20071205

Deċiżjoni tal-Kummissjoni

tal- 5 ta’ Diċembru 2007

li temenda d-Deċiżjoni 2007/554/KE dwar ċerti miżuri ta’ protezzjoni kontra l-marda ta’ l-ilsien u d-dwiefer fir-Renju Unit

(notifikata taħt id-dokument numru C(2007) 5890)

(Test b’relevanza għaż-ŻEE)

(2007/796/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 89/662/KEE tal- 11 ta’ Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern [1], u b’mod partikolari l-Artikolu 9(4) tagħha,

Wara li kkunsidrat id-Direttiva tal-Kunsill 90/425/KEE tas- 26 ta’ Ġunju 1990 dwar il-kontrolli veterinarji u żootekniċi applikabbli għall-kummerċ intra-Komunitarju ta’ ċerti annimali ħajjin u prodotti bil-ħsieb tat-tlestija tas-suq intern [2], u b’mod partikolari l-Artikolu 10(4) tagħha,

Wara li kkunsidrat id-Direttiva tal-Kunsill 2003/85/KE tad- 29 ta’ Settembru 2003 dwar miżuri tal-Komunità għall-kontroll tal-marda ta’ l-ilsien u d-dwiefer li tħassar id-Direttiva 85/511/KEE u d-Deċiżjonijiet 89/531/KEE u 91/665/KEE, u li temenda d-Direttiva 92/46/KEE [3], u b’mod partikolari l-Artikolu 60(2) u l-Artikoli 62(1) u (3) tagħha,

Billi,

(1) Wara t-tifqigħat reċenti tal-marda ta’ l-ilsien u d-dwiefer fil-Gran Brittanja, ġiet adottata d-Deċiżjoni tal-Kummissjoni 2007/554/KE tad- 9 ta’ Awwissu 2007 rigward ċerti miżuri ta’ protezzjoni kontra l-marda ta’ l-ilsien u d-dwiefer fir-Renju Unit li tħassar id-Deċiżjoni 2007/552/KE [4] biex jissaħħu l-miżuri ta’ kontroll tal-marda ta’ l-ilsien u d-dwiefer meħudin minn dak l-Istat Membru fil-qafas tad-Direttiva tal-Kunsill 2003/85/KE.

(2) Id-Deċiżjoni 2007/554/KE tistipula regoli applikabbli għad-dispaċċ miż-żoni ta’ riskju għoli, elenkati fl-Anness I, u ż-żoni ta’ riskju baxx elenkati fl-Anness II, ta’ dik id-Deċiżjoni ("żoni ristretti"), fil-Gran Brittanja ta’ prodotti kkunsidrati sikuri li, jew ġew prodotti qabel ma daħlu fis-seħħ ir-restrizzjonijiet fir-Renju Unit, minn materja prima li nkisbet barra minn dawn iż-żoni ristretti, inkella sarilhom trattament li huwa ppruvat effettiv għall-inattivazzjoni tal-virus tal-marda possibbli ta’ l-ilsien u d-dwiefer.

(3) Fid-Deċiżjoni 2007/554/KE, kif emendata bid-Deċiżjoni 2007/664/KE, il-Kummissjoni stipulat ir-regoli għad-dispaċċ ta’ ċerti kategoriji ta’ laħam minn ċerti żoni elenkati fl-Anness III tad-Deċiżjoni 2007/554/KE, kif emendata, fejn ma ġewx irreġistrati tifqigħat tal-marda ta’ l-ilsien u d-dwiefer għallinqas għal perjodu ta’ 90 jum qabel il-qtil u li jikkonformaw ma’ ċerti kundizzjonijiet speċifikati.

(4) Fuq il-bażi ta’ l-evoluzzjoni tal-qagħda tas-saħħa ta’ l-annimali fir-Renju Unit, u b’mod partikolari r-riżultati tas-sorveljanza attwali, issa huwa possibbli li jitkabbru aktar iż-żoni elenkati fl-Anness II u li titnaqqas iż-żona li tikkonsisti minn unitajiet amministrattivi elenkati fl-Anness I tad-Deċiżjoni 2007/554/KE.

(5) Id-Deċiżjoni 2007/554/KE għandha għalhekk tiġi emendata skond dan.

(6) Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

L-Annessi I, II u III tad-Deċiżjoni 2007/554/KE jinbidlu bit-test fl-Anness.

