An Cód um Chumarsáid Leictreonach Eorpach

 

ACHOIMRE AR:

Treoir (AE) 2018/1972 lena mbunaítear an Cód um Chumarsáid Leictreonach Eorpach

CAD IS AIDHM LEIS AN TREOIR?

Leis an treoir:

• bunaítear sraith rialacha nuashonraithe chun líonraí cumarsáide leictreonaí (teileachumarsáid), seirbhísí teileachumarsáide, agus saoráidí agus seirbhísí gaolmhara a rialú;
• leagann sé amach cúraimí d’údaráis rialála náisiúnta agus d’údaráis ábhartha eile, agus bunaíonn sé sraith nósanna imeachta chun a áirithiú go gcomhchuibhítear an creat rialála ar fud an Aontais Eorpaigh (AE);
• tá sé mar aidhm iomaíocht agus infheistíocht mhéadaithe in 5G* agus líonraí fíor-ardacmhainne, ionas gur féidir le gach saoránach agus gnólacht san Aontas leas a bhaint as nascacht ardcháilíochta, ardleibhéal cosanta do thomhaltóirí agus rogha níos mó seirbhísí digiteacha nuálacha.

PRÍOMHPHOINTÍ

• Bunaítear leis an treoir Cód um Chumarsáid Leictreonach Eorpach, sraith chuimsitheach rialacha nua nó athbhreithnithe d’earnáil na teileachumarsáide mar chuid de phacáiste dlíthe teileachumarsáide, lena n-áirítear Rialachán (AE) 2018/1971 lena mbunaítear Comhlacht na Rialálaithe Eorpacha um Chumarsáid Leictreonach (BEREC) agus Gníomhaireacht Tacaíochta BEREC (Oifig BEREC).
• Gabhann sé ionad Threoracha 2002/19/CE, 2002/20/CE agus 2002/21/CE, agus Airteagal 5 de Chinneadh Uimh. 243/2012/AE agus déantar iad a aisghairm. Rinneadh meastóireacht agus athbhreithniú ar Threoir 2002/58/CE (treoir maidir le príobháideachas agus cumarsáid leictreonach) ar leithligh.

Is iad seo a leanas na cuspóirí ginearálta:

• cuirtear chun cinn nascacht agus glacadh líonraí fíor-ardacmhainne, lena n–áirítear líonraí fostaithe, líonraí móibíleacha agus líonraí gan sreang, do shaoránaigh agus do ghnólachtaí uile AE;
• leasanna shaoránaigh an Aontais a chur chun cinn tríd an méid seo a leanas:
  • uassochair ó thaobh rogha, praghais agus cáilíochta de a chumasú trí iomaíocht éifeachtach,
  • slándáil líonra agus seirbhísí a chothabháil,
  • cosaint do thomhaltóirí a áirithiú trí rialacha sonracha, agus
  • dul i ngleic le riachtanais grúpaí sóisialta faoi leith, go háirithe daoine faoi mhíchumas, daoine scothaosta agus daoine ag a bhfuil riachtanais shóisialta speisialta;
• iontráil sa mhargadh a éascú agus iomaíocht a chur chun cinn i soláthar líonraí teileachumarsáide agus saoráidí gaolmhara;
• cur le forbairt an mhargaidh inmheánaigh i líonraí agus seirbhísí teileachumarsáide in AE, trí rialacha comhchoiteanna agus rialáil intuartha a fhorbairt ina mbeidh na nithe seo a leanas:
  • úsáid éifeachtach, éifeachtúil agus chomhordaithe speictrim raidió,
  • nuálaíocht oscailte,
  • gréasáin thras-Eorpacha a fhorbairt,
  • infhaighteacht agus idir-inoibritheacht seirbhísí uile-Eorpacha, agus
  • nascacht ceann go ceann.

Is iad seo a leanas an fhreagracht atá ar Bhallstáit an Aontais:

• oibriú i gcomhar le chéile agus leis an gCoimisiún Eorpach maidir le pleanáil straitéiseach agus comhordú straitéiseach an bheartais speictrim raidió, agus trasnaíocht dhíobhálach a sheachaint, tríd an nGrúpa um an mBeartas Speictrim Raidió;
• a áirithiú gur údarás ábhartha a dhéanfaidh na cúraimí a leagtar amach sa treoir;
• a ráthú go mbeidh na húdaráis rialála náisiúnta agus údaráis ábhartha eile neamhspleách ar mhonaróirí trealaimh teileachumarsáide agus ar sholáthraithe seirbhíse;
• a áirithiú go ndéanfaidh na húdaráis rialála náisiúnta an méid seo a leanas:
  • go bhfuil siad cosanta ar idirghabháil sheachtrach nó ar bhrú polaitiúil a d’fhéadfadh a measúnú neamhspleách a chur i mbaol, agus
  • go bhfuil uathriail bhuiséid agus dóthain acmhainní airgeadais agus daonna ag na húdaráis náisiúnta rialála chun na sainchúraimí a sannadh dóibh a dhéanamh.

