[pic] | KUMMISSJONI TAL-KOMUNITAJIET EWROPEJ |

Brussel 5.4.2005

KUMM(2005) 114 finali

2005/0027 (ACC)

Proposta għal

REGOLAMENT TAL-KUNSILL

li jemenda r-Regolament (KE) Nru 827/2004 fir-rigward tal-projbizzjoni tat-tonn bigeye impurtat mill-Kambodja, Ginea Ekwatorjali u s-Sierra Leone, u jirrevoka r-Regolament (KE) Nru 826/2004 li jwaqqaf l-importazzjoni tat-tonn blue-fin mill-Ginea Ekwatorjali u s-Sierra Leone u r-Regolament (KE) Nru 828/2004 li jwaqqaf l-importazzjoni tal-pixxispad mis-Sierra Leone

(preżentata mill-Kummissjoni)

MEMORANDUM TA' SPJEGAZZJONI

Il-Komunità ilha Parti Kontraenti għall-Konvenzjoni Internazzjonali għall-Konservazzjoni tat-Tonn Atlantiku ffirmata f’ Rio de Janeiro fl-14 ta’ Mejju 1966, kif emendata mill-Protokoll anness ma’ l-Att Finali tal-Konferenza ta’ Plenipotenzjarji ta’ l-Istati li huma Partijiet għall-Konvenzjoni ffirmata f’Pariġi fl-10 ta’ Lulju 1984 (minn hawn 'il quddiem “il-Konvenzjoni ICCAT”) sa mill-14 ta’ Novembru 1997, wara l-adozzjoni tad-deċiżjoni tal-Kunsill 86/238/KEE[1].

Il-Konvenzjoni ICCAT tipprovdi qafas għal kooperazzjoni reġjonali fil-konservazzjoni u l-ġestjoni tat-tonn u l-ispeċi li jixbaħ it-tonn fl-Oċeanu Atlantiku u l-ibħra li jmissu miegħu permezz tal-ħolqien ta’ Kummissjoni Internazzjonali għall-Konservazzjoni tat-Tonn Atlantiku (minn hawn ’il quddiem “l-ICCAT”) u l-adozzjoni minn dan il-korp ta’ miżuri ta’ konservazzjoni u ġestjoni li jorbtu lill-Partijiet Kontraenti.

Fl-1998, l-ICCAT adottat ir-risoluzzjoni 98-18 dwar il-qabdiet ta' tonn mhux dikjarati u mhux skond ir-regolamenti minn bastimenti kbar li jużaw il-konzijiet fiż-żona ta’ Konservazzjoni. Din ir-riżoluzzjoni tistabbilixxi proċeduri għall-identifikazzjoni ta’ pajjiżi li l-bastimenti tagħhom kienu stadu għat-tonn u għal speċi li jixbaħ it-tonn b’mod li naqqas l-effetività tal-miżuri ta’ konservazzjoni u ġestjoni ta’ l-ICCAT. Ir-riżoluzzjoni speċifikat ukoll miżuri li għandhom jittieħdu, li jinkludu jekk meħtieġ miżuri restrittivi tal-kummerċ mhux diskriminatorji fil-forma ta’ projbizzjonijiet ta' l-importazzjoni, sabiex iżżomm lil dawn il-bastimenti tal-pajjiżi milli jkomplu din l-attività ta’ sajd.

Fil-preżent hemm tliet Regolamenti fis-seħħ fil-Komunità li jagħtu effett lir-rakkomandazzjonijiet fir-rigward tal-miżuri kummerċjali adottati mill-ICCAT. Dawn huma:

- Ir-Regolament (KE) Nru 826/2004 tas-26 ta’ April 2004 li jwaqqaf l-importazzjoni tat-tonn blue-fin ta’ l-Atlantiku ( Thunnus thynnus ) li joriġina mill-Ginea Ekwatorjali u s-Sierra Leone u jirrevoka r-Regolament (KE)Nru 2092/2000[2],

- Ir-Regolament (KE) Nru 827/2004 tas-26 ta’ April 2004 li jwaqqaf l-importazzjoni tat-tonn bigeye ta’ l-Atlantiku ( Thunnus obesus ) li joriġina mill-Bolivja, Kambodja, Ginea ekwatorjali, Ġeorġia u s-Sierre Leone u jirrevokar-Regolament (KE) Nru 1036/2001[3],

- Ir-Regolament (KE) Nru 828/2004 tas-26 ta’ April 2004 li jwaqqaf l-importazzjoni tal-pixxispad ta’ l-Atlantiku ( Xiphias gladius) li joriġina mis-Sierra Leone u jirrevoka r-Regolament (KE) Nru 2093/2000[4].