Artikolu 2

Implimentazzjoni

L-Istati Membri għandhom jemendaw il-miżuri li huma japplikaw għall-kummerċ biex iġibuhom konformi ma’ din id-Deċiżjoni. Huma għandhom jgħarrfu lill-Kummissjoni b’dan minnufih.

Artikolu 3

Destinatarji

Din id-Deċiżjoni hija indirizzata lill-Istati Membri.

Magħmula fi Brussell, 5 ta’ Diċembru 2007.

Għall-Kummissjoni

Markos Kyprianou

Membru tal-Kummissjoni

[1] ĠU L 395, 30.12.1989, p. 13, id-Direttiva kif emendata l-aħħar bid-Direttiva 2004/41/KE tal-Parlament Ewropew u tal-Kunsill (ĠU L 157, 30.4.2004, p. 33).

[2] ĠU L 224, 18.8.1990, p. 29. Id-Direttiva kif emendata l-aħħar bid-Direttiva 2002/33/KE tal-Parlament Ewropew u tal-Kunsill (ĠU L 315, 19.11.2002, p. 14).

[3] ĠU L 306, 22.11.2003, p. 1. Id-Direttiva kif emendata l-aħħar bid-Direttiva 2006/104/KE (ĠU L 363, 20.12.2006, p. 352).

[4] ĠU L 210, 10.8.2007, p. 36. Id-Deċiżjoni kif emendata l-aħħar bid-Deċiżjoni 2007/746/KE (ĠU L 303, 21.11.2007, p. 24).

--------------------------------------------------

20071205

ANNESS

"

"

20071205

ANNESS I

Iż-żoni li ġejjin fir-Renju Unit:

1 | 2 | 3 |

GRUPP | ADNS | Unità Amministrattiva |

L-Ingilterra | 41 | Bracknell Forest Borough |

66 | Slough |

76 | Windsor and Maidenhead |

77 | Wokingham |

138 | Buckinghamshire County, id-distretti ta’: South Buckinghamshire |

148 | Hampshire County, id-distretti ta’: HartRushmoor |

163 | Surrey |

168 | L-Awtorità ta’ Greater London, il-boroughs ta’: HillingdonHounslowRichmond upon ThamesKingston upon ThamesEalingHarrowBrentHammersmith and FulhamWandsworthMertonSutton |

""

20071205

ANNESS II

Iż-żoni li ġejjin fir-Renju Unit:

Il-Gran Britanja bl-eċċezzjoni taż-żoni elenkati fl-Anness I

""

20071205

ANNESS III

Iż-żoni li ġejjin elenkati fl-Anness I għandu jkollhom l-istatus ta’ żoni elenkati fl-Anness III:

ADNS = Animal Disease Notification System Code – Kodiċi ta’ Sistema ta’ Notifikazzjoni għall-Mard ta’ l-Annimali (Deċiżjoni 2005/176/KE)

B = laħam tal-bovini

S/G = laħam tan-ngħaġ u l-mogħoż [laħam ta’ annimali ovini u kaprini]

P = laħam tal-majjal [laħam ta’ annimali porċini]

FG = annimali tal-kaċċa mrobbija suxxettibbli għall-marda ta’ l-ilsien u d-dwiefer

WG = annimali selvaġġi tal-kaċċa suxxettibbli għall-marda ta’ l-ilsien u d-dwiefer

1 | 2 | 3 | 4 | 5 | 6 | 7 | 8 |

GRUPP | ADNS | Unità Amministrattiva | B | S/G | P | FG | WG |

L-Ingilterra | 41 | Bracknell Forest | + | + | + | + | |

66 | Slough | + | + | + | + | |

76 | Windsor and Maidenhead | + | + | + | + | |

77 | Wokingham | + | + | + | + | |

138 | Buckinghamshire County, id-distretti ta’: | | | | | |

South Buckinghamshire | + | + | + | + | |

148 | Hampshire County, id-distretti ta’: | | | | | |

Hart | + | + | + | + | |

Rushmoor | + | + | + | + | |

163 | Surrey County | + | + | + | + | |

168 | L-Awtorità ta’ Greater London, il-boroughs ta’: | | | | | |

Hillingdon | + | + | + | + | |

Hounslow | + | + | + | + | |

Richmond upon Thames | + | + | + | + | |

Kingston upon Thames | + | + | + | + | |

Ealing | + | + | + | + | |

Harrow | + | + | + | + | |

Brent | + | + | + | + | |

Hammersmith and Fulham | + | + | + | + | |

Wandsworth | + | + | + | + | |

Merton | + | + | + | + | |

Sutton | + | + | + | + | |

"

"

--------------------------------------------------