gcomhréir leis an
Rialacháin seo ar feadh aon ghlúine amháin ar a laghad, nó ar feadh aon ghlúine
amháin ar a laghad le linn dhá shéasúr fáis i gcás barr ilbhliantúil. 1.4.2.
Úsáid a bhaint as ábhar
atáirgthe plandaí nach bhfuarthas ó tháirgeadh orgánach Ní fhéadfar ábhar atáirgthe plandaí nach bhfuarthas ó
tháirgeadh orgánach a úsáid ach amháin má thagann sé ó aonad táirgthe atá á
thiontú go táirgeadh orgánach, nó má tá údar lena úsáid ar mhaithe le cúrsaí
taighde, tástálacha allamuigh ar mhionscála, nó chun acmhainní géiniteacha a
chaomhnú, a comhaontaíodh le húdarás inniúil an Bhallstáit. 1.5.
Bainistíocht ithreach agus
leasú 1.5.1.
Agus plandaí orgánacha á dtáirgeadh bainfear úsáid
as cleachtais churaíochta agus shaothraithe a chaomhnaíonn nó a mhéadaíonn an
t-ábhar orgánach san ithir, a chuireann le cobhsaíocht agus bithéagsúlacht
ithreach, agus a choisceann stuáil agus creimeadh ithreach. 1.5.2.
Caomhnófar agus méadófar torthúlacht agus
gníomhaíocht bhitheolaíoch na hithreach le huainíocht bairr ilbhliantúil,
léagúim agus barra aoiligh glasa eile ina measc, agus trí aoileach beostoic nó
ábhar orgánach ó tháirgeadh orgánach a úsáid, iad araon muirínithe más féidir. 1.5.3.
I gcás nach féidir freastal a dhéanamh ar
riachtanais chothaithe plandaí leis na bearta dá dtagraítear i bpointe 1.5.1.
agus 1.5.2 ní fhéadfar ach leasacháin agus oiriúntóirí ithreach arna n-údarú
lena n-úsáid sa táirgeadh orgánach de bhun Airteagal 19 a úsáid, agus ní
fhéadfar iad a úsáid ach a mhéad is gá. 1.5.4.
Ní rachaidh méid iomlán an aoiligh beostoic, mar
atá sainmhínithe i dTreoir 91/676/CEE[1] ón
gComhairle, a úsáidtear ar an ngabháltas talmhaíochta thar 170 kg in aghaidh na
bliana/heicteár an limistéir talmhaíochta in úsáid. Ní bheidh feidhm ag an
teorainn sin ach maidir le haoileach, aoileach triomaithe agus aoileach
éanlaithe clóis díhiodráitithe, tuartha muirínithe ainmhithe, lena n-áirítear
aoileach éanlaithe clóis, aoileach muirínithe agus tuartha leachtacha ainmhithe
a úsáid. 1.5.5.
Is féidir le gabháltais atá i mbun táirgthe
orgánaigh comhaontuithe comhair scríofa a dhéanamh go heisiach le gabháltais
agus fiontair talmhaíochta eile a chomhlíonann na rialacha maidir le táirgeadh
orgánach, agus é ar intinn acu fuílleach aoiligh ó tháirgeadh orgánach a
leathadh. Déanfar an uasteorainn dá dtagraítear i bpointe 1.5.4 a ríomh ar
bhonn na n-aonad táirgthe orgánaigh go léir atá páirteach i gcomhar den chineál
sin. 1.5.6.
Féadfar ullmhóidí de mhiocrorgánaigh a úsáid chun
riocht na hithreach ina hiomláine a fheabhsú, nó chun infhaighteacht
cothaitheach san ithir nó sna barra a fheabhsú. 1.5.7.
Féadfar ullmhóidí iomchuí planda-bhunaithe nó
ullmhóidí de mhiocrorgánaigh a úsáid chun múirín a ghníomhachtú. 1.5.8.
Ní úsáidfear leasacháin nítrigine mianraí. 1.6.
Bainistiú lotnaidí agus fiailí 1.6.1.
Beidh an cosc ar dhamáiste de dheasca lotnaidí agus
fiailí ag brath go príomha ar an gcosaint ó: –
naimhde nádúrtha, –
an rogha speicis, éagsúlachtaí agus ábhar
ilchineálach, –
uainíocht na mbarr, –
teicnící saothraithe amhail bitoitriú, agus –
próisis theirmeacha amhail grianadh agus
galchóireáil éadomhain na hithreach (síos go huasdoimhneacht 10 cm). 1.6.2.
I gcás nach dtugann na bearta dá bhforáiltear i
bpointe 1.6.1 dóthain cosanta do phlandaí ó lotnaidí nó i gcás gur cinnte go
bhfuil barra faoi bhagairt sheanbhunaithe, ní fhéadfar ach táirgí arna n-údarú
lena n-úsáid sa táirgeadh orgánach de bhun Airteagal 19 a úsáid, agus ní
fhéadfar iad a úsáid ach a mhéad is gá. 1.6.3.
Cuirfidh gaistí nó rannóirí na dtáirgí seachas
fearamóin, cosc ar scaoileadh na substaintí sa timpeallacht agus cuirfidh siad
cosc ar theagmháil idir na substaintí agus na barra atá á saothrú. Baileofar na
gaistí tar éis iad a úsáid, agus diúscrófar ar bhealach sábháilte iad. 1.7.
Táirgí a úsáidtear le haghaidh glantacháin agus
díghalraithe Maidir le
glantachán agus díghalrú, ní úsáidfear ach na táirgí glantacháin agus
díghalraithe arna n-údarú lena n-úsáid sa táirgeadh orgánach de bhun Airteagal
19. 2.
Ceanglais maidir le plandaí nó táirgí planda
sonracha 2.1.
Rialacha maidir le táirgeadh muisiriún Féadfar substráití
a úsáid le haghaidh muisiriúin a tháirgeadh, mura bhfuil iontu ach na
comhpháirteanna a leanas: (a)
aoileach agus tuartha ainmhithe: (i) ó ghabháltais talmhaíochta a tháirgeann
i gcomhréir leis na rialacha maidir le táirgeadh orgánach; nó (ii) dá dtagraítear i bpointe 1.5.3, ach
amháin mura bhfuil fáil ar an táirge dá dtagraítear i bpointe (i), ar an
gcoinníoll nach dtéann an t-aoileach agus na tuartha ainmhithe i gceist thar
25 % de mheáchan iomlán chomhpháirteanna na substráite, cé is moite den
ábhar clúdaithe agus aon uisce breise a cuireadh leis, sula ndearnadh é a
mhúiríniú; (b)
táirgí de thionscnamh talmhaíochta, seachas iad sin
dá dtagraítear i bpointe (a), ó ghabháltais talmhaíochta atá i mbun táirgthe i
gcomhréir leis na rialacha maidir le táirgeadh orgánach; (c)
móin nár cóireáladh go ceimiceach; (d)
adhmad, nár cóireáladh le táirgí ceimiceacha tar
éis é a leagan; (e)
táirgí mianraí dá dtagraítear i bpointe 1.5.3.,
uisce agus ithir. 2.2.
Rialacha maidir le plandaí fiáine a bhailiú Meastar gur
táirgeadh orgánach is ea bailiú plandaí fiáine atá ag fás go nádúrtha i
limistéir nádúrtha, foraoisí agus limistéir talmhaíochta, chomh maith le bailiú
codanna de na plandaí sin, ar an gcoinníoll: (a)
nár baineadh úsáid as aon táirgí sna limistéir sin,
seachas táirgí arna n-údarú lena n-úsáid sa táirgeadh orgánach de bhun
Airteagal 19, ar feadh tréimhse trí bliana ar a laghad sula ndearnadh an bailiú; (b)
nach gcuireann an bailiú isteach ar chobhsaíocht na
gnáthóige nádúrtha nó cothabháil na speiceas sa limistéar bailithe. Cuid
II: Rialacha maidir le táirgeadh beostoic Comh maith leis na rialacha táirgthe a leagtar
síos in Airteagail 7, 8, 9 agus 11, beidh feidhm ag na rialacha a leagtar síos
sa Chuid seo maidir le táirgeadh beostoic. 1.
Ceanglais ghinearálta 1.1.
Beidh toirmeasc ar thairgeadh beostoic gan
ghabháltas i gcás nach ndéanann an feirmeoir atá i mbun beostoc a tháirgeadh
bainistíocht ar thalamh talmhaíochta agus nach bhfuil comhaontú comhair scríofa
le feirmeoir eile aige. 1.2.
Tiontú 1.2.1.
Tosóidh an tréimhse tiontaithe ar a luaithe tar éis
don fheirmeoir fógra a thabhairt faoina ghníomhaíocht do na húdaráis inniúla
agus a ghabháltas a chur faoin gcóras rialaithe i gcomhréir leis an Rialachán
seo. 1.2.2.
Leagtar amach na tréimhsí tiontaithe a bhaineann go
sonrach leis an gcineál táirgthe ainmhithe i bpointe 2. 1.2.3.
Ní dhéanfar ainmhithe agus táirgí ainmhithe a
tháirgtear le linn na tréimhse tiontaithe a mhargú mar chinn orgánacha. 1.2.4.
Measfar go bhfuil ainmhithe agus táirgí ainmhithe
orgánach ag deireadh na tréimhse tiontaithe má thiontaítear an t-aonad táirgthe
ina iomláine, lena n-áirítear beostoc, féaraigh nó aon talamh a úsáidtear le
haghaidh beatha ainmhithe ag an tráth céanna. 1.3.
Tionscnamh ainmhithe 1.3.1.
Saolófar agus tógfar beostoc orgánach ar
ghabháltais talmhaíochta orgánacha. 1.3.2.
D'fhéadfaí a mheas gur ainmhithe orgánacha agus
táirgí orgánacha iad na hainmhithe a bhí ar an ngabháltas talmhaíochta ag tús
na tréimhse tiontaithe, agus a gcuid táirgí, tar éis chomhlíonadh na tréimhse
tiontaithe is infheidhme dá dtagraítear i bpointe 2. 1.3.3.
Maidir le pórú ainmhithe orgánacha: (a)
bainfear úsáid as modhanna nádúrtha le haghaidh
atáirgthe; mar sin féin, ceadófar inseamhnú saorga; (b)
ní dhéanfar an t-atáirgeadh a spreagadh le hormóin
ná le substaintí den chineál sin, ach amháin i bhfoirm cóireála teiripí
tréidliachta i gcás ainmhí aonair; (c)
ní bhainfear úsáid as cineálacha eile atáirgthe
saorga, amhail clónáil agus traschur sutha; (d)
déanfar rogha pórtha iomchuí agus cuirfidh an rogha
leis an bhfulaingt a chosc agus leis an ngá le hainmhithe a chiorrú a
sheachaint. 1.3.4.
Agus pórtha nó tréithchineálacha á roghnú,
tabharfar aird ar chumas na n-ainmhithe dul i dtaithí ar dhálaí áitiúla gan
dochar a dhéanamh dá leas, dá n-acmhainneacht agus dá bhfrithsheasmhacht i
gcoinne galar. Chomh maith leis sin, roghnófar pórtha nó tréithchineálacha
ainmhithe d'fhonn galair sonracha nó fadhbanna sláinte a sheachaint, ar galair
nó fadhbanna iad a bhaineann le pórtha nó tréithchineálacha áirithe a mbaintear
úsáid astu i ndiantháirgeadh, amhail siondróm struis na muc, an siondróm
liathbhán bog tais, bás tobann, breith anabaí agus breitheanna deacra ina
mbíonn gá le gearradh Caesarach. Tabharfar tosaíocht do phórtha agus do thréithchineálacha
dúchasacha. 1.3.5.
Chun críocha pórúcháin, féadfar ainmhithe nár
tógadh go horgánach a thabhairt isteach ar ghabháltas talamhaíochta nuair atá
baol ann go gcaillfear pórtha ón bhfeirmeoireacht i gcomhréir le hIarscríbhinn
IV a ghabhann le Rialachán (CE) Uimh. 1974/2006[2] agus ní gá nár
saolaíodh aon sliocht go fóill d'ainmhithe na bpórtha sin. 1.4.
Cothú 1.4.1.
Ceanglais ghinearálta maidir le cothú Beidh feidhm ag na
rialacha seo a leanas maidir le cothú: (a)
gheofar beatha do bheostoc go príomha ón ngabháltas
talmhaíochta ar a gcoinnítear na hainmhithe nó ó ghabháltais orgánacha eile sa
réigiún céanna; (b)
maidir le beatha beostoic, tabharfar beatha
orgánach dóibh a chomhlíonann riachtanais chothaitheacha na n-ainmhithe ag na
céimeanna éagsúla dá bhforbairt. Ní cheadófar beathú srianta sa táirgeadh
beostoic; (c)
toirmeascfar beostoc a choinneáil i ndálaí, nó iad
a chur ar aiste bia, a d'fhéadfadh ainéime a spreagadh; (d)
beidh cleachtais ramhraithe iniompaithe ag gach
céim sa phróiseas tógála. Toirmeascfar beathú iallaigh; (e)
beidh rochtain i gcónaí ag beostoc, seachas beacha,
ar fhéarach nó ar ghairbhseach; (f)
ní bhainfear úsáid as spreagthóirí fáis nó as
aimínaigéid shintéiseacha; (g)
beathófar ainmhithe diúil le bainne máthartha más
féidir ar feadh íostréimhse; (h)
ní bhainfear úsáid as ábhair bia de thionscnamh
breiseáin beatha, táirgí áirithe a úsáidtear sa chothú ainmhithe agus áiseanna
próiseála ach amháin má tá siad údaraithe le húsáid sa táirgeadh orgánach de
bhun Airteagal 19. 1.4.2.
Innilt ar choimín agus buailteachas 1.4.2.1.
Féadfar ainmhithe orgánacha a chur ag innilt ar
choimín, ar an gcoinníoll: (a)
go mbainistítear an coimín go hiomlán i gcomhréir
leis an Rialachán seo; (b)
gur ainmhithe arna ndíorthú ó chóras táirgthe atá
coibhéiseach le ceann de na córais dá bhforáiltear in Airteagal 28 agus
Airteagal 30 de Rialachán (AE) Uimh. 1305/2013 iad aon ainmhithe
neamh-orgánacha a bhaineann úsáid as an talamh sin[3]; (c)
ní mheasfar gur ó tháirgeadh orgánach aon táirgí
beostoic ó ainmhithe orgánacha agus iad i mbun na talún seo a úsáid, ach amháin
más féidir a chruthú go raibh scaradh leordhóthanach ó ainmhithe
neamh-orgánacha. 1.4.2.2.
Féadfaidh ainmhithe féar ar thalamh neamh-orgánach
a innilt le linn na tréimhse buailteachais nuair atá siad á mbogadh ag siúl de
chois ó limistéar innilte amháin go dtí limistéar innilte eile. Beidh cead
beatha neamh-orgánach, i bhfoirm féir agus fásra eile atá á n-innilt ag na
hainmhithe, a ithe ar feadh 35 lá ar a mhéad, an turas ar an mbealach amach
agus an turas fillte san áireamh. 1.4.3.
Beatha atá á thiontú 1.4.3.1.
Maidir le gabháltais talmhaíochta atá á dtiontú,
féadfar suas le 15 % de mheánmhéad iomlán an ábhair beathaithe a thugtar
do bheostoc teacht ó innilt nó sábháil féarach buan, dáileachtaí foráiste
ilbhliantúla nó barra próitéine, arna gcur faoi bhainistíocht orgánach ar
thailte le linn na chéad bliana tiontaithe, ar an gcoinníoll gur chuid den
ghabháltas é féin iad. Ní fhéadfar ábhar beathaithe sa chéad bhliain tiontaithe
a úsáid le beatha próiseáilte orgánach a tháirgeadh. I gcás ina n-úsáidtear
idir ábhar beathaithe atá á thiontú agus ábhar beathaithe ó dháileachtaí le
linn a gcéad bhliana tiontaithe, ní bheidh céatadán iomlán an dá chineál ábhair
beathaithe níos mó ná na huaschéatadáin atá leagtha síos i bpointe 1.4.3.2. 1.4.3.2.
I gcás gabháltas talmhaíochta orgánach, féadfar
suas le 20 % ar an meán den bheatha a theacht ó ábhar beathaithe atá á
thiontú, eadhon ábhar beathaithe ón dara bliain tiontaithe. Maidir le
gabháltais thalmhaíochta atá á dtiontú, i gcás go dtagann an t-ábhar beathaithe
atá á thiontú ón ngabháltas féin, féadfar an céatadán sin a ardú go 100. 1.4.3.3.
Déanfar na figiúirí i bpointe 1.4.3.1 agus i
bpointe 1.4.3.2 a ríomh go bliantúil mar chéatadán den ábhar tirim in ábhar
beathaithe de thionscnamh plandaí. 1.4.4.
Ábhair agus substaintí áirithe bia a úsáid i
mbeatha Ní fhéadfar ach
ábhar bia orgánach de bhunús ainmhithe chomh maithe le hábhair bia agus
breiseáin bia arna n-údarú lena n-úsáid sa táirgeadh orgánach de bhun Airteagal
19 a úsáid chun ábhar bia orgánach a phróiseáil agus chun ainmhithe orgánacha a
bheathú. 1.5.
Cúram sláinte 1.5.1.
Cosc galar 1.5.1.1.
Bunófar cosc galar ar na nithe seo a leanas: roghnú
pórtha agus tréithchineálacha, cleachtais feirmeoireachta maidir le bainistiú,
aclaíocht agus beatha d'ardchaighdeán, dlús stocála iomchuí, tithíocht iomchuí
agus leordhóthanach a choinnítear faoi dhálaí maithe sláinteachais. 1.5.1.2.
Ceadófar táirgí míochaine tréidliachta
imdhíoneolaíocha a úsáid. 1.5.1.3.
Toirmeascfar táirgí míochaine tréidliachta
allapatacha atá sintéisithe go ceimiceach nó antaibheathaigh a úsáid le
haghaidh cóireála coiscthí. 1.5.1.4.
Toirmeascfar úsáid substaintí chun fás nó táirgeadh
a spreagadh (lena n-áirítear antaibheathaigh, coicideastait agus áiseanna
saorga eile chun críoch fás a spreagadh) agus toirmeascfar hormóin nó
substaintí comhchosúla a úsáid chun atáirgeadh a rialú nó chun críocha eile
(e.g. chun éastras a spreagadh nó a shioncronú). 1.5.1.5.
I gcás go dtagann beostoc ó aonaid neamh-orgánacha,
beidh feidhm ag bearta speisialta amhail tástálacha scagtha nó tréimhsí
coraintín, ag brath ar na cúinsí áitiúla. 1.5.1.6.
Maidir le glantachán agus díghalrú, ní úsáidfear i
bhfoirgnimh agus i suiteálacha beostoic ach na táirgí glantacháin agus
díghalraithe arna n-údarú lena n-úsáid sa táirgeadh orgánach de bhun Airteagal
19. 1.5.1.7.