Fl-14-il Laqgħa Speċjali li saret fi New Orleans, bejn il-15 u l-21 ta’ Novembru 2004, l-ICCAT għarfet l-isforzi magħmula mill-Kambodja, Ginea Ekwatorjali u s-Sierra Leone biex jindirizzaw it-tħassib tagħha u adottat rakkomandazzjonijiet biex tneħħi miżuri restrittivi tal-kummerċ fil-konfront ta’ dawn it-tliet pajjiżi.

Bħala Parti Kontraenti għall-ICCAT, il-Komunità għandha tagħti effett lil dawn ir-rakkomandazzjonijiet fil-leġislazzjoni tal-Komunità.

Il-Kummissjoni tipproponi li l-Kunsill jadotta l-proposta annessa għal Regolament li jemenda r-Regolament (KE) Nru 827/2004 fir-rigward tal-Kambodja, il-Ginea Ekwatorjali u s-Sierra Leone u jirrevoka r-Regolamenti (KE) Nru 826/2004 u 828/2004.

2005/0027 (ACC)

Proposta għal

REGOLAMENT TAL-KUNSILL

li jemenda r-Regolament (KE) Nru 827/2004 fir-rigward tal-projbizzjoni tat-tonn bigeye impurtat mill-Kambodja, Ginea Ekwatorjali u s-Sierra Leone, u jirrevoka r-Regolament (KE) Nru 826/2004 li jwaqqaf l-importazzjoni tat-tonn blue-fin mill-Ginea Ekwatorjali u s-Sierra Leone u r-Regolament (KE) Nru 828/2004 li jwaqqaf l-importazzjoni tal-pixxispad mis-Sierra Leone

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133 tiegħu,

Wara li kkunsidra l-proposta mill-Kummissjoni[5],

Billi:

(1) Il-Komunità ilha Parti Kontraenti għall-Konvenzjoni Internazzjonali għall-Konservazzjoni tat-Tonn Atlantiku ffirmata f’ Rio de Janeiro fl-14 ta’ Mejju 1966, kif emendata mill-Protokoll anness ma’ l-Att Finali tal-Konferenza ta’ Plenipotenzjarji ta’ l-Istati li huma Partijiet għall-Konvenzjoni ffirmata f’Pariġi fl-10 ta’ Lulju 1984 (“il-Konvenzjoni ICCAT”) sa mill-14 ta’ Novembru 1997, wara l-adozzjoni tad-deċiżjoni tal-Kunsill 86/238/KEE[6].

(2) Il-Konvenzjoni ICCAT tipprovdi qafas għal kooperazzjoni reġjonali fil-konservazzjoni u l-ġestjoni tat-tonn u l-ispeċi li jixbaħ it-tonn fl-Oċeanu Atlantiku u l-ibħra li jmissu miegħu permezz tal-ħolqien ta’ Kummissjoni Internazzjonali għall-Konservazzjoni tat-Tonn Atlantiku (“l-ICCAT”) u l-adozzjoni minn dan il-korp ta’ miżuri ta’ konservazzjoni u ġestjoni li jorbtu lill-Partijiet Kontraenti.

(3) Fl-1998, l-ICCAT adottat ir-risoluzzjoni 98-18 dwar il-qabdiet ta' tonn mhux dikjarati u mhux skond ir-regolamenti minn bastimenti kbar li jużaw il-konzijiet fiż-żona ta’ Konservazzjoni. Din ir-riżoluzzjoni tistabbilixxi proċeduri għall-identifikazzjoni ta’ pajjiżi li l-bastimenti tagħhom kienu stadu għat-tonn u għal speċi li jixbaħ it-tonn b’mod li naqqas l-effetività tal-miżuri ta’ konservazzjoni u ġestjoni ta’ l-ICCAT. Ir-riżoluzzjoni speċifikat ukoll miżuri li għandhom jittieħdu, li jinkludu jekk meħtieġ miżuri restrittivi tal-kummerċ mhux diskriminatorji fil-forma ta’ projbizzjonijiet ta' l-importazzjoni, sabiex iżżomm lil dawk il-bastimenti tal-pajjiżi milli jkomplu din l-attività ta’ sajd.