Cuspóirí agus sainchúraimí úra

go bhfuil siad cosanta ar idirghabháil sheachtrach nó ar Bhrú polaitiúil a d’fhéadfadh a Measúnú neamhspleách a chur i mbaol, agus

• Tá sé mar aidhm le rialacha neartaithe maidir le tomhaltóirí é a dhéanamh níos éasca aistriú idir soláthraithe seirbhíse agus cosaint níos fearr a thairg, mar shampla, do dhaoine a íocann síntiús le haghaidh seirbhísí cuachta. Bainfidh tomhaltóirí leas as cosaint ardleibhéil chomhchosúil ar fud AE.
• I measc na seirbhísí teileachumarsáide anois tá seirbhísí a chuirtear ar fáil ar an idirlíon agus nach n-úsáideann uimhreacha glaonna, amhail aipeanna teachtaireachtaí agus ríomhphost. Is é is aidhm do shásra athbhreithnithe a áirithiú go leanfaidh cearta tomhaltóirí de bheith stóinsithe agus cothrom le dáta de réir mar a athraíonn samhlacha gnó agus iompraíocht tomhaltóirí.
• Ní mór rochtain inacmhainne agus dhóthanach ar an idirlíon leathanbhanda a bheith ar fáil do gach tomhaltóir, beag beann ar a suíomh nó ar a n–ioncam.
• Ba cheart go mbeadh rochtain chomhionann ag daoine faoi mhíchumas ar sheirbhísí teileachumarsáide.
• Bunóidh na Ballstáit córas um rabhadh poiblí chun foláirimh a sheoladh chuig saoránaigh ar a bhfón póca i gcás tubaiste nádúrtha nó mór-éigeandála eile ina limistéar féin.
• Ní mór do na Ballstáit rialáil intuartha a sholáthar d’oibreoirí maidir le ceadúnú speictrim raidió le haghaidh leathanbhanda gan sreang ar feadh 20 bliain ar a laghad chun infheistíocht a chur chun cinn, go háirithe i nascacht 5G, agus cóineasú méadaithe na nósanna imeachta roghnúcháin náisiúnta a mhéadú trí fhóram athbhreithnithe piaraí.
• Bandaí minicíochta nua le haghaidh nascacht 5G le haghaidh naisc idirlín níos tapúla agus nascacht níos fearr, mar aon le huainiú comhordaithe ar cheadúnú speictrim agus córas rialála níos éadroime le haghaidh imscaradh trealamh líonra soghluaiste beag.
• Rialacha maidir le rochtain oibreoirí ar líonraí chun iomaíocht a spreagadh agus chun é a dhéanamh níos éasca do chuideachtaí infheistíocht a dhéanamh i mbonneagar nua fíor-ardacmhainne (luasanna íoslódála 100 Mbps nó níos mó), lena n-áirítear i gceantair iargúlta, agus rialáil éifeachtach an mhargaidh á háirithiú ag an am céanna.
• Tabharfaidh uirlisí nua aghaidh ar shaincheisteanna a d’fhéadfadh teacht chun cinn i gcúinsí áirithe margaidh. Rialachán siméadrach* i bhfeidhm maidir le soláthraithe seirbhíse na cumarsáide leictreonaí i roinnt cásanna an-sonrach chun iomaíocht a áirithiú.

Gníomhartha cur chun feidhme agus gníomhartha tarmligthe

Ghlac an Coimisiún na gníomhartha cur chun feidhme sa leanas:

• Rialachán (AE) 2019/2243 lena leagtar amach teimpléad le haghaidh achoimre an chonartha atá le húsáid ag soláthraithe seirbhísí cumarsáide leictreonaí atá ar fáil go poiblí; agus
• Rialachán (AE) 2020/1070 lena sonraítear saintréithe na bpointí rochtana gan sreang a bhfuil raon beag acu.

Ghlac an Coimisiún na gníomhartha tarmligthe seo a leanas lena bhforlíontar Treoir (AE) 2018/1972:

• Rialachán (AE)2021/654 lena socraítear uasráta foirceanta aonair uile-Aontais do ghuthghlaonna soghluaiste (muirear do ghlaonna) agus uasráta foirceanta aonair uile-Aontais do ghuthghlaonna seasta;
• Rialachán (AE) 2023/444 maidir le bearta chun rochtain éifeachtach ar sheirbhísí éigeandála a áirithiú trí chumarsáid éigeandála chuig an uimhir aonair éigeandála Eorpach “112”.