Déanfar tithíocht, cróite, fearas agus gléasanna a
ghlanadh agus a dhíghalrú i gceart chun tras-ionfhabhtú agus méadú ar líon na
n-orgánach a iompraíonn galar a chosc. Déanfar faecas, fual agus aon bheatha
nár itheadh nó a doirteadh a ghlanadh ón áit chomh minic agus is gá chun boladh
a laghdú agus chun mealladh feithidí nó creimirí a sheachaint. Féadfar creimiricídí
(i ngaistí amháin) agus táirgí arna n-údarú lena n-úsáid sa táirgeadh orgánach
de bhun Airteagal 19 a úsáid chun feithidí agus lotnaidí eile a dhíbirt ó
fhoirgnimh agus ó shuiteálacha eile ina gcoinnítear beostoc. 1.5.2.
Cóireáil tréidliachta 1.5.2.1.
I gcás go mbuaileann ainmhithe tinn nó go n-éiríonn
siad gortaithe in ainneoin beart coisctheach cuirfear cóireáil orthu láithreach
bonn. 1.5.2.2.
Cuirfear cóireáil in aghaidh galair ar fáil
láithreach bonn chun fulaingt an ainmhí a sheachaint. féadfar táirgí míochaine
tréidliachta allapatacha atá sintéisithe go ceimiceach, lena n-áirítear
antaibheathaigh, a úsáid nuair is gá agus faoi dhianchoinníollacha agus faoi
fhreagracht tréidlia, i gcás nach iomchuí táirgí fíti-teiripeacha agus
hoiméapatacha ná táirgí eile a úsáid. Saineofar srianta maidir le cúrsaí
cóireála agus tréimhsí aistarraingthe go háirithe. 1.5.2.3.
Úsáidfear ábhar bia de bhunús mianraí agus
breiseáin cothaithe arna n-údarú lena n-úsáid sa táirgeadh orgánach de bhun
Airteagal 19 agus táirgí fíti-teiripeacha agus hoiméapatacha de rogha ar
chóireáil tréidliachta allapatach atá sintéisithe go ceimiceach lena n-áirítear
antaibheathaigh, ar an gcoinníoll go bhfuil éifeacht theiripeach éifeachtacht
leo i leith speiceas an ainmhí sin, agus i leith an riochta ar a bhfuil an
chóireáil dírithe. 1.5.2.4.
Cé is moite de vacsaínigh, cóireálacha le haghaidh
seadán agus scéimeanna díothú éigeantacha i gcás gur cuireadh cóireáil ar
ainmhí nó ar ghrúpa ainmhithe níos mó ná trí uaire laistigh de 12 mhí le táirgí
míochaine tréidliachta allapatacha atá sintéisithe go ceimiceach lena
n-áirítear antaibheathaigh, nó níos mó ná uair amháin má tá saolré táirgthe
níos lú na aon bhliain amháin ag an ainmhí nó ag an ngrúpa ainmhithe, ní
dhíolfar mar tháirgí orgánacha an beostoc sin, ná táirgí a mbaineann leo, agus
cuirfear an beostoc faoi réir na tréimhsí tiontaithe dá dtagraítear i bpointe
1.2 agus i bpointe 2. 1.5.2.5.
Beidh an tréimhse aistarraingthe idir táirge
míochaine tréidliachta allapatach a úsáid don uair dheiridh ar ainmhí faoi
ghnáthchionníollacha úsáide agus bia-earraí a tháirgeadh ó ainmhithe den
chineál sin, dhá oiread chomh fada leis an tréimhse aistarraingthe dá
dtagraítear in Airteagal 11 de Rialachán 2001/82/CE, nó 48 uaire i gcás
nach sonraítear an tréimhse sin. 1.5.2.6.
Ceadófar cóireálacha a bhaineann le sláinte
ainmhithe agus sláinte an duine a chosaint ar cóireálacha iad a fhorchuirtear
ar bhonn reachtaíocht an Aontais. 1.6.
Coinníollacha tithíochta agus cleachtais
feirmeoireachta 1.6.1.
Áiritheofar le hinsliú, téamh agus aerú an fhoirgnimh go gcoinnítear aerchúrsaíocht, leibhéal
dusta, teocht, bogthaise choibhneasta an aeir agus an méid gáis laistigh de
theorainneacha a áirithíonn leas na n-ainmhithe. Beidh solas maith agus aerú
nádúrtha fairsing san fhoirgneamh. 1.6.2.
Ní bheidh sé ina cheangal tithíocht a chur ar fáil
do bheostoc i limistéir a bhfuil na
dálaí aeráide iomchuí ann le gur féidir le beostoc maireachtáil lasmuigh. Beidh
rochtain ag beostoc an t-am ar fad ar limistéir taobh amuigh, féarach más
féidir, aon uair a cheadaíonn dálaí aimsire agus riocht an talún é sin ach
amháin má fhorchuirtear srianta agus oibleagáidí a bhaineann le sláinte an
duine agus sláinte ainmhithe a chosaint ar bhonn reachtaíocht an Aontais. Beidh
rochtain ag ainmhithe ar fhoscadh nó ar limistéir faoi scáth chun iad a
chosaint ón drochaimsir. 1.6.3.
Déanfaidh an dlús stocála i bhfoirgnimh freastal ar chompord, folláine agus riachtanais
speicis-bhunaithe na n-ainmhithe, nithe a beidh ag brath go háirithe ar
speiceas, pór agus aois na n-ainmhithe. Tabharfaidh an dlús stocála aird chomh
maith ar riachtanais iompraíochta na n-ainmhithe, riachtanais a bhíonn ag brath
go háirithe ar mhéid an ghrúpa agus inscne na n-ainmhithe. Déanfaidh an dlús
stocála leas na n-ainmhithe a áirithiú trí dhóthain spáis a chur ar fáil dóibh
ionas gur féidir leo seasamh go nádúrtha, bogadh, luí síos go héasca, casadh
timpeall, iad féin a chíoradh, agus gach gnáthsheasamh agus gach gluaiseacht
nádúrtha a dhéanamh amhail síneadh agus sciatháin a bhualadh. 1.6.4.
Beidh na híosachair dromchla taobh istigh agus taobh amuigh, agus tréithe eile a bhaineann
le tithíocht a chuirtear ar fáil do speicis éasgúla agus catagóirí éagsúla
ainmhithe mar atá leagtha amach i bpointí 2.1.4., 2.2.4., 2.3.4. agus 2.4.5. 1.6.5.
Féadfar limistéir taobh amuigh a chlúdach i bpáirt.
Ní mheasfar gur limistéir taobh amuigh iad vearandaí. 1.6.6.
Ní rachaidh an dlús stocála ina iomláine thar
theorainn 170kg nítrigin orgánach in aghaidh na bliana agus in aghaidh an
heicteáir talmhaíochta. 1.6.7.
Chun an dlús stocála iomchuí dá dtagraítear i
bpointe 1.6.6. a chinneadh, leagfaidh an t-údarás inniúil amach na haonaid
bheostoic atá coibhéiseach leis an teorainn dá dtagraítear i bpointe 1.6.6., ag
leanúint na bhfigiúirí atá leagtha síos i ngach ceann de na riachtanais
shonracha de réir táirgthe ainmhithe. 1.7.
Leas ainmhithe 1.7.1.
Beidh an buneolas riachtanach agus na scileanna maidir le sláinte agus riachtanais leasa na n-ainmhithe ag gach duine a mbeidh baint acu le hainmhithe a choinneáil. 1.7.2.
Áiritheofar le cleachtais
feirmeoireachta, lena n-áirítear dlús stocála agus dálaí
tithíochta, go ndéanfar freastal ar riachtanais forbartha, fiseolaíochta agus
eiteolaíocha ainmhithe. 1.7.3.
Beidh rochtain ag beostoc an t-am ar fad ar limistéir taobh amuigh, féarach más féidir, aon uair
a cheadaíonn dálaí aimsire agus riocht an talún é sin ach amháin má
fhorchuirtear srianta agus oibleagáidí a bhaineann le sláinte an duine agus
sláinte ainmhithe a chosaint ar bhonn reachtaíocht an Aontais. 1.7.4.
Déanfar líon an bheostoic a theorannú d'fhonn na nithe seo a leanas a laghdú:
ró-innilt, pasáil ithreach, creimeadh, nó truailliú de bharr ainmhithe nó de
bharr aoileach na n-ainmhithe a leathadh. 1.7.5.
I gas ina bhfuil feidhm ag Airteagal 8(5) agus ag
pointe 1.4.2.2 den Chuid seo, coinneofar beostoc orgánach scagtha ó bheostoc
eile. 1.7.6.
Toirmeascfar ainmhithe a leithlisiú
nó iad a choinneáil ar theaghrán, ach amháin i gcás
ainmhithe aonair ar feadh tréimhse teoranta ama, agus sa mhéid agus atá údar
leis seo ar chúiseanna tréidliachta. Féadfaidh údaráis inniúla a údarú gur
féidir ba i micreathionscadail a choinneáil ar theaghrán murar féidir na ba a
choinneáil i ngrúpaí atá oiriúnach dá riachtanais iompraíochta, ar an
gcoinníoll go bhfuil rochtain acu ar fhéaraigh le linn na tréimhse innilte,
agus rochtain ar limistéir taobh amuigh dhá uair sa tseachtain ar a laghad
nuair nach bhfuil aon fhéidearthacht innilte ann. 1.7.7.
Déanfar an méid ama a iompraítear ainmhithe a laghdú. 1.7.8.
Déanfar aon fhulaingt le linn shaol iomlán an ainmhí a choinneáil chomh híseal agus is
féidir, lena n-áirítear ag an am a maraítear iad. 1.7.9.
Beidh toirmeasc ar chiorrú ainmhithe. 1.7.10.
Déanfar aon fhulaingt ainmhithe a laghdú go dtí an leibhéal is ísle trí ainéistéise agus/nó
anailgéise leordhóthanach a úsáid agus tríd an obráid a dhéanamh ag an aois is
iomchuí ag pearsanra cáilithe, agus ag an aois sin amháin. 1.7.11.
Ceadófar coilleadh fisiceach chun cáilíocht táirgí agus cleachtais táirgthe traidisiúnta a
choimeád, ach ceadófar é faoi ainéitéise nó faoi anailgéise leordhóthanach
amháin agus tríd an obráid a dhéanamh ag an aois is iomchuí ag pearsanra
cáilithe, agus ag an aois sin amháin. 1.7.12.
Déanfar ainmhithe a lódáil agus a dhílódáil gan úsáid a bhaint as aon chineál spreagtha leictrigh chun
iallach a chur ar na hainmhithe bogadh. Toirmeascfar suaimhneasáin allapatacha
a úsáid roimh nó le linn ainmhithe a iompar. 2.
Ceanglais maidir le speicis shonracha
beostoic 2.1.
Bó-ainmhithe, ainmhithe de cineál caorach agus
ainmhithe de chineál gabhair a tháirgeadh 2.1.1.
Tiontú Má táthar chun a
mheas gur táirgí orgánacha iad bó-ainmhithe, ainmhithe de chineál caorach,
ainmhithe de chineál gabhair agus a gcuid dtáirgí, ní mór go mbeadh feidhm ag
na rialacha táirgthe atá leagtha amach sa Rialachán seo ar feadh ar a laghad: (a)
12 mhí i gcás bó-ainmhithe le haghaidh táirgthe
feola, agus ar aon chuma ar feadh trí cheathrú dá saol ar a laghad; (b)
sé mhí i gcás ainmhithe de chineál caorach agus
ainmhithe de chineál gabhair agus ainmhithe le haghaidh táirgthe bainne. 2.1.2.
Cothú Beidh feidhm ag na
rialacha seo a leanas maidir le cothú: (a)
beidh rochtain ag bó-ainmhithe, ainmhithe de
chineál caorach agus ainmhithe de chineál gabhair ar fhéaraigh le haghaidh
innilte aon uair a mbeidh dálaí ann chuige sin; (b)
d'ainneoin pointe (a), beidh rochtain ag
bó-ainmhithe fireanna atá níos sine ná aon bhliain d'aois ar fhéarach nó ar
limistéar taobh amuigh; (c)
i gcásanna ina mbíonn rochtain ag bó-ainmhithe,
ainmhithe de chineál caorach agus ainmhithe de chineál gabhair ar fhéarach le
linn na tréimhse innilte agus i gcás ina dtugann an córas tithíochta geimhridh
saoirse gluaiseachta do na hainmhithe, féadfar an oibleagáid maidir le
limistéir taobh amuigh a chur ar fáil le linn mhíonna an gheimhridh a
tharscaoileadh; (d)
ach amháin le linn na tréimhse buailteachais dá
dtagraítear i bpointe 1.4.2.2, is ón bhfeirm féin a thiocfaidh 90 % ar a
laghad den bheatha nó i gcás nach bhfuil sin indéanta, déanfar é a thairgeadh i
gcomhar le feirmeacha orgánacha eile sa réigiún céanna; (e)
bunófar córais chun bó-ainmhithe, ainmhithe de
chineál caorach agus ainmhithe de chineál gabhair a thógáil ar an úsáid is mó
is féidir a bhaint as féarach innilte de réir infhaighteachta féaraigh le linn
tréimhsí éagsúla sa bhliain. Is gairbhseach, fodar úr nó tirim, nó sadhlas a
bheidh i 60 % ar a laghad d'ábhar tirim na gciondálacha laethúla do
bhó-ainmhithe, ainmhithe de chineál caorach agus ainmhithe de chineál gabhair.
Ceadófar laghdú go 50 % i gcás ainmhithe sa táirgeadh déiríochta ar feadh
uastréimhse trí mhí le linn luath-lachta; (f)
beathófar gach bó-ainmhí dúil, gach ainmhí dúil de
chineál caorach agus gach ainmhí dúil de chineál gabhair le bainne máthartha
más féidir ar feadh íostréimhse trí mhí i gcás bó-ainmhithe, agus 45 lá i gcás
ainmhithe de chineál caorach agus ainmhithe de chineál gabhair. 2.1.3.
Coinníollacha tithíochta sonracha Beidh feidhm ag na
rialacha seo a leanas maidir leis na dálaí tithíochta: (a)
beidh urlár mín, ach gan a bheith sleamhain, i
dtithíocht le haghaidh bó-ainmhithe, ainmhithe de chineál caorach agus
ainmhithe de chineál gabhair. Beidh dromchla soladach ar leath ar a laghad den
achar dromchla taobh istigh dá dtagraítear sa tábla maidir le híosachar
dromchla taobh istigh le haghaidh bó-ainmhithe, ainmhithe de chineál caorach
agus ainmhithe de chineál gabhair mar atá leagtha síos i bpointe 2.1.4, is é
sin le rá nach dromchla slataí ná gráta a bheidh ann; (b)
beidh limistéar scíthe/luí atá compordach, glan
agus tirim agus atá ar mhéid leordhóthanach ar fáil sa tithíocht, agus
foirgníocht sholadach gan slataí a bheidh ann. Beidh easair thirim fhairsing sa
limistéar scíthe. Tuí nó ábhar nádúrtha eile atá oiriúnach a bheidh san
easair. Féadfar an easair a fheabhsú agus a shaibhriú le haon táirge mianraí
arna údarú lena úsáid mar leasachán nó mar oiriúntóir ithreach sa táirgeadh
orgánach de bhun Airteagal 19; (c)
d'ainneoin pointe (a) sa chéad fhomhír d'Airteagal
3(1) agus an dara fomhír d'Airteagal 3(1) de Threoir 2008/119/CE ón gComhairle[4], toirmeascfar laonna a chur
faoi dhíon i mboscaí aonair tar éis aois aon seachtain amháin, ach amháin i
gcás ainmhí aonair ar feadh tréimhse teoranta, agus sa mhéid agus atá údar leis
seo ar chúiseanna tréidliachta. 2.1.4.
Dlús stocála Ní rachaidh líon na mbó-ainmhithe, na
n-ainmhithe de chineál caorach ná na n-ainmhithe de chineál gabhair in aghaidh
an heicteáir thar na teorainneacha seo a leanas: Aicme nó speiceas || Uaslíon ainmhithe in aghaidh an heicteáir coibhéiseach le 170 kg N/heictéar/bliain Laonna ramhraithe || 5 Bó-ainmhithe eile níos óige ná aon bhliain amháin || 5 Bó-ainmhithe fireanna níos sine ná aon bhliain amháin agus níos óige ná dhá bhliain || 3,3 Bó-ainmhithe baineanna níos sine ná aon bhliain amháin agus níos óige ná dhá bhliain || 3,3 Bó-ainmhithe fireanna, dhá bhliain d'aois nó níos sine || 2 Bodóga pórúcháin || 2,5 Bodóga ramhraithe || 2,5 Ba déiríochta || 2 Ba déiríochta dealaithe || 2 Ba eile || 2,5 Gabhair || 13,3 Caoirigh || 13,3 Seo thíos an
t-íosachar dromchla taobh istigh agus taobh amuigh agus tréithe eile tithíochta
maidir le bó-ainmhithe, ainmhithe de chineál caorach agus ainmhithe de chineál
gabhair: || Achar taobh istigh (glan-achar ar fáil d'ainmhithe) || Achar taobh amuigh (achar aclaíochta, gan féarach a chur san áireamh) || Íos-bheomheáchan (kg) || M2/ceann || M2/ceann Bó-ainmhithe pórúcháin agus ramhraithe || suas le 100 || 1,5 || 1,1 suas le 200 || 2,5 || 1,9 suas le 350 || 4,0 || 3 os cionn 350 || 5, le híosmhéid 1 m2/100 kg || 3,7, le híosmhéid 0,75 m2/100 kg Ba déiríochta || || 6 || 4,5 Tairbh phórúcháin || || 10 || 30 Ainmhithe de chineál caorach agus ainmhithe de chineál gabhair || || 1,5 caora/gabhar || 2,5 || 0,35 uan/meannán || 2,5 agus 0,5 in aghaidh uain/meannáin 2.2.
Each-ainmhithe a tháirgeadh 2.2.1.
Tiontú Má táthar chun a mheas gur táirgí orgánacha
iad each-ainmhithe agus a gcuid dtáirgí, ní mór go mbeadh feidhm ag rialacha
táirgthe an Rialacháin seo ar feadh ar a laghad: (a)
12 mhí i gcás táirgthe feola, agus ar aon chuma ar
feadh trí cheathrú dá saol ar a laghad; (b)
sé mhí i gcás ainmhithe le haghaidh táirgthe
bainne. 2.2.2.
