(1)

Il-kundizzjonijiet li taħthom iċ-ċereali jiġu offruti lil u jittieħdu f’idejn l-aġenziji tal-intervent għandhom ikunu uniformi kemm jista’ jkun fil-Komunità kollha sabiex tkun evitata kwalunkwe diskriminazzjoni bejn il-produtturi. Ir-Regolament tal-Kummissjoni (KE) Nru 824/2000 (2) ma jispeċifikax b’mod espliċitu d-data tal-għeluq għall-pussess taċ-ċereali offruti f’intervent. Din id-data tal-għeluq għandha tiġi speċifikata sabiex tiġi evitata kull ambigwità.

(2)

Iċ-ċereali mhux ta’ kwalità adegwata għall-użu jew għall-ħażna m’għandhomx jiġu aċċettati f’intervent. Għal dan il-għan, għandha tiġi kkunsidrata s-sitwazzjoni l-ġdida rigward intervent, b’mod partikolari l-ħażna fit-tul ta’ ċerti ċereali u l-effetti tagħha fuq il-kwalità tal-prodott.

(3)

Għalhekk, sabiex il-prodotti ta’ intervent ikunu protetti kontra deterjorazzjoni u sabiex tinżamm l-adattabbiltà tagħhom għall-użu sussegwenti, il-kriterji tal-kwalità għall-qamħirrum stabbiliti fl-Anness I għar-Regolament (KE) Nru 824/2000 għandhom jiġu mtejba. Għal dan il-għan, il-kontenut massimu ta’ ndewwa u l-perċentwal massimu ta’ ħbub miksura u ħbub li ssaħħnu wisq matul it-tnixxif għandu jitnaqqas. Meta wieħed jikkunsidra s-similaritajiet agronomiċi tas-sorgu u l-qamħirrum, u biex ikun hemm konsistenza, għandhom jiġu stabbiliti l-istess miżuri għas-sorgu. Barra minn hekk, minħabba konsistenza maċ-ċereali l-oħra li huma eliġibbli għas-sistema tal-intervent, għandu jiġi stipulat kriterju speċifiku minimu ġdid tal-użin għall-qamħirrum.

(4)

Il-livell taż-żidiet u tat-tnaqqis fil-prezz li japplikaw għall-qamħirrum u s-sorgu stabbiliti fit-Tabelli I, II u III tal-Anness II għar-Regolament (KE) Nru 824/2000 għandhom ukoll jiġu emendati kif xieraq.

(5)

Għandhom jingħataw dettalji tal-informazzjoni li l-Istati Membri jeħtiġilhom jikkomunikaw lill-Kummissjoni biex ikun jista’ jsir rapport statistiku kull ġimagħtejn dwar l-istat tal-istokkijiet ta’ intervent.

(6)

Għal dan il-għan, għandha tinkiseb informazzjoni speċifika u din għandha tiġi elenkata abbażi ta' standard reġjonali, fl-interessi ta’ ġestjoni tajba tas-sistema tal-intervent taċ-ċereali. Għal dan il-għan, għandhom jintużaw il-livelli reġjonali stipulati fir-Regolament tal-Kunsill (KEE) Nru 837/90 tas-26 ta’ Marzu 1990 dwar informazzjoni tal-istatistika li għandha tiġi pprovduta mill-Istati Membri dwar produzzjoni ta’ ċereali (3), u l-Istati Membri huma mitluba jikkomunikaw din l-informazzjoni lill-Kummissjoni.

(7)

Fl-interessi ta’ ġestjoni tajba tas-sistema, l-informazzjoni meħtieġa mill-Kummissjoni għandha tintbagħat b’mezzi elettroniċi.

(8)

Ir-Regolament (KE) Nru 824/2000 għandu, għaldaqstant, ikun emendat kif jixraq.

(9)

L-emendi previsti f’dan ir-Regolament għandhom japplikaw għaċ-ċereali offruti fl-intervent mill-1 ta’ Novembru 2006. Għalhekk, dan ir-Regolament għandu jidħol fis-seħħ fid-data tal-pubblikazzjoni tiegħu f' Il-Ġurnal Uffiċjali tal-Unjoni Ewropea.

(10)

Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għaċ-Ċereali,

1)

Fl-Artikolu 3, il-punt 3.9 jinbidel b’dan li ġej:

2)

Fl-Artikolu 5, għandu jiżdied il-paragrafu 6 li ġej:

“6.   L-aħħar pussess għandu jsir sa mhux aktar tard mit-tieni xahar wara dak tal-kunsinna finali msemmija fit-tielet subparagrafu tal-Artikolu 4(3), u fi kwalunkwe każ mhux aktar tard mill-31 ta’ Lulju fi Spanja, il-Greċja, l-Italja u l-Portugall u sal-31 ta’ Awwissu fl-Istati Membri l-oħra.”

3)

Fl-Artikolu 9, il-punti (a) u (b) jinbidlu b’dan li ġej:

4)

Għandu jiddaħħal l-Artikolu 11a li ġej:

“Artikolu 11a

Kull Stat Membru għandu jibgħat b’mezzi elettroniċi, għal kull ċereali elenkat fl-Artikolu 5(1) tar-Regolament (KE) Nru 1784/2003:

5)

L-Annessi I u VII qed ikunu b’dan il-mezz emendati skont l-Anness għal dan ir-Regolament.

1)

L-Anness I jinbidel b’dan li ġej:

2)

Fl-Annessi VII, it-Tabelli I, II u III jinbidlu b’dawn li ġejjin:

“TABELLA I

Żidiet fil-prezz għall-kontenut ta’ ndewwa

TABELLA II

Tnaqqis fil-prezz għall-kontenut ta’ ndewwa

TABELLA III

Tnaqqis fil-prezz għall-piż speċifiku