24.2.2020 |
MT |
Il-Ġurnal Uffiċjali tal-Unjoni Ewropea |
C 61/53 |
Rikors ippreżentat fis-17 ta’ Diċembru 2019 – AI et vs ECDC
(Kawża T-864/19)
(2020/C 61/67)
Lingwa tal-kawża: l-Ingliż
Partijiet
Rikorrenti: AI AI, HV, HW u HY (rappreżentanti: L. Levi u A. Champetier, lawyers)
Konvenut: Iċ-Ċentru Ewropew għall-Prevenzjoni u l-Kontroll tal-Mard (ECDC)
Talbiet
Ir-rikorrenti jitolbu li l-Qorti Ġenerali jogħġobha:
— |
tannulla d-deċiżjoni tal-ECDC tal-11 ta’ Frar 2019 li tiċħad it-talba tagħhom għal kumpens tal-11 ta’ Ottubru 2018; |
— |
-tannulla, jekk ikun il-każ, id-deċiżjoni tal-10 ta’ Settembru 2019 li tiċħad l-ilment tagħhom tal-10 ta’ Mejju 2019; |
— |
tikkundanna l-kumpens tad-dannu materjali u morali allegatament subit mir-rikorrenti |
— |
tikkundanna lill-konvenut għall-ispejjeż. |
Motivi u argumenti prinċipali
Insostenn tar-rikors tagħhom, ir-rikorrenti wara li speċifikaw is-sitwazzjonijiet fattwali tagħhom, ressqu l-allegazzjonijiet i tagħhom dwar il-ħtija mwettqa mill-konvenut, id-dannu mġarrab u r-rabta bejn il-ħtija u d-dannu.