Cothú Beidh feidhm ag na
rialacha seo a leanas maidir le cothú: (a)
beidh rochtain ag each-ainmhithe ar fhéaraigh le
haghaidh innilte aon uair a mbeidh dálaí ann chuige sin; (b)
i gcásanna ina mbíonn rochtain ag each-ainmhithe ar
fhéarach le linn na tréimhse innilte agus i gcás ina dtugann an córas
tithíochta geimhridh saoirse gluaiseachta do na hainmhithe, féadfar an
oibleagáid maidir le limistéir taobh amuigh a chur ar fáil le linn mhíonna an
gheimhridh a tharscaoileadh; (c)
ach amháin le linn na tréimhse buailteachais dá
dtagraítear i bpointe 1.4.2.2, is ón bhfeirm féin a
thiocfaidh 90 % ar a laghad den bheatha nó i gcás nach bhfuil sin
indéanta, déanfar é a thairgeadh i gcomhar le feirmeacha orgánacha eile sa
réigiún céanna; (d)
bunófar córais chun each-ainmhithe a thógáil ar an
úsáid is mó is féidir a bhaint as féarach innilte de réir infhaighteachta
féaraigh le linn tréimhsí éagsúla sa bhliain. Is gairbhseach, fodar úr nó
tirim, nó sadhlas a bheidh i 60 % ar a laghad d'ábhar tirim na
gciondálacha laethúla d'each-ainmhithe; (e)
déanfar gach each-ainmhí diúil a bheathú le bainne
máthartha más féidir ar feadh íostréimhse trí mhí. 2.2.3.
Coinníollacha tithíochta sonracha Beidh feidhm ag na
rialacha seo a leanas maidir leis na dálaí tithíochta: (a)
beidh urlár mín, ach gan a bheith sleamhain, i
dtithíocht le haghaidh each-ainmhithe. Beidh dromchla soladach ar leath ar a
laghad den achar dromchla taobh istigh dá dtagraítear sa tábla maidir le
híosachar dromchla taobh istigh le haghaidh each-ainmhithe mar atá leagtha síos
i bpointe 2.2.4, is é sin le rá nach dromchla slataí ná gráta a bheidh ann; (b)
beidh limistéar scíthe/luí atá compordach, glan
agus tirim agus atá ar mhéid leordhóthanach ar fáil sa tithíocht, agus
foirgníocht sholadach gan slataí a bheidh ann. Beidh easair thirim fhairsing sa
limistéar scíthe. Tuí nó ábhar nádúrtha eile atá oiriúnach a bheidh san easair. Féadfar an easair a fheabhsú agus a shaibhriú le haon táirge mianraí
arna údarú lena úsáid mar leasachán nó mar oiriúntóir ithreach sa táirgeadh
orgánach de bhun Airteagal 19. 2.2.4.
Dlús stocála Ní rachaidh líon na n-eachainmhithe
in aghaidh an heicteáir thar na teorainneacha seo a leanas: Aicme nó speiceas || Uaslíon ainmhithe in aghaidh an heicteáir coibhéiseach le 170 kg N/heictéar/bliain Each-ainmhithe atá níos sine ná sé mhí || 2 Seo thíos an t-íosachar dromchla taobh istigh agus taobh amuigh
agus tréithe eile tithíochta maidir le heach-ainmhithe: || Achar taobh istigh (glan-achar ar fáil d'ainmhithe) || Achar taobh amuigh (achar aclaíochta, gan féarach a chur san áireamh) || Íos-bheomheáchan (kg) || M2/ceann || M2/ceann Each-ainmhithe pórúcháin agus ramhraithe || suas le 100 || 1,5 || 1,1 suas le 200 || 2,5 || 1,9 suas le 350 || 4,0 || 3 os cionn 350 || 5, le híosmhéid 1 m2/100 kg || 3,7, le híosmhéid 0,75 m2/100 kg 2.3.
Muc-ainmhithe a tháirgeadh 2.3.1.
Tiontú Má táthar chun a
mheas gur táirgí orgánacha iad muc-ainmhithe agus a gcuid dtáirgí, ní mór go mbeadh feidhm ag rialacha táirgthe an
Rialacháin seo ar feadh sé mhí ar a laghad. 2.3.2.
Cothú Beidh feidhm ag na
rialacha seo a leanas maidir le cothú: (a)
is ón bhfeirm féin a thiocfaidh 60 % ar a
laghad den bheatha nó i gcás nach bhfuil sin indéanta, déanfar é a tháirgeadh
sa réigiún céanna i gcomhar le feirmeacha orgánacha nó oibreoirí beatha eile; (b)
déanfar gach muc-ainmhí diúil a bheathú le bainne
máthartha más féidir ar feadh íostréimhse 40 lá; (c)
cuirfear gairbhseach, fodar úr nó tirim, nó sadhlas
leis na ciondálacha laethúla le haghaidh muc. 2.3.3.
Coinníollacha tithíochta sonracha Beidh feidhm ag na
rialacha seo a leanas maidir leis na dálaí tithíochta: (a)
beidh urlár mín, ach gan a bheith sleamhain, i
dtithíocht le haghaidh muc-ainmhithe. Beidh dromchla soladach ar leath ar a
laghad den achar dromchla taobh istigh dá dtagraítear sa tábla maidir le
híosachar dromchla taobh istigh le haghaidh muc-ainmhithe mar atá leagtha síos
i bpointe 2.3.4, is é sin le rá nach dromchla slataí ná gráta a bheidh ann; (b)
beidh limistéar scíthe/luí atá compordach, glan
agus tirim agus atá ar mhéid leordhóthanach ar fáil i dtithíocht do
mhuc-ainmhithe, agus foirgníocht sholadach gan slataí a bheidh ann. Beidh
easair thirim fhairsing sa limistéar scíthe. Tuí nó ábhar nádúrtha eile atá oiriúnach
a bheidh san easair. Féadfar an easair a fheabhsú agus a shaibhriú le haon
táirge mianraí arna údarú lena úsáid mar leasachán nó mar oiriúntóirí ithreach
sa táirgeadh orgánach de bhun Airteagal
19. (c)
Is i ngrúpaí a choinneofar cránacha, ach amháin le
linn chéimeanna deireanacha na tréimhse toirchis agus le linn na tréimhse
dhiúil; (d)
ní choinneofar bainbh ar dheiceanna cothroma ná i
gcásanna banbh; (e)
beidh deis fréamhaithe ag muc-ainmhithe i limistéir
aclaíochta agus áit don aoileach. Chun críoch fréamhaithe féadfar úsáid a
bhaint as substráití éagsúla. 2.3.4.
Dlús stocála Ní rachaidh líon na muc-ainmhithe in aghaidh an heicteáir thar na teorainneacha seo a
leanas: Aicme nó speiceas || Uaslíon ainmhithe in aghaidh an heicteáir coibhéiseach le 170 kg N/heictéar/bliain Bainbh || 74 Cránacha pórúcháin || 6,5 Muc-ainmhithe ramhraithe || 14 Muc-ainmhithe eile || 14 Seo thíos an
t-íosachar dromchla taobh istigh agus taobh amuigh agus tréithe eile tithíochta
maidir le muc-ainmhithe: || Achar taobh istigh (glan-achar ar fáil d'ainmhithe) || Achar taobh amuigh (achar aclaíochta, gan féarach a chur san áireamh) || Íos-bheomheáchan (kg) || M2/ceann || M2/ceann Cránacha breithe le bainbh suas le 40 lá || || 7,5 cráin || 2,5 Muc-ainmhithe ramhraithe || suas le 50 || 0,8 || 0,6 suas le 85 || 1,1 || 0,8 suas le 110 || 1,3 || 1 Bainbh || níos sine ná 40 lá agus suas le 30 kg || 0,6 || 0,4 Muc-ainmhithe síolraithe || || 2,5 muc bhaineanna || 1,9 || 6 muc fhireanna Má bhaintear úsáid as pionnaí le haghaidh inseamhnaithe nádúrtha: 10 m2/torc || 8,0 2.4.
Éanlaith chlóis a tháirgeadh 2.4.1.
Tiontú Má táthar chun a
mheas gur táirgí orgánacha iad éanlaith chlóis agus a gcuid dtáirgí, ní mór go mbeadh feidhm ag rialacha táirgthe an Rialacháin seo ar feadh ar a
laghad: (a)
10 seachtain maidir le héanlaith chlóis le haghaidh
táirgthe feola, a tugadh isteach sula raibh trí lá slánaithe acu; (b)
sé seachtaine i gcás éanlaith chlóis le haghaidh táirgthe uibheacha. 2.4.2.
Tionscnamh éanlaithe clóis Tógfar éanlaith
chlóis go dtí go mbeidh íosaois bainte amach acu, nó gheofar iad ó
thréchineálacha éanlaithe clóis a fhásann go mall mar a shaineoidh an t-údarás
inniúil. Seo thíos an íosaois ag an am is féidir iad a mharú iad i gcás nach
tréchineálacha éanlaithe chlóis a fhásann go mall atá in úsáid ag an
bhfeirmeoir: (a)
81 lá i gcás sicíní; (b)
150 lá i gcás cábún; (c)
49 lá i gcás lachan Péicing; (d)
70 lá i gcás musclachan baineann; (e)
84 lá i gcás musclachan fireann; (f)
92 lá i gcás lachan mallard; (g)
94 lá i gcás éanlaith ghuine; (h)
140 lá i gcás turcaithe fireanna agus géanna
rósta; agus (i)
100 lá i gcás turcaithe baineanna. 2.4.3.
Cothú Beidh feidhm ag na rialacha seo a leanas maidir le cothú: (a)
is ón bhfeirm féin a
thiocfaidh 60 % ar a laghad den bheatha nó i gcás
nach bhfuil sin indéanta, déanfar é a tháirgeadh sa réigiún céanna i gcomhar le
feirmeacha orgánacha nó oibreoirí beatha eile; (b)
cuirfear gairbhseach, fodar úr nó tirim, nó sadhlas
leis an gciondálach laethúil. 2.4.4.
Coinníollacha tithíochta sonracha Beidh feidhm ag na
rialacha seo a leanas maidir leis na dálaí tithíochta: (a)
ní choinneofar éanlaith chlóis
i gcásanna; (b)
beidh rochtain ag éanlaith uisce ar shruth, lochán,
loch nó linn aon uair atá dálaí aimsire agus sláinteachais oiriúnacha ann
d'fhonn a riachtanais speicis-shonracha agus a riachtanais leasa ainmhithe a
urramú; i gcás nach bhfuil na dálaí aimsire oiriúnach, beidh rochtain acu ar
uisce sa chaoi is go mbeidh sé de chumas orthu an ceann a chur faoin uisce chun
an chluimhreach a ghlanadh; (c)
beidh rochtain ag éanlaith chlóis ar limistéar
taobh amuigh ar feadh aon trian dá saol ar a laghad. Beidh limistéir taobh
amuigh le haghaidh éanlaithe clóis clúdaithe go príomha le fásra agus áiseanna
cosanta ann agus beidh rochtain éasca ag éanlaith chlóis ar líon leordhóthanach
de thrachanna ólacháin; (d)
i gcás go gcoinnítear éanlaith chlóis taobh istigh
mar gheall ar shrianta nó oibleagáidí arna bhforchur ar bhonn reachtaíocht an
Aontais, beidh rochtain buan acu ar mhéideanna leordhóthanacha gairbhsí agus
ábhair iomchuí chun freastal a dhéanamh ar a gcuid riachtanas eiteolaíocha; (e)
comhlíonfaidh foirgnimh le haghaidh gach cineál éanlaithe chlóis na coinníollacha seo a
leanas: (i) beidh dromchla soladach ar aon trian ar
a laghad d'achar an urláir, is é sin le rá, nach urlár slataí ná gráta a bheidh
ann, agus beidh sé clúdaithe le hábhar easrach amhail tuí, scamháin adhmaid,
gaineamh nó móin; (ii) i dtithe le haghaidh béaróg, beidh cuid
leordhóthanach d'achar an urláir ar fáil do na cearca chun aoileach na gcearc a
bhailiú ann; (iii) beidh faraí ag éanlaith chlóis de mhéid
agus líon a fhreagraíonn do mhéid an ghrúpa agus na n-éan mar a leagtar síos sa
tábla maidir leis an íosachar dromchla taobh istigh agus taobh amuigh agus
tréithe eile tithíochta maidir le táirgeadh éanlaithe clóis atá leagtha amach i
bpointe 2.4.5.; (iv) beidh poill le dul isteach agus amach ar
theorainn lasmuigh an tí, i.e. lena n-áirítear vearanda más ann dó, poill de
mhéid atá mór go leor le haghaidh na n-éan, agus beidh fad iomlán 4m ag na
poill go léir in aghaidh gach achar 100m den tithíocht atá ar fáil do na héin.
Nuair is ann do vearanda beidh fad iomlán 2m in aghaidh gach achar 100 m²
den tithíocht ag na poill inmheánacha go léir idir an teach agus an vearanda.
Ní mór rochtain fiche ceathair uair an chloig ar an vearanda a cheadú; (v) déanfar tithe éanlaithe clóis a thógáil
ar bhealach a thugann rochtain éasca do na héin go léir ar limistéar taobh
amuigh, i.e. ní bheidh fad níos mó ná 15m idir an pointe is faide laistigh den
teach agus an poll amach is giorra don phointe sin. (vi) maidir le córais ilsrathacha, ní bheidh
níos mó ná trí leibhéal d'achar inúsáidte iontu, an bun-urlár san áireamh. Ní
bheidh níos mó ná 1m idir na leibhéil nó idir na hachair idirmheánacha, amhail
láithreacha neadaithe. Beifear in ann aoileach a ghlanadh ó na leibhéil níos
airde le córas uathoibrithe; (f)
féadfar an méid solais nádúrtha a mhéadú le modhanna saorga chun uasmhéid 16 uaire solais a
chur ar fáil in aghaidh an lae agus beidh tréimhse scíthe san oíche gan aon
solas saorga ar feadh 8 n-uaire leanúnacha ar a laghad; (g)
déanfar foirgnimh a fholmhú ó bheostoc idir gach grúpa éanlaithe clóis a thógtar.
Déanfar na foirgnimh agus na feistis a ghlanadh agus a dhíghalrú le linn an ama
sin. De bhreis air sin, i gcás ina bhfuil grúpa éanlaithe clóis tógtha ní mór
na clóis a fhágáil folamh ar feadh tréimhse a socróidh na Ballstáit chun seans
a thabhairt don fhásra a fhás arís. Ní bheidh feidhm ag na riachtanais seo i
gcás nach dtógtar éanlaith chlóis i ngrúpaí nó nach gcoinnítear i gclóis iad,
agus i gcás go bhfuil saoire fánaíochta i rith an lae acu. 2.4.5.
Dlús stocála Ní rachaidh uaslíon na n-ainmhithe in aghaidh an heicteáir thar na teorainneacha seo a
leanas: Aicme nó speiceas || Uaslíon ainmhithe in aghaidh an heicteáir coibhéiseach le 170 kg N/heictéar/bliain Sicíní grísce || 580 Béaróga || 230 Seo thíos an
t-íosachar dromchla taobh istigh agus taobh amuigh agus tréithe eile tithíochta
maidir le héin den speiceas Gallus gallus: || Póraitheoirí/tuismitheoirí || Stoc óg || Éin ramhraithe || Cábúin || Béaróga Aois || Éin phórúcháin || Puiléid 0-8 seachtain || Puiléid 9-18 seachtain || Tosaitheoir 0-21 lá || Críochnaitheoir 22 go 81 lá || 22-150 lá || Béaróga ó 19 seachtain ar aghaidh Ráta an dlús stocála (líon éan in aghaidh m2 achair inúsáidte) i dtithe do-bhogtha agus soghluaiste || 6 éan || 24 éan le huasmhéid 21 kg/beomheáchan/m² || 15 éan le huasmhéid 21 kg/beomheáchan/m² || 20 éan le huasmhéid 21 kg/beomheáchan/m² || 10 éan le huasmhéid 21 kg beomheáchan/m² || 10 éan le huasmhéid 21 kg beomheáchan/m² || 6 éan spás ar an bhfara (cm) || || || || || 18 Córais ilsrathacha - Teorainneacha breise/m2 achar an bhun-urláir (vearanda san áireamh má tá rochtain 24 uaire ar fáil) || 9 n-éan || 36 éan gan an vearanda a chur san áireamh || 22 éan || Neamh-infheidhme de ghnáth || 9 n-éan Teorainneacha maidir le méid ealtaí || 3,000 lena n-áirítear éin fireanna || 10,000* || 3,300 || 10,000* || 4,800 || 2,500 || 3,000 Rátaí stocála i gclóis amuigh faoin aer (m2/éan), ar an gcoinníoll nach dtéitear thar theorainn 170kg N/heictéar/bliain || 4 || 1 || 4 || 1 || 4 || 4 || 4 * fo-inroinnte chun
grúpaí 3x3000 nó 2x4800 a tháirgeadh Seo thíos an
t-íosachar dromchla taobh istigh agus taobh amuigh agus tréithe eile tithíochta
maidir le héin de speiceas eile seachas Gallus gallus: || Turcaithe || Géanna || Lachain || Éanlaith ghuine Saghas || Éin fhireanna || Éin bhaineanna || Iomlán || Péicing || Musclachan fireann || Musclachan baineann || Mallard || Iomlán Rátá an dlús stocála (líon éin in aghaidh m2 achair inúsáidte) i dtithe do-bhogtha agus soghluaiste || 10 le huasmhéid 21 kg de bheomheáchan/m² || 10 le huasmhéid 21 kg de bheomheáchan/m² || 10 le huasmhéid 21 kg de bheomheáchan/m² || 10 le huasmhéid 21 kg de bheomheáchan/m² || 10 le huasmhéid 21 kg de bheomheáchan/m² || 10 le huasmhéid 21 kg de bheomheáchan/m² || 10 le huasmhéid 21 kg de bheomheáchan/m² || 10 le huasmhéid 21 kg de bheomheáchan/m² spás ar an bhfara (cm) || 40 || 40 || Neamh-infheidhme de ghnáth || Neamh-infheidhme de ghnáth || 40 || 40 || Neamh-infheidhme de ghnáth || 20 Teorainneacha maidir le méid ealtaí || 2,500 || 2,500 || 2,500 || 4,000 baineannach 3,200 fireannach || 3,200 || 4,000 || 3,200 || 5,200 Rátaí stocála taobh amuigh (m2/éan), ar an gcoinníoll nach dtéitear thar theorainn 170kg N/heictéar/bliain || 10 || 10 || 15 || 4.5 || 4.5 || 4.5 || 4.5 || 4 2.4.6.