CÉN UAIR ATÁ TOSACH FEIDHME NA RIALACHA?

B’éigean an treoir a thrasuí sa dlí náisiúnta an 21 Nollaig 2020. Tá na rialacha sin i bhfeidhm ón dáta céanna.

Le Treoir (AE) 2018/1972 déantar Treoracha 2002/19/CE, 2002/20/CE agus 2002/21/CE (agus na leasuithe a rinneadh orthu ina dhiaidh sin) a athmhúnlú agus cuirtear ina n-ionad iad, ar gá iad a thrasuí sa dlí náisiúnta faoi 2003.

CÚLRA

Le haghaidh tuilleadh faisnéise, féach:

• An margadh aonair digiteach: Idirbheartaithe an Aontais tagtha ar chomhaontú polaitiúil chun rialacha teileachumarsáide an Aontais a nuashonrú — preaseisiúint (an Coimisiún Eorpach)
• An margadh aonair digiteach: Comhaontú polaitiúil maidir leis na rialacha lena múnlaítear na margaí teileachumarsáide i ré 5G — meamram (an Coimisiún Eorpach)
• Speictream san Aontas Eorpach — bileog eolais (an Coimisiún Eorpach)
• Tá gá le hinfheistíochtaí i líonraí ardluais agus ardchaighdeáin chun nascacht idirlín níos fearr agus níos fearr a bhaint amach — bileog eolais (an Coimisiún Eorpach)
• An tInnéacs um an nGeilleagar Digiteach agus an tSochaí Dhigiteach (DESI) (an Coimisiún Eorpach)
• Nascacht le haghaidh sochaí ghigighiotáin Eorpach (an Coimisiún Eorpach)
• Cumarsáid leictreonach (An Coimisiún Eorpach).

PRÍOMHTHÉARMAÍ

PRÍOMHDHOICIMÉAD

Treoir (AE) 2018/1972 ó Pharlaimint na hEorpa agus ón gComhairle an 11 Nollaig 2018 lena mbunaítear an Cód um Chumarsáid Leictreonach Eorpach (Athmhúnlú) (IO L 321, 17.12.2018, pp. 36–214).

Ionchorpraíodh sa bhuntéacs ceartúcháin i ndiaidh a chéile ar Threoir (AE) 2018/1972. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán Tarmligthe (AE) 2023/444 ón gCoimisiún an 16 Nollaig 2022 lena bhforlíontar Treoir (AE) 2018/1972 ó Pharlaimint na hEorpa agus ón gComhairle le bearta chun rochtain éifeachtach ar sheirbhísí éigeandála a áirithiú trí chumarsáid éigeandála chuig an uimhir éigeandála Eorpach aonair “112” (IO L 65, 2.3.2023, lgh. 1–8).

Féach an leagan comhdhlúite.

Rialachán (AE) 2022/612 ó Pharlaimint na hEorpa agus ón gComhairle an 6 Aibreán 2022 maidir le fánaíocht a dhéanamh ar líonraí poiblí cumarsáide soghluaiste laistigh den Aontas (athmhúnlú) (IO L 115, 13.4.2022, lgh. 1–37).

Cinneadh Cur Chun Feidhme (AE) 2022/173 ón gCoimisiún an 7 Feabhra 2022 maidir le comhchuibhiú na mbandaí minicíochta 900 MHz agus 1 800 MHz do chórais trastíre a bhfuil ar a gcumas seirbhísí cumarsáide leictreonaí a sholáthar san Aontas agus lena n-aisghairtear Cinneadh 2009/766/CE (IO L 28, 9.2.2022, lgh. 29–39).

Rialachán Tarmligthe (AE) 2021/654 ón gCoimisiún an 18 Nollaig 2020 lena bhforlíontar Treoir (AE) 2018/1972 ó Pharlaimint na hEorpa agus ón gComhairle trí uasráta foirceanta aonair uile–Aontais do ghuthghlaonna soghluaiste agus uasráta foirceanta aonair uile–Aontais do ghuthghlaonna seasta a shocrú (IO L 137, 22.4.2021, lgh. 1–9).

