Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Feithiclí faoi thiomáint hidrigine — rialacha cineálcheadaithe

Legal status of the document This summary has been archived and will not be updated. See 'Ceanglais chineálcheadaithe chun sábháilteacht ghinearálta feithiclí agus cosaint úsáideoirí soghonta bóithre a áirithiú' for an updated information about the subject.

Date of last review:
21/03/2016
Author:
Oifig Foilseachán an Aontais Eorpaigh
Archived:
true
Summarised document(s):

Feithiclí faoi thiomáint hidrigine — rialacha cineálcheadaithe

ACHOIMRE AR:

Rialachán (CE) Uimh. 79/2009 maidir le cineálcheadú mótarfheithiclí faoi thiomáint hidrigine

ACHOIMRE

CAD A DHÉANTAR SA RIALACHÁN?

Bunaítear ceanglais déantúsaíochta ann maidir le feithiclí faoi thiomáint hidrigine a úsáidtear le paisinéirí agus earraí a iompar agus maidir lena gcomhpháirteanna agus lena gcórais.

PRÍOMHPHOINTÍ

  • Ní mór do mhonaróirí
    • a thaispeáint go gcloíonn gach feithicil nua faoi thiomáint hidrigine a dhíolfar, a chlárófar nó a chuirfear i seirbhís san Aontas Eorpach (AE) agus a gcomhpháirteanna leis an reachtaíocht;
    • an fhaisnéis iomchuí faoi shonraíochtaí na bhfeithiclí agus faoi na coinníollacha tástála a chur ar fáil do na húdaráis formheasa;
    • an fhaisnéis is gá a chur ar fáil sa chás go ndéantar cigireacht ar na comhpháirteanna agus na córais hidrigine le linn seirbhísiú feithiclí.
  • Ní mór do mhonaróirí an méid seo a leanas a chinntiú maidir leis na comhpháirteanna agus na córais hidrigine:
    • go seasfaidh siad dálaí oibriúcháin leictreacha, meicniúla, teirmeacha agus ceimiceacha gan sceitheadh agus gan éirí dífhoirmithe;
    • go bhfuil siad cosanta i gcoinne brúnna ró-ard;
    • go seasfaidh siad go hiontaofa in aghaidh an raoin teochta agus brú a mbeifí ag súil leis ar feadh a saolré;
    • go bhfuil siad deartha ar shlí ina bhféadfar iad a shuiteáil agus a chosaint i gcoinne damáiste.
  • Tá nósanna imeachta tástála sainiúla sa reachtaíocht le haghaidh cineálacha éagsúla coimeádán agus comhpháirteanna hidrigine.
  • Tá an t-údarás ag an gCoimisiún Eorpach chun bearta cur chun feidhme a ghlacadh amhail na rialacha mionsonraithe do na tástálacha éagsúla agus an fhaisnéis nach mór do mhonaróirí a chur ar fáil.

CÉN UAIR ATÁ TOSACH FEIDHME AN RIALACHÁIN?

Cuireadh an rialachán i bhfeidhm an 24 Feabhra 2011.

GNÍOMH

Rialachán (CE) Uimh. 79/2009 ó Pharlaimint na hEorpa agus ón gComhairle an 14 Eanáir 2009 maidir le cineálcheadú mótarfheithiclí faoi thiomáint hidrigine, agus lena leasaítear Treoir 2007/46/CE (IO L 35, 4.2.2009, lgh. 32-46)

GNÍOMHARTHA GAOLMHARA

Rialachán (AE) Uimh. 406/2010 ón gCoimisiún an 26 Aibreán 2010 lena gcuirtear chun feidhme Rialachán (CE) Uimh. 79/2009 ó Pharlaimint na hEorpa agus ón gComhairle maidir le cineálcheadú mótarfheithiclí faoi thiomáint hidrigine (IO L 122, 18.5.2010, lgh. 1-107). Rinneadh na leasuithe agus an ceartúcháin chomhleanúnacha ar Rialachán (AE) Uimh. 406/2010 ón gCoimisiún a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (AE) Uimh. 630/2012 ón gCoimisiún an 12 Iúil 2012 lena leasaítear Rialachán (CE) Uimh. 692/2008, maidir le ceanglais chineálcheadaithe le haghaidh mótarfheithiclí faoi thiomáint hidrigine agus meascáin de hidrigin agus de ghás nádúrtha i dtaca le hastaíochtaí, agus áireamh faisnéise sonraí i ndáil le feithiclí atá feistithe le gléasra cumhachta leictreach sa doiciméad faisnéise chun críocha chineálcheadú CE (IO L 182, 13.7.2012, lgh. 14-26)

Nuashonraithe 21.03.2016

Top