(4) Ladarba l-adozzjoni tar-riżoluzzjoni 98-18, ta' l-ICCAT identifikat il-Bolivja, il-Kambodja, il-Ginea Ekwatorjali, il-Ġeorġia u s-Sierra Leone bħala pajjiżi li l-bastimenti tagħhom jistadu għat-tonn bigeye ta’ l-Atlantiku ( Thunnus obesus ) b’mod li jnaqqas l-effettività tal-miżuri ta’ konservazzjoni u ġestjoni ta’ l-organizzazzjoni u li jsaħħu l-konklużjonijiet tagħha b’data rigward il-qabdiet, il-kummerċ u l-attivitajiet tal-bastimenti.

(5) L-ICCAT identifikat ukoll il-Ginea Ekwatorjali u s-Sierra Leone bħala pajjiżi li l-bastimenti tagħhom jistadu għat-tonn blue-fin ta’ l-Atlantiku ( Thunnus thynnus ) b’mod li jnaqqas l-effettività tal-miżuri ta’ konservazzjoni u ġestjoni ta’ l-organizzazzjoni.

(6) L-ICCAT apparti hekk identifikat is-Sierra Leone bħala pajjiż li l-bastimenti tiegħu jistadu għall-pixxispad Atlantiku ( Xiphias gladius ) b’mod li jnaqqas l-effettività tal-miżuri ta’ konservazzjoni u ġestjoni ta’ l-organizzazzjoni.

(7) L-importazzjonijiet ta’ tonn bigeye ta’ l-Atlantiku li joriġinaw fil-Bolivja, Kambodja, Ginea Ekwatorjali, Ġeorġia u s-Sierra Leone fil-preżent huma projbiti mir-Regolament (KE) Nru 827/2004[7].

(8) L-importazzjonijiet ta’ tonn blue-fin ta’ l-Atlantiku li joriġinaw fil-Bolivja, Kambodja, Ginea Ekwatorjali, Ġeorġia u s-Sierra Leone fil-preżent huma projbiti mir-Regolament (KE) Nru 826/2004[8].

(9) L-importazzjonijiet tal-pixxispad ta’ l-Atlantiku li joriġinaw fis-Sierra Leone fil-preżent huma fil-preżent projbiti mir-Regolament (KE) Nru 828/2004[9].

(10) Fl-14-il Laqgħa Speċjali fl-2004, l-ICCAT għarfet l-isforzi magħmula mill-Kambodja, Ginea Ekwatorjali u s-Sierra Leone biex jindirizzaw it-tħassib tagħha u adottat rakkomandazzjonijiet biex tneħħi miżuri restrittivi tal-kummerċ fil-konfront ta’ dawn it-tliet pajjiżi

(11) Ir-Reġolament (KE) Nru 827/2004 għandu għalhekk jiġi emendat,

(12) Ir-Regolamenti (KE) Nru 826 u 828/2004 għandhom għalhekk jiġu rrevokati,

ADOTTA DAN IR-REGOLAMENT:

Artikolu 1

Ir-Regolament (KE) Nru 827/2004 qiegħed jiġi emendat kif ġej:

1. Fl-Artikolu 2(1), “il-Kambodja, il-Ginea Ekwatorjali u s-Sierra Leone” hija mħassra;

2. Fl-Artikolu 3 “Il-Bolivja, il-Ġeorġia u s-Sierra Leone” hija mibdula minn “il-Bolivja u l-Ġeorġia”.

Artikolu 2

Ir-Regolamenti (KE) Nru 826 u 828/2004 għandhom jiġu rrevokati.

Artikolu 3

Dan ir-Regolament għandu jidħol fis-seħħ fis-seba’ jum wara l-jum tal-pubblikazzjoni tiegħu fil- Ġurnal Uffiċjali ta’ l-Unjoni Ewropea .

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Kunsill

Il-President

[1] ĠU L 162, tat-18.6.1986, p. 33

[2] ĠU L 127, tad-29.4.2004, p. 19

[3] ĠU L 127, tad-29.4.2004, p. 21

[4] ĠU L 127, tad-29.4.2004, p. 23

[5] ĠU C [...], [...], p.[...]

[6] ĠU L 162, tat-18.6.1986, p. 33

[7] ĠU L 127, tad-29.4.2004, p. 21

[8] ĠU L 127, tad-29.4.2004, p. 19

[9] ĠU L 127, tad-29.4.2004, p. 23