Rialachán Cur Chun Feidhme (AE) 2020/1070 ón gCoimisiún an 20 Iúil 2020 maidir le saintréithe pointí rochtana gan sreang a bhfuil raon beag acu a shonrú de bhun Airteagal 57 mír 2 de Threoir (AE) 2018/1972 ó Pharlaimint na hEorpa agus ón gComhairle lena mbunaítear an Cód um Chumarsáid Leictreonach Eorpach (IO L 234, 21.7.2020, lgh. 11–15).

Rialachán Cur Chun Feidhme (AE) 2019/2243 ón gCoimisiún an 17 Nollaig 2019 lena mbunaítear teimpléad le haghaidh achoimre an chonartha atá le húsáid ag soláthraithe seirbhísí cumarsáide leictreonaí atá ar fáil go poiblí de bhun Threoir (AE) 2018/1972 ó Pharlaimint na hEorpa agus ón gComhairle (IO L 336, 30.12.2019, lgh. 274–280).

Féach an leagan comhdhlúite.

Rialachán (AE) 2018/1971 ó Pharlaimint na hEorpa agus ón gComhairle an 11 Nollaig 2018 lena mbunaítear Comhlacht na Rialálaithe Eorpacha um Chumarsáid Leictreonach (BEREC) agus Gníomhaireacht Tacaíochta BEREC (Oifig BEREC), lena leasaítear Rialachán (AE) 2015/2120 agus lena n–aisghairtear Rialachán (CE) Uimh. 1211/2009 (IO L 321, 17.12.2018, lgh. 1–35).

Treoir (AE) 2016/1148 ó Pharlaimint na hEorpa agus ón gComhairle an 6 Iúil 2016 maidir le bearta chun leibhéal ard slándála líonra agus córas faisnéise a áirithiú ar fud an Aontais (OJ L 194, 19.7.2016, lgh. 1–30).

Rialachán (AE) 2015/2120 ó Pharlaimint na hEorpa agus ón gComhairle an 25 Samhain 2015 lena leagtar síos bearta maidir le rochtain oscailte ar an idirlíon agus lena leasaítear Treoir 2002/22/CE maidir le seirbhís uilíoch agus cearta úsáideoirí a bhaineann le líonraí agus seirbhísí cumarsáide leictreonaí agus Rialachán (AE) Uimh. 531/2012 maidir le fánaíocht a dhéanamh ar líonraí poiblí cumarsáide soghluaiste laistigh den Aontas (IO L 310, 26.11.2015, lgh. 1–18).

Féach an leagan comhdhlúite.

Rialachán (AE) 2015/758 ó Pharlaimint na hEorpa agus ón gComhairle an 29 Aibreán 2015 maidir le ceanglais chineálcheadaithe chun an córas eCall infheithicle atá bunaithe ar an tseirbhís 112 a chur in úsáid agus lena leasaítear Treoir 2007/46/CE (IO L 123, 19.5.2015, lgh. 77–89).

Féach an leagan comhdhlúite.

Treoir 2014/61/AE ó Pharlaimint na hEorpa agus ón gComhairle an 15 Bealtaine 2014 maidir le bearta chun an costas a bhaineann le cur in úsáid líonraí cumarsáide leictreonaí ardluais a laghdú (IO L 155, 23.5.2014, lgh. 1–14).

Cinneadh Uimh. 243/2012/AE ó Pharlaimint na hEorpa agus ón gComhairle an 14 Márta 2012 lena mbunaítear clár beartais ilbhliantúil um an speictream raidió (IO L 81, 21.3.2012, lgh. 7–17).

Féach an leagan comhdhlúite.

Cinneadh 2008/411/CE ón gCoimisiún an 21 Bealtaine 2008 maidir le comhchuibhiú an bhanda minicíochta 3 400-3 800 MHz do chórais trastíre a bheadh in ann seirbhísí cumarsáide leictreonaí a sholáthar sa Chomhphobal (ar tugadh fógra ina leith faoi uimhir dhoiciméid C(2008) 1873) (IO L 144, 4.6.2008, lgh. 77–81).

Féach an leagan comhdhlúite.

Cinneadh Uimh. 676/2002/CE ó Pharlaimint na hEorpa agus ón gComhairle an 7 Márta 2002 maidir le creat rialála don bheartas speictream raidió sa Chomhphobal Eorpach (Cinneadh maidir le Speictream Raidió) (IO L 108, 24.4.2002, lgh. 1–6).

Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le sonraí pearsanta a phróiseáil agus maidir le príobháideachas a chosaint san earnáil cumarsáide leictreonaí (Treoir um príobháideachas agus cumarsáid leictreonach) (IO L 201, 31.7.2002, lgh. 37–47).

Féach an leagan comhdhlúite.

Nuashonraithe 11.04.2023