Maoirseacht bhreithiúnach — aitheantas frithpháirteach

ACHOIMRE AR:

Cinneadh 2009/829/CGB – maoirseacht bhreithiúnach (rogha eile ar choinneáil)

ACHOIMRE

CÉARD A DHÉANANN AN CINNEADH RÉIME SEO?

Faoin gcinneadh réime seo, is féidir le saoránaigh an Aontais Eorpaigh (AE) atá ag fanacht ar thriail i dtír AE eile filleadh abhaile go dtí go gcuirfear tús leis an triail sin.

Déantar maoirseacht orthu ina dtír baile féin trí bhearta neamhchoinneála (neamhphríosúnachta) a úsáid. Mar shampla, a iarraidh orthu síniú isteach ag stáisiún na bpóilíní gach lá.

Mar sin, déantar coinneáil fhadtéarmach bhreithiúnach thar lear a sheachaint.

PRÍOMHPHOINTÍ

Má aontaíonn an duine atá faoi amhras filleadh abhaile, déanann tír na trialach an cineál maoirseachta* a roghnú.

Seoltar cinneadh thír na trialach mar aon le deimhniú chuig tír baile an duine atá faoi amhras.

Bíonn 20 lá ag an tír baile chun an cinneadh sin a aithint.

Uaireanta, ní aithneoidh tíortha an cinneadh más rud é:

• nach cion an choir faoin dlí náisiúnta;
• go bhfuilcúiseanna neamhaitheantaisann (m.sh. níl an deimhniú a ghabhann leis iomlán).

Ní mór cinntí a aithint i gcás coireanna áirithe, lena n-áirítear:

• sceimhlitheoireacht;
• gáinneáil ar dhaoine;
• bheith ina chuid d’eagraíocht choiriúil.

Má theipeann ar an duine atá faoi amhras freastal ar an triail, is féidir leis an tír baile an duine sin a “thabhairt suas”. Is ionann sin agus iallach a chur air nó uirthi filleadh ar thír na trialach trí Bharántas Gabhála Eorpach a úsáid.

Tá páirt á glacadh ag an Ríocht Aontaithe (1) sa scéim sin ó 2014 i leith.

CATHAIN A BHEIDH FEIDHM AG AN GCINNEADH?

Ón 1 Nollaig, 2012 ar aghaidh.

CÚLRA

Aitheantas frithpháirteach do bhearta breithiúnacha.

EOCHAIRTHÉARMAÍ

*Féadfar a éileamh ar dhuine éigin faoibhearta maoirseachta :

• fanacht in áit áirithe;
• gan an tír a fhágáil;
• gan tiomáint;
• a chur in iúl do na húdaráis gur imigh siad chun cónaí i dteach eile;
• síniú isteach ag amanna socraithe le húdarás sonrach (e.g. na póilíní);
• gan dul chun cónaí/cuairt a thabhairt ar áiteanna áirithe;
• gan teagmháil a dhéanamh le daoine sonracha.

GNÍOMH

Cinneadh Réime 2009/829/CGB ón gComhairle an 23 Deireadh Fómhair 2009 maidir le prionsabal an aitheantais fhrithpháirtigh a chur i bhfeidhm ag Ballstáit an Aontais Eorpaigh ar chinntí faoi bhearta maoirseachta mar rogha eile ar choinneáil shealadach

GNÍOMHARTHA GAOLMHARA

Tuarascáil ón gCoimisiún chuig Parlaimint na hEorpa agus chuig an gComhairle maidir le cur i bhfeidhm ag na Ballstáit de Chinneadh Réime 2008/909/CGB, Cinneadh Réime 2008/947/CGB agus Cinneadh Réime 2009/829/CGB maidir le haitheantas frithpháirteach a thabhairt do chinntí breithiúnacha faoi phianbhreitheanna coimeádta nó bearta a bhaineann le cailleadh saoirse, le cinntí promhaidh agus smachtbhannaí eile agus le bearta maoirseachta mar rogha eile ar choinneáil shealadach (COM(2014) 57 final an 5 Feabhra 2014)

Cinneadh 2014/858/AE ón gCoimisiún an 1 Nollaig 2014 maidir le fógra a fháil ó Ríocht Aontaithe na Breataine Móire agus Thuaisceart Éireann gur mian léi páirt a ghlacadh i ngníomhartha an Aontais i réimse an chomhair phóilíneachta agus bhreithiúnaigh in ábhair choiriúla arna nglacadh roimh theacht i bhfeidhm Chonradh Liospóin agus nach cuid den acquis Schengen iad (IO L 345, 1.12.2014, lgh. 6-9)

Nuashonraithe 28.09.2015

---

(1) Tharraing an Ríocht Aontaithe siar as an Aontas Eorpach agus tá sí ina tríú tír (tír nach tír den Aontas Eorpach í) ó bhí an 1 Feabhra 2020 ann.