5.2.2018 |
MT |
Il-Ġurnal Uffiċjali tal-Unjoni Ewropea |
C 42/3 |
Talba għal deċiżjoni preliminari mressqa mill-Okresný súd Dunajská Streda (is-Slovakkja) fit-8 ta’ Novembru 2017 – ZSE Energia a.s. vs RG
(Kawża C-627/17)
(2018/C 042/06)
Lingwa tal-kawża: is-Slovakk
Qorti tar-rinviju
Okresný súd Dunajská Streda (is-Slovakkja)
Partijiet fil-kawża prinċipali
Rikorrenti: ZSE Energia a.s.
Konvenut: RG
Parti intervenjenti: ZSE Energia CZ, s.r.o.
Domandi preliminari
1) |
Il-kunċett ta’ “waħda mill-partijiet”, imsemmi fl-Artikolu 3(1) tar-Regolament (KE) Nru 861/2007 tal-Parlament Ewropew u tal-Kunsill, tal-11 ta’ Lulju 2007 (1), li jistabbilixxi Proċedura Ewropea għal Talbiet Żgħar (ĠU L 199, tal-31 ta’ Lulju 2007, p. 1; iktar ’il quddiem ir-“Regolament Nru 861/2007”), għandu jiġi interpretat fis-sens li jinkludi wkoll lill-“parti intervenjenti”, jiġifieri l-persuna li tieħu sehem fil-proċeduri li ma hi la r-rikorrent u lanqas il-konvenut, iżda li tintervjeni fil-proċeduri biss insostenn tar-rikorrent jew tal-konvenut? |
2) |
Jekk il-“parti intervenjenti” ma għandhiex tiġi kkwalifikata bħala “parti” fis-sens tal-Artikolu 3(1) tar-Regolament Nru 861/2007: Proċeduri mressqa permezz tal-formola A tal-Anness għar-Regolament Nru 861/2007, bejn rikorrent u konvenut, jaqaw taħt il-kamp ta’ applikazzjoni tar-Regolament Nru 861/2007 fis-sens tad-dispożizzjonijiet magħquda tal-Artikolu 2(1) u tal-Artikolu 3(1) tal-imsemmi regolament, jekk ir-rikorrent u l-konvenut ikunu ddomiċiljati fl-istess Stat Membru li għandu ġurisdizzjoni u fejn il-“parti intervenjenti” biss hija ddomiċiljata fi Stat Membru ieħor? |