|
25.4.2016 |
MT |
Il-Ġurnal Uffiċjali tal-Unjoni Ewropea |
C 145/23 |
Talba għal deċiżjoni preliminari mressqa mill-Upper Tribunal (Tax and Chancery Chamber) (ir-Renju Unit) fil-15 ta’ Frar 2016 – The English Bridge Union Limited vs Commissioners for Her Majesty’s Revenue & Customs
(Kawża C-90/16)
(2016/C 145/29)
Lingwa tal-kawża: l-Ingliż
Qorti tar-rinviju
Upper Tribunal (Tax and Chancery Chamber)
Partijiet fil-kawża prinċipali
Rikorrenti: The English Bridge Union Limited
Konvenuta: Commissioners for Her Majesty’s Revenue & Customs
Domandi preliminari
|
1) |
Liema huma l-karatteristiċi essenzjali li attività għandu jkollha sabiex din tkun “sport” fis-sens tal-Artikolu 132(1)(m) tad-Direttiva tal-Kunsill 2006/112/KE (1), tat-28 ta’ Novembru 2006 (iktar ’il quddiem id-“Direttiva tal-VAT”)? Attività għandha b’mod partikolari tinkludi element fiżiku sinjifikattiv (jew mhux insinjifikattiv) li jkun determinanti għar-riżultat tagħha jew huwa biżżejjed li din tkun tinvolvi element mentali sinjifikattiv li jkun determinanti għar-riżultat tagħha? |
|
2) |
Id-duplicate contract bridge huwa “sport” fis-sens tal-Artikolu 132(1)(m) tad-Direttiva tal-VAT? |
(1) Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud (ĠU L 347, p. 1)