Rochtain ar limistéir taobh amuigh Beidh feidhm ag na
rialacha seo a leanas maidir le rochtain ar limistéir taobh amuigh: (a)
beidh rochtain ag éanlaith chlóis ar limistéar
taobh amuigh ar feadh aon trian dá saol ar a laghad. Cuirfear rochtain
leanúnach taobh amuigh ar feadh an lae ar fáil ón aois is óige agus is féidir
ar bhonn praiticiúil, aon uair is féidir sna dálaí fiseolaíocha agus
fisiceacha, ach amháin i gcás srianta sealadacha arna bhforchur ar bhonn
reachtaíocht an Aontais; (b)
beidh limistéir taobh amuigh le haghaidh éanlaithe
clóis clúdaithe go príomha le fásra ina mbeidh éagsúlacht plandaí, agus beidh
áiseanna cosanta ann agus rochtain éasca ag éanlaith chlóis ar líon
leordhóthanach de thrachanna ólacháin. Ní mór an fásra ar an limistéar taobh
amuigh a bhaint agus a dhíláithriú ar bhonn rialta chun an baol maidir le
barrachas cothaithigh a laghdú. Ní sínfidh na limistéir taobh amuigh níos faide
ná ga 150m ón bpoll amach is giorra don teach éanlaithe clóis. Beidh síneadh
suas le 350m ón bpoll amach is giorra don teach éanlaithe clóis ceadaithe
áfach, ar an gcoinníoll go bhfuil líon leordhóthanach foscadán agus trachanna
ólacháin scaipthe go cothrom sa limistéar taobh amuigh ina iomláine agus
ceithre fhoscadán ar a laghad in aghaidh an heicteáir; (c)
faoi dhálaí ina bhfuil teorainn le hinfhaighteacht
beatha ón limistéar raoin, mar gheall ar chlúdach fadtéarmach sneachta nó
aimsir thur mar shampla, ní mór gairbhseach breise a bheith mar chuid d'aiste
bia éanlaithe clóis; (d)
i gcás go gcoinnítear éanlaith chlóis taobh istigh
mar gheall ar shrianta nó oibleagáidí arna bhforchur ar bhonn reachtaíocht an Aontais,
beidh rochtain buan acu ar mhéideanna leordhóthanacha gairbhsí agus ábhair
iomchuí chun freastal a dhéanamh ar a gcuid riachtanas eiteolaíocha; 2.4.7.
Leas ainmhithe Toirmeascfar éanlaith chlóis atá beo a
chluimhriú. 2.5.
Beachaireacht 2.5.1.
Tiontú Ní fhéadfar tagairt
a dhéanamh do tháirgeadh orgánach agus táirgí beachaireachta á ndíol ach amháin má comhlíonadh na rialacha
táirgthe a leagtar síos sa Rialachán seo ar feadh bliana ar a laghad. Cuirfear céir de
bhunús beachaireachta orgánaí in ionad na céarach le linn na tréimhse tiontaithe. 2.5.2.
Tionscnamh beach Tabharfar tosaíocht d'úsáid Apis mellifera agus a gcuid éicitíopaí
áitiúla. 2.5.3.
Cothú Beidh feidhm ag na
rialacha seo a leanas maidir le cothú: (a)
fágfar dóthain meala agus pailine sna coirceoga ag
deireadh an tséasúir táirgthe chun teacht slán ón ngeimhreadh; (b)
ní cheadófar coilíneachtaí beach a bheathú ach
amháin má tá baol ann nach dtiocfaidh na coirceoga slán de dheasca dálaí
aeráide. Mil orgánach, síoróipí siúcra orgánacha, nó siúcra orgánach a
úsáidfear don bheathú. 2.5.4.
Rialacha sonracha maidir le cosc galar agus
cóireáil tréidliachta i dtaca le beachaireacht Maidir le cosc
galar agus cóireáil tréidliachta beidh feidhm ag na rialacha seo a leanas: (a)
Chun críocha frámaí, coirceoga agus cíora meala a
chosaint, ó lotnaidí go háirithe, ní cheadófar ach creimiricídí (i ngaistí
amháin) agus táirgí arna n-údarú lena n-úsáid sa táirgeadh orgánach de bhun
Airteagal 19 a úsáid; (b)
ceadófar cóireálacha fisiceacha amhail gal nó
lasair dhíreach a úsáid agus beachlanna á ndíghalrú; (c)
ní cheadófar beacha síolraithe fireanna a scriosadh
ach amháin chun fíniú Varroa destructor a leithlisiú; (d)
má éiríonn coilíneachtaí breoite nó ionfhabhtaithe,
in ainneoin gach beart coisctheach a dhéanamh, déanfar cóireáil a chur orthu
láithreach, agus féadfar na coilíneachtaí a chur i mbeachlanna leithlise, más
gá; (e)
féadfar úsáid a bhaint as aigéad formach, aigéad
lachtach, aigéad aicéiteach agus aigéad ocsalach chomh maith le meantól,
tíomól, eoclaptól, nó camfar i gcás fínithe le Varroa destructor; (f)
má dhéantar cóireáil le táirgí allapatacha atá
sintéisithe go ceimiceach, cuirfear na coilíneachtaí cóireáilte i mbeachlanna
leithlise le linn na tréimhse sin agus cuirfear céir de bhunús beachaireachta
orgánaí in ionad na céarach go léir. Beidh feidhm ag an tréimhse tiontaithe aon
bhliain amháin atá leagtha síos i bpointe 2.5.1 ar na coilíneachtaí sin ina
dhiaidh sin. (g)
ní bheidh feidhm ag pointe (f) maidir le táirgí
arna n-údarú sa táirgeadh orgánach de bhun Airteagal 19. 2.5.5.
Dálaí sonracha tithíochta sa bheachaireacht Beidh feidhm ag na
rialacha seo a leanas maidir leis na dálaí tithíochta: (a)
Lonnófar beachlanna i limistéir a n-áirithíonn
foinsí neachtair agus pailine a thagann go bunúsach ó bharra a táirgeadh go
horgánach, nó de réir mar is iomchuí, ó fhásra spontáineach nó ó fhoraois nó
barra a bainistíodh go neamh-orgánach nár cóireáladh ach le modhanna ag a
mbíonn tionchar íseal comhshaoil; (b)
coinneofar beachlanna fad leordhóthanach ó fhoinsí
a d'fhéadfadh táirgí beachaireachta a éilliú nó dochar a dhéanamh do shláinte
na mbeach; (c)
lonnófar na beachlanna sa chaoi agus gur foinsí
neachtair agus pailine a thagann go bunúsach ó bharra a táirgeadh go horgánach
nó ó fhásra spontáineach nó barra a cóireáladh le modhanna ag a mbíonn tiochar
íseal comhshaoil atá coibhéiseach leo siúd dá bhforáiltear in Airteagal 28 agus
in Airteagal 30 de Rialachán (AE) Uimh. 1305/2013 iad na foinsí neachtair
agus pailine laistigh de gha 3km ó na beachlanna, nach féidir tionchar a bheith
acu ar cháilíocht orgánach an táirgthe beachaireachta. Ní bheidh feidhm ag na
ceanglais seo i gcás nach bhfuil aon bhláthú ag tarlú, nó i gcás go bhfuil na
coirceoga suanach; (d)
is as ábhair nádúrtha go bunúsach a bheidh na
coirceoga agus na hábhair a mbaintear úsáid astu sa bheachaireacht, ábhair nach
bhfuil aon bhaol iontu i dtaca le héilliú comhshaoil nó táirgí beachaireachta; 2.5.6.
Rialacha sonracha maidir le cleachtais
bheachtaireachta Beidh feidhm ag na rialacha seo a leanas maidir le cleachtais
bheachtaireachta: (a)
is ó aonaid táirgthe orgánacha a thiocfaidh an
chéir le haghaidh aonaid nua; (b)
ní fhéadfar ach táirgí nádúrtha amhail gliú beach,
céir agus olaí planda a úsáid sna coirceoga; (c)
toirmeascfar táirgí éarthacha atá sintéisithe go
ceimiceach a úsáid le linn oibríochtaí chun mil a asbhaint; (d)
toirmeascfar cíora síolraithe a úsáid chun mil a
asbhaint; (e)
ní mheasfar gur beachaireacht orgánach atá ann
nuair a dhéantar é i réigiúin nó i limistéir arna n-ainmniú ag Ballstáit mar
réigiúin nó mar limistéir nach féidir beachaireacht orgánach a chleachtadh
iontu. 2.5.7.
Leas ainmhithe Beidh feidhm ag na rialacha seo a leanas maidir le leas ainmhithe: (a)
toirmeascfar scriosadh na mbeach i gcíora mar mhodh
a bhaineann le táirgí beachaireachta a bhaint. (b)
Beidh toirmeasc ar chiorrú amhail sciatháin na
gcráinbheach a bhearradh. Cuid III:
Rialacha maidir le táirgeadh feamainne agus ainmhithe dobharshaothraithe 1.
Sainmhínithe Chun críocha na
Coda seo, beidh feidhm ag na sainmhínithe seo a leanas: (1)
ciallaíonn ‘saoráid dobharshaothraithe
athshruthúcháin dhúnta’ saoráid ina mbítear ag gabháil do dhobharshaothrú
laistigh de thimpeallacht iata ar thalamh nó ar shoitheach lena mbaineann
athshruthú uisce, agus atá ag brath ar ionchur buan fuinnimh sheachtraigh chun
an timpeallacht a chobhsú do na hainmhithe dobharshaothraithe; (2)
ciallaíonn ‘fuinneamh ó fhoinsí in‑athnuaite’
foinsí fuinnimh neamhiontaise in‑athnuaite amhail an ghaoth, an ghrian,
an tonn gheoiteirmeach, an taoide, hidreachumhacht, gás líonta talún, gás ó
ionaid cóireála camrais agus bithgháis; (3)
ciallaíonn ‘gorlann’ áit ina ndéantar ainmhithe
dobharshaothraithe, iasc eite agus sliogiasc go háirithe a phórú, a ghoradh
agus a thógáil le linn luathchéimeanna a saoil. (4)
ciallaíonn ‘iasclann’ áit ina gcuirtear córas táirgthe
idirmheánaigh i bhfeidhm idir céimeanna an ghortha agus an ramhraithe. Tugtar
céim na hiasclainne chun críche laistigh den chéad trian de thimthriall an
táirgthe seachas i gcás speiceas atá ag dul faoi phróiseas an ghealógaithe. (5)
ciallaíonn ‘truailliú’ substaintí nó fuinneamh a
thabhairt isteach sa timpeallacht uisceach go díreach nó hindíreach mar atá sainmhínithe
i dTreoir 2000/60/CE ó Pharlaimint na hEorpa agus ón gComhairle[5] agus i
dTreoir 2008/56/CE ó Pharlaimint na hEorpa agus ón gComhairle[6], sna huiscí a bhfuil
feidhm ag an dá Threoir sin maidir leo; (6)
ciallaíonn ‘ilsaothrú
críche’ dhá speiceas nó níos mó, as leibhéil thrófacha dhifriúla de ghnáth, a
thógáil san aonad saothraithe céanna; (7)
ciallaíonn ‘timthriall táirgthe’ tréimhse
saoil ainmhí dobharshaothraithe nó feamainne ón gcéim saoil is luaithe
(uibheacha toirchithe i gcás ainmhithe dobharshaothraithe) go dtí go ndéantar é
nó go ndéantar í a bhaint nó a mharú; (8)
ciallaíonn ‘speicis a fhástar go háitiúil’ speicis nach speicis choimhthíocha ná speicis
nach bhfaightear go háitiúil iad faoi Rialachán (CE) Uimh. 708/2007 ón
gComhairle[7],
chomh maith leis na speicis atá liostaithe in Iarscríbhinn IV a ghabhann
leis an Rialachán sin; (9)
ciallaíonn ‘dlús stocála’ beomheáchan ainmhithe
dobharshaothraithe in aghaidh an mhéadair chiúbaigh d'uisce tráth ar bith le
linn na céime ramhraithe agus i gcás leathóg agus séaclaí an meáchan in aghaidh
an mhéadair chearnaigh de dhromchla. 2.
Ceanglais ghinearálta 2.1.
Beidh oibríochtaí suite i suíomhanna nach bhfuil
faoi réir éilliú ó tháirgí nó substaintí nach bhfuil údaraithe lena n‑úsáid
i dtáirgeadh orgánach, ná faoi réir truailleán a dhéanfadh dochar do chineál
orgánach na dtáirgí. 2.2.
Déanfar aonaid táirgthe orgánaigh agus
neamhorgánaigh a dheighilt go leordhóthanach agus i gcomhréir leis na híosfhaid
deighilte arna socrú ag na Ballstáit, i gcás ina bhfuil íosfhaid deighilte den
sórt sin socraithe. Beidh na bearta deighilte sin bunaithe ar an staid
nádúrtha, córais dáileacháin uisce ar leithligh, faid, tuile na taoide, suíomh
in aghaidh srutha agus suíomh le sruth an aonaid táirgthe orgánaigh. Ní
mheasfar gur táirgeadh orgánach é táirgeadh feamainne i gcás ina ndéantar é i
suíomhanna nó i limistéir arna n‑ainmniú ag údaráis na mBallstát mar
shuíomhanna nó limistéir atá mí‑oiriúnach do dhobharshaothrú orgánach nó
do bhaint feamainne. 2.3.
Ní
mór measúnú comhshaoil atá comhréireach leis an aonad
táirgthe a dhéanamh do gach oibríocht nua ar mhaith léi táirgeadh orgánach a
dhéanamh agus a bhfuil níos mó ná 20 tona de tháirgí dobharshaothraithe á
dtáirgeadh aici in aghaidh na bliana, chun staid an aonaid táirgthe agus a
gharthimpeallachta agus na héifeachtaí a d'fhéadfadh bheith ag baint lena
oibriú a fhionnadh. Cuirfidh an t‑oibreoir an measúnú comhshaoil faoi
bhráid an údaráis rialaithe nó an chomhlachta rialaithe. Beidh inneachar an
mheasúnaithe comhshaoil bunaithe ar Iarscríbhinn IV a ghabhann le
Treoir 2011/92/AE ó Pharlaimint na hEorpa agus ón gComhairle[8]. Má bhí an t‑aonad
faoi réir measúnú coibhéiseach cheana féin, ceadófar an measúnú sin a úsáid
chun na críche sin. 2.4.
Cuirfidh an t‑oibreoir plean bainistíochta
inbhuanaithe atá comhréireach leis an aonad táirgthe ar fáil do dhobharshaothrú
agus baint feamainne. 2.5.
Tabharfar an plean cothrom le dáta ar bhonn
bliantúil agus sonrófar ann na héifeachtaí comhshaoil a bhaineann leis an
oibríocht, an faireachán comhshaoil atá le déanamh, agus na bearta atá le
déanamh chun an drochthionchar ar an timpeallacht uisceach agus talún máguaird
a íoslaghdú, lena n‑áirítear, más infheidhme, sceitheadh cothaitheach
amach sa chomhshaol in aghaidh an timthrialla táirgthe nó in aghaidh na bliana.
Déanfar an faireachán a dhéantar ar threalamh teicniúil agus an chaoi a
gcuirtear air a thaifeadadh sa phlean. 2.6.
Tarraingeoidh oibreoirí ghnó an dobharshaothraithe
agus na feamainne sceideal laghdaithe dramhaíola suas, mar chuid den phlean
bainistíochta inbhuanaithe, a chuirfear i bhfeidhm an tráth a chuirfear tús
leis na hoibríochtaí. Más féidir, beidh úsáid teasa iarmharaigh teoranta
d'fhuinneamh ó fhoinsí in‑athnuaite. I gcás feamainn a bhaint déanfar
meastachán aonuaire ar an mbithmhais ar dtús. 3.
Ceanglais maidir le feamainn I dteannta na
rialacha ginearálta maidir le táirgeadh atá leagtha síos in Airteagail 7,
8, 9 agus 12, agus, más ábhartha, i Roinn 2, beidh feidhm ag na rialacha a
leagtar síos i Roinn 3 seo maidir le feamainn a bhailiú agus a tháirgeadh.
Beidh feidhm mutatis mutandis ag na rialacha sin maidir le táirgeadh
uile algaí muirí ilcheallacha, fíteaplanctóin agus miocralgaí lena n‑úsáid
tuilleadh mar bheatha d'ainmhithe dobharshaothraithe. 3.1.
Tiontú 3.1.1.
Mairfidh an tréimhse tiontaithe do láithreán bainte
feamainne 6 mhí. 3.1.2.
Tréimhse sé mhí nó timthriall táirgthe iomlán, cibé
acu is faide, a bheidh sa tréimhse tiontaithe d'aonad saothraithe feamainne. 3.1.3.
Le linn na tréimhse tiontaithe, féadfar an
gabháltas dobharshaothraithe a roinnt ina aonaid atá deighilte go soiléir óna
chéile agus nach bhfuil á mbainistiú ar fad faoi tháirgeadh orgánach.
D'fheádfadh go mbeadh na speicis chéanna i gceist i ndáil le táirgeadh
feamainne, ar choinníoll go mbeidh deighilt leordhóthanach idir na haonaid. 3.2.
Rialacha táirgthe maidir le feamainn 3.2.1.
Meastar gurb ionann feamainn fhiáin agus codanna
di, a fhásann san fharraige go nádúrtha, a bhailiú agus
táirgeadh orgánach ar choinníoll: (a)
go bhfuil stádas ard éiceolaíoch mar atá
sainmhínithe i dTreoir 2000/60/CE[9] ag
baint leis na limistéir fáis, agus nach bhfuil siad mí‑oiriúnach ó thaobh
sláinte de. (b)
nach ndéanann an bailiú difear suntasach do
chobhsaíocht an éiceachórais nádúrtha ná do chaomhnú na speiceas sa limistéar
bailiúcháin. 3.2.2.
Chun táirgeadh orgánach a thabhairt air, ní mór
feamainn a shaothrú
i limistéir cois cósta lena mbaineann saintréithe
comhshaoil agus sláinte atá coibhéiseach leo sin ar a laghad atá leagtha amach
i bpointe3.2.1(a). Ina theannta sin, beidh feidhm ag na rialacha táirgthe seo a
leanas: (a)
úsáidfear cleachtais inbhuanaithe ag
gach céim den táirgeadh, idir bhailiú feamainne óige agus bhaint feamainne; (b)
chun a áirithiú go gcoinneofar raon leathan géinte,
déanfar feamainn óg a bhailiú san fhiántas ar bhonn rialta chun an stoc
saothraithe laistigh a fhorlíonadh; (c)
ní úsáidfear leasacháin seachas i saoráidí laistigh
agus ar choinníoll go bhfuil siad údaraithe lena n‑úsáid i dtáirgeadh
orgánach chun na críche sin. 3.3.
Saothrú feamainne 3.3.1.
Le saothrú feamainne ar farraige ní
úsáidfear ach cothaithigh a bhíonn le fáil sa timpeallacht go nádúrtha, nó ó
tháirgeadh orgánach ainmhithe dobharshaothraithe atá suite más féidir in aice
láimhe mar chuid de chóras ilsaothraithe críche. 3.3.2.
I
saoráidí
ar thalamh ina n‑úsáidtear foinsí seachtracha
cothaitheach, beifear in ann a fhíorú go bhfuil leibhéil na gcothaitheach san
uisce eisilteach mar an gcéanna, nó níos ísle ná mar atá san uisce atá ina
shruth isteach. Ní fhéadfar ach cothaithigh de thionscnamh plandaí nó mianrach
atá údaraithe lena n‑úsáid i dtáirgeadh orgánach de bhun
Airteagal 19 a úsáid. 3.3.3.
