Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Úsáid inbhuanaithe lotnaidicídí san Aontas Eorpach a chinntiú

Date of last review:
11/04/2016
Author:
Oifig Foilseachán an Aontais Eorpaigh
Summarised document(s):

Úsáid inbhuanaithe lotnaidicídí san Aontas Eorpach a chinntiú

ACHOIMRE AR:

Threoir 2009/128/CE — gníomh AE chun úsáid inbhuanaithe lotnaidicídí a bhaint amach

ACHOIMRE

CÉARD A DHÉANTAR SA TREOIR SEO?

  • Leagtar síos rialacha maidir le húsáid inbhuanaithe a bhaint as lotnaidicídí tríd an riosca a bhaineann leo do shláinte an duine agus don chomhshaol a laghdú.
  • Cuirtear srianadh comhtháite lotnaidí agus teicnící difriúla, amhail roghanna eile neamhcheimiceacha, chun cinn sa treoir freisin.

PRÍOMHPHOINTÍ

  • Ní mór do thíortha an Aontais Eorpaigh (AE):
    • glacadh le pleananna náisiúnta ina leagtar amach cuspóirí, spriocanna, bearta agus amchláir chun na rioscaí sláinte agus comhshaoil a bhaineann le húsáid lotnaidicídí a laghdú;
    • a chinntiú go gcuirtear oiliúint cheart ar úsáideoirí gairmiúla, ar dháileoirí agus ar chomhairleoirí;
    • eolas a chur ar an bpobal i gcoitinne agus feachtais mhúscailte feasachta a chur chun cinn a bhaineann le rioscaí a d’fhéadfadh a bheith bainteach le lotnaidicídí;
    • ceanglas a chur i bhfeidhm chun iniúchtaí a dhéanamh go rialta ar an trealamh a úsáidtear chun lotnaidicídí a scaipeadh (uair amháin ar a laghad faoi 2016, gach 5 bliana ina dhiaidh sin suas go dtí 2020 agus gach 3 bliana ina dhiaidh sin);
    • aerspraeáil a chosc;
    • uisce a chosaint ar thionchar lotnaidicídí, go háirithe uisce óil;
    • a chinntiú go n-úsáidtear níos lú lotnaidicídí nó go gcuirtear cosc ar úsáid lotnaidicídí in áiteanna áirithe, amhail páirceanna poiblí, áiteanna súgartha agus páirceanna imeartha nó in aice le saoráidí cúram sláinte;
    • ceanglas a chur ar úsáideoirí gairmiúla chun réamhchúraimí sábháilteachta a leanúint agus lotnaidicídí á láimhseáil agus á stóráil acu agus a bpacáistíocht agus a bhfuílleach á gcóireáil;
    • na bearta is gá a ghlacadh chun srianadh lotnaidí íseal-lotnaidicíde a chur chun cinn.
  • Faoin reachtaíocht, is féidir le tíortha AE úsáid lotnaidicídí a shrianadh nó a chosc i gcúinsí nó in áiteanna áirithe.
  • Bhí ar thíortha AE a bpleananna náisiúnta a chur in iúl don Choimisiún Eorpach agus do thíortha AE eile faoin 14 Nollaig 2012.
  • Bhí ar an gCoimisiún tuarascáil ar na pleananna náisiúnta a chur faoi bhráid Pharlaimint na hEorpa agus na Comhairle faoin 14 Nollaig 2014.
  • Ní mór don Choimisiún tuarascáil a chur faoi bhráid Pharlaimint na hEorpa agus na Comhairle faoin 14 Nollaig 2018 maidir leis an dul chun cinn atá déanta ag tíortha AE ó thaobh a gcuspóirí náisiúnta a chur i bhfeidhm.

CATHAIN A BHEIDH FEIDHM AG AN TREOIR?

Cuireadh an treoir i bhfeidhm an 25 Samhain 2009. Bhí ar thíortha AE an treoir a ionchorprú ina ndlí náisiúnta faoin 14 Nollaig 2011.

CÚLRA

Úsáid inbhuanaithe lotnaidicídí.

GNÍOMH

Treoir 2009/128/CE ó Pharlaimint na hEorpa agus ón gComhairle an 21 Deireadh Fómhair 2009 lena mbunaítear creat do chlár gníomhaíochta Comhphobail chun úsáid inbhuanaithe lotnaidicídí a bhaint amach (IO L 309, 24.11.2009, lgh. 71-86)

Ionchorpraíodh sa bhuntéacs leasuithe i ndiaidh a chéile ar Threoir 2009/128/CE. Is chun críocha tagartha amháin an leagan comhdhlúite seo.

Nuashonraithe 11.04.2016

Top