Comhar eolaíoch agus teicneolaíochta leis an Iordáin

 

ACHOIMRE AR:

Cinneadh 2011/348/CE maidir le comhaontú AE-an Iordáin i ndáil le comhar eolaíoch agus teicneolaíochta a shíniú agus a chur i bhfeidhm go sealadach

AE-an Iordáin maidir le comhar eolaíoch agus teicneolaíochta

Teacht i bhfeidhm an chomhaontaithe AE-an Iordáin maidir le comhar eolaíoch agus teicneolaíochta

CAD IS AIDHM LEIS NA GCINNEADH AGUS LEIS AN GCOMHAONTÚ?

Údaraítear le cinneadh na Comhairle síniú agus cur i bhfeidhm sealadach an chomhaontaithe.

Bunaítear leis an gcomhaontú struchtúr foirmiúil maidir le comhar i dtaighde eolaíoch agus teicneolaíochta idir na páirtithe chun gníomhaíochtaí comhoibrithe leasa choitinn sa réimse seo a spreagadh, a fhorbairt agus a éascú.

PRÍOMHPHOINTÍ

Tá an comhair idir AE agus an Iordáin san eolaíocht agus sa teicneolaíocht bunaithe, go sonrach, ar na prionsabail a bhaineann le tairbhe fhrithpháirteach agus cur chun cinn sochaí atá bunaithe ar eolas. Tá sé beartaithe freisin cur le forbairt shocheacnamaíoch an dá pháirtí.

Déanann Comhchoiste feidhmiú an chomhaontaithe a bhainistiú.

Conas a oibríonn an comhar

Féadfaidh daoine nádúrtha nó dlítheanacha gníomhaíochtaí comhoibritheacha a dhéanamh. Maidir leis seo, ní mór don AE agus don Iordáin saorghluaiseacht agus cónaí oibrithe taighde a chumasú ina gcríocha faoi seach, agus gluaiseacht earraí atá beartaithe lena n–úsáid sna gníomhaíochtaí seo, faoina reachtaíocht is infheidhme a chumasú.

Féadfaidh rannpháirtithe atá lonnaithe san Iordáin páirt a ghlacadh i ngníomhartha indíreacha faoin gCreatchlár AE um Thaighde agus Nuálaíocht (Fís 2020) i gcomhréir lena rialacha agus téarmaí agus coinníollacha.

Féadfaidh rannpháirtithe atá lonnaithe san AE páirt a ghlacadh i gcláir agus i dtionscadail thaighde san Iordáin ar an mbonn céanna le rannpháirtithe na hIordáine, faoi réir na rialacha náisiúnta is infheidhme agus téarmaí agus coinníollacha an chomhaontaithe.

Féadfaidh gníomhaíochtaí comhoibrithe, mar shampla, na foirmeacha seo a leanas a ghlacadh:

• idirphlé polaitiúil rialta i réimse an taighde;
• malartuithe faisnéise eolaíochta agus teicneolaíochta;
• malartuithe oibrithe taighde, innealtóirí agus teicneoirí;
• malartuithe trealaimh, ábhar agus seirbhísí tástála;
• oiliúint maidir le taighde agus forbairt theicneolaíoch.

Ina theannta sin, roinneann údaráis na hIordáine agus an Coimisiún Eorpach faisnéis faoi chláir reatha agus deiseanna nua comhair.

Cearta maoine intleachtúla

Tá rialacha maidir le cosaint ar chearta maoine intleachtúla agus scaipeadh eolais, a eascraíonn as na gníomhaíochtaí taighde a rinneadh faoin gcomhaontú, leagtha síos in Iarscríbhinn II a ghabhann leis an gcomhaontú. Tá na rialacha sin ag teacht leis na rialacháin náisiúnta agus idirnáisiúnta.

CÉN UAIR ATÁ TOSACH FEIDHME AN CHOMHAONTAITHE?

Síníodh an comhaontú an 30 Samhain 2009 agus bhí sé infheidhme go sealadach (éifeachtaí dlíthiúla ag éirí as) óna shíniú. Tá feidhm leis ón 29 Márta 2011.

CÚLRA

Chun tuilleadh faisnéise a fháil, féach:

• Comhar idirnáisiúnta Taighde agus Forbartha leis an Iordáin (An Coimisiún Eorpach).

PRÍOMHDHOICIMÉID

Cinneadh ón gComhairle 2011/348/CE an 10 Samhain 2009 maidir le síniú, thar ceann an Chomhphobail, agus cur i bhfeidhm sealadach an Chomhaontaithe idir an Comhphobal Eorpach agus Ríocht Haisimíte na hIordáine ar Chomhar Eolaíoch agus Teicneolaíochta (IO L 159, 17.6.2011, lch. 107)

Comhaontú idir an Comhphobal Eorpach agus Ríocht Haisimíteach na hIordáine maidir le Comhar Eolaíoch agus Teicneolaíochta (IO L 159, 17.6.2011, lgh. 108-114)

Faisnéis maidir le teacht i bhfeidhm an Chomhaontaithe idir an Comhphobal Eorpach agus Ríocht Haisimíteach na hIordáine ar chomhar eolaíoch agus teicneolaíochta (IO L 116, 28.4.2012, lch. 1)

DOICIMÉID GHAOLMHARA

Cinneadh 2011/343/AE ón gComhairle an 9 Márta 2011 ar chríochnú an Chomhaontaithe idir an Comhphobal Eorpach agus Ríocht Haisimíteach na hIordáine maidir le Comhar Eolaíoch agus Teicneolaíochta (IO) L 159, 17.6.2011, lch. 1)

Nuashonraithe 08.02.2018