Déanfar dlús an tsaothraithe nó déine na
hoibríochta a thaifeadadh agus chun sláine na timpeallachta uiscí a chaomhnú
áiritheofar nach sáraíonn siad an t‑uasmhéid feamainne is féidir a
shaothrú gan dochar a dhéanamh don timpeallacht. 3.3.4.
Más féidir, déanfar téada agus trealamh eile a úsáidtear
chun feamainn a fhás a athúsáid nó a athchúrsáil. 3.4.
Feamainn fhiáin a bhaint ar bhealach inbhuanaithe 3.4.1.
Déanfar meastachán aonuaire ar an mbithmhais nuair
a thosófar ag baint feamainne 3.4.2.
Coinneofar cuntais dhoiciméadacha san aonad nó san
áitreabh agus leis na cuntais sin beidh an t‑oibreoir in ann a léiriú
agus an t‑údarás rialaithe nó an comhlacht rialaithe in ann a fhíorú nach
bhfuil ach feamainn fhiáin arna táirgeadh i gcomhréir leis an Rialachán seo
soláthraithe ag lucht bainte feamainne. 3.4.3.
Déanfar feamainn a bhaint ar bhealach nach
ndéanfaidh an méid atá bainte dochar suntasach do staid na timpeallachta uiscí.
Déanfar bearta chun a áirithiú gur féidir le feamainn fás an athuair agus go
ndéantar seachghabhálacha a chosc, amhail bearta a bhaineann leis an gcaoi a
mbaintear an fheamainn, na híosmhéideanna, aoiseanna, timthriallta táirgthe nó
méid na feamainne atá fanta. 3.4.4.
I gcás ina mbaintear feamainn ó limistéar bainte
comhchoiteann, ní mór fianaise dhoiciméadach a bheith ar fáil ina léirítear go
bhfuiltear ag comhlíonadh an Rialacháin seo i gcás na bainte iomláine. 4.
Ceanglais maidir le hainmhithe
dobharshaothraithe I dteannta na
rialacha ginearálta maidir le táirgeadh atá leagtha síos in Airteagail 7,
8, 9 agus 12, beidh feidhm ag na rialacha a leagtar síos i Roinn 4 seo
maidir le speicis éisc, crústach, eicínideirmeach agus moileasc, dá dtagraítear
i bpointe 4.1.5.10. Beidh feidhm mutatis mutandis ag na rialacha
sin freisin maidir le zóplanctón, micreachrústaigh, rothánaigh, péisteanna agus
ainmhithe uisceacha eile a úsáidtear mar bheatha. 4.1.
Ceanglais ghinearálta 4.1.1.
Tiontú 4.1.1.1.
Beidh feidhm ag na tréimhsí tiontaithe seo a leanas
d'aonaid táirgthe dobharshaothraithe maidir leis na cineálacha saoráidí
dobharshaothraithe seo a leanas lena n‑áirítear na hainmhithe dobharshaothraithe
atá ann cheana: (a)
i gcás saoráidí nach féidir a dhraenáil, a ghlanadh
agus a dhíghalrú, tréimhse tiontaithe 24 mí; (b)
i gcás saoráidí atá draenáilte, nó ina bhfuil
branar déanta, tréimhse tiontaithe 12 mhí; (c)
i gcás saoráidí atá draenáilte, glanta agus a
díghalraithe, tréimhse tiontaithe sé mhí; (d)
i gcás saoráidí in uiscí oscailte lena n‑áirítear
iad siúd ina dtáirgtear moilisc dhébhlaoscacha, tréimhse tiontaithe trí mhí. 4.1.1.2.
Le linn na tréimhse tiontaithe, féadfar an
gabháltas dobharshaothraithe a roinnt ina aonaid atá deighilte go soiléir óna
chéile agus nach bhfuil á mbainistiú ar fad faoi tháirgeadh orgánach.
D'fheádfadh go mbeadh na speicis chéanna i gceist i ndáil le táirgeadh
ainmhithe dobharshaothraithe, ar choinníoll go mbeidh deighilt leordhóthanach
idir na haonaid. 4.1.2.
Tionscnamh ainmhithe dobharshaothraithe 4.1.2.1.
Maidir le tionscnamh ainmhithe dobharshaothraithe,
beidh feidhm ag na
rialacha
seo a leanas: (a)
beidh dobharshaothrú orgánach bunaithe ar thógáil
stoic óig atá de thionscnamh stoic síolraíochta orgánaigh agus gabháltas
orgánach; (b)
úsáidfear speicis a fhástar go háitiúil agus beidh
sé mar aidhm leis an bpórú pórtha a thabhairt atá níos oiriúnaithe do
choinníollacha táirgthe, lena n‑áiritheofar dea‑shláinte agus leas
ainmhithe agus dea‑úsáid acmhainní beatha. Cuirfear fianaise
dhoiciméadach faoi thionscnamh agus cóireáil na n‑ainmhithe lena
mbaineann ar fáil don údarás rialaithe nó don chomhlacht rialaithe; (c)
roghnófar speicis atá láidir agus is féidir a
tháirgeadh gan dochar suntasach a dhéanamh do stoic fhiáine; (d)
féadfar ainmhithe dobharshaothraithe fiáine a
gabhadh nó ainmhithe dobharshaothraithe neamhorgánacha a chur i ngabháltas
d'fhonn an stoc géiniteach a
fheabhsú. Coinneofar ainmhithe den sórt sin faoi
bhainistiú orgánach go ceann trí mhí ar a laghad sula bhféadfar iad a úsáid le
haghaidh pórú. 4.1.2.2.
Beidh feidhm ag na rialacha seo a leanas maidir le
pórú: (a)
beidh toirmeasc ar hormóin agus ar dhíorthaigh
hormón a úsáid; (b)
ní úsáidfear táirgeadh saorga pórtha monaighnéis,
ach amháin trí shórtáil de láimh, ionduchtú polaplóideachta, hibridiú saorga nó
clónáil; (c)
roghnófar na pórtha iomchuí; (d)
más iomchuí, bunófar coinníollacha atá sainiúil don
speiceas maidir le bainistiú stoic síolraíochta, pórú agus táirgeadh óg. 4.1.3.
Cothú 4.1.3.1.
Maidir le beatha d'iasc agus crústaigh agus eicínideirmigh,
beidh feidhm ag na rialacha seo a leanas: (a)
déanfar ainmhithe a bheathú le beatha a
fhreagraíonn do riachtanais chothaitheacha an ainmhí ag céimeanna éagsúla a
fhorbartha; (b)
ceapfar córais beathaithe de réir na dtosaíochtaí
seo a leanas: (i) sláinte agus leas ainmhithe; (ii) ardcháilíocht táirgí, lena n‑áirítear
an comhdhéanamh cothaitheach lena n‑áiritheofar ardcháilíocht an táirge
deiridh inite; (iii) tionchar íseal comhshaoil; (c)
beidh cion plandaí na beatha de thionscnamh
táirgthe orgánaigh agus beidh cion na beatha atá díorthaithe ó ainmhithe
uisceacha de thionscnamh dobharshaothraithe orgánaigh nó saothraithe
inbhuanaithe iascaigh; (d)
ní úsáidfear ábhair beatha neamhorgánacha de
thionscnamh plandaí, ábhair beatha de thionscnamh ainmhíoch agus mianrach,
breiseáin beatha, táirgí áirithe arna n‑úsáid i gcothú ainmhithe agus
áiseanna próiseála ach amháin má tá siad údaraithe lena n‑úsáid i
dtáirgeadh orgánach faoin Rialachán seo; (e)
ní úsáidfear spreagthóirí fáis ná aimínaigéid
shintéiseacha; (f)
ní fhéadfar ach ábhair beatha de thionscnamh
mianrach atá údaraithe lena n‑úsáid i dtáirgeadh orgánach de bhun
Airteagal 19 a úsáid i ndobharshaothrú orgánach; (g)
ní fhéadfar ach breiseáin beatha, táirgí áirithe
arna n‑úsáid i gcothú ainmhithe agus áiseanna próiseála dá dtagraítear i
bpointe 1.4.4. de Chuid II a úsáid i ndobharshaothrú orgánach. 4.1.3.2.
Beidh feidhm ag na rialacha seo a leanas maidir le
moilisc dhébhlaoscacha agus speicis eile nach mbíonn daoine á mbeathú ach a
bhíonn á mbeathú féin le planctón nádúrtha: (a)
beidh riar a riachtanas cothaithe uile ón nádúr ag
ainmhithe scagbheathaithe den sórt sin seachas i gcás ainmhithe óga den sórt
sin a thógtar i ngorlanna nó in iasclanna; (b)
beidh stádas ard éiceolaíoch mar atá sainmhínithe i
dTreoir 2000/60/CE ag baint leis na limistéir fáis. 4.1.3.3.
Rialacha sonracha maidir le beatha d'ainmhithe
dobharshaothraithe feoiliteacha Déanfar beatha
d'ainmhithe dobharshaothraithe feoiliteacha a fhoinsiú faoi na tosaíochtaí seo
a leanas: (a)
beatha orgánach de thionscnamh dobharshaothraithe; (b)
min éisc agus ola éisc ó fhuílleach
dobharshaothraithe orgánaigh a fhaightear ó iasc, crústaigh nó moilisc; (c)
min éisc agus ola éisc agus comhábhair de
thionscnamh éisc atá díorthaithe ó fhuílleach éisc, crústach nó moileasc a
gabhadh cheana féin lena gcaitheamh ag daoine in iascach inbhuanaithe; (d)
min éisc agus ola éisc agus comhábhair de
thionscnamh éisc atá díorthaithe ó iasc, crústaigh nó moilisc ina n‑iomláine
a gabhadh in iascach inbhuanaithe agus nach n‑úsáidtear lena gcaitheamh
ag daoine; (e)
ábhair beatha orgánacha de thionscnamh plandaí nó
ainmhíoch; ní bheidh níos mó ná 60 % de na comhábhair ar an iomlán
comhdhéanta d'ábhair plandaí. 4.1.3.4.
Rialacha sonracha maidir le beatha d'ainmhithe
dobharshaothraithe áirithe Déanfar iasc in uiscí intíre, séaclaí peinéideacha
agus cloicheáin fionnuisce agus iasc fionnuisce trópaiceach a bheathú mar seo a
leanas: (a)
déanfar iad a bheathú le beatha atá ar fáil go
nádúrtha i linnte agus lochanna; (b)
i gcás nach bhfuil beatha nádúrtha ar fáil i
gcainníochtaí leordhóthanacha dá dtagraítear i bpointe (a), féadfar beatha
orgánach de thionscnamh plandaí, a fhástar ar an bhfeirm féin más féidir, nó
feamainn a úsáid. Coinneoidh oibreoirí fianaise dhoiciméadach ar an ngá atá le
beatha bhreise a úsáid; (c)
i gcás ina ndéantar beatha
nádúrtha a fhorlíonadh i gcomhréir le pointe (b) féadfar 10 % ar a
mhéad den bheatha do speicis dá dtagraítear i bpointe 4.1.5.10 (g) agus do
chait mhara Shiamacha (Pangasius spp.) a bheith comhdhéanta de mhin éisc
nó ola éisc atá díorthaithe ó iascach inbhuanaithe. 4.1.4.
Cúram sláinte 4.1.4.1.
Galair a chosc Maidir le galair a
chosc beidh feidhm ag na
rialacha seo a leanas: (a)
déanfar galair a chosc trí na hainmhithe a
choinneáil i ndálaí barrmhaithe trína lonnú go hiomchuí, agus aird inter
alia ar riachtanais na speiceas maidir le cáilíocht mhaith uisce lena
ngabhann ráta maith srutha agus malartaithe, dearadh barrmhaith na ngabháltas,
cleachtais mhaithe feirmeoireachta agus bainistíochta, lena n‑áirítear na
háitribh a ghlanadh agus a dhíghalrú go rialta, beatha ar ardcháilíocht, dlús
stocála iomchuí, agus roghnú pórtha agus stoc; (b)
ceadaítear cógais tréidliachta imdhíoneolaíocha a
úsáid; (c)
sonrófar i bplean bainistíochta sláinte ainmhithe
na cleachtais bithshlándála agus na cleachtais maidir le galair a chosc lena n‑áirítear
comhaontú i scríbhinn i dtaca le comhairle sláinte, atá comhréireach leis an
aonad táirgthe, a fháil ó sheirbhísí atá cáilithe bheith ag plé le sláinte
ainmhithe dobharshaothraithe, ar seirbhísí iad a thabharfaidh cuairt ar an
bhfeirm uair amháin in aghaidh na bliana ar a laghad agus uair amháin gach dhá
bhliain ar a laghad i gcás sliogéisc dhébhlaoscaigh; (d)
déanfar córais coinneála, trealamh agus gléasanna a
ghlanadh agus a dhíghalrú i gceart; (e)
ní dhéanfar orgánaigh bhithscreabhacha a bhaint
amach ach trí mhodhanna fisiceacha nó de láimh agus, más iomchuí, cuirfear ar
ais san fharraige iad fad áirithe ón bhfeirm; (f)
ní fhéadfar ach substaintí chun trealamh agus
saoráidí a ghlanadh agus a dhíghalrú atá údaraithe lena n‑úsáid i
dtáirgeadh orgánach de bhun Airteagal 19 a úsáid. (g)
maidir le branrú beidh feidhm ag na rialacha seo a
leanas: (i) cinnfidh an t‑údarás inniúil an
bhfuil gá le branrú agus an tréimhse iomchuí do chur i bhfeidhm an bhranraithe
tar éis gach timthrialla táirgthe i gcórais coimeádta in uiscí oscailte ar
farraige agus déanfar í a dhoiciméadú; (ii) ní bheidh sé éigeantach i dtaca le
saothrú moileasc débhlaoscach; (iii) mar chuid den bhranrú déantar an cás nó
struchtúr eile a úsáidtear do tháirgeadh ainmhithe dobharshaothraithe a fholmhú
agus a dhíghalrú agus fágtar folamh é sula n‑úsáidfear arís é; (h)
más iomchuí, bainfear amach beatha éisc neamhite,
faecas agus ainmhithe marbha go pras chun aon bhaol go ndéanfaí damáiste
suntasach don chomhshaol maidir le cáilíocht stádas an uisce a sheachaint, chun
rioscaí a bhaineann le galair a íoslaghdú, agus sa chaoi nach meallfar feithidí
nó creimirí; (i)
ní fhéadfar solas ultraivialait agus ózón a úsáid
ach i ngorlanna agus iasclanna; (j)
i dtaca le rialú bitheolaíoch eictisheadán
tabharfar tosaíocht d'úsáid éisc níos glaine. 4.1.4.2.
Cóireálacha tréidliachta Beidh feidhm ag na rialacha seo a leanas maidir le cóireálacha tréidliachta: (a)
cuirfear cóireáil ar ainmhí
láithreach má tá galar air sa chaoi nach mbeidh sé ag fulaingt; féadfar táirgí
míochaine tréidliachta allapatacha atá sintéisithe go ceimiceach lena n‑áirítear
antaibheathaigh a úsáid más gá, faoi choinníollacha diana agus faoi fhreagracht
tréidlia, nuair nach iomchuí táirgí fítiteiripeacha, táirgí hoiméapatacha agus
táirgí eile a úsáid. Más iomchuí, déanfar srianta maidir le cóireálacha agus
tréimhsí aistarraingthe a shainiú; (b)
ceadófar cóireálacha a bhaineann le cosaint sláinte
an duine agus sláinte ainmhithe a fhorchuirtear ar bhonn reachtaíocht an
Aontais; (c)
i gcás ina dtagann fadhb sláinte chun cinn, in
ainneoin beart coisctheach chun sláinte ainmhithe a áirithiú, mar atá leagtha
amach i bpointe 4.1.4.1, féadfar cóireálacha tréidliachta a úsáid san ord
tosaíochta seo a leanas: (i) substaintí ó phlandaí, ainmhithe nó
mianraí i gcaolú hoiméapatach; (ii) plandaí agus a n‑úisc nach
mbaineann éifeachtaí ainéistéiseacha leo; agus (iii) substaintí amhail riandúile, miotail,
imdhíon‑spreagthaigh nádúrtha nó próibhithigh údaraithe; (d)
beidh úsáid cóireálacha allapatacha teoranta do dhá
chóireáil in aghaidh na bliana, seachas i gcás vacsaínithe agus scéimeanna
éigeantacha díothaithe. I gcás timthrialla táirgthe nach mó ná bliain, áfach,
cóireáil allapatach amháin a cheadófar. Má sháraítear na teorainneacha atá
sonraithe do chóireálacha allapatacha ní dhíolfar na hainmhithe
dobharshaothraithe mar tháirgí orgánacha; (e)
ní cheadófar cóireálacha seadán a úsáid ach faoi
dhó sa bhliain nó uair sa bhliain i gcás gur lú ná 18 mí an timthriall
táirgthe; ní áirítear scéimeanna éigeantacha rialaithe arna gcur i bhfeidhm ag
na Ballstáit ar na cóireálacha sin; (f)
i gcomhréir le pointe (d), beidh an tréimhse
aistarraingthe i dtaca le cóireálacha tréidliachta allapatacha agus cóireálacha
seadán, lena n‑áirítear cóireálacha faoi scéimeanna éigeantacha rialaithe
agus díothaithe, a dhá oiread níos faide ná an tréimhse aistarraingthe dá
dtagraítear in Airteagal 11 de Threoir 2001/82/CE nó, i gcás nach
sonraítear an tréimhse sin, tréimhse 48 uair an chloig a bheidh
ann; (g)
aon uair a úsáidtear táirgí míochaine tréidliachta,
ní mór an úsáid sin a fhógairt don údarás rialaithe nó don chomhlacht rialaithe
sula ndéanfar na hainmhithe a mhargú mar ainmhithe orgánacha. Beidh an stoc ar
tugadh cóireáil dó in‑aitheanta go soiléir. 4.1.5.
Dálaí tithíochta agus cleachtais feirmeoireachta 4.1.5.1.
Beidh toirmeasc ar shaoráidí athshruthúcháin dhúnta
do tháirgeadh ainmhithe dobharshaothraithe, seachas gorlanna agus iasclanna nó
do tháirgeadh speiceas arna n‑úsáid d'orgánaigh beatha orgánacha. 4.1.5.2.
Ní cheadófar téamh ná fuarú saorga uisce ach amháin
i ngorlanna agus iasclanna. Féadfar uisce nádúrtha ó pholl tóraíochta a úsáid
chun uisce a théamh nó a fhuarú ag gach céim táirgthe. 4.1.5.3.
Déanfar timpeallacht riartha na n‑ainmhithe
dobharshaothraithe a dhearadh, i gcomhréir le riachtanais shonracha an speicis,
mar seo a leanas: (a)
beidh spás leordhóthanach ar mhaithe lena
bhfolláine agus, más iomchuí, íosdlús stocála acu; (b)
tabharfar uisce ar cháilíocht mhaith dóibh lena
ngabhann, inter alia, ráta leordhóthanach srutha agus malartaithe,
leibhéil ocsaigine leordhóthanacha agus lena gcoinnítear leibhéal íseal
meitibilítí; (c)
coinneofar iad i ndálaí teochta agus solais atá i
gcomhréir le riachtanais an speicis agus aird ar an suíomh geografach. I gcás éisc
fionnuisce, beidh dálaí an ghrinnill chomh nádúrtha is féidir. I gcás carbáin,
ithir nádúrtha a bheidh sa ghrinneall. 4.1.5.4.
