Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Deimhnithe forlíontacha cosanta le haghaidh táirgí íocshláinte agus táirgí cosanta plandaí

Date of last review:
10/10/2019
Author:
Oifig Foilseachán an Aontais Eorpaigh
Responsible entity(ies):
Ard-Stiúrthóireacht um an Margadh Inmheánach, Tionsclaíocht, Fiontraíocht agus Fiontair Bheaga agus Mheánmhéide

Deimhnithe forlíontacha cosanta le haghaidh táirgí íocshláinte agus táirgí cosanta plandaí

 

ACHOIMRE AR:

Rialachán (CE) Uimh. 1610/96 — deimhniú forlíontach cosanta i gcomhair táirgí cosanta plandaí

Rialachán (CE) Uimh. 469/2009 — deimhniú forlíontach cosanta i gcomhair táirgí cógaisíochta

CAD IS AIDHM LEIS NA RIALACHÁIN SIN?

  • Foráiltear leo cosaint bhreise do tháirgí sonracha cógaisíochta agus cosanta plandaí paitinnithe atá ceadaithe lena ndíol
  • Tgadh isteach le Rialachán Leasaitheach (AE) 2019/933 tarscaoileadh déantúsaíochta maidir leis an gcosaint a thugtar le deimhniú forlíontach cosanta (SPC)* le haghaidh táirgí cógaisíochta a cheadóidh do chuideachtaí atá bunaithe in AE leagan cineálach nó comhchosúil de leigheas atá faoi chosaint SPC a mhonarú le linn théarma an deimhnithe:
    • lena onnmhairiú chuig margadh neamh-AE; nó
    • lena stoc-charnadh i rith 6 mhí dheireanacha SPC, sula gcuirtear isteach i margadh AE é.
  • Tá an chosaint seo ón Aontas Eorpach ceaptha chun aon éagothromaíochtaí agus easnaimh i gcórais phaitinne náisiúnta táirgí cógaisíochta agus cosanta plandaí a chothromú.

PRÍOMHPHOINTÍ

  • Féadfaidh aon táirge cógaisíochta nó cosanta plandaí SPC a fháil, más rud é:
    • go bhfuil sé faoi chosaint ag paitinn náisiúnta (an phaitinn bhunúsach);
    • caithfidh sé údarú náisiúnta nó AE a bheith aige sula bhféadfar é a dhíol (údarú margaíochta); agus
    • nach bhfuil deimhnithe leis cheana féin.
  • Tugann an SPC na cearta céanna leis na cearta a sholáthraítear leis an bpaitinn bunúsach, seachas teorainneacha an tarscaoilte déantúsaíochta a mhínítear thuas.
  • Ní mór an t–iarratas SPC a thaisceadh leis an oifig náisiúnta maoine tionscail ábhartha:
    • laistigh de 6 mhí ón dáta a deonaíodh an phaitinn; nó
    • i gcás ina bhfuarthas an t–údarú chun é a chur ar an margadh sula ndeonaítear an phaitinn bunúsach, laistigh de 6 mhí ón dáta a deonaíodh an phaitinn
  • Tiocfaidh an deimhniú forlíontach cosanta i bhfeidhm nuair a rachaidh an phaitinn bhunúsach in éag, agus beidh sé bailí ar feadh tréimhse suas le 5 bliana. Ní mhairfidh an chosaint fhoriomlán is féidir a fháil faoi phaitinn agus faoin deimhniú forlíontach cosanta níos mó ná 15 bliana ó ndeonfar an chéad údarú margaíochta.
  • Féadfar an SPC a shíneadh uair amháin ar feadh 6 mhí le haghaidh táirgí cógaisíochta do leanaí sa chás ina bhfuil plean imscrúdaithe péidiatraiceach ullmhaithe. Is é 15,5 bliain an chosaint fhoriomlán a sholáthraítear dá réir sin.

CÉN UAIR ATÁ TOSACH FEIDHME NA RIALACHÁN?

  • Tá Rialachán (CE) Uimh. 1610/96 i bhfeidhm ón 8 Feabhra 1997, seachas sna tíortha sin nár cumhdaíodh paitinniúlacht táirgí cosanta plandaí ina ndlí náisiúnta, i gcás go bhfuil sé i bhfeidhm ón 2 Eanáir 1998.
  • Le Rialachán (CE) Uimh. 469/2009 códaítear Rialachán (CEE) Uimh. 1768/92 ón gComhairle. Tá sé i bhfeidhm ón 6 Iúil 2009.
  • Tá Rialachán Leasaitheach (AE) 2019/933 i bhfeidhm ón 1 Iúil 2019.

CÚLRA

  • Laghdaítear an tréimhse éifeachtach um chosaint paitinne mar gheall ar an tréimhse idir iarratas a dhéanamh ar phaitinn le haghaidh táirge nua cógaisíochta nó cosanta plandaí agus údarú a fháil chun é a chur ar an margadh. Tá sé mar aidhm ag an SPC an laghdú sin ar chosaint éifeachtach paitinne sna réimsí taighde seo a fhritháireamh chun nuálaíocht a spreagadh agus chun cosc a chur ar na tionscail sin bogadh ar shiúl ó thíortha AE.
  • Le haghaidh tuilleadh faisnéise, féach:

PRÍOMHTHÉARMAÍ

Deimhniú forlíontach cosanta: ceart maoine intleachtúla i gcás táirge sonrach a fheidhmíonn mar shíneadh ar phaitinn.

PRÍOMHDHOICIMÉID

Rialachán (CE) Uimh. 1610/96 ó Pharlaimint na hEorpa agus ón gComhairle an 23 Iúil 1996 maidir le deimhniú forlíontach cosanta a chruthú i gcomhair táirgí cosanta plandaí (IO L 198, 8.8.1996, lgh. 30-35)

Rinneadh leasuithe comhleanúnacha ar Rialachán (CE) Uimh. 1610/96 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (CE) Uimh. 469/2009 ó Pharlaimint na hEorpa agus ón gComhairle an 6 Bealtaine 2009 maidir leis an deimhniú forlíontach cosanta i gcomhair táirgí íocshláinte (leagan códaithe) (IO L 152, 16.6.2009, lgh. 1-10)

Féach an leagan comhdhlúite.

DOICIMÉAD GAOLMHAR

Rialachán (AE) 2019/933 ó Pharlaimint na hEorpa agus ón gComhairle an 20 Bealtaine 2019 lena leasaítear Rialachán (CE) Uimh. 469/2009 maidir leis an deimhniú forlíontach cosanta i gcomhair táirgí íocshláinte (IO L 153, 11.6.2019, lgh. 1-10)

Nuashonraithe 10.10.2019

Top