26.11.2018 |
MT |
Il-Ġurnal Uffiċjali tal-Unjoni Ewropea |
C 427/102 |
Rikors ippreżentat fit-8 ta’ Ottubru 2018 – Universität Koblenz-Landau vs EACEA
(Kawża T-606/18)
(2018/C 427/135)
Lingwa tal-kawża: il-Ġermaniż
Partijiet
Rikorrenti: Universität Koblenz-Landau (Mainz, il-Ġermanja) (rappreżentanti: C. von der Lühe u I. Felder, avukati)
Konvenuta: L-Aġenzija Eżekuttiva għall-Edukazzjoni, l-Awdjoviżiv u l-Kultura (EACEA)
Talbiet
Ir-rikorrenti titlob li l-Qorti Ġenerali jogħġobha:
— |
tiddikjara li t-talbiet, magħmula permezz ta’ ittra tal-konvenuta tat-8 ta’ Awwissu 2018 bir-referenza EACEA/A4/RR-am D(2018)011591, għall-irkupru tal-Grant Agreement 2012-3075/001-001 ta’ ammont ta’ EUR 22 454,22, ma humiex fondati; |
— |
tikkundanna lill-konvenuta tħallas lir-rikorrenti is-somma ta’ EUR 41 408,15 flimkien ma’ interessi sa disa’ punti perċentwali ogħla mir-rata bażika tal-interessi applikata mill-Bank Ċentrali Ewropew sa mit-30 ta’ Marzu 2018; |
— |
tikkundanna lill-konvenuta għall-ispejjeż tal-kawża. |
Motivi u argumenti prinċipali
Ir-rikors huwa bbażat fuq il-motivi li ġejjin:
1. |
Eebda rikonoxximent sħiħ tal-ispejjeż rimborsabbli minkejja l-produzzjoni ta’ provi xierqa |
2. |
Nuqqas ta’ motivazzjoni jew motivazzjoni insuffiċjenti tar-rifjut ta’ rikonoxximent tal-ispejjeż rimborsabbli. |