Déanfar na córais coimeádta uisceacha a dhearadh
agus a thógáil sa chaoi go mbeidh rátaí srutha agus paraiméadair
fhisiceimiceacha ann lena dtugtar cosaint do shláinte agus folláine ainmhithe
agus lena ndéantar cúram dá riachtanais iompraíochta. 4.1.5.5.
Comhlíonfaidh aonaid tógála ar talamh na coinníollacha
seo a leanas: (a)
i gcás córas srutha beifear in ann faireachán a
dhéanamh ar ráta srutha agus ar cháilíocht an uisce atá ina shruth isteach agus
amach agus iad a rialú; (b)
beidh fásra nádúrtha le fáil in 5 % den limistéar
imlíne ar a laghad (“an comhéadan talún‑uisce”). 4.1.5.6.
Comhlíonfaidh córais coimeádta ar farraige na
coinníollacha seo a leanas: (a)
déanfar iad a lonnú in áit a bhfuil rátaí srutha
uisce, doimhneachta agus malartaithe dobharlaigh leordhóthanach chun an
tionchar ar ghrinneall na farraige agus ar an dobharlach máguaird a íoslaghdú; (b)
beidh dearadh, tógáil agus cothabháil na gcásanna
oiriúnach don timpeallacht oibriúcháin dá bhfuil siad nochtaithe. 4.1.5.7.
Déanfar córais coimeádta a dhearadh, a lonnú agus a
oibriú chun an riosca go n‑éalódh ainmhithe a íoslaghdú. 4.1.5.8.
I gcás ina n‑éalaíonn iasc nó crústaigh,
déanfar na bearta iomchuí, lena n‑áirítear athghabháil, más iomchuí, chun
an tionchar ar an éiceachóras áitiúil a íoslaghdú. Coinneofar fianaise
dhoiciméadach. 4.1.5.9.
Maidir le táirgeadh ainmhithe dobharshaothraithe i
linnte éisc, dabhcha nó sruthchainéil, beidh cisil scagtha nádúrtha, linnte
lonnaíochta, scagairí bitheolaíocha nó scagairí meicniúla le fáil ar
fheirmeacha chun cothaithigh dramhaíola a bhailiú nó chun feamainn nó ainmhithe
(débhlaoscaigh agus algaí) a chuireann le cáilíocht an eisiltigh a úsáid.
Déanfar faireachán ar eisiltigh ar bhonn rialta más iomchuí. 4.1.5.10.
Dlús stocála Agus éifeachtaí an dlúis stocála ar leas an éisc a
tháirgtear á meas, déanfar faireachán ar staid an éisc (amhail damáiste do na
heití, gortuithe eile, ráta fáis, iompraíocht agus sláinte an éisc ar an
iomlán) agus ar cháilíocht an uisce. Is de réir an speicis nó an ghrúpa speiceas a
bheidh an dlús stocála. (a)
Táirgeadh orgánach salmainidí i bhfionnuisce: Na
speicis lena mbaineann: an breac donn (Salmo trutta) –
an breac dea‑dhathach (Oncorhynchus mykiss) – an breac srutháin (Salvelinus
fontinalis) – an bradán (Salmo salar) – an ruabhreac Artach (Salvelinus
alpinus) – an tímeall (Thymallus thymallus) – an breac locha (nó an
dúlachán) (Salvelinus namaycush) – an bradán Danóbach (Huchohucho) Córas táirgthe || Ní mór an táirgeadh a dhéanamh i gcórais oscailte. Leis an ráta srutha ní mór a áirithiú go bhfuil sáithiúchán ocsaigine 60 % ar a laghad ann don stoc agus go bhfuil siad ar a gcompord agus go ndéantar eisilteach táirgthe a dhíothú. Uasdlús stocála || Speicis salmainidí nach bhfuil liostaithe faoi 15 kg/m3 An bradán 20 kg/m3 An breac donn agus an breac dea‑dhathach 25 kg/m3 An ruabhreac Artach 20 kg/m3 (b)
Táirgeadh orgánach salmainidí in uiscí farraige: Na
speicis lena mbaineann: an bradán(Salmo salar), an breac donn
(Salmo trutta) ‑ an breac dea‑dhathach (Oncorhynchus
mykiss) Uasdlús stocála || 10 kg/m3 i gcásanna eangaí (c)
Táirgeadh orgánach trosc (Gadus morhua) agus
iasc eile de chineál Gadidae, an doingean mara (Dicentrarchus labrax),
an garbhánach (Sparus aurata), an scáiliasc Atlantach (Argyrosomus
regius), an turbard (Psetta maxima [= Scopthalmus maximux]), an
garbhánach pargach dearg (Pagrus pagrus [= Sparus pagrus]), an grágaire
dearg (Sciaenops ocellatus) agus garbhánaigh eile, agus an t‑iasc
coinín (Siganus spp.) Córas táirgthe || I gcórais coimeádta in uiscí oscailte (cásanna eangaí) lena mbaineann íosluas do shruth na farraige chun leasa bharrmhaith éisc nó i gcórais oscailte ar tír. Uasdlús stocála || D'iasc seachas an turbard: 15 kg/m3 Don turbard: 25 kg/m2 (d)
Táirgeadh orgánach doingean mara, garbhánach,
scáiliasc Atlantach, milléad (Liza, Mugil) agus eascann (Anguilla
spp.) i linnte ithreach i gceantair taoide agus i murlaigh cois cósta Córas coimeádta || Loig salainn thraidisiúnta a athraíodh ina n‑aonaid táirgthe dobharshaothraithe agus linnte ithreach den chineál céanna i gceantair taoide Córas táirgthe || Déanfar an t‑uisce a athnuachan go leordhóthanach chun folláine na speiceas a áirithiú, Ní mór cumhdach plandaí a bheith ag 50 % de na cladáin ar a laghad Ní mór linnte íonúcháin bunaithe ar bhogach a bheith ann Uasdlús stocála || 4 kg/m3 (e)
Táirgeadh orgánach bradán fearna i bhfionnuisce: Na
speicis lena mbaineann: Fine na mbradán fearna (Acipenseridae) Córas táirgthe || Beidh an sruth uisce i ngach aonad tógála leordhóthanach chun folláine ainmhithe a áirithiú. Beidh an t‑uisce eisilteach ar cháilíocht atá coibhéiseach leis an uisce atá ag teacht isteach Uasdlús stocála || 30 kg/m3 (f)
Táirgeadh orgánach iasc in uiscí intíre: Na
speicis lena mbaineann: fine na gcarbán (Cyprinidae) agus speicis eile
lena mbaineann i gcomhthéacs an ilsaothraithe críche, lena n‑áirítear an
phéirse, an liús, an cat mara, cóireagóinidí, an bradán fearna Córas táirgthe || I linnte éisc a dhraenálfar go hiomlán go tráthrialta agus i locha. Ní mór táirgeadh orgánach amháin a dhéanamh sna locha, lena n‑áirítear barra a fhás i gceantair thirime. Ní mór ionraon uisce ghlain a bheith sa limistéar gabhála iascaigh agus an limistéar sin a bheith ar mhéid sách mór lena mbeidh na héisc ar a gcompord. Ní mór na héisc a stóráil in uisce glan tar éis iad a mharú. Ní dhéanfar leasú orgánach agus mianrach ar na linnte agus na locha ach le leasacháin agus oiriúntóirí ithreach atá údaraithe lena n‑úsáid i dtáirgeadh orgánach de bhun Airteagal 19 agus 20 kg nítrigin in aghaidh an heicteáir an uasmhéid is féidir a úsáid. Beidh toirmeasc ar chóireálacha lena mbaineann ceimiceáin shintéiseacha chun hidrifítí agus cumhdach plandaí in uiscí táirgthe a rialú. Coinneofar limistéir ina bhfuil fásra nádúrtha timpeall aonad uisce intíre mar chrios maolánach do limistéir talún sheachtracha nach bhfuil bainteach leis an oibríocht táirgthe i gcomhréir leis na rialacha maidir le dobharshaothrú orgánach. Ní úsáidfear 'ilsaothrú críche' ramhraithe ach amháin ar choinníoll go gcomhlíontar na critéir atá leagtha síos sna sonraíochtaí atá ann faoi láthair maidir le speicis eile pollán locha. Toradh táirgthe || Tá an táirgeadh iomlán do na speicis lena mbaineann teoranta do 1500 kg d'iasc in aghaidh an heicteáir in aghaidh na bliana. (g)
Táirgeadh orgánach séaclaí peinéideacha agus
cloicheán fionnuisce (Macrobrachium spp.): Bunú na n‑aonad táirgthe || Beidh an suíomh i limistéir cré aimride chun an tionchar ar an gcomhshaol a bhaineann le tógáil linnte a íoslaghdú. Linnte le tógáil leis an gcré nádúrtha atá ann cheana. Ní cheadófar mangróibh a scriosadh. Am tiontaithe || Sé mhí in aghaidh na linne, atá comhfhreagrach do ghnáththréimhse saoil séacla táirgthe. Tionscnamh stoic síolraíochta || Déanfar leath den stoc síolraíochta ar a laghad a cheansú tar éis trí bliana oibriúcháin. Stoc síolraíochta fiáin saor ó phataigin de thionscnamh iascaigh inbhuanaithe a bheidh sa chuid eile. Scagadh éigeantach le cur chun feidhme i gcás na chéad ghlúine agus an dara glúin sula dtabharfar isteach san fheirm iad. An súil‑iompróir a eisídiú || toirmiscthe Uasdlús stocála agus uasteorainneacha táirgthe || Síolrú: 22 iarlarbha/m2 ar a mhéad Uas‑bhithmhais mheandrach: 240 g/m2 (h)
Moilisc agus eicínideirmigh: Córais táirgthe || Spiléir, raftaí, saothrán grinnill, málaí eangaí, cásanna, tráidirí, eangacha laindéir, cuaillí diúilicíní agus córais coimeádta eile. I gcás diúilicíní a shaothrú ar raftaí ní bheidh líon na dtéad isteach níos mó ná ceann amháin in aghaidh an mhéadair chearnaigh d'achar dromchla. Ní bheadh uasfhad na téide isteach níos faide ná 20 m. Ní dhéanfar téada isteach a thanú le linn an timthrialla táirgthe, ach ceadófar téada isteach a fhoroinnt gan an dlús stocála a mhéadú ar dtús. (i)
Éisc fionnuisce thrópaiceacha: an t‑iasc
bleachta (Chanos chanos), an tioláipia (Oreochromis spp.), an cat
mara Siamach (Pangasius spp.): Córais táirgthe || Linnte agus cásanna eangaí Uasdlús stocála || Pangasius: 10 kg/m3 Oreochromis: 20 kg/m3 4.1.6.
Leas ainmhithe 4.1.6.1.
Beidh an buneolas agus na bunscileanna is gá maidir
le riachtanais sláinte agus leasa ainmhithe ag gach duine atá bainteach le
hainmhithe dobharshaothraithe a choinneáil. 4.1.6.2.
Déanfar láimhseáil ainmhithe dobharshaothraithe a
íoslaghdú, déanfar iad a láimhseáil go cuí cúramach agus úsáidfear an trealamh
ceart agus na prótacail chearta chun an strus agus an díobháil fhisiceach a
bhaineann le nósanna imeachta láimhseála a sheachaint. Déanfar stoc
síolraíochta a láimhseáil ar bhealach ina n‑íoslaghdaítear an díobháil fhisiceach
agus an strus agus déanfar é faoi ainéistéise más iomchuí. Déanfar oibríochtaí
grádála a laghdú go dtí an méid is lú agus is gá chun leas éisc a áirithiú. 4.1.6.3.
Beidh feidhm ag na srianta seo a leanas maidir le
solas saorga a úsáid: (a)
chun fad nádúrtha an lae a fhadú ní bheidh sé os
cionn uasmhéide a thugann aird ar riachtanais eiteolaíocha, dálaí geografacha
agus sláinte ghinearálta ainmhithe táirgthe; ní bheidh an uasmhéid sin níos
airde ná 16 uair an chloig in aghaidh an lae, seachas chun críocha atáirgthe; (b)
déanfar athruithe tobanna ar ghéire an tsolais a
sheachaint tráth an athraithe sin trí shoilse íslithe nó soilsiú cúlra a úsáid. 4.1.6.4.
Ceadaítear aerú chun leas agus sláinte ainmhithe a
áirithiú, ar choinníoll go ndéantar aerthóirí meicniúla a chumhachtú le foinsí
fuinnimh in‑athnuaite más féidir. 4.1.6.5.
Ní cheadaítear ocsaigin a úsáid ach i gcásanna a
bhaineann le riachtanais sláinte agus leasa ainmhithe agus le tréimhsí
ríthábhachtacha táirgthe nó iompair, sna cásanna seo a leanas: (a)
cásanna eisceachtúla maidir le hardú teochta nó
ísliú bhrú an atmaisféir nó truailliú de thaisme; (b)
nósanna imeachta bainistíochta stoic ócáideacha
amhail sampláil agus sórtáil; (c)
chun a áirithiú go mairfidh an stoc feirme. 4.1.6.6.
Déanfar bearta iomchuí chun fad tréimhse iompar
ainmhithe dobharshaothraithe a íoslaghdú. 4.1.6.7.
Coinneofar aon fhulaingt ar an méid is lú is féidir
le linn shaol iomlán an ainmhí, lena n‑áirítear tráth an mharaithe. 4.1.6.8.
Fágfaidh na teicnící maraithe éisc gan aithne agus
gan mhothú láithreach. Sula marófar na héisc déanfar iad a láimhseáil ar
bhealach ina seachnófar gortuithe fad a choinneofar an fhulaingt agus an strus
ar an méid is lú. Ní mór na héagsúlachtaí ó thaobh méideanna bainte, speiceas,
agus suíomhanna táirgthe de a chur san áireamh agus na modhanna maraithe is
fearr á meas. 4.2.
Rialacha sonracha maidir le moilisc 4.2.1.
Tionscnamh an tsíl Maidir le
tionscnamh síl beidh feidhm ag na rialacha seo a leanas: (a)
féadfar síol fiáin ó lasmuigh de theorainneacha an
aonaid táirgthe a úsáid i gcás sliogéisc dhébhlaoscaigh, ar choinníoll nach
ndéanfar díobháil shuntasach don chomhshaol, go bhfuil sé ceadaithe ag an
reachtaíocht áitiúil agus go dtagann an síol fiáin as: (i) leapacha lonnaíochta nach dócha a thiocfaidh slán ó aimsir an
gheimhridh nó a bhfuil níos mó acu ann ná mar is gá; nó (ii) lonnaíocht nádúrtha síl sliogéisc i
ngabhdáin/gcoimeádáin; (b)
i gcás an chuasoisre, Crassostrea gigas,
tabharfar tosaíocht don stoc a dhéantar a phórú ar bhonn roghnaitheach chun
sceathrach faoin bhfiántas a laghdú; (c)
coinneofar taifid maidir le conas a bailíodh, cén
áit ar bailíodh agus cén uair a bailíodh síol fiáin ionas go mbeidh
inrianaitheacht ann siar go dtí an limistéar bailithe. 4.2.2.
Dálaí tithíochta agus cleachtais feirmeoireachta Maidir le dálaí
tithíochta agus cleachtais feirmeoireachta beidh feidhm ag na rialacha seo a
leanas: (a)
féadfar táirgeadh a dhéanamh sa limistéar céanna
uisce le táirgeadh orgánach éisc eite agus feamainne mar chuid de chóras
ilsaothraithe críche a mbeidh tuairisc air sa phlean bainistíochta
inbhuanaithe. Féadfar moilisc dhébhlaoscacha a fhás i dteannta moileasc
gastrapódach, amhail faochain, in ilsaothrú críche; (b)
déanfar moilisc dhébhlaoscacha orgánacha a
tháirgeadh laistigh de limistéir atá teorannaithe le poist, buimbiléid, nó
marcálacha soiléire eile agus déanfar iad a shrianadh, más iomchuí, le málaí
eangaí, cásanna nó modhanna saorga eile; (c)
déanfaidh feirmeacha sliogéisc orgánaigh na rioscaí
atá ann do speicis atáthar ag iarraidh a chaomhnú a íoslaghdú. I gcás ina n‑úsáidtear
eangacha creiche beidh siad deartha sa chaoi nach ndéanfar dochar d'éin
thumthacha. 4.2.3.
Saothrú Maidir le saothrú,
beidh feidhm ag na rialacha seo a leanas: (a)
saothrú diúilicíní le téada agus saothrú trí na
modhanna eile atá liostaithe i bpointe 4.1.5.10 (h), féadfaidh siad a bheith
cáilithe mar tháirgeadh orgánach; (b)
ní cheadófar moilisc a shaothrú ar an ngrinneall
ach i gcás nach mbíonn aon tionchar suntasach comhshaoil aige sin ar na
suíomhanna bailiúcháin agus fáis. Léireofar go bhfuil an tionchar ar an
gcomhshaol a ísle is féidir le suirbhé agus tuarascáil maidir leis an limistéar
saothraithe a chuirfidh an t‑oibreoir faoi bhráid an údaráis rialaithe nó
an chomhlachta rialaithe. Beidh an tuarascáil le fáil i gcaibidil ar leithligh
sa phlean bainistíochta inbhuanaithe. 4.2.4.
Bainistíocht Maidir le bainistíocht beidh feidhm ag na rialacha
seo a leanas: (a)
úsáidfear dlús stocála sa táirgeadh nach bhfuil
níos mó ná an dlús stocála a úsáidtear do mhoilisc neamhorgánacha sa dúiche.
Déanfar sórtáil, tanú agus oiriúnuithe don dlús stocála de réir na bithmhaise
agus chun leas ainmhithe agus ardcháilíocht táirgí a áirithiú; (b)
déanfar orgánaigh bhithscreabhacha a bhaint amach
trí mhodhanna fisiceacha nó de láimh agus, más iomchuí, cuirfear ar ais san
fharraige iad amach ó na feirmeacha moilisc. Féadfar moilisc a chóireáil le
tuaslagán aoil uair amháin le linn an timthrialla táirgthe chun orgánaigh
screabhacha iomaíocha a rialú. 4.2.5.
Rialacha sonracha saothraithe maidir le hoisrí Ceadófar saothrú i
málaí ar thristéil. Beidh siad sin nó struchtúir eile ina gcoinnítear na hoisrí
leagtha amach sa chaoi nach gcruthófar teorainn iomlán feadh líne an chladaigh.
