Regolament ta’ Implimentazzjoni tal-Kunsill (UE) Nru 502/2011

tat- 23 ta’ Mejju 2011

li jimplimenta l-Artikolu 16(2) tar-Regolament (UE) Nru 204/2011 dwar miżuri restrittivi fid-dawl tas-sitwazzjoni fil-Libja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) Nru 204/2011 tat- 2 ta' Marzu 2011 dwar miżuri restrittivi fid-dawl tas-sitwazzjoni fil-Libja [1], u b'mod partikolari l-Artikolu 16(2) tiegħu,

Billi:

(1) Fit- 2 ta' Marzu 2011, il-Kunsill adotta r-Regolament (UE) Nru 204/2011 dwar miżuri restrittivi fid-dawl tas-sitwazzjoni fil-Libja.

(2) Fid-dawl tal-gravità tas-sitwazzjoni fil-Libja u f’konformità mad-Deċiżjoni ta’ Implimentazzjoni tal-Kunsill 2011/300/PESK tat- 23 ta’ Mejju 2011 li timplementa d-Deċiżjoni tal-Kunsill 2011/137/PESK tat- 28 ta’ Frar 2011 dwar miżuri restrittivi fid-dawl tas-sitwazzjoni fil-Libja [2], persuna oħra u entità oħra għandhom jiġu inklużi mal-lista ta' persuni u entitajiet soġġetti għall-miżuri restrittivi mniżżla fl-Anness III tar-Regolament (UE) Nru 204/2011,

ADOTTA DAN IR-REGOLAMENT:

Artikolu 1

Il-persuna u l-entità elenkati fl-Anness ta' dan ir-Regolament għandhom jiġu inklużi fil-lista mniżżla fl-Anness III tar-Regolament (UE) Nru 204/2011.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it- 23 ta’ Mejju 2011.

Għall-Kunsill

Il-President

C. Ashton

[1] ĠU L 58, 3.3.2011, p. 1.

[2] Ara paġna 85 ta’ dan il-Ġurnal Uffiċjali.

--------------------------------------------------

ANNESS

PERSUNA U ENTITÀ MSEMMIJA FL-ARTIKOLU 1

Persuni

| Isem | Informazzjoni ta' identifikazzjoni | Raġunijiet | Data ta' elenkar |

1. | Kurunell Taher Juwadi | Ir-raba' fil-linja tal-kmand tal-Gwardja Rivoluzzjonarja | Membru Ewlieni fil-regim ta' Qadhafi | 23.05.2011 |

Entitajiet

| Isem | Informazzjoni ta' identifikazzjoni | Raġunijiet | Data ta' elenkar |

1. | Afriqiyah Airways | Afriqiyah Airways L-Ewwel Sular Bini Waha 273, Triq Omar Almokhtar Kaxxa Postali 83428 Tripli, Libja indirizz elettroniku: afriqiyah@afriqiyah.aero | Sussidjarja Libjana ta'/li hija l-proprjetá tal-Libyan African Investment Portfolio, entitá li hija proprjetá u taħt il-kontroll tar-regim u indikata mir-regolament tal-UE. | 23.05.2011 |

--------------------------------------------------