Déanfar an stoc a shuíomh go cúramach ar na leapacha i ndáil le tuile na taoide
chun an táirgeadh a bharrfheabhsú. Comhlíonfaidh an táirgeadh na ceanglais atá
leagtha amach i bpointe 4.1.5.10. (h). Cuid
IV: Rialacha maidir le táirgeadh bia phróiseáilte agus beatha próiseáilte I dteannta na rialacha ginearálta maidir le
táirgeadh atá leagtha síos in Airteagail 7, 9 agus 13, beidh feidhm ag na
rialacha a leagtar síos sa Chuid seo maidir le bia próiseáilte agus beatha
phróiseáilte. 1.
Ceanglais ghinearálta maidir le táirgeadh
bia phróiseáilte agus beatha próiseáilte 1.1.
Beidh ag breiseáin bia agus beatha, áiseanna
próiseála agus substaintí agus comhábhair eile a úsáidtear chun bia nó beatha a
phróiseáil agus aon chleachtas próiseála a chuirtear i bhfeidhm, amhail deatú,
beidh siad go léir i gcomhréir leis na prionsabail a bhaineann le cleachtas
maith monaraíochta[10]. 1.2.
Bunóidh oibreoirí a tháirgeann bia próiseáilte nó
beatha phróiseáilte nósanna imeachta iomchuí agus tabharfaidh siad cothrom le
dáta iad bunaithe ar shainaithint chórasach na gcéimeanna próiseála
ríthábhachtacha. 1.3.
Áiritheofar i gcónaí le cur i bhfeidhm na nósanna
imeachta dá dtagraítear i bpointe 1.2 go gcomhlíonann na táirgí
próiseáilte táirgthe an Rialachán seo. 1.4.
Comhlíonfaidh oibreoirí na nósanna imeachta dá
dtagraítear i bpointe 1.2. agus cuirfidh siad chun feidhme iad agus, go
háirithe, déanfaidh siad na nithe seo a leanas: (a)
déanfaidh siad bearta coisctheacha chun an riosca a
bhaineann le héilliú ó shubstaintí nó táirgí nach bhfuil údaraithe a
sheachaint; (b)
cuirfidh siad bearta oiriúnacha glantacháin chun
feidhme, déanfaidh siad faireachán ar a n‑éifeachtacht agus déanfaidh
siad na hoibríochtaí sin a thaifeadadh; (c)
áiritheoidh siad nach gcuirfear táirgí neamhorgánacha
ar an margadh agus tásc orthu atá ag tagairt do tháirgeadh orgánach. 1.5.
Déanfar táirgí orgánacha próiseáilte a ullmhú go
leithleach ó thaobh ama nó spáis de ó tháirgí neamhorgánacha. I gcás ina n‑ullmhaítear
nó ina stóráiltear táirgí neamhorgánacha san aonad ullmhúcháin céanna,
déanfaidh an t‑oibreoir na nithe seo a leanas: (a)
cuirfidh sé an t‑údarás rialaithe nó an
comhlacht rialaithe ar an eolas dá réir; (b)
déanfaidh sé na hoibríochtaí go leanúnach go dtí go
bhfuil an babhta iomlán curtha i gcrích, in áit nó am ar leithligh ó
oibríochtaí comhchosúla a dhéantar ar tháirgí neamhorgánacha; (c)
stórálfaidh sé táirgí orgánacha, roimh na
hoibríochtaí agus dá n‑éis, in áit nó am ar leithligh ó tháirgí
neamhorgánacha; (d)
déanfaidh sé taifead cothrom le dáta a choinneáil
ar fáil de na hoibríochtaí agus an cainníochtaí ar fad arna bpróiseáil; (e)
déanfaidh sé na bearta is gá chun a áirithiú go
sainaithnítear na baisceanna agus chun meascáin nó malartuithe le táirgí
neamhorgánacha a sheachaint; (f)
ní dhéanfaidh sé oibríochtaí ar tháirgí orgánacha
ach amháin tar éis an trealamh táirgthe a ghlanadh go cuí. 1.6.
Ní úsáidfear táirgí, substaintí agus teicnící a
athchóiríonn airíonna a chailltear le linn próiseála agus stórála bia
orgánaigh, ná táirgí, substaintí agus teicnící a cheartaíonn torthaí mórfhaillí
i bpróiseáil bia orgánaigh nó a d'fhéadfadh bheith míthreorach ar bhealach eile
i dtaca le fíorchineál na dtáirgí atá beartaithe lena gcur ar an margadh mar
bhia orgánach. 2.
Ceanglais maidir le táirgeadh bia
phróiseáilte 2.1.
Beidh feidhm ag na coinníollacha seo a leanas
maidir le comhdhéanamh bia phróiseáilte orgánaigh: (a)
déanfar an táirge a tháirgeadh ó chomhábhair
talmhaíochta go príomha; chun a chinneadh an dtáirgtear táirge ó chomhábhair
talmhaíochta go príomha, ní chuirfear uisce agus salann breise san áireamh; (b)
ní fhéadfar a úsáid ach na breiseáin bia, áiseanna
próiseála, blastáin, uisce, salann, ullmhóidí miocrorgánach agus einsímí bia,
mianraí, riandúile, vitimíní, chomh maith le haimínaigéid agus
micreachothaithigh eile, atá in earraí bia chun críocha cothaitheacha áirithe
agus atá údaraithe lena n‑úsáid i dtáirgeadh orgánach de bhun
Airteagal 19; (c)
ní bheidh comhábhar orgánach le fáil i dteannta an
chomhábhair chéanna atá á thiontú nó i bhfoirm neamhorgánach; (d)
ní bheidh ach comhábhar bairr amháin de thionscnamh
talmhaíochta le fáil i mbia a tháirgtear ó bharraí atá á dtiontú. 2.2.
Táirgí agus substaintí áirithe a úsáid i bpróiseáil
bia 2.2.1.
Ní fhéadfar ach na táirgí agus na substaintí dá
dtagraítear i bpointe 2.1(b) chomh maith leis na táirgí agus na substaintí
dá dtagraítear i bpointí 2.2.2, 2.2.4. agus 2.2.5. a úsáid i bpróiseáil
bia, seachas i gcás táirgí agus substaintí ó earnáil an fhíona, a mbeidh feidhm
ag pointe 2 de Chuid V maidir leo, agus giosta a mbeidh feidhm ag
pointe 1.3 de Chuid VI maidir leis. 2.2.2.
Ceadófar na táirgí agus na substaintí seo a leanas
a úsáid i bpróiseáil bia: (a)
ullmhóidí miocrorgánach agus einsímí bia a
úsáidtear i bpróiseáil bia go hiondúil; ní mór einsímí bia atá le húsáid mar
bhreiseáin bia a bheith údaraithe lena n‑úsáid i dtáirgeadh orgánach de
bhun Airteagal 19, áfach; (b)
substaintí agus táirgí mar atá sainmhínithe in
Airteagal 3(2)(b) agus (d) de Rialachán (CE) Uimh. 1334/2008 ó
Pharlaimint na hEorpa agus ón gComhairle[11]
atá lipéadaithe mar shubstaintí blaistithe nádúrtha nó ullmhóidí blaistithe
nádúrtha, i gcomhréir le hAirteagal 15(1)(e) agus Airteagal 16 den
Rialachán sin; (c)
dathanna chun feoil agus blaoscanna uibhe a
stampáil i gcomhréir le hAirteagal 17 de Rialachán (CE)
Uimh. 1333/2008 ó Pharlaimint na hEorpa agus ón gComhairle[12]; (d)
uisce óil agus salann (agus clóiríd sóidiam nó
clóiríd photaisiam mar bhun‑chomhábhair) a úsáidtear i bpróiseáil bia i
gcoitinne; (e)
mianraí (riandúile san áireamh), vitimíní,
aimínaigéid, agus micreachothaithigh, nach bhfuil údaraithe ach amháin más gá
iad a úsáid de réir an dlí in earraí bia ina bhfuil siad ionchorpraithe. 2.2.3.
Chun críche an ríofa dá dtagraítear in
Airteagal 21(3), beidh feidhm ag na rialacha seo a leanas: (a)
ríomhfar breiseáin bia áirithe atá údaraithe lena n‑úsáid
i dtáirgeadh orgánach de bhun Airteagal 19 mar chomhábhair talmhaíochta; (b)
ní ríomhfar ullmhóidí agus substaintí dá
dtagraítear i bpointe 2.2.2. mar chomhábhair talmhaíochta; (c)
ríomhfar giosta agus táirgí giosta mar chomhábhair
talmhaíochta. 2.2.4.
Féadfar na comhábhair talmhaíochta neamhorgánacha
seo a leanas a úsáid i bpróiseáil bia orgánaigh: (a)
táirgí ainmhithe: (i) orgánaigh uisceacha, nach de thionscnamh
dobharshaothraithe iad, agus a cheadaítear in ullmhú earraí bia neamhorgánacha; (ii) geilitín; (iii) cásálacha; (b)
táirgí glasraí neamhphróiseáilte chomh maith le
táirgí atá díorthaithe uathu trí bhíthin próiseála: (i) torthaí, cnónna agus síolta inite: – cnónna cóla Cola acuminata; (ii) spíosraí agus luibheanna inite: – síolta raidise fiáine Armoracia rusticana; – bláthanna cróch bhréige Carthamus tinctorius; – luibh biolair Nasturtium officinale; (iii) ilghnéitheach: – algaí, lena n‑áirítear feamainn; (c)
táirgí próiseáilte glasraí: (i) siúcraí, stáirsí agus táirgí eile ó
ghránbharra agus tiúbair: – ríspháipéar; – stáirse ó rís agus arbhar céarach, nach bhfuil modhnaithe go
ceimiceach; (ii) ilghnéitheach: – rum, a fhaightear ó shú siúcra cána amháin. 2.2.5.
Féadfar saill agus olaí, bídís scagtha nó ná bíodh,
ach nach bhfuil modhnaithe go ceimiceach, a úsáid ina bhfoirm neamhorgánach má
tá siad díorthaithe ó phlandaí seachas: – an cócó Theobroma cacao; – an cnó cócó Cocos nucífera; – an ológ Olea europaea; – lus na gréine Helianthus annuus; – an phailm Elaeis guineensis; – an ráib Brassica napus, rapa; – an cróch bréige Carthamus tinctorius; – an seasaman Sesamum indicum; – soighe Glycine max. 3.
Ceanglais maidir le táirgeadh beatha
próiseáilte 3.1.
Ní ghabhfaidh ábhair beatha orgánacha, ná ábhair
beatha atá á dtiontú, i gcomhdhéanamh an táirge beatha orgánaigh go
comhuaineach leis na hábhair beatha chéanna a tháirgtear trí mhodhanna
neamhorgánacha. 3.2.
Aon ábhair beatha a úsáidfear nó a phróiseálfar i
dtáirgeadh orgánach, ní bheidh siad próiseáilte trí bhíthin tuaslagóirí atá
sintéisithe go ceimiceach. CUID V Fíon 1.
Raon feidhme 1.1.
I dteannta na rialacha ginearálta maidir le
táirgeadh atá leagtha síos in Airteagail 7, 8, 9 agus 14, beidh feidhm ag
na rialacha a leagtar síos sa Chuid seo maidir le táirgeadh orgánach táirgí
fíona dá dtagraítear i bpointe (l) d'Airteagal 1(2) de Rialachán (AE)
Uimh. 1308/2013. 1.2.
Beidh feidhm ag Rialachán (CE) Uimh. 606/2009
ón gCoimisiún[13]
agus Rialachán (CE) Uimh. 607/2009 ón gCoimisiún[14], ach amháin má
dhéantar foráil shainráite dá mhalairt sa Chuid seo. 2.
Táirgí agus substaintí áirithe a úsáid 2.1.
Táirgfear táirgí earnáil an fhíona ó amhábhar
orgánach. 2.2.
Ní fhéadfar ach táirgí agus substaintí atá
údaraithe lena n‑úsáid i dtáirgeadh orgánach de bhun Airteagal 19 a
úsáid chun táirgí earnáil an fhíona a dhéanamh, lena n‑áirítear le linn
na bpróiseas agus na gcleachtas fíoneolaíoch, faoi réir na gcoinníollacha agus
na srianta atá leagtha síos i Rialachán (AE) Uimh. 1308/2013 agus
Rialachán (CE) Uimh. 606/2009 agus go háirithe in Iarscríbhinn IA a
ghabhann leis an Rialachán sin. 3.
Cleachtais fhíoneolaíocha agus srianta 3.1.
Gan dochar do Roinn 1 agus Roinn 2 agus
do na toirmisc shonracha agus na srianta sonracha dá bhforáiltear i
bpointí 3.2 go 3.5, ní cheadófar ach cleachtais fhíoneolaíocha, próisis
fhíoneolaíocha agus cóireálacha fíoneolaíocha, lena n‑áirítear na srianta
dá bhforáiltear in Airteagal 80 agus Airteagal 83(2) de Rialachán
(AE) Uimh. 1308/2013, agus in Airteagal 3, Airteagail 5 go 9
agus Airteagail 11 go 14 de Rialachán (CE) Uimh. 606/2009, agus sna
hIarscríbhinní a ghabhann leis na Rialacháin sin, a úsáideadh roimh an
1 Lúnasa 2010. 3.2.
Beidh toirmeasc ar na cleachtais fhíoneolaíocha, próisis
fhíoneolaíocha agus cóireálacha fíoneolaíocha seo a leanas a úsáid: (a)
tiúchan páirteach trí fhuarú de réir
phointe (c) de Roinn B.1 de Chuid I d'Iarscríbhinn VIII a
ghabhann le Rialachán (AE) Uimh. 1308/2013; (b)
dé‑ocsaíd sulfair a dhíothú trí bhíthin próiseas
fisiceach de réir phointe 8 d'Iarscríbhinn I A a ghabhann le
Rialachán (CE) Uimh. 606/2009; (c)
cóireáil leictrea‑scagdhealaithe chun
cobhsaíocht thartarach an fhíona de réir phointe 36
d'Iarscríbhinn I A a ghabhann le Rialachán (CE) Uimh. 606/2009 a
áirithiú; (d)
dí‑alcólú páirteach fíona de réir
phointe 40 d'Iarscríbhinn I A a ghabhann le Rialachán (CE)
Uimh. 606/2009; (e)
cóireáil le caitianmhalartóirí chun cobhsaíocht
thartarach an fhíona de réir phointe 43 d'Iarscríbhinn I A a
ghabhann le Rialachán (CE) Uimh. 606/2009 a áirithiú; 3.3.
Ceadófar na cleachtais fhíoneolaíocha, próisis
fhíoneolaíocha agus cóireálacha fíoneolaíocha seo a leanas a úsáid faoi na
coinníollacha seo a leanas: (a)
i gcás cóireálacha teasa de réir phointe 2
d'Iarscríbhinn I A a ghabhann le Rialachán (CE) Uimh. 606/2009,
ní bheidh an teocht níos airde ná 70 °C; (b)
i gcás lártheifneoirithe agus scagacháin le
hoibreán támhscagtha nó gan oibreán támhscagtha de réir phointe 3
d'Iarscríbhinn I A a ghabhann le Rialachán (CE) Uimh. 606/2009,
ní bheidh méid na bpóireanna níos lú ná 0.2 micriméadar. 3.4.
Déanfaidh an Coimisiún athscrúdú ar úsáid na
gcleachtas fíoneolaíoch, na bpróiseas fíoneolaíoch agus na gcóireálacha
fíoneolaíocha seo a leanas roimh an 1 Lúnasa 2015 d'fhonn deireadh a
chur leis na cleachtais sin de réir a chéile nó iad a shrianadh tuilleadh: (a)
cóireálacha teasa dá dtagraítear i bpointe 2
d'Iarscríbhinn I A a ghabhann le Rialachán (CE) Uimh. 606/2009; (b)
úsáid roisíní ianmhalartaithe dá dtagraítear i
bpointe 20 d'Iarscríbhinn IA a ghabhann le Rialachán (CE)
Uimh. 606/2009; (c)
cúlosmóis de réir phointe (b) de
Roinn B.1 de Chuid I d'Iarscríbhinn VIII a ghabhann le Rialachán
(AE) Uimh. 1308/2013. 3.5.
Ní fhéadfaidh aon leasú a tugadh isteach tar éis an
1 Lúnasa 2010, maidir leis an gcleachtas fíoneolaíoch, na próisis
fhíoneolaíocha agus na cóireálacha fíoneolaíocha dá bhforáiltear i Rialachán
(CE) Uimh. 1234/2007 nó Rialachán (CE) Uimh. 606/2009, a bheith
infheidhme i dtáirgeadh orgánach fíona ach amháin tar éis ghlacadh na mbeart is
gá chun na rialacha maidir le táirgeadh dá bhforáiltear i Roinn 3 seo a
chur chun feidhme agus, más gá, tar éis meastóireachta de réir
Airteagal 19 den Rialachán seo. Cuid VI:
Giosta a úsáidtear mar bhia nó mar bheatha I dteannta na rialacha ginearálta maidir le
táirgeadh atá leagtha síos in Airteagail 7, 9 agus 15, beidh feidhm ag na
rialacha a leagtar síos sa Chuid seo maidir le giosta orgánach a úsáidtear mar
bhia nó mar bheatha. 1.
Ceanglais ghinearálta 1.1.
Ní úsáidfear ach substráití a tháirgtear go
horgánach chun giosta orgánach a tháirgeadh. 1.2.
Ní bheidh giosta orgánach agus giosta neamhorgánach
araon le fáil i mbia ná i mbeatha orgánach. 1.3.
Féadfar na substaintí seo a leanas a úsáid i
dtáirgeadh, ullmhú agus foirmliú an ghiosta orgánaigh: (d)
áiseanna próiseála atá údaraithe lena n‑úsáid
i dtáirgeadh orgánach de bhun Airteagal 19; (e)
táirgí agus substaintí dá dtagraítear i
bpointe 2. 2.2. (a) agus (d) de Chuid IV. IARSCRÍBHINN III BAILIÚ,
PACÁISTIÚ, IOMPAR AGUS STÓRÁIL TÁIRGÍ 1.
Táirgí a bhailiú agus iad a iompar go dtí
aonaid ullmhúcháin Ní fhéadfaidh oibreoirí táirgí orgánacha agus
neamhorgánacha a bhailiú go comhuaineach ach amháin má dhéantar na bearta
iomchuí chun aon mheascadh nó malartú a d'fhéadfadh tarlú le táirgí
neamhorgánacha a chosc agus chun sainaithint na dtáirgí orgánacha a áirithiú.
Coinneoidh an t‑oibreoir ar fáil don údarás rialaithe nó comhlacht
rialaithe an fhaisnéis maidir leis na laethanta, na huaireanta agus an chuaird
bailiúcháin agus an dáta agus an t‑am a fhaightear na táirgí. 2.
Pacáistíocht táirgí agus iad a iompar go dtí
oibreoirí nó aonaid eile 2.1.
Áiritheoidh oibreoirí go n‑iomprófar táirgí
orgánacha go dtí oibreoirí nó aonaid eile, lena n‑áirítear mórdhíoltóirí
agus miondíoltóirí, i bpacáistíocht, coimeádáin nó feithiclí iomchuí amháin atá
dúnta ar bhealach nach féidir an t‑ábhar a ionadú gan an séala a láimhsiú
nó damáiste a dhéanamh dó agus go mbeidh lipéad ag gabháil leo, gan dochar
d'aon tásca eile a cheanglaítear faoi dhlí an Aontais, ar a gcuirtear na nithe
seo a leanas in iúl: (a)
ainm agus seoladh an oibreora agus, má tá siad difriúil,
ainm agus seoladh úinéir nó dhíoltóir an táirge; (b)
ainm an táirge nó tuairisc ar na hábhair beatha
cumaisc lena ngabhann tagairt do tháirgeadh orgánach; (c)
ainm nó códuimhir an údaráis rialaithe nó an
chomhlachta rialaithe a bhfuil an t‑oibreoir faoina réir; agus (d)
más ábhartha, an comhartha sainaitheantais baisce
de réir córais marcála arna fhormheas ar an leibhéal náisiúnta nó arna
chomhaontú leis an údarás rialaithe nó comhlacht rialaithe agus lenar féidir an
bhaisc a nascadh leis na taifid dá dtagraítear in Airteagal 24. Féadfar an fhaisnéis dá dtagraítear i
bpointí (a) go (d) a léiriú ar dhoiciméad tionlacain freisin, más féidir
an doiciméad sin a nascadh gan amhras le pacáistíocht, coimeádán nó iompar
feithicle an táirge. Sa doiciméad tionlacain sin beidh faisnéis maidir leis an
soláthraí nó iompróir. 2.2.
Ní éileofar an phacáistíocht, na coimeádáin ná na
feithiclí a dhúnadh sna cásanna seo a leanas: (a)
iompar díreach atá idir an t‑oibreoir agus
oibreoir eile atá beirt faoi réir an chórais rialaithe orgánaigh; (b)
tá doiciméad ag gabháil leis na táirgí ina bhfuil
an fhaisnéis a cheanglaítear faoi phointe 2.1; agus (c)
coinníonn na hoibreoirí seolta agus na hoibreoirí
fála araon taifid dhoiciméadacha ar na hoibríochtaí iompair sin ar fáil don
údarás rialaithe nó comhlacht rialaithe. 3.
Rialacha speisialta maidir le beatha a
iompar go dtí aonaid táirgthe nó ullmhúcháin eile nó go dtí áitribh stórála Agus beatha á hiompar go dtí aonaid táirgthe
nó ullmhúcháin eile nó go dtí áitribh stórála, áiritheoidh na hoibreoirí go gcomhlíonfar
na coinníollacha seo a leanas: (a)
le linn iompair, déanfar beatha a tháirgtear go
horgánach, beatha atá á tiontú, agus beatha neamhorgánach a dheighilt go
fisiceach ar bhealach éifeachtach; (b)
ní fhéadfar feithiclí nó coimeádáin inar iompraíodh
táirgí neamhorgánacha a úsáid chun táirgí orgánacha a iompar ach amháin sna
cásanna seo a leanas: (i) tá bearta glantacháin oiriúnacha, a
bhfuil scrúdú déanta ar a n‑éifeachtacht, curtha i gcrích sula dtosaítear
ar na táirgí orgánacha a iompar agus déanann na hoibreoirí na hoibríochtaí sin
a thaifeadadh; (ii) tá gach beart iomchuí curtha chun
feidhme, ag brath ar na rioscaí a bhfuil meastóireacht déanta orthu i gcomhréir
leis na socruithe rialaithe agus, más gá, áiritheoidh oibreoirí nach féidir
táirgí neamhorgánacha a chur ar an margadh agus tásc ag gabháil leo a
thagraíonn do tháirgeadh orgánach; (iii) coinníonn an t‑oibreoir taifid
dhoiciméadacha ar na hoibríochtaí iompair sin ar fáil don údarás rialaithe nó
comhlacht rialaithe; (c)
déanfar iompar na beatha orgánaí críochnaithe a
dheighilt go fisiceach nó ó thaobh ama ó iompar táirgí críochnaithe eile; (d)
agus an bheatha á hiompar, déanfar cainníocht na
dtáirgí ag an tús agus gach cainníocht aonair a sheachadtar le linn babhta
seachadta a thaifeadadh. 4.
Iasc beo a iompar 4.1.
Déanfar iasc beo a iompar i ndabhcha oiriúnacha le
huisce glan a chomhlíonann a riachtanais fhiseolaíocha ó thaobh teochta agus
ocsaigine tuaslagtha de. 4.2.
Sula n‑iomprófar iasc orgánach agus táirgí
éisc orgánaigh, déanfar na dabhcha a ghlanadh, a dhíghlarú agus a shruthlú go
críochnúil. 4.3.
Déanfar réamhchúraimí chun an strus a laghdú. Agus
iasc á iompar, ní bheidh an líon iasc níos airde ná an leibhéal a bheadh
díobhálach do na speicis. 4.4.
Coinneofar fianaise dhoiciméadach do na
hoibríochtaí dá dtagraítear i bpointí 4.1, 4.2 agus 4.3. 5.
Táirgí a fháil ó oibreoirí aonad eile Tar éis táirge orgánach a fháil, déanfaidh an
t‑oibreoir dúnadh na pacáistíochta nó an choimeádáin a sheiceáil, más gá,
agus a sheiceáil gurb ann do na tásca dá bhforáiltear i Roinn 2. Déanfaidh an t‑oibreoir an fhaisnéis ar
an lipéad dá dtagraítear i Roinn 2 a chros‑seiceáil leis na
bhfaisnéis ar na doiciméid tionlacain. Déanfar toradh na bhfíoruithe sin a lua
go sainráite sna taifid dá dtagraítear in Airteagal 24. 6.
Rialacha speisialta maidir le táirgí a fháil
ó thríú tír I gcás ina ndéantar táirgí a allmhairiú ó
thríú tír, déanfar iad a iompar i bpacáistíocht nó coimeádáin iomchuí, a
dhúnfar ar bhealach nach féidir an t‑ábhar a ionadú agus lena ngabhann
sainaitheantas an onnmhaireora agus aon chomharthaí agus uimhreacha eile chun
an bhaisc a shainaithint agus an deimhniú rialaithe maidir le hallmhairiú ó
thríú tíortha de réir mar is iomchuí. Tar éis táirge orgánach a allmhairíodh ó thríú
tír a fháil, déanfaidh an duine nádúrtha nó dlítheanach, a seachadtar an
choinsíneacht allmhairithe chuige agus a fhaigheann í d'fhonn í a ullmhú nó a
mhargú tuilleadh, déanfaidh sé dúnadh na pacáistíochta nó an choimeádáin a
sheiceáil agus, i gcás na dtáirgí arna n‑allmhairiú i gcomhréir le
hAirteagal 28(1)(b)(ii), déanfaidh sé a fhíorú go gcumhdaítear sa deimhniú
cigireachta dá dtagraítear san Airteagal sin an cineál táirge atá sa
choinsíneacht. Déanfar toradh an fíoraithe sin a lua go sainráite sna taifid dá
dtagraítear in Airteagal 24. 7.
Táirgí a stóráil 7.1.
Maidir le táirgí a stóráil, déanfar limistéir a
bhainistiú sa chaoi go n‑áiritheofar go ndéanfar baisceanna a
shainaithint agus chun aon mheascadh le táirgí nó substaintí nach gcomhlíonann
na rialacha maidir le táirgeadh orgánach, nó aon éilliú uathu, a sheachaint. Beidh
táirgí orgánacha in‑aitheanta go soiléir i gcónaí. 7.2.
I gcás aonad táirgthe plandaí orgánacha agus
beostoic orgánaigh, tá toirmeasc ar tháirgí ionchuir a stóráil san aonad
táirgthe, seachas na táirgí ionchuir sin atá údaraithe lena n‑úsáid i
dtáirgeadh orgánach de bhun Airteagal 19. 7.3.
Ceadaítear táirgí míochaine tréidliachta
allapatacha agus antaibheathaigh a stóráil i ngabháltais talmhaíochta agus
dobharshaothraithe ar choinníoll go bhfuil siad ordaithe ag tréidlia i dtaca le
cóireáil dá dtagraítear i bpointe 1.5.2.2 de Chuid II agus
pointe 4.1.4.2(a) de Chuid III d'Iarscríbhinn II, go stóráiltear
iad i suíomh faoi mhaoirseacht agus go gcuirtear isteach sa taifead beostoic
iad dá dtagraítear in Airteagal 24. 7.4.
I gcás ina láimhseálann oibreoirí idir tháirgí neamhorgánacha
agus tháirgí orgánacha agus go stóráiltear na táirgí orgánacha i saoráidí
stórála ina stóráiltear táirgí nó earraí bia talmhaíochta eile freisin: (e)
coinneofar na táirgí orgánacha amach ó na táirgí nó
earraí bia talmhaíochta eile; (f)
déanfar gach beart chun a áirithiú go
sainaithnítear coinsíneachtaí agus chun meascáin nó malartuithe le táirgí
neamhorgánacha a sheachaint; (g)
déanfar bearta glantacháin oiriúnacha, a bhfuil a n‑éifeachtacht
fíoraithe, sula ndéanfar na táirgí orgánacha a stóráil agus déanfaidh na
hoibreoirí na hoibríochtaí sin a thaifeadadh. IARSCRÍBHINN IV TÉARMAÍ
DÁ dTAGRAÍTEAR IN AIRTEAGAL 21 BG:
биологичен. ES: ecológico, biológico. CS: ekologické, biologické. DA: økologisk. DE: ökologisch, biologisch. ET: mahe, ökoloogiline. EL: βιολογικό. EN: organic. FR: biologique. GA: orgánach. HR: ekološki. IT: biologico. LV: bioloģisks, ekoloģisks. LT: ekologiškas. LU: biologësch. HU: ökológiai. MT: organiku. NL: biologisch. PL: ekologiczne. PT: biológico. RO: ecologic. SK: ekologické, biologické. SL: ekološki. FI: luonnonmukainen. SV: ekologisk. ‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑‑ IARSCRÍBHINN V LÓGÓ
AN AONTAIS EORPAIGH MAIDIR LE TÁIRGEADH ORGÁNACH AGUS CÓDUIMHREACHA 1.
Lógó 1.1.
Comhlíonfaidh lógó an Aontais Eorpaigh maidir le
táirgeadh orgánach an tsamhail thíos: LÓGÓ le cur isteach 1.2.
Is é an dath tagartha Pantone Uaine Pantone
Uimh. 376 agus Uaine (50 % cian + 100 % buí), i gcás ina n‑úsáidtear
próiseas ceithre dhath. 1.3.
Ní fhéadfar lógó an Aontais Eorpaigh maidir le
táirgeadh orgánach a úsáid i ndubh agus bán, mar atá léirithe, ach amháin mura
bhfuil sé praiticiúil an leagan daite a úsáid: LÓGÓ le cur isteach 1.4.
Má tá dath cúlra na pacáistíochta nó an lipéid
dorcha, féadfar na siombailí a úsáid i bhformáid dhiúltach, ina n‑úsáidtear
dath cúlra na pacáistíochta nó an lipéid. 1.5.
Má úsáidtear lógó daite ar chúlra daite, rud atá
deacair a fheiceáil, féadfar imlíne teormharcála a úsáid timpeall an lógó chun
an chodarsnacht leis na dathanna cúlra a fheabhsú. 1.6.
I gcásanna áirithe ina bhfuil tásca i ndath amháin
ar an bpacáistíocht, féadfar lógó an Aontais Eorpaigh maidir le táirgeadh
orgánach a úsáid sa dath céanna. 1.7.
Ní mór lógó an Aontais Eorpaigh maidir le táirgeadh
orgánach a bheith chomh hard le 9 mm ar a laghad agus chomh leathan le
13.5 mm ar a laghad; beidh an cóimheas comhréire airde/leithid 1:1.5 i
gcónaí. I gcásanna eisceachtúla féadfar an íosmhéid a laghdú go dtí airde
6 mm do phacáistí an‑bheag. 1.8.
Féadfar lógó an Aontais Eorpaigh maidir le
táirgeadh orgánach a chomhcheangal le heilimintí grafacha nó téacsúla a
thagraíonn do tháirgeadh orgánach, ar choinníoll nach ndéantar modhnú ná athrú
ar chineál an lógó ná ar aon cheann de na tásca a shainítear i gcomhréir le
hAirteagal 22. Agus é comhcheangailte le lógónna náisiúnta nó
príobháideacha agus dath uaine in úsáid atá difriúil ón dath tagartha dá
bhforáiltear i bpointe 2, féadfar lógó an Aontais Eorpaigh maidir le
táirgeadh orgánach a úsáid sa dath neamhthagartha sin. 2.
Códuimhreacha Beidh formáid ghinearálta na gcóduimhreacha
mar seo a leanas: AB‑CDE‑999 Sin le rá: (a)
Áit a bhfuil ‘AB’ beidh cód ISO na tíre ina
ndéantar na rialuithe; (b)
Téarma a bheidh in ‘CDE’, a bheidh trí litir ar fad
agus atá le cinneadh ag an gCoimisiún nó ag gach Ballstát, amhail “bio” nó
“öko” nó “org” nó “eko” lena mbunaítear nasc le táirgeadh orgánach; agus (c)
Is é ‘999’ an uimhir thagartha, arna léiriú le trí
dhigit ar a mhéad, atá le sannadh: (i) ag údarás inniúil gach Ballstáit do na
húdaráis rialaithe nó comhlachtaí rialaithe a bhfuil cúraimí rialaithe
tarmligthe chucu acu; (ii) ag an gCoimisiún, do: – na húdaráis rialaithe agus comhlachtaí rialaithe atá aitheanta ag an
gCoimisiún de bhun Airteagal 29; – údaráis rialaithe tríú tíortha atá aitheanta ag an gCoimisiún de bhun
Airteagal 31. [1] Treoir 91/676/CEE ón gComhairle an 12 Nollaig 1991 maidir
le huiscí a chosaint ar thruailliú de bharr níotráití ó fhoinsí talmhaíochta
(IO L 375, 31.12.1991, lch. 1). [2] Rialachán (CE) Uimh. 1974/2006 ón gCoimisiún an 15
Nollaig 2006 lena leagtar síos rialacha mionsonraithe maidir le cur i bhfeidhm
Rialachán (CE) Uimh. 1698/2005 ón gComhairle maidir le tacaíocht
d'fhorbairt tuaithe ón gCiste Eorpach Talmhaíochta um Fhorbairt Tuaithe (CETFT)
(IO L 368, 23.12.2006, lch. 15) [3] Rialachán (AE) Uimh. 1305/2013 ó Pharlaimint na
hEorpa agus ón gComhairle an 17 Nollaig 2013 maidir le tacaíocht d'fhorbairt
tuaithe ón gCiste Eorpach Talmhaíochta um Fhorbairt Tuaithe (CETFT) agus lena
n-aisghairtear Rialachán (CE) Uimh. 1698/2005 ón gComhairle (IO L 347,
20.12.2013, lch. 487) [4] Treoir 2008/119/CE ón gComhairle an 18 Nollaig 2008 lena
leagtar síos íoschaighdeáin maidir le cosaint laonna (IO L 10, 15.1.2009, lch.
7) [5] Treoir 2000/60/CE ó Pharlaimint na hEorpa agus ón
gComhairle on 23 Deireadh Fómhair 2000 lena mbunaítear creat do ghníomhaíocht
Chomhphobail i réimse an bheartais uisce (IO L 327, 22.12.00, lch. 1). [6] Treoir 2008/56/CE ó Pharlaimint na hEorpa agus ón
gComhairle an 17 Meitheamh 2008 lena mbunaítear creat do ghníomhaíocht
Chomhphobail i réimse an bheartais comhshaoil mhuirí (Creat‑Treoir um
Straitéis Mhuirí) (IO L 164, 25.6.2008, lch. 19). [7] Rialachán (CE) Uimh. 708/2007 ón gComhairle an
11 Meitheamh 2007 maidir le speicis choimhthíocha agus speicis nach
bhfaightear go háitiúil a úsáid sa dobharshaothrú (IO L 168, 28.6.2007,
lch. 1). [8] Treoir 2011/92/AE ó Pharlaimint na hEorpa agus ón
gComhairle an 13 Nollaig 2011 maidir le measúnú a dhéanamh ar éifeachtaí
tionscadal poiblí agus príobháideach áirithe ar an gcomhshaol (IO L 26,
28.1.2012, lch. 1) [9] Treoir 2006/113/CE ó Pharlaimint na hEorpa agus ón
gComhairle an 12 Nollaig 2006 maidir leis an gcáilíocht is gá d'uiscí
sliogéisc (IO L 376, 27.12.2006, lch. 14). [10] Cleachtais mhaithe monaraíochta mar atá sainmhínithe in
Airteagal 3(a) de Rialachán (CE) Uimh. 2023/2006 ón gCoimisiún an
22 Nollaig 2006 maidir le cleachtas maith monaraíochta d'ábhair agus
earraí eile atá ceaptha teacht i dteagmháil le bia (IO L 384, 29.12.2006,
lch. 75) [11] Rialachán (CE) Uimh. 1334/2008 ó Pharlaimint na
hEorpa agus ón gComhairle an 16 Nollaig 2008 maidir le blastáin agus
maidir le comhábhair áirithe bia a bhfuil airíonna blaistithe acu atá le húsáid
i mbianna agus ar bhianna agus lena leasaítear Rialachán (CEE)
Uimh. 1601/91 ón gComhairle, Rialachán (CE) Uimh. 2232/96 agus
Rialachán (CE) Uimh. 110/2008 agus Treoir 2000/13/CE (IO L 354, 31.12.2008,
lch. 34). [12] Rialachán (CE) Uimh. 1333/2008 ó Pharlaimint na
hEorpa agus ón gComhairle an 16 Nollaig 2008 maidir le breiseáin bia (IO L 354,
31.12 2008, lch. 16). [13] Rialachán (CE) Uimh. 606/2009 ón gCoimisiún an 10
Iúil 2009 lena leagtar síos rialacha mionsonraithe áirithe maidir le cur chun
feidhme Rialachán (CE) Uimh. 479/2008 ón gComhairle maidir le catagóirí
táirgí fíniúna, cleachtais fhíoneolaíocha agus na srianta is infheidhme (IO L
193, 24.7.2009, lch. 1). [14] Rialachán (CE) Uimh. 607/2009 ón gCoimisiún an 14
Iúil 2009 lena leagtar síos rialacha mionsonraithe áirithe maidir le cur chun
feidhme Rialachán (CE) Uimh. 479/2008 ón gComhairle maidir le sonrúcháin
tionscnaimh faoi chosaint agus tásca geografacha faoi chosaint, téarmaí
traidisiúnta, lipéadú agus cur i láthair táirgí áirithe earnáil an fhíona (IO L
193, 24.7.2009, lch. 60).